शास्तृ पञ्चाक्षरस्तोत्रम्

शास्तृ पञ्चाक्षरस्तोत्रम्

ॐ - ओङ्कारमूर्तिमार्तिघ्नं देवं हरिहरात्मजम् । शबरीपीठनिलयं शास्तारं प्रणतोऽस्म्यहम् ॥ १॥ न - नक्षत्रनाथवदनं नाथं त्रिभुवनावनम् । नमिताशेषभुवनं शास्तारं प्रणतोऽस्म्यहम् ॥ २॥ म - मन्मथायुतसौन्दर्यं महाभूतनिषेवितम् । मृगयारसिकं शूरं शास्तारं प्रणतोऽस्म्यहम् ॥ ३॥ शि - शिवप्रदायिनं भक्तदैवतं पाण्ड्यबालकम् । शार्दूलदुग्धहर्तारं शास्तारं प्रणतोऽस्म्यहम् ॥ ४॥ वा - वारणेन्द्रसमारूढं विश्वत्राणपरायणम् । वेत्रोद्भासिकराम्भोजं शास्तारं प्रणतोऽस्म्यहम् ॥ ५॥ य - यक्षिण्यभिमतं पूर्णापुष्कलापरिसेवितम् । क्षिप्रप्रसादकं नित्यं शास्तारं प्रणतोऽस्म्यहम् ॥ ६॥ इति श्रीशास्तृ पञ्चाक्षरस्तोत्रं सम्पूर्णम् ॥ Encoded Antaratma antaratma at Safe-mail.net Proofread by Antaratma, PSA Easwaran
% Text title            : shAstApancaaxarastotram
% File name             : shaastaapancaaxarastotram.itx
% itxtitle              : shAstRi pancAkSharastotram
% engtitle              : shAstRRi pancAxarastotram
% Category              : deities_misc, ayyappa, stotra
% Location              : doc_deities_misc
% Sublocation           : deities_misc
% SubDeity              : ayyappa
% Texttype              : stotra
% Language              : Sanskrit
% Subject               : Hinduism/religion/traditional
% Transliterated by     : Antaratma antaratma at Safe-mail.net
% Proofread by          : Antaratma, PSA Easwaran
% Latest update         : July 10, 2021
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org