{॥ ಶ್ರೀವೇಙ್ಕಟೇಶಾಷ್ಟಕಮ್ ॥}
ಶ್ರೀವೇಙ್ಕಟೇಶಪದಪಙ್ಕಜ ಧೂಲಿಪಙ್ಕ್ತಿಃ
ಸಂಸಾರಸಿನ್ಧುತರಣೇ ತರಣಿರ್ನವೀನಾ ।
ಸರ್ವಾಘಪುಞ್ಜಹರಣಾಯಚ ಧೂಮಕೇತುಃ
ಪಾಯಾದನನ್ಯಶರಣಂ ಸ್ವಯಮೇವ ಲೋಕಮ್ ॥ ೧॥

ಶೇಷಾದ್ರಿಗೇಹತವ ಕೀರ್ತಿತರಙ್ಗಪುಞ್ಜ
ಆಭೂಮಿನಾಕಮಭಿತಃಸಕಲಾನ್ಪುನಾನಃ ।
ಮತ್ಕರ್ಣಯುಗ್ಮವಿವರೇಪರಿಗಮ್ಯ ಸಮ್ಯಕ್
ಕುರ್ಯಾದಶೇಷಮನಿಶಙ್ಖಲು ತಾಪಭಙ್ಗಮ್ ॥ ೨॥

ವೈಕುಣ್ಠರಾಜಸಕಲೋಽಪಿ ಧನೇಶವರ್ಗೋ
ನೀತೋಽಪಮಾನಸರಣಿಂತ್ವಯಿ ವಿಶ್ವಸಿತ್ರಾ ।
ತಸ್ಮಾದಯಂನ ಸಮಯಃ ಪರಿಹಾಸವಾಚಾಮ್
ಇಷ್ಟಂಪ್ರಪೂರ್ಯ ಕುರು ಮಾಂ ಕೃತಕೃತ್ಯಸಙ್ಘಮ್ ॥ ೩॥

ಶ್ರೀಮನ್ನಾರಾಸ್ತುಕತಿಚಿದ್ಧನಿಕಾಂಶ್ಚ ಕೇಚಿತ್
ಕ್ಷೋಣೀಪತೀನ್ಕತಿಚಿದತ್ರಚ ರಾಜಲೋಕಾನ್ ।
ಆರಾಧಯನ್ತುಮಲಶೂನ್ಯಮಹಂ ಭವನ್ತಂ
ಕಲ್ಯಾಣಲಾಭಜನನಾಯಸಮರ್ಥಮೇಕಮ್ ॥ ೪॥

ಲಕ್ಷ್ಮೀಪತಿತ್ವಮಖಿಲೇಶತವ ಪ್ರಸಿದ್ಧಮತ್ರ
ಪ್ರಸಿದ್ಧಮವನೌಮದಕಿಞ್ಚನತ್ವಮ್ ।
ತಸ್ಯೋಪಯೋಗಕರಣಾಯಮಯಾ ತ್ವಯಾ ಚ ಕಾರ್ಯಃ
ಸಮಾಗಮೈದಂ ಮನಸಿ ಸ್ಥಿತಂ ಮೇ ॥ ೫॥

ಶೇಷಾದ್ರಿನಾಥಭವತಾಽಯಮಹಂ ಸನಾಥಃ
ಸತ್ಯಂವದಾಮಿ ಭಗವಂಸ್ತ್ವಮನಾಥ ಏವ ।
ತಸ್ಮಾತ್ಕುರುಷ್ವಮದಭೀಪ್ಸಿತ ಕೃತ್ಯಜಾಲಮ್-
ಏವತ್ವದೀಪ್ಸಿತ ಕೃತೌ ತು ಭವಾನ್ಸಮರ್ಥಃ ॥ ೬॥

ಕ್ರುದ್ಧೋಯದಾ ಭವಸಿ ತತ್ಕ್ಷಣಮೇವ ಭೂಪೋ
ರಙ್ಕಾಯತೇತ್ವಮಸಿ ಚೇತ್ಖಲು ತೋಷಯುಕ್ತಃ ।
ಭೂಪಾಯತೇಽಥನಿಖಿಲಶ್ರುತಿವೇದ್ಯ ರಙ್ಕ
ಇಚ್ಛಾಮ್ಯತಸ್ತವದಯಾಜಲವೃಷ್ಟಿಪಾತಮ್ ॥ ೭॥

ಅಙ್ಗೀಕೃತಂಸುವಿರುದಂ ಭಗವಂಸ್ತ್ವಯೇತಿ
ಮದ್ಭಕ್ತಪೋಷಣಮಹಂಸತತಂ ಕರೋಮಿ ।
ಆವಿಷ್ಕುರುಸ್ವಮಯಿ ಸತ್ಸತತಂ ಪ್ರದೀನೇ
ಚಿನ್ತಾಪ್ರಹಾರಮಯಮೇವಹಿಯೋಗ್ಯಕಾಲಃ ॥ ೮॥

ಸರ್ವಾಸುಜಾತಿಷು ಮಯಾತು ಸಮತ್ವಮೇವ
ನಿಶ್ಚೀಯತೇತವ ವಿಭೋ ಕರುಣಾಪ್ರವಾಹಾತ್ ।
ಪ್ರಹ್ಲಾದಪಾಣ್ಡುಸುತಬಲ್ಲವ ಗೃಘ್ರಕಾದೌ
ನೀಚೋನ ಭಾತಿ ಮಮ ಕೋಽಪ್ಯತ ಏವ ಹೇತೋಃ ॥ ೯॥

ಸಮ್ಭಾವಿತಾಸ್ತುಪರಿಭೂತಿಮಥ ಪ್ರಯಾನ್ತಿ
ಧೂರ್ತಾಜಪಂ ಹಿ ಕಪಟೈಕಪರಾ ಜಗತ್ಯಾಮ್ ।
ಪ್ರಾಪ್ತೇತು ವೇಙ್ಕಟವಿಭೋ ಪರಿಣಾಮಕಾಲೇ
ಸ್ಯಾದ್ವೈಪರೀತ್ಯಮಿವಕೌರವಪಾಣ್ಡವಾನಾಮ್ ॥ ೧೦॥

ಶ್ರೀವೇಙ್ಕಟೇಶತವ ಪಾದಸರೋಜಯುಗ್ಮೇ
ಸಂಸಾರದುಃಖಶಮನಾಯ ಸಮರ್ಪಯಾಮಿ ।
ಭಾಸ್ವತ್ಸದಷ್ಟಕಮಿದಂ ರಚಿತಂ
ಪ್ರಭಾಕರೋಽಹಮನಿಶಂವಿನಯೇನ ಯುಕ್ತಃ ॥ ೧೧॥

ಶ್ರೀಶಾಲಿವಾಹನಶಕೇಶರಕಾಷ್ಟಭೂಮಿ (೧೮೧೫)
ಸಙ್ಖ್ಯಾಮಿತೇಽಥವಿಜಯಾಭಿಧವತ್ಸರೇಽಯಮ್ ।
ಶ್ರೀಕೇಶವಾತ್ಮಜೈದಂ ವ್ಯತನೋತ್ಸಮಲ್ಪಂ
ಸ್ತೋತ್ರಮ್ಪ್ರಭಾಕರ ಇತಿ ಪ್ರಥಿತಾಭಿಧಾನಾ ॥ ೧೨॥

ಇತಿಗಾರ್ಗ್ಯಕುಲೋತ್ಪನ್ನ ಯಶೋದಾಗರ್ಭಜ-ಕೇಶವಾತ್ಮಜ-ಪ್ರಭಾಕರ-ಕೃತಿಷು
ಶ್ರೀವೇಙ್ಕಟೇಶಾಷ್ಟಕಂ ಸ್ತೋತ್ರಂ ಸಮಾಪ್ತಮ್ ॥

ಶ್ರೀಕೃಷ್ಣದಾಸ ತನುಜಸ್ಯ ಮಯಾ ತು
ಗಙ್ಗಾವಿಷ್ಣೋರಕಾರಿಕಿಲ ಸೂಚನಯಾಷ್ಟಕಂ ಯತ್ ।
ತದ್ವೇಙ್ಕಟೇಶಮನಸೋ ಮುದಮಾತನೋತು
ತದ್ಭಕ್ತಲೋಕನಿವಹಾನನ ಪಙ್ಕ್ತಿಗಂ ಸತ್ ॥

ಪಿತ್ರೋರ್ಗುರೋಶ್ಚಾಪ್ಯಪರಾಧಕಾರಿಣೋ
ಭ್ರಾತುಸ್ತಥಾಽನ್ಯಾಯಕೃತಶ್ಚದುರ್ಗತಃ ।
ತೇಷುತ್ವಯಾಽಥಾಪಿ ಕೃಪಾ ವಿಧೀಯತಾಂ
ಸೌಹಾರ್ದವಶ್ಯೇನಮಯಾ ತು ಯಾಚ್ಯತೇ ॥



Encoded and proofread by YV Malleswara Rao malleswararaoy@yahoo.com
Brihatstotraratnavali

Please send corrections to sanskrit@cheerful.com
Last updated ತ್oday
http://sanskritdocuments.org

Venkateshwara Ashtakam 1 Lyrics in Kannada PDF
% File name : venkateshAShTaka.itx
% Category : aShTaka
% Location : doc\_vishhnu
% Author : prabhAkara See the last two verses
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Description-comments : Brihatstotraratnavali
% Latest update : July 21, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website