{॥ ಶ್ರೀಶಾಸ್ತಾಕೇಶಾದಿಪಾದನ್ತ ವರ್ಣನಸ್ತೋತ್ರಮ್ ॥}
ಆಶಾನುರೂಪಫಲದಂ ಚರಣಾರವಿನ್ದ-
ಭಾಜಾಮಪಾರಕರುಣಾರ್ಣವ ಪೂರ್ಣ ಚನ್ದ್ರಮ್ ।
ನಾಶಾಯ ಸರ್ವವಿಪದಾಮಪಿ ನೌಮಿ ನಿತ್ಯ-
ಮೀಶಾನಕೇಶವಭವಂ ಭುವನೈಕನಾಥಮ್ ॥ ೧

ಪಿಞ್ಛಾವಲೀ ವಲಯಿತಾಕಲಿತ ಪ್ರಸೂನ-
ಸಞ್ಜಾತ ಕಾನ್ತಿಭರ ಭಾಸುರ ಕೇಶಭಾರಮ್ ।
ಶಿಜ್ಞಾನ ಮಞ್ಜುಮಣಿಭೂಷಣ ರಞ್ಜಿತಾಙ್ಗಂ
ಚನ್ದ್ರಾವತಂ ಸಹರಿನನ್ದನಮಾಶ್ರಯಾಮಿ ॥ ೨

ಆಲೋಲನೀಲಲಲಿತಾಳುಕ ಹಾರರಮ್ಯ-
ಮಾಕಮ್ರನಾಸಮರುಣಾಧರಮಾಯತಾಕ್ಷಮ್ ।
ಆಲಂಬನಂ ತ್ರಿಜಗತಾಂ ಪ್ರಮಥಾಧಿನಾಥಂ
ಮಾನಮ್ರಲೋಕ ಹರಿನನ್ದನಮಾಶ್ರಯಾಮಿ ॥ ೩

ಕರ್ಣಾವಲಂಬಿಮಣಿಕುಣ್ಡಲ ಭಾಸಮಾನ
ಗಣ್ಡಸ್ಥಲಂ ಸಮುದಿತಾನನ ಪುಣ್ಡರೀಕಮ್ ।
ಅರ್ಣೋಜನಾಭಹರಯೋರಿವ ಮೂರ್ತಿಮನ್ತಂ
ಪುಣ್ಯಾತಿರೇಕಮಿವ ಭೂತಪತಿಂ ನಮಾಮಿ ॥ ೪

ಉದ್ದಣ್ಡಚಾರುಭುಜದಣ್ಡಯುಗಾಗ್ರಸಮ್ಸ್ಥಂ
ಕೋದಣ್ಡಬಾಣ ಮಹಿತಾನ್ತಮತಾನ್ತವೀರ್ಯಮ್ ।
ಉದ್ಯತ್ಪ್ರಭಾಪಟಲದೀಪ್ರಮದಭ್ರಸಾರಂ
ನಿತ್ಯಂ ಪ್ರಭಾಪತಿಮಹಂ ಪ್ರಣತೋ ಭವಾಮಿ ॥ ೫

ಮಾಲೇಯ ಪಙ್ಕಸಮಲಙ್ಕೃತ ಭಾಸಮಾನ
ದೋರನ್ತರಾಳ ತರಾಳಮಲಹಾರಜಾಲಮ್ ।
ನೀಲಾತಿನಿರ್ಮಲ ದುಕೂಲಧರಂ ಮುಕುನ್ದ-
ಕಾಲಾನ್ತಕ ಪ್ರತಿನಿಧಿಂ ಪ್ರಣತೋಽಸ್ಮಿ ನಿತ್ಯಮ್ ॥ ೬

ಯತ್ಪಾದ ಪಙ್ಕಜಯುಗಂ ಮುನಯೋಽಪ್ಯೂಜಸ್ರಂ
ಭಕ್ತ್ಯಾ ಭಜನ್ತಿ ಭವರೋಗ ನಿವಾರಣಾಯ ।
ಪುತ್ರಂ ಪುರಾನ್ತಕಮುರಾನ್ತಕಯೋರುದಾರಂ
ನಿತ್ಯಂ ನಮಾಮ್ಯಹಮಮಿತ್ರಕುಲಾನ್ತಕಮ್ ತಮ್ ॥ ೭

ಕಾನ್ತಂ ಕಳಾಯ ಕುಸುಮದ್ಯುತಿಲೋಭನೀಯ-
ಕಾನ್ತಿಪ್ರವಾಹ ವಿಲಸತ್ಕಮನೀಯ ರೂಪಮ್ ।
ಕಾನ್ತಾತನೂಜ ಸಹಿತಂ ನಿಖಿಲಾಮಯೌಘ-
ಶಾನ್ತಿಪ್ರದಂ ಪ್ರಮಥಯೂಥಪತಿಂ ನಮಾಮಿ ॥ ೮

ಭೂತೇಶ ಭೂರಿಕರುಣಾಮೃತ ಪೂರಪೂರ್ಣ
ವಾರಾನ್ನಿಧೇ, ವರದ, ಭಕ್ತಜನೈಕಬನ್ಧೋ ।
ಪಾಯಾದ್ಭವಾನ್ ಪ್ರಣತಮೇನಮಪಾರಘೋರ-
ಸಂಸಾರಭೀತಮಿಹ ಮಾಮಖಿಲಾಮಯೇಭ್ಯಃ ॥ ೯

ಹೇ ಭೂತನಾಥ ಭಗವನ್, ಭವದೀಯ ಚಾರು-
ಪಾದಾಂಭುಜೇ ಭವತು ಭಕ್ತಿರಚಞ್ಚಲಾ ಮೇ ।
ನಾಥಾಯ ಸರ್ವಜಗತಾಂ ಭಜತಾಂ ಭವಾಬ್ಧಿ-
ಪೋತಾಯ ನಿತ್ಯಮಖಿಲಾಙ್ಗಭುವೇ ನಮಸ್ತೇ ॥ ೧೦

ಇತಿ ಶ್ರೀ ಶಾಸ್ತಾಕೇಶಾದಿಪಾದನ್ತ ವರ್ಣನ ಸ್ತೋತ್ರಂ ಸಮ್ಪೂರ್ಣಮ್ ॥


Encoded and proofread by Antaratma antaratma at Safe-mail.net

Please send corrections to sanskrit@cheerful.com
Last updated ತ್oday
http://sanskritdocuments.org

Shasta Keshadi Padanta Varnana Stotram Lyrics in Kannada PDF
% File name : shaastaakeshaadipaadaantavarNanastotram.itx
% Location : doc\_deities\_misc
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : April 23, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website