ಶ್ರೀವಿಷ್ಣುಸ್ತವನಂ ಮಾರ್ಕಣ್ಡೇಯಪ್ರೋಕ್ತಂ ನರಸಿಂಹಪುರಾಣೇ
{॥ ಶ್ರೀವಿಷ್ಣುಸ್ತವನಂ ಮಾರ್ಕಣ್ಡೇಯಪ್ರೋಕ್ತಂ ನರಸಿಂಹಪುರಾಣೇ ॥}
ವ್ಯಾಸ ಉವಾಚ --
ಪ್ರಣಿಪತ್ಯ ಜಗನ್ನಾಥಂ ಚರಾಚರಗುರುಂ ಹರಿಮ್ ।
ಮಾರ್ಕಣ್ಡೇಯೋಽಭಿತುಷ್ಟಾವ ಭೋಗಪರ್ಯಙ್ಕಶಾಯಿನಮ್ ॥ ೧॥
ಮಾರ್ಕಣ್ಡೇಯ ಉವಾಚ --
ಪ್ರಸೀದ ಭಗವನ್ ವಿಷ್ಣೋ ಪ್ರಸೀದ ಪುರುಷೋತ್ತಮ ।
ಪ್ರಸೀದ ದೇವದೇವೇಶ ಪ್ರಸೀದ ಗರುಡಧ್ವಜ ॥ ೨॥
ಪ್ರಸೀದ ವಿಷ್ಣೋ ಲಕ್ಷ್ಮೀಶ ಪ್ರಸೀದ ಧರಣೀಧರ ।
ಪ್ರಸೀದ ಲೋಕನಾಥಾದ್ಯ ಪ್ರಸೀದ ಪರಮೇಶ್ವರ ॥ ೩॥
ಪ್ರಸೀದ ಸರ್ವದೇವೇಶ ಪ್ರಸೀದ ಕಮಲೇಕ್ಷಣ ।
ಪ್ರಸೀದ ಮನ್ದರಧರ ಪ್ರಸೀದ ಮಧುಸೂದನ ॥ ೪॥
ಪ್ರಸೀದ ಸುಭಗಾಕಾನ್ತ ಪ್ರಸೀದ ಭುವನಾಧಿಪ ।
ಪ್ರಸೀದಾದ್ಯ ಮಹಾದೇವ ಪ್ರಸೀದ ಮಮ ಕೇಶವ ॥ ೫॥
ಜಯ ಕೃಷ್ಣ ಜಯಾಚಿನ್ತ್ಯ ಜಯ ವಿಷ್ಣೋ ಜಯಾವ್ಯಯ ।
ಜಯ ವಿಶ್ವ ಜಯಾವ್ಯಕ್ತ ಜಯ ವಿಷ್ಣೋ ನಮೋಽಸ್ತು ತೇ ॥ ೬॥
ಜಯ ದೇವ ಜಯಾಜೇಯ ಜಯ ಸತ್ಯ ಜಯಾಕ್ಷರ ।
ಜಯ ಕಾಲ ಜಯೇಶಾನ ಜಯ ಸರ್ವ ನಮೋಽಸ್ತು ತೇ ॥ ೭॥
ಜಯ ಯಜ್ಞಪತೇ ನಾಥ ಜಯ ವಿಶ್ವಪತೇ ವಿಭೋ ।
ಜಯ ಭೂತಪತೇ ನಾಥ ಜಯ ಸರ್ವಪತೇ ವಿಭೋ ॥ ೮॥
ಜಯ ವಿಶ್ವಪತೇ ನಾಥ ಜಯ ದಕ್ಷ ನಮೋಽಸ್ತು ತೇ ।
ಜಯ ಪಾಪಹರಾನನ್ತ ಜಯ ಜನ್ಮಜರಾಪಹ ॥ ೯॥
ಜಯ ಭದ್ರಾತಿಭದ್ರೇಶ ಜಯ ಭದ್ರ ನಮೋಽಸ್ತು ತೇ ।
ಜಯ ಕಾಮದ ಕಾಕುತ್ಸ್ಥ ಜಯ ಮಾನದ ಮಾಧವ ॥ ೧೦॥
ಜಯ ಶಂಕರ ದೇವೇಶ ಜಯ ಶ್ರೀಶ ನಮೋಽಸ್ತು ತೇ ।
ಜಯ ಕುಙ್ಕುಮರಕ್ತಾಭ ಜಯ ಪಙ್ಕಜಲೋಚನ ॥ ೧೧॥
ಜಯ ಚನ್ದನಲಿಪ್ತಾಙ್ಗ ಜಯ ರಾಮ ನಮೋಽಸ್ತು ತೇ ।
ಜಯ ದೇವ ಜಗನ್ನಾಥ ಜಯ ದೇವಕಿನನ್ದನ ॥ ೧೨॥
ಜಯ ಸರ್ವಗುರೋ ಜ್ಞೇಯ ಜಯ ಶಮ್ಭೋ ನಮೋಽಸ್ತು ತೇ ।
ಜಯ ಸುನ್ದರ ಪದ್ಮಾಭ ಜಯ ಸುನ್ದರಿವಲ್ಲಭ ।
ಜಯ ಸುನ್ದರಸರ್ವಾಙ್ಗ ಜಯ ವನ್ದ್ಯ ನಮೋಽಸ್ತು ತೇ ॥ ೧೩॥
ಜಯ ಸರ್ವದ ಸರ್ವೇಶ ಜಯ ಶರ್ಮದ ಶಾಶ್ವತ ।
ಜಯ ಕಾಮದ ಭಕ್ತಾನಾಂ ಪ್ರಭವಿಷ್ಣೋ ನಮೋಽಸ್ತು ತೇ ॥ ೧೪॥
ನಮಃ ಕಮಲನಾಭಾಯ ನಮಃ ಕಮಲಮಾಲಿನೇ ।
ಲೋಕನಾಥ ನಮಸ್ತೇಽಸ್ತು ವೀರಭದ್ರ ನಮೋಽಸ್ತು ತೇ ॥ ೧೫॥
ನಮಸ್ತ್ರೈಲೋಕ್ಯನಾಥಾಯ ಚತುರ್ಮೂರ್ತೇ ಜಗತ್ಪತೇ ।
ನಮೋ ದೇವಾಧಿದೇವಾಯ ನಮೋ ನಾರಾಯಣಾಯ ತೇ ॥ ೧೬॥
ನಮಸ್ತೇ ವಾಸುದೇವಾಯ ನಮಸ್ತೇ ಪೀತವಾಸಸೇ ।
ನಮಸ್ತೇ ನರಸಿಂಹಾಯ ನಮಸ್ತೇ ಶಾರ್ಙ್ಗಧಾರಿಣೇ ॥ ೧೭॥
ನಮಃ ಕೃಷ್ಣಾಯ ರಾಮಾಯ ನಮಶ್ಚಕ್ರಾಯುಧಾಯ ಚ ।
ನಮಃ ಶಿವಾಯ ದೇವಾಯ ನಮಸ್ತೇ ಭುವನೇಶ್ವರ ॥ ೧೮॥
ನಮೋ ವೇದಾನ್ತವೇದ್ಯಾಯ ನಮೋಽನನ್ತಾಯ ವಿಷ್ಣವೇ ।
ನಮಸ್ತೇ ಸಕಲಾಧ್ಯಕ್ಷ ನಮಸ್ತೇ ಶ್ರೀಧರಾಚ್ಯುತ ॥ ೧೯॥
ಲೋಕಾಧ್ಯಕ್ಷ ಜಗತ್ಪೂಜ್ಯ ಪರಮಾತ್ಮನ್ ನಮೋಽಸ್ತು ತೇ ।
ತ್ವಂ ಮಾತಾ ಸರ್ವಲೋಕಾನಾಂ ತ್ವಮೇವ ಜಗತಃ ಪಿತಾ ॥ ೨೦॥
ತ್ವಮಾರ್ತಾನಾಂ ಸುಹೃನ್ಮಿತ್ರಂ ಪ್ರಿಯಸ್ತ್ವಂ ಪ್ರಪಿತಾಮಹಃ ।
ತ್ವಂ ಗುರುಸ್ತ್ವಂ ಗತಿಃ ಸಾಕ್ಷೀ ತ್ವಂ ಪತಿಸ್ತ್ವಂ ಪರಾಯಣಃ ॥ ೨೧॥
ತ್ವಂ ಧ್ರುವಸ್ತ್ವಂ ವಷಟ್ಕರ್ತಾ ತ್ವಂ ಹವಿಸ್ತ್ವಂ ಹುತಾಶನಃ ।
ತ್ವಂ ಶಿವಸ್ತ್ವಂ ವಸುರ್ಧಾತಾ ತ್ವಂ ಬ್ರಹ್ಮಾ ತ್ವಂ ಸುರೇಶ್ವರಃ ॥ ೨೨॥
ತ್ವಂ ಯಮಸ್ತ್ವಂ ರವಿರ್ವಾಯುಸ್ತ್ವಂ ಜಲಂ ತ್ವಂ ಧನೇಶ್ವರಃ ।
ತ್ವಂ ಮನುಸ್ತ್ವಮಹೋರಾತ್ರಂ ತ್ವಂ ನಿಶಾ ತ್ವಂ ನಿಶಾಕರಃ ।
ತ್ವಂ ಧೃತಿಸ್ತ್ವಂ ಶ್ರಿಯಃ ಕಾನ್ತಿಸ್ತ್ವಂ ಕ್ಷಮಾ ತ್ವಂ ಧರಾಧರಃ ॥ ೨೩॥
ತ್ವಂ ಕರ್ತಾ ಜಗತಾಮೀಶಸ್ತ್ವಂ ಹನ್ತಾ ಮಧುಸೂದನ ।
ತ್ವಮೇವ ಗೋಪ್ತಾ ಸರ್ವಸ್ಯ ಜಗತಸ್ತ್ವಂ ಚರಾಚರ ॥ ೨೪॥
ಕರಣಂ ಕಾರಣಂ ಕರ್ತಾ ತ್ವಮೇವ ಪರಮೇಶ್ವರಃ ।
ಶಙ್ಖಚಕ್ರಗದಾಪಾಣೇ ಭೋ ಸಮುದ್ಧರ ಮಾಧವ ॥ ೨೫॥
ಪ್ರಿಯ ಪದ್ಮಪಲಾಶಾಕ್ಷ ಶೇಷಪರ್ಯಙ್ಕಶಾಯಿನಮ್ ।
ತ್ವಾಮೇವ ಭಕ್ತ್ಯಾ ಸತತಂ ನಮಾಮಿ ಪುರುಷೋತ್ತಮಮ್ ॥ ೨೬॥
ಶ್ರೀವತ್ಸಾಙ್ಕಂ ಜಗದ್ಬೀಜಂ ಶ್ಯಾಮಲಂ ಕಮಲೇಕ್ಷಣಮ್ ।
ನಮಾಮಿ ತೇ ವಪುರ್ದೇವ ಕಲಿಕಲ್ಮಷನಾಶನಮ್ ॥ ೨೭॥
ಲಕ್ಷ್ಮೀಧರಮುದಾರಾಙ್ಗಂ ದಿವ್ಯಮಾಲಾವಿಭೂಷಿತಮ್ ।
ಚಾರೂಪೃಷ್ಠಂ ಮಹಾಬಾಹುಂ ಚಾರುಭೂಷಣಭೂಷಿತಮ್ ॥ ೨೮॥
ಪದ್ಮನಾಭಂ ವಿಶಾಲಾಕ್ಷಂ ಪದ್ಮಪತ್ರನಿಭೇಕ್ಷಣಮ್ ।
ದೀರ್ಘತುಙ್ಗಮಹಾಘ್ರಾಣಂ ನೀಲಜೀಮೂತಸಂನಿಭಮ್ ॥ ೨೯॥
ದೀರ್ಘಬಾಹುಂ ಸುಗುಪ್ತಾಙ್ಗಂ ರತ್ನಹಾರೋಜ್ಜ್ವಲೋರಸಮ್ ।
ಸುಭ್ರೂಲಲಾಟಮುಕುಟಂ ಸ್ನಿಗ್ಧದನ್ತಂ ಸುಲೋಚನಮ್ ॥ ೩೦॥
ಚಾರುಬಾಹುಂ ಸುತಾಮ್ರೋಷ್ಠಂ ರತ್ನೋಜ್ಜ್ವಲಿತಕುಣ್ಡಲಮ್ ।
ವೃತ್ತಕಣ್ಠಂ ಸುಪೀನಾಂಸಂ ಸರಸಂ ಶ್ರೀಧರಂ ಹರಿಮ್ ॥ ೩೧॥
ಸುಕುಮಾರಮಜಂ ನಿತ್ಯಂ ನೀಲಕುಞ್ಚಿತಮೂರ್ಧಜಮ್ ।
ಉನ್ನತಾಂಸಂ ಮಹೋರಸ್ಕಂ ಕರ್ಣಾನ್ತಾಯತಲೋಚನಮ್ ॥ ೩೨॥
ಹೇಮಾರವಿನ್ದವದನಮಿನ್ದಿರಾಯನಮೀಶ್ವರಮ್ ।
ಸರ್ವಲೋಕವಿಧಾತಾರಂ ಸರ್ವಪಾಪಹರಂ ಹರಿಮ್ ॥ ೩೩॥
ಸರ್ವಲಕ್ಷಣಸಮ್ಪನ್ನಂ ಸರ್ವಸತ್ತ್ವಮನೋರಮಮ್ ।
ವಿಷ್ಣುಮಚ್ಯುತಮೀಶಾನಮನನ್ತಂ ಪುರುಷೋತ್ತಮಮ್ ॥ ೩೪॥
ನತೋಽಸ್ಮಿ ಮನಸಾ ನಿತ್ಯಂ ನಾರಾಯಣಮನಾಮಯಮ್ ।
ವರದಂ ಕಾಮದಂ ಕಾನ್ತಮನನ್ತಂ ಸೂನೃತಂ ಶಿವಮ್ ॥ ೩೫॥
ನಮಾಮಿ ಶಿರಸಾ ವಿಷ್ಣೋ ಸದಾ ತ್ವಾಂ ಭಕ್ತವತ್ಸಲ ।
ಅಸ್ಮಿನ್ನೇಕಾರ್ಣವೇ ಘೋರೇ ವಾಯುಸ್ಕಮ್ಪಿತಚಞ್ಚಲೇ ॥ ೩೬॥
ಅನನ್ತಭೋಗಶಯನೇ ಸಹಸ್ರಫಣಶೋಭಿತೇ ।
ವಿಚಿತ್ರಶಯನೇ ರಮ್ಯೇ ಸೇವಿತೇ ಮನ್ದವಾಯುನಾ ॥ ೩೭॥
ಭುಜಪಞ್ಜರಸಂಸಕ್ತಕಮಲಾಲಯಸೇವಿತಮ್ ।
ಇಹ ತ್ವಾಂ ಮನಸಾ ಸರ್ವಮಿದಾನೀಂ ದೃಷ್ಟವಾನಹಮ್ ॥ ೩೮॥
ಇದಾನೀಂ ತು ಸುದುಃಖಾರ್ಥೋ ಮಾಯಯಾ ತವ ಮೋಹಿತಃ ।
ಏಕೋದಕೇ ನಿರಾಲಮ್ಬೇ ನಷ್ಟಸ್ಥಾವರಜಙ್ಗಮೇ ॥ ೩೯॥
ಶೂನ್ಯೇ ತಮಸಿ ದುಷ್ಪಾರೇ ದುಃಖಪಙ್ಕೇ ನಿರಾಮಯೇ ।
ಶೀತಾತಪಜರಾರೋಗಶೋಕತೃಷ್ಣಾದಿಭಿಃ ಸದಾ ॥ ೪೦॥
ಪೀಡಿತೋಽಸ್ಮಿ ಭೃಶಂ ತಾತ ಸುಚಿರಂ ಕಾಲಮಚ್ಯುತ ।
ಶೋಕಮೋಹಗ್ರಹಗ್ರಸ್ತೋ ವಿಚರನ್ ಭವಸಾಗರೇ ॥ ೪೧॥
ಇಹಾದ್ಯ ವಿಧಿನಾ ಪ್ರಾಪ್ತಸ್ತವ ಪಾದಾಬ್ಜಸಂನಿಧೌ ।
ಏಕಾರ್ಣವೇ ಮಹಾಘೋರೇ ದುಸ್ತರೇ ದುಃಖಪೀಡಿತಃ ॥ ೪೨॥
ಚಿರಭ್ರಮಪರಿಶ್ರಾನ್ತಸ್ತ್ವಾಮದ್ಯ ಶರಣಂ ಗತಃ ।
ಪ್ರಸೀದ ಸುಮಹಾಮಾಯ ವಿಷ್ಣೋ ರಾಜೀವಲೋಚನ ॥ ೪೩॥
ವಿಶ್ವಯೋನೇ ವಿಶಾಲಾಕ್ಷ ವಿಶ್ವಾತ್ಮನ್ ವಿಶ್ವಸಮ್ಭವ ।
ಅನನ್ಯಶರಣಂ ಪ್ರಾಪ್ತಮತೋಽತ್ರ ಕುಲನನ್ದನ ॥ ೪೪॥
ತ್ರಾಹಿ ಮಾಂ ಕೃಪಯಾ ಕೃಷ್ಣ ಶರಣಾಗತಮಾತುರಮ್ ।
ನಮಸ್ತೇ ಪುಣ್ಡರೀಕಾಕ್ಷ ಪುರಾಣಪುರುಷೋತ್ತಮ ॥ ೪೫॥
ಅಞ್ಜನಾಭ ಹೃಷೀಕೇಶ ಮಾಯಾಮಯ ನಮೋಽಸ್ತು ತೇ ।
ಮಾಮುದ್ಧರ ಮಹಾಬಾಹೋ ಮಗ್ನೇ ಸಂಸಾರಸಾಗರೇ ॥ ೪೬॥
ಗಹ್ವರೇ ದುಸ್ತರೇ ದುಃಖಕ್ಲಿಷ್ಟೇ ಕ್ಲೇಶಮಹಾಗ್ರಹೈಃ ।
ಅನಾಥಂ ಕೃಪಣಂ ದೀನಂ ಪತಿತಂ ಭವಸಾಗರೇ ।
ಮಾಂ ಸಮುದ್ಧರ ಗೋವಿನ್ದ ವರದೇಶ ನಮೋಽಸ್ತು ತೇ ॥ ೪೭॥
ನಮಸ್ತ್ರೈಲೋಕ್ಯನಾಥಾಯ ಹರಯೇ ಭೂಧರಾಯ ಚ ।
ದೇವದೇವ ನಮಸ್ತೇಽಸ್ತು ಶ್ರೀವಲ್ಲಭ ನಮೋಽಸ್ತು ತೇ ॥ ೪೮॥
ಕೃಷ್ಣ ಕೃಷ್ಣ ಕೃಪಾಲುಸ್ತ್ವಮಗತೀನಾಂ ಗತಿರ್ಭವಾನ್ ।
ಸಂಸಾರಾರ್ಣವಮಗ್ನಾನಾಂ ಪ್ರಸೀದ ಮಧುಸೂದನ ॥ ೪೯॥
ತ್ವಾಮೇಕಮಾದ್ಯಂ ಪುರುಷಂ ಪುರಾಣಂ ಜಗತ್ಪತಿಂ ಕಾರಣಮಚ್ಯುತಂ ಪ್ರಭುಮ್ ।
ಜನಾರ್ದನಂ ಜನ್ಮಜರಾರ್ತಿನಾಶನಂ ಸುರೇಶ್ವರಂ ಸುನ್ದರಮಿನ್ದಿರಾಪತಿಮ್ ॥ ೫೦॥
ಬೃಹದ್ಭುಜಂ ಶ್ಯಾಮಲಕೋಮಲಂ ಶುಭಂ ವರಾನನಂ ವಾರಿಜಪತ್ರನೇತ್ರಮ್ ।
ತರಂಗಭಙ್ಗಾಯತಕುನ್ತಲಂ ಹರಿಂ ಸುಕಾನ್ತಮೀಶಂ ಪ್ರಣತೋಽಸ್ಮಿ ಶಾಶ್ವತಮ್ ॥ ೫೧॥
ಸಾ ಜಿಹ್ವಾ ಯಾ ಹರಿಂ ಸ್ತೌತಿ ತಚ್ಚಿತ್ತಂ ಯತ್ತ್ವದರ್ಪಿತಮ್ ।
ತಾವೇವ ಕೇವಲೌ ಶ್ಲಾಘ್ಯೌ ಯೌ ತ್ವತ್ಪೂಜಾಕರೌ ಕರೌ ॥ ೫೨॥
ಜನ್ಮಾನ್ತರಸಹಸ್ರೇಷು ಯನ್ಮಯಾ ಪಾತಕಂ ಕೃತಮ್ ।
ತನ್ಮೇ ಹರ ತ್ವಂ ಗೋವಿನ್ದ ವಾಸುದೇವೇತಿ ಕೀರ್ತನಾತ್ ॥ ೫೩॥
ವ್ಯಾಸ ಉವಾಚ --
ಇತಿ ಸ್ತುತಸ್ತತೋ ವಿಷ್ಣುರ್ಮಾರ್ಕಣ್ಡೇಯೇನ ಧೀಮತಾ ।
ಸಂತುಷ್ಟಃ ಪ್ರಾಹ ವಿಶ್ವಾತ್ಮಾ ತಂ ಮುನಿಂ ಗರುಡಧ್ವಜಃ ॥ ೫೪॥
ಶ್ರೀಭಗವಾನುವಾಚ --
ಪ್ರೀತೋಽಸ್ಮಿ ತಪಸಾ ವಿಪ್ರ ಸ್ತುತ್ಯಾ ಚ ಭೃಗುನನ್ದನ ।
ವರಂ ವೃಣೀಷ್ವ ಭದ್ರಂ ತೇ ಪ್ರಾರ್ಥಿತಂ ದದ್ಮಿ ತೇ ವರಮ್ ॥ ೫೫॥
ಮಾರ್ಕಣ್ಡೇಯ ಉವಾಚ --
ತ್ವತ್ಪಾದಪದ್ಮೇ ದೇವೇಶ ಭಕ್ತಿಂ ಮೇ ದೇಹಿ ಸರ್ವದಾ ।
ಯದಿ ತುಷ್ಟೋ ಮಮಾದ್ಯ ತ್ವಮನ್ಯದೇಕಂ ವೃಣೋಮ್ಯಹಮ್ ॥ ೫೬॥
ಸ್ತೋತ್ರೇಣಾನೇನ ದೇವೇಶ ಯಸ್ತ್ವಾಂ ಸ್ತೋಷ್ಯತಿ ನಿತ್ಯಶಃ ।
ಸ್ವಲೋಕವಸತಿಂ ತಸ್ಯ ದೇಹಿ ದೇವ ಜಗತ್ಪತೇ ॥ ೫೭॥
ದೀರ್ಘಾಯುಷ್ಟ್ವಂ ತು ಯದ್ದತ್ತಂ ತ್ವಯಾ ಮೇ ತಪ್ಯತಃ ಪುರಾ ।
ತತ್ಸರ್ವಂ ಸಫಲಂ ಜಾತಮಿದಾನೀಂ ತವ ದರ್ಶನಾತ್ ॥ ೫೮॥
ವಸ್ತುಮಿಚ್ಛಾಮಿ ದೇವೇಶ ತವ ಪಾದಾಬ್ಜಮರ್ಚಯನ್ ।
ಅತ್ರೈವ ಭಗವನ್ ನಿತ್ಯಂ ಜನ್ಮಮೃತ್ಯುವಿವರ್ಜಿತಃ ॥ ೫೯॥
ಶ್ರೀಭಗವಾನುವಾಚ --
ಮಯ್ಯಸ್ತು ತೇ ಭೃಗುಶ್ರೇಷ್ಠ ಭಕ್ತಿರವ್ಯಭಿಚಾರಿಣೀ ।
ಭಕ್ತ್ಯಾ ಮುಕ್ತಿರ್ಭವತ್ಯೇವ ತವ ಕಾಲೇನ ಸತ್ತಮ ॥ ೬೦॥
ಯಸ್ತ್ವಿದಂ ಪಠತೇ ಸ್ತೋತ್ರಂ ಸಾಯಂ ಪ್ರಾತಸ್ತವೇರಿತಮ್ ।
ಮಯಿ ಭಕ್ತಿಂ ದೃಢಾಂ ಕೃತ್ವಾ ಮಮ ಲೋಕೇ ಸ ಮೋದತೇ ॥ ೬೧॥
ಯತ್ರ ಯತ್ರ ಭೃಗುಶ್ರೇಷ್ಠ ಸ್ಥಿತಸ್ತ್ವಂ ಮಾಂ ಸ್ಮರಿಷ್ಯಸಿ ।
ತತ್ರ ತತ್ರ ಸಮೇಷ್ಯಾಮಿ ದಾನ್ತೋ ಭಕ್ತವಶೋಽಸ್ಮಿ ಭೋಃ ॥ ೬೨॥
ವ್ಯಾಸ ಉವಾಚ --
ಇತ್ಯುಕ್ತ್ವಾ ತಂ ಮುನಿಶ್ರೇಷ್ಠಂ ಮಾರ್ಕಣ್ಡೇಯಂ ಸ ಮಾಧವಃ ।
ವಿರರಾಮ ಸ ಸರ್ವತ್ರ ಪಶ್ಯನ್ ವಿಷ್ಣುಂ ಯತಸ್ತತಃ ॥ ೬೩॥
ಇತಿ ತೇ ಕಥಿತಂ ವಿಪ್ರ ಚರಿತಂ ತಸ್ಯ ಧೀಮತಃ ।
ಮಾರ್ಕಣ್ಡೇಯಸ್ಯ ಚ ಮುನೇಸ್ತೇನೈವೋಕ್ತಂ ಪುರಾ ಮಮ ॥ ೬೪॥
ಯೇ ವಿಷ್ಣುಭಕ್ತ್ಯಾ ಚರಿತಂ ಪುರಾಣಂ ಭೃಗೋಸ್ತು ಪೌತ್ರಸ್ಯ ಪಠನ್ತಿ ನಿತ್ಯಮ್ ।
ತೇ ಮುಕ್ತಪಾಪಾ ನರಸಿಂಹಲೋಕೇ ವಸನ್ತಿ ಭಕ್ತೈರಭಿಪೂಜ್ಯಮಾನಾಃ ॥ ೬೫॥
ಇತಿ ಶ್ರೀನರಸಿಂಹಪುರಾಣೇ ಮಾರ್ಕಣ್ಡೇಯಚರಿತಂ ನಾಮ ಏಕಾದಶೋಽಧ್ಯಾಯಃ ॥ ೧೧॥
Narasimhapurana adhyAya 11
https://archive.org/details/NarsimhaPuranGitapress
Proofread by Singanallur Ganesan singanallur at gmail.com
Please send corrections to sanskrit@cheerful.com
Last updated ತ್oday
http://sanskritdocuments.org
ವ್ಯಾಸ ಉವಾಚ --
ಪ್ರಣಿಪತ್ಯ ಜಗನ್ನಾಥಂ ಚರಾಚರಗುರುಂ ಹರಿಮ್ ।
ಮಾರ್ಕಣ್ಡೇಯೋಽಭಿತುಷ್ಟಾವ ಭೋಗಪರ್ಯಙ್ಕಶಾಯಿನಮ್ ॥ ೧॥
ಮಾರ್ಕಣ್ಡೇಯ ಉವಾಚ --
ಪ್ರಸೀದ ಭಗವನ್ ವಿಷ್ಣೋ ಪ್ರಸೀದ ಪುರುಷೋತ್ತಮ ।
ಪ್ರಸೀದ ದೇವದೇವೇಶ ಪ್ರಸೀದ ಗರುಡಧ್ವಜ ॥ ೨॥
ಪ್ರಸೀದ ವಿಷ್ಣೋ ಲಕ್ಷ್ಮೀಶ ಪ್ರಸೀದ ಧರಣೀಧರ ।
ಪ್ರಸೀದ ಲೋಕನಾಥಾದ್ಯ ಪ್ರಸೀದ ಪರಮೇಶ್ವರ ॥ ೩॥
ಪ್ರಸೀದ ಸರ್ವದೇವೇಶ ಪ್ರಸೀದ ಕಮಲೇಕ್ಷಣ ।
ಪ್ರಸೀದ ಮನ್ದರಧರ ಪ್ರಸೀದ ಮಧುಸೂದನ ॥ ೪॥
ಪ್ರಸೀದ ಸುಭಗಾಕಾನ್ತ ಪ್ರಸೀದ ಭುವನಾಧಿಪ ।
ಪ್ರಸೀದಾದ್ಯ ಮಹಾದೇವ ಪ್ರಸೀದ ಮಮ ಕೇಶವ ॥ ೫॥
ಜಯ ಕೃಷ್ಣ ಜಯಾಚಿನ್ತ್ಯ ಜಯ ವಿಷ್ಣೋ ಜಯಾವ್ಯಯ ।
ಜಯ ವಿಶ್ವ ಜಯಾವ್ಯಕ್ತ ಜಯ ವಿಷ್ಣೋ ನಮೋಽಸ್ತು ತೇ ॥ ೬॥
ಜಯ ದೇವ ಜಯಾಜೇಯ ಜಯ ಸತ್ಯ ಜಯಾಕ್ಷರ ।
ಜಯ ಕಾಲ ಜಯೇಶಾನ ಜಯ ಸರ್ವ ನಮೋಽಸ್ತು ತೇ ॥ ೭॥
ಜಯ ಯಜ್ಞಪತೇ ನಾಥ ಜಯ ವಿಶ್ವಪತೇ ವಿಭೋ ।
ಜಯ ಭೂತಪತೇ ನಾಥ ಜಯ ಸರ್ವಪತೇ ವಿಭೋ ॥ ೮॥
ಜಯ ವಿಶ್ವಪತೇ ನಾಥ ಜಯ ದಕ್ಷ ನಮೋಽಸ್ತು ತೇ ।
ಜಯ ಪಾಪಹರಾನನ್ತ ಜಯ ಜನ್ಮಜರಾಪಹ ॥ ೯॥
ಜಯ ಭದ್ರಾತಿಭದ್ರೇಶ ಜಯ ಭದ್ರ ನಮೋಽಸ್ತು ತೇ ।
ಜಯ ಕಾಮದ ಕಾಕುತ್ಸ್ಥ ಜಯ ಮಾನದ ಮಾಧವ ॥ ೧೦॥
ಜಯ ಶಂಕರ ದೇವೇಶ ಜಯ ಶ್ರೀಶ ನಮೋಽಸ್ತು ತೇ ।
ಜಯ ಕುಙ್ಕುಮರಕ್ತಾಭ ಜಯ ಪಙ್ಕಜಲೋಚನ ॥ ೧೧॥
ಜಯ ಚನ್ದನಲಿಪ್ತಾಙ್ಗ ಜಯ ರಾಮ ನಮೋಽಸ್ತು ತೇ ।
ಜಯ ದೇವ ಜಗನ್ನಾಥ ಜಯ ದೇವಕಿನನ್ದನ ॥ ೧೨॥
ಜಯ ಸರ್ವಗುರೋ ಜ್ಞೇಯ ಜಯ ಶಮ್ಭೋ ನಮೋಽಸ್ತು ತೇ ।
ಜಯ ಸುನ್ದರ ಪದ್ಮಾಭ ಜಯ ಸುನ್ದರಿವಲ್ಲಭ ।
ಜಯ ಸುನ್ದರಸರ್ವಾಙ್ಗ ಜಯ ವನ್ದ್ಯ ನಮೋಽಸ್ತು ತೇ ॥ ೧೩॥
ಜಯ ಸರ್ವದ ಸರ್ವೇಶ ಜಯ ಶರ್ಮದ ಶಾಶ್ವತ ।
ಜಯ ಕಾಮದ ಭಕ್ತಾನಾಂ ಪ್ರಭವಿಷ್ಣೋ ನಮೋಽಸ್ತು ತೇ ॥ ೧೪॥
ನಮಃ ಕಮಲನಾಭಾಯ ನಮಃ ಕಮಲಮಾಲಿನೇ ।
ಲೋಕನಾಥ ನಮಸ್ತೇಽಸ್ತು ವೀರಭದ್ರ ನಮೋಽಸ್ತು ತೇ ॥ ೧೫॥
ನಮಸ್ತ್ರೈಲೋಕ್ಯನಾಥಾಯ ಚತುರ್ಮೂರ್ತೇ ಜಗತ್ಪತೇ ।
ನಮೋ ದೇವಾಧಿದೇವಾಯ ನಮೋ ನಾರಾಯಣಾಯ ತೇ ॥ ೧೬॥
ನಮಸ್ತೇ ವಾಸುದೇವಾಯ ನಮಸ್ತೇ ಪೀತವಾಸಸೇ ।
ನಮಸ್ತೇ ನರಸಿಂಹಾಯ ನಮಸ್ತೇ ಶಾರ್ಙ್ಗಧಾರಿಣೇ ॥ ೧೭॥
ನಮಃ ಕೃಷ್ಣಾಯ ರಾಮಾಯ ನಮಶ್ಚಕ್ರಾಯುಧಾಯ ಚ ।
ನಮಃ ಶಿವಾಯ ದೇವಾಯ ನಮಸ್ತೇ ಭುವನೇಶ್ವರ ॥ ೧೮॥
ನಮೋ ವೇದಾನ್ತವೇದ್ಯಾಯ ನಮೋಽನನ್ತಾಯ ವಿಷ್ಣವೇ ।
ನಮಸ್ತೇ ಸಕಲಾಧ್ಯಕ್ಷ ನಮಸ್ತೇ ಶ್ರೀಧರಾಚ್ಯುತ ॥ ೧೯॥
ಲೋಕಾಧ್ಯಕ್ಷ ಜಗತ್ಪೂಜ್ಯ ಪರಮಾತ್ಮನ್ ನಮೋಽಸ್ತು ತೇ ।
ತ್ವಂ ಮಾತಾ ಸರ್ವಲೋಕಾನಾಂ ತ್ವಮೇವ ಜಗತಃ ಪಿತಾ ॥ ೨೦॥
ತ್ವಮಾರ್ತಾನಾಂ ಸುಹೃನ್ಮಿತ್ರಂ ಪ್ರಿಯಸ್ತ್ವಂ ಪ್ರಪಿತಾಮಹಃ ।
ತ್ವಂ ಗುರುಸ್ತ್ವಂ ಗತಿಃ ಸಾಕ್ಷೀ ತ್ವಂ ಪತಿಸ್ತ್ವಂ ಪರಾಯಣಃ ॥ ೨೧॥
ತ್ವಂ ಧ್ರುವಸ್ತ್ವಂ ವಷಟ್ಕರ್ತಾ ತ್ವಂ ಹವಿಸ್ತ್ವಂ ಹುತಾಶನಃ ।
ತ್ವಂ ಶಿವಸ್ತ್ವಂ ವಸುರ್ಧಾತಾ ತ್ವಂ ಬ್ರಹ್ಮಾ ತ್ವಂ ಸುರೇಶ್ವರಃ ॥ ೨೨॥
ತ್ವಂ ಯಮಸ್ತ್ವಂ ರವಿರ್ವಾಯುಸ್ತ್ವಂ ಜಲಂ ತ್ವಂ ಧನೇಶ್ವರಃ ।
ತ್ವಂ ಮನುಸ್ತ್ವಮಹೋರಾತ್ರಂ ತ್ವಂ ನಿಶಾ ತ್ವಂ ನಿಶಾಕರಃ ।
ತ್ವಂ ಧೃತಿಸ್ತ್ವಂ ಶ್ರಿಯಃ ಕಾನ್ತಿಸ್ತ್ವಂ ಕ್ಷಮಾ ತ್ವಂ ಧರಾಧರಃ ॥ ೨೩॥
ತ್ವಂ ಕರ್ತಾ ಜಗತಾಮೀಶಸ್ತ್ವಂ ಹನ್ತಾ ಮಧುಸೂದನ ।
ತ್ವಮೇವ ಗೋಪ್ತಾ ಸರ್ವಸ್ಯ ಜಗತಸ್ತ್ವಂ ಚರಾಚರ ॥ ೨೪॥
ಕರಣಂ ಕಾರಣಂ ಕರ್ತಾ ತ್ವಮೇವ ಪರಮೇಶ್ವರಃ ।
ಶಙ್ಖಚಕ್ರಗದಾಪಾಣೇ ಭೋ ಸಮುದ್ಧರ ಮಾಧವ ॥ ೨೫॥
ಪ್ರಿಯ ಪದ್ಮಪಲಾಶಾಕ್ಷ ಶೇಷಪರ್ಯಙ್ಕಶಾಯಿನಮ್ ।
ತ್ವಾಮೇವ ಭಕ್ತ್ಯಾ ಸತತಂ ನಮಾಮಿ ಪುರುಷೋತ್ತಮಮ್ ॥ ೨೬॥
ಶ್ರೀವತ್ಸಾಙ್ಕಂ ಜಗದ್ಬೀಜಂ ಶ್ಯಾಮಲಂ ಕಮಲೇಕ್ಷಣಮ್ ।
ನಮಾಮಿ ತೇ ವಪುರ್ದೇವ ಕಲಿಕಲ್ಮಷನಾಶನಮ್ ॥ ೨೭॥
ಲಕ್ಷ್ಮೀಧರಮುದಾರಾಙ್ಗಂ ದಿವ್ಯಮಾಲಾವಿಭೂಷಿತಮ್ ।
ಚಾರೂಪೃಷ್ಠಂ ಮಹಾಬಾಹುಂ ಚಾರುಭೂಷಣಭೂಷಿತಮ್ ॥ ೨೮॥
ಪದ್ಮನಾಭಂ ವಿಶಾಲಾಕ್ಷಂ ಪದ್ಮಪತ್ರನಿಭೇಕ್ಷಣಮ್ ।
ದೀರ್ಘತುಙ್ಗಮಹಾಘ್ರಾಣಂ ನೀಲಜೀಮೂತಸಂನಿಭಮ್ ॥ ೨೯॥
ದೀರ್ಘಬಾಹುಂ ಸುಗುಪ್ತಾಙ್ಗಂ ರತ್ನಹಾರೋಜ್ಜ್ವಲೋರಸಮ್ ।
ಸುಭ್ರೂಲಲಾಟಮುಕುಟಂ ಸ್ನಿಗ್ಧದನ್ತಂ ಸುಲೋಚನಮ್ ॥ ೩೦॥
ಚಾರುಬಾಹುಂ ಸುತಾಮ್ರೋಷ್ಠಂ ರತ್ನೋಜ್ಜ್ವಲಿತಕುಣ್ಡಲಮ್ ।
ವೃತ್ತಕಣ್ಠಂ ಸುಪೀನಾಂಸಂ ಸರಸಂ ಶ್ರೀಧರಂ ಹರಿಮ್ ॥ ೩೧॥
ಸುಕುಮಾರಮಜಂ ನಿತ್ಯಂ ನೀಲಕುಞ್ಚಿತಮೂರ್ಧಜಮ್ ।
ಉನ್ನತಾಂಸಂ ಮಹೋರಸ್ಕಂ ಕರ್ಣಾನ್ತಾಯತಲೋಚನಮ್ ॥ ೩೨॥
ಹೇಮಾರವಿನ್ದವದನಮಿನ್ದಿರಾಯನಮೀಶ್ವರಮ್ ।
ಸರ್ವಲೋಕವಿಧಾತಾರಂ ಸರ್ವಪಾಪಹರಂ ಹರಿಮ್ ॥ ೩೩॥
ಸರ್ವಲಕ್ಷಣಸಮ್ಪನ್ನಂ ಸರ್ವಸತ್ತ್ವಮನೋರಮಮ್ ।
ವಿಷ್ಣುಮಚ್ಯುತಮೀಶಾನಮನನ್ತಂ ಪುರುಷೋತ್ತಮಮ್ ॥ ೩೪॥
ನತೋಽಸ್ಮಿ ಮನಸಾ ನಿತ್ಯಂ ನಾರಾಯಣಮನಾಮಯಮ್ ।
ವರದಂ ಕಾಮದಂ ಕಾನ್ತಮನನ್ತಂ ಸೂನೃತಂ ಶಿವಮ್ ॥ ೩೫॥
ನಮಾಮಿ ಶಿರಸಾ ವಿಷ್ಣೋ ಸದಾ ತ್ವಾಂ ಭಕ್ತವತ್ಸಲ ।
ಅಸ್ಮಿನ್ನೇಕಾರ್ಣವೇ ಘೋರೇ ವಾಯುಸ್ಕಮ್ಪಿತಚಞ್ಚಲೇ ॥ ೩೬॥
ಅನನ್ತಭೋಗಶಯನೇ ಸಹಸ್ರಫಣಶೋಭಿತೇ ।
ವಿಚಿತ್ರಶಯನೇ ರಮ್ಯೇ ಸೇವಿತೇ ಮನ್ದವಾಯುನಾ ॥ ೩೭॥
ಭುಜಪಞ್ಜರಸಂಸಕ್ತಕಮಲಾಲಯಸೇವಿತಮ್ ।
ಇಹ ತ್ವಾಂ ಮನಸಾ ಸರ್ವಮಿದಾನೀಂ ದೃಷ್ಟವಾನಹಮ್ ॥ ೩೮॥
ಇದಾನೀಂ ತು ಸುದುಃಖಾರ್ಥೋ ಮಾಯಯಾ ತವ ಮೋಹಿತಃ ।
ಏಕೋದಕೇ ನಿರಾಲಮ್ಬೇ ನಷ್ಟಸ್ಥಾವರಜಙ್ಗಮೇ ॥ ೩೯॥
ಶೂನ್ಯೇ ತಮಸಿ ದುಷ್ಪಾರೇ ದುಃಖಪಙ್ಕೇ ನಿರಾಮಯೇ ।
ಶೀತಾತಪಜರಾರೋಗಶೋಕತೃಷ್ಣಾದಿಭಿಃ ಸದಾ ॥ ೪೦॥
ಪೀಡಿತೋಽಸ್ಮಿ ಭೃಶಂ ತಾತ ಸುಚಿರಂ ಕಾಲಮಚ್ಯುತ ।
ಶೋಕಮೋಹಗ್ರಹಗ್ರಸ್ತೋ ವಿಚರನ್ ಭವಸಾಗರೇ ॥ ೪೧॥
ಇಹಾದ್ಯ ವಿಧಿನಾ ಪ್ರಾಪ್ತಸ್ತವ ಪಾದಾಬ್ಜಸಂನಿಧೌ ।
ಏಕಾರ್ಣವೇ ಮಹಾಘೋರೇ ದುಸ್ತರೇ ದುಃಖಪೀಡಿತಃ ॥ ೪೨॥
ಚಿರಭ್ರಮಪರಿಶ್ರಾನ್ತಸ್ತ್ವಾಮದ್ಯ ಶರಣಂ ಗತಃ ।
ಪ್ರಸೀದ ಸುಮಹಾಮಾಯ ವಿಷ್ಣೋ ರಾಜೀವಲೋಚನ ॥ ೪೩॥
ವಿಶ್ವಯೋನೇ ವಿಶಾಲಾಕ್ಷ ವಿಶ್ವಾತ್ಮನ್ ವಿಶ್ವಸಮ್ಭವ ।
ಅನನ್ಯಶರಣಂ ಪ್ರಾಪ್ತಮತೋಽತ್ರ ಕುಲನನ್ದನ ॥ ೪೪॥
ತ್ರಾಹಿ ಮಾಂ ಕೃಪಯಾ ಕೃಷ್ಣ ಶರಣಾಗತಮಾತುರಮ್ ।
ನಮಸ್ತೇ ಪುಣ್ಡರೀಕಾಕ್ಷ ಪುರಾಣಪುರುಷೋತ್ತಮ ॥ ೪೫॥
ಅಞ್ಜನಾಭ ಹೃಷೀಕೇಶ ಮಾಯಾಮಯ ನಮೋಽಸ್ತು ತೇ ।
ಮಾಮುದ್ಧರ ಮಹಾಬಾಹೋ ಮಗ್ನೇ ಸಂಸಾರಸಾಗರೇ ॥ ೪೬॥
ಗಹ್ವರೇ ದುಸ್ತರೇ ದುಃಖಕ್ಲಿಷ್ಟೇ ಕ್ಲೇಶಮಹಾಗ್ರಹೈಃ ।
ಅನಾಥಂ ಕೃಪಣಂ ದೀನಂ ಪತಿತಂ ಭವಸಾಗರೇ ।
ಮಾಂ ಸಮುದ್ಧರ ಗೋವಿನ್ದ ವರದೇಶ ನಮೋಽಸ್ತು ತೇ ॥ ೪೭॥
ನಮಸ್ತ್ರೈಲೋಕ್ಯನಾಥಾಯ ಹರಯೇ ಭೂಧರಾಯ ಚ ।
ದೇವದೇವ ನಮಸ್ತೇಽಸ್ತು ಶ್ರೀವಲ್ಲಭ ನಮೋಽಸ್ತು ತೇ ॥ ೪೮॥
ಕೃಷ್ಣ ಕೃಷ್ಣ ಕೃಪಾಲುಸ್ತ್ವಮಗತೀನಾಂ ಗತಿರ್ಭವಾನ್ ।
ಸಂಸಾರಾರ್ಣವಮಗ್ನಾನಾಂ ಪ್ರಸೀದ ಮಧುಸೂದನ ॥ ೪೯॥
ತ್ವಾಮೇಕಮಾದ್ಯಂ ಪುರುಷಂ ಪುರಾಣಂ ಜಗತ್ಪತಿಂ ಕಾರಣಮಚ್ಯುತಂ ಪ್ರಭುಮ್ ।
ಜನಾರ್ದನಂ ಜನ್ಮಜರಾರ್ತಿನಾಶನಂ ಸುರೇಶ್ವರಂ ಸುನ್ದರಮಿನ್ದಿರಾಪತಿಮ್ ॥ ೫೦॥
ಬೃಹದ್ಭುಜಂ ಶ್ಯಾಮಲಕೋಮಲಂ ಶುಭಂ ವರಾನನಂ ವಾರಿಜಪತ್ರನೇತ್ರಮ್ ।
ತರಂಗಭಙ್ಗಾಯತಕುನ್ತಲಂ ಹರಿಂ ಸುಕಾನ್ತಮೀಶಂ ಪ್ರಣತೋಽಸ್ಮಿ ಶಾಶ್ವತಮ್ ॥ ೫೧॥
ಸಾ ಜಿಹ್ವಾ ಯಾ ಹರಿಂ ಸ್ತೌತಿ ತಚ್ಚಿತ್ತಂ ಯತ್ತ್ವದರ್ಪಿತಮ್ ।
ತಾವೇವ ಕೇವಲೌ ಶ್ಲಾಘ್ಯೌ ಯೌ ತ್ವತ್ಪೂಜಾಕರೌ ಕರೌ ॥ ೫೨॥
ಜನ್ಮಾನ್ತರಸಹಸ್ರೇಷು ಯನ್ಮಯಾ ಪಾತಕಂ ಕೃತಮ್ ।
ತನ್ಮೇ ಹರ ತ್ವಂ ಗೋವಿನ್ದ ವಾಸುದೇವೇತಿ ಕೀರ್ತನಾತ್ ॥ ೫೩॥
ವ್ಯಾಸ ಉವಾಚ --
ಇತಿ ಸ್ತುತಸ್ತತೋ ವಿಷ್ಣುರ್ಮಾರ್ಕಣ್ಡೇಯೇನ ಧೀಮತಾ ।
ಸಂತುಷ್ಟಃ ಪ್ರಾಹ ವಿಶ್ವಾತ್ಮಾ ತಂ ಮುನಿಂ ಗರುಡಧ್ವಜಃ ॥ ೫೪॥
ಶ್ರೀಭಗವಾನುವಾಚ --
ಪ್ರೀತೋಽಸ್ಮಿ ತಪಸಾ ವಿಪ್ರ ಸ್ತುತ್ಯಾ ಚ ಭೃಗುನನ್ದನ ।
ವರಂ ವೃಣೀಷ್ವ ಭದ್ರಂ ತೇ ಪ್ರಾರ್ಥಿತಂ ದದ್ಮಿ ತೇ ವರಮ್ ॥ ೫೫॥
ಮಾರ್ಕಣ್ಡೇಯ ಉವಾಚ --
ತ್ವತ್ಪಾದಪದ್ಮೇ ದೇವೇಶ ಭಕ್ತಿಂ ಮೇ ದೇಹಿ ಸರ್ವದಾ ।
ಯದಿ ತುಷ್ಟೋ ಮಮಾದ್ಯ ತ್ವಮನ್ಯದೇಕಂ ವೃಣೋಮ್ಯಹಮ್ ॥ ೫೬॥
ಸ್ತೋತ್ರೇಣಾನೇನ ದೇವೇಶ ಯಸ್ತ್ವಾಂ ಸ್ತೋಷ್ಯತಿ ನಿತ್ಯಶಃ ।
ಸ್ವಲೋಕವಸತಿಂ ತಸ್ಯ ದೇಹಿ ದೇವ ಜಗತ್ಪತೇ ॥ ೫೭॥
ದೀರ್ಘಾಯುಷ್ಟ್ವಂ ತು ಯದ್ದತ್ತಂ ತ್ವಯಾ ಮೇ ತಪ್ಯತಃ ಪುರಾ ।
ತತ್ಸರ್ವಂ ಸಫಲಂ ಜಾತಮಿದಾನೀಂ ತವ ದರ್ಶನಾತ್ ॥ ೫೮॥
ವಸ್ತುಮಿಚ್ಛಾಮಿ ದೇವೇಶ ತವ ಪಾದಾಬ್ಜಮರ್ಚಯನ್ ।
ಅತ್ರೈವ ಭಗವನ್ ನಿತ್ಯಂ ಜನ್ಮಮೃತ್ಯುವಿವರ್ಜಿತಃ ॥ ೫೯॥
ಶ್ರೀಭಗವಾನುವಾಚ --
ಮಯ್ಯಸ್ತು ತೇ ಭೃಗುಶ್ರೇಷ್ಠ ಭಕ್ತಿರವ್ಯಭಿಚಾರಿಣೀ ।
ಭಕ್ತ್ಯಾ ಮುಕ್ತಿರ್ಭವತ್ಯೇವ ತವ ಕಾಲೇನ ಸತ್ತಮ ॥ ೬೦॥
ಯಸ್ತ್ವಿದಂ ಪಠತೇ ಸ್ತೋತ್ರಂ ಸಾಯಂ ಪ್ರಾತಸ್ತವೇರಿತಮ್ ।
ಮಯಿ ಭಕ್ತಿಂ ದೃಢಾಂ ಕೃತ್ವಾ ಮಮ ಲೋಕೇ ಸ ಮೋದತೇ ॥ ೬೧॥
ಯತ್ರ ಯತ್ರ ಭೃಗುಶ್ರೇಷ್ಠ ಸ್ಥಿತಸ್ತ್ವಂ ಮಾಂ ಸ್ಮರಿಷ್ಯಸಿ ।
ತತ್ರ ತತ್ರ ಸಮೇಷ್ಯಾಮಿ ದಾನ್ತೋ ಭಕ್ತವಶೋಽಸ್ಮಿ ಭೋಃ ॥ ೬೨॥
ವ್ಯಾಸ ಉವಾಚ --
ಇತ್ಯುಕ್ತ್ವಾ ತಂ ಮುನಿಶ್ರೇಷ್ಠಂ ಮಾರ್ಕಣ್ಡೇಯಂ ಸ ಮಾಧವಃ ।
ವಿರರಾಮ ಸ ಸರ್ವತ್ರ ಪಶ್ಯನ್ ವಿಷ್ಣುಂ ಯತಸ್ತತಃ ॥ ೬೩॥
ಇತಿ ತೇ ಕಥಿತಂ ವಿಪ್ರ ಚರಿತಂ ತಸ್ಯ ಧೀಮತಃ ।
ಮಾರ್ಕಣ್ಡೇಯಸ್ಯ ಚ ಮುನೇಸ್ತೇನೈವೋಕ್ತಂ ಪುರಾ ಮಮ ॥ ೬೪॥
ಯೇ ವಿಷ್ಣುಭಕ್ತ್ಯಾ ಚರಿತಂ ಪುರಾಣಂ ಭೃಗೋಸ್ತು ಪೌತ್ರಸ್ಯ ಪಠನ್ತಿ ನಿತ್ಯಮ್ ।
ತೇ ಮುಕ್ತಪಾಪಾ ನರಸಿಂಹಲೋಕೇ ವಸನ್ತಿ ಭಕ್ತೈರಭಿಪೂಜ್ಯಮಾನಾಃ ॥ ೬೫॥
ಇತಿ ಶ್ರೀನರಸಿಂಹಪುರಾಣೇ ಮಾರ್ಕಣ್ಡೇಯಚರಿತಂ ನಾಮ ಏಕಾದಶೋಽಧ್ಯಾಯಃ ॥ ೧೧॥
Narasimhapurana adhyAya 11
https://archive.org/details/NarsimhaPuranGitapress
Proofread by Singanallur Ganesan singanallur at gmail.com
Please send corrections to sanskrit@cheerful.com
Last updated ತ್oday
http://sanskritdocuments.org
Vishnu Stavanam Lyrics in Kannada PDF
% File name : viShNustavanamArkaNDeyoktamNP.itx
% Location : doc\_vishhnu
% Language : Sanskrit
% Subject : philosophy/hinduism/religion
% Proofread by : Singanallur Ganesan singanallur at gmail.com
% Translated by : https://archive.org/details/NarsimhaPuranGitapress
% Description-comments : Narasimhapurana adhyAya 11
% Latest update : June 6, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : viShNustavanamArkaNDeyoktamNP.itx
% Location : doc\_vishhnu
% Language : Sanskrit
% Subject : philosophy/hinduism/religion
% Proofread by : Singanallur Ganesan singanallur at gmail.com
% Translated by : https://archive.org/details/NarsimhaPuranGitapress
% Description-comments : Narasimhapurana adhyAya 11
% Latest update : June 6, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website