{॥ శ్రీవేఙ్కటేశాష్టకమ్ ॥}
శ్రీవేఙ్కటేశపదపఙ్కజ ధూలిపఙ్క్తిః
సంసారసిన్ధుతరణే తరణిర్నవీనా ।
సర్వాఘపుఞ్జహరణాయచ ధూమకేతుః
పాయాదనన్యశరణం స్వయమేవ లోకమ్ ॥ ౧॥

శేషాద్రిగేహతవ కీర్తితరఙ్గపుఞ్జ
ఆభూమినాకమభితఃసకలాన్పునానః ।
మత్కర్ణయుగ్మవివరేపరిగమ్య సమ్యక్
కుర్యాదశేషమనిశఙ్ఖలు తాపభఙ్గమ్ ॥ ౨॥

వైకుణ్ఠరాజసకలోఽపి ధనేశవర్గో
నీతోఽపమానసరణింత్వయి విశ్వసిత్రా ।
తస్మాదయంన సమయః పరిహాసవాచామ్
ఇష్టంప్రపూర్య కురు మాం కృతకృత్యసఙ్ఘమ్ ॥ ౩॥

శ్రీమన్నారాస్తుకతిచిద్ధనికాంశ్చ కేచిత్
క్షోణీపతీన్కతిచిదత్రచ రాజలోకాన్ ।
ఆరాధయన్తుమలశూన్యమహం భవన్తం
కల్యాణలాభజననాయసమర్థమేకమ్ ॥ ౪॥

లక్ష్మీపతిత్వమఖిలేశతవ ప్రసిద్ధమత్ర
ప్రసిద్ధమవనౌమదకిఞ్చనత్వమ్ ।
తస్యోపయోగకరణాయమయా త్వయా చ కార్యః
సమాగమైదం మనసి స్థితం మే ॥ ౫॥

శేషాద్రినాథభవతాఽయమహం సనాథః
సత్యంవదామి భగవంస్త్వమనాథ ఏవ ।
తస్మాత్కురుష్వమదభీప్సిత కృత్యజాలమ్-
ఏవత్వదీప్సిత కృతౌ తు భవాన్సమర్థః ॥ ౬॥

క్రుద్ధోయదా భవసి తత్క్షణమేవ భూపో
రఙ్కాయతేత్వమసి చేత్ఖలు తోషయుక్తః ।
భూపాయతేఽథనిఖిలశ్రుతివేద్య రఙ్క
ఇచ్ఛామ్యతస్తవదయాజలవృష్టిపాతమ్ ॥ ౭॥

అఙ్గీకృతంసువిరుదం భగవంస్త్వయేతి
మద్భక్తపోషణమహంసతతం కరోమి ।
ఆవిష్కురుస్వమయి సత్సతతం ప్రదీనే
చిన్తాప్రహారమయమేవహియోగ్యకాలః ॥ ౮॥

సర్వాసుజాతిషు మయాతు సమత్వమేవ
నిశ్చీయతేతవ విభో కరుణాప్రవాహాత్ ।
ప్రహ్లాదపాణ్డుసుతబల్లవ గృఘ్రకాదౌ
నీచోన భాతి మమ కోఽప్యత ఏవ హేతోః ॥ ౯॥

సమ్భావితాస్తుపరిభూతిమథ ప్రయాన్తి
ధూర్తాజపం హి కపటైకపరా జగత్యామ్ ।
ప్రాప్తేతు వేఙ్కటవిభో పరిణామకాలే
స్యాద్వైపరీత్యమివకౌరవపాణ్డవానామ్ ॥ ౧౦॥

శ్రీవేఙ్కటేశతవ పాదసరోజయుగ్మే
సంసారదుఃఖశమనాయ సమర్పయామి ।
భాస్వత్సదష్టకమిదం రచితం
ప్రభాకరోఽహమనిశంవినయేన యుక్తః ॥ ౧౧॥

శ్రీశాలివాహనశకేశరకాష్టభూమి (౧౮౧౫)
సఙ్ఖ్యామితేఽథవిజయాభిధవత్సరేఽయమ్ ।
శ్రీకేశవాత్మజైదం వ్యతనోత్సమల్పం
స్తోత్రమ్ప్రభాకర ఇతి ప్రథితాభిధానా ॥ ౧౨॥

ఇతిగార్గ్యకులోత్పన్న యశోదాగర్భజ-కేశవాత్మజ-ప్రభాకర-కృతిషు
శ్రీవేఙ్కటేశాష్టకం స్తోత్రం సమాప్తమ్ ॥

శ్రీకృష్ణదాస తనుజస్య మయా తు
గఙ్గావిష్ణోరకారికిల సూచనయాష్టకం యత్ ।
తద్వేఙ్కటేశమనసో ముదమాతనోతు
తద్భక్తలోకనివహానన పఙ్క్తిగం సత్ ॥

పిత్రోర్గురోశ్చాప్యపరాధకారిణో
భ్రాతుస్తథాఽన్యాయకృతశ్చదుర్గతః ।
తేషుత్వయాఽథాపి కృపా విధీయతాం
సౌహార్దవశ్యేనమయా తు యాచ్యతే ॥



Encoded and proofread by YV Malleswara Rao malleswararaoy@yahoo.com
Brihatstotraratnavali

Please send corrections to sanskrit@cheerful.com
Last updated త్oday
http://sanskritdocuments.org

Venkateshwara Ashtakam 1 Lyrics in Telugu PDF
% File name : venkateshAShTaka.itx
% Category : aShTaka
% Location : doc\_vishhnu
% Author : prabhAkara See the last two verses
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Description-comments : Brihatstotraratnavali
% Latest update : July 21, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website