ശ്രീഗണാധ്യക്ഷസ്തോത്രം ഈക്ഷ്വാകുകൃത
{॥ ശ്രീഗണാധ്യക്ഷസ്തോത്രം ഈക്ഷ്വാകുകൃത ॥}
ഭരദ്വാജ ഉവാച
കഥം സ്തുതോ ഗണാധ്യക്ഷസ്തേന രാജ്ഞാ മഹാത്മനാ ।
യഥാ തേന തപസ്തപ്തം തന്മേ വദ മഹാമതേ ॥ ൧॥
സൂത ഉവാച
ചതുര്ഥീദിവസേ രാജാ സ്നാത്വാ ത്രിഷവണം ദ്വിജ ।
രക്താമ്ബരധരോ ഭൂത്വാ രക്തഗന്ധാനുലേപനഃ ॥ ൨॥
സുരക്തകുസുമൈര്ഹൃദ്യൈര്വിനായകമഥാര്ചയത് ।
രക്തചന്ദനതോയേന സ്നാനപൂര്വം യഥാവിധി ॥ ൩॥
വിലിപ്യ രക്തഗന്ധേന രക്തപുഷ്പൈഃ പ്രപൂജയത് ।
തതോഽസൌ ദത്തവാന് ധൂപമാജ്യയുക്തം സചന്ദനമ് ।
നൈവേദ്യം ചൈവ ഹാരിദ്രം ഗുഡഖണ്ഡഘൃതപ്ലുതമ് ॥ ൪॥
ഏവം സുവിധിനാ പൂജ്യ വിനായകമഥാസ്തവീത് ।
ഇക്ഷ്വാകുരുവാച
നമസ്കൃത്യ മഹാദേവം സ്തോഷ്യേഽഹം തം വിനായകമ് ॥ ൫॥
മഹാഗണപതിം ശൂരമജിതം ജ്ഞാനവര്ധനമ് ।
ഏകദന്തം ദ്വിദന്തം ച ചതുര്ദന്തം ചതുര്ഭുജമ് ॥ ൬॥
ത്ര്യക്ഷം ത്രിശൂലഹസ്തം ച രക്തനേത്രം വരപ്രദമ് ।
ആമ്ബികേയം ശൂര്പകര്ണം പ്രചണ്ഡം ച വിനായകമ് ॥ ൭॥
ആരക്തം ദണ്ഡിനം ചൈവ വഹ്നിവക്ത്രം ഹുതപ്രിയമ് ।
അനര്ചിതോ വിഘ്നകരഃ സര്വകാര്യേഷു യോ നൃണാമ് ॥ ൮॥
തം നമാമി ഗണാധ്യക്ഷം ഭീമമുഗ്രമുമാസുതമ് ।
മദമത്തം വിരൂപാക്ഷം ഭക്തിവിഘ്നനിവാരകമ് ॥ ൯॥
സൂര്യകോടിപ്രതീകാശം ഭിന്നാഞ്ജനസമപ്രഭമ് ।
ബുദ്ധം സുനിര്മലം ശാന്തം നമസ്യാമി വിനായകമ് ॥ ൧൦॥
നമോഽസ്തു ഗജവക്ത്രായ ഗണാനാം പതയേ നമഃ ।
മേരുമന്ദരരൂപായ നമഃ കൈലാസവാസിനേ ॥ ൧൧॥
വിരൂപായ നമസ്തേഽസ്തു നമസ്തേ ബ്രഹ്മചാരിണേ ।
ഭക്തസ്തുതായ ദേവായ നമസ്തുഭ്യം വിനായക ॥ ൧൨॥
ത്വയാ പുരാണ പൂര്വേഷാം ദേവാനാം കാര്യസിദ്ധയേ ।
ഗജരൂപം സമാസ്ഥായ ത്രാസിതാഃ സര്വദാനവാഃ ॥ ൧൩॥
ഋഷീണാം ദേവതാനാം ച നായകത്വം പ്രകാശിതമ് ।
യതസ്തതഃ സുരൈരഗ്രേ പൂജ്യസേ ത്വം ഭവാത്മജ ॥ ൧൪॥
ത്വാമാരാധ്യ ഗണാധ്യക്ഷം സര്വജ്ഞം കാമരൂപിണമ് ।
കാര്യാര്ഥം രക്തകുസുമൈ രക്തചന്ദനവാരിഭിഃ ॥ ൧൫॥
രക്താമ്ബരധരോ ഭൂത്വാ ചതുര്ഥ്യാമര്ചയേജ്ജപേത് ।
ത്രികാലമേകകാലം വാ പൂജയേന്നിയതാശനഃ ॥ ൧൬॥
രാജാനം രാജപുത്രം വാ രാജമന്ത്രിണമേവ വാ ।
രാജ്യം ച സര്വവിഘ്നേശ വശം കുര്യാത് സരാഷ്ട്രകമ് ॥ ൧൭॥
അവിഘ്നം തപസോ മഹ്യം കുരു നൌമി വിനായക ।
മയേത്ഥം സംസ്തുതോ ഭക്ത്യാ പൂജിതശ്ച വിശേഷതഃ ॥ ൧൮॥
യത്ഫലം സര്വതീര്ഥേഷു സര്വയജ്ഞേഷു യത്ഫലമ് ।
തത്ഫലം പൂര്ണമാപ്നോതി സ്തുത്വാ ദേവം വിനായകമ് ॥ ൧൯॥
വിഷമം ന ഭവേത് തസ്യ ന ച ഗച്ഛേത് പരാഭവമ് ।
ന ച വിഘ്നോ ഭവേത് തസ്യ ജാതോ ജാതിസ്മരോ ഭവേത് ॥ ൨൦॥
യ ഇദം പഠതേ സ്തോത്രം ഷഡ്ഭിര്മാസൈര്വരം ലഭേത് ।
സംവത്സരേണ സിദ്ധിം ച ലഭതേ നാത്ര സംശയഃ ॥ ൨൧॥
സൂത ഉവാച
ഏവം സ്തുത്വാ പുരാ രാജാ ഗണാധ്യക്ഷം ദ്വിജോത്തമ ।
താപസം വേഷമാസ്ഥായ തപശ്ചര്തും ഗതോ വനമ് ॥ ൨൨॥
ഉത്സൃജ്യ വസ്ത്രം നാഗത്വക്സദൃശം ബഹുമൂല്യകമ് ।
കഠിനാം തു ത്വചം വാക്ഷീം കട്യാം ധത്തേ നൃപോത്തമഃ ॥ ൨൩॥
തഥാ രത്നാനി ദിവ്യാനി വലയാനി നിരസ്യ തു ।
അക്ഷസൂത്രമലങ്കാരം ഫലൈഃ പദ്മസ്യ ശോഭനമ് ॥ ൨൪॥
തഥോത്തമാങ്ഗേ മുകുടം രത്നഹാടകശോഭിതമ് ।
ത്യക്ത്വാ ജടാകലാപം തു തപോഽര്ഥേ വിഭൃയാന്നൃപഃ ॥ ൨൫॥
ഇതി ।
നരസിംഹപുരാണ അധ്യായ ൨൫ ശ്ലോകസംഖ്യാ ൭൨
ശ്രീനരസിംഹപുരാണേ ഇക്ഷ്വാകുചരിതേ പഞ്ചവിംശോഽധ്യായഃ ॥ ൨൫॥
From Narasimhapurana adhyAya 25
https://archive.org/details/NarsimhaPuranGitapress
Proofread by Singanallur Ganesan singanallur at gmail.com
Please send corrections to sanskrit@cheerful.com
Last updated ത്oday
http://sanskritdocuments.org
ഭരദ്വാജ ഉവാച
കഥം സ്തുതോ ഗണാധ്യക്ഷസ്തേന രാജ്ഞാ മഹാത്മനാ ।
യഥാ തേന തപസ്തപ്തം തന്മേ വദ മഹാമതേ ॥ ൧॥
സൂത ഉവാച
ചതുര്ഥീദിവസേ രാജാ സ്നാത്വാ ത്രിഷവണം ദ്വിജ ।
രക്താമ്ബരധരോ ഭൂത്വാ രക്തഗന്ധാനുലേപനഃ ॥ ൨॥
സുരക്തകുസുമൈര്ഹൃദ്യൈര്വിനായകമഥാര്ചയത് ।
രക്തചന്ദനതോയേന സ്നാനപൂര്വം യഥാവിധി ॥ ൩॥
വിലിപ്യ രക്തഗന്ധേന രക്തപുഷ്പൈഃ പ്രപൂജയത് ।
തതോഽസൌ ദത്തവാന് ധൂപമാജ്യയുക്തം സചന്ദനമ് ।
നൈവേദ്യം ചൈവ ഹാരിദ്രം ഗുഡഖണ്ഡഘൃതപ്ലുതമ് ॥ ൪॥
ഏവം സുവിധിനാ പൂജ്യ വിനായകമഥാസ്തവീത് ।
ഇക്ഷ്വാകുരുവാച
നമസ്കൃത്യ മഹാദേവം സ്തോഷ്യേഽഹം തം വിനായകമ് ॥ ൫॥
മഹാഗണപതിം ശൂരമജിതം ജ്ഞാനവര്ധനമ് ।
ഏകദന്തം ദ്വിദന്തം ച ചതുര്ദന്തം ചതുര്ഭുജമ് ॥ ൬॥
ത്ര്യക്ഷം ത്രിശൂലഹസ്തം ച രക്തനേത്രം വരപ്രദമ് ।
ആമ്ബികേയം ശൂര്പകര്ണം പ്രചണ്ഡം ച വിനായകമ് ॥ ൭॥
ആരക്തം ദണ്ഡിനം ചൈവ വഹ്നിവക്ത്രം ഹുതപ്രിയമ് ।
അനര്ചിതോ വിഘ്നകരഃ സര്വകാര്യേഷു യോ നൃണാമ് ॥ ൮॥
തം നമാമി ഗണാധ്യക്ഷം ഭീമമുഗ്രമുമാസുതമ് ।
മദമത്തം വിരൂപാക്ഷം ഭക്തിവിഘ്നനിവാരകമ് ॥ ൯॥
സൂര്യകോടിപ്രതീകാശം ഭിന്നാഞ്ജനസമപ്രഭമ് ।
ബുദ്ധം സുനിര്മലം ശാന്തം നമസ്യാമി വിനായകമ് ॥ ൧൦॥
നമോഽസ്തു ഗജവക്ത്രായ ഗണാനാം പതയേ നമഃ ।
മേരുമന്ദരരൂപായ നമഃ കൈലാസവാസിനേ ॥ ൧൧॥
വിരൂപായ നമസ്തേഽസ്തു നമസ്തേ ബ്രഹ്മചാരിണേ ।
ഭക്തസ്തുതായ ദേവായ നമസ്തുഭ്യം വിനായക ॥ ൧൨॥
ത്വയാ പുരാണ പൂര്വേഷാം ദേവാനാം കാര്യസിദ്ധയേ ।
ഗജരൂപം സമാസ്ഥായ ത്രാസിതാഃ സര്വദാനവാഃ ॥ ൧൩॥
ഋഷീണാം ദേവതാനാം ച നായകത്വം പ്രകാശിതമ് ।
യതസ്തതഃ സുരൈരഗ്രേ പൂജ്യസേ ത്വം ഭവാത്മജ ॥ ൧൪॥
ത്വാമാരാധ്യ ഗണാധ്യക്ഷം സര്വജ്ഞം കാമരൂപിണമ് ।
കാര്യാര്ഥം രക്തകുസുമൈ രക്തചന്ദനവാരിഭിഃ ॥ ൧൫॥
രക്താമ്ബരധരോ ഭൂത്വാ ചതുര്ഥ്യാമര്ചയേജ്ജപേത് ।
ത്രികാലമേകകാലം വാ പൂജയേന്നിയതാശനഃ ॥ ൧൬॥
രാജാനം രാജപുത്രം വാ രാജമന്ത്രിണമേവ വാ ।
രാജ്യം ച സര്വവിഘ്നേശ വശം കുര്യാത് സരാഷ്ട്രകമ് ॥ ൧൭॥
അവിഘ്നം തപസോ മഹ്യം കുരു നൌമി വിനായക ।
മയേത്ഥം സംസ്തുതോ ഭക്ത്യാ പൂജിതശ്ച വിശേഷതഃ ॥ ൧൮॥
യത്ഫലം സര്വതീര്ഥേഷു സര്വയജ്ഞേഷു യത്ഫലമ് ।
തത്ഫലം പൂര്ണമാപ്നോതി സ്തുത്വാ ദേവം വിനായകമ് ॥ ൧൯॥
വിഷമം ന ഭവേത് തസ്യ ന ച ഗച്ഛേത് പരാഭവമ് ।
ന ച വിഘ്നോ ഭവേത് തസ്യ ജാതോ ജാതിസ്മരോ ഭവേത് ॥ ൨൦॥
യ ഇദം പഠതേ സ്തോത്രം ഷഡ്ഭിര്മാസൈര്വരം ലഭേത് ।
സംവത്സരേണ സിദ്ധിം ച ലഭതേ നാത്ര സംശയഃ ॥ ൨൧॥
സൂത ഉവാച
ഏവം സ്തുത്വാ പുരാ രാജാ ഗണാധ്യക്ഷം ദ്വിജോത്തമ ।
താപസം വേഷമാസ്ഥായ തപശ്ചര്തും ഗതോ വനമ് ॥ ൨൨॥
ഉത്സൃജ്യ വസ്ത്രം നാഗത്വക്സദൃശം ബഹുമൂല്യകമ് ।
കഠിനാം തു ത്വചം വാക്ഷീം കട്യാം ധത്തേ നൃപോത്തമഃ ॥ ൨൩॥
തഥാ രത്നാനി ദിവ്യാനി വലയാനി നിരസ്യ തു ।
അക്ഷസൂത്രമലങ്കാരം ഫലൈഃ പദ്മസ്യ ശോഭനമ് ॥ ൨൪॥
തഥോത്തമാങ്ഗേ മുകുടം രത്നഹാടകശോഭിതമ് ।
ത്യക്ത്വാ ജടാകലാപം തു തപോഽര്ഥേ വിഭൃയാന്നൃപഃ ॥ ൨൫॥
ഇതി ।
നരസിംഹപുരാണ അധ്യായ ൨൫ ശ്ലോകസംഖ്യാ ൭൨
ശ്രീനരസിംഹപുരാണേ ഇക്ഷ്വാകുചരിതേ പഞ്ചവിംശോഽധ്യായഃ ॥ ൨൫॥
From Narasimhapurana adhyAya 25
https://archive.org/details/NarsimhaPuranGitapress
Proofread by Singanallur Ganesan singanallur at gmail.com
Please send corrections to sanskrit@cheerful.com
Last updated ത്oday
http://sanskritdocuments.org
Ganadhisha Stotram ( Ikshvaku krutha ) Lyrics in Malayalam PDF
% File name : gaNAdhyakShastotramIkShvAkuNP.itx
% Location : doc\_ganesha
% Language : Sanskrit
% Subject : philosophy/hinduism/religion
% Proofread by : Singanallur Ganesan singanallur at gmail.com
% Translated by : https://archive.org/details/NarsimhaPuranGitapress
% Description-comments : Narasimhapurana adhyAya 25 1-25
% Latest update : June 9, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : gaNAdhyakShastotramIkShvAkuNP.itx
% Location : doc\_ganesha
% Language : Sanskrit
% Subject : philosophy/hinduism/religion
% Proofread by : Singanallur Ganesan singanallur at gmail.com
% Translated by : https://archive.org/details/NarsimhaPuranGitapress
% Description-comments : Narasimhapurana adhyAya 25 1-25
% Latest update : June 9, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website