শ্রীবিষ্ণুস্তবনং মার্কণ্ডেযপ্রোক্তং নরসিংহপুরাণে
{॥ শ্রীবিষ্ণুস্তবনং মার্কণ্ডেযপ্রোক্তং নরসিংহপুরাণে ॥}
ব্যাস উবাচ --
প্রণিপত্য জগন্নাথং চরাচরগুরুং হরিম্ ।
মার্কণ্ডেযোঽভিতুষ্টাব ভোগপর্যঙ্কশাযিনম্ ॥ ১॥
মার্কণ্ডেয উবাচ --
প্রসীদ ভগবন্ বিষ্ণো প্রসীদ পুরুষোত্তম ।
প্রসীদ দেবদেবেশ প্রসীদ গরুডধ্বজ ॥ ২॥
প্রসীদ বিষ্ণো লক্ষ্মীশ প্রসীদ ধরণীধর ।
প্রসীদ লোকনাথাদ্য প্রসীদ পরমেশ্বর ॥ ৩॥
প্রসীদ সর্বদেবেশ প্রসীদ কমলেক্ষণ ।
প্রসীদ মন্দরধর প্রসীদ মধুসূদন ॥ ৪॥
প্রসীদ সুভগাকান্ত প্রসীদ ভুবনাধিপ ।
প্রসীদাদ্য মহাদেব প্রসীদ মম কেশব ॥ ৫॥
জয কৃষ্ণ জযাচিন্ত্য জয বিষ্ণো জযাব্যয ।
জয বিশ্ব জযাব্যক্ত জয বিষ্ণো নমোঽস্তু তে ॥ ৬॥
জয দেব জযাজেয জয সত্য জযাক্ষর ।
জয কাল জযেশান জয সর্ব নমোঽস্তু তে ॥ ৭॥
জয যজ্ঞপতে নাথ জয বিশ্বপতে বিভো ।
জয ভূতপতে নাথ জয সর্বপতে বিভো ॥ ৮॥
জয বিশ্বপতে নাথ জয দক্ষ নমোঽস্তু তে ।
জয পাপহরানন্ত জয জন্মজরাপহ ॥ ৯॥
জয ভদ্রাতিভদ্রেশ জয ভদ্র নমোঽস্তু তে ।
জয কামদ কাকুত্স্থ জয মানদ মাধব ॥ ১০॥
জয শংকর দেবেশ জয শ্রীশ নমোঽস্তু তে ।
জয কুঙ্কুমরক্তাভ জয পঙ্কজলোচন ॥ ১১॥
জয চন্দনলিপ্তাঙ্গ জয রাম নমোঽস্তু তে ।
জয দেব জগন্নাথ জয দেবকিনন্দন ॥ ১২॥
জয সর্বগুরো জ্ঞেয জয শম্ভো নমোঽস্তু তে ।
জয সুন্দর পদ্মাভ জয সুন্দরিবল্লভ ।
জয সুন্দরসর্বাঙ্গ জয বন্দ্য নমোঽস্তু তে ॥ ১৩॥
জয সর্বদ সর্বেশ জয শর্মদ শাশ্বত ।
জয কামদ ভক্তানাং প্রভবিষ্ণো নমোঽস্তু তে ॥ ১৪॥
নমঃ কমলনাভায নমঃ কমলমালিনে ।
লোকনাথ নমস্তেঽস্তু বীরভদ্র নমোঽস্তু তে ॥ ১৫॥
নমস্ত্রৈলোক্যনাথায চতুর্মূর্তে জগত্পতে ।
নমো দেবাধিদেবায নমো নারাযণায তে ॥ ১৬॥
নমস্তে বাসুদেবায নমস্তে পীতবাসসে ।
নমস্তে নরসিংহায নমস্তে শার্ঙ্গধারিণে ॥ ১৭॥
নমঃ কৃষ্ণায রামায নমশ্চক্রাযুধায চ ।
নমঃ শিবায দেবায নমস্তে ভুবনেশ্বর ॥ ১৮॥
নমো বেদান্তবেদ্যায নমোঽনন্তায বিষ্ণবে ।
নমস্তে সকলাধ্যক্ষ নমস্তে শ্রীধরাচ্যুত ॥ ১৯॥
লোকাধ্যক্ষ জগত্পূজ্য পরমাত্মন্ নমোঽস্তু তে ।
ত্বং মাতা সর্বলোকানাং ত্বমেব জগতঃ পিতা ॥ ২০॥
ত্বমার্তানাং সুহৃন্মিত্রং প্রিযস্ত্বং প্রপিতামহঃ ।
ত্বং গুরুস্ত্বং গতিঃ সাক্ষী ত্বং পতিস্ত্বং পরাযণঃ ॥ ২১॥
ত্বং ধ্রুবস্ত্বং বষট্কর্তা ত্বং হবিস্ত্বং হুতাশনঃ ।
ত্বং শিবস্ত্বং বসুর্ধাতা ত্বং ব্রহ্মা ত্বং সুরেশ্বরঃ ॥ ২২॥
ত্বং যমস্ত্বং রবির্বাযুস্ত্বং জলং ত্বং ধনেশ্বরঃ ।
ত্বং মনুস্ত্বমহোরাত্রং ত্বং নিশা ত্বং নিশাকরঃ ।
ত্বং ধৃতিস্ত্বং শ্রিযঃ কান্তিস্ত্বং ক্ষমা ত্বং ধরাধরঃ ॥ ২৩॥
ত্বং কর্তা জগতামীশস্ত্বং হন্তা মধুসূদন ।
ত্বমেব গোপ্তা সর্বস্য জগতস্ত্বং চরাচর ॥ ২৪॥
করণং কারণং কর্তা ত্বমেব পরমেশ্বরঃ ।
শঙ্খচক্রগদাপাণে ভো সমুদ্ধর মাধব ॥ ২৫॥
প্রিয পদ্মপলাশাক্ষ শেষপর্যঙ্কশাযিনম্ ।
ত্বামেব ভক্ত্যা সততং নমামি পুরুষোত্তমম্ ॥ ২৬॥
শ্রীবত্সাঙ্কং জগদ্বীজং শ্যামলং কমলেক্ষণম্ ।
নমামি তে বপুর্দেব কলিকল্মষনাশনম্ ॥ ২৭॥
লক্ষ্মীধরমুদারাঙ্গং দিব্যমালাবিভূষিতম্ ।
চারূপৃষ্ঠং মহাবাহুং চারুভূষণভূষিতম্ ॥ ২৮॥
পদ্মনাভং বিশালাক্ষং পদ্মপত্রনিভেক্ষণম্ ।
দীর্ঘতুঙ্গমহাঘ্রাণং নীলজীমূতসংনিভম্ ॥ ২৯॥
দীর্ঘবাহুং সুগুপ্তাঙ্গং রত্নহারোজ্জ্বলোরসম্ ।
সুভ্রূললাটমুকুটং স্নিগ্ধদন্তং সুলোচনম্ ॥ ৩০॥
চারুবাহুং সুতাম্রোষ্ঠং রত্নোজ্জ্বলিতকুণ্ডলম্ ।
বৃত্তকণ্ঠং সুপীনাংসং সরসং শ্রীধরং হরিম্ ॥ ৩১॥
সুকুমারমজং নিত্যং নীলকুঞ্চিতমূর্ধজম্ ।
উন্নতাংসং মহোরস্কং কর্ণান্তাযতলোচনম্ ॥ ৩২॥
হেমারবিন্দবদনমিন্দিরাযনমীশ্বরম্ ।
সর্বলোকবিধাতারং সর্বপাপহরং হরিম্ ॥ ৩৩॥
সর্বলক্ষণসম্পন্নং সর্বসত্ত্বমনোরমম্ ।
বিষ্ণুমচ্যুতমীশানমনন্তং পুরুষোত্তমম্ ॥ ৩৪॥
নতোঽস্মি মনসা নিত্যং নারাযণমনামযম্ ।
বরদং কামদং কান্তমনন্তং সূনৃতং শিবম্ ॥ ৩৫॥
নমামি শিরসা বিষ্ণো সদা ত্বাং ভক্তবত্সল ।
অস্মিন্নেকার্ণবে ঘোরে বাযুস্কম্পিতচঞ্চলে ॥ ৩৬॥
অনন্তভোগশযনে সহস্রফণশোভিতে ।
বিচিত্রশযনে রম্যে সেবিতে মন্দবাযুনা ॥ ৩৭॥
ভুজপঞ্জরসংসক্তকমলালযসেবিতম্ ।
ইহ ত্বাং মনসা সর্বমিদানীং দৃষ্টবানহম্ ॥ ৩৮॥
ইদানীং তু সুদুঃখার্থো মাযযা তব মোহিতঃ ।
একোদকে নিরালম্বে নষ্টস্থাবরজঙ্গমে ॥ ৩৯॥
শূন্যে তমসি দুষ্পারে দুঃখপঙ্কে নিরামযে ।
শীতাতপজরারোগশোকতৃষ্ণাদিভিঃ সদা ॥ ৪০॥
পীডিতোঽস্মি ভৃশং তাত সুচিরং কালমচ্যুত ।
শোকমোহগ্রহগ্রস্তো বিচরন্ ভবসাগরে ॥ ৪১॥
ইহাদ্য বিধিনা প্রাপ্তস্তব পাদাব্জসংনিধৌ ।
একার্ণবে মহাঘোরে দুস্তরে দুঃখপীডিতঃ ॥ ৪২॥
চিরভ্রমপরিশ্রান্তস্ত্বামদ্য শরণং গতঃ ।
প্রসীদ সুমহামায বিষ্ণো রাজীবলোচন ॥ ৪৩॥
বিশ্বযোনে বিশালাক্ষ বিশ্বাত্মন্ বিশ্বসম্ভব ।
অনন্যশরণং প্রাপ্তমতোঽত্র কুলনন্দন ॥ ৪৪॥
ত্রাহি মাং কৃপযা কৃষ্ণ শরণাগতমাতুরম্ ।
নমস্তে পুণ্ডরীকাক্ষ পুরাণপুরুষোত্তম ॥ ৪৫॥
অঞ্জনাভ হৃষীকেশ মাযাময নমোঽস্তু তে ।
মামুদ্ধর মহাবাহো মগ্নে সংসারসাগরে ॥ ৪৬॥
গহ্বরে দুস্তরে দুঃখক্লিষ্টে ক্লেশমহাগ্রহৈঃ ।
অনাথং কৃপণং দীনং পতিতং ভবসাগরে ।
মাং সমুদ্ধর গোবিন্দ বরদেশ নমোঽস্তু তে ॥ ৪৭॥
নমস্ত্রৈলোক্যনাথায হরযে ভূধরায চ ।
দেবদেব নমস্তেঽস্তু শ্রীবল্লভ নমোঽস্তু তে ॥ ৪৮॥
কৃষ্ণ কৃষ্ণ কৃপালুস্ত্বমগতীনাং গতির্ভবান্ ।
সংসারার্ণবমগ্নানাং প্রসীদ মধুসূদন ॥ ৪৯॥
ত্বামেকমাদ্যং পুরুষং পুরাণং জগত্পতিং কারণমচ্যুতং প্রভুম্ ।
জনার্দনং জন্মজরার্তিনাশনং সুরেশ্বরং সুন্দরমিন্দিরাপতিম্ ॥ ৫০॥
বৃহদ্ভুজং শ্যামলকোমলং শুভং বরাননং বারিজপত্রনেত্রম্ ।
তরংগভঙ্গাযতকুন্তলং হরিং সুকান্তমীশং প্রণতোঽস্মি শাশ্বতম্ ॥ ৫১॥
সা জিহ্বা যা হরিং স্তৌতি তচ্চিত্তং যত্ত্বদর্পিতম্ ।
তাবেব কেবলৌ শ্লাঘ্যৌ যৌ ত্বত্পূজাকরৌ করৌ ॥ ৫২॥
জন্মান্তরসহস্রেষু যন্মযা পাতকং কৃতম্ ।
তন্মে হর ত্বং গোবিন্দ বাসুদেবেতি কীর্তনাত্ ॥ ৫৩॥
ব্যাস উবাচ --
ইতি স্তুতস্ততো বিষ্ণুর্মার্কণ্ডেযেন ধীমতা ।
সংতুষ্টঃ প্রাহ বিশ্বাত্মা তং মুনিং গরুডধ্বজঃ ॥ ৫৪॥
শ্রীভগবানুবাচ --
প্রীতোঽস্মি তপসা বিপ্র স্তুত্যা চ ভৃগুনন্দন ।
বরং বৃণীষ্ব ভদ্রং তে প্রার্থিতং দদ্মি তে বরম্ ॥ ৫৫॥
মার্কণ্ডেয উবাচ --
ত্বত্পাদপদ্মে দেবেশ ভক্তিং মে দেহি সর্বদা ।
যদি তুষ্টো মমাদ্য ত্বমন্যদেকং বৃণোম্যহম্ ॥ ৫৬॥
স্তোত্রেণানেন দেবেশ যস্ত্বাং স্তোষ্যতি নিত্যশঃ ।
স্বলোকবসতিং তস্য দেহি দেব জগত্পতে ॥ ৫৭॥
দীর্ঘাযুষ্ট্বং তু যদ্দত্তং ত্বযা মে তপ্যতঃ পুরা ।
তত্সর্বং সফলং জাতমিদানীং তব দর্শনাত্ ॥ ৫৮॥
বস্তুমিচ্ছামি দেবেশ তব পাদাব্জমর্চযন্ ।
অত্রৈব ভগবন্ নিত্যং জন্মমৃত্যুবিবর্জিতঃ ॥ ৫৯॥
শ্রীভগবানুবাচ --
ময্যস্তু তে ভৃগুশ্রেষ্ঠ ভক্তিরব্যভিচারিণী ।
ভক্ত্যা মুক্তির্ভবত্যেব তব কালেন সত্তম ॥ ৬০॥
যস্ত্বিদং পঠতে স্তোত্রং সাযং প্রাতস্তবেরিতম্ ।
মযি ভক্তিং দৃঢাং কৃত্বা মম লোকে স মোদতে ॥ ৬১॥
যত্র যত্র ভৃগুশ্রেষ্ঠ স্থিতস্ত্বং মাং স্মরিষ্যসি ।
তত্র তত্র সমেষ্যামি দান্তো ভক্তবশোঽস্মি ভোঃ ॥ ৬২॥
ব্যাস উবাচ --
ইত্যুক্ত্বা তং মুনিশ্রেষ্ঠং মার্কণ্ডেযং স মাধবঃ ।
বিররাম স সর্বত্র পশ্যন্ বিষ্ণুং যতস্ততঃ ॥ ৬৩॥
ইতি তে কথিতং বিপ্র চরিতং তস্য ধীমতঃ ।
মার্কণ্ডেযস্য চ মুনেস্তেনৈবোক্তং পুরা মম ॥ ৬৪॥
যে বিষ্ণুভক্ত্যা চরিতং পুরাণং ভৃগোস্তু পৌত্রস্য পঠন্তি নিত্যম্ ।
তে মুক্তপাপা নরসিংহলোকে বসন্তি ভক্তৈরভিপূজ্যমানাঃ ॥ ৬৫॥
ইতি শ্রীনরসিংহপুরাণে মার্কণ্ডেযচরিতং নাম একাদশোঽধ্যাযঃ ॥ ১১॥
Narasimhapurana adhyAya 11
https://archive.org/details/NarsimhaPuranGitapress
Proofread by Singanallur Ganesan singanallur at gmail.com
Please send corrections to sanskrit@cheerful.com
Last updated ত্oday
http://sanskritdocuments.org
ব্যাস উবাচ --
প্রণিপত্য জগন্নাথং চরাচরগুরুং হরিম্ ।
মার্কণ্ডেযোঽভিতুষ্টাব ভোগপর্যঙ্কশাযিনম্ ॥ ১॥
মার্কণ্ডেয উবাচ --
প্রসীদ ভগবন্ বিষ্ণো প্রসীদ পুরুষোত্তম ।
প্রসীদ দেবদেবেশ প্রসীদ গরুডধ্বজ ॥ ২॥
প্রসীদ বিষ্ণো লক্ষ্মীশ প্রসীদ ধরণীধর ।
প্রসীদ লোকনাথাদ্য প্রসীদ পরমেশ্বর ॥ ৩॥
প্রসীদ সর্বদেবেশ প্রসীদ কমলেক্ষণ ।
প্রসীদ মন্দরধর প্রসীদ মধুসূদন ॥ ৪॥
প্রসীদ সুভগাকান্ত প্রসীদ ভুবনাধিপ ।
প্রসীদাদ্য মহাদেব প্রসীদ মম কেশব ॥ ৫॥
জয কৃষ্ণ জযাচিন্ত্য জয বিষ্ণো জযাব্যয ।
জয বিশ্ব জযাব্যক্ত জয বিষ্ণো নমোঽস্তু তে ॥ ৬॥
জয দেব জযাজেয জয সত্য জযাক্ষর ।
জয কাল জযেশান জয সর্ব নমোঽস্তু তে ॥ ৭॥
জয যজ্ঞপতে নাথ জয বিশ্বপতে বিভো ।
জয ভূতপতে নাথ জয সর্বপতে বিভো ॥ ৮॥
জয বিশ্বপতে নাথ জয দক্ষ নমোঽস্তু তে ।
জয পাপহরানন্ত জয জন্মজরাপহ ॥ ৯॥
জয ভদ্রাতিভদ্রেশ জয ভদ্র নমোঽস্তু তে ।
জয কামদ কাকুত্স্থ জয মানদ মাধব ॥ ১০॥
জয শংকর দেবেশ জয শ্রীশ নমোঽস্তু তে ।
জয কুঙ্কুমরক্তাভ জয পঙ্কজলোচন ॥ ১১॥
জয চন্দনলিপ্তাঙ্গ জয রাম নমোঽস্তু তে ।
জয দেব জগন্নাথ জয দেবকিনন্দন ॥ ১২॥
জয সর্বগুরো জ্ঞেয জয শম্ভো নমোঽস্তু তে ।
জয সুন্দর পদ্মাভ জয সুন্দরিবল্লভ ।
জয সুন্দরসর্বাঙ্গ জয বন্দ্য নমোঽস্তু তে ॥ ১৩॥
জয সর্বদ সর্বেশ জয শর্মদ শাশ্বত ।
জয কামদ ভক্তানাং প্রভবিষ্ণো নমোঽস্তু তে ॥ ১৪॥
নমঃ কমলনাভায নমঃ কমলমালিনে ।
লোকনাথ নমস্তেঽস্তু বীরভদ্র নমোঽস্তু তে ॥ ১৫॥
নমস্ত্রৈলোক্যনাথায চতুর্মূর্তে জগত্পতে ।
নমো দেবাধিদেবায নমো নারাযণায তে ॥ ১৬॥
নমস্তে বাসুদেবায নমস্তে পীতবাসসে ।
নমস্তে নরসিংহায নমস্তে শার্ঙ্গধারিণে ॥ ১৭॥
নমঃ কৃষ্ণায রামায নমশ্চক্রাযুধায চ ।
নমঃ শিবায দেবায নমস্তে ভুবনেশ্বর ॥ ১৮॥
নমো বেদান্তবেদ্যায নমোঽনন্তায বিষ্ণবে ।
নমস্তে সকলাধ্যক্ষ নমস্তে শ্রীধরাচ্যুত ॥ ১৯॥
লোকাধ্যক্ষ জগত্পূজ্য পরমাত্মন্ নমোঽস্তু তে ।
ত্বং মাতা সর্বলোকানাং ত্বমেব জগতঃ পিতা ॥ ২০॥
ত্বমার্তানাং সুহৃন্মিত্রং প্রিযস্ত্বং প্রপিতামহঃ ।
ত্বং গুরুস্ত্বং গতিঃ সাক্ষী ত্বং পতিস্ত্বং পরাযণঃ ॥ ২১॥
ত্বং ধ্রুবস্ত্বং বষট্কর্তা ত্বং হবিস্ত্বং হুতাশনঃ ।
ত্বং শিবস্ত্বং বসুর্ধাতা ত্বং ব্রহ্মা ত্বং সুরেশ্বরঃ ॥ ২২॥
ত্বং যমস্ত্বং রবির্বাযুস্ত্বং জলং ত্বং ধনেশ্বরঃ ।
ত্বং মনুস্ত্বমহোরাত্রং ত্বং নিশা ত্বং নিশাকরঃ ।
ত্বং ধৃতিস্ত্বং শ্রিযঃ কান্তিস্ত্বং ক্ষমা ত্বং ধরাধরঃ ॥ ২৩॥
ত্বং কর্তা জগতামীশস্ত্বং হন্তা মধুসূদন ।
ত্বমেব গোপ্তা সর্বস্য জগতস্ত্বং চরাচর ॥ ২৪॥
করণং কারণং কর্তা ত্বমেব পরমেশ্বরঃ ।
শঙ্খচক্রগদাপাণে ভো সমুদ্ধর মাধব ॥ ২৫॥
প্রিয পদ্মপলাশাক্ষ শেষপর্যঙ্কশাযিনম্ ।
ত্বামেব ভক্ত্যা সততং নমামি পুরুষোত্তমম্ ॥ ২৬॥
শ্রীবত্সাঙ্কং জগদ্বীজং শ্যামলং কমলেক্ষণম্ ।
নমামি তে বপুর্দেব কলিকল্মষনাশনম্ ॥ ২৭॥
লক্ষ্মীধরমুদারাঙ্গং দিব্যমালাবিভূষিতম্ ।
চারূপৃষ্ঠং মহাবাহুং চারুভূষণভূষিতম্ ॥ ২৮॥
পদ্মনাভং বিশালাক্ষং পদ্মপত্রনিভেক্ষণম্ ।
দীর্ঘতুঙ্গমহাঘ্রাণং নীলজীমূতসংনিভম্ ॥ ২৯॥
দীর্ঘবাহুং সুগুপ্তাঙ্গং রত্নহারোজ্জ্বলোরসম্ ।
সুভ্রূললাটমুকুটং স্নিগ্ধদন্তং সুলোচনম্ ॥ ৩০॥
চারুবাহুং সুতাম্রোষ্ঠং রত্নোজ্জ্বলিতকুণ্ডলম্ ।
বৃত্তকণ্ঠং সুপীনাংসং সরসং শ্রীধরং হরিম্ ॥ ৩১॥
সুকুমারমজং নিত্যং নীলকুঞ্চিতমূর্ধজম্ ।
উন্নতাংসং মহোরস্কং কর্ণান্তাযতলোচনম্ ॥ ৩২॥
হেমারবিন্দবদনমিন্দিরাযনমীশ্বরম্ ।
সর্বলোকবিধাতারং সর্বপাপহরং হরিম্ ॥ ৩৩॥
সর্বলক্ষণসম্পন্নং সর্বসত্ত্বমনোরমম্ ।
বিষ্ণুমচ্যুতমীশানমনন্তং পুরুষোত্তমম্ ॥ ৩৪॥
নতোঽস্মি মনসা নিত্যং নারাযণমনামযম্ ।
বরদং কামদং কান্তমনন্তং সূনৃতং শিবম্ ॥ ৩৫॥
নমামি শিরসা বিষ্ণো সদা ত্বাং ভক্তবত্সল ।
অস্মিন্নেকার্ণবে ঘোরে বাযুস্কম্পিতচঞ্চলে ॥ ৩৬॥
অনন্তভোগশযনে সহস্রফণশোভিতে ।
বিচিত্রশযনে রম্যে সেবিতে মন্দবাযুনা ॥ ৩৭॥
ভুজপঞ্জরসংসক্তকমলালযসেবিতম্ ।
ইহ ত্বাং মনসা সর্বমিদানীং দৃষ্টবানহম্ ॥ ৩৮॥
ইদানীং তু সুদুঃখার্থো মাযযা তব মোহিতঃ ।
একোদকে নিরালম্বে নষ্টস্থাবরজঙ্গমে ॥ ৩৯॥
শূন্যে তমসি দুষ্পারে দুঃখপঙ্কে নিরামযে ।
শীতাতপজরারোগশোকতৃষ্ণাদিভিঃ সদা ॥ ৪০॥
পীডিতোঽস্মি ভৃশং তাত সুচিরং কালমচ্যুত ।
শোকমোহগ্রহগ্রস্তো বিচরন্ ভবসাগরে ॥ ৪১॥
ইহাদ্য বিধিনা প্রাপ্তস্তব পাদাব্জসংনিধৌ ।
একার্ণবে মহাঘোরে দুস্তরে দুঃখপীডিতঃ ॥ ৪২॥
চিরভ্রমপরিশ্রান্তস্ত্বামদ্য শরণং গতঃ ।
প্রসীদ সুমহামায বিষ্ণো রাজীবলোচন ॥ ৪৩॥
বিশ্বযোনে বিশালাক্ষ বিশ্বাত্মন্ বিশ্বসম্ভব ।
অনন্যশরণং প্রাপ্তমতোঽত্র কুলনন্দন ॥ ৪৪॥
ত্রাহি মাং কৃপযা কৃষ্ণ শরণাগতমাতুরম্ ।
নমস্তে পুণ্ডরীকাক্ষ পুরাণপুরুষোত্তম ॥ ৪৫॥
অঞ্জনাভ হৃষীকেশ মাযাময নমোঽস্তু তে ।
মামুদ্ধর মহাবাহো মগ্নে সংসারসাগরে ॥ ৪৬॥
গহ্বরে দুস্তরে দুঃখক্লিষ্টে ক্লেশমহাগ্রহৈঃ ।
অনাথং কৃপণং দীনং পতিতং ভবসাগরে ।
মাং সমুদ্ধর গোবিন্দ বরদেশ নমোঽস্তু তে ॥ ৪৭॥
নমস্ত্রৈলোক্যনাথায হরযে ভূধরায চ ।
দেবদেব নমস্তেঽস্তু শ্রীবল্লভ নমোঽস্তু তে ॥ ৪৮॥
কৃষ্ণ কৃষ্ণ কৃপালুস্ত্বমগতীনাং গতির্ভবান্ ।
সংসারার্ণবমগ্নানাং প্রসীদ মধুসূদন ॥ ৪৯॥
ত্বামেকমাদ্যং পুরুষং পুরাণং জগত্পতিং কারণমচ্যুতং প্রভুম্ ।
জনার্দনং জন্মজরার্তিনাশনং সুরেশ্বরং সুন্দরমিন্দিরাপতিম্ ॥ ৫০॥
বৃহদ্ভুজং শ্যামলকোমলং শুভং বরাননং বারিজপত্রনেত্রম্ ।
তরংগভঙ্গাযতকুন্তলং হরিং সুকান্তমীশং প্রণতোঽস্মি শাশ্বতম্ ॥ ৫১॥
সা জিহ্বা যা হরিং স্তৌতি তচ্চিত্তং যত্ত্বদর্পিতম্ ।
তাবেব কেবলৌ শ্লাঘ্যৌ যৌ ত্বত্পূজাকরৌ করৌ ॥ ৫২॥
জন্মান্তরসহস্রেষু যন্মযা পাতকং কৃতম্ ।
তন্মে হর ত্বং গোবিন্দ বাসুদেবেতি কীর্তনাত্ ॥ ৫৩॥
ব্যাস উবাচ --
ইতি স্তুতস্ততো বিষ্ণুর্মার্কণ্ডেযেন ধীমতা ।
সংতুষ্টঃ প্রাহ বিশ্বাত্মা তং মুনিং গরুডধ্বজঃ ॥ ৫৪॥
শ্রীভগবানুবাচ --
প্রীতোঽস্মি তপসা বিপ্র স্তুত্যা চ ভৃগুনন্দন ।
বরং বৃণীষ্ব ভদ্রং তে প্রার্থিতং দদ্মি তে বরম্ ॥ ৫৫॥
মার্কণ্ডেয উবাচ --
ত্বত্পাদপদ্মে দেবেশ ভক্তিং মে দেহি সর্বদা ।
যদি তুষ্টো মমাদ্য ত্বমন্যদেকং বৃণোম্যহম্ ॥ ৫৬॥
স্তোত্রেণানেন দেবেশ যস্ত্বাং স্তোষ্যতি নিত্যশঃ ।
স্বলোকবসতিং তস্য দেহি দেব জগত্পতে ॥ ৫৭॥
দীর্ঘাযুষ্ট্বং তু যদ্দত্তং ত্বযা মে তপ্যতঃ পুরা ।
তত্সর্বং সফলং জাতমিদানীং তব দর্শনাত্ ॥ ৫৮॥
বস্তুমিচ্ছামি দেবেশ তব পাদাব্জমর্চযন্ ।
অত্রৈব ভগবন্ নিত্যং জন্মমৃত্যুবিবর্জিতঃ ॥ ৫৯॥
শ্রীভগবানুবাচ --
ময্যস্তু তে ভৃগুশ্রেষ্ঠ ভক্তিরব্যভিচারিণী ।
ভক্ত্যা মুক্তির্ভবত্যেব তব কালেন সত্তম ॥ ৬০॥
যস্ত্বিদং পঠতে স্তোত্রং সাযং প্রাতস্তবেরিতম্ ।
মযি ভক্তিং দৃঢাং কৃত্বা মম লোকে স মোদতে ॥ ৬১॥
যত্র যত্র ভৃগুশ্রেষ্ঠ স্থিতস্ত্বং মাং স্মরিষ্যসি ।
তত্র তত্র সমেষ্যামি দান্তো ভক্তবশোঽস্মি ভোঃ ॥ ৬২॥
ব্যাস উবাচ --
ইত্যুক্ত্বা তং মুনিশ্রেষ্ঠং মার্কণ্ডেযং স মাধবঃ ।
বিররাম স সর্বত্র পশ্যন্ বিষ্ণুং যতস্ততঃ ॥ ৬৩॥
ইতি তে কথিতং বিপ্র চরিতং তস্য ধীমতঃ ।
মার্কণ্ডেযস্য চ মুনেস্তেনৈবোক্তং পুরা মম ॥ ৬৪॥
যে বিষ্ণুভক্ত্যা চরিতং পুরাণং ভৃগোস্তু পৌত্রস্য পঠন্তি নিত্যম্ ।
তে মুক্তপাপা নরসিংহলোকে বসন্তি ভক্তৈরভিপূজ্যমানাঃ ॥ ৬৫॥
ইতি শ্রীনরসিংহপুরাণে মার্কণ্ডেযচরিতং নাম একাদশোঽধ্যাযঃ ॥ ১১॥
Narasimhapurana adhyAya 11
https://archive.org/details/NarsimhaPuranGitapress
Proofread by Singanallur Ganesan singanallur at gmail.com
Please send corrections to sanskrit@cheerful.com
Last updated ত্oday
http://sanskritdocuments.org
Vishnu Stavanam Lyrics in Bengali PDF
% File name : viShNustavanamArkaNDeyoktamNP.itx
% Location : doc\_vishhnu
% Language : Sanskrit
% Subject : philosophy/hinduism/religion
% Proofread by : Singanallur Ganesan singanallur at gmail.com
% Translated by : https://archive.org/details/NarsimhaPuranGitapress
% Description-comments : Narasimhapurana adhyAya 11
% Latest update : June 6, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : viShNustavanamArkaNDeyoktamNP.itx
% Location : doc\_vishhnu
% Language : Sanskrit
% Subject : philosophy/hinduism/religion
% Proofread by : Singanallur Ganesan singanallur at gmail.com
% Translated by : https://archive.org/details/NarsimhaPuranGitapress
% Description-comments : Narasimhapurana adhyAya 11
% Latest update : June 6, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website