{॥ ശ്രീവിഷ്ണുഷട്പദീ ॥}
അവിനയമപനയ വിഷ്ണോ ദമയ മനഃ ശമയ വിഷയമൃഗതൃഷ്ണാമ് ।
ഭൂതദയാം വിസ്താരയ താരയ സംസാരസാഗരതഃ ॥ ൧॥

ദിവ്യധുനീമകരന്ദേ പരിമലപരിഭോഗസച്ചിദാനന്ദേ ।
ശ്രീപതിപദാരവിന്ദേ ഭവഭയഖേദച്ഛിദേ വന്ദേ ॥ ൨॥

സത്യപി ഭേദാപഗമേ നാഥ തവാഹം ന മാമകീനസ്ത്വമ് ।
സാമുദ്രോ ഹി തരങ്ഗഃ ക്വചന സമുദ്രോ ന താരങ്ഗഃ ॥ ൩॥

ഉദ്ധൃതനഗ നഗഭിദനുജ ദനുജകുലാമിത്ര മിത്രശശിദൃഷ്ടേ ।
ദൃഷ്ടേ ഭവതി പ്രഭവതി ന ഭവതി കിം ഭവതിരസ്കാരഃ ॥ ൪॥

മത്സ്യാദിഭിരവതാരൈരവതാരവതാഽവതാ സദാ വസുധാമ് ।
പരമേശ്വര പരിപാല്യോ ഭവതാ ഭവതാപഭീതോഽഹമ് ॥ ൫॥

ദാമോദര ഗുണമന്ദിര സുന്ദരവദനാരവിന്ദ ഗോവിന്ദ ।
ഭവജലധിമഥനമന്ദര പരമം ദരമപനയ ത്വം മേ ॥ ൬॥

നാരായണ കരുണാമയ ശരണം കരവാണി താവകൌ ചരണൌ ।
ഇതി ഷട്പദീ മദീയേ വദനസരോജേ സദാ വസതു ॥ ൭॥

॥ ഇതി ശ്രീമദ് ശങ്കരാചാര്യവിരചിതം വിഷ്ണുഷട്പദീസ്തോത്രം സമ്പൂര്ണമ് ॥

Encoded and proofread by Sorin Suciu aka SeSe at sorins at hotmail.com.

Please send corrections to sanskrit@cheerful.com
Last updated ത്oday
http://sanskritdocuments.org

Vishnu Shatpadi Lyrics in Malayalam PDF
% File name : vishnu6padi.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : Sorin Suciu aka SeSe at sorins at hotmail.com
% Proofread by : Sorin Suciu aka SeSe at sorins at hotmail.com
% Latest update : August 28, 2010
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website