{॥ ఋణమోచకమఙ్గలస్తోత్రమ్ ॥}
శ్రీగణేశాయ నమః॥

మఙ్గలో భూమిపుత్రశ్చ ఋణహర్తా ధనప్రదః ।
స్థిరాసనో మహాకాయః సర్వకర్మవిరోధకః ॥ ౧॥

లోహితో లోహితాక్షశ్చ సామగానాం కృపాకరః ।
ధరాత్మజః కుజో భౌమో భూతిదో భూమినన్దనః ॥ ౨॥

అఙ్గారకో యమశ్చైవ సర్వరోగాపహారకః ।
వృష్టేః కర్తాఽపహర్తా చ సర్వకామఫలప్రదః ॥ ౩॥

ఏతాని కుజనామాని నిత్యం యః శ్రద్ధయా పఠేత్ ।
ఋణం న జాయతే తస్య ధనం శీఘ్రమవాప్నుయాత్ ॥ ౪॥

ధరణీగర్భసమ్భూతం విద్యుత్కాన్తిసమప్రభమ్ ।
కుమారం శక్తిహస్తం చ మఙ్గలం ప్రణమామ్యహమ్ ॥ ౫॥

స్తోత్రమఙ్గారకస్యైతత్పఠనీయం సదా నృభిః ।
న తేషాం భౌమజా పీడా స్వల్పాఽపి భవతి క్వచిత్ ॥ ౬॥

అఙ్గారక మహాభాగ భగవన్భక్తవత్సల ।
త్వాం నమామి మమాశేషమృణమాశు వినాశయ ॥ ౭॥

ఋణరోగాదిదారిద్ర్యం యే చాన్యే హ్యపమృత్యవః ।
భయక్లేశమనస్తాపా నశ్యన్తు మమ సర్వదా ॥ ౮॥

అతివక్త్ర దురారార్ధ్య భోగముక్త జితాత్మనః ।
తుష్టో దదాసి సామ్రాజ్యం రుష్టో హరసి తత్క్షణాత్ ॥ ౯॥

విరించిశక్రవిష్ణూనాం మనుష్యాణాం తు కా కథా ।
తేన త్వం సర్వసత్త్వేన గ్రహరాజో మహాబలః ॥ ౧౦॥

పుత్రాన్దేహి ధనం దేహి త్వామస్మి శరణం గతః ।
ఋణదారిద్ర్యదుఃఖేన శత్రూణాం చ భయాత్తతః ॥ ౧౧॥

ఏభిర్ద్వాదశభిః శ్లోకైర్యః స్తౌతి చ ధరాసుతమ్ ।
మహతిం శ్రియమాప్నోతి హ్యపరో ధనదో యువా ॥ ౧౨॥


Encoded and proofread by Aneesh Chinubhai aconline@indiatimes.com

Please send corrections to sanskrit@cheerful.com
Last updated త్oday
http://sanskritdocuments.org

Runamochaka Mangala Stotram Lyrics in Telugu PDF
% File name : mangalastotra.itx
% Location : doc\_z\_misc\_navagraha
% Author : traditional
% Language : Sanskrit
% Subject : philosophy/hinduism/astrology/jyotish
% Transliterated by : Aneesh Chinubhai aconline at indiatimes.com
% Proofread by : Aneesh Chinubhai aconline at indiatimes.com
% Latest update : May 10, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website