{॥ শ্রীলক্ষ্মীনৃসিংহকরুণারসস্তোত্রম্ ॥}
শ্রীমত্পযোনিধিনিকেতনচক্রপাণে
ভোগীন্দ্রভোগমণিরাজিতপুণ্যমূর্তে ।
(পাঠভেদ- ভোগীন্দ্রভোগমণিরঞ্জিত পুণ্যমূর্তে)
যোগীশ শাশ্বত শরণ্য ভবাব্ধিপোত
লক্ষ্মীনৃসিংহ মম দেহি করাবলম্বম্ ॥ ১॥

ব্রহ্মেন্দ্ররুদ্রমরুদর্ককিরীটকোটি-
সঙ্ঘট্টিতাঙ্ঘ্রিকমলামলকান্তিকান্ত ।
লক্ষ্মীলসত্কুচসরোরুহরাজহংস
লক্ষ্মীনৃসিংহ মম দেহি করাবলম্বম্ ॥ ২॥

সংসারদাবদহনাকরভীকরোরু-
(পাঠভেদ-সংসারদাবদহনাতুরভীকরোরু-)
জ্বালাবলীভিরতিদগ্ধতনূরুহস্য ।
ত্বত্পাদপদ্মসরসীরুহমাগতস্য
(পাঠভেদ- ত্বত্পাদপদ্মসরসীং শরণাগতস্য)
লক্ষ্মীনৃসিংহ মম দেহি করাবলম্বম্ ॥ ৩॥

সংসারজালপতিতস্য জগন্নিবাস
সর্বেন্দ্রিযার্থবডিশাগ্রঝষোপমস্য ।
প্রোত্কম্পিতপ্রচুরতালুকমস্তকস্য
লক্ষ্মীনৃসিংহ মম দেহি করাবলম্বম্ ॥ ৪॥

সংসারকূপমতিঘোরমগাধমূলং
সম্প্রাপ্য দুঃখশতসর্পসমাকুলস্য ।
দীনস্য দেব কৃপযা পদমাগতস্য
লক্ষ্মীনৃসিংহ মম দেহি করাবলম্বম্ ॥ ৫॥

সংসারভীকরকরীন্দ্রকরাভিঘাত-
নিষ্পীড্যমানবপুষঃ সকলার্তিনাশ ।
প্রাণপ্রযাণভবভীতিসমাকুলস্য
লক্ষ্মীনৃসিংহ মম দেহি করাবলম্বম্ ॥ ৬॥

সংসারসর্পবিষদিগ্ধমহোগ্রতীব্র-
দংষ্ট্রাগ্রকোটিপরিদষ্টবিনষ্টমূর্তেঃ ।
নাগারিবাহন সুধাব্ধিনিবাস শৌরে
লক্ষ্মীনৃসিংহ মম দেহি করাবলম্বম্ ॥ ৭॥

সংসারবৃক্ষমঘবীজমনন্তকর্ম-
শাখাযুতং করণপত্রমনঙ্গপুষ্পম্ ।
আরুহ্য দুঃখফলিতং চকিতং দযালো
লক্ষ্মীনৃসিংহ মম দেহি করাবলম্বম্ ॥ ৮॥

সংসারসাগরবিশালকরালকাল-
নক্রগ্রহগ্রসিতনিগ্রহবিগ্রহস্য ।
ব্যগ্রস্য রাগনিচযোর্মিনিপীডিতস্য
লক্ষ্মীনৃসিংহ মম দেহি করাবলম্বম্ ॥ ৯॥

সংসারসাগরনিমজ্জনমুহ্যমানং
দীনং বিলোকয বিভো করুণানিধে মাম্ ।
প্রহ্লাদখেদপরিহারপরাবতার
লক্ষ্মীনৃসিংহ মম দেহি করাবলম্বম্ ॥ ১০॥

সংসারঘোরগহনে চরতো মুরারে
মারোগ্রভীকরমৃগপ্রচুরার্দিতস্য ।
আর্তস্য মত্সরনিদাঘসুদুঃখিতস্য
লক্ষ্মীনৃসিংহ মম দেহি করাবলম্বম্ ॥ ১১॥

বদ্ধ্বা গলে যমভটা বহু তর্জযন্তঃ
কর্ষন্তি যত্র ভবপাশশতৈর্যুতং মাম্ ।
একাকিনং পরবশং চকিতং দযালো
লক্ষ্মীনৃসিংহ মম দেহি করাবলম্বম্ ॥ ১২॥

লক্ষ্মীপতে কমলনাভ সুরেশ বিষ্ণো
যজ্ঞেশ যজ্ঞ মধুসূদন বিশ্বরূপ ।
ব্রহ্মণ্য কেশব জনার্দন বাসুদেব
লক্ষ্মীনৃসিংহ মম দেহি করাবলম্বম্ ॥ ১৩॥

একেন চক্রমপরেণ করেণ শঙ্খ-
মন্যেন সিন্ধুতনযামবলম্ব্য তিষ্ঠন্ ।
বামেতরেণ বরদাভযপদ্মচিহ্নং
লক্ষ্মীনৃসিংহ মম দেহি করাবলম্বম্ ॥

(পাঠভেদ-দেবেশ দেহি কৃপণস্য করাবলম্বম্)।॥১৪॥

অন্ধস্য মে হৃতবিবেকমহাধনস্য
চোরৈর্মহাবলিভিরিন্দ্রিযনামধেযৈঃ ।
মোহান্ধকারকুহরে বিনিপাতিতস্য
লক্ষ্মীনৃসিংহ মম দেহি করাবলম্বম্ ॥ ১৫॥

প্রহ্লাদনারদপরাশরপুণ্ডরীক-
ব্যাসাদিভাগবতপুঙ্গবহৃন্নিবাস ।
ভক্তানুরুক্তপরিপালনপারিজাত
লক্ষ্মীনৃসিংহ মম দেহি করাবলম্বম্ ॥ ১৬॥

লক্ষ্মীনৃসিংহচরণাব্জমধুব্রতেন
স্তোত্রং কৃতং শুভকরং ভুবি শঙ্করেণ ।
যে তত্পঠন্তি মনুজা হরিভক্তিযুক্তা-
স্তে যান্তি তত্পদসরোজমখণ্ডরূপম্ ॥ ১৭॥

(পাঠভেদ- যন্মাযযোর্জিতবপুঃপ্রচুরপ্রবাহ-
মগ্নার্থমত্র নিবহোরুকরাবলম্বম্ । ।
লক্ষ্মীনৃসিংহচরণাব্জমধুব্রতেন
স্তোত্রং কৃতং সুখকরং ভুবি শঙ্করেণ ॥ ১৭॥)

ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছঙ্করভগবতঃ কৃতৌ
লক্ষ্মীনৃসিংহকরুণারসস্তোত্রং সম্পূর্ণম্ ॥



Please send corrections to sanskrit@cheerful.com
Last updated ত্oday
http://sanskritdocuments.org

Lakshmi Narasimha Karavalamba Stotram Lyrics in Bengali PDF
% File name : lxmnrikar.itx
% Location : doc\_vishhnu
% Author : Adi Shankara
% Language : Sanskrit
% Subject : philosophy/hinduism/religion
% Transliterated by : Sunder Hattangadi (sunderh at hotmail.com)
% Proofread by : Sunder Hattangadi (sunderh at hotmail.com)
% Description-comments : Hymn to Lakshmi-Nrisinha
% Latest update : April, 26, 2000
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website