{॥ ଶ୍ରୀଵେଙ୍କଟେଶ ସୁପ୍ରଭାତମ୍ ॥}
॥ ଶ୍ରୀଃ ॥
॥ ଅଥ ଶ୍ରୀ ଵେଙ୍କଟେଶ ସୁପ୍ରଭାତମ୍ ॥
କୌସଲ୍ଯା ସୁପ୍ରଜା ରାମ ପୂର୍ଵା ସନ୍ଧ୍ଯା ପ୍ରଵର୍ତତେ
ଉତ୍ତିଷ୍ଠ ନରଶାର୍ଦୂଲ କର୍ତଵ୍ଯଂ ଦୈଵମାହ୍ନିକମ୍ ॥ ୧

ଉତ୍ତିଷ୍ଠୋତ୍ତିଷ୍ଠ ଗୋଵିନ୍ଦ ଉତ୍ତିଷ୍ଠ ଗରୁଡଧ୍ଵଜ
ଉତ୍ତିଷ୍ଠ କମଲାକାନ୍ତ ତ୍ରୈଲୋକ୍ଯଂ ମଙ୍ଗଲଂ କୁରୁ ॥ ୨

ମାତସ୍ସମସ୍ତଜଗତାଂ ମଧୁକୈଟଭାରେଃ
ଵକ୍ଷୋଵିହାରିଣି ମନୋହରଦିଵ୍ଯମୂର୍ତେ ।
ଶ୍ରୀସ୍ଵାମିନି ଶ୍ରିତଜନପ୍ରିଯଦାନଶୀଲେ
ଶ୍ରୀଵେଙ୍କଟେଶଦଯିତେ ତଵ ସୁପ୍ରଭାତମ୍ ॥ ୩

ତଵ ସୁପ୍ରଭାତମରଵିନ୍ଦଲୋଚନେ
ଭଵତୁ ପ୍ରସନ୍ନମୁଖଚନ୍ଦ୍ରମଣ୍ଡଲେ ।
ଵିଧିଶଙ୍କରେନ୍ଦ୍ରଵନିତାଭିରର୍ଚିତେ
ଵୃଷଶୈଲନାଥଦଯିତେ ଦଯାନିଧେ ॥ ୪

ଅତ୍ର୍ଯାଦିସପ୍ତଋଷଯସ୍ସମୁପାସ୍ଯ ସନ୍ଧ୍ଯାଂ
ଆକାଶସିନ୍ଧୁକମଲାନି ମନୋହରାଣି ।
ଆଦାଯ ପାଦଯୁଗମର୍ଚଯିତୁଂ ପ୍ରପନ୍ନାଃ
ଶେଷାଦ୍ରିଶେଖରଵିଭୋ ତଵ ସୁପ୍ରଭାତମ୍ ॥ ୫

ପଞ୍ଚାନନାବ୍ଜଭଵଷଣ୍ମୁଖଵାସଵାଦ୍ଯାଃ
ତ୍ରୈଵିକ୍ରମାଦିଚରିତଂ ଵିବୁଧାଃ ସ୍ତୁଵନ୍ତି ।
ଭାଷାପତିଃ ପଠତି ଵାସର ଶୁଦ୍ଧିମାରାତ୍
ଶେଷାଦ୍ରିଶେଖରଵିଭୋ ତଵ ସୁପ୍ରଭାତମ୍ ॥ ୬

ଈଷତ୍ପ୍ରଫୁଲ୍ଲସରସୀରୁହନାରିକେଲ
ପୂଗଦ୍ରୁମାଦିସୁମନୋହରପାଲିକାନାମ୍ ।
ଆଵାତି ମନ୍ଦମନିଲସ୍ସହ ଦିଵ୍ଯଗନ୍ଧୈଃ
ଶେଷାଦ୍ରିଶେଖରଵିଭୋ ତଵ ସୁପ୍ରଭାତମ୍ ॥ ୭

ଉନ୍ମୀଲ୍ଯ ନେତ୍ରଯୁଗମୁତ୍ତମ ପଂଜରସ୍ଥାଃ
ପାତ୍ରାଵଶିଷ୍ଟକଦଲୀଫଲପାଯସାନି ।
ଭୁକ୍ତ୍ଵା ସଲୀଲମଥ କେଲିଶୁକାଃ ପଠନ୍ତି
ଶେଷାଦ୍ରିଶେଖରଵିଭୋ ତଵ ସୁପ୍ରଭାତମ୍ ॥ ୮

ତନ୍ତ୍ରୀପ୍ରକର୍ଷମଧୁରସ୍ଵନଯା ଵିପଞ୍ଚ୍ଯା
ଗାଯତ୍ଯନନ୍ତିଚରିତଂ ତଵ ନାରଦୋଽପି ।
ଭାଷାସମଗ୍ରମସକୃତ୍କରଚାରରମ୍ଯଂ
ଶେଷାଦ୍ରିଶେଖରଵିଭୋ ତଵ ସୁପ୍ରଭାତମ୍ ॥ ୯

ଭୃଙ୍ଗାଵଲୀ ଚ ମକରନ୍ଦରସାନୁଵିଦ୍ଧ
ଝଙ୍କାରଗୀତ ନିନଦୈଃସହ ସେଵନାଯ ।
ନିର୍ଯାତ୍ଯୁପାନ୍ତସରସୀକମଲୋଦରେଭ୍ଯଃ
ଶେଷାଦ୍ରିଶେଖରଵିଭୋ ତଵ ସୁପ୍ରଭାତମ୍ ॥ ୧୦

ଯୋଷାଗଣେନ ଵରଦଧ୍ନିଵିମଥ୍ଯମାନେ
ଘୋଷାଲଯେଷୁ ଦଧିମନ୍ଥନତୀଵ୍ରଘୋଷାଃ ।
ରୋଷାତ୍କଲିଂ ଵିଦଧତେକକୁଭଶ୍ଚ କୁମ୍ଭାଃ
ଶେଷାଦ୍ରିଶେଖରଵିଭୋ ତଵ ସୁପ୍ରଭାତମ୍ ॥ ୧୧

ପଦ୍ମେଶମିତ୍ରଶତପତ୍ରଗତାଲିଵର୍ଗାଃ
ହର୍ତୁଂ ଶ୍ରିଯଂ କୁଵଲଯସ୍ଯ ନିଜାଙ୍ଗଲକ୍ଷ୍ମ୍ଯା ।
ଭେରୀନିନାଦମିଵ ବିଭ୍ରତି ତୀଵ୍ରନାଦଂ
ଶେଷାଦ୍ରିଶେଖରଵିଭୋ ତଵ ସୁପ୍ରଭାତମ୍ ॥ ୧୨

ଶ୍ରୀମନ୍ନଭୀଷ୍ଟ ଵରଦାଖିଲଲୋକବନ୍ଧୋ
ଶ୍ରୀଶ୍ରୀନିଵାସ ଜଗଦେକଦଯୈକସିନ୍ଧୋ ।
ଶ୍ରୀଦେଵତାଗୃହଭୁଜାନ୍ତର ଦିଵ୍ଯ ମୂର୍ତେ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୧୩

ଶ୍ରୀସ୍ଵାମିପୁଷ୍କରିଣିକାଽଽପ୍ଲଵନିର୍ମଲାଙ୍ଗାଃ
ଶ୍ରେଯୋଽର୍ଥିନୋ ହରଵିରିଂଚସନନ୍ଦନାଦ୍ଯାଃ ।
ଦ୍ଵାରେ ଵସନ୍ତି ଵରଵେତ୍ରହତୋତ୍ତମାଙ୍ଗାଃ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୧୪

ଶ୍ରୀ ଶେଷଶୈଲ ଗରୁଡାଚଲ ଵେଙ୍କଟାଦ୍ରି
ନାରାଯଣାଦ୍ରି ଵୃଷଭାଦ୍ରି ଵୃଷାଦ୍ରି ମୁଖ୍ଯାମ୍ ।
ଆଖ୍ଯାମ୍ ତ୍ଵଦୀଯ ଵସତେରନିଶଂ ଵଦନ୍ତି
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୧୫

ସେଵାପରାଃ ଶିଵସୁରେଶକୃଶାନୁଧର୍ମ
ରକ୍ଷୋଽମ୍ବୁନାଥ ପଵମାନ ଧନାଧିନାଥାଃ ।
ବଦ୍ଧାଂଜଲି ପ୍ରଵିଲସନ୍ନିଜଶୀର୍ଷ ଦେଶାଃ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୧୬

ଘାଟୀଷୁ ତେ ଵିହଗରାଜ ମୃଗାଧିରାଜ-
ନାଗାଧିରାଜ ଗଜରାଜ ହଯାଧିରାଜାଃ ।
ସ୍ଵସ୍ଵାଧିକାର ମହିମାଧିକମର୍ଥଯନ୍ତେ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୧୭

ସୂର୍ଯେନ୍ଦୁ ଭୌମ ବୁଧ ଵାକ୍ପତି କାଵ୍ଯ ସୌରି
ସ୍ଵର୍ଭାନୁ କେତୁ ଦିଵିଷତ୍ପରିଷତ୍ପ୍ରଧାନାଃ ।
ତ୍ଵଦ୍ଦାସ ଦାସ ଚରମାଵଧି ଦାସଦାସାଃ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୧୮

ତ୍ଵତ୍ପାଦଧୂଲି ଭରିତସ୍ଫୁରିତୋତ୍ତମାଙ୍ଗାଃ
ସ୍ଵର୍ଗାପଵର୍ଗ ନିରପେକ୍ଷ ନିଜାନ୍ତରଙ୍ଗାଃ ।
କଲ୍ପାଗମାଽଽକଲନଯାଽଽକୁଲତାଂ ଲଭନ୍ତେ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୧୯

ତ୍ଵଦ୍ଗୋପୁରାଗ୍ରଶିଖରାଣି ନିରୀକ୍ଷମାଣାଃ
ସ୍ଵର୍ଗାପଵର୍ଗପଦଵୀଂ ପରମାଂ ଶ୍ରଯନ୍ତଃ ।
ମର୍ତ୍ଯା ମନୁଷ୍ଯଭୁଵନେ ମତିମାଶ୍ରଯନ୍ତେ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୨୦

ଶ୍ରୀଭୂମିନାଯକ ଦଯାଦିଗୁଣାମୃତାବ୍ଧେ
ଦେଵାଧିଦେଵ ଜଗଦେକଶରଣ୍ଯମୂର୍ତେ ।
ଶ୍ରୀମନ୍ନନନ୍ତ ଗରୁଡାଦିଭିରର୍ଚିତାଙ୍ଘ୍ରେ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୨୧

ଶ୍ରୀପଦ୍ମନାଭ ପୁରୁଷୋତ୍ତମ ଵାସୁଦେଵ
ଵୈକୁଣ୍ଠ ମାଧଵ ଜନାର୍ଦନ ଚକ୍ରପାଣେ ।
ଶ୍ରୀଵତ୍ସଚିନ୍ହ ଶରଣାଗତପାରିଜାତ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୨୨

କନ୍ଦର୍ପଦର୍ପ ହରସୁନ୍ଦର ଦିଵ୍ଯମୂର୍ତେ
କାନ୍ତାକୁଚାମ୍ବୁରୁହ କୁଟ୍ମଲ ଲୋଲଦୃଷ୍ଟେ ।
କଲ୍ଯାଣନିର୍ମଲଗୁଣାକର ଦିଵ୍ଯକୀର୍ତେ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୨୩

ମୀନାକୃତେ କମଠ କୋଲ ନୃସିଂହ ଵର୍ଣିନ୍
ସ୍ଵାମିନ୍ ପରଶ୍ଵଥତପୋଧନ ରାମଚନ୍ଦ୍ର ।
ଶେଷାଂଶରାମ ଯଦୁନନ୍ଦନ କଲ୍କିରୂପ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୨୪

ଏଲା ଲଵଙ୍ଗ ଘନସାର ସୁଗନ୍ଧି ତୀର୍ଥଂ
ଦିଵ୍ଯଂ ଵିଯତ୍ସରିତି ହେମଘଟେଷୁ ପୂର୍ଣମ୍ ।
ଧୃତ୍ଵାଽଽଦ୍ଯ ଵୈଦିକ ଶିଖାମଣଯଃ ପ୍ରହୃଷ୍ଟାଃ
ତିଷ୍ଠନ୍ତି ଵେଙ୍କଟପତେ ତଵ ସୁପ୍ରଭାତମ୍ ॥ ୨୫

ଭାସ୍ଵାନୁଦେତି ଵିକଚାନି ସରୋରୁହାଣି
ସମ୍ପୂରଯନ୍ତି ନିନଦୈଃ କକୁଭୋ ଵିହଙ୍ଗାଃ ।
ଶ୍ରୀଵୈଷ୍ଣଵାସ୍ସତତମର୍ଥିତ ମଙ୍ଗଲାସ୍ତେ
ଧାମାଽଽଶ୍ରଯନ୍ତି ତଵ ଵେଙ୍କଟ ସୁପ୍ରଭାତମ୍ ॥ ୨୬

ବ୍ରହ୍ମାଦଯଃ ସୁରଵରାସ୍ସମହର୍ଷଯସ୍ତେ
ସନ୍ତସ୍ସନନ୍ଦନ ମୁଖାସ୍ତ୍ଵଥ ଯୋଗିଵର୍ଯାଃ ।
ଧାମାନ୍ତିକେ ତଵ ହି ମଙ୍ଗଲଵସ୍ତୁ ହସ୍ତାଃ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୨୭

ଲକ୍ଷ୍ମୀନିଵାସ ନିରଵଦ୍ଯଗୁଣୈକସିନ୍ଧୋ
ସଂସାର ସାଗର ସମୁତ୍ତରଣୈକସେତୋ ।
ଵେଦାନ୍ତଵେଦ୍ଯନିଜଵୈଭଵ ଭକ୍ତଭୋଗ୍ଯ
ଶ୍ରୀଵେଙ୍କଟାଚଲପତେ ତଵ ସୁପ୍ରଭାତମ୍ ॥ ୨୮

ଇତ୍ଥଂ ଵୃଷାଚଲପତେରିହ ସୁପ୍ରଭାତମ୍
ଯେ ମାନଵାଃ ପ୍ରତିଦିନଂ ପଠିତୁଂ ପ୍ରଵୃତ୍ତାଃ ।
ତେଷାଂ ପ୍ରଭାତସମଯେ ସ୍ମୃତିରଙ୍ଗଭାଜାଂ
ପ୍ରଜ୍ଞାଂ ପରାର୍ଥସୁଲଭାଂ ପରମାଂ ପ୍ରସୂତେ ॥ ୨୯

॥ ଇତି ଵେଙ୍କଟେଶ ସୁପ୍ରଭାତମ୍ ॥
॥ ଅଥ ଵେଙ୍କଟେଶ ସ୍ତୋତ୍ରମ୍ ॥
କମଲା କୁଚ ଚୂଚୁକ କୁଙ୍କୁମତୋ
ନିଯତାରୁଣିତାତୁଲ ନୀଲତନୋ ।
କମଲାଯତଲୋଚନ ଲୋକପତେ
ଵିଜଯୀ ଭଵ ଵେଙ୍କଟଶୈଲପତେ ॥ ୧

ସଚତୁର୍ମୁଖଷଣ୍ମୁଖପଞ୍ଚମୁଖ
ପ୍ରମୁଖାଖିଲଦୈଵତମୌଲିମଣେ ।
ଶରଣାଗତଵତ୍ସଲ ସାରନିଧେ
ପରିପାଲଯ ମାଂ ଵୃଷଶୈଲପତେ ॥ ୨

ଅତିଵେଲତଯା ତଵ ଦୁର୍ଵିଷହୈଃ
ଅନୁଵେଲକୃତୈରପରାଧଶତୈଃ ।
ଭରିତଂ ତ୍ଵରିତଂ ଵୃଷଶୈଲପତେ
ପରଯା କୃପଯା ପରିପାହି ହରେ ॥ ୩

ଅଧିଵେଙ୍କଟଶୈଲମୁଦାରମତେ
ଜନତାଭିମତାଧିକଦାନରତାତ୍ ।
ପରଦେଵତଯା ଗଦିତାନ୍ନିଗମୈଃ
କମଲାଦଯିତାନ୍ନ ପରଂ କଲଯେ ॥ ୪

କଲଵେଣୁରଵାଵଶଗୋପଵଧୂ
ଶତକୋଟିଵୃତାତ୍ସ୍ମରକୋଟିସମାତ୍ ।
ପ୍ରତିଵଲ୍ଲଵିକାଭିମତାତ୍ସୁଖଦାତ୍
ଵସୁଦେଵସୁତାନ୍ନ ପରଂ କଲଯେ ॥ ୫

ଅଭିରାମଗୁଣାକର ଦାଶରଥେ
ଜଗଦେକଧନୁର୍ଧର ଧୀରମତେ ।
ରଘୁନାଯକ ରାମ ରମେଶ ଵିଭୋ
ଵରଦୋଭଵ ଦେଵ ଦଯାଜଲଧେ ॥ ୬

ଅଵନୀତନଯାକମନୀଯକରଂ
ରଜନୀକରଚାରୁମୁଖାମ୍ବୁରୁହମ୍ ।
ରଜନୀଚରରାଜତମୋମିହିରଂ
ମହନୀଯମହଂ ରଘୁରାମ ମଯେ ॥ ୭

ସୁମୁଖଂ ସୁହୃଦଂ ସୁଲଭଂ ସୁଖଦଂ
ସ୍ଵନୁଜଂ ଚ ସୁଖାଯମମୋଘଶରମ୍ ।
ଅପହାଯ ରଘୂଦ୍ଵହମନ୍ଯମହଂ
ନ କଥଞ୍ଚନ କଞ୍ଚନ ଜାତୁ ଭଜେ ॥ ୮

ଵିନା ଵେଙ୍କଟେଶଂ ନ ନାଥୋ ନାଥଃ
ସଦା ଵେଙ୍କଟେଶଂ ସ୍ମରାମି ସ୍ମରାମି ।
ହରେ ଵେଙ୍କଟେଶ ପ୍ରସୀଦ ପ୍ରସୀଦ
ପ୍ରିଯଂ ଵେଙ୍କଟେଶ ପ୍ରଯଚ୍ଛ ପ୍ରଯଚ୍ଛ ॥ ୯

ଅହଂ ଦୂରତସ୍ତେ ପଦାମ୍ଭୋଜଯୁଗ୍ମ
ପ୍ରଣାମେଚ୍ଛଯାଽଽଗତ୍ଯ ସେଵାଂ କରୋମି ।
ସକୃତ୍ସେଵଯା ନିତ୍ଯସେଵାଫଲଂ ତ୍ଵଂ
ପ୍ରଯଚ୍ଛ ପ୍ରଯଚ୍ଛ ପ୍ରଭୋ ଵେଙ୍କଟେଶ ॥ ୧୦

ଅଜ୍ଞାନିନା ମଯା ଦୋଷାନ୍
ଅଶେଷାନ୍ଵିହିତାନ୍ ହରେ ।
କ୍ଷମସ୍ଵ ତ୍ଵଂ କ୍ଷମସ୍ଵ ତ୍ଵଂ
ଶେଷଶୈଲ ଶିଖାମଣେ ॥ ୧୧

॥ ଇତି ଵେଙ୍କଟେଶ ସ୍ତୋତ୍ରମ୍ ॥
॥ ଅଥ ଵେଙ୍କଟେଶ ପ୍ରପତ୍ତି ॥
ଈଶାନାଂ ଜଗତୋଽସ୍ଯ ଵେଙ୍କଟପତେଃ ଵିଷ୍ଣୋଃ ପରାଂ ପ୍ରେଯସୀଂ
ତଦ୍ଵକ୍ଷସ୍ସ୍ଥଲ ନିତ୍ଯ ଵାସରସିକାଂ ତତ୍କ୍ଷାନ୍ତି ସଂଵର୍ଧିନୀମ୍ ।
ପଦ୍ମାଲଙ୍କୃତପାଣିପଲ୍ଲଵଯୁଗାଂ ପଦ୍ମାସନସ୍ଥାଂ ଶ୍ରିଯଂ
ଵାତ୍ସଲ୍ଯାଦିଗୁଣୋଜ୍ଜ୍ଵଲାଂ ଭଗଵତୀଂ ଵଂଦେ ଜଗନ୍ମାତରମ୍ ॥ ୧

ଶ୍ରୀମନ୍ କୃପାଜଲନିଧେ କୃତସର୍ଵଲୋକ
ସର୍ଵଜ୍ଞ ଶକ୍ତ ନତଵତ୍ସଲ ସର୍ଵଶେଷିନ୍ ।
ସ୍ଵାମିନ୍ ସୁଶୀଲସୁଲଭାଶ୍ରିତପାରିଜାତ
ଶ୍ରୀଵେଙ୍କଟେଶଚରଣୌ ଶରଣଂ ପ୍ରପଦ୍ଯେ ॥ ୨

ଆନୂପୁରାର୍ପିତସୁଜାତସୁଗନ୍ଧିପୁଷ୍ପ
ସୌରଭ୍ଯସୌରଭକରୌ ସମସନ୍ନିଵେଶୌ ।
ସୌମ୍ଯୌ ସଦାଽନୁଭଵନେଽପି ନଵାନୁଭାଵ୍ଯୌ
ଶ୍ରୀଵେଙ୍କଟେଶଚରଣୌ ଶରଣଂ ପ୍ରପଦ୍ଯେ ॥ ୩

ସଦ୍ଯୋଵିକାସିସମୁଦିତ୍ଵରସାନ୍ଦ୍ରରାଗ
ସୌରଭ୍ଯନିର୍ଭରସରୋରୁହସାମ୍ଯଵାର୍ତାମ୍ ।
ସମ୍ଯକ୍ଷୁ ସାହସପଦେଷୁ ଵିଲେଖଯନ୍ତୌ
ଶ୍ରୀଵେଙ୍କଟେଶଚରଣୌ ଶରଣଂ ପ୍ରପଦ୍ଯେ ॥ ୪

ରେଖାମଯଧ୍ଵଜସୁଧାକଲଶାତପତ୍ର
ଵଜ୍ରାଙ୍କୁଶାମ୍ବୁରୁହକଲ୍ପକଶଙ୍ଖଚକ୍ରୈଃ ।
ଭଵ୍ଯୈରଲଙ୍କୃତତଲୌ ପରତତ୍ଵ ଚିନ୍ହୈଃ
ଶ୍ରୀଵେଙ୍କଟେଶଚରଣୌ ଶରଣଂ ପ୍ରପଦ୍ଯେ ॥ ୫

ତାମ୍ରୋଦରଦ୍ଯୁତିପରାଜିତପଦ୍ମରାଗୌ
ବାହ୍ଯୈର୍ମହୋଭିରଭିଭୂତମହେନ୍ଦ୍ରନୀଲୌ ।
ଉଧ୍ଯନ୍ନଖାଂଶୁଭିରୁଦସ୍ତଶଶାଙ୍କଭାସୌ
ଶ୍ରୀଵେଙ୍କଟେଶଚରଣୌ ଶରଣଂ ପ୍ରପଦ୍ଯେ ॥ ୬

ସପ୍ରେମଭୀତି କମଲାକରପଲ୍ଲଵାଭ୍ଯାଂ
ସଂଵାହନେଽପି ସପଦି କ୍ଲମମାଦଧାନୌ ।
କାନ୍ତାଵଵାଙ୍ଗ୍ମନସଗୋଚରସୌକୁମାର୍ଯୌ
ଶ୍ରୀଵେଙ୍କଟେଶଚରଣୌ ଶରଣଂ ପ୍ରପଦ୍ଯେ ॥ ୭

ଲକ୍ଷ୍ମୀମହୀତଦନୁରୂପନିଜାନୁଭାଵ
ନୀଲାଦିଦିଵ୍ଯମହିଷୀକରପଲ୍ଲଵାନାମ୍ ।
ଆରୁଣ୍ଯସଙ୍କ୍ରମଣତଃ କିଲ ସାନ୍ଦ୍ରରାଗୌ
ଶ୍ରୀଵେଙ୍କଟେଶଚରଣୌ ଶରଣଂ ପ୍ରପଦ୍ଯେ ॥ ୮

ନିତ୍ଯାନ୍ନମଦ୍ଵିଧିଶିଵାଦିକିରୀଟକୋଟି
ପ୍ରତ୍ଯୁପ୍ତ ଦୀପ୍ତ ନଵରତ୍ନ ମହଃପ୍ରରୋହୈଃ ।
ନୀରାଜନା ଵିଧିମୁଦାରମୁପାଦଧାନୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ ୯

ଵିଷ୍ଣୋଃ ପଦେ ପରମ ଇତ୍ଯୁତିଦପ୍ରଶଂସୌ
ଯୌ ମଧ୍ଵ ଉତ୍ସ ଇତି ଭୋଗ୍ଯତଯାଽପ୍ଯପାତ୍ତୌ ।
ଭୂଯସ୍ତଥେତି ତଵ ପାଣିତଲପ୍ରଦିଷ୍ଟୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ ୧୦

ପାର୍ଥାଯ ତତ୍ସଦୃଶ ସାରଥିନା ତ୍ଵଯୈଵ
ଯୌ ଦର୍ଶିତୌ ସ୍ଵଚରଣୌ ଶରଣଂ ଵ୍ରଜେତି ।
ଭୂଯୋଽପି ମହ୍ଯମିହତୌ କରଦର୍ଶିତୌ ତେ
ଶ୍ରୀ ଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ ୧୧

ମନ୍ମୂର୍ଧ୍ନି କାଲିଯଫଣେ ଵିକଟାଟଵୀଷୁ
ଶ୍ରୀ ଵେଙ୍କଟାଦ୍ରିଶିଖରେ ଶିରସି ଶ୍ରୁତୀନାମ୍ ॥

ଚିତ୍ତେଽପ୍ଯନନ୍ଯମନସାଂ ସମମାହିତୌତେ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ ୧୨

ଅମ୍ଲାନହୃଷ୍ଯଦଵନୀତଲକୀର୍ଣପୁଷ୍ପୌ
ଶ୍ରୀଵେଙ୍କଟାଦ୍ରି ଶିଖରାଭରଣାଯମାନୌ ।
ଆନନ୍ଦିତାଖିଲ ମନୋ ନଯନୌ ତଵୈତୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ ୧୩

ପ୍ରାଯଃ ପ୍ରପନ୍ନ ଜନତା ପ୍ରଥମାଵଗାହ୍ଯୌ
ମାତୁସ୍ସ୍ତନାଵିଵ ଶିଶୋରମୃତାଯମାନୌ ।
ପ୍ରାପ୍ତୌପରସ୍ପରତୁଲାମତୁଲାନ୍ତରୌ ତେ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ ୧୪

ସତ୍ଵୋତ୍ତରୈସ୍ସତତ ସେଵ୍ଯପଦାମ୍ବୁଜେନ
ସଂସାରତାରକଦଯାର୍ଦ୍ର ଦୃଗଂଚଲେନ ।
ସୌମ୍ଯୋପଯନ୍ତୃମୁନିନା ମମ ଦର୍ଶିତୌ ତେ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ ୧୫

ଶ୍ରୀଶ ଶ୍ରିଯା ଘଟିକଯା ତ୍ଵଦୁପାଯଭାଵେ
ପ୍ରାପ୍ଯେ ତ୍ଵଯି ସ୍ଵଯମୁପେଯତଯାସ୍ଫୁରନ୍ତ୍ଯା ।
ନିତ୍ଯାଶ୍ରିତାଯ ନିରଵଦ୍ଯଗୁଣାଯ ତୁଭ୍ଯଂ
ସ୍ଯାଂ କିଙ୍କରୋ ଵୃଷଗିରୀଶ ନ ଜାତୁ ମହ୍ଯମ୍ ॥ ୧୬

॥ ଇତି ଵେଙ୍କଟେଶ ପ୍ରପତ୍ତି ॥
॥ ଅଥ ଵେଙ୍କଟେଶ ମଙ୍ଗଲାଶାସନମ୍ ॥
ଶ୍ରିଯଃ କାନ୍ତାଯ କଲ୍ଯାଣ ନିଧଯେ ନିଧଯେଽର୍ଥିନାଂ
ଶ୍ରୀଵେଙ୍କଟନିଵାସାଯ ଶ୍ରୀନିଵାସାଯ ମଙ୍ଗଲମ୍ ॥ ୧

ଲକ୍ଷ୍ମୀ ସଵିଭ୍ରମାଲୋକ ସୁଭ୍ରୂ ଵିଭ୍ରମଚକ୍ଷୁଷେ
ଚକ୍ଷୁଷେ ସର୍ଵଲୋକାନାଂ ଵେଙ୍କଟେଶାଯ ମଙ୍ଗଲମ୍ ॥ ୨

ଶ୍ରୀ ଵେଙ୍କଟାଦ୍ରି ଶୃଙ୍ଗାଙ୍ଗ୍ର ମଙ୍ଗଲାଭରଣାଙ୍ଘ୍ରଯେ
ମଙ୍ଗଲାନାଂ ନିଵାସାଯ ଵେଙ୍କଟେଶାଯ ମଙ୍ଗଲମ୍ ॥ ୩

ସର୍ଵାଵଯଵସୌନ୍ଦର୍ଯ ସମ୍ପଦା ସର୍ଵଚେତସାଂ
ସଦା ସମ୍ମୋହନାଯାସ୍ତୁ ଵେଙ୍କଟେଶାଯ ମଙ୍ଗଲମ୍ ॥ ୪

ନିତ୍ଯାଯ ନିରଵଦ୍ଯାଯ ସତ୍ଯାନନ୍ଦଚିଦାତ୍ମନେ
ସର୍ଵାନ୍ତରାତ୍ମନେ ଶ୍ରୀମଦ୍ ଵେଙ୍କଟେଶାଯ ମଙ୍ଗଲମ୍ ॥ ୫

ସ୍ଵତସ୍ସର୍ଵଵିଦେ ସର୍ଵ ଶକ୍ତଯେ ସର୍ଵଶେଷିଣେ
ସୁଲଭାଯ ସୁଶୀଲାଯା ଵେଙ୍କଟେଶାଯ ମଙ୍ଗଲମ୍ ॥ ୬

ପରସ୍ମୈ ବ୍ରହ୍ମଣେ ପୂର୍ଣକାମାଯ ପରମାତ୍ମନେ
ପ୍ରଯୁଂଜେ ପରତତ୍ତ୍ଵାଯ ଵେଙ୍କଟେଶାଯ ମଙ୍ଗଲମ୍ ॥ ୭

ଆକାଲ ତତ୍ତ୍ଵମଶ୍ରାନ୍ତଂ ଆତ୍ମନାଂ ଅନୁପଶ୍ଯତାଂ
ଅତୃପ୍ତ୍ଯମୃତରୂପାଯ ଵେଙ୍କଟେଶାଯ ମଙ୍ଗଲମ୍ ॥ ୮

ପ୍ରାଯସ୍ସ୍ଵଚରଣୌ ପୁଂସାଂ ଶରଣ୍ଯତ୍ଵେନ ପାଣିନା
କୃପଯାଽଽଦିଶତେ ଶ୍ରୀମଦ୍ ଵେଙ୍କଟେଶାଯ ମଙ୍ଗଲମ୍ ॥ ୯

ଦଯାମୃତ ତରଙ୍ଗିଣ୍ଯାସ୍ତରଙ୍ଗୈରିଵ ଶୀତଲୈଃ
ଅପାଂଗୈଃ ସିଂଚତେ ଵିଶ୍ଵଂ ଵେଙ୍କଟେଶାଯ ମଙ୍ଗଲମ୍ ॥ ୧୦

ସ୍ରଗ୍ଭୂଷାମ୍ବରହେତୀନାଂ ସୁଷମାଵହ ମୂର୍ତଯେ
ସର୍ଵାର୍ତି ଶମନାଯାସ୍ତୁ ଵେଙ୍କଟେଶାଯ ମଙ୍ଗଲମ୍ ॥ ୧୧

ଶ୍ରୀଵୈକୁଣ୍ଠଵିରକ୍ତାଯ ସ୍ଵାମିପୁଷ୍କରିଣୀତଟେ
ରମଯା ରମମାଣାଯ ଵେଙ୍କଟେଶାଯ ମଙ୍ଗଲମ୍ ॥ ୧୨

ଶ୍ରୀମଦ୍ସୁନ୍ଦରଜାମାତୃମୁନି ମାନସଵାସିନେ
ସର୍ଵଲୋକ ନିଵାସାଯ ଶ୍ରୀନିଵାସାଯ ମଙ୍ଗଲମ୍ ॥ ୧୩

ମଙ୍ଗଲାଶାସନପରୈର୍ମଦାଚାର୍ଯ ପୁରୋଗମୈଃ
ସର୍ଵୈଶ୍ଚ ପୂର୍ଵୈରାଚାର୍ଯୈଃ ସତ୍କୃତାଯାସ୍ତୁ ମଙ୍ଗଲମ୍ ॥ ୧୪

॥ ଇତି ଵେଙ୍କଟେଶ ମଙ୍ଗଲାଶାସନମ୍ ॥
॥ ଓଂ ତତ୍ ସତ୍ ॥

Encoded and proofread by Srinivas Sunder sunder at crystal.cirrus.com

Please send corrections to sanskrit@cheerful.com
Last updated ତ୍oday
http://sanskritdocuments.org

Venkateshwara Suprabhatam Lyrics in Oriya PDF
% File name : venkatsp.itx
% Category : suprabhAta
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Srinivas Sunder sunder at crystal.cirrus.com
% Proofread by : Srinivas Sunder sunder at crystal.cirrus.com
% Latest update : January 27, 1995
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website