{॥ శ్రీశాస్తాకేశాదిపాదన్త వర్ణనస్తోత్రమ్ ॥}
ఆశానురూపఫలదం చరణారవిన్ద-
భాజామపారకరుణార్ణవ పూర్ణ చన్ద్రమ్ ।
నాశాయ సర్వవిపదామపి నౌమి నిత్య-
మీశానకేశవభవం భువనైకనాథమ్ ॥ ౧

పిఞ్ఛావలీ వలయితాకలిత ప్రసూన-
సఞ్జాత కాన్తిభర భాసుర కేశభారమ్ ।
శిజ్ఞాన మఞ్జుమణిభూషణ రఞ్జితాఙ్గం
చన్ద్రావతం సహరినన్దనమాశ్రయామి ॥ ౨

ఆలోలనీలలలితాళుక హారరమ్య-
మాకమ్రనాసమరుణాధరమాయతాక్షమ్ ।
ఆలంబనం త్రిజగతాం ప్రమథాధినాథం
మానమ్రలోక హరినన్దనమాశ్రయామి ॥ ౩

కర్ణావలంబిమణికుణ్డల భాసమాన
గణ్డస్థలం సముదితానన పుణ్డరీకమ్ ।
అర్ణోజనాభహరయోరివ మూర్తిమన్తం
పుణ్యాతిరేకమివ భూతపతిం నమామి ॥ ౪

ఉద్దణ్డచారుభుజదణ్డయుగాగ్రసమ్స్థం
కోదణ్డబాణ మహితాన్తమతాన్తవీర్యమ్ ।
ఉద్యత్ప్రభాపటలదీప్రమదభ్రసారం
నిత్యం ప్రభాపతిమహం ప్రణతో భవామి ॥ ౫

మాలేయ పఙ్కసమలఙ్కృత భాసమాన
దోరన్తరాళ తరాళమలహారజాలమ్ ।
నీలాతినిర్మల దుకూలధరం ముకున్ద-
కాలాన్తక ప్రతినిధిం ప్రణతోఽస్మి నిత్యమ్ ॥ ౬

యత్పాద పఙ్కజయుగం మునయోఽప్యూజస్రం
భక్త్యా భజన్తి భవరోగ నివారణాయ ।
పుత్రం పురాన్తకమురాన్తకయోరుదారం
నిత్యం నమామ్యహమమిత్రకులాన్తకమ్ తమ్ ॥ ౭

కాన్తం కళాయ కుసుమద్యుతిలోభనీయ-
కాన్తిప్రవాహ విలసత్కమనీయ రూపమ్ ।
కాన్తాతనూజ సహితం నిఖిలామయౌఘ-
శాన్తిప్రదం ప్రమథయూథపతిం నమామి ॥ ౮

భూతేశ భూరికరుణామృత పూరపూర్ణ
వారాన్నిధే, వరద, భక్తజనైకబన్ధో ।
పాయాద్భవాన్ ప్రణతమేనమపారఘోర-
సంసారభీతమిహ మామఖిలామయేభ్యః ॥ ౯

హే భూతనాథ భగవన్, భవదీయ చారు-
పాదాంభుజే భవతు భక్తిరచఞ్చలా మే ।
నాథాయ సర్వజగతాం భజతాం భవాబ్ధి-
పోతాయ నిత్యమఖిలాఙ్గభువే నమస్తే ॥ ౧౦

ఇతి శ్రీ శాస్తాకేశాదిపాదన్త వర్ణన స్తోత్రం సమ్పూర్ణమ్ ॥


Encoded and proofread by Antaratma antaratma at Safe-mail.net

Please send corrections to sanskrit@cheerful.com
Last updated త్oday
http://sanskritdocuments.org

Shasta Keshadi Padanta Varnana Stotram Lyrics in Telugu PDF
% File name : shaastaakeshaadipaadaantavarNanastotram.itx
% Location : doc\_deities\_misc
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : April 23, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website