{॥ శ్రీవేఙ్కటేశ్వర కృతయః ముత్తుస్వామీ దీక్షితార అథవా అన్నమాచార్యరచితమ్ ॥}
౧) శ్రీ వేఙ్కటగిరీశం - రాగ - సురటి - తాలార్ ఆది ।
ప॥ శ్రీ వేఙ్కటగిరీశం ఆలోకయే వినాయక తురగారూఢమ్

అనుప॥ దేవేశ పూజిత భగవన్తం దినకర కోటి ప్రకాశవన్తమ్

గోవిన్దం నత భూసుర వృన్దం గురుగుహానన్దం ముకున్దమ్
చ॥ అలమేలు మఞ్గా సమేతం అనన్త పద్మనాభం అతీతమ్

కలియుగ ప్రత్యక్ష విభాతం కన్జజాది దేవోపేతమ్
జలధర సన్నిభ సున్దర గాత్రం జలరుహ మిత్రాబ్జ శత్రు నేత్రమ్
కలుషాపహ గోకర్ణ క్షేత్రం కరుణారస పాత్రం చిన్మాత్రమ్

౨) శ్రీ వేఙ్కటేశం - రాగ - కల్యాణవసన్త - ఆది తాలా ।
ప॥ శ్రీ వేఙ్కటేశం భజామి సతతం శ్రీతజన పరిపాలం గానలోలమ్

అనుప॥ శ్రీ భూమిజా రమణం భవ తరణం నామ తీర్థ రూపం భూ-వైకుణ్ఠపతిమ్

చ॥ చన్ద్ర పుష్కరిణి తీర విహారం ఇన్ద్రాది దేవ పాద పూజితమ్

శ్రీ భూదేవి శిత నిత్య కల్యాణవసన్తోత్సవ ప్రియకరమ్(మధ్యమకాల)
శఙ్ఖ చక్ర ధరం శఙ్ఖ నాద ప్రియకరం గోవిన్దమ్
విధి గురుగుహాది పూజితాత్మ పదం కలియుగ ప్రసన్నమ్

౩) వేఙ్కటేశ్వర యాదవ - రాగ - మేఘరన్జని తాలా - రూపక ।
ప॥ వేఙ్కటేశ్వర యాదవ భూపతిం ఆశ్రయేహం విశ్వ వికల్పాపహమ్

విద్వజ్జన కల్ప భూరుహం వదన సరసీరుహమ్
చ॥ కఙ్కశైల మధ్యస్థిత కార్తికేయ శివ గురుగుహ కరుణా కటాక్ష పాత్రమ్

కన్జదలాయత నేత్రం కఙ్కణ హార కిరీటాలఙ్కృత సున్దర గాత్రమ్
కాఞ్చన వృష్టిప్రద మేఘ రఞ్జిత బహు క్షేత్రమ్
పఙ్కజ భవముఖ సురకృత సకల నిష్కల స్తోత్రమ్
సఙ్కల్పవికల్పరహిత సచ్చిదానన్ద మాత్రమ్


Annamacharya Kirtanas in Sanskrit


౧) గరుడ గమనా
ప॥ గరుడ గమనా గరుడధ్వజ నరహరి నమో నమో

చ్౧॥ కమలాపతి కమలనాభ కమలజ జన్మ కారణికా

కమలనయన కమలాభ్జ కుల నమో నమో హరి నమో నమో
చ్౨॥ జలధి బన్ధన జలధి శయన జలనిధి మధ్య జన్తుకల

జలనిధి జామాద జలధి గమ్భీర సనాతనా నమో హరి నమో
చ్౩॥ ఘన దివ్యరూప ఘన మహిమాఙ్క ఘన ఘనా ఘన కాయ వగ్న

అనఘ శ్రీ వేఙ్కటాధిప దేహం నమో నమో హరి నమో నమో

౨) మోహన-మాధవకేశవమధుసూదన
ప॥ మాధవ కేశవ మధుసూదన విష్ణు । శ్రీధరా పదనఖం చిన్తయామి యూయమ్ ॥
చ॥ వామన గోవిన్ద వాసుదేవ ప్రద్యుమ్న । రామరామ కృష్ణ నారాయణాచ్యుత ।

దామోదరానిరుద్ధ దైవ పుణ్డరీకాక్ష । నామత్రయాధీష నమోనమో ॥

చ॥ పురుషోత్తమ పుణ్డరీకాక్ష దివ్య । హరి సఙ్కర్షణ అధోక్షజ ।

నరసింహ హృషీకేశ నగధర త్రివిక్రమ । శరణాగత రక్ష జయజయ సేవే ॥

చ॥ మహిత జనార్దన మత్స్యకూర్మ వరాహ । సహజ భార్గవ బుద్ధ జయతురగ

కల్కి ।
విహిత విజ్ఞాన శ్రీవేఙ్కటేశ శుభకరమ్ । అహమిహ తవపద దాస్యం అనిశం భజామి
॥


౩) జఞ్జూటి
ప॥ నవనీతచోర నమోనమో । నవమహిమార్ణవ నమోనమో ॥
చ॥ హరినారాయణ కేశవాచ్యుతకృష్ణ । నరసింహ వామన నమోనమో ।

మురహర పద్మనాభ ముకున్ద గోవిన్ద । నరనారాయణ నమోనమో ॥

చ॥ నిగమగోచర విష్ణు నీరజాక్ష వాసుదేవ । నగధర నన్దగోప నమోనమో ।

త్రిగుణాతీతదేవ త్రివిక్రమ ద్వారక । నగరాధినాయక నమోనమో ॥

చ॥ వైకుంఠ రుక్మిణీ వల్లభ చక్రధర । నాకేశవన్దిత నమోనమో ।

శ్రీకర గుణనిధి శ్రీవేఙ్కటేశ్వర । నాకజననుత నమోనమో ॥


౪) బౌలి
ప॥ శ్రీమన్నారాయణ శ్రీమన్నారాయణ । శ్రీమన్నారాయణ నీ శ్రీపాదమే శరణు ॥
చ॥ కమలాసతీ ముఖకమల కమలహిత । కమలప్రియ కమలేక్షణ ।

కమలాసనహిత గరుడగమన శ్రీ । కమలనాభ నీపదకమలమే శరణు ॥

చ॥ పరమయోగిజన భాగధేయ శ్రీ । పరమపూరుష పరాత్పర

పరమాత్మ పరమాణురూప శ్రీ । తిరువేఙ్కటగిరి దేవ శరణు ॥


Note:
nI This seems to be not a Sanskrit word. In Telugu it means ‘you’. I think, it may be appropriate to replace it by ‘tava’ as it suits the rhythm. Other than this word, the entire kirtana is in Sanskrit. This is a very popular kirtana in Telugu.


౫) అఠాణ
ప॥ నగు మోగము తోడి వో నరకేసరి । నగ రూప గరుడాద్రి నరకేసరి ॥
చ॥ అమిత దానవ హరణ ఆదినరకేసరి । అమిత బ్రహ్మాది సుర నరకేసరి ।

కమలాగ్ర వామాఙ్క కనక నరకేసరి । నమో నమో పరమేశ నరకేసరి ॥

చ॥ రవిచన్ద్ర శిఖ నేత్ర రౌద్ర నర కేసరి । నవ నారసింహ నమో నర కేసరి

।
భవనాశినీ తీర భవ్య నర కేసరి । నవరసాలఙ్కార నర కేసరి ॥

చ॥ శరణాగత త్రాణ సౌమ్య నరకేసరి । నరక మోచన నామ నరకేసరి ।

హరి నమో శ్రీ వేఙ్కటాద్రి నరకేసరి । నరసింహ జయ జయతు నరకేసరి ॥


Note:
toDi This seems to be not a Sanskrit word. In Telugu it means ‘with’.
An appropriate replacement may be found in Sanskrit. Or otherwise,
the kirtana may be left out. Excepting this word, the entire kirtana
is in Sanskrit. This is a very popular kirtana in Telugu.


౬) కీరవాణి
ప॥ సకలం హే సఖి జానామి తత । ప్రకట విలాసం పరమం ధధసే ॥
చ॥ అలిక మృగమద మయ మషీకల నోజ్జ్వలతాం హే సఖి జానామి ।

లలితం తవ పల్లవి తమనసి నిశ్చలతర మేఘ శ్యామం ధధసే ॥

చ॥ చారు కపోలస్థల కరాంచిత విచారం హే సఖి జానామి ।

నారాయణ మహినాయక శయనమ్ । శ్రీ రమణం తవ చిత్తే ధధసే ॥

చ॥ ఘనకుచ శైలాగ్ర స్థిత విధుమణి । జననం హే సఖి జానామి ।


౭) నాట
ప॥ ఆదిపురుషా అఖిలాన్తరఙ్గా భూదేవతా రమణ భోగీన్ద్ర శయనా ॥
చ॥ భవ పాథోనిధి బాడబానల । భవజీముత ప్రభఞ్జనా

భవపర్వత ప్రలయ భయద నిర్ఘాత దుర్భవ కాలకూటభవ బహువిశ్వరూప ॥

చ॥ భవ ఘోర తిమిర దుర్భవ కాల మార్తాణ్డ । భవ భద్రమాతఙ్గ పంచానన

భవ కమలభవ మాధవరూప శేషాద్రి । భవ వేఙ్కటనాథ భవరోగ వైద్య ॥


౮) హిన్దోల
ప॥ ఆదిదేవ పరమాత్మా వేద । వేదాన్త వేద్య నమో నమో ॥
అనుప॥ పరాత్పరా భక్త భవ భఞ్జన । చరాచర లోక జనక నమో నమో ॥
చ॥ గదాధరా వేఙ్కటగిరి నిలయా । సదానన్ద ప్రసన్న నమో నమో ॥

౯) బౌలి
ప॥ ఆనన్ద నిలయ ప్రహ్లాద వరదా । భాను శశి నేత్ర జయ ప్రహ్లాద వరదా ॥
చ॥ పరమ పురుష నిత్య ప్రహ్లాద వరదా । హరి అచ్యుతానన్ద ప్రహ్లాద వరదా ।

పరిపూర్ణ గోవిన్ద ప్రహ్లాద వరదా । భరిత కల్యాణగుణ ప్రహ్లాద వరదా ॥

చ॥ భవరోగ సంహరణ ప్రహ్లాద వరదా । అవిరల కేశవ ప్రహ్లాద వరదా ।

పవమాన నుత కీర్తి ప్రహ్లాద వరదా । భవ పితామహ వన్ద్య ప్రహ్లాద వరదా ॥

చ॥ బల యుక్త నరసింహ ప్రహ్లాద వరదా । లలిత శ్రీ వేఙ్కటాద్రి ప్రహ్లాద

వరదా ।
ఫలిత కరుణారస ప్రహ్లాద వరదా । బలి వంశ కారణ ప్రహ్లాద వరదా ॥


౧౦) ధన్యాసి
ప॥ భావయామి గోపాలబాలం మనస్సేవితం తత్పదం చిన్తయేహం సదా ॥
చ॥ కటి ఘటిత మేఖలా ఖచిత మణి ఘంటికాపటల నినదేన విభ్రాజమానమ్ ।

కుటిల పద ఘటిత సఙ్కుల శిఞ్జితానతమ్ । చటుల నటనా సముజ్జ్వల విలాసమ్ ॥

చ॥ నిరతకర కలితనవనీతం బ్రహ్మాదిసుర నికర భావనా శోభిత పదమ్ ।

తిరువేఙ్కటాచల స్థిత మనుపమం హరిమ్ । పరమ పురుషం గోపాలబాలమ్ ॥


౧౧) కరహరప్రియ
ప॥ బృవన్తి బౌద్ధా బుద్ధ ఇతి । స్తువన్తి భక్తా సులభ ఇతి ॥
చ॥ గదన్తికిల సాంఖ్యాస్త్వాం పురుషమ్ । పద వాక్యజా పదమితి చ ।

విదన్తి త్వా వేదాన్తినస్సదా బ్రహ్మ లసత్పదమితి చ ॥

చ॥ జపన్తి మీమాంసకా స్త్వాంచ । విపుల కర్మణో విభవ ఇతి ।

లపన్తి నయన సకలాస్సతతం కృపాలు కర్తా కేవలమితి చ ॥

చ॥ భణన్తి వేఙ్కటపతే మునయో । హ్యాణిమాదిప్రద మతులమితి ।

గుణవన్తం నిర్గుణం పునరితి । గృణన్తి సర్వే కేవలమితి చ ॥


౧౨) శ్రీరాగం
ప॥ వన్దే వాసుదేవమ్ । బృన్దారకాధీశ వన్దిత పదాబ్జమ్ ॥
చ॥ ఇన్దీవరశ్యామ మిన్దిరాకుచతటీచన్దనాఙ్కిత లసత్చారు దేహమ్ ।

మన్దార మాలికామకుట సంశోభితమ్ । కన్దర్పజనక మరవిన్దనాభమ్ ॥

చ॥ ధగధగ కౌస్తుభ ధరణ వక్షస్థలమ్ । ఖగరాజ వాహనం కమలనయనం

।
నిగమాదిసేవితం నిజరూపశేషపన్నగరాజ శాయినం ఘననివాసమ్ ॥

చ॥ కరిపురనాథసంరక్షణే తత్పరమ్ । కరిరాజవరద సఙ్గతకరాబ్జమ్ ।

సరసీరుహాననం చక్రవిభ్రాజితమ్ । తిరు వేఙ్కటాచలాధీశం భజే ॥


౧౩) హంసధ్వని
ప॥ వన్దేహం జగద్వల్లభం దుర్లభమ్ । మన్దర ధరం గురుం మాధవం భూధవమ్ ॥
చ॥ నరహరిం మురహరం నారాయణం పరమ్ । హరిం అచ్యుతం ఘనవిహఙ్గ వాహనమ్ ।

పురుషోత్తమం పరం పుండరీకేక్షణమ్ । కరుణాభరణం కలయామి శరణమ్ ॥

చ॥ నన్ద నిజనన్దనం నన్దక గదాధరమ్ । ఇన్దిరానాథ మరవిన్దనాభమ్ ।

ఇన్దురవి లోచనం హితదాసపదం ముకున్దం యదుకులం గోపగోవిన్దమ్ ॥

చ॥ రామానామం యజ్ఞరక్షణం లక్షణమ్ । వామనం కామితం వాసుదేవమ్ ।

శ్రీమదావాసినం శ్రీవేఙ్కటేశ్వరమ్ । శ్యామలం కోమలం శాన్తమూర్తిమ్ ॥


౧౪) అసావేరి
ప॥ నన్దకధర నన్ద గోపనన్దన । కన్దర్ప జనక కరుణాత్మన్ ॥
చ॥ ముకున్ద కేశవ మురహర । సకలాధిప పరమేశ్వర దేవేశ ।

శుకవరద సవితృ సుధాంశు లోచన । ప్రకట విభవ నమో పరమాత్మన్ ॥

చ॥ ధృవపాంచాలీ స్తుతివత్సల మాధవ మధుసూదన ధరణీధరా ।

భువనత్రయ పరిపోషణ తత్పర । నవనీతప్రియ నాదాత్మన్ ॥

చ॥ శ్రీమాన్ వేఙ్కట శిఖిరనివాస మహామహిమాన్ నిఖిలాణ్డపతే ।

కామిత ఫల భోగప్రదతే నమో । స్వామిన్ భూమన్ సర్వాత్మన్ ॥


౧౫) ఆభేరి
దేవదేవం భజే - రాగ - హిన్దోల - క్/చాపు తాలా ।
ప॥ దేవదేవం భజే దివ్య ప్రభావమ్ । రావణాసురవైరి రఘు పుఙ్గవమ్ ॥
చ॥ రాజవర శేఖరం రవికుల సుధాకరమ్ । ఆజాను బాహుం నీలాభ్ర కాయమ్ ।

రాజారి కోదండ రాజదీక్షా గురుమ్ । రాజీవ లోచనం రామచన్ద్రమ్ ॥

చ॥ నీలజీమూత సన్నిభ శరీరం ఘన విశాల వక్షసం విమల జలజ నాభమ్ ।

కాలాహి నగ హరం ధర్మ సంస్థాపనమ్ । భూ లలనాధిపం భోగశయనమ్ ॥

చ॥ పఙ్కజాసన వినుత పరమ నారాయణమ్ । శఙ్క రార్జిత జనక చాప దలనమ్ ।

లఙ్కా విశోషణం లాలిత విభీషణమ్ । వేఙ్కటేశం సాధు విబుధ వినుతమ్ ॥


౧౬) మాలవశ్రీ
ప॥ నమామ్యహం మానవ సింహమ్ । ప్రమదాఙ్క మహోబల నరసింహమ్ ॥
చ॥ దానవ దైత్య విదారణ సింహమ్ । నానాయుధ కర నరసింహమ్ ।

భూ నభోన్త రాపూరిత సింహమ్ । ఆనన వహ్ని లయాన్తక సింహమ్ ॥

చ॥ ప్రలయ నృసింహం బహుముఖ సింహమ్ । సలలిత గరుడాచల సింహమ్ ।

కులిశ నఖర ముఖ ఘోషిత సింహమ్ । తిలకిత బహురవి దీపిత సింహమ్ ॥

చ॥ శాన్త నృసింహం శౌర్య నృసింహమ్ । సన్తత కరుణా జయ సింహమ్ ।

కాన్త శ్రీ వేఙ్కట గిరి సింహమ్ । చిన్తిత ఘన సంసిద్ధి నృసింహమ్ ॥


౧౭) మణిరఙ్గు
ప॥ రామ మిన్దీవర శ్యామం పరాత్పర । ధామం సుర సార్వభౌమం భజే ॥
చ॥ సీతావనితా సమేతమ్ । పీత (స్ఫీత) వానర బలవ్రాతమ్ ।

పూత కౌసల్యా సఞ్జాతమ్ । వీత భీత మౌని విద్యోతమ్ ॥

చ॥ వీర రణరఙ్గ ధీరమ్ । సారకులోద్ధారమ్ ।

క్రూర దానవ సంహారమ్ । శూరాధారాచార సుగుణోదారమ్ ॥

చ॥ పావనం భక్త సేవనమ్ । దైవిక విహగపథావనమ్ ।

రావణానుజ సఞ్జీవనమ్ । శ్రీ వేఙ్కట పరిచిత భావనమ్ ॥


౧౮) జోగియా
ప॥ అయమేవ అయమేవ ఆదిపురుషో । జయకరం తమహం శరణం భజామి ॥
చ॥ అయమేవ ఖలుపురా అవనీధరస్తుతో । వ్యయమేవ వటదలాగ్రాధీశయనః।

అయమేవ దశవిధ రవతార రూపైశ్చ । నయమార్గ భువిరక్షణం కరోతి ॥

చ॥ అయమేవ సతతం శ్రియఃపతి దేవేషు । అయమేవ దుష్టదైత్యాన్త కస్తు ।

అయమేవ సకల భూతాన్తరేష్ణు క్రమ్య । ప్రియభక్తపోషణం పిదృతృనోతు ॥

చ॥ అయమేవ శ్రీవేఙ్కటాద్రి విరాజితే । అయమేవ వరదోప్యాచకానా ।

అయమేవ వేదవేదాన్తశ్చ సూచితో । అయమేవ వైకుంఠాధీశ్వరస్తు ॥


౧౯) భాగేశ్వరి
ప॥ నమిత దేవం భజే నారసింహమ్ । సుముఖ కరుణేక్షణం సులభ నరసింహమ్ ॥
చ॥ విజయ నరసింహం వీర నరసింహమ్ । భుజబల పరాక్రమ స్ఫుట నరసింహమ్ ।

రజని చర విదలన విరాజిత నృసింహమ్ । సుజన రక్షక మహాశూర నరసింహమ్ ॥

చ॥ దారుణ నరసింహం ప్రతాప నరసింహమ్ । చారు కల్యాణ నిశ్చల నృసింహమ్ ।

ధీర చిత్తావాస దివ్య నరసింహమ్ । సార యోగానన్ద చతుర నరసింహమ్ ॥

చ॥ విమల నరసింహం విక్రమ నృసింహమ్ । కమనీయ గుణగణాకర నృసింహమ్ ।

అమిత సుశ్రీ వేఙ్కటాద్రి నరసింహమ్ । రమణీయ భూషాభిరామ నరసింహమ్ ॥


౨౦) బైరాగీ భైరవి
ప॥ మాధవా భూధవా మదన జనక । సాధు రక్షణ చతుర శరణు శరణు ॥
చ॥ నారాయణాచ్యుతానన్త గోవిన్ద శ్రీ । నారసింహా కృష్ణ నాగశయన ।

వారాహ వామన వాసుదేవ మురారి । శౌరీ జయజయతు శరణు శరణు ॥

చ॥ పుండరీకేక్షణ భువన పూర్ణగుణ । అండజగమన నిత్యహరి ముకున్ద ।

పండరి రమణ రామ బలరామ పరమ పురుష । చండభార్గవ రామ శరణు శరణు ॥

చ॥ దేవదేవోత్తమ దివ్యావతార నిజ । భావ భావనాతీత పద్మనాభ ।

శ్రీవేఙ్కటాచల శృఙ్గారమూర్తి నవ । సావయవ సారూప్య శరణు శరణు ॥


౨౧) నవరోజ్
ప॥ జయజయ నృసింహ సర్వేశ । భయహర వీర ప్రహ్లాద వరద ॥
చ॥ మిహిర శశినయన మృగనర వేష । బహి రన్తస్థల పరిపూర్ణ ।

అహి నాయక సింహాసన రాజిత । బహుల గుణ గణ ప్రహ్లాద వరద ॥

చ॥ చటుల పరాక్రమ సమఘన విరహిత । నిటుల నేత్ర మౌని ప్రణుత ।

కుటిల దైత్య తతి కుక్షి విదారణ । పటు వజ్రనఖ ప్రహ్లాద వరద ॥

చ॥ శ్రీ వనితా సంశ్రిత వామాఙ్క । భావజ కోటి ప్రతిమాన ।

శ్రీ వేఙ్కటగిరి శిఖర నివాస । పావన చరిత ప్రహ్లాద వరద ॥


౨౨) ధన్యాసి
ప॥ నన్ద నన్దన వేణునాద వినోదముకున్ద కున్ద దన్తహాస గోవర్ధన ధరా

॥

చ॥ రామ రామ గోవిన్ద రవిచన్ద్ర లోచన । కామ కామ కలుష వికార విదూరా ।

ధామ ధామ విభవత్ప్రతాప రూప దనుజ నిర్ధూమ ధామ కరణ చతుర
భవభఞ్జనా ॥

చ॥ కమల కమలవాస కమలా రమణ దేవోత్తమ తమోగుణ సతత విదూర ।

ప్రమదత్ప్రమదానుభవ భావ కరణ । సుముఖ సుధానన్ద శుభరఞ్జనా ॥

చ॥ పరమ పరాత్పర పరమేశ్వరా । వరద వరదామల వాసుదేవ ।

చిర చిర ఘననగ శ్రీవేఙ్కటేశ్వర । నరహరి నామ పన్నగ శయనా ॥


౨౩) శ్రీరాగం
ప॥ ఫాలనేత్రానల ప్రబల విద్యుల్లతా । కేలీ విహార లక్ష్మీనారసింహా ॥
చ॥ ప్రలయమారుత ఘోర భస్త్రీకాపూత్కార । లలిత నిశ్వాసడోలా రచనయా ।

కూలశైలకుంభినీ కుముదహిత రవిగగనచలన విధినిపుణ నిశ్చల నారసింహా
॥

చ॥ వివరఘనవదన దుర్విధహసన నిష్ఠ్యూతలవదివ్య పరుష

లాలాఘటనయా ।
వివిధ జన్తు వ్రాతభువన మగ్నౌకరణ । నవనవప్రియ గుణార్ణవ నారసింహా ॥

చ॥ దారుణోజ్జ్వల ధగద్ధగిత దంష్ట్రానల వికార స్ఫులిఙ్గ సఙ్గక్రీడయా ।

వైరిదానవ ఘోరవంశ భస్మీకరణకారణ ప్రకట వేఙ్కట నారసింహా ॥


౨౪) మోహన
ప॥ రాజీవ నేత్రాయ రాఘవాయ నమో । సౌజన్య నిలయాయ జానకీశాయ ॥
చ॥ దశరథ తనూజాయ తాటక దమనాయ । కుశిక సంభవ యజ్ఞ గోపనాయ ।

పశుపతి మహా ధనుర్భఞ్జనాయ నమో । విశద భార్గవరామ విజయ కరుణాయ ॥

చ॥ భరిత ధర్మాయ శుర్పణఖాఙ్గ హరణాయ । ఖరదూషణాయ రిపు ఖండనాయ ।

తరణి సంభవ సైన్య రక్షకాయనమో । నిరుపమ మహా వారినిధి బన్ధనాయ ॥

చ॥ హత రావణాయ సంయమి నాథ వరదాయ । అతులిత అయోధ్యా పురాధిపాయ ।

హితకర శ్రీ వేఙ్కటేశ్వరాయ నమో । వితత వావిలిపాటి వీర రామాయ ॥


౨౫) బిలహరి
ప॥ పృథుల హేమ కౌపీన ధరః । ప్రథిత వటుర్మేబలం పాతు ॥
చ॥ సూపా సప్తః శుచిస్సులభః । కోప విదూరః కులాధికః ।

పాప భఞ్జనః పరాత్ప రోయమ్ । గోపా లోమే గుణం పాతు ॥

చ॥ తరుణః ఛత్రీ దండ కమండలు । ధరః పవిత్రీ దయాపరః ।

సురాణాం సంస్తుతి మనోహరః । స్థిరస్సుధీర్మే ధృతిం పాతు ॥

చ॥ త్రివిక్రమః శ్రీ తిరువేఙ్కటగిరి । నివాసోయం నిరన్తరమ్ ।

ప్రవిమల మసృణ కబల ప్రియోమే । దివా నిశాయాం ధియం పాతు ॥


౨౬) శ్రీరాగం
ప॥ నమో నారాయణాయ నమః । సమధికానన్దాయ సర్వేశ్వరాయ ॥
చ॥ ధరణీసతీఘన స్తనశైలపరిరంభపరిమల శ్రమజల ప్రమదాయ ।

సరసిజ నివాసినీ సరసప్రణామయుతచరణాయతే నమో సకలాత్మకాయ ॥

చ॥ సత్యభామాముఖాంచన పత్రవల్లికానిత్య రచనక్రియా నిపుణాయ ।

కాత్యాయనీ స్తోత్రకామాయ తే నమో । ప్రత్యక్ష నిజపరబ్రహ్మ రూపాయ ॥

చ॥ దేవతాధిప మకుటదివ్య రత్నాంశుసంభావితామల పాదపఙ్కజాయ ।

కైవల్య కామినీకాన్తాయ తే నమో । శ్రీవేఙ్కటాచల శ్రీనివాసాయ ॥


౨౭) సామన్తం/ఆరభి
ప॥ నగధర నన్దగోప నరసింహ వోనగజవరద శ్రీ నారసింహ ॥
చ॥ నరసింహ పరఞ్జ్యోతి నరసింహా వీరనరసింహ లక్ష్మీనారసింహా ।

నరసుఖ బహుముఖ నారసింహా వోనరకాన్తక జేజే నారసింహా ॥

చ॥ నమో నమో పుణ్డరీక నారసింహ వోనమిత సురాసుర నారసింహా ।

నమకచమకహిత నారసింహా వోనముచిసూదన వన్ద్య నారసింహా ॥

చ॥ నవరసాలఙ్కార నారసింహా వోనవనీతచోర శ్రీ నారసింహా ।

నవగుణ వేఙ్కట నారసింహా వోనవమూర్తి మండేము నారసింహా ॥

మండేము is possibly a Telugu/vernacular word.

౨౮) దేవగాన్ధారి
ప॥ ఆదిదేవ పరమాత్మా । వేదవేదాన్తవేద్య నమో నమో ॥
చ॥ పరాత్పరా భక్తభవభఞ్జనా । చరాచరలోకజనక నమో నమో ॥
చ॥ గదాధరా వేఙ్కటగిరినిలయా । సదానన్ద ప్రసన్న నమో నమో ॥

౨౯) శ్రీరాగం
ప॥ త్వమేవ శరణం త్వమేవ శరణమ్ । కమలోదర శ్రీజన్నాథా ॥
చ॥ వాసుదేవ కృష్ణ వామన నరసింహ । శ్రీ సతీశ సరసిజనేత్రా ।

భూసురవల్లభ పురుషోత్తమ పీతకౌశేయవసన జగన్నాథా ॥

చ॥ బలభద్రానుజ పరమపురుష దుగ్ధజలధివిహార కుఞ్జరవరద ।

సులభ సుభద్రాసుముఖ సురేష్వర । కలిదోషహరణ జగన్నాథా ॥

చ॥ వటపత్రశయన భువనపాలన జన్తుఘటకారకరణ శృఙ్గారాధిపా ।

పటుతర నిత్యవైభవరాయ తిరువేంకటగిరినిలయ జగన్నాథా॥


౨౯) కన్నడగౌల
ప॥ కరుణానిధిం గదాధరమ్ । శరణాగతవత్సలం భజే ।

చ॥ శుకవరదం కౌస్తుభాభరణమ్ । అకారణప్రియ మనేకదమ్ ।

సకలరక్షకం జయాధికం సేవకపాలక మేవం భజే ॥

చ॥ వురగశయనం మహోజ్జ్వలం తమ్ । గరుడారూఢం కమనీయమ్ ।

పరమపదేశం పరమం భవ్యమ్ । హరిం దనుజభయదం భజే ॥

చ॥ లఙ్కాహరణం లక్ష్మీరమణమ్ । పఙ్కజసంభవప్రియమ్ ।

వేఙ్కటేశం వేదనిలయం శుభాఙ్కం లోకమయం భజే ॥


౩౦) ఆహిరి
ప॥ అస్మదాదీనాం అన్యేషామ్ । తస్మిన్ తస్మిన్ తత్ర చ పునశ్చ ॥
చ॥ సతతాధ్యయననిష్ఠాపరాణాం దృఢవ్రతినాం యతీనాం వనవాసినామ్ ।

గతిరిహ స్మర్తుం కా జగత్యాం పరస్థితిరియం కా విష్ణుసేవా పునశ్చ ॥

చ॥ మోహినామత్యన్తముష్కరాణాం గుణగ్రాహిణాం భువనైక కఠినానామ్ ।

దేహసఙ్క్షాలన విదేశకోవా సదా । శ్రీహరిస్మరణవిశేషః పునశ్చ ॥

చ॥ కిఙ్కుర్వాణదుఃఖితజీవినామ్ । పఙ్కిలమనోభ్బయభ్రాన్తానామ్ ।

శఙ్కాం నిరురుతిస్సరసా కా, శ్రీవేఙ్కటాచలపతేర్వినుతిః పునశ్చ ॥


౩౧) దేసాక్షి/అఠాణ
ప॥ సీతాషోకవిఘాతక । వోపాతాలలఙ్కాపతివిభాలా ॥
చ॥ హనుమమ్తరాయ అఞ్జనీతనయ వోవనధిలంఘనగాత్ర వాయుపుత్రా ।

యినకులాధిపనిజహిత జగన్నుతవనజోదరసేవక సత్వధనికా ॥

చ॥ ప్రలయాన్తికరూప బలదీప రవిఫలగిలనప్రతాప సుగ్రీవప్రియా ।

కులికదానవసఙ్కులవిదారణ । భలిభలి జగత్పతిబలుబంటా ।
చ॥ పఙ్కజాసనుదివ్యపదవైభవ వోలఙ్కిణీప్రాణవిలంఘన ।

వేఙ్కటేశ్వరుసేవావీర మహాధీర । కిఙ్కరరాయ సుఖీభవా ॥


౩౨) మోహన
ప॥ ప్రలపనవచనైః ఫలమిహకిమ్ । చల చల కుడ్య క్షాలనయాకిమ్ ॥
చ॥ ఇతర వధూమోహితం త్వాంప్రతి । హితవచనై రిహ ఫలమివోకిమ్ ।

సతతం తవానుసరణ మిదం మమ । గతజల సేతుకరణ మిదానీమ్ ॥

చ॥ వికల వినయ దుర్విటం త్వా ప్రతి । సుకుమారాద్రస్తుత్యాకిమ్ ।

ప్రకట బహల కోపనం మమతే । సకలం చర్విత చర్వత చర్వణమేవ ॥

చ॥ శిరసానత సుస్థిరం త్వాంప్రతి । విరసాలాపన విధి నాకిలమ్ ।

తిరువేఙ్కటగిరి దేవత్వదీయ । విరహ విలసనం వృధా చరణమ్ ॥


౩౩) కల్యాణి
ప॥ పరమ పురుష హరి పరాత్పర । పరరిపు భఞ్జన పరిపూర్ణ నమో ॥
చ॥ కమలా పతి కమల నాభ కమలాసన వన్ద్య । కమల హితానన్త కోటి ఘన

సముదయ తేజా ।
కమలామల పత్రనేత్ర కమలవైరి వర్ణగాత్ర । కమలషట్క యోగీశ్వర
హృదయతేహం నమో నమో ॥

చ॥ జలనిధి మధన జలనిధి బన్ధన జలధి మధ్య శయనా । జలధి

యన్తర విహార మచ్ఛకచ్ఛప యవతారా ।
జలనిధి జామాత జలనిధి శోషణ జలనిధి సప్తకగమన । జలనిధి కారుణ్య
నమో తేహం జలనిధి గంభీర నమో నమో ॥

చ॥ నగధర నగరిపు నన్దిత నగచర యూథపనాథా । నగ పారిజాత హర

సారస పన్నగ పతిరాజ శయనా ।
నగకుల విజయ శ్రీ వేఙ్కట నగ నాయక భక్త విధేయా । నగధీరాహన్తే
సర్వేశ్వర నారాయణ నమో నమో ॥


౩౪) సామన్తం
ప॥ సతతం శ్రీశమ్ । హితం పరాత్పర మీడే ॥
చ॥ గదాధరం మేఘగంభీరనినదం పరమోన్నతశుభదమ్ ।

మృదుతరగమనం మేదినీధరమ్ । హృదయనిలయ మహ మీడే ॥

చ॥ నన్దకధరం జనార్దనం గోవిన్దం చారుముకున్దమ్ ।

నన్దగోపవరనన్దనకన్దమ్ । యిన్దురవినయన మీడే ॥

చ॥ గరుడగమన మురగశయన మధికమ్ । పరమపదేశం పావనమ్ ।

తిరువేఙ్కటగిరిదేవ మతులం । మహిరమణం స్థిర మీడే ॥


౩౫) ముఖారి/దేషి
ప॥ శ్రీశోఽయం సుస్థిరోఽయమ్ । కౌశికమఖరక్షకోఽయమ్ ॥
చ॥ నిగమనిధినిర్మలోఽయమ్ । జగన్మోహనసతీపతి ।

విగత భయోఽయం విజయసఖోఽయమ్ । భృగుముని సమ్ప్రీతోఽయమ్ ॥

చ॥ సకలపతిశ్శాశ్వతోఽయమ్ । శుకముఖమునిజనసులభోఽయమ్ ।

ప్రకటబహులశోభనాధికోఽయమ్ । వికచరుక్మిణీవీక్షణోఽయమ్ ॥

చ॥ సరసోఽయమ్ । పరిసరప్రియోఽయమ్ । తిరువేఙ్కటాధిపోఽయమ్ ।

చిరన్తనోఽయం చిదాత్మకోఽయమ్ । శరణాగతవత్సలోఽయమ్ ॥


౩౬) శుద్ధవసన్తం/బిలహరి
ప॥ కిం కరిష్యామి కిం కరోమి బహులశఙ్కాసమాధానజాడ్యం వహామి ॥
చ॥ నారాయాణం జగన్నాథం త్రిలోకైకపారాయణం భక్తపావనమ్ ।

దూరీకరోమ్యహం దురితదూరేణ సంసారసాగరమగ్నచంచలత్వేన ॥

చ॥ తిరువేఙ్కటాచలాధీశ్వరం కరిరాజవరదం శరణాగతవత్సలమ్ ।

పరమపురుషం కృపాభరణం న భజామి । మరణభవదేహాభిమానం వహామి॥


౩౭) కురఞ్జి
ప॥ మన్దరధర మధుసూదన । నన్దగోపనన్దనా ॥
చ॥ నరసింహ గోవిన్ద నవనీతానన్ద । హరిముకున్ద నయనారవిన్ద ।

కరివరద గరుడగమనరూపగురుచాపా యదుకులదీపా ॥

చ॥ భవదూర భయహర పరిపూర్ణామృత । భువనపాలన సురపాలన ।

భువనభూషణ పరమపురుష పురాతన । నవభోగా కరుణాయోగా ॥

చ॥ పఙ్కజాసననుత భవ్యనిర్మలపాదపఙ్కజ పరమ పరాత్పర।

వేఙ్కటశైలనివేశ శుభఙ్కరా క్షేమఙ్కరా ॥


౩౮) శ్రీ/రాగమాలిక
ప॥ నమో నారాయణాయ । నమో నారాయణాయ ॥
అనుప॥ నారాయణాయ సగుణబ్రహ్మణే సర్వ। పారాయణాయ శోభనమూర్తయే నమో ॥
చ॥ నిత్యాయ విబుధసంస్తుత్యాయ నిత్యాధిపత్యాయ మునిగణ ప్రత్యయాయ ।

సత్యాయ ప్రత్యక్షాయ సన్మానససాంగత్యాయ జగదావనకృత్యాయ తే నమో ॥

చ॥ ఆక్రమోద్ధతబాహువిక్రమాతిక్రాన్తశుక్రశిష్యోన్మూలనక్రమాయ ।

శక్రాదిగీర్వాణవక్రభయభఙ్గనిర్వక్రాయ నిహతారిచక్రాయ తే నమో ॥

చ॥ అక్షరాయాతినిరపేక్షాయ పుండరీకాక్షాయ శ్రీవత్సలక్షణాయ ।

అక్షీణవిజ్ఞానదక్షయోగీన్ద్రసంరక్షానుకంపాకటాక్షాయ తే నమో ॥

చ॥ కరిరాజవరదాయ కౌస్తుభాభరణాయ । మురవైరిణే జగన్మోహనాయ ।

తరుణేన్దుకోటిరతరుణీ మనస్స్తోత్రపరితోషచిత్తాయ పరమాయ తే నమో ॥

చ॥ పాత్రదానోత్సవప్రథిత వేఙ్కటరాయ । ధాత్రీశకామితార్థప్రదాయ ।

గోత్రభిన్మణిరుచిరగాత్రాయ రవిచన్ద్రనేత్రాయ శేషాద్రినిలయాయ తే నమో ॥


౩౯) శ్రీరాగం
ప॥ జడమతిరహం కర్మజన్తురేకోఽహమ్ । జడధినిలయాయ నమో సారసాక్షాయ ॥
చ॥ పరమపురుషాయ నిజభక్తజనసులభాయ । దురితదూరాయ సిన్ధురహితాయ ।

నరకాన్తకాయ శ్రీనారాయణాయ తే । మురహరాయ నమో నమో ॥

చ॥ నగసముద్ధరణాయ నన్దగోపసుతాయ । జగదన్తరాత్మాయ సగుణాయ ।

మృగనరాఙ్గాయ నిర్మితభవాండాయ పన్నగరాజశయనాయ నమో నమో ॥

చ॥ దేవదేవేశాయ దివ్యచరితాయ బహుభావనాతీతాయ పరమాయ ।

శ్రీవేఙ్కటేశాయ జితదైత్యనికరాయ । భూవల్లభాయ నమో పూర్ణకామాయ ॥


౪౦) శ్రీరాగం-ద్విజావన్తి
ప॥ నిత్యానన్ద ధరణీధర ధరారమణ । కాత్యాయనీస్తోత్ర కామ కమలాక్ష ॥
చ॥ అరవిన్దనాభ జగదాధార భవదూర । పురుషోత్తమ నమో భువనేశ ।

కరుణాసమగ్ర రాక్షసలోక సంహారకరణ కమలాధీశ కరిరాజవరద ॥

చ॥ భోగీన్ద్రశయన పరిపూర్ణ పూర్ణానన్ద । సాగరనిజావాస సకలాధిప ।

నాగారిగమన నానావర్ణనిజదేహ । భాగీరథీజనక పరమ పరమాత్మ ॥

చ॥ పావన పరాత్పర శుభప్రద పరాతీత । కైవల్యకాన్త శృఙ్గారరమణ ।

శ్రీవేఙ్కటేశ దాక్షిణ్యగుణనిధి నమో । దేవతారాధ్య సుస్థిరకృపాభరణ ॥



Encoded and Proofread by YV Malleswara Rao malleswararaoy at yahoo.com

Please send corrections to sanskrit@cheerful.com
Last updated త్oday
http://sanskritdocuments.org

Sanskrit Kirtan and Kritis on Venkateshwara 2 Lyrics in Telugu PDF
% File name : venkaTeshvarakritis2.itx
% Category : kRitI
% Location : doc\_vishhnu
% Author : muttusvAmI dIkShitAra evaM annamAchAryarachitam
% Language : Sanskrit
% Subject : philosophy/hinduism/religion
% Transliterated by : Malleswara Rao Yellapragada malleswararaoy at yahoo.com
% Proofread by : Malleswara Rao Yellapragada malleswararaoy at yahoo.com
% Latest update : August 22, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website