{॥ ನೃಸಿಂಹಸಹಸ್ರನಾಮಸ್ತೋತ್ರ ॥}
ಓಂ ನಮೋ ನರಸಿಂಹಾಯ ವಜ್ರದಂಷ್ಟ್ರಾಯ ವಜ್ರಿಣೇ ।
ವಜ್ರದೇಹಾಯ ವಜ್ರಾಯ ನಮೋ ವಜ್ರನಖಾಯ ಚ ॥ ೧॥

ವಾಸುದೇವಾಯ ವನ್ದ್ಯಾಯ ವರದಾಯ ವರಾತ್ಮನೇ ।
ವರದಾಭಯಹಸ್ತಾಯ ವರಾಯ ವರರೂಪಿಣೇ ॥ ೨॥

ವರೇಣ್ಯಾಯ ವರಿಷ್ಠಾಯ ಶ್ರೀವರಾಯ ನಮೋ ನಮಃ ।
ಪ್ರಹ್ಲಾದವರದಾಯೈವ ಪ್ರತ್ಯಕ್ಷವರದಾಯ ಚ ॥ ೩॥

ಪರಾತ್ಪರಪರೇಶಾಯ ಪವಿತ್ರಾಯ ಪಿನಾಕಿನೇ ।
ಪಾವನಾಯ ಪ್ರಸನ್ನಾಯ ಪಾಶಿನೇ ಪಾಪಹಾರಿಣೇ ॥ ೪॥

ಪುರುಸ್ತುತಾಯ ಪುಣ್ಯಾಯ ಪುರುಹುತಾಯ ತೇ ನಮಃ ।
ತತ್ಪುರುಷಾಯ ತಥ್ಯಾಯ ಪುರಾಣಪುರುಷಾಯ ಚ ॥ ೫॥

ಪುರೋಧಸೇ ಪೂರ್ವಜಾಯ ಪುಷ್ಕರಾಕ್ಷಾಯ ತೇ ನಮಃ ।
ಪುಷ್ಪಹಾಸಾಯ ಹಾಸಾಯ ಮಹಾಹಾಸಾಯ ಶಾರ್ಙ್ಗಿಣೇ ॥ ೬॥

ಸಿಂಹಾಯ ಸಿಂಹರಾಜಾಯ ಜಗದ್ವಾಸ್ಯಾಯ ತೇ ನಮಃ ।
ಅಟ್ಟಹಾಸಾಯ ರೋಶಾಯ ಜಲವಾಸಾಯ ತೇ ನಮಃ ॥ ೭॥

ಭೂತವಾಸಾಯ ಭಾಸಾಯ ಶ್ರೀನಿವಾಸಾಯ ಖಡ್ಗಿನೇ ।
ಖಡ್ಗಜಿಹ್ವಾಯ ಸಿಂಹಾಯ ಖಡ್ಗವಾಸಾಯ ತೇ ನಮಃ ॥ ೮॥

ನಮೋ ಮೂಲಾದಿವಾಸಾಯ ಧರ್ಮವಾಸಾಯ ಧನ್ವಿನೇ ।
ಧನಞ್ಜಯಾಯ ಧನ್ಯಾಯ ನಮೋ ಮೃತ್ಯುಞ್ಜಯಾಯ ಚ ॥ ೯॥

ಶುಭಾಞ್ಜಯಾಯ ಸೂತ್ರಾಯ ನಮಃ ಸತ್ರುಞ್ಜಯಾಯ ಚ ।
ನಿರಞ್ಜನಾಯ ನೀರಾಯ ನಿರ್ಗುಣಾಯ ಗುಣಾಯ ಚ ॥ ೧೦॥

ನಿಷ್ಪ್ರಪಞ್ಚಾಯ ನಿರ್ವಾಣಪ್ರದಾಯ ನಿವಿದಾಯ ಚ ।
ನಿರಾಲಮ್ಬಾಯ ನೀಲಾಯ ನಿಷ್ಕಲಾಯ ಕಲಾಯ ಚ ॥ ೧೧॥

ನಿಮೇಷಾಯ ನಿರನ್ಧಾಯ ನಿಮೇಷಗಮನಾಯ ಚ ।
ನಿರ್ದ್ವನ್ದ್ವಾಯ ನಿರಾಶಾಯ ನಿಶ್ಚಯಾಯ ನಿರಾಯ ಚ ॥ ೧೨॥

ನಿರ್ಮಲಾಯ ನಿಬನ್ಧಾಯ ನಿರ್ಮೋಹಾಯ ನಿರಾಕೃತೇ ।
ನಮೋ ನಿತ್ಯಾಯ ಸತ್ಯಾಯ ಸತ್ಕರ್ಮನಿರತಾಯ ಚ ॥ ೧೩॥

ಸತ್ಯಧ್ವಜಾಯ ಮುಞ್ಜಾಯ ಮುಞ್ಜಾಕೇಶಾಯ ಕೇಶಿನೇ ।
ಹರೀಶಾಯ ಚ ಶೋಷಾಯ ಗುಡಾಕೇಶಾಯ ವೈ ನಮಃ ॥ ೧೪॥

ಸುಕೇಶಾಯೋರ್ಧ್ವಕೇಶಾಯ ಕೇಶಿಸಿಂಹರಕಾಯ ಚ ।
ಜಲೇಶಾಯ ಸ್ಥಲೇಶಾಯ ಪದ್ಮೇಶಾಯೋಗ್ರರೂಪಿಣೇ ॥ ೧೫॥

ಕುಶೇಶಯಾಯ ಕುಲಾಯ ಕೇಶವಾಯ ನಮೋ ನಮಃ ।
ಸೂಕ್ತಿಕರ್ಣಾಯ ಸೂಕ್ತಾಯ ರಕ್ತಜಿಹ್ವಾಯ ರಾಗಿಣೇ ॥ ೧೬॥

ದೀಪ್ತರೂಪಾಯ ದೀಪ್ತಾಯ ಪ್ರದೀಪ್ತಾಯ ಪ್ರಲೋಭಿನೇ ।
ಪ್ರಚ್ಛಿನ್ನಾಯ ಪ್ರಬೋಧಾಯ ಪ್ರಭವೇ ವಿಭವೇ ನಮಃ ॥ ೧೭॥

ಪ್ರಭಞ್ಜನಾಯ ಪಾನ್ಥಾಯ ಪ್ರಮಾಯಾಪ್ರಮಿತಾಯ ಚ ।
ಪ್ರಕಾಶಾಯ ಪ್ರತಾಪಾಯ ಪ್ರಜ್ವಲಾಯೋಜ್ ಜ್ವಲಾಯ ಚ ॥ ೧೮॥

ಜ್ವಾಲಮಾಲಾಸ್ವರೂಪಾಯ ಜ್ವಾಲಾಜಿಹ್ವಾಯ ಜ್ವಾಲಿನೇ ।
ಮಹೋಜ್ವಾಲಾಯ ಕಾಲಾಯ ಕಾಲಮೂರ್ತಿಧರಾಯ ಚ ॥ ೧೯॥

ಕಾಲಾನ್ತಕಾಯ ಕಲ್ಪಾಯ ಕಲನಾಯ ಕೃತೇ ನಮಃ ।
ಕಾಲಚಕ್ರಾಯ ಶಕ್ರಾಯ ವಷಟ್ಚಕ್ರಾಯ ಚಕ್ರಿಣೇ ॥ ೨೦॥

ಅಕ್ರೂರಾಯ ಕೃತಾನ್ತಾಯ ವಿಕ್ರಮಾಯ ಕ್ರಮಾಯ ಚ ।
ಕೃತಿನೇ ಕೃತಿವಾಸಾಯ ಕೃತಘ್ನಾಯ ಕೃತಾತ್ಮನೇ ॥ ೨೧॥

ಸಙ್ಕ್ರಮಾಯ ಚ ಕ್ರುದ್ಧಾಯ ಕ್ರಾನ್ತಲೋಕತ್ರಯಾಯ ಚ ।
ಅರೂಪಾಯ ಸ್ವರೂಪಾಯ ಹರಯೇ ಪರಮಾತ್ಮನೇ ॥ ೨೨॥

ಅಜಯಾಯಾದಿದೇವಾಯ ಅಕ್ಷಯಾಯ ಕ್ಷಯಾಯ ಚ ।
ಅಘೋರಾಯ ಸುಘೋರಾಯ ಘೋರಾಘೋರತರಾಯ ಚ ॥ ೨೩॥

ನಮೋಽಸ್ತ್ವಘೋರವೀರ್ಯಾಯ ಲಸದ್ಘೋರಾಯ ತೇ ನಮಃ ।
ಘೋರಾಧ್ಯಕ್ಷಾಯ ದಕ್ಷಾಯ ದಕ್ಷಿಣಾರ್ಯಾಯ ಸಮ್ಭವೇ ॥ ೨೪॥

ಅಮೋಘಾಯ ಗುಣೌಘಾಯ ಅನಘಾಯಾಘಹಾರಿಣೇ ।
ಮೇಘನಾದಾಯ ನಾದಾಯ ತುಭ್ಯಂ ಮೇಘಾತ್ಮನೇ ನಮಃ ॥ ೨೫॥

ಮೋಘವಹನರೂಪಾಯ ಮೇಘಶ್ಯಾಮಾಯ ಮಾಲಿನೇ ।
ವ್ಯಾಲಯಜ್ಞೋಪವಿತ್ರಾಯ ವ್ಯಾಘ್ರದೇಹಾಯ ವೈ ನಮಃ ॥ ೨೬॥

ವ್ಯಾಘ್ರಪಾದಾಯ ಚ ವ್ಯಾಘ್ರಕರ್ಮಿಣೇ ವ್ಯಾಪಕಾಯ ಚ ।
ವಿಕಟಾಸ್ಯಾಯ ವೀರಾಯ ವಿಸ್ತಾರಶ್ರವಸೇ ನಮಃ ॥ ೨೭॥

ವಿಕೀರ್ಣನಖದಂಷ್ಟ್ರಾಯ ನಖದಂಷ್ಟ್ರಾಯುಧಾಯ ಚ ।
ವಿಶ್ವಕ್ಸೇನಾಯ ಸೇನಾಯ ವಿಹ್ವಲಾಯ ಬಲಾಯ ಚ ॥ ೨೮॥

ವಿರೂಪಕ್ಷಾಯ ವೀರಾಯ ವಿಶೇಷಾಕ್ಷಾಯ ಸಾಕ್ಷಿಣೇ ।
ವೀತಶೋಕಾಯ ವಿಸ್ತೀರ್ಣವದನಾಯ ನಮೋ ನಮಃ ॥ ೨೯॥

ವಿಧಾನಾಯ ವಿಧೇಯಾಯ ವಿಜಯಾಯ ಜಯಾಯ ಚ ।
ವಿಬುಧಾಯ ವಿಭಾವಾಯ ನಮೋ ವಿಶ್ವಮ್ಭರಾಯ ಚ ॥ ೩೦॥

ವೀತರಾಗಾಯ ವಿಪ್ರಾಯ ವಿಟಙ್ಕನಯನಾಯ ಚ ।
ವಿಪುಲಾಯ ವಿನೀತಾಯ ವಿಶ್ವಯೋನಯೇ ನಮಃ ॥ ೩೧॥

ಚಿದಮ್ಬರಾಯ ವಿತ್ತಾಯ ವಿಶ್ರುತಾಯ ವಿಯೋನಯೇ ।
ವಿಹ್ವಲಾಯ ವಿಕಲ್ಪಾಯ ಕಲ್ಪಾತೀತಾಯ ಶಿಲ್ಪಿನೇ ॥ ೩೨॥

ಕಲ್ಪನಾಯ ಸ್ವರೂಪಾಯ ಫಣಿತಲ್ಪಾಯ ವೈ ನಮಃ ।
ತಡಿತ್ಪ್ರಭಾಯ ತರ್ಯಾಯ ತರುಣಾಯ ತರಸ್ವಿನೇ ॥ ೩೩॥

ತಪನಾಯ ತಪಸ್ಕಾಯ ತಾಪತ್ರಯಹರಾಯ ಚ ।
ತಾರಕಾಯ ತಮೋಘ್ನಾಯ ತತ್ತ್ವಾಯ ಚ ತಪಸ್ವಿನೇ ॥ ೩೪॥

ತಕ್ಷಕಾಯ ತನುತ್ರಾಯ ತಟಿನೇ ತರಲಾಯ ಚ ।
ಶತರೂಪಾಯ ಶಾನ್ತಾಯ ಶತಧಾರಾಯ ತೇ ನಮಃ ॥ ೩೫॥

ಶತಪತ್ರಾಯ ತರ್ಕ್ಷಕಾಯ ಸ್ಥಿತಯೇ ಶತಮೂರ್ತಯೇ ।
ಶತಕ್ರತುಸ್ವರೂಪಾಯ ಶಾಶ್ವತಾಯ ಶತಾತ್ಮನೇ ॥ ೩೬॥

ನಮಃ ಸಹಸ್ರಶಿರಸೇ ಸಹಸ್ರವದನಾಯ ಚ ।
ಸಹಸ್ರಾಕ್ಷಾಯ ದೇವಾಯ ದಿಶಶ್ರೋತ್ರಾಯ ತೇ ನಮಃ ॥ ೩೭॥

ನಮಃ ಸಹಸ್ರಜಿಹ್ವಾಯ ಮಹಾಜಿಹ್ವಾಯ ತೇ ನಮಃ ।
ಸಹಸ್ರನಾಮಧೇಯಾಯ ಸಹಸ್ರಾಕ್ಷಿಧರಾಯ ಚ ॥ ೩೮॥

ಸಹಸ್ರಬಾಹವೇ ತುಭ್ಯಂ ಸಹಸ್ರಚರಣಾಯ ಚ ।
ಸಹಸ್ರಾರ್ಕಪ್ರಕಾಶಾಯ ಸಹಸ್ರಾಯುಧಧಾರಿಣೇ ॥ ೩೯॥

ನಮಃ ಸ್ಥೂಲಾಯ ಸೂಕ್ಷ್ಮಾಯ ಸುಸೂಕ್ಷ್ಮಾಯ ನಮೋ ನಮಃ ।
ಸೂಕ್ಷುನ್ಯಾಯ ಸುಭಿಕ್ಷಾಯ ಸುರಾಧ್ಯಕ್ಷಾಯ ಶೌರಿಣೇ ॥ ೪೦॥

ಧರ್ಮಾಧ್ಯಕ್ಷಾಯ ಧರ್ಮಾಯ ಲೋಕಾಧ್ಯಕ್ಷಾಯ ವೈ ನಮಃ ।
ಪ್ರಜಾಧ್ಯಕ್ಷಾಯ ಶಿಕ್ಷಾಯ ವಿಪಕ್ಷಕ್ಷಯಮೂರ್ತಯೇ ॥ ೪೧॥

ಕಲಾಧ್ಯಕ್ಷಾಯ ತೀಕ್ಷ್ಣಾಯ ಮೂಲಾಧ್ಯಕ್ಷಾಯ ತೇ ನಮಃ ।
ಅಧೋಕ್ಷಜಾಯ ಮಿತ್ರಾಯ ಸುಮಿತ್ರವರುಣಾಯ ಚ ॥ ೪೨॥

ಶತ್ರುಘ್ನಾಯ ಅವಿಘ್ನಾಯ ವಿಘ್ನಕೋಟಿಹರಾಯ ಚ ।
ರಕ್ಷೋಘ್ನಾಯ ತಮೋಘ್ನಾಯ ಭೂತಘ್ನಾಯ ನಮೋ ನಮಃ ॥ ೪೩॥

ಭೂತಪಾಲಾಯ ಭೂತಾಯ ಭೂತವಾಸಾಯ ಭೂತಿನೇ ।
ಭೂತವೇತಾಲಘಾತಾಯ ಭೂತಾಧಿಪತಯೇ ನಮಃ ॥ ೪೪॥

ಭೂತಗ್ರಹವಿನಾಶಾಯ ಭೂತಸಮ್ಯಮತೇ ನಮಃ ।
ಮಹಾಭೂತಾಯ ಭೃಗವೇ ಸರ್ವಭೂತಾತ್ಮನೇ ನಮಃ ॥ ೪೫॥

ಸರ್ವಾರಿಷ್ಟವಿನಾಶಾಯ ಸರ್ವಸಮ್ಪತ್ಕರಾಯ ಚ ।
ಸರ್ವಾಧಾರಾಯ ಸರ್ವಾಯ ಸರ್ವಾರ್ತಿಹರಯೇ ನಮಃ ॥ ೪೬॥

ಸರ್ವದುಃಖಪ್ರಶಾನ್ತಾಯ ಸರ್ವಸೌಭಾಗ್ಯದಾಯಿನೇ ।
ಸರ್ವದಾಯಾಪ್ಯನನ್ತಾಯ ಸರ್ವಶಕ್ತಿಧರಾಯ ಚ ॥ ೪೭॥

ಸರ್ವೈಶ್ವರ್ಯಪ್ರದಾತ್ರೇ ಚ ಸರ್ವಕಾರ್ಯವಿಧಾಯಿನೇ ।
ಸರ್ವಜ್ವರವಿನಾಶಾಯ ಸರ್ವರೋಗಾಪಹಾರಿಣೇ ॥ ೪೮॥

ಸರ್ವಾಭಿಚಾರಹನ್ತ್ರೇ ಚ ಸರ್ವೈಶ್ವರ್ಯವಿಧಾಯಿನೇ ।
ಪಿಙ್ಗಾಕ್ಷಾಯೈಕಶೃಙ್ಗಾಯ ದ್ವಿಶೃಙ್ಗಾಯ ಮರೀಚಯೇ ॥ ೪೯॥

ಬಹುಶೃಙ್ಗಾಯ ಲಿಙ್ಗಾಯ ಮಹಾಶೃಙ್ಗಾಯ ತೇ ನಮಃ ।
ಮಙ್ಗಲ್ಯಾಯ ಮನೋಜ್ಞಾಯ ಮನ್ತವ್ಯಾಯ ಮಹಾತ್ಮನೇ ॥ ೫೦॥

ಮಹಾದೇವಾಯ ದೇವಾಯ ಮಾತುಲಿಙ್ಗಧರಾಯ ಚ ।
ಮಹಾಮಾಯಾಪ್ರಸೂತಾಯ ಪ್ರಸ್ತುತಾಯ ಚ ಮಾಯಿನೇ ॥ ೫೧॥

ಅನನ್ತಾನನ್ತರೂಪಾಯ ಮಾಯಿನೇ ಜಲಶಾಯಿನೇ ।
ಮಹೋದರಾಯ ಮನ್ದಾಯ ಮದದಾಯ ಮದಾಯ ಚ ॥ ೫೨॥

ಮಧುಕೈಟಭಹನ್ತ್ರೇ ಚ ಮಾಧವಾಯ ಮುರಾರಯೇ ।
ಮಹಾವೀರ್ಯಾಯ ಧೈರ್ಯಾಯ ಚಿತ್ರವೀರ್ಯಾಯ ತೇ ನಮಃ ॥ ೫೩॥

ಚಿತ್ರಕೂರ್ಮಾಯ ಚಿತ್ರಾಯ ನಮಸ್ತೇ ಚಿತ್ರಭಾನವೇ ।
ಮಾಯಾತೀತಾಯ ಮಾಯಾಯ ಮಹಾವೀರ್ಯಾಯ ತೇ ನಮಃ ॥ ೫೪॥

ಮಹಾತೇಜಾಯ ಬೀಜಾಯ ತೇಜೋಧಾಮ್ನೇ ಚ ಬೀಜಿನೇ ।
ತೇಜೋಮಯ ನೃಸಿಂಹಾಯ ನಮಸ್ತೇ ಚಿತ್ರಭಾನವೇ ॥ ೫೫॥

ಮಹಾದಂಷ್ಟ್ರಾಯ ತುಷ್ಟಾಯ ನಮಃ ಪುಷ್ಟಿಕರಾಯ ಚ ।
ಶಿಪಿವಿಷ್ಟಾಯ ಹೃಷ್ಟಾಯ ಪುಷ್ಟಾಯ ಪರಮೇಷ್ಠಿನೇ ॥ ೫೬॥

ವಿಶಿಷ್ಟಾಯ ಚ ಶಿಷ್ಟಾಯ ಗರಿಷ್ಠಾಯೇಷ್ಟದಾಯಿನೇ ।
ನಮೋ ಜ್ಯೇಷ್ಠಾಯ ಶ್ರೇಷ್ಠಾಯ ತುಷ್ಟಾಯಾಮಿತತೇಜಸೇ ॥ ೫೭॥

ಸಾಷ್ಟಾಙ್ಗನ್ಯಸ್ತರೂಪಾಯ ಸರ್ವದುಷ್ಟಾನ್ತಕಾಯ ಚ ।
ವೈಕುಣ್ಠಾಯ ವಿಕುಣ್ಠಾಯ ಕೇಶಿಕಣ್ಠಾಯ ತೇ ನಮಃ ॥ ೫೮॥

ಕಣ್ಠೀರವಾಯ ಲುಣ್ಠಾಯ ನಿಶಥಾಯ ಹಠಾಯ ಚ ।
ಸತ್ತ್ವೋದ್ರಿಕ್ತಾಯ ರುದ್ರಾಯ ಋಗ್ಯಜುಸ್ಸಾಮಗಾಯ ಚ ॥ ೫೯॥

ಋತುಧ್ವಜಾಯ ವಜ್ರಾಯ ಮನ್ತ್ರರಜಾಯ ಮನ್ತ್ರಿಣೇ ।
ತ್ರಿನೇತ್ರಾಯ ತ್ರಿವರ್ಗಾಯ ತ್ರಿಧಾಮ್ನೇ ಚ ತ್ರಿಶೂಲಿನೇ ॥ ೬೦॥

ತ್ರಿಕಾಲಜ್ಞಾನರೂಪಾಯ ತ್ರಿದೇಹಾಯ ತ್ರಿಧಾತ್ಮನೇ ।
ನಮಸ್ತ್ರಿಮೂರ್ತಿವಿದ್ಯಾಯ ತ್ರಿತತ್ತ್ವಜ್ಞಾನಿನೇ ನಮಃ ॥ ೬೧॥

ಅಕ್ಷೋಭ್ಯಾಯಾನಿರುದ್ಧಾಯ ಅಪ್ರಮೇಯಾಯ ಮಾನವೇ ।
ಅಮೃತಾಯ ಅನನ್ತಾಯ ಅಮಿತಾಯಾಮಿತೌಜಸೇ ॥ ೬೨॥

ಅಪಮೃತ್ಯುವಿನಾಶಾಯ ಅಪಸ್ಮರವಿಘಾತಿನೇ ।
ಅನದಾಯಾನರೂಪಾಯ ಅನಾಯಾನಭುಜೇ ನಮಃ ॥ ೬೩॥

ನಾದ್ಯಾಯ ನಿರವದ್ಯಾಯ ವಿದ್ಯಾಯಾದ್ಭುತಕರ್ಮಣೇ ।
ಸದ್ಯೋಜಾತಾಯ ಸಙ್ಘಾಯ ವೈದ್ಯುತಾಯ ನಮೋ ನಮಃ ॥ ೬೪॥

ಅಧ್ವಾತೀತಾಯ ಸತ್ತ್ವಾಯ ವಾಗಾತೀತಾಯ ವಾಗ್ಮಿನೇ ।
ವಾಗೀಶ್ವರಾಯ ಗೋಪಾಯ ಗೋಹಿತಾಯ ಗವಾಮ್ಪತೇ ॥ ೬೫॥

ಗನ್ಧರ್ವಾಯ ಗಭೀರಾಯ ಗರ್ಜಿತಾಯೋರ್ಜಿತಾಯ ಚ ।
ಪರ್ಜನ್ಯಾಯ ಪ್ರಬುದ್ಧಾಯ ಪ್ರಧಾನಪುರುಷಾಯ ಚ ॥ ೬೬॥

ಪದ್ಮಾಭಾಯ ಸುನಾಭಾಯ ಪದ್ಮನಾಭಾಯ ಮಾನಿನೇ ।
ಪದ್ಮನೇತ್ರಾಯ ಪದ್ಮಾಯ ಪದ್ಮಾಯಾಃಪತಯೇ ನಮಃ ॥ ೬೭॥

ಪದ್ಮೋದರಾಯ ಪೂತಾಯ ಪದ್ಮಕಲ್ಪೋದ್ಭವಾಯ ಚ ।
ನಮೋ ಹೃತ್ಪದ್ಮವಾಸಾಯ ಭೂಪದ್ಮೋದ್ಧರಣಾಯ ಚ ॥ ೬೮॥

ಶಬ್ದಬ್ರಹ್ಮಸ್ವರೂಪಾಯ ಬ್ರಹ್ಮರೂಪಧರಾಯ ಚ ।
ಬ್ರಹ್ಮಣೇ ಬ್ರಹ್ಮರೂಪಾಯ ಪದ್ಮನೇತ್ರಾಯ ತೇ ನಮಃ ॥ ೬೯॥

ಬ್ರಹ್ಮದಾಯ ಬ್ರಹ್ಮಣಾಯ ಬ್ರಹ್ಮಬ್ರಹ್ಮಾತ್ಮನೇ ನಮಃ ।
ಸುಬ್ರಹ್ಮಣ್ಯಾಯ ದೇವಾಯ ಬ್ರಹ್ಮಣ್ಯಾಯ ತ್ರಿವೇದಿನೇ ॥ ೭೦॥

ಪರಬ್ರಹ್ಮಸ್ವರೂಪಾಯ ಪಞ್ಚಬ್ರಹ್ಮಾತ್ಮನೇ ನಮಃ ।
ನಮಸ್ತೇ ಬ್ರಹ್ಮಶಿರಸೇ ತದಾಶ್ವಶಿರಸೇ ನಮಃ ॥ ೭೧॥

ಅಥರ್ವಶಿರಸೇ ನಿತ್ಯಂ ಅಶನಿಪ್ರಮಿತಾಯ ಚ ।
ನಮಸ್ತೇ ತೀಕ್ಷ್ಣದಂಷ್ಟ್ರಾಯ ಲಲಾಯ ಲಲಿತಾಯ ಚ ॥ ೭೨॥

ಲವಣ್ಯಾಯ ಲವಿತ್ರಾಯ ನಮಸ್ತೇ ಭಾಸಕಾಯ ಚ ।
ಲಕ್ಷಣಜ್ಞಾಯ ಲಕ್ಷಾಯ ಲಕ್ಷಣಾಯ ನಮೋ ನಮಃ ॥ ೭೩॥

ಲಸದ್ರಿಪ್ರಾಯ ಲಿಪ್ರಾಯ ವಿಷ್ಣವೇ ಪ್ರಭವಿಷ್ಣವೇ ।
ವೃಷ್ಣಿಮೂಲಾಯ ಕೃಷ್ಣಾಯ ಶ್ರೀಮಹಾವಿಷ್ಣವೇ ನಮಃ ॥ ೭೪॥

ಪಶ್ಯಾಮಿ ತ್ವಂ ಮಹಾಸಿಂಹಂ ಹರಿಣಂ ವನಮಾಲಿನಮ್ ।
ಕಿರೀಟಿನಂ ಕುಣ್ಡಲಿನಂ ಸರ್ವಾಙ್ಗಂ ಸರ್ವತೋಮುಖಮ್ ॥ ೭೫॥

ಸರ್ವತಃಪಾಣಿಪಾದೋಯಂ ಸರ್ವತೋಽಕ್ಷಿಶಿರೋಮುಖಮ್ ।
ಸರ್ವೇಶ್ವರಂ ಸದಾತುಷ್ಟಂ ಸಮರ್ಥಂ ಸಮರಪ್ರಿಯಮ್ ॥ ೭೬॥

ಬಹುಯೋಜನವಿಸ್ತೀರ್ಣಂ ಬಹುಯೋಜನಮಾಯತಮ್ ।
ಬಹುಯೋಜನಹಸ್ತಾಙ್ಘ್ರಿಂ ಬಹುಯೋಜನನಾಸಿಕಮ್ ॥ ೭೭॥

ಮಹಾರೂಪಂ ಮಹಾವಕ್ತ್ರಂ ಮಹಾದಂಷ್ಟ್ರಾ ಮಹಾಭುಜಮ್ ।
ಮಹಾನಾದಂ ಮಹಾರೌದ್ರಂ ಮಹಾಕಾಯಂ ಮಹಾಬಲಮ್ ॥ ೭೮॥

ಆನಾಭೇರ್ಬ್ರಹ್ಮಣೋರೂಪಂ ಆಗಲಾದ್ವೈಷ್ಣವಂ ತಥಾ ।
ಆಶೀರ್ಸಾದ್ರನ್ಧ್ರಮೀಶಾನಂ ತದಗ್ರೇಸರ್ವತಃಶಿವಂ ॥ ೭೯॥

ನಮೋಽಸ್ತು ನಾರಾಯಣ ನರಸಿಂಹ ನಮೋಽಸ್ತು ನಾರಾಯಣ ವೀರಸಿಂಹ ।
ನಮೋಽಸ್ತು ನಾರಾಯಣ ಕ್ರೂರಸಿಂಹ ನಮೋಽಸ್ತು ನಾರಾಯಣ ದಿವ್ಯಸಿಂಹ ॥ ೮೦॥

ನಮೋಽಸ್ತು ನಾರಾಯಣ ವ್ಯಾಘ್ರಸಿಂಹ ನಮೋಽಸ್ತು ನಾರಾಯಣ ಪುಚ್ಛಸಿಂಹ ।
ನಮೋಽಸ್ತು ನಾರಾಯಣ ಪೂರ್ಣಸಿಂಹ ನಮೋಽಸ್ತು ನಾರಾಯಣ ರೌದ್ರಸಿಂಹ ॥ ೮೧॥

ನಮೋ ನಮೋ ಭೀಷಣಭದ್ರಸಿಂಹ ನಮೋ ನಮೋ ವಿಹ್ವಲನೇತ್ರಸಿಂಹ ।
ನಮೋ ನಮೋ ಬೃಂಹಿತಭೂತಸಿಂಹ ನಮೋ ನಮೋ ನಿರ್ಮಲಚಿತ್ರಸಿಂಹ ॥ ೮೨॥

ನಮೋ ನಮೋ ನಿರ್ಜಿತಕಾಲಸಿಂಹ ನಮೋ ನಮೋ ಕಲ್ಪಿತಕಲ್ಪಸಿಂಹ ।
ನಮೋ ನಮೋ ಕಾಮದಕಾಮಸಿಂಹ ನಮೋ ನಮಸ್ತೇ ಭುವನೈಕಸಿಂಹ ॥ ೮೩॥

ದ್ಯಾವಾಪೃಥಿವ್ಯೋರಿದಮನ್ತರಂ ಹಿ ವ್ಯಾಪ್ತಂ ತ್ವಯೈಕೇನ ದಿಶಶ್ಚ ಸರ್ವಾಃ ।
ದೃಷ್ಟ್ವಾದ್ಭುತಂ ರೂಪಮುಗ್ರಂ ತವೇದಂ ಲೋಕತ್ರಯಂ ಪ್ರವ್ಯಥಿತಂ ಮಹಾತ್ಮನ್ ॥ ೮೪॥

ಅಮೀ ಹಿತ್ವಾ ಸುರಸಙ್ಘಾ ವಿಶನ್ತಿ ಕೇಚಿದ್ಭೀತಾಃ ಪ್ರಾಞ್ಜಲಯೋ ಗೃಣನ್ತಿ ।
ಸ್ವಸ್ತೀತ್ಯುಕ್ತ್ವಾ ಮುನಯಃ ಸಿದ್ಧಸಙ್ಘಾಃ ಸ್ತುವನ್ತಿ ತ್ವಾಂ ಸ್ತುತಿಭಿಃ ಪುಷ್ಕಲಾಭಿಃ ॥ ೮೫॥

ರುದ್ರಾದಿತ್ಯಾ ವಾಸವೋ ಯೇ ಚ ಸಾಧ್ಯಾ ವಿಶ್ವೇದೇವಾ ಮರುತಶ್ಚೋಸ್ಮಪಾಶ್ಚ ।
ಗನ್ಧರ್ವಯಕ್ಷಾಃ ಸುರಸಿದ್ಧಸಙ್ಘಾ ವೀಕ್ಷನ್ತಿ ತ್ವಾಂ ವಿಸ್ಮಿತಾಶ್ಚೈವ ಸರ್ವೇ ॥ ೮೬॥

ಲೇಲೀಹ್ಯಸೇ ಗ್ರಸಮಾನ್ ಅಸಮನ್ತಾಲ್ ಲೋಕಾನ್ ಸಮಗ್ರಾನ್ ವದನೈರ್ಜ್ವಲದ್ಭಿಃ ।
ತೇಜೋಭಿರಾಪೂರ್ಯ ಜಗತ್ ಸಮಗ್ರಂ ಭಾಸಾಸ್ತವೋಗ್ರಾಃ ಪ್ರತಪನ್ತಿ ವಿಷ್ಣೋಃ ॥ ೮೭॥

ಭಾವಿಷ್ಣುಸ್ತ್ವಂ ಸಹಿಷ್ಣುಸ್ತ್ವಂ ಭ್ರಜಿಷ್ಣುರ್ಜಿಷ್ಣುರೇವ ಚ ।
ಪೃಥಿವೀಮನ್ತರೀಕ್ಷಂ ತ್ವಂ ಪರ್ವತಾರಣ್ಯಮೇವ ಚ ॥ ೮೮॥

ಕಲಾಕಾಷ್ಠಾ ವಿಲಿಪ್ತತ್ವಂ ಮುಹೂರ್ತಪ್ರಹರಾದಿಕಮ್ ।
ಅಹೋರಾತ್ರಂ ತ್ರಿಸನ್ಧ್ಯಾ ಚ ಪಕ್ಷಮಾಸರ್ತುವತ್ಸರಃ ॥ ೮೯॥

ಯುಗಾದಿರ್ಯುಗಭೇದಸ್ತ್ವಂ ಸಂಯುಗೇ ಯುಗಸನ್ಧಾಯಾಃ ।
ನಿತ್ಯಂ ನೈಮಿತ್ತಿಕಂ ದೈನಂ ಮಹಾಪ್ರಲಯಮೇವ ಚ ॥ ೯೦॥

ಕಾರಣಂ ಕರಣಂ ಕರ್ತಾ ಭರ್ತಾ ಹರ್ತಾ ತ್ವಮೀಶ್ವರಃ ।
ಸತ್ಕರ್ತಾ ಸತ್ಕೃತಿರ್ಗೋಪ್ತಾ ಸಚ್ಚಿದಾನನ್ದವಿಗ್ರಹಃ ॥ ೯೧॥

ಪ್ರಾಣಸ್ತ್ವಂ ಪ್ರಾಣಿನಂ ಪ್ರತ್ಯಗಾತ್ಮಾ ತ್ವಂ ಸರ್ವದೇಹಿನಾಮ್ ।
ಸುಜ್ಯೋತಿಸ್ತ್ವಂ ಪರಂಜ್ಯೋತಿರಾತ್ಮಜ್ಯೋತಿಃ ಸನಾತನಃ ॥ ೯೨॥

ಜ್ಯೋತಿರ್ಲೋಕಸ್ವರೂಪಸ್ತ್ವಂ ತ್ವಂ ಜ್ಯೋತಿರ್ಜ್ಯೋತಿಷಾಂ ಪತಿಃ ।
ಸ್ವಾಹಾಕಾರಃ ಸ್ವಧಾಕಾರೋ ವಷಟ್ಕಾರಃ ಕೃಪಾಕರಃ ॥ ೯೩॥

ಹನ್ತಕಾರೋ ನಿರಾಕಾರೋ ವೇಗಕಾರಶ್ಚ ಶಙ್ಕರಃ ।
ಅಕಾರಾದಿಹಕಾರಾನ್ತ ಓಂಕಾರೋ ಲೋಕಕಾರಕಃ ॥ ೯೪॥

ಏಕಾತ್ಮಾ ತ್ವಮನೇಕಾತ್ಮಾ ಚತುರಾತ್ಮಾ ಚತುರ್ಭುಜಃ ।
ಚತುರ್ಮೂರ್ತಿಶ್ಚತುರ್ದಂಷ್ಟ್ರಶ್ಚತುರ್ವೇದಮಯೋತ್ತಮಃ ॥ ೯೫॥

ಲೋಕಪ್ರಿಯೋ ಲೋಕಗುರುರ್ಲೋಕೇಶೋ ಲೋಕನಾಯಕಃ ।
ಲೋಕಸಾಕ್ಷೀಲೋಕಪತಿರ್ಲೋಕಾತ್ಮಾ ಲೋಕಲೋಚನಃ ॥ ೯೬॥

ಲೋಕಧಾರೋ ಬೃಹಲ್ಲೋಕೋ ಲೋಕಾಲೋಕಮಯೋ ವಿಭುಃ ।
ಲೋಕಕರ್ತಾ ವಿಶ್ವಕರ್ತಾ ಕೃತಾವರ್ತಾಃ ಕೃತಾಗಮಃ ॥ ೯೭॥

ಅನಾದಿಸ್ತ್ವಮನನ್ತಸ್ತ್ವಮಭೂತೋಭೂತವಿಗ್ರಹಃ ।
ಸ್ತುತಿಃ ಸ್ತುತ್ಯಃ ಸ್ತವಪ್ರೀತಃ ಸ್ತೋತಾ ನೇತಾ ನಿಯಾಮಕಃ ॥ ೯೮॥

ತ್ವಂ ಗತಿಸ್ತ್ವಂ ಮತಿರ್ಮಹ್ಯಂ ಪಿತಾ ಮಾತಾ ಗುರುಃ ಸಖಾ ।
ಸುಹೃದಶ್ಚಾತ್ಮರೂಪಸ್ತ್ವಂ ತ್ವಂ ವಿನಾ ನಾಸ್ತಿ ಮೇ ಗತಿಃ ॥ ೯೯॥

ನಮಸ್ತೇ ಮನ್ತ್ರರೂಪಾಯ ಅಸ್ತ್ರರೂಪಾಯ ತೇ ನಮಃ ।
ಬಹುರೂಪಾಯ ರೂಪಾಯ ಪಞ್ಚರೂಪಧರಾಯ ಚ ॥ ೧೦೦॥

ಭದ್ರರೂಪಾಯ ರೂಪಾಯ ಯೋಗರೂಪಾಯ ಯೋಗಿನೇ ।
ಸಮರೂಪಾಯ ಯೋಗಾಯ ಯೋಗಪೀಠಸ್ಥಿತಾಯ ಚ ॥ ೧೦೧॥

ಯೋಗಗಮ್ಯಾಯ ಸೌಮ್ಯಾಯ ಧ್ಯಾನಗಮ್ಯಾಯ ಧ್ಯಾಯಿನೇ ।
ಧ್ಯೇಯಗಮ್ಯಾಯ ಧಾಮ್ನೇ ಚ ಧಾಮಾಧಿಪತಯೇ ನಮಃ ॥ ೧೦೨॥

ಧರಾಧರಾಘಧರ್ಮಾಯ ಧಾರಣಾಭಿರತಾಯ ಚ ।
ನಮೋ ಧಾತ್ರೇ ಚ ಸನ್ಧಾತ್ರೇ ವಿಧಾತ್ರೇ ಚ ಧರಾಯ ಚ ॥ ೧೦೩॥

ದಾಮೋದರಾಯ ದಾನ್ತಾಯ ದಾನವಾನ್ತಕರಾಯ ಚ ।
ನಮಃ ಸಂಸಾರವೈದ್ಯಾಯ ಭೇಷಜಾಯ ನಮೋ ನಮಃ ॥ ೧೦೪॥

ಸೀರಧ್ವಜಾಯ ಶೀತಾಯ ವಾತಾಯಾಪ್ರಮಿತಾಯ ಚ ।
ಸಾರಸ್ವತಾಯ ಸಂಸಾರನಾಶನಾಯಾಕ್ಷ ಮಾಲಿನೇ ॥ ೧೦೫॥

ಅಸಿಚರ್ಮಧರಾಯೈವ ಷಟ್ಕರ್ಮನಿರತಾಯ ಚ ।
ವಿಕರ್ಮಾಯ ಸುಕರ್ಮಾಯ ಪರಕರ್ಮವಿಧಾಯತೇ ॥ ೧೦೬॥

ಸುಶರ್ಮಣೇ ಮನ್ಮಥಾಯ ನಮೋ ವರ್ಮಾಯ ವರ್ಮಿಣೇ ।
ಕರಿಚರ್ಮವಸಾನಾಯ ಕರಾಲವದನಾಯ ಚ ॥ ೧೦೭॥

ಕವಯೇ ಪದ್ಮಗರ್ಭಾಯ ಭೂತಗರ್ಭಘೃಣಾನಿಧೇ ।
ಬ್ರಹ್ಮಗರ್ಭಾಯ ಗರ್ಭಾಯ ಬೃಹದ್ಗರ್ಭಾಯ ಧೂರ್ಜಿತೇ ॥ ೧೦೮॥

ನಮಸ್ತೇ ವಿಶ್ವಗರ್ಭಾಯ ಶ್ರೀಗರ್ಭಾಯ ಜಿತಾರಯೇ ।
ನಮೋ ಹಿರಣ್ಯಗರ್ಭಾಯ ಹಿರಣ್ಯಕವಚಾಯ ಚ ॥ ೧೦೯॥

ಹಿರಣ್ಯವರ್ಣದೇಹಾಯ ಹಿರಣ್ಯಾಕ್ಷವಿನಾಶಿನೇ ।
ಹಿರಣ್ಯಕಶ್ಯಪೋರ್ಹನ್ತ್ರೇ ಹಿರಣ್ಯನಯನಾಯ ಚ ॥ ೧೧೦॥

ಹಿರಣ್ಯರೇತಸೇ ತುಭ್ಯಂ ಹಿರಣ್ಯವದನಾಯ ಚ ।
ನಮೋ ಹಿರಣ್ಯಶೃಙ್ಗಾಯ ನಿಶಶೃಙ್ಗಾಯ ಶೃಙ್ಗಿನೇ ॥ ೧೧೧॥

ಭೈರವಾಯ ಸುಕೇಶಾಯ ಭೀಷಣಾಯಾನ್ತ್ರಿಮಾಲಿನೇ ।
ಚಣ್ಡಾಯ ರುಣ್ಡಮಾಲಾಯ ನಮೋ ದಣ್ಡಧರಾಯ ಚ ॥ ೧೧೨॥

ಅಖಣ್ಡತತ್ತ್ವರೂಪಾಯ ಕಮಣ್ಡಲುಧರಾಯ ಚ ।
ನಮಸ್ತೇ ಖಣ್ಡಸಿಂಹಾಯ ಸತ್ಯಸಿಂಹಾಯ ತೇ ನಮಃ ॥ ೧೧೩॥

ನಮಸ್ತೇ ಶ್ವೇತಸಿಂಹಾಯ ಪೀತಸಿಂಹಾಯ ತೇ ನಮಃ ।
ನೀಲಸಿಂಹಾಯ ನೀಲಾಯ ರಕ್ತಸಿಂಹಾಯ ತೇ ನಮಃ ॥ ೧೧೪॥

ನಮೋ ಹಾರಿದ್ರಸಿಂಹಾಯ ಧೂಮ್ರಸಿಂಹಾಯ ತೇ ನಮಃ ।
ಮೂಲಸಿಂಹಾಯ ಮೂಲಾಯ ಬೃಹತ್ಸಿಂಹಾಯ ತೇ ನಮಃ ॥ ೧೧೫॥

ಪಾತಾಲಸ್ಥಿತಸಿಂಹಾಯ ನಮೋ ಪರ್ವತವಾಸಿನೇ ।
ನಮೋ ಜಲಸ್ಥಸಿಂಹಾಯ ಅನ್ತರಿಕ್ಷಸ್ಥಿತಾಯ ಚ ॥ ೧೧೬॥

ಕಾಲಾಗ್ನಿರುದ್ರಸಿಂಹಾಯ ಚಣ್ಡಸಿಂಹಾಯ ತೇ ನಮಃ ।
ಅನನ್ತಸಿಂಹಸಿಂಹಾಯ ಅನನ್ತಗತಯೇ ನಮಃ ॥ ೧೧೭॥

ನಮೋ ವಿವಿತ್ರಸಿಂಹಾಯ ಬಹುಸಿಂಹಸ್ವರೂಪಿಣೇ ।
ಅಭಯಙ್ಕರಸಿಂಹಾಯ ನರಸಿಂಹಾಯ ತೇ ನಮಃ ॥ ೧೧೮॥

ನಮೋಽಸ್ತು ಸಿಂಹರಾಜಾಯ ನರಸಿಂಹಾಯ ತೇ ನಮಃ ।
ಸಪ್ತಾಬ್ಧಿಮೇಖಲಾಯೈವ ಸತ್ಯಸತ್ಯಸ್ವರೂಪಿಣೇ ॥ ೧೧೯॥

ಸಪ್ತಲೋಕಾನ್ತರಸ್ಥಾಯ ಸಪ್ತಸ್ವರನಯಾಯ ಚ ।
ಸಪ್ತಾರ್ಚಿಃರೂಪದಂಷ್ಟ್ರಾಯ ಸಪ್ತಾಶ್ವರಥರೂಪಿಣೇ ॥ ೧೨೦॥

ಸಪ್ತವಾಯುಸ್ವರೂಪಾಯ ಸಪ್ತಛನ್ದೋಮಯಾಯ ಚ ।
ಸ್ವಚ್ಛಾಯ ಸ್ವಚ್ಛರೂಪಾಯ ಸ್ವಚ್ಛನ್ದಾಯ ಚ ತೇ ನಮಃ ॥ ೧೨೧॥

ಶ್ರೀವತ್ಸಾಯ ಸುವೇಧಾಯ ಶ್ರುತಯೇ ಶ್ರುತಿಮೂರ್ತಯೇ ।
ಶುಚಿಶ್ರವಾಯ ಶೂರಾಯ ಸುಪ್ರಭಾಯ ಸುಧನ್ವಿನೇ ॥ ೧೨೨॥

ಶುಭ್ರಾಯ ಸುರನಾಥಾಯ ಸುಪ್ರಭಾಯ ಶುಭಾಯ ಚ ।
ಸುದರ್ಶನಾಯ ಸೂಕ್ಷ್ಮಾಯ ನಿರುಕ್ತಾಯ ನಮೋ ನಮಃ ॥ ೧೨೩॥

ಸುಪ್ರಭಾಯ ಸ್ವಭಾವಾಯ ಭಾವಾಯ ವಿಭವಾಯ ಚ ।
ಸುಶಾಖಾಯ ವಿಶಾಖಾಯ ಸುಮುಖಾಯ ಮುಖಾಯ ಚ ॥ ೧೨೪॥

ಸುನಖಾಯ ಸುದಂಷ್ಟ್ರಾಯ ಸುರಥಾಯ ಸುಧಾಯ ಚ ।
ಸಙ್ಖ್ಯಾಯ ಸುರಮುಖ್ಯಾಯ ಪ್ರಖ್ಯತಾಯ ಪ್ರಭಾಯ ಚ ॥ ೧೨೫॥

ನಮಃ ಖಟ್ವಙ್ಗಹಸ್ತಾಯ ಖೇಟಮುದ್ಗರಪಾಣಯೇ ।
ಖಗೇನ್ದ್ರಾಯ ಮೃಗೇನ್ದ್ರಾಯ ನಾಗೇನ್ದ್ರಾಯ ದೃಧಾಯ ಚ ॥ ೧೨೬॥

ನಾಗಕೇಯೂರಹಾರಾಯ ನಾಗೇನ್ದ್ರಾಯಾಘಮರ್ದಿನೇ ।
ನದೀವಾಸಾಯ ನಾಗಾಯ ನಾನಾರೂಪಧರಾಯ ಚ ॥ ೧೨೭॥

ನಾಗೇಶ್ವರಾಯ ನಾಗಾಯ ನಮಿತಾಯ ನರಾಯ ಚ ।
ನಾಗಾನ್ತಕರಥಾಯೈವ ನರನಾರಾಯಣಾಯ ಚ ॥ ೧೨೮॥

ನಮೋ ಮತ್ಸ್ಯಸ್ವರೂಪಾಯ ಕಚ್ಛಪಾಯ ನಮೋ ನಮಃ ।
ನಮೋ ಯಜ್ಞವರಾಹಾಯ ನರಸಿಂಹಾಯ ನಮೋ ನಮಃ ॥ ೧೨೯॥

ವಿಕ್ರಮಾಕ್ರಾನ್ತಲೋಕಾಯ ವಾಮನಾಯ ಮಹೌಜಸೇ ।
ನಮೋ ಭಾರ್ಗವರಾಮಾಯ ರಾವಣಾನ್ತಕರಾಯ ಚ ॥ ೧೩೦॥

ನಮಸ್ತೇ ಬಲರಾಮಾಯ ಕಂಸಪ್ರಾಧ್ವಂಸಕಾರಿಣೇ ।
ಬುದ್ಧಾಯ ಬುದ್ಧರೂಪಾಯ ತೀಕ್ಷ್ಣರೂಪಾಯ ಕಲ್ಕಿನೇ ॥ ೧೩೧॥

ಆತ್ರೇಯಾಯಾಗ್ನಿನೇತ್ರಾಯ ಕಪಿಲಾಯ ದ್ವಿಜಾಯ ಚ ।
ಕ್ಷೇತ್ರಾಯ ಪಶುಪಾಲಾಯ ಪಶುವಕ್ತ್ರಾಯ ತೇ ನಮಃ ॥ ೧೩೨॥

ಗೃಹಸ್ಥಾಯ ವನಸ್ಥಾಯ ಯತಯೇ ಬ್ರಹ್ಮಚಾರಿಣೇ ।
ಸ್ವರ್ಗಾಪವರ್ಗದಾತ್ರೇ ಚ ತದ್ಭೋಕ್ತ್ರೇ ಚ ಮುಮುಕ್ಷವೇ ॥ ೧೩೩॥

ಶಾಲಗ್ರಾಮನಿವಾಸಾಯ ಕ್ಷೀರಾಬ್ಧಿಶಯನಾಯ ಚ ।
ಶ್ರೀಶೈಲಾದ್ರಿನಿವಾಸಾಯ ಶಿಲಾವಾಸಾಯ ತೇ ನಮಃ ॥ ೧೩೪॥

ಯೋಗಿಹೃತ್ಪದ್ಮವಾಸಾಯ ಮಹಾಹಾಸಾಯ ತೇ ನಮಃ ।
ಗುಹಾವಾಸಾಯ ಗುಹ್ಯಾಯ ಗುಪ್ತಾಯ ಗುರವೇ ನಮಃ ॥ ೧೩೫॥

ನಮೋ ಮೂಲಾಧಿವಾಸಾಯ ನೀಲವಸ್ತ್ರಧರಾಯ ಚ ।
ಪೀತವಸ್ತ್ರಾಯ ಶಸ್ತ್ರಾಯ ರಕ್ತವಸ್ತ್ರಧರಾಯ ಚ ॥ ೧೩೬॥

ರಕ್ತಮಾಲಾವಿಭೂಶಾಯ ರಕ್ತಗನ್ಧಾನುಲೇಪಿನೇ ।
ಧುರನ್ಧರಾಯ ಧೂರ್ತಾಯ ದುರ್ಧರಾಯ ಧರಾಯ ಚ ॥ ೧೩೭॥

ದುರ್ಮದಾಯ ದುರಾನ್ತಾಯ ದುರ್ಧರಾಯ ನಮೋ ನಮಃ ।
ದುರ್ನಿರೀಕ್ಷ್ಯಾಯ ನಿಷ್ಠಾಯ ದುರ್ದನಾಯ ದ್ರುಮಾಯ ಚ ॥ ೧೩೮॥

ದುರ್ಭೇದಾಯ ದುರಾಶಾಯ ದುರ್ಲಭಾಯ ನಮೋ ನಮಃ ।
ದೃಪ್ತಾಯ ದೃಪ್ತವಕ್ತ್ರಾಯ ಅದೃಪ್ತನಯನಾಯ ಚ ॥ ೧೩೯॥

ಉನ್ಮತ್ತಾಯ ಪ್ರಮತ್ತಾಯ ನಮೋ ದೈತ್ಯಾರಯೇ ನಮಃ ।
ರಸಜ್ಞಾಯ ರಸೇಶಾಯ ಆರಕ್ತರಸನಾಯ ಚ ॥ ೧೪೦॥

ಪತ್ಯಾಯ ಪರಿತೋಷಾಯ ರಥ್ಯಾಯ ರಸಿಕಾಯ ಚ ।
ಊರ್ಧ್ವಕೇಶೋರ್ಧ್ವರೂಪಾಯ ನಮಸ್ತೇ ಚೋರ್ಧ್ವರೇತಸೇ ॥ ೧೪೧॥

ಊರ್ಧ್ವಸಿಂಹಾಯ ಸಿಂಹಾಯ ನಮಸ್ತೇ ಚೋರ್ಧ್ವಬಾಹವೇ ।
ಪರಪ್ರಧ್ವಂಸಕಾಯೈವ ಶಙ್ಖಚಕ್ರಧರಾಯ ಚ ॥ ೧೪೨॥

ಗದಾಪದ್ಮಧರಾಯೈವ ಪಞ್ಚಬಾಣಧರಾಯ ಚ ।
ಕಾಮೇಶ್ವರಾಯ ಕಾಮಾಯ ಕಾಮಪಾಲಾಯ ಕಾಮಿನೇ ॥ ೧೪೩॥

ನಮಃ ಕಾಮವಿಹಾರಾಯ ಕಾಮರೂಪಧರಾಯ ಚ ।
ಸೋಮಸೂರ್ಯಾಗ್ನಿನೇತ್ರಾಯ ಸೋಮಪಾಯ ನಮೋ ನಮಃ ॥ ೧೪೪॥

ನಮಃ ಸೋಮಾಯ ವಾಮಾಯ ವಾಮದೇವಾಯ ತೇ ನಮಃ ।
ಸಾಮಸ್ವನಾಯ ಸೌಮ್ಯಾಯ ಭಕ್ತಿಗಮ್ಯಾಯ ವೈ ನಮಃ ॥ ೧೪೫॥

ಕುಷ್ಮಾಣ್ಡಗಣನಾಥಾಯ ಸರ್ವಶ್ರೇಯಸ್ಕರಾಯ ಚ ।
ಭೀಷ್ಮಾಯ ಭೀಷದಾಯೈವ ಭೀಮವಿಕ್ರಮಣಾಯ ಚ ॥ ೧೪೬॥

ಮೃಗಗ್ರೀವಾಯ ಜೀವಾಯ ಜಿತಾಯಾಜಿತಕಾರಿಣೇ ।
ಜಟಿನೇ ಜಮದಗ್ನಾಯ ನಮಸ್ತೇ ಜಾತವೇದಸೇ ॥ ೧೪೭॥

ಜಪಕುಸುಮವರ್ಣಾಯ ಜಪ್ಯಾಯ ಜಪಿತಾಯ ಚ ।
ಜರಾಯುಜಾಯಾಣ್ಡಜಾಯ ಸ್ವೇದಜಾಯೋದ್ಭಿಜಾಯ ಚ ॥ ೧೪೮॥

ಜನಾರ್ದನಾಯ ರಾಮಾಯ ಜಾಹ್ನವೀಜನಕಾಯ ಚ ।
ಜಾರಜನ್ಮಾದಿದೂರಾಯ ಪ್ರದ್ಯುಮ್ನಾಯ ಪ್ರಮೋದಿನೇ ॥ ೧೪೯॥

ಜಿಹ್ವಾರೌದ್ರಾಯ ರುದ್ರಾಯ ವೀರಭದ್ರಾಯ ತೇ ನಮಃ ।
ಚಿದ್ರೂಪಾಯ ಸಮುದ್ರಾಯ ಕದ್ರುದ್ರಾಯ ಪ್ರಚೇತಸೇ ॥ ೧೫೦॥

ಇನ್ದ್ರಿಯಾಯೇನ್ದ್ರಿಯಜ್ಞಾಯ ನಮೋಽಸ್ತ್ವಿನ್ದ್ರಾನುಜಾಯ ಚ ।
ಅತೀನ್ದ್ರಿಯಾಯ ಸಾರಾಯ ಇನ್ದಿರಾಪತಯೇ ನಮಃ ॥ ೧೫೧॥

ಈಶಾನಾಯ ಚ ಈಡ್ಯಾಯ ಈಶಿತಾಯ ಇನಾಯ ಚ ।
ವ್ಯೋಮಾತ್ಮನೇ ಚ ವ್ಯೋಮ್ನೇ ಚ ನಮಸ್ತೇ ವ್ಯೋಮಕೇಶಿನೇ ॥ ೧೫೨॥

ವ್ಯೋಮಧಾರಾಯ ಚ ವ್ಯೋಮವಕ್ತ್ರಾಯಾಸುರ ಘಾತಿನೇ ।
ನಮಸ್ತೇ ವ್ಯೋಮದಂಷ್ಟ್ರಾಯ ವ್ಯೋಮವಾಸಾಯ ತೇ ನಮಃ ॥ ೧೫೩॥

ಸುಕುಮಾರಾಯ ರಾಮಾಯ ಶುಭಾಚಾರಾಯ ತೇ ನಮಃ ।
ವಿಶ್ವಾಯ ವಿಶ್ವರೂಪಾಯ ನಮೋ ವಿಶ್ವಾತ್ಮಕಾಯ ಚ ॥ ೧೫೪॥

ಜ್ಞಾನಾತ್ಮಕಾಯ ಜ್ಞಾನಾಯ ವಿಶ್ವೇಶಾಯ ಪರಾತ್ಮನೇ ।
ಏಕಾತ್ಮನೇ ನಮಸ್ತುಭ್ಯಂ ನಮಸ್ತೇ ದ್ವಾದಶಾತ್ಮನೇ ॥ ೧೫೫॥

ಚತುರ್ವಿಂಶತಿರೂಪಾಯ ಪಞ್ಚವಿಂಶತಿಮೂರ್ತಯೇ ।
ಷಡ್ವಿಂಶಕಾತ್ಮನೇ ನಿತ್ಯಂ ಸಪ್ತವಿಂಶತಿಕಾತ್ಮನೇ ॥ ೧೫೬॥

ಧರ್ಮಾರ್ಥಕಾಮಮೋಕ್ಷಾಯ ವಿರಕ್ತಾಯ ನಮೋ ನಮಃ ।
ಭಾವಶುದ್ಧಾಯ ಸಿದ್ಧಾಯ ಸಾಧ್ಯಾಯ ಶರಭಾಯ ಚ ॥ ೧೫೭॥

ಪ್ರಬೋಧಾಯ ಸುಬೋಧಾಯ ನಮೋ ಬುಧಿಪ್ರಿಯಾಯ ಚ ।
ಸ್ನಿಗ್ಧಾಯ ಚ ವಿದಗ್ಧಾಯ ಮುಗ್ಧಾಯ ಮುನಯೇ ನಮಃ ॥ ೧೫೮॥

ಪ್ರಿಯಂವದಾಯ ಶ್ರವ್ಯಾಯ ಶ್ರುಕ್ಷ್ರುವಾಯ ಶ್ರಿತಾಯ ಚ ।
ಗೃಹೇಶಾಯ ಮಹೇಶಾಯ ಬ್ರಹ್ಮೇಶಾಯ ನಮೋ ನಮಃ ॥ ೧೫೯॥

ಶ್ರೀಧರಾಯ ಸುತೀರ್ಥಾಯ ಹಯಗ್ರೀವಾಯ ತೇ ನಮಃ ।
ಉಗ್ರಾಯ ಉಗ್ರವೇಗಾಯ ಉಗ್ರಕರ್ಮರತಾಯ ಚ ॥ ೧೬೦॥

ಉಗ್ರನೇತ್ರಾಯ ವ್ಯಾಘ್ರಾಯ ಸಮಗ್ರಗುಣಶಾಲಿನೇ ।
ಬಲಗ್ರಹವಿನಾಶಾಯ ಪಿಶಾಚಗ್ರಹಘಾತಿನೇ ॥ ೧೬೧॥

ದುಷ್ಟಗ್ರಹನಿಹನ್ತ್ರೇ ಚ ನಿಗ್ರಹಾನುಗ್ರಹಾಯ ಚ ।
ವೃಷಧ್ವಜಾಯ ವೃಷ್ಣ್ಯಾಯ ವೃಷಾಯ ವೃಷಭಾಯ ಚ ॥ ೧೬೨॥

ಉಗ್ರಶ್ರವಾಯ ಶಾನ್ತಾಯ ನಮಃ ಶ್ರುತಿಧರಾಯ ಚ ।
ನಮಸ್ತೇ ದೇವದೇವೇಶ ನಮಸ್ತೇ ಮಧುಸೂದನ ॥ ೧೬೩॥

ನಮಸ್ತೇ ಪುಣ್ಡರೀಕಾಕ್ಷ ನಮಸ್ತೇ ದುರಿತಕ್ಷಯ ।
ನಮಸ್ತೇ ಕರುಣಾಸಿನ್ಧೋ ನಮಸ್ತೇ ಸಮಿತಿಞ್ಜಯ ॥ ೧೬೪॥

ನಮಸ್ತೇ ನರಸಿಂಹಾಯ ನಮಸ್ತೇ ಗರುಡಧ್ವಜ ।
ಯಜ್ಞನೇತ್ರ ನಮಸ್ತೇಽಸ್ತು ಕಾಲಧ್ವಜ ಜಾಯಧ್ವಜ ॥ ೧೬೫॥

ಅಗ್ನಿನೇತ್ರ ನಮಸ್ತೇಽಸ್ತು ನಮಸ್ತೇ ಹ್ಯಮರಪ್ರಿಯ ।
ಮಹಾನೇತ್ರ ನಮಸ್ತೇಽಸ್ತು ನಮಸ್ತೇ ಭಕ್ತವತ್ಸಲ ॥ ೧೬೬॥

ಧರ್ಮನೇತ್ರ ನಮಸ್ತೇಽಸ್ತು ನಮಸ್ತೇ ಕರುಣಾಕರ ।
ಪುಣ್ಯನೇತ್ರ ನಮಸ್ತೇಽಸ್ತು ನಮಸ್ತೇಽಭೀಷ್ಟದಾಯಕ ॥ ೧೬೭॥

ನಮೋ ನಮಸ್ತೇ ದಯಾಸಿಂಹರೂಪ ನಮೋ ನಮಸ್ತೇ ನರಸಿಂಹರೂಪ ।
ನಮೋ ನಮಸ್ತೇ ರಣಸಿಂಹರೂಪ ನಮೋ ನಮಸ್ತೇ ನರಸಿಂಹರೂಪ ॥ ೧೬೮॥


Text with details at http://www.omjai.org/Narsimha+Sahasranama
Corrected and proofread by Sunder Hattangadi sunderh@hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Lakshmi Narasimha Sahasranama Stotram Lyrics in Kannada PDF
% File name : nRisiMhasahasranAmastotra.itx
% Category : sahasranAma
% Location : doc\_vishhnu
% Language : Sanskrit
% Subject : hinduism
% Transliterated by : http://www.omjai.org/Narsimha+Sahasranama with meaning but with many errors
% Proofread by : sunderh at hotmail.com
% Latest update : April 13, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website