{॥ శ్రీవిష్ణుస్తుతీ కణ్డుమునిప్రోక్త బ్రహ్మపురాణే ॥}
కణ్డురువాచ
నారాయణ హరే కృష్ణ శ్రీవత్సాఙ్క జగత్పతే ।
జగద్బీజ జగద్ధామ జగత్సాక్షిన్నమోఽస్తు తే ॥ ౧౭౮.౧౨౯॥

అవ్యక్త జిష్ణో ప్రభవ ప్రధానపురుషోత్తమ ।
పుణ్డరీకాక్ష గోవిన్ద లోకనాథ నమోఽస్తు తే ॥ ౧౭౮.౧౩౦॥

హిరణ్యగర్భ శ్రీనాథ పద్మనాభ సనాతన । var shrIdhAma
భూగర్భ ధ్రువ ఈశాన హృషీకేశ నమోఽస్తు తే ॥ ౧౭౮.౧౩౧॥

అనాద్యన్తామృతాజేయ జయ త్వం జయతాం వర ।
అజితాఖణ్డ శ్రీకృష్ణ శ్రీనివాస నమోఽస్తు తే ॥ ౧౭౮.౧౩౨॥ var ఖణ్డల కృష్ణ

pAThabehda
యోగాత్మన్నంప్రమేయాత్మఁల్లోకాత్మంస్త్వం సనాతనః ।
కూటస్థాచలదుర్జ్ఞేయ కుశేశాయ నమోఽస్తు తే ॥ ౬౯.౧౩౨॥

వరేణ్య వరదానన్త బ్రహ్మయోనే గుణాకర ।
ప్రలయోత్పత్తియోగేశ వాసుదేవ నమోఽస్తుతే తే ॥ ౬౯.౧౩౩॥

పర్జన్యధర్మకర్తా చ దుష్పార దురధిష్ఠిత ।
దుఃఖార్తినాశన హరే జలశాయిన్నమోఽస్తు తే ॥ ౧౭౮.౧౩౩॥

భూతపావ్యక్త భూతేశ భూతతత్త్వైరనాకుల ।
భూతాధివాస భూతాత్మన్భూతగర్భ నమోఽస్తు తే ॥ ౧౭౮.౧౩౪॥

యజ్ఞ యజ్వన్యజ్ఞధర యజ్ఞధాతాఽభయప్రద ।
యజ్ఞగర్భ హిరణ్యాఙ్గ పృశ్నిగర్భ నమోఽస్తు తే ॥ ౧౭౮.౧౩౫॥

క్షేత్రజ్ఞ క్షేత్రభృత్క్షేత్రీ క్షేత్రహా క్షేత్రకృద్వశీ ।
క్షేత్రాత్మన్క్షేత్రరహిత క్షేత్రస్రష్ట్రే నమోఽస్తు తే ॥ ౧౭౮.౧౩౬॥

గుణాలయ గుణావాస గుణాశ్రయ గుణావహ ।
గుణభోక్తృ గుణారామ గుణత్యాగిన్నమోఽస్తు తే ॥ ౧౭౮.౧౩౭॥

త్వం విష్ణుస్త్వం హరిశ్చక్రీ త్వం జిష్ణుస్త్వం జనార్దనః ।
త్వం భూతస్త్వం వషట్కారస్త్వం భవ్యస్త్వం భవత్ప్రభుః ॥ ౧౭౮.౧౩౮॥

త్వం భూతకృత్త్వమవ్యక్తస్త్వం భవో భూతభృద్భవాన్ ।
త్వం భూతభావనో దేవస్త్వామాహురజమీశ్వరమ్ ॥ ౧౭౮.౧౩౯॥

త్వమనన్తః కృతజ్ఞస్త్వం ప్రకృతిస్త్వం వృషాకపిః ।
త్వం రుద్రస్త్వం దురాధర్షస్త్వమమోఘస్త్వమీశ్వరః ॥ ౧౭౮.౧౪౦॥

త్వం విశ్వకర్మా జిష్ణుస్త్వం త్వం శంభుస్త్వం వృషాకృతిః ।
త్వం శంకరస్త్వముశనా త్వం సత్యం త్వం తపో జనః ॥ ౧౭౮.౧౪౧॥

త్వమాదిత్యస్త్వమోంకారస్త్వం ప్రాణస్త్వం తమిస్రహా ।
త్వం పర్జన్యస్త్వం ప్రథితస్త్వం త్వం జ్యేష్ఠస్త్వం పరాయణః ॥ ౧౭౮.౧౪౨॥

త్వమాదిత్యస్త్వమోంకారస్త్వం ప్రాణస్త్వం తమిస్రహా ।
త్వం పర్జన్యస్త్వం ప్రథితస్త్వం వేధాస్త్వం సురేశ్వరః ॥ ౧౭౮.౧౪౩॥

త్వమృగ్యజుః సామచైవ త్వమాత్మా సంమతో భవాన్ ।
త్వమగ్నిస్త్వం చ పవనస్త్వమాపో వసుధా భవాన్ ॥ ౧౭౮.౧౪౪॥

త్వం స్రష్టా త్వం తథా భోక్తా హోతా త్వం చ హవిః క్రతుః ।
త్వం ప్రభుస్త్వం విభుః శ్రేష్ఠస్త్వం లోకపతిరచ్యుతః ॥ ౧౭౮.౧౪౫॥

త్వం సర్వదర్శనః శ్రీమాంస్త్వం సర్వదమనోఽరిహా ।
త్వమహస్త్వం తథారాత్రిస్త్వామాహుర్వత్సరం బుధాః ॥ ౧౭౮.౧౪౬॥

త్వం కాలస్త్వం కలా కాష్ఠా త్వం ముహూర్తః క్షణాలవాః ।
త్వం బాలస్త్వం తథా వృద్ధస్త్వం పుమాన్స్త్రీ నపుంసకః ॥ ౧౭౮.౧౪౭॥

pAThabehda
త్వం విశ్వయోనిస్త్వం చక్షుస్త్వం స్థాణూస్త్వం శుచిశ్రవాః ।
త్వం శాశ్వతస్త్వమజితస్త్వముపేన్ద్రస్త్వముత్తమః ॥ ౬౯.౧౪౯॥

త్వం సర్వవిశ్వసుఖదస్త్వం వేదాఙ్గం త్వమవ్యయః ।
త్వం వేదవేదస్త్వం ధాతా విధాతా త్వం సమాహితః ॥ ౧౭౮.౧౪౮॥ ౬౯.౧౫౦

త్వం జలనిధిరామూలం త్వం ధాతా త్వం పునర్వసుః । var అగద్యోనిర్మూలస్త్వం
త్వం వైద్యస్త్వం ధృతాత్మా చ త్వమతీన్ద్రియగోచరః ॥ ౧౭౮.౧౪౯॥

త్వమగ్రణీర్గ్రామణీస్త్వం త్వం సుపర్ణస్త్వమాదిమాన్ ।
త్వం సంగ్రహస్త్వం సుమహత్త్వం ధృతాత్మా త్వమచ్యుతః ॥ ౧౭౮.౧౫౦॥

త్వం యమస్త్వం చ నియమస్త్వం ప్రాంశుస్త్వం చతుర్భుజః ।
త్వమేవాన్నాన్తరాత్మా త్వం పరమాత్మా త్వముచ్యసే ॥ ౧౭౮.౧౫౧॥

త్వం గురుస్త్వం గురుతమోస్త్వం వామస్త్వం ప్రదక్షిణః ।
త్వం పిప్పలస్త్వమగమస్త్వం వ్యక్తస్త్వం ప్రజాపతిః ॥ ౧౭౮.౧౫౨॥

హిరణ్యనాభస్త్వం దేవస్త్వం శశీ త్వం ప్రజాపతిః ।
అనిర్దేశ్యవపుస్త్వం వై త్వం యమస్త్వం సురారిహా ॥ ౧౭౮.౧౫౩॥

త్వం చ సంకర్షణో దేవస్త్వం శశీ త్వం ప్రజాపతిః ।
త్వం వాసుదేవోఽమేయాత్మా త్వమేవ గుణవర్జితః ॥ ౧౭౮.౧౫౪॥

త్వం జ్యేష్ఠస్త్వం వరిష్ఠస్త్వం త్వం సహిష్ణుశ్చ మాధవః ।
సహస్రశీర్షా త్వం దేవస్త్వమవ్యక్తః సహస్రదృక్ ॥ ౧౭౮.౧౫౫॥

సహస్రపాదస్త్వం దేవస్త్వం విరాట్త్వం సురప్రభుః ।
త్వమేవ తిష్ఠసే భూయో దేవదేవ దశాఙ్గులః ॥ ౧౭౮.౧౫౬॥

యద్భూతం తత్త్వమేవోక్తః పురుషః శక్త ఉత్తమః ।
యద్భవ్యం తత్త్వమీశానస్త్వమృతస్త్వం తథాఽమృతః ॥ ౧౭౮.౧౫౭॥

త్వత్తో రోహత్యయం లోకో మహీయాంస్త్వమనుత్తమః ।
త్వం జ్యాయాన్పురుషస్త్వం చ త్వం దేవ దశధా స్థితః ॥ ౧౭౮.౧౫౮॥

విశ్వభూతశ్చతుర్భాగో నవభాగోఽమృతో దివి ।
నవభాగోఽన్తరిక్షస్థః పౌరుషేయః సనాతనః ॥ ౧౭౮.౧౫౯॥

భాగద్వయం య భూసంస్థం చతుర్భాగోఽప్యభూదిహ ।
త్వత్తో యజ్ఞాః సంభవన్తి జగతో వృష్టికారణమ్ ॥ ౧౭౮.౧౬౦॥

త్వత్తో విరాట్సముత్పన్నో జగతో హృది యః పుమాన్ ।
సోఽతిరిచ్యత భూతేభ్యస్తేజసా యశసా శ్రియా ॥ ౧౭౮.౧౬౧॥

త్వత్తః సురాణామాహారః పృషదాజ్యమజాయత ।
గ్రామ్యారణ్యాశ్చౌషధయస్త్వత్తః పశుమృగాదయః ॥ ౧౭౮.౧౬౨॥

ధ్యేయధ్యానపరస్త్వం చ కృతవానసి చౌషధీః ।
త్వం దేవదేవ సప్తాస్య కాలాఖ్యో దీప్తవిగ్రహః ॥ ౧౭౮.౧౬౩॥

జఙ్గమాజఙ్గమం సర్వం జగదేతచ్చరాచరమ్ ।
త్వత్తః సర్వమిదం జాతం త్వయి సర్వం ప్రతిష్ఠితమ్ ॥ ౧౭౮.౧౬౪॥

అనిరుద్ధస్త్వం మాధవస్త్వం ప్రద్యుమ్నః సురారిహా ।
దేవ సర్వసురశ్రేష్ఠ సర్వలోకపరాయణ ॥ ౧౭౮.౧౬౫॥

త్రాహి మామరవిన్దాక్ష నారాయణ నమోఽస్తు తే ।
నమస్తే భగవన్విష్ణో నమస్తే పురుషోత్తమ ॥ ౧౭౮.౧౬౬॥

నమస్తే సర్వలోకేశ నమస్తే కమలాలయ ।
గుణాలయ నమస్తేఽస్తు నమస్తేఽస్తు గుణాకర ॥ ౧౭౮.౧౬౭॥

వాసుదేవ నమస్తేఽస్తు నమస్తేఽస్తు సురోత్తమ ।
జనార్దన నమస్తేఽస్తు నమస్తేఽస్తు సనాతన ॥ ౧౭౮.౧౬౮॥

నమస్తే యోగినాం గమ్య యోగావాస నమోఽస్తు తే ।
గోపతే శ్రీపతే విష్ణో నమస్తేఽస్తు మరుత్పతే ॥ ౧౭౮.౧౬౯॥

జగత్పతే జగత్సూతే నమస్తే జ్ఞానినాం పతే ।
దివస్పతే నమస్తేఽస్తు నమస్తేఽస్తు మహీపతే ॥ ౧౭౮.౧౭౦॥

నమస్తే మధుహన్త్రే చ నమస్తే పుష్కరేక్షణ ।
కైటభఘ్న నమస్తేఽస్తు సుబ్రహ్మణ్య నమోఽస్తు తే ॥ ౧౭౮.౧౭౧॥

నమోఽస్తు తే మహామీన శ్రుతిపృష్ఠధరాచ్యుత ।
సముద్రసలిలక్షోభ పద్మజాహ్లాదకారిణే ॥ ౧౭౮.౧౭౨॥

అశ్వశీర్ష మహాఘోణ మహాపురుషవిగ్రహ ।
మధుకైటభహన్త్రే చ నమస్తే తురగానన ॥ ౧౭౮.౧౭౩॥

మహాకమఠభోగాయ పృథివ్యుద్ధరణాయ చ ।
విధృతాద్రిస్వరూపాయ మహాకూర్మాయ తే నమః ॥ ౧౭౮.౧౭౪॥

నమో మహావరాహాయ పృథివ్యుద్ధారకారిణే ।
నమశ్చాఽఽదివరాహాయ విశ్వరూపాయ వేధసే ॥ ౧౭౮.౧౭౫॥

నమోఽనన్తాయ సూక్ష్మాయ ముఖ్యాయ చ వరాయ చ ।
పరమాణుస్వరూపాయ యోగిగమ్యాయ తే నమః ॥ ౧౭౮.౧౭౬॥

తస్మై నమః పరమ కారణకారణాయ
యోగీన్ద్రవృత్తనిలయాయ సుదుర్విదాయ ।
క్షీరార్ణవాశ్రితమహాహిసుతల్పగాయ
తుభ్యం నమః కనకరత్నసుకుణ్డలాయ ॥ ౧౭౮.౧౭౭ ॥

ఇతి ।
బ్రహ్మపురాణ అధ్యాయ ౧౭౮, ౧౨౯-౧౭౭, అధ్యాయ శ్లోక సఙ్ఖ్యా ౧౯౪

Brahmapurana Adhyaya 178, verses 129-177
In http://archive.org/details/BrahmaPurana, the adhyAya is 69
PDF pages 204-215. Verses 128-179
Proofread by Singanallur Ganesan singanallur at gmail.com

Please send corrections to sanskrit@cheerful.com
Last updated త్oday
http://sanskritdocuments.org

Vishnu Stuti ( By Kandu Rishi ) Lyrics in Telugu PDF
% File name : viShNustutikaNDuproktabrahmapurANa.itx
% Location : doc\_vishhnu
% Language : Sanskrit
% Subject : philosophy/hinduism/religion
% Transliterated by : sa.wikisource.org
% Proofread by : Singanallur Ganesan singanallur at gmail.com
% Translated by : http://www.astrojyoti.com/brahmapurana-11.htm
% Description-comments : Brahmapurana Adhyaya 178, verses 129-177
% Latest update : July 2, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website