{॥ ଶନୈଶ୍ଚରସ୍ତଵରାଜଃ ॥}
ଶ୍ରୀ ଗଣେଶାଯ ନମଃ ॥

ନାରଦ ଉଵାଚ ॥

ଧ୍ଯାତ୍ଵା ଗଣପତିଂ ରାଜା ଧର୍ମରାଜୋ ଯୁଧିଷ୍ଠିରଃ ।
ଧୀରଃ ଶନୈଶ୍ଚରସ୍ଯେମଂ ଚକାର ସ୍ତଵମୁତ୍ତମମ ॥ ୧॥

ଶିରୋ ମେଂ ଭାସ୍କରିଃ ପାତୁ ଭାଲଂ ଛାଯାସୁତୋଽଵତୁ ।
କୋଟରାକ୍ଷୋ ଦୃଶୌ ପାତୁ ଶିଖିକଣ୍ଠନିଭଃ ଶ୍ରୁତୀ ॥ ୨॥

ଘ୍ରାଣଂ ମେ ଭୀଷଣଃ ପାତୁ ମୁଖଂ ବଲିମୁଖୋଽଵତୁ ।
ସ୍କନ୍ଧୌ ସଂଵର୍ତକଃ ପାତୁ ଭୁଜୌ ମେ ଭଯଦୋଽଵତୁ ॥ ୩॥

ସୌରିର୍ମେ ହୃଦଯଂ ପାତୁ ନାଭିଂ ଶନୈଶ୍ଚରୋଽଵତୁ ।
ଗ୍ରହରାଜଃ କଟିଂ ପାତୁ ସର୍ଵତୋ ରଵିନନ୍ଦନଃ ॥ ୪॥

ପାଦୌ ମନ୍ଦଗତିଃ ପାତୁ କୃଷ୍ଣଃ ପାତ୍ଵଖିଲଂ ଵପୁଃ ।
ରକ୍ଷାମେତାଂ ପଠେନ୍ନିତ୍ଯଂ ସୌରେର୍ନାମବଲୈର୍ଯୁତାମ୍ ॥ ୫॥

ସୁଖୀ ପୁତ୍ରୀ ଚିରାଯୁଶ୍ଚ ସ ଭଵେନ୍ନାତ୍ର ସଂଶଯଃ ।
ସୌରିଃ ଶନୈଶ୍ଚରଃ କୃଷ୍ଣୋ ନୀଲୋତ୍ପଲନିଭଃ ଶନିଃ ॥ ୬॥

ଶୁଷ୍କୋଦରୋ ଵିଶାଲାକ୍ଷୋ ର୍ଦୁନିରୀକ୍ଷ୍ଯୋ ଵିଭୀଷଣଃ ।
ଶିଖିକଣ୍ଠନିଭୋ ନୀଲଶ୍ଛାଯାହୃଦଯନନ୍ଦନଃ ॥ ୭॥

କାଲଦୃଷ୍ଟିଃ କୋଟରାକ୍ଷଃ ସ୍ଥୂଲରୋମାଵଲୀମୁଖଃ ।
ଦୀର୍ଘୋ ନିର୍ମାଂସଗାତ୍ରସ୍ତୁ ଶୁଷ୍କୋ ଘୋରୋ ଭଯାନକଃ ॥ ୮॥

ନୀଲାଂଶୁଃ କ୍ରୋଧନୋ ରୌଦ୍ରୋ ଦୀର୍ଘଶ୍ମଶ୍ରୁର୍ଜଟାଧରଃ ।
ମନ୍ଦୋ ମନ୍ଦଗତିଃ ଖଂଜୋ ତୃପ୍ତଃ ସଂଵର୍ତକୋ ଯମଃ ॥ ୯॥orଅତୃପ୍ତଃ

ଗ୍ରହରାଜଃ କରାଲୀ ଚ ସୂର୍ଯପୁତ୍ରୋ ରଵିଃ ଶଶୀ ।
କୁଜୋ ବୁଧୋ ଗୁରୂଃ କାଵ୍ଯୋ ଭାନୁଜଃ ସିଂହିକାସୁତଃ ॥ ୧୦॥

କେତୁର୍ଦେଵପତିର୍ବାହୁଃ କୃତାନ୍ତୋ ନୈଋତସ୍ତଥା ।
ଶଶୀ ମରୂତ୍କୁବେରଶ୍ଚ ଈଶାନଃ ସୁର ଆତ୍ମଭୂଃ ॥ ୧୧॥

ଵିଷ୍ଣୁର୍ହରୋ ଗଣପତିଃ କୁମାରଃ କାମ ଈଶ୍ଵରଃ ।
କର୍ତା ହର୍ତା ପାଲଯିତା ରାଜ୍ଯଭୁଗ୍ ରାଜ୍ଯଦାଯକଃ ॥ ୧୨॥orରାଜ୍ଯେଶୋ

ଛାଯାସୁତଃ ଶ୍ଯାମଲାଙ୍ଗୋ ଧନହର୍ତା ଧନପ୍ରଦଃ ।
କ୍ରୂରକର୍ମଵିଧାତା ଚ ସର୍ଵକର୍ମାଵରୋଧକଃ ॥ ୧୩॥

ତୁଷ୍ଟୋ ରୂଷ୍ଟଃ କାମରୂପଃ କାମଦୋ ରଵିନନ୍ଦନଃ ।
ଗ୍ରହପୀଡାହରଃ ଶାନ୍ତୋ ନକ୍ଷତ୍ରେଶୋ ଗ୍ରହେଶ୍ଵରଃ ॥ ୧୪॥

ସ୍ଥିରାସନଃ ସ୍ଥିରଗତିର୍ମହାକାଯୋ ମହାବଲଃ ।
ମହାପ୍ରଭୋ ମହାକାଲଃ କାଲାତ୍ମା କାଲକାଲକଃ ॥ ୧୫॥

ଆଦିତ୍ଯଭଯଦାତା ଚ ମୃତ୍ଯୁରାଦିତ୍ଯନଂଦନଃ ।
ଶତଭିଦ୍ରୁକ୍ଷଦଯିତା ତ୍ରଯୋଦଶିତିଥିପ୍ରିଯଃ ॥ ୧୬॥

ତିଥ୍ଯାତ୍ମା ତିଥିଗଣନୋ ନକ୍ଷତ୍ରଗଣନାଯକଃ ।orତିଥ୍ଯାତ୍ମକସ୍ତିଥିଗଣୋ
ଯୋଗରାଶିର୍ମୁହୂର୍ତାତ୍ମା କର୍ତା ଦିନପତିଃ ପ୍ରଭୁଃ ॥ ୧୭॥

ଶମୀପୁଷ୍ପପ୍ରିଯଃ ଶ୍ଯାମସ୍ତ୍ରୈଲୋକ୍ଯାଭଯଦାଯକଃ ।
ନୀଲଵାସାଃ କ୍ରିଯାସିନ୍ଧୁର୍ନୀଲାଞ୍ଜନଚଯଚ୍ଛଵିଃ ॥ ୧୮॥

ସର୍ଵରୋଗହରୋ ଦେଵଃ ସିଦ୍ଧୋ ଦେଵଗଣସ୍ତୁତଃ ।
ଅଷ୍ଟୋତ୍ତରଶତଂ ନାମ୍ନାଂ ସୌରେଶ୍ଛାଯାସୁତସ୍ଯ ଯଃ ॥ ୧୯॥

ପଠେନ୍ନିତ୍ଯଂ ତସ୍ଯ ପୀଡା ସମସ୍ତା ନଶ୍ଯତି ଧ୍ରୁଵମ୍ ।
କୃତ୍ଵା ପୂଜାଂ ପଠେନ୍ମର୍ତ୍ଯୋ ଭକ୍ତିମାନ୍ଯଃ ସ୍ତଵଂ ସଦା ॥ ୨୦॥

ଵିଶେଷତଃ ଶନିଦିନେ ପୀଡା ତସ୍ଯ ଵିନଶ୍ଯତି ।
ଜନ୍ମଲଗ୍ନେ ସ୍ଥିତିର୍ଵାପି ଗୋଚରେ କ୍ରୂରରାଶିଗେ ॥ ୨୧॥

ଦଶାସୁ ଚ ଗତେ ସୌରେ ତଦା ସ୍ତଵମିମଂ ପଠେତ୍ ।
ପୂଜଯେଦ୍ଯଃ ଶନିଂ ଭକ୍ତ୍ଯା ଶମୀପୁଷ୍ପାକ୍ଷତାମ୍ବରୈଃ ॥ ୨୨॥

ଵିଧାଯ ଲୋହପ୍ରତିମାଂ ନରୋ ଦୁଃଖାଦ୍ଵିମୁଚ୍ଯତେ ।
ଵାଧା ଯାଽନ୍ଯଗ୍ରହାଣାଂ ଚ ଯଃ ପଠେତ୍ତସ୍ଯ ନଶ୍ଯତି ॥ ୨୩॥

ଭୀତୋ ଭଯାଦ୍ଵିମୁଚ୍ଯେତ ବଦ୍ଧୋ ମୁଚ୍ଯେତ ବନ୍ଧନାତ୍ ।
ରୋଗୀ ରୋଗାଦ୍ଵିମୁଚ୍ଯେତ ନରଃ ସ୍ତଵମିମଂ ପଠେତ୍ ॥ ୨୪॥

ପୁତ୍ରଵାନ୍ଧନଵାନ୍ ଶ୍ରୀମାନ୍ ଜାଯତେ ନାତ୍ର ସଂଶଯଃ ॥ ୨୫॥

ନାରଦ ଉଵାଚ ॥

ସ୍ତଵଂ ନିଶମ୍ଯ ପାର୍ଥସ୍ଯ ପ୍ରତ୍ଯକ୍ଷୋଽଭୂଚ୍ଛନୈଶ୍ଚରଃ ।
ଦତ୍ତ୍ଵା ରାଜ୍ଞେ ଵରଃ କାମଂ ଶନିଶ୍ଚାନ୍ତର୍ଦଧେ ତଦା ॥ ୨୬॥

॥ ଇତି ଶ୍ରୀ ଭଵିଷ୍ଯପୁରାଣେ ଶନୈଶ୍ଚରସ୍ତଵରାଜଃ ସମ୍ପୂର୍ଣଃ ॥

Visit http://www.webdunia.com for additional texts with Hindi meanings.

Please send corrections to sanskrit@cheerful.com
Last updated ତ୍oday
http://sanskritdocuments.org

Shanaishchara Stavaraja Lyrics in Oriya PDF
% File name : shanaishcharastava.itx
% Location : doc\_z\_misc\_navagraha
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.webdunia.com
% Proofread by : N.A.
% Description-comments : bhaviShyapurANa
% Latest update : February 22, 2003
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website