{॥ ശ്രീവേങ്കടേശാഷ്ടകമ് ॥}
ശ്രീവേങ്കടേശപദപങ്കജ ധൂലിപങ്ക്തിഃ
സംസാരസിന്ധുതരണേ തരണിര്നവീനാ ।
സര്വാഘപുഞ്ജഹരണായച ധൂമകേതുഃ
പായാദനന്യശരണം സ്വയമേവ ലോകമ് ॥ ൧॥

ശേഷാദ്രിഗേഹതവ കീര്തിതരങ്ഗപുഞ്ജ
ആഭൂമിനാകമഭിതഃസകലാന്പുനാനഃ ।
മത്കര്ണയുഗ്മവിവരേപരിഗമ്യ സമ്യക്
കുര്യാദശേഷമനിശങ്ഖലു താപഭങ്ഗമ് ॥ ൨॥

വൈകുണ്ഠരാജസകലോഽപി ധനേശവര്ഗോ
നീതോഽപമാനസരണിംത്വയി വിശ്വസിത്രാ ।
തസ്മാദയംന സമയഃ പരിഹാസവാചാമ്
ഇഷ്ടംപ്രപൂര്യ കുരു മാം കൃതകൃത്യസങ്ഘമ് ॥ ൩॥

ശ്രീമന്നാരാസ്തുകതിചിദ്ധനികാംശ്ച കേചിത്
ക്ഷോണീപതീന്കതിചിദത്രച രാജലോകാന് ।
ആരാധയന്തുമലശൂന്യമഹം ഭവന്തം
കല്യാണലാഭജനനായസമര്ഥമേകമ് ॥ ൪॥

ലക്ഷ്മീപതിത്വമഖിലേശതവ പ്രസിദ്ധമത്ര
പ്രസിദ്ധമവനൌമദകിഞ്ചനത്വമ് ।
തസ്യോപയോഗകരണായമയാ ത്വയാ ച കാര്യഃ
സമാഗമൈദം മനസി സ്ഥിതം മേ ॥ ൫॥

ശേഷാദ്രിനാഥഭവതാഽയമഹം സനാഥഃ
സത്യംവദാമി ഭഗവംസ്ത്വമനാഥ ഏവ ।
തസ്മാത്കുരുഷ്വമദഭീപ്സിത കൃത്യജാലമ്-
ഏവത്വദീപ്സിത കൃതൌ തു ഭവാന്സമര്ഥഃ ॥ ൬॥

ക്രുദ്ധോയദാ ഭവസി തത്ക്ഷണമേവ ഭൂപോ
രങ്കായതേത്വമസി ചേത്ഖലു തോഷയുക്തഃ ।
ഭൂപായതേഽഥനിഖിലശ്രുതിവേദ്യ രങ്ക
ഇച്ഛാമ്യതസ്തവദയാജലവൃഷ്ടിപാതമ് ॥ ൭॥

അങ്ഗീകൃതംസുവിരുദം ഭഗവംസ്ത്വയേതി
മദ്ഭക്തപോഷണമഹംസതതം കരോമി ।
ആവിഷ്കുരുസ്വമയി സത്സതതം പ്രദീനേ
ചിന്താപ്രഹാരമയമേവഹിയോഗ്യകാലഃ ॥ ൮॥

സര്വാസുജാതിഷു മയാതു സമത്വമേവ
നിശ്ചീയതേതവ വിഭോ കരുണാപ്രവാഹാത് ।
പ്രഹ്ലാദപാണ്ഡുസുതബല്ലവ ഗൃഘ്രകാദൌ
നീചോന ഭാതി മമ കോഽപ്യത ഏവ ഹേതോഃ ॥ ൯॥

സമ്ഭാവിതാസ്തുപരിഭൂതിമഥ പ്രയാന്തി
ധൂര്താജപം ഹി കപടൈകപരാ ജഗത്യാമ് ।
പ്രാപ്തേതു വേങ്കടവിഭോ പരിണാമകാലേ
സ്യാദ്വൈപരീത്യമിവകൌരവപാണ്ഡവാനാമ് ॥ ൧൦॥

ശ്രീവേങ്കടേശതവ പാദസരോജയുഗ്മേ
സംസാരദുഃഖശമനായ സമര്പയാമി ।
ഭാസ്വത്സദഷ്ടകമിദം രചിതം
പ്രഭാകരോഽഹമനിശംവിനയേന യുക്തഃ ॥ ൧൧॥

ശ്രീശാലിവാഹനശകേശരകാഷ്ടഭൂമി (൧൮൧൫)
സങ്ഖ്യാമിതേഽഥവിജയാഭിധവത്സരേഽയമ് ।
ശ്രീകേശവാത്മജൈദം വ്യതനോത്സമല്പം
സ്തോത്രമ്പ്രഭാകര ഇതി പ്രഥിതാഭിധാനാ ॥ ൧൨॥

ഇതിഗാര്ഗ്യകുലോത്പന്ന യശോദാഗര്ഭജ-കേശവാത്മജ-പ്രഭാകര-കൃതിഷു
ശ്രീവേങ്കടേശാഷ്ടകം സ്തോത്രം സമാപ്തമ് ॥

ശ്രീകൃഷ്ണദാസ തനുജസ്യ മയാ തു
ഗങ്ഗാവിഷ്ണോരകാരികില സൂചനയാഷ്ടകം യത് ।
തദ്വേങ്കടേശമനസോ മുദമാതനോതു
തദ്ഭക്തലോകനിവഹാനന പങ്ക്തിഗം സത് ॥

പിത്രോര്ഗുരോശ്ചാപ്യപരാധകാരിണോ
ഭ്രാതുസ്തഥാഽന്യായകൃതശ്ചദുര്ഗതഃ ।
തേഷുത്വയാഽഥാപി കൃപാ വിധീയതാം
സൌഹാര്ദവശ്യേനമയാ തു യാച്യതേ ॥



Encoded and proofread by YV Malleswara Rao malleswararaoy@yahoo.com
Brihatstotraratnavali

Please send corrections to sanskrit@cheerful.com
Last updated ത്oday
http://sanskritdocuments.org

Venkateshwara Ashtakam 1 Lyrics in Malayalam PDF
% File name : venkateshAShTaka.itx
% Category : aShTaka
% Location : doc\_vishhnu
% Author : prabhAkara See the last two verses
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Description-comments : Brihatstotraratnavali
% Latest update : July 21, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website