{॥ ଶ୍ରୀଵେଙ୍କଟେଶ୍ଵର କୃତଯଃ ମୁତ୍ତୁସ୍ଵାମୀ ଦୀକ୍ଷିତାର ଅଥଵା ଅନ୍ନମାଚାର୍ଯରଚିତମ୍ ॥}
୧) ଶ୍ରୀ ଵେଙ୍କଟଗିରୀଶଂ - ରାଗ - ସୁରଟି - ତାଲାର୍ ଆଦି ।
ପ॥ ଶ୍ରୀ ଵେଙ୍କଟଗିରୀଶଂ ଆଲୋକଯେ ଵିନାଯକ ତୁରଗାରୂଢମ୍

ଅନୁପ॥ ଦେଵେଶ ପୂଜିତ ଭଗଵନ୍ତଂ ଦିନକର କୋଟି ପ୍ରକାଶଵନ୍ତମ୍

ଗୋଵିନ୍ଦଂ ନତ ଭୂସୁର ଵୃନ୍ଦଂ ଗୁରୁଗୁହାନନ୍ଦଂ ମୁକୁନ୍ଦମ୍
ଚ॥ ଅଲମେଲୁ ମଞ୍ଗା ସମେତଂ ଅନନ୍ତ ପଦ୍ମନାଭଂ ଅତୀତମ୍

କଲିଯୁଗ ପ୍ରତ୍ଯକ୍ଷ ଵିଭାତଂ କନ୍ଜଜାଦି ଦେଵୋପେତମ୍
ଜଲଧର ସନ୍ନିଭ ସୁନ୍ଦର ଗାତ୍ରଂ ଜଲରୁହ ମିତ୍ରାବ୍ଜ ଶତ୍ରୁ ନେତ୍ରମ୍
କଲୁଷାପହ ଗୋକର୍ଣ କ୍ଷେତ୍ରଂ କରୁଣାରସ ପାତ୍ରଂ ଚିନ୍ମାତ୍ରମ୍

୨) ଶ୍ରୀ ଵେଙ୍କଟେଶଂ - ରାଗ - କଲ୍ଯାଣଵସନ୍ତ - ଆଦି ତାଲା ।
ପ॥ ଶ୍ରୀ ଵେଙ୍କଟେଶଂ ଭଜାମି ସତତଂ ଶ୍ରୀତଜନ ପରିପାଲଂ ଗାନଲୋଲମ୍

ଅନୁପ॥ ଶ୍ରୀ ଭୂମିଜା ରମଣଂ ଭଵ ତରଣଂ ନାମ ତୀର୍ଥ ରୂପଂ ଭୂ-ଵୈକୁଣ୍ଠପତିମ୍

ଚ॥ ଚନ୍ଦ୍ର ପୁଷ୍କରିଣି ତୀର ଵିହାରଂ ଇନ୍ଦ୍ରାଦି ଦେଵ ପାଦ ପୂଜିତମ୍

ଶ୍ରୀ ଭୂଦେଵି ଶିତ ନିତ୍ଯ କଲ୍ଯାଣଵସନ୍ତୋତ୍ସଵ ପ୍ରିଯକରମ୍(ମଧ୍ଯମକାଲ)
ଶଙ୍ଖ ଚକ୍ର ଧରଂ ଶଙ୍ଖ ନାଦ ପ୍ରିଯକରଂ ଗୋଵିନ୍ଦମ୍
ଵିଧି ଗୁରୁଗୁହାଦି ପୂଜିତାତ୍ମ ପଦଂ କଲିଯୁଗ ପ୍ରସନ୍ନମ୍

୩) ଵେଙ୍କଟେଶ୍ଵର ଯାଦଵ - ରାଗ - ମେଘରନ୍ଜନି ତାଲା - ରୂପକ ।
ପ॥ ଵେଙ୍କଟେଶ୍ଵର ଯାଦଵ ଭୂପତିଂ ଆଶ୍ରଯେହଂ ଵିଶ୍ଵ ଵିକଲ୍ପାପହମ୍

ଵିଦ୍ଵଜ୍ଜନ କଲ୍ପ ଭୂରୁହଂ ଵଦନ ସରସୀରୁହମ୍
ଚ॥ କଙ୍କଶୈଲ ମଧ୍ଯସ୍ଥିତ କାର୍ତିକେଯ ଶିଵ ଗୁରୁଗୁହ କରୁଣା କଟାକ୍ଷ ପାତ୍ରମ୍

କନ୍ଜଦଲାଯତ ନେତ୍ରଂ କଙ୍କଣ ହାର କିରୀଟାଲଙ୍କୃତ ସୁନ୍ଦର ଗାତ୍ରମ୍
କାଞ୍ଚନ ଵୃଷ୍ଟିପ୍ରଦ ମେଘ ରଞ୍ଜିତ ବହୁ କ୍ଷେତ୍ରମ୍
ପଙ୍କଜ ଭଵମୁଖ ସୁରକୃତ ସକଲ ନିଷ୍କଲ ସ୍ତୋତ୍ରମ୍
ସଙ୍କଲ୍ପଵିକଲ୍ପରହିତ ସଚ୍ଚିଦାନନ୍ଦ ମାତ୍ରମ୍


Annamacharya Kirtanas in Sanskrit


୧) ଗରୁଡ ଗମନା
ପ॥ ଗରୁଡ ଗମନା ଗରୁଡଧ୍ଵଜ ନରହରି ନମୋ ନମୋ

ଚ୍୧॥ କମଲାପତି କମଲନାଭ କମଲଜ ଜନ୍ମ କାରଣିକା

କମଲନଯନ କମଲାଭ୍ଜ କୁଲ ନମୋ ନମୋ ହରି ନମୋ ନମୋ
ଚ୍୨॥ ଜଲଧି ବନ୍ଧନ ଜଲଧି ଶଯନ ଜଲନିଧି ମଧ୍ଯ ଜନ୍ତୁକଲ

ଜଲନିଧି ଜାମାଦ ଜଲଧି ଗମ୍ଭୀର ସନାତନା ନମୋ ହରି ନମୋ
ଚ୍୩॥ ଘନ ଦିଵ୍ଯରୂପ ଘନ ମହିମାଙ୍କ ଘନ ଘନା ଘନ କାଯ ଵଗ୍ନ

ଅନଘ ଶ୍ରୀ ଵେଙ୍କଟାଧିପ ଦେହଂ ନମୋ ନମୋ ହରି ନମୋ ନମୋ

୨) ମୋହନ-ମାଧଵକେଶଵମଧୁସୂଦନ
ପ॥ ମାଧଵ କେଶଵ ମଧୁସୂଦନ ଵିଷ୍ଣୁ । ଶ୍ରୀଧରା ପଦନଖଂ ଚିନ୍ତଯାମି ଯୂଯମ୍ ॥
ଚ॥ ଵାମନ ଗୋଵିନ୍ଦ ଵାସୁଦେଵ ପ୍ରଦ୍ଯୁମ୍ନ । ରାମରାମ କୃଷ୍ଣ ନାରାଯଣାଚ୍ଯୁତ ।

ଦାମୋଦରାନିରୁଦ୍ଧ ଦୈଵ ପୁଣ୍ଡରୀକାକ୍ଷ । ନାମତ୍ରଯାଧୀଷ ନମୋନମୋ ॥

ଚ॥ ପୁରୁଷୋତ୍ତମ ପୁଣ୍ଡରୀକାକ୍ଷ ଦିଵ୍ଯ । ହରି ସଙ୍କର୍ଷଣ ଅଧୋକ୍ଷଜ ।

ନରସିଂହ ହୃଷୀକେଶ ନଗଧର ତ୍ରିଵିକ୍ରମ । ଶରଣାଗତ ରକ୍ଷ ଜଯଜଯ ସେଵେ ॥

ଚ॥ ମହିତ ଜନାର୍ଦନ ମତ୍ସ୍ଯକୂର୍ମ ଵରାହ । ସହଜ ଭାର୍ଗଵ ବୁଦ୍ଧ ଜଯତୁରଗ

କଲ୍କି ।
ଵିହିତ ଵିଜ୍ଞାନ ଶ୍ରୀଵେଙ୍କଟେଶ ଶୁଭକରମ୍ । ଅହମିହ ତଵପଦ ଦାସ୍ଯଂ ଅନିଶଂ ଭଜାମି
॥


୩) ଜଞ୍ଜୂଟି
ପ॥ ନଵନୀତଚୋର ନମୋନମୋ । ନଵମହିମାର୍ଣଵ ନମୋନମୋ ॥
ଚ॥ ହରିନାରାଯଣ କେଶଵାଚ୍ଯୁତକୃଷ୍ଣ । ନରସିଂହ ଵାମନ ନମୋନମୋ ।

ମୁରହର ପଦ୍ମନାଭ ମୁକୁନ୍ଦ ଗୋଵିନ୍ଦ । ନରନାରାଯଣ ନମୋନମୋ ॥

ଚ॥ ନିଗମଗୋଚର ଵିଷ୍ଣୁ ନୀରଜାକ୍ଷ ଵାସୁଦେଵ । ନଗଧର ନନ୍ଦଗୋପ ନମୋନମୋ ।

ତ୍ରିଗୁଣାତୀତଦେଵ ତ୍ରିଵିକ୍ରମ ଦ୍ଵାରକ । ନଗରାଧିନାଯକ ନମୋନମୋ ॥

ଚ॥ ଵୈକୁଂଠ ରୁକ୍ମିଣୀ ଵଲ୍ଲଭ ଚକ୍ରଧର । ନାକେଶଵନ୍ଦିତ ନମୋନମୋ ।

ଶ୍ରୀକର ଗୁଣନିଧି ଶ୍ରୀଵେଙ୍କଟେଶ୍ଵର । ନାକଜନନୁତ ନମୋନମୋ ॥


୪) ବୌଲି
ପ॥ ଶ୍ରୀମନ୍ନାରାଯଣ ଶ୍ରୀମନ୍ନାରାଯଣ । ଶ୍ରୀମନ୍ନାରାଯଣ ନୀ ଶ୍ରୀପାଦମେ ଶରଣୁ ॥
ଚ॥ କମଲାସତୀ ମୁଖକମଲ କମଲହିତ । କମଲପ୍ରିଯ କମଲେକ୍ଷଣ ।

କମଲାସନହିତ ଗରୁଡଗମନ ଶ୍ରୀ । କମଲନାଭ ନୀପଦକମଲମେ ଶରଣୁ ॥

ଚ॥ ପରମଯୋଗିଜନ ଭାଗଧେଯ ଶ୍ରୀ । ପରମପୂରୁଷ ପରାତ୍ପର

ପରମାତ୍ମ ପରମାଣୁରୂପ ଶ୍ରୀ । ତିରୁଵେଙ୍କଟଗିରି ଦେଵ ଶରଣୁ ॥


Note:
nI This seems to be not a Sanskrit word. In Telugu it means ‘you’. I think, it may be appropriate to replace it by ‘tava’ as it suits the rhythm. Other than this word, the entire kirtana is in Sanskrit. This is a very popular kirtana in Telugu.


୫) ଅଠାଣ
ପ॥ ନଗୁ ମୋଗମୁ ତୋଡି ଵୋ ନରକେସରି । ନଗ ରୂପ ଗରୁଡାଦ୍ରି ନରକେସରି ॥
ଚ॥ ଅମିତ ଦାନଵ ହରଣ ଆଦିନରକେସରି । ଅମିତ ବ୍ରହ୍ମାଦି ସୁର ନରକେସରି ।

କମଲାଗ୍ର ଵାମାଙ୍କ କନକ ନରକେସରି । ନମୋ ନମୋ ପରମେଶ ନରକେସରି ॥

ଚ॥ ରଵିଚନ୍ଦ୍ର ଶିଖ ନେତ୍ର ରୌଦ୍ର ନର କେସରି । ନଵ ନାରସିଂହ ନମୋ ନର କେସରି

।
ଭଵନାଶିନୀ ତୀର ଭଵ୍ଯ ନର କେସରି । ନଵରସାଲଙ୍କାର ନର କେସରି ॥

ଚ॥ ଶରଣାଗତ ତ୍ରାଣ ସୌମ୍ଯ ନରକେସରି । ନରକ ମୋଚନ ନାମ ନରକେସରି ।

ହରି ନମୋ ଶ୍ରୀ ଵେଙ୍କଟାଦ୍ରି ନରକେସରି । ନରସିଂହ ଜଯ ଜଯତୁ ନରକେସରି ॥


Note:
toDi This seems to be not a Sanskrit word. In Telugu it means ‘with’.
An appropriate replacement may be found in Sanskrit. Or otherwise,
the kirtana may be left out. Excepting this word, the entire kirtana
is in Sanskrit. This is a very popular kirtana in Telugu.


୬) କୀରଵାଣି
ପ॥ ସକଲଂ ହେ ସଖି ଜାନାମି ତତ । ପ୍ରକଟ ଵିଲାସଂ ପରମଂ ଧଧସେ ॥
ଚ॥ ଅଲିକ ମୃଗମଦ ମଯ ମଷୀକଲ ନୋଜ୍ଜ୍ଵଲତାଂ ହେ ସଖି ଜାନାମି ।

ଲଲିତଂ ତଵ ପଲ୍ଲଵି ତମନସି ନିଶ୍ଚଲତର ମେଘ ଶ୍ଯାମଂ ଧଧସେ ॥

ଚ॥ ଚାରୁ କପୋଲସ୍ଥଲ କରାଂଚିତ ଵିଚାରଂ ହେ ସଖି ଜାନାମି ।

ନାରାଯଣ ମହିନାଯକ ଶଯନମ୍ । ଶ୍ରୀ ରମଣଂ ତଵ ଚିତ୍ତେ ଧଧସେ ॥

ଚ॥ ଘନକୁଚ ଶୈଲାଗ୍ର ସ୍ଥିତ ଵିଧୁମଣି । ଜନନଂ ହେ ସଖି ଜାନାମି ।


୭) ନାଟ
ପ॥ ଆଦିପୁରୁଷା ଅଖିଲାନ୍ତରଙ୍ଗା ଭୂଦେଵତା ରମଣ ଭୋଗୀନ୍ଦ୍ର ଶଯନା ॥
ଚ॥ ଭଵ ପାଥୋନିଧି ବାଡବାନଲ । ଭଵଜୀମୁତ ପ୍ରଭଞ୍ଜନା

ଭଵପର୍ଵତ ପ୍ରଲଯ ଭଯଦ ନିର୍ଘାତ ଦୁର୍ଭଵ କାଲକୂଟଭଵ ବହୁଵିଶ୍ଵରୂପ ॥

ଚ॥ ଭଵ ଘୋର ତିମିର ଦୁର୍ଭଵ କାଲ ମାର୍ତାଣ୍ଡ । ଭଵ ଭଦ୍ରମାତଙ୍ଗ ପଂଚାନନ

ଭଵ କମଲଭଵ ମାଧଵରୂପ ଶେଷାଦ୍ରି । ଭଵ ଵେଙ୍କଟନାଥ ଭଵରୋଗ ଵୈଦ୍ଯ ॥


୮) ହିନ୍ଦୋଲ
ପ॥ ଆଦିଦେଵ ପରମାତ୍ମା ଵେଦ । ଵେଦାନ୍ତ ଵେଦ୍ଯ ନମୋ ନମୋ ॥
ଅନୁପ॥ ପରାତ୍ପରା ଭକ୍ତ ଭଵ ଭଞ୍ଜନ । ଚରାଚର ଲୋକ ଜନକ ନମୋ ନମୋ ॥
ଚ॥ ଗଦାଧରା ଵେଙ୍କଟଗିରି ନିଲଯା । ସଦାନନ୍ଦ ପ୍ରସନ୍ନ ନମୋ ନମୋ ॥

୯) ବୌଲି
ପ॥ ଆନନ୍ଦ ନିଲଯ ପ୍ରହ୍ଲାଦ ଵରଦା । ଭାନୁ ଶଶି ନେତ୍ର ଜଯ ପ୍ରହ୍ଲାଦ ଵରଦା ॥
ଚ॥ ପରମ ପୁରୁଷ ନିତ୍ଯ ପ୍ରହ୍ଲାଦ ଵରଦା । ହରି ଅଚ୍ଯୁତାନନ୍ଦ ପ୍ରହ୍ଲାଦ ଵରଦା ।

ପରିପୂର୍ଣ ଗୋଵିନ୍ଦ ପ୍ରହ୍ଲାଦ ଵରଦା । ଭରିତ କଲ୍ଯାଣଗୁଣ ପ୍ରହ୍ଲାଦ ଵରଦା ॥

ଚ॥ ଭଵରୋଗ ସଂହରଣ ପ୍ରହ୍ଲାଦ ଵରଦା । ଅଵିରଲ କେଶଵ ପ୍ରହ୍ଲାଦ ଵରଦା ।

ପଵମାନ ନୁତ କୀର୍ତି ପ୍ରହ୍ଲାଦ ଵରଦା । ଭଵ ପିତାମହ ଵନ୍ଦ୍ଯ ପ୍ରହ୍ଲାଦ ଵରଦା ॥

ଚ॥ ବଲ ଯୁକ୍ତ ନରସିଂହ ପ୍ରହ୍ଲାଦ ଵରଦା । ଲଲିତ ଶ୍ରୀ ଵେଙ୍କଟାଦ୍ରି ପ୍ରହ୍ଲାଦ

ଵରଦା ।
ଫଲିତ କରୁଣାରସ ପ୍ରହ୍ଲାଦ ଵରଦା । ବଲି ଵଂଶ କାରଣ ପ୍ରହ୍ଲାଦ ଵରଦା ॥


୧୦) ଧନ୍ଯାସି
ପ॥ ଭାଵଯାମି ଗୋପାଲବାଲଂ ମନସ୍ସେଵିତଂ ତତ୍ପଦଂ ଚିନ୍ତଯେହଂ ସଦା ॥
ଚ॥ କଟି ଘଟିତ ମେଖଲା ଖଚିତ ମଣି ଘଂଟିକାପଟଲ ନିନଦେନ ଵିଭ୍ରାଜମାନମ୍ ।

କୁଟିଲ ପଦ ଘଟିତ ସଙ୍କୁଲ ଶିଞ୍ଜିତାନତମ୍ । ଚଟୁଲ ନଟନା ସମୁଜ୍ଜ୍ଵଲ ଵିଲାସମ୍ ॥

ଚ॥ ନିରତକର କଲିତନଵନୀତଂ ବ୍ରହ୍ମାଦିସୁର ନିକର ଭାଵନା ଶୋଭିତ ପଦମ୍ ।

ତିରୁଵେଙ୍କଟାଚଲ ସ୍ଥିତ ମନୁପମଂ ହରିମ୍ । ପରମ ପୁରୁଷଂ ଗୋପାଲବାଲମ୍ ॥


୧୧) କରହରପ୍ରିଯ
ପ॥ ବୃଵନ୍ତି ବୌଦ୍ଧା ବୁଦ୍ଧ ଇତି । ସ୍ତୁଵନ୍ତି ଭକ୍ତା ସୁଲଭ ଇତି ॥
ଚ॥ ଗଦନ୍ତିକିଲ ସାଂଖ୍ଯାସ୍ତ୍ଵାଂ ପୁରୁଷମ୍ । ପଦ ଵାକ୍ଯଜା ପଦମିତି ଚ ।

ଵିଦନ୍ତି ତ୍ଵା ଵେଦାନ୍ତିନସ୍ସଦା ବ୍ରହ୍ମ ଲସତ୍ପଦମିତି ଚ ॥

ଚ॥ ଜପନ୍ତି ମୀମାଂସକା ସ୍ତ୍ଵାଂଚ । ଵିପୁଲ କର୍ମଣୋ ଵିଭଵ ଇତି ।

ଲପନ୍ତି ନଯନ ସକଲାସ୍ସତତଂ କୃପାଲୁ କର୍ତା କେଵଲମିତି ଚ ॥

ଚ॥ ଭଣନ୍ତି ଵେଙ୍କଟପତେ ମୁନଯୋ । ହ୍ଯାଣିମାଦିପ୍ରଦ ମତୁଲମିତି ।

ଗୁଣଵନ୍ତଂ ନିର୍ଗୁଣଂ ପୁନରିତି । ଗୃଣନ୍ତି ସର୍ଵେ କେଵଲମିତି ଚ ॥


୧୨) ଶ୍ରୀରାଗଂ
ପ॥ ଵନ୍ଦେ ଵାସୁଦେଵମ୍ । ବୃନ୍ଦାରକାଧୀଶ ଵନ୍ଦିତ ପଦାବ୍ଜମ୍ ॥
ଚ॥ ଇନ୍ଦୀଵରଶ୍ଯାମ ମିନ୍ଦିରାକୁଚତଟୀଚନ୍ଦନାଙ୍କିତ ଲସତ୍ଚାରୁ ଦେହମ୍ ।

ମନ୍ଦାର ମାଲିକାମକୁଟ ସଂଶୋଭିତମ୍ । କନ୍ଦର୍ପଜନକ ମରଵିନ୍ଦନାଭମ୍ ॥

ଚ॥ ଧଗଧଗ କୌସ୍ତୁଭ ଧରଣ ଵକ୍ଷସ୍ଥଲମ୍ । ଖଗରାଜ ଵାହନଂ କମଲନଯନଂ

।
ନିଗମାଦିସେଵିତଂ ନିଜରୂପଶେଷପନ୍ନଗରାଜ ଶାଯିନଂ ଘନନିଵାସମ୍ ॥

ଚ॥ କରିପୁରନାଥସଂରକ୍ଷଣେ ତତ୍ପରମ୍ । କରିରାଜଵରଦ ସଙ୍ଗତକରାବ୍ଜମ୍ ।

ସରସୀରୁହାନନଂ ଚକ୍ରଵିଭ୍ରାଜିତମ୍ । ତିରୁ ଵେଙ୍କଟାଚଲାଧୀଶଂ ଭଜେ ॥


୧୩) ହଂସଧ୍ଵନି
ପ॥ ଵନ୍ଦେହଂ ଜଗଦ୍ଵଲ୍ଲଭଂ ଦୁର୍ଲଭମ୍ । ମନ୍ଦର ଧରଂ ଗୁରୁଂ ମାଧଵଂ ଭୂଧଵମ୍ ॥
ଚ॥ ନରହରିଂ ମୁରହରଂ ନାରାଯଣଂ ପରମ୍ । ହରିଂ ଅଚ୍ଯୁତଂ ଘନଵିହଙ୍ଗ ଵାହନମ୍ ।

ପୁରୁଷୋତ୍ତମଂ ପରଂ ପୁଂଡରୀକେକ୍ଷଣମ୍ । କରୁଣାଭରଣଂ କଲଯାମି ଶରଣମ୍ ॥

ଚ॥ ନନ୍ଦ ନିଜନନ୍ଦନଂ ନନ୍ଦକ ଗଦାଧରମ୍ । ଇନ୍ଦିରାନାଥ ମରଵିନ୍ଦନାଭମ୍ ।

ଇନ୍ଦୁରଵି ଲୋଚନଂ ହିତଦାସପଦଂ ମୁକୁନ୍ଦଂ ଯଦୁକୁଲଂ ଗୋପଗୋଵିନ୍ଦମ୍ ॥

ଚ॥ ରାମାନାମଂ ଯଜ୍ଞରକ୍ଷଣଂ ଲକ୍ଷଣମ୍ । ଵାମନଂ କାମିତଂ ଵାସୁଦେଵମ୍ ।

ଶ୍ରୀମଦାଵାସିନଂ ଶ୍ରୀଵେଙ୍କଟେଶ୍ଵରମ୍ । ଶ୍ଯାମଲଂ କୋମଲଂ ଶାନ୍ତମୂର୍ତିମ୍ ॥


୧୪) ଅସାଵେରି
ପ॥ ନନ୍ଦକଧର ନନ୍ଦ ଗୋପନନ୍ଦନ । କନ୍ଦର୍ପ ଜନକ କରୁଣାତ୍ମନ୍ ॥
ଚ॥ ମୁକୁନ୍ଦ କେଶଵ ମୁରହର । ସକଲାଧିପ ପରମେଶ୍ଵର ଦେଵେଶ ।

ଶୁକଵରଦ ସଵିତୃ ସୁଧାଂଶୁ ଲୋଚନ । ପ୍ରକଟ ଵିଭଵ ନମୋ ପରମାତ୍ମନ୍ ॥

ଚ॥ ଧୃଵପାଂଚାଲୀ ସ୍ତୁତିଵତ୍ସଲ ମାଧଵ ମଧୁସୂଦନ ଧରଣୀଧରା ।

ଭୁଵନତ୍ରଯ ପରିପୋଷଣ ତତ୍ପର । ନଵନୀତପ୍ରିଯ ନାଦାତ୍ମନ୍ ॥

ଚ॥ ଶ୍ରୀମାନ୍ ଵେଙ୍କଟ ଶିଖିରନିଵାସ ମହାମହିମାନ୍ ନିଖିଲାଣ୍ଡପତେ ।

କାମିତ ଫଲ ଭୋଗପ୍ରଦତେ ନମୋ । ସ୍ଵାମିନ୍ ଭୂମନ୍ ସର୍ଵାତ୍ମନ୍ ॥


୧୫) ଆଭେରି
ଦେଵଦେଵଂ ଭଜେ - ରାଗ - ହିନ୍ଦୋଲ - କ୍/ଚାପୁ ତାଲା ।
ପ॥ ଦେଵଦେଵଂ ଭଜେ ଦିଵ୍ଯ ପ୍ରଭାଵମ୍ । ରାଵଣାସୁରଵୈରି ରଘୁ ପୁଙ୍ଗଵମ୍ ॥
ଚ॥ ରାଜଵର ଶେଖରଂ ରଵିକୁଲ ସୁଧାକରମ୍ । ଆଜାନୁ ବାହୁଂ ନୀଲାଭ୍ର କାଯମ୍ ।

ରାଜାରି କୋଦଂଡ ରାଜଦୀକ୍ଷା ଗୁରୁମ୍ । ରାଜୀଵ ଲୋଚନଂ ରାମଚନ୍ଦ୍ରମ୍ ॥

ଚ॥ ନୀଲଜୀମୂତ ସନ୍ନିଭ ଶରୀରଂ ଘନ ଵିଶାଲ ଵକ୍ଷସଂ ଵିମଲ ଜଲଜ ନାଭମ୍ ।

କାଲାହି ନଗ ହରଂ ଧର୍ମ ସଂସ୍ଥାପନମ୍ । ଭୂ ଲଲନାଧିପଂ ଭୋଗଶଯନମ୍ ॥

ଚ॥ ପଙ୍କଜାସନ ଵିନୁତ ପରମ ନାରାଯଣମ୍ । ଶଙ୍କ ରାର୍ଜିତ ଜନକ ଚାପ ଦଲନମ୍ ।

ଲଙ୍କା ଵିଶୋଷଣଂ ଲାଲିତ ଵିଭୀଷଣମ୍ । ଵେଙ୍କଟେଶଂ ସାଧୁ ଵିବୁଧ ଵିନୁତମ୍ ॥


୧୬) ମାଲଵଶ୍ରୀ
ପ॥ ନମାମ୍ଯହଂ ମାନଵ ସିଂହମ୍ । ପ୍ରମଦାଙ୍କ ମହୋବଲ ନରସିଂହମ୍ ॥
ଚ॥ ଦାନଵ ଦୈତ୍ଯ ଵିଦାରଣ ସିଂହମ୍ । ନାନାଯୁଧ କର ନରସିଂହମ୍ ।

ଭୂ ନଭୋନ୍ତ ରାପୂରିତ ସିଂହମ୍ । ଆନନ ଵହ୍ନି ଲଯାନ୍ତକ ସିଂହମ୍ ॥

ଚ॥ ପ୍ରଲଯ ନୃସିଂହଂ ବହୁମୁଖ ସିଂହମ୍ । ସଲଲିତ ଗରୁଡାଚଲ ସିଂହମ୍ ।

କୁଲିଶ ନଖର ମୁଖ ଘୋଷିତ ସିଂହମ୍ । ତିଲକିତ ବହୁରଵି ଦୀପିତ ସିଂହମ୍ ॥

ଚ॥ ଶାନ୍ତ ନୃସିଂହଂ ଶୌର୍ଯ ନୃସିଂହମ୍ । ସନ୍ତତ କରୁଣା ଜଯ ସିଂହମ୍ ।

କାନ୍ତ ଶ୍ରୀ ଵେଙ୍କଟ ଗିରି ସିଂହମ୍ । ଚିନ୍ତିତ ଘନ ସଂସିଦ୍ଧି ନୃସିଂହମ୍ ॥


୧୭) ମଣିରଙ୍ଗୁ
ପ॥ ରାମ ମିନ୍ଦୀଵର ଶ୍ଯାମଂ ପରାତ୍ପର । ଧାମଂ ସୁର ସାର୍ଵଭୌମଂ ଭଜେ ॥
ଚ॥ ସୀତାଵନିତା ସମେତମ୍ । ପୀତ (ସ୍ଫୀତ) ଵାନର ବଲଵ୍ରାତମ୍ ।

ପୂତ କୌସଲ୍ଯା ସଞ୍ଜାତମ୍ । ଵୀତ ଭୀତ ମୌନି ଵିଦ୍ଯୋତମ୍ ॥

ଚ॥ ଵୀର ରଣରଙ୍ଗ ଧୀରମ୍ । ସାରକୁଲୋଦ୍ଧାରମ୍ ।

କ୍ରୂର ଦାନଵ ସଂହାରମ୍ । ଶୂରାଧାରାଚାର ସୁଗୁଣୋଦାରମ୍ ॥

ଚ॥ ପାଵନଂ ଭକ୍ତ ସେଵନମ୍ । ଦୈଵିକ ଵିହଗପଥାଵନମ୍ ।

ରାଵଣାନୁଜ ସଞ୍ଜୀଵନମ୍ । ଶ୍ରୀ ଵେଙ୍କଟ ପରିଚିତ ଭାଵନମ୍ ॥


୧୮) ଜୋଗିଯା
ପ॥ ଅଯମେଵ ଅଯମେଵ ଆଦିପୁରୁଷୋ । ଜଯକରଂ ତମହଂ ଶରଣଂ ଭଜାମି ॥
ଚ॥ ଅଯମେଵ ଖଲୁପୁରା ଅଵନୀଧରସ୍ତୁତୋ । ଵ୍ଯଯମେଵ ଵଟଦଲାଗ୍ରାଧୀଶଯନଃ।

ଅଯମେଵ ଦଶଵିଧ ରଵତାର ରୂପୈଶ୍ଚ । ନଯମାର୍ଗ ଭୁଵିରକ୍ଷଣଂ କରୋତି ॥

ଚ॥ ଅଯମେଵ ସତତଂ ଶ୍ରିଯଃପତି ଦେଵେଷୁ । ଅଯମେଵ ଦୁଷ୍ଟଦୈତ୍ଯାନ୍ତ କସ୍ତୁ ।

ଅଯମେଵ ସକଲ ଭୂତାନ୍ତରେଷ୍ଣୁ କ୍ରମ୍ଯ । ପ୍ରିଯଭକ୍ତପୋଷଣଂ ପିଦୃତୃନୋତୁ ॥

ଚ॥ ଅଯମେଵ ଶ୍ରୀଵେଙ୍କଟାଦ୍ରି ଵିରାଜିତେ । ଅଯମେଵ ଵରଦୋପ୍ଯାଚକାନା ।

ଅଯମେଵ ଵେଦଵେଦାନ୍ତଶ୍ଚ ସୂଚିତୋ । ଅଯମେଵ ଵୈକୁଂଠାଧୀଶ୍ଵରସ୍ତୁ ॥


୧୯) ଭାଗେଶ୍ଵରି
ପ॥ ନମିତ ଦେଵଂ ଭଜେ ନାରସିଂହମ୍ । ସୁମୁଖ କରୁଣେକ୍ଷଣଂ ସୁଲଭ ନରସିଂହମ୍ ॥
ଚ॥ ଵିଜଯ ନରସିଂହଂ ଵୀର ନରସିଂହମ୍ । ଭୁଜବଲ ପରାକ୍ରମ ସ୍ଫୁଟ ନରସିଂହମ୍ ।

ରଜନି ଚର ଵିଦଲନ ଵିରାଜିତ ନୃସିଂହମ୍ । ସୁଜନ ରକ୍ଷକ ମହାଶୂର ନରସିଂହମ୍ ॥

ଚ॥ ଦାରୁଣ ନରସିଂହଂ ପ୍ରତାପ ନରସିଂହମ୍ । ଚାରୁ କଲ୍ଯାଣ ନିଶ୍ଚଲ ନୃସିଂହମ୍ ।

ଧୀର ଚିତ୍ତାଵାସ ଦିଵ୍ଯ ନରସିଂହମ୍ । ସାର ଯୋଗାନନ୍ଦ ଚତୁର ନରସିଂହମ୍ ॥

ଚ॥ ଵିମଲ ନରସିଂହଂ ଵିକ୍ରମ ନୃସିଂହମ୍ । କମନୀଯ ଗୁଣଗଣାକର ନୃସିଂହମ୍ ।

ଅମିତ ସୁଶ୍ରୀ ଵେଙ୍କଟାଦ୍ରି ନରସିଂହମ୍ । ରମଣୀଯ ଭୂଷାଭିରାମ ନରସିଂହମ୍ ॥


୨୦) ବୈରାଗୀ ଭୈରଵି
ପ॥ ମାଧଵା ଭୂଧଵା ମଦନ ଜନକ । ସାଧୁ ରକ୍ଷଣ ଚତୁର ଶରଣୁ ଶରଣୁ ॥
ଚ॥ ନାରାଯଣାଚ୍ଯୁତାନନ୍ତ ଗୋଵିନ୍ଦ ଶ୍ରୀ । ନାରସିଂହା କୃଷ୍ଣ ନାଗଶଯନ ।

ଵାରାହ ଵାମନ ଵାସୁଦେଵ ମୁରାରି । ଶୌରୀ ଜଯଜଯତୁ ଶରଣୁ ଶରଣୁ ॥

ଚ॥ ପୁଂଡରୀକେକ୍ଷଣ ଭୁଵନ ପୂର୍ଣଗୁଣ । ଅଂଡଜଗମନ ନିତ୍ଯହରି ମୁକୁନ୍ଦ ।

ପଂଡରି ରମଣ ରାମ ବଲରାମ ପରମ ପୁରୁଷ । ଚଂଡଭାର୍ଗଵ ରାମ ଶରଣୁ ଶରଣୁ ॥

ଚ॥ ଦେଵଦେଵୋତ୍ତମ ଦିଵ୍ଯାଵତାର ନିଜ । ଭାଵ ଭାଵନାତୀତ ପଦ୍ମନାଭ ।

ଶ୍ରୀଵେଙ୍କଟାଚଲ ଶୃଙ୍ଗାରମୂର୍ତି ନଵ । ସାଵଯଵ ସାରୂପ୍ଯ ଶରଣୁ ଶରଣୁ ॥


୨୧) ନଵରୋଜ୍
ପ॥ ଜଯଜଯ ନୃସିଂହ ସର୍ଵେଶ । ଭଯହର ଵୀର ପ୍ରହ୍ଲାଦ ଵରଦ ॥
ଚ॥ ମିହିର ଶଶିନଯନ ମୃଗନର ଵେଷ । ବହି ରନ୍ତସ୍ଥଲ ପରିପୂର୍ଣ ।

ଅହି ନାଯକ ସିଂହାସନ ରାଜିତ । ବହୁଲ ଗୁଣ ଗଣ ପ୍ରହ୍ଲାଦ ଵରଦ ॥

ଚ॥ ଚଟୁଲ ପରାକ୍ରମ ସମଘନ ଵିରହିତ । ନିଟୁଲ ନେତ୍ର ମୌନି ପ୍ରଣୁତ ।

କୁଟିଲ ଦୈତ୍ଯ ତତି କୁକ୍ଷି ଵିଦାରଣ । ପଟୁ ଵଜ୍ରନଖ ପ୍ରହ୍ଲାଦ ଵରଦ ॥

ଚ॥ ଶ୍ରୀ ଵନିତା ସଂଶ୍ରିତ ଵାମାଙ୍କ । ଭାଵଜ କୋଟି ପ୍ରତିମାନ ।

ଶ୍ରୀ ଵେଙ୍କଟଗିରି ଶିଖର ନିଵାସ । ପାଵନ ଚରିତ ପ୍ରହ୍ଲାଦ ଵରଦ ॥


୨୨) ଧନ୍ଯାସି
ପ॥ ନନ୍ଦ ନନ୍ଦନ ଵେଣୁନାଦ ଵିନୋଦମୁକୁନ୍ଦ କୁନ୍ଦ ଦନ୍ତହାସ ଗୋଵର୍ଧନ ଧରା

॥

ଚ॥ ରାମ ରାମ ଗୋଵିନ୍ଦ ରଵିଚନ୍ଦ୍ର ଲୋଚନ । କାମ କାମ କଲୁଷ ଵିକାର ଵିଦୂରା ।

ଧାମ ଧାମ ଵିଭଵତ୍ପ୍ରତାପ ରୂପ ଦନୁଜ ନିର୍ଧୂମ ଧାମ କରଣ ଚତୁର
ଭଵଭଞ୍ଜନା ॥

ଚ॥ କମଲ କମଲଵାସ କମଲା ରମଣ ଦେଵୋତ୍ତମ ତମୋଗୁଣ ସତତ ଵିଦୂର ।

ପ୍ରମଦତ୍ପ୍ରମଦାନୁଭଵ ଭାଵ କରଣ । ସୁମୁଖ ସୁଧାନନ୍ଦ ଶୁଭରଞ୍ଜନା ॥

ଚ॥ ପରମ ପରାତ୍ପର ପରମେଶ୍ଵରା । ଵରଦ ଵରଦାମଲ ଵାସୁଦେଵ ।

ଚିର ଚିର ଘନନଗ ଶ୍ରୀଵେଙ୍କଟେଶ୍ଵର । ନରହରି ନାମ ପନ୍ନଗ ଶଯନା ॥


୨୩) ଶ୍ରୀରାଗଂ
ପ॥ ଫାଲନେତ୍ରାନଲ ପ୍ରବଲ ଵିଦ୍ଯୁଲ୍ଲତା । କେଲୀ ଵିହାର ଲକ୍ଷ୍ମୀନାରସିଂହା ॥
ଚ॥ ପ୍ରଲଯମାରୁତ ଘୋର ଭସ୍ତ୍ରୀକାପୂତ୍କାର । ଲଲିତ ନିଶ୍ଵାସଡୋଲା ରଚନଯା ।

କୂଲଶୈଲକୁଂଭିନୀ କୁମୁଦହିତ ରଵିଗଗନଚଲନ ଵିଧିନିପୁଣ ନିଶ୍ଚଲ ନାରସିଂହା
॥

ଚ॥ ଵିଵରଘନଵଦନ ଦୁର୍ଵିଧହସନ ନିଷ୍ଠ୍ଯୂତଲଵଦିଵ୍ଯ ପରୁଷ

ଲାଲାଘଟନଯା ।
ଵିଵିଧ ଜନ୍ତୁ ଵ୍ରାତଭୁଵନ ମଗ୍ନୌକରଣ । ନଵନଵପ୍ରିଯ ଗୁଣାର୍ଣଵ ନାରସିଂହା ॥

ଚ॥ ଦାରୁଣୋଜ୍ଜ୍ଵଲ ଧଗଦ୍ଧଗିତ ଦଂଷ୍ଟ୍ରାନଲ ଵିକାର ସ୍ଫୁଲିଙ୍ଗ ସଙ୍ଗକ୍ରୀଡଯା ।

ଵୈରିଦାନଵ ଘୋରଵଂଶ ଭସ୍ମୀକରଣକାରଣ ପ୍ରକଟ ଵେଙ୍କଟ ନାରସିଂହା ॥


୨୪) ମୋହନ
ପ॥ ରାଜୀଵ ନେତ୍ରାଯ ରାଘଵାଯ ନମୋ । ସୌଜନ୍ଯ ନିଲଯାଯ ଜାନକୀଶାଯ ॥
ଚ॥ ଦଶରଥ ତନୂଜାଯ ତାଟକ ଦମନାଯ । କୁଶିକ ସଂଭଵ ଯଜ୍ଞ ଗୋପନାଯ ।

ପଶୁପତି ମହା ଧନୁର୍ଭଞ୍ଜନାଯ ନମୋ । ଵିଶଦ ଭାର୍ଗଵରାମ ଵିଜଯ କରୁଣାଯ ॥

ଚ॥ ଭରିତ ଧର୍ମାଯ ଶୁର୍ପଣଖାଙ୍ଗ ହରଣାଯ । ଖରଦୂଷଣାଯ ରିପୁ ଖଂଡନାଯ ।

ତରଣି ସଂଭଵ ସୈନ୍ଯ ରକ୍ଷକାଯନମୋ । ନିରୁପମ ମହା ଵାରିନିଧି ବନ୍ଧନାଯ ॥

ଚ॥ ହତ ରାଵଣାଯ ସଂଯମି ନାଥ ଵରଦାଯ । ଅତୁଲିତ ଅଯୋଧ୍ଯା ପୁରାଧିପାଯ ।

ହିତକର ଶ୍ରୀ ଵେଙ୍କଟେଶ୍ଵରାଯ ନମୋ । ଵିତତ ଵାଵିଲିପାଟି ଵୀର ରାମାଯ ॥


୨୫) ବିଲହରି
ପ॥ ପୃଥୁଲ ହେମ କୌପୀନ ଧରଃ । ପ୍ରଥିତ ଵଟୁର୍ମେବଲଂ ପାତୁ ॥
ଚ॥ ସୂପା ସପ୍ତଃ ଶୁଚିସ୍ସୁଲଭଃ । କୋପ ଵିଦୂରଃ କୁଲାଧିକଃ ।

ପାପ ଭଞ୍ଜନଃ ପରାତ୍ପ ରୋଯମ୍ । ଗୋପା ଲୋମେ ଗୁଣଂ ପାତୁ ॥

ଚ॥ ତରୁଣଃ ଛତ୍ରୀ ଦଂଡ କମଂଡଲୁ । ଧରଃ ପଵିତ୍ରୀ ଦଯାପରଃ ।

ସୁରାଣାଂ ସଂସ୍ତୁତି ମନୋହରଃ । ସ୍ଥିରସ୍ସୁଧୀର୍ମେ ଧୃତିଂ ପାତୁ ॥

ଚ॥ ତ୍ରିଵିକ୍ରମଃ ଶ୍ରୀ ତିରୁଵେଙ୍କଟଗିରି । ନିଵାସୋଯଂ ନିରନ୍ତରମ୍ ।

ପ୍ରଵିମଲ ମସୃଣ କବଲ ପ୍ରିଯୋମେ । ଦିଵା ନିଶାଯାଂ ଧିଯଂ ପାତୁ ॥


୨୬) ଶ୍ରୀରାଗଂ
ପ॥ ନମୋ ନାରାଯଣାଯ ନମଃ । ସମଧିକାନନ୍ଦାଯ ସର୍ଵେଶ୍ଵରାଯ ॥
ଚ॥ ଧରଣୀସତୀଘନ ସ୍ତନଶୈଲପରିରଂଭପରିମଲ ଶ୍ରମଜଲ ପ୍ରମଦାଯ ।

ସରସିଜ ନିଵାସିନୀ ସରସପ୍ରଣାମଯୁତଚରଣାଯତେ ନମୋ ସକଲାତ୍ମକାଯ ॥

ଚ॥ ସତ୍ଯଭାମାମୁଖାଂଚନ ପତ୍ରଵଲ୍ଲିକାନିତ୍ଯ ରଚନକ୍ରିଯା ନିପୁଣାଯ ।

କାତ୍ଯାଯନୀ ସ୍ତୋତ୍ରକାମାଯ ତେ ନମୋ । ପ୍ରତ୍ଯକ୍ଷ ନିଜପରବ୍ରହ୍ମ ରୂପାଯ ॥

ଚ॥ ଦେଵତାଧିପ ମକୁଟଦିଵ୍ଯ ରତ୍ନାଂଶୁସଂଭାଵିତାମଲ ପାଦପଙ୍କଜାଯ ।

କୈଵଲ୍ଯ କାମିନୀକାନ୍ତାଯ ତେ ନମୋ । ଶ୍ରୀଵେଙ୍କଟାଚଲ ଶ୍ରୀନିଵାସାଯ ॥


୨୭) ସାମନ୍ତଂ/ଆରଭି
ପ॥ ନଗଧର ନନ୍ଦଗୋପ ନରସିଂହ ଵୋନଗଜଵରଦ ଶ୍ରୀ ନାରସିଂହ ॥
ଚ॥ ନରସିଂହ ପରଞ୍ଜ୍ଯୋତି ନରସିଂହା ଵୀରନରସିଂହ ଲକ୍ଷ୍ମୀନାରସିଂହା ।

ନରସୁଖ ବହୁମୁଖ ନାରସିଂହା ଵୋନରକାନ୍ତକ ଜେଜେ ନାରସିଂହା ॥

ଚ॥ ନମୋ ନମୋ ପୁଣ୍ଡରୀକ ନାରସିଂହ ଵୋନମିତ ସୁରାସୁର ନାରସିଂହା ।

ନମକଚମକହିତ ନାରସିଂହା ଵୋନମୁଚିସୂଦନ ଵନ୍ଦ୍ଯ ନାରସିଂହା ॥

ଚ॥ ନଵରସାଲଙ୍କାର ନାରସିଂହା ଵୋନଵନୀତଚୋର ଶ୍ରୀ ନାରସିଂହା ।

ନଵଗୁଣ ଵେଙ୍କଟ ନାରସିଂହା ଵୋନଵମୂର୍ତି ମଂଡେମୁ ନାରସିଂହା ॥

ମଂଡେମୁ is possibly a Telugu/vernacular word.

୨୮) ଦେଵଗାନ୍ଧାରି
ପ॥ ଆଦିଦେଵ ପରମାତ୍ମା । ଵେଦଵେଦାନ୍ତଵେଦ୍ଯ ନମୋ ନମୋ ॥
ଚ॥ ପରାତ୍ପରା ଭକ୍ତଭଵଭଞ୍ଜନା । ଚରାଚରଲୋକଜନକ ନମୋ ନମୋ ॥
ଚ॥ ଗଦାଧରା ଵେଙ୍କଟଗିରିନିଲଯା । ସଦାନନ୍ଦ ପ୍ରସନ୍ନ ନମୋ ନମୋ ॥

୨୯) ଶ୍ରୀରାଗଂ
ପ॥ ତ୍ଵମେଵ ଶରଣଂ ତ୍ଵମେଵ ଶରଣମ୍ । କମଲୋଦର ଶ୍ରୀଜନ୍ନାଥା ॥
ଚ॥ ଵାସୁଦେଵ କୃଷ୍ଣ ଵାମନ ନରସିଂହ । ଶ୍ରୀ ସତୀଶ ସରସିଜନେତ୍ରା ।

ଭୂସୁରଵଲ୍ଲଭ ପୁରୁଷୋତ୍ତମ ପୀତକୌଶେଯଵସନ ଜଗନ୍ନାଥା ॥

ଚ॥ ବଲଭଦ୍ରାନୁଜ ପରମପୁରୁଷ ଦୁଗ୍ଧଜଲଧିଵିହାର କୁଞ୍ଜରଵରଦ ।

ସୁଲଭ ସୁଭଦ୍ରାସୁମୁଖ ସୁରେଷ୍ଵର । କଲିଦୋଷହରଣ ଜଗନ୍ନାଥା ॥

ଚ॥ ଵଟପତ୍ରଶଯନ ଭୁଵନପାଲନ ଜନ୍ତୁଘଟକାରକରଣ ଶୃଙ୍ଗାରାଧିପା ।

ପଟୁତର ନିତ୍ଯଵୈଭଵରାଯ ତିରୁଵେଂକଟଗିରିନିଲଯ ଜଗନ୍ନାଥା॥


୨୯) କନ୍ନଡଗୌଲ
ପ॥ କରୁଣାନିଧିଂ ଗଦାଧରମ୍ । ଶରଣାଗତଵତ୍ସଲଂ ଭଜେ ।

ଚ॥ ଶୁକଵରଦଂ କୌସ୍ତୁଭାଭରଣମ୍ । ଅକାରଣପ୍ରିଯ ମନେକଦମ୍ ।

ସକଲରକ୍ଷକଂ ଜଯାଧିକଂ ସେଵକପାଲକ ମେଵଂ ଭଜେ ॥

ଚ॥ ଵୁରଗଶଯନଂ ମହୋଜ୍ଜ୍ଵଲଂ ତମ୍ । ଗରୁଡାରୂଢଂ କମନୀଯମ୍ ।

ପରମପଦେଶଂ ପରମଂ ଭଵ୍ଯମ୍ । ହରିଂ ଦନୁଜଭଯଦଂ ଭଜେ ॥

ଚ॥ ଲଙ୍କାହରଣଂ ଲକ୍ଷ୍ମୀରମଣମ୍ । ପଙ୍କଜସଂଭଵପ୍ରିଯମ୍ ।

ଵେଙ୍କଟେଶଂ ଵେଦନିଲଯଂ ଶୁଭାଙ୍କଂ ଲୋକମଯଂ ଭଜେ ॥


୩୦) ଆହିରି
ପ॥ ଅସ୍ମଦାଦୀନାଂ ଅନ୍ଯେଷାମ୍ । ତସ୍ମିନ୍ ତସ୍ମିନ୍ ତତ୍ର ଚ ପୁନଶ୍ଚ ॥
ଚ॥ ସତତାଧ୍ଯଯନନିଷ୍ଠାପରାଣାଂ ଦୃଢଵ୍ରତିନାଂ ଯତୀନାଂ ଵନଵାସିନାମ୍ ।

ଗତିରିହ ସ୍ମର୍ତୁଂ କା ଜଗତ୍ଯାଂ ପରସ୍ଥିତିରିଯଂ କା ଵିଷ୍ଣୁସେଵା ପୁନଶ୍ଚ ॥

ଚ॥ ମୋହିନାମତ୍ଯନ୍ତମୁଷ୍କରାଣାଂ ଗୁଣଗ୍ରାହିଣାଂ ଭୁଵନୈକ କଠିନାନାମ୍ ।

ଦେହସଙ୍କ୍ଷାଲନ ଵିଦେଶକୋଵା ସଦା । ଶ୍ରୀହରିସ୍ମରଣଵିଶେଷଃ ପୁନଶ୍ଚ ॥

ଚ॥ କିଙ୍କୁର୍ଵାଣଦୁଃଖିତଜୀଵିନାମ୍ । ପଙ୍କିଲମନୋଭ୍ବଯଭ୍ରାନ୍ତାନାମ୍ ।

ଶଙ୍କାଂ ନିରୁରୁତିସ୍ସରସା କା, ଶ୍ରୀଵେଙ୍କଟାଚଲପତେର୍ଵିନୁତିଃ ପୁନଶ୍ଚ ॥


୩୧) ଦେସାକ୍ଷି/ଅଠାଣ
ପ॥ ସୀତାଷୋକଵିଘାତକ । ଵୋପାତାଲଲଙ୍କାପତିଵିଭାଲା ॥
ଚ॥ ହନୁମମ୍ତରାଯ ଅଞ୍ଜନୀତନଯ ଵୋଵନଧିଲଂଘନଗାତ୍ର ଵାଯୁପୁତ୍ରା ।

ଯିନକୁଲାଧିପନିଜହିତ ଜଗନ୍ନୁତଵନଜୋଦରସେଵକ ସତ୍ଵଧନିକା ॥

ଚ॥ ପ୍ରଲଯାନ୍ତିକରୂପ ବଲଦୀପ ରଵିଫଲଗିଲନପ୍ରତାପ ସୁଗ୍ରୀଵପ୍ରିଯା ।

କୁଲିକଦାନଵସଙ୍କୁଲଵିଦାରଣ । ଭଲିଭଲି ଜଗତ୍ପତିବଲୁବଂଟା ।
ଚ॥ ପଙ୍କଜାସନୁଦିଵ୍ଯପଦଵୈଭଵ ଵୋଲଙ୍କିଣୀପ୍ରାଣଵିଲଂଘନ ।

ଵେଙ୍କଟେଶ୍ଵରୁସେଵାଵୀର ମହାଧୀର । କିଙ୍କରରାଯ ସୁଖୀଭଵା ॥


୩୨) ମୋହନ
ପ॥ ପ୍ରଲପନଵଚନୈଃ ଫଲମିହକିମ୍ । ଚଲ ଚଲ କୁଡ୍ଯ କ୍ଷାଲନଯାକିମ୍ ॥
ଚ॥ ଇତର ଵଧୂମୋହିତଂ ତ୍ଵାଂପ୍ରତି । ହିତଵଚନୈ ରିହ ଫଲମିଵୋକିମ୍ ।

ସତତଂ ତଵାନୁସରଣ ମିଦଂ ମମ । ଗତଜଲ ସେତୁକରଣ ମିଦାନୀମ୍ ॥

ଚ॥ ଵିକଲ ଵିନଯ ଦୁର୍ଵିଟଂ ତ୍ଵା ପ୍ରତି । ସୁକୁମାରାଦ୍ରସ୍ତୁତ୍ଯାକିମ୍ ।

ପ୍ରକଟ ବହଲ କୋପନଂ ମମତେ । ସକଲଂ ଚର୍ଵିତ ଚର୍ଵତ ଚର୍ଵଣମେଵ ॥

ଚ॥ ଶିରସାନତ ସୁସ୍ଥିରଂ ତ୍ଵାଂପ୍ରତି । ଵିରସାଲାପନ ଵିଧି ନାକିଲମ୍ ।

ତିରୁଵେଙ୍କଟଗିରି ଦେଵତ୍ଵଦୀଯ । ଵିରହ ଵିଲସନଂ ଵୃଧା ଚରଣମ୍ ॥


୩୩) କଲ୍ଯାଣି
ପ॥ ପରମ ପୁରୁଷ ହରି ପରାତ୍ପର । ପରରିପୁ ଭଞ୍ଜନ ପରିପୂର୍ଣ ନମୋ ॥
ଚ॥ କମଲା ପତି କମଲ ନାଭ କମଲାସନ ଵନ୍ଦ୍ଯ । କମଲ ହିତାନନ୍ତ କୋଟି ଘନ

ସମୁଦଯ ତେଜା ।
କମଲାମଲ ପତ୍ରନେତ୍ର କମଲଵୈରି ଵର୍ଣଗାତ୍ର । କମଲଷଟ୍କ ଯୋଗୀଶ୍ଵର
ହୃଦଯତେହଂ ନମୋ ନମୋ ॥

ଚ॥ ଜଲନିଧି ମଧନ ଜଲନିଧି ବନ୍ଧନ ଜଲଧି ମଧ୍ଯ ଶଯନା । ଜଲଧି

ଯନ୍ତର ଵିହାର ମଚ୍ଛକଚ୍ଛପ ଯଵତାରା ।
ଜଲନିଧି ଜାମାତ ଜଲନିଧି ଶୋଷଣ ଜଲନିଧି ସପ୍ତକଗମନ । ଜଲନିଧି କାରୁଣ୍ଯ
ନମୋ ତେହଂ ଜଲନିଧି ଗଂଭୀର ନମୋ ନମୋ ॥

ଚ॥ ନଗଧର ନଗରିପୁ ନନ୍ଦିତ ନଗଚର ଯୂଥପନାଥା । ନଗ ପାରିଜାତ ହର

ସାରସ ପନ୍ନଗ ପତିରାଜ ଶଯନା ।
ନଗକୁଲ ଵିଜଯ ଶ୍ରୀ ଵେଙ୍କଟ ନଗ ନାଯକ ଭକ୍ତ ଵିଧେଯା । ନଗଧୀରାହନ୍ତେ
ସର୍ଵେଶ୍ଵର ନାରାଯଣ ନମୋ ନମୋ ॥


୩୪) ସାମନ୍ତଂ
ପ॥ ସତତଂ ଶ୍ରୀଶମ୍ । ହିତଂ ପରାତ୍ପର ମୀଡେ ॥
ଚ॥ ଗଦାଧରଂ ମେଘଗଂଭୀରନିନଦଂ ପରମୋନ୍ନତଶୁଭଦମ୍ ।

ମୃଦୁତରଗମନଂ ମେଦିନୀଧରମ୍ । ହୃଦଯନିଲଯ ମହ ମୀଡେ ॥

ଚ॥ ନନ୍ଦକଧରଂ ଜନାର୍ଦନଂ ଗୋଵିନ୍ଦଂ ଚାରୁମୁକୁନ୍ଦମ୍ ।

ନନ୍ଦଗୋପଵରନନ୍ଦନକନ୍ଦମ୍ । ଯିନ୍ଦୁରଵିନଯନ ମୀଡେ ॥

ଚ॥ ଗରୁଡଗମନ ମୁରଗଶଯନ ମଧିକମ୍ । ପରମପଦେଶଂ ପାଵନମ୍ ।

ତିରୁଵେଙ୍କଟଗିରିଦେଵ ମତୁଲଂ । ମହିରମଣଂ ସ୍ଥିର ମୀଡେ ॥


୩୫) ମୁଖାରି/ଦେଷି
ପ॥ ଶ୍ରୀଶୋଽଯଂ ସୁସ୍ଥିରୋଽଯମ୍ । କୌଶିକମଖରକ୍ଷକୋଽଯମ୍ ॥
ଚ॥ ନିଗମନିଧିନିର୍ମଲୋଽଯମ୍ । ଜଗନ୍ମୋହନସତୀପତି ।

ଵିଗତ ଭଯୋଽଯଂ ଵିଜଯସଖୋଽଯମ୍ । ଭୃଗୁମୁନି ସମ୍ପ୍ରୀତୋଽଯମ୍ ॥

ଚ॥ ସକଲପତିଶ୍ଶାଶ୍ଵତୋଽଯମ୍ । ଶୁକମୁଖମୁନିଜନସୁଲଭୋଽଯମ୍ ।

ପ୍ରକଟବହୁଲଶୋଭନାଧିକୋଽଯମ୍ । ଵିକଚରୁକ୍ମିଣୀଵୀକ୍ଷଣୋଽଯମ୍ ॥

ଚ॥ ସରସୋଽଯମ୍ । ପରିସରପ୍ରିଯୋଽଯମ୍ । ତିରୁଵେଙ୍କଟାଧିପୋଽଯମ୍ ।

ଚିରନ୍ତନୋଽଯଂ ଚିଦାତ୍ମକୋଽଯମ୍ । ଶରଣାଗତଵତ୍ସଲୋଽଯମ୍ ॥


୩୬) ଶୁଦ୍ଧଵସନ୍ତଂ/ବିଲହରି
ପ॥ କିଂ କରିଷ୍ଯାମି କିଂ କରୋମି ବହୁଲଶଙ୍କାସମାଧାନଜାଡ୍ଯଂ ଵହାମି ॥
ଚ॥ ନାରାଯାଣଂ ଜଗନ୍ନାଥଂ ତ୍ରିଲୋକୈକପାରାଯଣଂ ଭକ୍ତପାଵନମ୍ ।

ଦୂରୀକରୋମ୍ଯହଂ ଦୁରିତଦୂରେଣ ସଂସାରସାଗରମଗ୍ନଚଂଚଲତ୍ଵେନ ॥

ଚ॥ ତିରୁଵେଙ୍କଟାଚଲାଧୀଶ୍ଵରଂ କରିରାଜଵରଦଂ ଶରଣାଗତଵତ୍ସଲମ୍ ।

ପରମପୁରୁଷଂ କୃପାଭରଣଂ ନ ଭଜାମି । ମରଣଭଵଦେହାଭିମାନଂ ଵହାମି॥


୩୭) କୁରଞ୍ଜି
ପ॥ ମନ୍ଦରଧର ମଧୁସୂଦନ । ନନ୍ଦଗୋପନନ୍ଦନା ॥
ଚ॥ ନରସିଂହ ଗୋଵିନ୍ଦ ନଵନୀତାନନ୍ଦ । ହରିମୁକୁନ୍ଦ ନଯନାରଵିନ୍ଦ ।

କରିଵରଦ ଗରୁଡଗମନରୂପଗୁରୁଚାପା ଯଦୁକୁଲଦୀପା ॥

ଚ॥ ଭଵଦୂର ଭଯହର ପରିପୂର୍ଣାମୃତ । ଭୁଵନପାଲନ ସୁରପାଲନ ।

ଭୁଵନଭୂଷଣ ପରମପୁରୁଷ ପୁରାତନ । ନଵଭୋଗା କରୁଣାଯୋଗା ॥

ଚ॥ ପଙ୍କଜାସନନୁତ ଭଵ୍ଯନିର୍ମଲପାଦପଙ୍କଜ ପରମ ପରାତ୍ପର।

ଵେଙ୍କଟଶୈଲନିଵେଶ ଶୁଭଙ୍କରା କ୍ଷେମଙ୍କରା ॥


୩୮) ଶ୍ରୀ/ରାଗମାଲିକ
ପ॥ ନମୋ ନାରାଯଣାଯ । ନମୋ ନାରାଯଣାଯ ॥
ଅନୁପ॥ ନାରାଯଣାଯ ସଗୁଣବ୍ରହ୍ମଣେ ସର୍ଵ। ପାରାଯଣାଯ ଶୋଭନମୂର୍ତଯେ ନମୋ ॥
ଚ॥ ନିତ୍ଯାଯ ଵିବୁଧସଂସ୍ତୁତ୍ଯାଯ ନିତ୍ଯାଧିପତ୍ଯାଯ ମୁନିଗଣ ପ୍ରତ୍ଯଯାଯ ।

ସତ୍ଯାଯ ପ୍ରତ୍ଯକ୍ଷାଯ ସନ୍ମାନସସାଂଗତ୍ଯାଯ ଜଗଦାଵନକୃତ୍ଯାଯ ତେ ନମୋ ॥

ଚ॥ ଆକ୍ରମୋଦ୍ଧତବାହୁଵିକ୍ରମାତିକ୍ରାନ୍ତଶୁକ୍ରଶିଷ୍ଯୋନ୍ମୂଲନକ୍ରମାଯ ।

ଶକ୍ରାଦିଗୀର୍ଵାଣଵକ୍ରଭଯଭଙ୍ଗନିର୍ଵକ୍ରାଯ ନିହତାରିଚକ୍ରାଯ ତେ ନମୋ ॥

ଚ॥ ଅକ୍ଷରାଯାତିନିରପେକ୍ଷାଯ ପୁଂଡରୀକାକ୍ଷାଯ ଶ୍ରୀଵତ୍ସଲକ୍ଷଣାଯ ।

ଅକ୍ଷୀଣଵିଜ୍ଞାନଦକ୍ଷଯୋଗୀନ୍ଦ୍ରସଂରକ୍ଷାନୁକଂପାକଟାକ୍ଷାଯ ତେ ନମୋ ॥

ଚ॥ କରିରାଜଵରଦାଯ କୌସ୍ତୁଭାଭରଣାଯ । ମୁରଵୈରିଣେ ଜଗନ୍ମୋହନାଯ ।

ତରୁଣେନ୍ଦୁକୋଟିରତରୁଣୀ ମନସ୍ସ୍ତୋତ୍ରପରିତୋଷଚିତ୍ତାଯ ପରମାଯ ତେ ନମୋ ॥

ଚ॥ ପାତ୍ରଦାନୋତ୍ସଵପ୍ରଥିତ ଵେଙ୍କଟରାଯ । ଧାତ୍ରୀଶକାମିତାର୍ଥପ୍ରଦାଯ ।

ଗୋତ୍ରଭିନ୍ମଣିରୁଚିରଗାତ୍ରାଯ ରଵିଚନ୍ଦ୍ରନେତ୍ରାଯ ଶେଷାଦ୍ରିନିଲଯାଯ ତେ ନମୋ ॥


୩୯) ଶ୍ରୀରାଗଂ
ପ॥ ଜଡମତିରହଂ କର୍ମଜନ୍ତୁରେକୋଽହମ୍ । ଜଡଧିନିଲଯାଯ ନମୋ ସାରସାକ୍ଷାଯ ॥
ଚ॥ ପରମପୁରୁଷାଯ ନିଜଭକ୍ତଜନସୁଲଭାଯ । ଦୁରିତଦୂରାଯ ସିନ୍ଧୁରହିତାଯ ।

ନରକାନ୍ତକାଯ ଶ୍ରୀନାରାଯଣାଯ ତେ । ମୁରହରାଯ ନମୋ ନମୋ ॥

ଚ॥ ନଗସମୁଦ୍ଧରଣାଯ ନନ୍ଦଗୋପସୁତାଯ । ଜଗଦନ୍ତରାତ୍ମାଯ ସଗୁଣାଯ ।

ମୃଗନରାଙ୍ଗାଯ ନିର୍ମିତଭଵାଂଡାଯ ପନ୍ନଗରାଜଶଯନାଯ ନମୋ ନମୋ ॥

ଚ॥ ଦେଵଦେଵେଶାଯ ଦିଵ୍ଯଚରିତାଯ ବହୁଭାଵନାତୀତାଯ ପରମାଯ ।

ଶ୍ରୀଵେଙ୍କଟେଶାଯ ଜିତଦୈତ୍ଯନିକରାଯ । ଭୂଵଲ୍ଲଭାଯ ନମୋ ପୂର୍ଣକାମାଯ ॥


୪୦) ଶ୍ରୀରାଗଂ-ଦ୍ଵିଜାଵନ୍ତି
ପ॥ ନିତ୍ଯାନନ୍ଦ ଧରଣୀଧର ଧରାରମଣ । କାତ୍ଯାଯନୀସ୍ତୋତ୍ର କାମ କମଲାକ୍ଷ ॥
ଚ॥ ଅରଵିନ୍ଦନାଭ ଜଗଦାଧାର ଭଵଦୂର । ପୁରୁଷୋତ୍ତମ ନମୋ ଭୁଵନେଶ ।

କରୁଣାସମଗ୍ର ରାକ୍ଷସଲୋକ ସଂହାରକରଣ କମଲାଧୀଶ କରିରାଜଵରଦ ॥

ଚ॥ ଭୋଗୀନ୍ଦ୍ରଶଯନ ପରିପୂର୍ଣ ପୂର୍ଣାନନ୍ଦ । ସାଗରନିଜାଵାସ ସକଲାଧିପ ।

ନାଗାରିଗମନ ନାନାଵର୍ଣନିଜଦେହ । ଭାଗୀରଥୀଜନକ ପରମ ପରମାତ୍ମ ॥

ଚ॥ ପାଵନ ପରାତ୍ପର ଶୁଭପ୍ରଦ ପରାତୀତ । କୈଵଲ୍ଯକାନ୍ତ ଶୃଙ୍ଗାରରମଣ ।

ଶ୍ରୀଵେଙ୍କଟେଶ ଦାକ୍ଷିଣ୍ଯଗୁଣନିଧି ନମୋ । ଦେଵତାରାଧ୍ଯ ସୁସ୍ଥିରକୃପାଭରଣ ॥



Encoded and Proofread by YV Malleswara Rao malleswararaoy at yahoo.com

Please send corrections to sanskrit@cheerful.com
Last updated ତ୍oday
http://sanskritdocuments.org

Sanskrit Kirtan and Kritis on Venkateshwara 2 Lyrics in Oriya PDF
% File name : venkaTeshvarakritis2.itx
% Category : kRitI
% Location : doc\_vishhnu
% Author : muttusvAmI dIkShitAra evaM annamAchAryarachitam
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Latest update : August 22, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website