{॥ శ్రీవిష్ణుస్తవరాజః ॥}
శ్రీ గణేశాయ నమః ।
పద్మోవాచ ।
యోగేన సిద్ధవిబుధైః పరిభావ్యమానం లక్ష్మ్యాలయం తులసికాచితభక్తభృఙ్గమ్ ।
ప్రోత్తుఙ్గరక్తనఖరాఙ్గులిపత్రచిత్రం గఙ్గారసం హరిపదామ్బుజమాశ్రయేఽహమ్ ॥ ౧॥

గుమ్ఫన్మణిప్రచయఘట్టితరాజహంససిఞ్జత్సునూపురయుతం పదపద్మవృన్దమ్ ।
పీతామ్బరాఞ్చలవిలోలచలత్పతాకం స్వర్ణత్రివక్రవలయం చ హరేః స్మరామి ॥ ౨॥

జంఘే సుర్పణగలనీలమణిప్రవృద్ధశోభాస్పదారుణమణిద్యుతిచఞ్చుమధ్యే ।
ఆరక్తపాదతలలమ్బనశోభమానే లోకేక్షణోత్సవకరే చ హరేః స్మరామి ॥ ౩॥

తే జానునీ మఖపతేర్భుజమూలసఙ్గరఙ్గోత్సవావృతతడిద్వసనే విచిత్రే ।
చఞ్చత్పతత్రిముఖనిర్గతసామగీతవిస్తారితాత్మయశసీ చ హరేః స్మరామి ॥ ౪॥

విష్ణోః కటిం విధికృతాన్తమనోజభూమిం జీవాణ్డకోశగణసఙ్గదుకూలమధ్యామ్ ।
నానాగుణప్రకృతిపీతవిచిత్రవస్త్రాం ధ్యాయే నిబద్ధవసనాం ఖగపృష్ఠసంస్థామ్ ॥ ౫॥

శాన్తోదరం భగవతస్త్రివలిప్రకాశమావర్తనాభివికసద్విధిజన్మపద్మమ్ ।
నాడీనదీగణరసోత్థసితాన్త్రసిన్ధుం ధ్యాయేఽణ్డకోశనిలయం తనులోమరేఖమ్ ॥ ౬॥

వక్షః పయోధితనయాకుచకుఙ్కుమేన హారేణ కౌస్తుభమణిప్రభయా విభాతమ్ ।
శ్రీవత్సలక్ష్మ హరిచన్దనజప్రసూనమాలోచితం భగవతః సుభగం స్మరామి ॥ ౭॥

బాహూ సువేషసదనౌ వలయాఙ్గదాదిశోభాస్పదౌ దురితదైత్యవినాశదక్షౌ ।
తౌ దక్షిణౌ భగవతశ్చ గదాసునాభతేజోర్జితౌ సులలితౌ మనసా స్మరామి ॥ ౮॥

వామౌ భుజౌ మురరిపోర్ధృతపద్మశఙ్ఖౌ శ్యామౌ కరీన్ద్రకరవన్మణిభూషణాఢ్యౌ ।
రక్తాఙ్గులిప్రచయచుమ్బితజానుమధ్యౌ పద్మాలయాప్రియకరౌ రుచిరౌ స్మరామి ॥ ౯॥

కణ్ఠం మృణాలమమలం ముఖపఙ్కజస్య లేఖాత్రయేణ వనమాలికయా నివీతమ్ ।
కింవా విముక్తివశమన్త్రకసత్ఫలస్య వృన్తం చిరం భగవతః సుభగం స్మరామి ॥ ౧౦॥

వక్త్రామ్బుజం దశనహాసవికాసరమ్యం రక్తాధరౌష్ఠవరకోమలవాక్సుధాఢ్యమ ।
సన్మానసోద్భవచలేక్షణపత్రచిత్రం లోకాభిరామమమలం చ హరేః స్మరామి ॥ ౧౧॥

సూరాత్మజావసథగన్ధమిదం సునాసం భ్రూపల్లవం స్థితిలయోదయకర్మదక్షమ్ ।
కామోత్సవం చ కమలాహృదయప్రకాశం సఞ్చిన్తయామి హరివక్త్రవిలాసదక్షమ్ ॥ ౧౨॥

కర్ణౌ లసన్మకరకుణ్డలగన్ధలోలౌ నానాదిశాం చ నభసశ్చ వికాసగేహమ్ ।
లోలాలకప్రచయచుమ్బనకుఞ్చితాగ్రౌ లగ్నౌ హరేర్మణికిరీటతటే స్మరామి ॥ ౧౩॥

భాలం విచిత్రతిలకం ప్రియచారుగన్ధగోరోచనారచనయా లలనాక్షిసఖ్యమ్ ।
బ్రహ్మైకధామమణికాన్తకిరీటజుష్టం ధ్యాయే మనోనయనహారకమీశ్వరస్య ॥ ౧౪॥

శ్రీవాసుదేవచికురం కుటిలం నిబద్ధం నానాసుగన్ధికుసుమైః స్వజనాదరేణ ।
దీర్ఘం రమాహృదయగాశమనం ధునన్తం ధ్యాయేఽమ్బువాహరుచిరం హృదయాబ్జమధ్యే ॥ ౧౫॥

మేఘాకారం సోమసూర్యప్రకాశం సుభ్రూన్నాసం శక్రచాపైకమానమ్ ।
లోకాతీతం పుణ్డరీకాయతాక్షం విద్యుచ్చైలం చాశ్రయేఽహం త్వపూర్వమ్ ॥ ౧౬॥

దీనం హీనం సేవయా దైవగత్యా పాపైస్తాపైః పూరితం మే శరీరమ్ ।
లోభాక్రాన్తం శోకమోహాదివిద్ధం కృపాదృష్ట్యా పాహి మాం వాసుదేవ ॥ ౧౭॥

యే భక్త్యాఽద్యాం ధ్యాయమానాం మనోజ్ఞాం వ్యక్తిం విష్ణోః షోడశశ్లోకపుష్పైః ।
స్తుత్వా నత్వా పూజయిత్వా విధిజ్ఞాః శుద్ధా ముక్తా బ్రహ్మసౌఖ్యం ప్రయాన్తి ॥ ౧౮॥

పద్మేరితమిదం పుణ్యం శివేన పరిభాషితమ్ ।
ధన్యం యశస్యమాయుష్యం స్వర్గ్యం స్వస్త్యయనం పరమ్ ॥ ౧౯॥

పఠన్తి యే మహాభాగాస్తే ముచ్యన్తేఽహసోఽఖిలాత్ ।
ధర్మార్థకామమోక్షాణాం పరత్రేహ ఫలప్రదమ్ ॥ ౨౦॥

। ఇతి శ్రీకల్కిపురాణేఽనుభాగవతే భవిష్యే పద్మాప్రోక్తో విష్ణుస్తవరాజః సమ్పూర్ణమ్।

Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated త్oday
http://sanskritdocuments.org

Vishnu Stavaraja ( From Kalki Puranam ) Lyrics in Telugu PDF
% File name : vishhnustavaaraja.itx
% Category : stavarAja
% Location : doc\_vishhnu
% Author : Traditional
% Language : Sanskrit
% Subject : philosophy/hinduism/religion
% Transliterated by : WebD
% Proofread by : Ravin Bhalekar ravibhalekar at hotmail.com
% Description-comments : kalkipurANa, bhAgavata, bhaviShya puraaNa
% Latest update : December 28, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website