{॥ কালিকাকবচম্ ॥}
শ্রীগণেশায নমঃ ।
কৈলাসশিখরাসীনং দেবদেবং জগদ্গুরুম্ ।
শঙ্করং পরিপপ্রচ্ছ পার্বতী পরমেশ্বরম্ ॥ ১॥

পার্বত্যুবাচ
ভগবন্ দেবদেবেশ দেবানাং ভোগদ প্রভো ।
প্রব্রূহি মে মহাদেব গোপ্যং চেদ্যদি হে প্রভো ॥ ২॥

শত্রূণাং যেন নাশঃ স্যাদাত্মনো রক্ষণং ভবেত্ ।
পরমৈশ্বর্যমতুলং লভেদ্যেন হি তদ্বদ ॥ ৩॥

ভৈরব উবাচ
বক্ষ্যামি তে মহাদেবি সর্বধর্মবিদাং বরে ।
অদ্ভুতং কবচং দেব্যাঃ সর্বকামপ্রসাধকম্ ॥ ৪॥

বিশেষতঃ শত্রুনাশং সর্বরক্ষাকরং নৃণাম্ ।
সর্বারিষ্টপ্রশমনং সর্বাভদ্রবিনাশনম্ ॥ ৫॥

সুখদং ভোগদং চৈব বশীকরণমুত্তমম্ ।
শত্রুসংঘাঃ ক্ষযং যান্তি ভবন্তি ব্যাধিপীডিঅতাঃ ॥ ৬॥

দুঃখিনো জ্বরিণশ্চৈব স্বাভীষ্টদ্রোহিণস্তথা ।
ভোগমোক্ষপ্রদং চৈব কালিকাকবচং পঠেত্ ॥ ৭॥

ॐ অস্য শ্রীকালিকাকবচস্য ভৈরব ঋষিঃ । অনুষ্টুপ্ ছন্দঃ ।
শ্রীকালিকা দেবতা । শত্রুসংহারার্থ জপে বিনিযোগঃ ।
ধ্যানম্
ॐ ধ্যাযেত্কালীং মহামাযাং ত্রিনেত্রাং বহুরূপিণীম্ ।
চতুর্ভুজাং ললজ্জিহ্বাং পূর্ণচন্দ্রনিভাননাম্ ॥ ৮॥

নীলোত্পলদলশ্যামাং শত্রুসংঘবিদারিণীম্ ।
নরমুণ্ডং তথা খড্গং কমলং চ বরং তথা ॥ ৯॥

নির্ভযাং রক্তবদনাং দংষ্ট্রালীঘোররূপিণীম্ ।
সাট্টহাসাননাং দেবীং সর্বদাং চ দিগম্বরীম্ ॥ ১০॥

শবাসনস্থিতাং কালীং মুণ্ডমালাবিভূষিতাম্ ।
ইতি ধ্যাত্বা মহাকালীং ততস্তু কবচং পঠেত্ ॥ ১১॥

ॐ কালিকা ঘোররূপা সর্বকামপ্রদা শুভা ।
সর্বদেবস্তুতা দেবী শত্রুনাশং করোতু মে ॥ ১২॥

ॐ হ্রীং হ্রীংরূপিণীং চৈব হ্রাং হ্রীং হ্রাংরূপিণীং তথা ।
হ্রাং হ্রীং ক্ষোং ক্ষৌংস্বরূপা সা সদা শত্রূন্বিদারযেত্ ॥ ১৩॥

শ্রীং-হ্রীং ঐংরূপিণী দেবী ভববন্ধবিমোচনী ।
হুংরূপিণী মহাকালী রক্ষাস্মান্ দেবি সর্বদা ॥ ১৪॥

যযা শুম্ভো হতো দৈত্যো নিশুম্ভশ্চ মহাসুরঃ ।
বৈরিনাশায বন্দে তাং কালিকাং শঙ্করপ্রিযাম্ ॥ ১৫॥

ব্রাহ্মী শৈবী বৈষ্ণবী চ বারাহী নারসিংহিকা ।
কৌমার্যৈন্দ্রী চ চামুণ্ডা খাদন্তু মম বিদ্বিষঃ ॥ ১৬॥

সুরেশ্বরী ঘোররূপা চণ্ডমুণ্ডবিনাশিনী ।
মুণ্ডমালাবৃতাঙ্গী চ সর্বতঃ পাতু মাং সদা ॥ ১৭॥

হ্রীং হ্রীং হ্রীং কালিকে ঘোরে দংষ্ট্রেব রুধিরপ্রিযে ।
রুধিরাপূর্ণবক্ত্রে চ রুধিরেণাবৃতস্তনি ॥ ১৮॥

মম শত্রূন্ খাদয খাদয হিংস হিংস মারয মারয ভিন্ধি ভিন্ধি
ছিন্ধি ছিন্ধি উচ্চাটয উচ্চাটয দ্রাবয দ্রাবয শোষয শোষয স্বাহা ।
হ্রাং হ্রীং কালিকাযৈ মদীযশত্রূন্ সমর্পযামি স্বাহা ।
ॐ জয জয কিরি কিরি কিটি কিটি কট কট মর্দ মর্দ মোহয মোহয
হর হর মম রিপূন ধ্বংস ধ্বংস ভক্ষয ভক্ষয ত্রোটয ত্রোটয যাতুধানান্
চামুণ্ডে সর্বজনান্ রাজ্ঞো রাজপুরুষান্ স্ত্রিযো মম বশ্যান্ কুরু কুরু
তনু তনু ধান্যং ধনং মেঽশ্বান্ গজান্ রত্নানি দিব্যকামিনীঃ পুত্রান্
রাজশ্রিযং দেহি যচ্ছ ক্ষাং ক্ষীং ক্ষূং ক্ষৈং ক্ষৌং ক্ষঃ স্বাহা ।
ইত্যেতত্ কবচং দিব্যং কথিতং শম্ভুনা পুরা ।
যে পঠন্তি সদা তেষাং ধ্রুবং নশ্যন্তি শত্রবঃ ॥ ১৯॥

বৈরিণঃ প্রলযং যান্তি ব্যাধিতা যা ভবন্তি হি ।
বলহীনাঃ পুত্রহীনাঃ শত্রবস্তস্য সর্বদা ॥ ২০॥

সহস্রপঠনাত্সিদ্ধিঃ কবচস্য ভবেত্তদা ।
তত্কার্যাণি চ সিধ্যন্তি যথা শঙ্করভাষিতম্ ॥ ২১॥

শ্মশানাঙ্গারমাদায চূর্ণং কৃত্বা প্রযত্নতঃ ।
পাদোদকেন পিষ্ট্বা তল্লিখেল্লোহশলাকযা ॥ ২২॥

ভূমৌ শত্রূন্ হীনরূপানুত্তরাশিরসস্তথা ।
হস্তং দত্ত্বা তু হৃদযে কবচং তু স্বযং পঠেত্ ॥ ২৩॥

শত্রোঃ প্রাণপ্রিযষ্ঠাং তু কুর্যান্মন্ত্রেণ মন্ত্রবিত্ ।
হন্যাদস্ত্রং প্রহারেণ শত্রো গচ্ছ যমক্ষযম্ ॥ ২৪॥

জ্বলদঙ্গারতাপেন ভবন্তি জ্বরিতা ভৃশম্ ।
প্রোঞ্ছনৈর্বামপাদেন দরিদ্রো ভবতি ধ্রুবম্ ॥ ২৫॥

বৈরিনাশকরং প্রোক্তং কবচং বশ্যকারকম্ ।
পরমৈশ্বর্যদং চৈব পুত্রপৌত্রাদিবৃদ্ধিদম্ ॥ ২৬॥

প্রভাতসমযে চৈব পূজাকালে চ যত্নতঃ ।
সাযঙ্কালে তথা পাঠাত্সর্বসিদ্ধির্ভবেদ্ধ্রুবম্ ॥ ২৭॥

শত্রুরুচ্চাটনং যাতি দেশাদ্বা বিচ্যুতো ভবেত্ ।
পশ্চাত্কিঙ্করতামেতি সত্যং সত্যং ন সংশযঃ ॥ ২৮॥

শত্রুনাশকরে দেবি সর্বসম্পত্করে শুভে ।
সর্বদেবস্তুতে দেবি কালিকে! ত্বাং নমাম্যহম্ ॥ ২৯॥

॥ ইতি শ্রীরুদ্রযামলে কালিকাকল্পে কালিকাকবচং সম্পূর্ণম্ ॥

Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ত্oday
http://sanskritdocuments.org

kalika Kavacham 2 Lyrics in Bengali PDF
% File name : kaalikaakavach.itx
% Category : kavacha
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : WebD
% Proofread by : Ravin Bhalekar ravibhalekar at hotmail.com
% Description-comments : Rudrayaamal Kaalikaakalpa
% Latest update : July 22, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website