% Text title            : gaNAdhyakShastotram IkShvAkukRita narasiMhapurANe
% File name             : gaNAdhyakShastotramIkShvAkuNP.itx
% Location              : doc\_ganesha
% Language              : Sanskrit
% Subject               : philosophy/hinduism/religion
% Proofread by          : Singanallur Ganesan singanallur at gmail.com
% Translated by         : https://archive.org/details/NarsimhaPuranGitapress
% Description-comments  : Narasimhapurana adhyAya 25  1-25
% Latest update         : June 9, 2013
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIGanadhyakSha Stotram by IkShvAku ..}##
\itxtitle{.. shrIgaNAdhyakShastotraM IkShvAkukR^ita ..}##\endtitles ##
\section{.. shrIgaNAdhyakShastotraM IkShvAkukR^ita ..}

bharadvAja uvAcha
kathaM stuto gaNAdhyakShastena rAj~nA mahAtmanA |
yathA tena tapastaptaM tanme vada mahAmate || 1||
sUta uvAcha
chaturthIdivase rAjA snAtvA triShavaNaM dvija |
raktAmbaradharo bhUtvA raktagandhAnulepanaH || 2||
suraktakusumairhR^idyairvinAyakamathArchayat |
raktachandanatoyena snAnapUrvaM yathAvidhi || 3||
vilipya raktagandhena raktapuShpaiH prapUjayat |
tato.asau dattavAn dhUpamAjyayuktaM sachandanam |
naivedyaM chaiva hAridraM guDakhaNDaghR^itaplutam || 4||
evaM suvidhinA pUjya vinAyakamathAstavIt |
ikShvAkuruvAcha
namaskR^itya mahAdevaM stoShye.ahaM taM vinAyakam || 5||
mahAgaNapatiM shUramajitaM j~nAnavardhanam |
ekadantaM dvidantaM cha chaturdantaM chaturbhujam || 6||
tryakShaM trishUlahastaM cha raktanetraM varapradam |
AmbikeyaM shUrpakarNaM prachaNDaM cha vinAyakam || 7||
AraktaM daNDinaM chaiva vahnivaktraM hutapriyam |
anarchito vighnakaraH sarvakAryeShu yo nR^iNAm || 8||
taM namAmi gaNAdhyakShaM bhImamugramumAsutam |
madamattaM virUpAkShaM bhaktivighnanivArakam || 9||
sUryakoTipratIkAshaM bhinnA~njanasamaprabham |
buddhaM sunirmalaM shAntaM namasyAmi vinAyakam || 10||
namo.astu gajavaktrAya gaNAnAM pataye namaH |
merumandararUpAya namaH kailAsavAsine || 11||
virUpAya namaste.astu namaste brahmachAriNe |
bhaktastutAya devAya namastubhyaM vinAyaka || 12||
tvayA purANa pUrveShAM devAnAM kAryasiddhaye |
gajarUpaM samAsthAya trAsitAH sarvadAnavAH || 13||
R^iShINAM devatAnAM cha nAyakatvaM prakAshitam |
yatastataH surairagre pUjyase tvaM bhavAtmaja || 14||
tvAmArAdhya gaNAdhyakShaM sarvaj~naM kAmarUpiNam |
kAryArthaM raktakusumai raktachandanavAribhiH || 15||
raktAmbaradharo bhUtvA chaturthyAmarchayejjapet |
trikAlamekakAlaM vA pUjayenniyatAshanaH || 16||
rAjAnaM rAjaputraM vA rAjamantriNameva vA |
rAjyaM cha sarvavighnesha vashaM kuryAt sarAShTrakam || 17||
avighnaM tapaso mahyaM kuru naumi vinAyaka |
mayetthaM saMstuto bhaktyA pUjitashcha visheShataH || 18||
yatphalaM sarvatIrtheShu sarvayaj~neShu yatphalam |
tatphalaM pUrNamApnoti stutvA devaM vinAyakam || 19||
viShamaM na bhavet tasya na cha gachChet parAbhavam |
na cha vighno bhavet tasya jAto jAtismaro bhavet || 20||
ya idaM paThate stotraM ShaDbhirmAsairvaraM labhet |
saMvatsareNa siddhiM cha labhate nAtra saMshayaH || 21||
sUta uvAcha
evaM stutvA purA rAjA gaNAdhyakShaM dvijottama |
tApasaM veShamAsthAya tapashchartuM gato vanam || 22||
utsR^ijya vastraM nAgatvaksadR^ishaM bahumUlyakam |
kaThinAM tu tvachaM vAkShIM kaTyAM dhatte nR^ipottamaH || 23||
tathA ratnAni divyAni valayAni nirasya tu |
akShasUtramala~NkAraM phalaiH padmasya shobhanam || 24||
tathottamA~Nge mukuTaM ratnahATakashobhitam |
tyaktvA jaTAkalApaM tu tapo.arthe vibhR^iyAnnR^ipaH || 25||
iti |

narasiMhapurANa adhyAya 25 shlokasa.nkhyA 72
shrInarasiMhapurANe ikShvAkucharite pa~nchaviMsho.adhyAyaH || 25||
##
From Narasimhapurana adhyAya 25
https://archive.org/details/NarsimhaPuranGitapress
Proofread by Singanallur Ganesan singanallur at gmail.com

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}