% File name             : viShNustotrabrahmoktanarasimhapurANa.itx
% Location              : doc\_vishhnu
% Language              : Sanskrit
% Subject               : philosophy/hinduism/religion
% Proofread by          : Singanallur Ganesan singanallur at gmail.com
% Translated by         : https://archive.org/details/NarsimhaPuranGitapress
% Description-comments  : Narasimhapurana adhyAya 53
% Latest update         : June 6, 2013
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIviShNustotraM brahmoktaM narasiMhapurANe ..}##
\itxtitle{.. shrIviShNustotram brahmoktaM narasiMhapurANe ..}##\endtitles ##
\section{.. shrIviShNustotram brahmoktaM narasiMhapurANe ..}

rAjovAcha \-\-
vAkpuShpeNa kathaM brahman brahmApyarchitavAn harim |
tanme kathaya viprendra brahmoktaM stotramuttamam ||
mArkaNDeya uvAcha \-\-
shrR^iNu rAjan pravakShyAmi stotraM brahmamukheritam |
sarvapApaharaM puNyaM viShNutuShTikaraM param ||
tamArAdhya jagannAthamUrdhvabAhuH pitAmahaH |
bhUtvaikAgramanA rAjannidaM stotramudIrayat ||
brahmovAcha \-\-
namAmi devaM naranAthamachyutaM nArAyaNaM lokaguruM sanAtanam |
anAdimavyaktamachintyamavyayaM vedAntavedyaM puruShottamaM harim || 1||
AnandarUpaM paramaM parAtparaM chidAtmakaM j~nAnavatAM parAM gatim |
sarvAtmakaM sarvagataikarUpaM dhyeyasvarUpaM praNamAmi mAdhavam || 2||
bhaktapriyaM kAntamatIva nirmalaM surAdhipaM sUrijanairabhiShTutam |
chaturbhujaM nIrajavarNamIshvaraM rathA~NgapANiM praNato.asmi keshavam || 3||
gadAsisha~NkhAbjakaraM shriyaH patiM sadAshivaM shAr~NgadharaM raviprabham |
pItAmbaraM hAravirAjitodaraM namAmi viShNuM satataM kirITinam || 4||
gaNDasthalAsaktasuraktakuNDalaM sudIpitAsheShadishaM nijatviShA |
gandharvasiddhairupagItamR^igdhvaniM janArdanaM bhUtapatiM namAmi tam || 5||
hatvAsurAn pAti yuge yuge surAn svadharmasaMsthAn bhuvi saMsthito hariH |
karoti sR^iShTiM jagataH kShayaM yastaM vAsudevaM praNato.asmi keshavam || 6||
yo matsyarUpeNa rasAtalasthitAn vedAn samAhR^itya mama pradattavAn |
nihatya yuddhe madhukaiTabhAvubhau taM vedavedyaM praNato.asmyahaM sadA || 7||
devAsuraiH kShIrasamudramadhyato nyasto giriryena dhR^itaH purA mahAn |
hitAya kaurmaM vapurAsthito yastaM viShNumAdyaM praNato.asmi bhAskaram || 8||
hatvA hiraNyAkShamatIva darpitaM varAharUpI bhagavAn sanAtanaH |
yo bhUmimetAM sakalAM samuddharaMstaM vedamUrtiM praNamAmi sUkaram || 9||
kR^itvA nR^isiMhaM vapurAtmanaH paraM hitAya lokasya sanAtano hariH
jaghAna yastIkShNanakhairditeH sutaM taM nArasiMhaM puruShaM namAmi || 10||
yo vAmano.asau bhagavA~njanArdano baliM babandha tribhirUrjitaiH padaiH |
jagatrayaM kramya dadau puraMdare tadevamAdyaM praNato.asmi vAmanam || 11||
yaH kArtavIryaM nijaghAna roShAt trissaptakR^itvaH kShitipAtmajAnapi |
taM jAmadagnyaM kShitibhAranAshakaM nato.asmi viShNuM puruShottamaM sadA || 12||
setuM mahAntaM jaladhau babandha yaH samprApya la~NkAM sagaNaM dashAnanam |
jaghAna bhR^ityai jagatAM sanAtanaM taM rAmadevaM satataM nato.asmi || 13||
yathA tu vArAhanR^isiMharUpaiH kR^itaM tvayA deva hitaM surANAm |
tathAdya bhUmeH kuru bhArahAniM prasIda viShNo bhagavannamaste || 14||

iti brahmoktaM viShNustotraM |

shrImArkaNDeya uvAcha \-\-
iti stuto jagannAthaH shrIdharaH padmayoninA |
AvirbabhUva bhagavA~nsha~NkhachakragadAdharaH ||
uvAcha cha hR^iShIkeshaH padmayoniM surAnapi |
stutyAnayAhaM saMtuShTaH pitAmaha divaukasaH ||
paThatAM pApanAshAya nR^iNAM bhaktimatAmapi |
yato.asmi prakaTIbhUto durlabho.api hariH surAH ||

sa~NkShiptaM\, adhyAye shloka sa.nkhyA 68
shrInarasiMhapurANe kRRiShNAprAdurbhAvo nAma tripa~nchAsho.adhyAyaH || 53||
##

From Narasimhapurana adhyAya 53  Selected verses.
https://archive.org/details/NarsimhaPuranGitapress

Proofread by Singanallur Ganesan singanallur at gmail.com


\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}