{॥ ಋಣಮೋಚಕಮಙ್ಗಲಸ್ತೋತ್ರಮ್ ॥}
ಶ್ರೀಗಣೇಶಾಯ ನಮಃ॥

ಮಙ್ಗಲೋ ಭೂಮಿಪುತ್ರಶ್ಚ ಋಣಹರ್ತಾ ಧನಪ್ರದಃ ।
ಸ್ಥಿರಾಸನೋ ಮಹಾಕಾಯಃ ಸರ್ವಕರ್ಮವಿರೋಧಕಃ ॥ ೧॥

ಲೋಹಿತೋ ಲೋಹಿತಾಕ್ಷಶ್ಚ ಸಾಮಗಾನಾಂ ಕೃಪಾಕರಃ ।
ಧರಾತ್ಮಜಃ ಕುಜೋ ಭೌಮೋ ಭೂತಿದೋ ಭೂಮಿನನ್ದನಃ ॥ ೨॥

ಅಙ್ಗಾರಕೋ ಯಮಶ್ಚೈವ ಸರ್ವರೋಗಾಪಹಾರಕಃ ।
ವೃಷ್ಟೇಃ ಕರ್ತಾಽಪಹರ್ತಾ ಚ ಸರ್ವಕಾಮಫಲಪ್ರದಃ ॥ ೩॥

ಏತಾನಿ ಕುಜನಾಮಾನಿ ನಿತ್ಯಂ ಯಃ ಶ್ರದ್ಧಯಾ ಪಠೇತ್ ।
ಋಣಂ ನ ಜಾಯತೇ ತಸ್ಯ ಧನಂ ಶೀಘ್ರಮವಾಪ್ನುಯಾತ್ ॥ ೪॥

ಧರಣೀಗರ್ಭಸಮ್ಭೂತಂ ವಿದ್ಯುತ್ಕಾನ್ತಿಸಮಪ್ರಭಮ್ ।
ಕುಮಾರಂ ಶಕ್ತಿಹಸ್ತಂ ಚ ಮಙ್ಗಲಂ ಪ್ರಣಮಾಮ್ಯಹಮ್ ॥ ೫॥

ಸ್ತೋತ್ರಮಙ್ಗಾರಕಸ್ಯೈತತ್ಪಠನೀಯಂ ಸದಾ ನೃಭಿಃ ।
ನ ತೇಷಾಂ ಭೌಮಜಾ ಪೀಡಾ ಸ್ವಲ್ಪಾಽಪಿ ಭವತಿ ಕ್ವಚಿತ್ ॥ ೬॥

ಅಙ್ಗಾರಕ ಮಹಾಭಾಗ ಭಗವನ್ಭಕ್ತವತ್ಸಲ ।
ತ್ವಾಂ ನಮಾಮಿ ಮಮಾಶೇಷಮೃಣಮಾಶು ವಿನಾಶಯ ॥ ೭॥

ಋಣರೋಗಾದಿದಾರಿದ್ರ್ಯಂ ಯೇ ಚಾನ್ಯೇ ಹ್ಯಪಮೃತ್ಯವಃ ।
ಭಯಕ್ಲೇಶಮನಸ್ತಾಪಾ ನಶ್ಯನ್ತು ಮಮ ಸರ್ವದಾ ॥ ೮॥

ಅತಿವಕ್ತ್ರ ದುರಾರಾರ್ಧ್ಯ ಭೋಗಮುಕ್ತ ಜಿತಾತ್ಮನಃ ।
ತುಷ್ಟೋ ದದಾಸಿ ಸಾಮ್ರಾಜ್ಯಂ ರುಷ್ಟೋ ಹರಸಿ ತತ್ಕ್ಷಣಾತ್ ॥ ೯॥

ವಿರಿಂಚಿಶಕ್ರವಿಷ್ಣೂನಾಂ ಮನುಷ್ಯಾಣಾಂ ತು ಕಾ ಕಥಾ ।
ತೇನ ತ್ವಂ ಸರ್ವಸತ್ತ್ವೇನ ಗ್ರಹರಾಜೋ ಮಹಾಬಲಃ ॥ ೧೦॥

ಪುತ್ರಾನ್ದೇಹಿ ಧನಂ ದೇಹಿ ತ್ವಾಮಸ್ಮಿ ಶರಣಂ ಗತಃ ।
ಋಣದಾರಿದ್ರ್ಯದುಃಖೇನ ಶತ್ರೂಣಾಂ ಚ ಭಯಾತ್ತತಃ ॥ ೧೧॥

ಏಭಿರ್ದ್ವಾದಶಭಿಃ ಶ್ಲೋಕೈರ್ಯಃ ಸ್ತೌತಿ ಚ ಧರಾಸುತಮ್ ।
ಮಹತಿಂ ಶ್ರಿಯಮಾಪ್ನೋತಿ ಹ್ಯಪರೋ ಧನದೋ ಯುವಾ ॥ ೧೨॥


Encoded and proofread by Aneesh Chinubhai aconline@indiatimes.com

Please send corrections to sanskrit@cheerful.com
Last updated ತ್oday
http://sanskritdocuments.org

Runamochaka Mangala Stotram Lyrics in Kannada PDF
% File name : mangalastotra.itx
% Location : doc\_z\_misc\_navagraha
% Author : traditional
% Language : Sanskrit
% Subject : philosophy/hinduism/astrology/jyotish
% Transliterated by : Aneesh Chinubhai aconline at indiatimes.com
% Proofread by : Aneesh Chinubhai aconline at indiatimes.com
% Latest update : May 10, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website