শ্রীদত্ত ভাবসুধারসস্তোত্রম্
{॥ শ্রীদত্ত ভাবসুধারসস্তোত্রম্ ॥}
শ্রী দত্ত ভাবসুধারস স্তোত্রম্ ।
দত্তাত্রেযং পরমসুখমযং বেদগেযং হ্যমেযং
যোগিধ্যেযং হৃতনিজভযং স্বীকৃতানেককাযম্ ।
দুষ্টাগম্যং বিততবিজযং দেবদৈত্যর্ষিবন্দ্যং
বন্দে নিত্যং বিহিতবিনযং চাব্যযং ভাবগম্যম্ ॥ ১॥
দত্তাত্রেয নমোঽস্তু তে ভগবতে পাপক্ষযং কুর্বতে
দারিদ্র্যং হরতে ভযং শমযতে কারুণ্যমাতন্বতে ।
ভক্তানুদ্ধরতে শিবং চ দদতে সত্কীর্তিমাতন্বতে
ভূতান্দ্রাবযতে বরং প্রদদতে শ্রেযঃ পতে সদ্গতে ॥ ২॥
একং সৌভাগ্যজনকং তারকং লোকনাযকম্ ।
বিশোকং ত্রাতভজকং নমস্যে কামপূরকম্ ॥ ৩॥
নিত্যং স্মরামি তে পাদে হতখেদে সুখপ্রদে ।
প্রদেহি মে শুদ্ধভাবং ভাবং যো বারযেদ্দ্রুতম্ ॥ ৪॥
সমস্তসম্পত্প্রদমার্তবংধুং সমস্তকল্যাণদমস্তবংধুম্ ।
কারুণ্যসিংধুং প্রণমামি দত্তং যঃ শোধযত্যাশু মলীনচিত্তম্ ॥ ৫॥
সমস্তভূতাংতরবাহ্যবর্তী যশ্চাত্রিপুত্রো যতিচক্রবর্তী ।
সুকীর্তিসংব্যাপ্তদিগংতরালঃ স পাতু মাং নির্জিতভক্তকালঃ ॥ ৬॥
ব্যাধ্যাধিদারিদ্র্যভযার্তিহর্তা স্বগুপ্তযেঽনেকশরীরধর্তা
স্বদাসভর্তা বহুধা বিহর্তা কর্তাপ্যকর্তা স্ববশোঽরিহর্তা ॥ ৭॥
স চানসূযাতনযোঽভবদ্যো বিষ্ণুঃ স্বযং ভাবিকরক্ষণায ।
গুণা যদীযা ম হি বুদ্ধিমদ্ভির্গণ্যংত আকল্পমপীহ ধাত্রা ॥ ৮॥
ন যত্কটাক্ষামৃতবৃষ্টিতোঽত্র
তিষ্ঠন্তি তাপাঃ সকলাঃ পরত্র ।
যঃ সদ্গতিং সম্প্রদদাতি ভূমা
স মেঽন্তরে তিষ্ঠতু দিব্যধামা ॥ ৯॥
স ত্বং প্রসীদাত্রিসুতার্তিহারিন্
দিগম্বর স্বীযমনোবিহারিন্ ।
দুষ্টা লিপির্যা লিখিতাত্র ধাত্রা
কার্যা ত্বযা সাঽতিশুভা বিধাত্রা ॥ ১০॥
সর্বমংগলসংযুক্ত সর্বৈশ্বর্যসমন্বিত ।
প্রসন্নে ত্বযি সর্বেশে কিং কেষাং দুর্লভং কুহ ॥ ১১॥
হার্দাংধতিমিরং হন্তুং শুদ্ধজ্ঞানপ্রকাশক ।
ত্বদংঘ্রিনখমাণিক্যদ্যুতিরেবালমীশ নঃ ॥ ১২॥
স্বকৃপার্দ্রকটাক্ষেণ বীক্ষসে চেত্সকৃদ্ধি মাম্ ।
ভবিষ্যামি কৃতার্থোঽত্র পাত্রং চাপি স্থিতেস্তব ॥ ১৩॥
ক্ব চ মন্দো বরাকোঽহং ক্ব ভবান্ভগবান্প্রভুঃ ।
অথাপি ভবদাবেশ ভাগ্যবানস্মি তে দৃশা ॥ ১৪॥
বিহিতানি মযা নানা পাতকানি চ যদ্যপি ।
অথাপি তে প্রসাদেন পবিত্রোঽহং ন সংশযঃ ॥ ১৫॥
স্বলীলযা ত্বং হি জনান্পুনাসি
তন্মে স্বলীলা শ্রবণং প্রযচ্ছ ।
তস্যাঃ শ্রুতেঃ সান্দ্রবিলোচনোঽহং
পুনামি চাত্মানমতীব দেব ॥ ১৬॥
পুরতস্তে স্ফুটং বচ্মি দোষরাশিরহং কিল ।
দোষা মমামিতাঃ পাংসুবৃষ্টিবিন্দুসমা বিভোঃ ॥ ১৭॥
পাপীযসামহং মুখ্যস্ত্বং তু কারুণিকাগ্রণীঃ ।
দযনীযো ন হি ক্বাপি মদন্য ইতি ভাতি মে ॥ ১৮॥
ঈদৃশং মাং বিলোক্যাপি কৃপালো তে মনো যদি ।
ন দ্রবেত্তর্হি কিং বাচ্যমদৃষ্টং মে তবাগ্রতঃ ॥ ১৯॥
ত্বমেব সৃষ্টবান্সর্বান্দত্তাত্রেয দযানিধে ।
বযং দীনতরাঃ পুত্রাস্তবাকল্পাঃ স্বরক্ষণে ॥ ২০॥
জযতু জযতু দত্তো দেবসঙ্ঘাভিপূজ্যো
জযতু জযতু ভদ্রো ভদ্রদো ভাবুকেজ্যঃ ।
জযতু জযতু নিত্যো নির্মলজ্ঞানবেদ্যো
জযতু জযতু সত্যঃ সত্যসংধোঽনবদ্যঃ ॥ ২১॥
যদ্যহং তব পুত্রঃ স্যাং পিতা মাতা ত্বমেব মে ।
দযাস্তন্যামৃতেনাশু মাতস্ত্বমভিষিঞ্চ মাম্ ॥ ২২॥
ঈশাভিন্ননিমিত্তোপাদনাত্স্রষ্টুরস্য তে ।
জগদ্যোনে সুতো নাহং দত্ত মাং পরিপাহ্যতঃ ॥ ২৩॥
তব বত্সস্য মে বাক্যং সূক্তং বাঽসূক্তমপ্যহো ।
ক্ষন্তব্যং মেঽপরাধশ্চ ত্বত্তোঽন্যা ন গতির্হি মে ॥ ২৪॥
অনন্যগতিকস্যাস্য বালস্য মম তে পিতঃ ।
ন সর্বথোচিতোপেক্ষা দোষাণাং গণনাপি চ ॥ ২৫॥
অজ্ঞানিত্বাদকল্পত্বাদ্দোষা মম পদে পদে ।
ভবন্তি কিং করোমীশ করুণাবরুণালয ॥ ২৬॥
অথাপি মেঽপরাধৈশ্চেদাযাস্যন্তর্বিষাদতাম্ ।
পদাহতার্ভকেণাপি মাতা রুষ্যতি কিং ভুবি ॥ ২৭॥
রঙ্কমঙ্কগতং দীনং তাডযন্তং পদেন চ ।
মাতা ত্যজতি কিং বালং প্রত্যুতাশ্বাসযত্যহো ॥ ২৮॥
তাদৃশং মামকল্পং চেন্নাশ্বাসযসি ভো প্রভো ।
অহহা বত দীনস্য ত্বাং বিনা মম কা গতিঃ ॥ ২৯॥
শিশুর্নাযং শঠঃ স্বার্থীত্যপি নাযাতু তেঽন্তরম্ ।
লোকে হি ক্ষুধিতা বালাঃ স্মরন্তি নিজমাতরম্ ॥ ৩০॥
জীবনং ভিন্নযোঃ পিত্রোর্লোক একতরাচ্ছিশোঃ ।
ত্বং তূভযং দত্ত মম মাঽস্তু নির্দযতা মযি ॥ ৩১॥
স্তবনেন ন শক্তোঽস্মি ত্বাং প্রসাদযিতুং প্রভো ।
ব্রহ্মাদ্যাশ্চকিতাস্তত্র মন্দোঽহং শক্নুযাং কথম্ ॥ ৩২॥
দত্ত ত্বদ্বালবাক্যানি সূক্তাসূক্তানি যানি চ ।
তানি স্বীকুরু সর্বজ্ঞ দযালো ভক্তভাবন ॥ ৩৩॥
যে ত্বা শরণমাপন্নাঃ কৃতার্থা অভবন্হি তে ।
এতদ্বিচার্য মনসা দত্ত ত্বাং শরণং গতঃ ॥ ৩৪॥
ত্বন্নিষ্ঠাস্ত্বত্পরা ভক্তাস্তব তে সুখভাগিনঃ ।
ইতি শাস্ত্রানুরোধেন দত্ত ত্বাং শরণং গতঃ ॥ ৩৫॥
স্বভক্তাননুগৃহ্ণাতি ভগবান্ ভক্তবত্সলঃ ।
ইতি সঞ্চিত্য সঞ্চিত্য কথঞ্চিদ্ধারযাম্যসূন্ ॥ ৩৬॥
ত্বদ্ভক্তস্ত্বদধীনোঽহমস্মি তুভ্যং সমর্পিতম্ ।
তনুং মনো ধনং চাপি কৃপাং কুরু মমোপরি ॥ ৩৭॥
ত্বযি ভক্তিং নৈব জানে ন জানেঽর্চনপদ্ধতিম্ ।
কৃতং ন দানধর্মাদি প্রসাদং কুরু কেবলম্ ॥ ৩৮॥
ব্রহ্মচর্যাদি নাচীর্ণং নাধীতা বিধিতঃ শ্রুতিঃ ।
গার্হস্থ্যং বিধিনা দত্ত ন কৃতং তত্প্রসীদ মে ॥ ৩৯॥
ন সাধুসঙ্গমো মেঽস্তি ন কৃতং বৃদ্ধসেবনম্ ।
ন শাস্ত্রশাসনং দত্ত কেবলং ত্বং দযাং কুরু ॥ ৪০॥
জ্ঞাতেঽপি ধর্মে নহি মে প্রবৃত্তি-
র্জ্ঞাতেঽপ্যধর্মে ন ততো নিবৃত্তিঃ ॥
শ্রীদত্তনাথেন হৃদি স্থিতেন
যথা নিযুক্তোঽস্মি তথা করোমি ॥ ৪১॥
কৃতিঃ সেবা গতির্যাত্রা স্মৃতিশ্চিন্তা স্তুতির্বচঃ ।
ভবন্তু দত্ত মে নিত্যং ত্বদীযা এব সর্বথা ॥ ৪২॥
প্রতিজ্ঞা তে ন ভক্তা মে নশ্যন্তীতি সুনিশ্চিতম্ ।
শ্রীদত্ত চিত্ত আনীয জীবনং ধারযাম্যহম্ ॥ ৪৩॥
দত্তোঽহং তে মযেতীশ আত্মদানেন যোঽভবত্ ।
অনসূযাত্রিপুত্রঃ স শ্রীদত্তঃ শরণং মম ॥ ৪৪॥
কার্তবীর্যার্জুনাযাদাদ্যোগর্ধিমুভযীং প্রভুঃ ।
অব্যাহতগতিং চাসৌ শ্রীদত্তঃ শরণং মম ॥ ৪৫॥
আন্বীক্ষিকীমলর্কায বিকল্পত্যাগপূর্বকম্ ।
যোঽদাদাচার্যবর্যঃ স শ্রীদত্তঃ শরণং মম ॥ ৪৬॥
চতুর্বিংশতিগুর্বাপ্তং হেযোপাদেযলক্ষণং ।
জ্ঞানং যো যদবেঽদাত্স শ্রীদত্তঃ শরণং মম ॥ ৪৭॥
মদালসাগর্ভরত্নালর্কায প্রাহিণোচ্চ যঃ ।
যোগপূর্বাত্মবিজ্ঞানং শ্রীদত্তঃ শরণং মম ॥ ৪৮॥
আযুরাজায সত্পুত্রং সেবাধর্মপরায যঃ ।
প্রদদৌ সদ্গতিং চৈষ শ্রীদত্তঃ শরণং মম ॥ ৪৯॥
লোকোপকৃতযে বিষ্ণুদত্তবিপ্রায যোঽর্পযত্ ।
বিদ্যাস্তচ্ছ্রাদ্ধভুগ্যঃ স শ্রীদত্তঃ শরণং মম ॥ ৫০॥
ভর্ত্রা সহানুগমনবিধিং যঃ প্রাহ সর্ববিত্ ।
রামমাত্রে রেণুকাযৈ শ্রীদত্তঃ শরণং মম ॥ ৫১॥
সমূলমাহ্নিকং কর্ম সোমকীর্তিনৃপায যঃ ।
মোক্ষোপযোগি সকলং শ্রীদত্তঃ শরণং মম ॥ ৫২॥
নামধারক ভক্তায নির্বিণ্ণায ব্যদর্শযত্ ।
তুষ্টঃ স্তুত্যা স্বরূপং স শ্রীদত্তঃ শরণং মম ॥ ৫৩॥
যঃ কলিব্রহ্মসংবাদমিষেণাহ যুগস্থিতীঃ ।
গুরুসেবাং চ সিদ্ধাঽঽস্যাচ্ছ্রীদত্তঃ শরণং মম ॥ ৫৪॥
দুর্বাসঃশাপমাশ্রুত্য যোঽম্বরীষার্থমব্যযঃ ।
নানাবতারধারী স শ্রীদত্তঃ শরণং মম ॥ ৫৫॥
অনসূযাসতীদুগ্ধাস্বাদাযেব ত্রিরূপতঃ ।
অবাতরদজো যোঽপি শ্রীদত্তঃ শরণং মম ॥ ৫৬॥
পীঠাপুরে যঃ সুমতিব্রাহ্মণীভক্তিতোঽভবত্ ।
শ্রীপাদস্তত্সুতস্ত্রাতা শ্রীদত্তঃ শরণং মম ॥ ৫৭॥
প্রকাশযামাস সিদ্ধমুখাত্স্থাপনমাদিতঃ ।
মহাবলেশ্বরস্যৈষ শ্রীদত্তঃ শরণং মম ॥ ৫৮॥
চণ্ডাল্যপি যতো মুক্তা গোকর্ণে তত্র যোঽবসত্ ।
লিঙ্গতীর্থমযে ত্র্যব্দং শ্রীদত্তঃ শরণং মম ॥ ৫৯॥
কৃষ্ণাদ্বীপে কুরুপুরে কুপুত্রং জননীযুতম্ ।
যো হি মৃত্যোরপাচ্ছ্রীপাচ্ছ্রীদত্তঃ শরণং মম ॥ ৬০॥
রজকাযাপি দাস্যন্যো রাজ্যং কুরুপুরে প্রভুঃ ।
তিরোঽভূদজ্ঞদৃষ্ট্যা স শ্রীদত্তঃ শরণং মম ॥ ৬১॥
বিশ্বাসঘাতিনশ্চোরান্স্বভক্তঘ্নান্নিহত্য যঃ ।
জীবযামাস ভক্তং স শ্রীদত্তঃ শরণং মম ॥ ৬২॥
করঞ্জনগরেঽম্বাযাঃ প্রদোষব্রতসিদ্ধযে ।
যোঽভূত্সুতো নৃহর্যাখ্যঃ শ্রীদত্তঃ শরণং মম ॥ ৬৩॥
মূকো ভূত্বা ব্রতাত্পশ্চাদ্বদন্বেদান্স্বমাতরম্ ।
প্রব্রজন্ বোধযামাস শ্রীদত্তঃ শরণং মম ॥ ৬৪॥
কাশীবাসী স সংন্যাসী নিরাশীষ্ট্বপ্রদো বৃষম্ ।
বৈদিকং বিশদীকুর্বন্ শ্রীদত্তঃ শরণং মম ॥ ৬৫॥
ভূমিং প্রদক্ষিণীকৃত্য সশিষ্যো বীক্ষ্য মাতরম্ ।
জহার দ্বিজশূলার্তিং শ্রীদত্তঃ শরণং মম ॥ ৬৬॥
শিষ্যত্বেনোররীকৃত্য সাযংদেবং ররক্ষ যঃ ॥
ভীতে চ ক্রূরযবনাচ্ছ্রীদত্তঃ শরণং মম ॥ ৬৭॥
প্রেরযত্তীর্থযাত্রাযৈ তীর্থরূপোঽপি যঃ স্বকান্ ।
সম্যগ্ধর্মমুপাদিশ্য শ্রীদত্তঃ শরণং মম ॥ ৬৮॥
সশিষ্যঃ পর্যলীক্ষেত্রে বৈদ্যনাথসমীপতঃ ।
স্থিত্বোদ্দধার মূঢো যঃ শ্রীদত্তঃ শরণং মম ॥ ৬৯॥
বিদ্বত্সুতমবিদ্যং যো আগতং লোকনিন্দিতম্ ।
ছিন্নজিহ্বং বুধং চক্রে শ্রীদত্তঃ শরণং মম ॥ ৭০॥
নৃসিংহবাটিকাস্থো যঃ প্রদদৌ শাকভুঙ্-নিধিম্ ।
দরিদ্রব্রাহ্মণাযাসৌ শ্রীদত্তঃ শরণং মম ॥ ৭১॥
ভক্তায ত্রিস্থলীযাত্রাং দর্শযামাস যঃ ক্ষণাত্ ।
চকার বরদং ক্ষেত্রং স শ্রীদত্তঃ শরণং মম ॥ ৭২॥
প্রেতার্তিং বারযিত্বা যো ব্রাহ্মণ্যৈ ভক্তিভাবিতঃ ।
দদৌ পুত্রৌ স গতিদঃ শ্রীদত্তঃ শরণং মম ॥ ৭৩॥
তত্ত্বং যো মৃতপুত্রাযৈ বোধযিত্বাপ্যজীবযত্ ।
মৃতং কল্পদ্রুমস্থঃ স শ্রীদত্তঃ শরণং মম ॥ ৭৪॥
দোহযামাস ভিক্ষার্থং যো বন্ধ্যাং মহিষীং প্রভুঃ ।
দারিদ্র্যদাবদাবঃ স শ্রীদত্তঃ শরণং মম ॥ ৭৫॥
রাজপ্রার্থিত এত্যাস্থান্মঠে যো গাণগাপুরে ।
ব্রহ্মরক্ষঃ সমুদ্ধর্তা শ্রীদত্তঃ শরণং মম ॥ ৭৬॥
বিশ্বরূপং নিন্দকায শিবিকাস্থঃ স্বলঙ্কৃতঃ ।
গর্বহা দর্শযদ্যঃ স শ্রীদত্তঃ শরণং মম ॥ ৭৭॥
ত্রিবিক্রমেণ চানীতৌ গর্বিতৌ ব্রাহ্মণদ্বিষৌ ।
বোধযামাস তৌ যঃ স শ্রীদত্তঃ শরণং মম ॥ ৭৮॥
উক্ত্বা চতুর্বেদশাখাতদঙ্গাদিকমীশ্বরঃ ।
বিপ্রগর্বহরো যঃ স শ্রীদত্তঃ শরণং মম ॥ ৭৯॥
সপ্তজন্মবিদং সপ্তরেখোল্লঙ্ঘনতো দদৌ ।
যো হীনায শ্রুতিস্ফূর্তিঃ শ্রীদত্তঃ শরণং মম ॥ ৮০॥
ত্রিবিক্রমাযাহ কর্মগতিং দত্তবিদা পুনঃ ।
বিযুক্তং পতিতং চক্রে শ্রীদত্তঃ শরণং মম ॥ ৮১॥
রক্ষসে বামদেবেন ভস্মমাহাত্ম্যমুদ্গতিম্ ।
উক্তাং ত্রিবিক্রমাযাহ শ্রীদত্তঃ শরণং মম ॥ ৮২॥
গোপীনাথসুতো রুগ্ণো মৃতস্তত্স্ত্রী শুশোচ তাম্ ।
বোধযামাস যো যোগী শ্রীদত্তঃ শরণং মম ॥ ৮৩॥
গুর্বগস্ত্যর্ষিসংবাদরূপং স্ত্রীধর্মমাহ যঃ ।
রূপান্তরেণ স প্রাজ্ঞঃ শ্রীদত্তঃ শরণং মম ॥ ৮৪॥
বিধবাধর্মমাদিশ্যানুগমং চাক্ষভস্মদঃ ।
অজীবযন্মৃতং বিপ্রং শ্রীদত্তঃ শরণং মম ॥ ৮৫॥
বেশ্যাসত্যৈ তু রুদ্রাক্ষমাহাত্ম্যযুতমীট্-কৃতম্ ।
প্রসাদং প্রাহ যঃ সত্যৈ শ্রীদত্তঃ শরণং মম ॥ ৮৬॥
শতরুদ্রীযমাহাত্ম্যং মৃতরাট্ সুতজীবনম্ ।
সত্যৈ শশংস স গুরুঃ শ্রীদত্তঃ শরণং মম ॥ ৮৭॥
কচাখ্যানং স্ত্রিযো মংত্রানর্হতার্থসুভাগ্যদম্ ।
সোমব্রতং চ যঃ প্রাহ শ্রীদত্তঃ শরণং মম ॥ ৮৮॥
ব্রাহ্মণ্যা দুঃস্বভাবং যো নিবার্যাহ্নিকমুত্তমম্ ।
শশংস ব্রাহ্মণাযাসৌ শ্রীদত্তঃ শরণং মম ॥ ৮৯॥
গার্হস্থধর্মং বিপ্রায প্রত্যবাযজিহাসযা ।
ক্রমমুক্ত্যৈ য ঊচে স শ্রীদত্তঃ শরণং মম ॥ ৯০॥
ত্রিপুংপর্যাপ্তপাকেন ভোজযামাস যো নৃণাম্ ।
সিদ্ধশ্চতুঃসহস্রাণি শ্রীদত্তঃ শরণং মম ॥ ৯১॥
অশ্বত্থসেবামাদিশ্য পুত্রৌ যোঽদাত্ফলপ্রদঃ ।
চিত্রকৃদ্-বৃদ্ধবন্ধ্যাযৈ শ্রীদত্তঃ শরণং মম ॥ ৯২॥
কারযিত্বা শুষ্ককাষ্ঠসেবাং তদ্-বৃক্ষতাং নযন্ ।
বিপ্রকুষ্ঠং জহারাসৌ শ্রীদত্তঃ শরণং মম ॥ ৯৩॥
ভজন্তং কষ্টতোঽপ্যাহ সাযংদেবং পরীক্ষ্য যঃ ।
গুরুসেবাবিধানং স শ্রীদত্তঃ শরণং মম ॥ ৯৪॥
শিবতোষকরীং কাশীযাত্রাং ভক্তায যোঽবদত্ ।
সবিধিং বিহিতাং ত্বষ্ট্রা শ্রীদত্তঃ শরণং মম ॥ ৯৫॥
কৌণ্ডিণ্যধর্মবিহিতমনংতব্রতমাহ যঃ ।
কারযামাস তদ্যোঽপি শ্রীদত্তঃ শরণং মম ॥ ৯৬॥
শ্রীশৈলং তংতুকাযাসৌ যোগগত্যা ব্যদর্শযত্ ।
শিবরাত্রিব্রতাহে স শ্রীদত্তঃ শরণং মম ॥ ৯৭॥
জ্ঞাপযিত্বাপ্যর্মত্যত্বং স্বস্য দৃষ্ট্যা চকার যঃ ।
বিকুষ্ঠং নন্দিশর্মাণং শ্রীদত্তঃ শরণং মম ॥ ৯৮॥
নরকেসরিণে স্বপ্নে স্বং কল্লেশ্বরলিঙ্গগম্ ।
দর্শযিত্বানুজগ্রাহ শ্রীদত্তঃ শরণং মম ॥ ৯৯॥
অষ্টমূর্তিধরোঽপ্যষ্টগ্রামগো ভক্তবত্সলঃ ।
দীপাবল্যুত্সবেঽভূত্স শ্রীদত্তঃ শরণং মম ॥ ১০০॥
অপক্বং ছেদযিত্বাপি ক্ষেত্রে শতগুণং ততঃ ।
ধান্যং শূদ্রায যোঽদাত্স শ্রীদত্তঃ শরণং মম ॥ ১০১॥
গাণগাপুরকে ক্ষেত্রে যোঽষ্টতীর্থান্যদর্শযত্ ।
ভক্তেভ্যো ভীমরথ্যাং স শ্রীদত্তঃ শরণং মম ॥ ১০২॥
পূর্বদত্তবরাযাদাদ্রাজ্যং স্ফোটকরুগ্ঘরঃ ।
ম্লেচ্ছায দৃষ্টিং চেষ্টং স শ্রীদত্তঃ শরণং মম ॥ ১০৩॥
শ্রীশৈলযাত্রামিষেণ বরদঃ পুষ্পপীঠগঃ ।
কলৌ তিরোঽভবদ্যঃ স শ্রীদত্তঃ শরণং মম ॥ ১০৪॥
নিদ্রামাতৃপুরেঽস্য সহ্যশিখরে পোঠং মিমংক্ষাপুরে
কাশ্যাখ্যে করহাটকেঽর্ঘ্যমবরে ভিক্ষাস্য কোলাপুরে ।
পাঞ্চালে ভুজিরস্য বিঠ্ঠলপুরে পত্রং বিচিত্রং পুরে
গাংধর্বে যুজিরাচমঃ কুরুপুরে দূরে স্মৃতো নান্তরে ॥ ১০৫॥
অমলকমলবক্ত্রঃ পদ্মপত্রাভনেত্রঃ
পরবিরতিকলত্রঃ সর্বথা যঃ স্বতন্ত্রঃ ।
স চ পরমপবিত্রঃ সত্কমণ্ডল্বমত্রঃ
পরমরুচিরগাত্রো যোঽনসূযাত্রিপুত্রঃ ॥ ১০৬॥
নমস্তে সমস্তেষ্টদাত্রে বিধাত্রে
নমস্তে সমস্তেডিতাঘৌঘহর্ত্রে ।
নমস্তে সমস্তেঙ্গিতজ্ঞায ভর্ত্রে
নমস্তে সমস্তেষ্টকর্ত্রেঽকহর্ত্রে ॥ ১০৭॥
নমো নমস্তেঽস্তু পুরান্তকায
নমো নমস্তেঽস্ত্বসুরান্তকায ।
নমো নমস্তেঽস্তু খলান্তকায
দত্তায ভক্তার্তিবিনাশকায ॥ ১০৮॥
শ্রীদত্তদেবেশ্বর মে প্রসীদ
শ্রীদত্তসর্বেশ্বর মে প্রসীদ ।
প্রসীদ যোগেশ্বর দেহি যোগং
ত্বদীযভক্তেঃ কুরু মা বিযোগম্ ॥ ১০৯॥
শ্রীদত্তো জযতীহ দত্তমনিশং ধ্যাযামি দত্তেন মে
হৃচ্ছুদ্ধির্বিহিতা ততোঽস্তু সততং দত্তায তুভ্যং নমঃ ।
দত্তান্নাস্তি পরাযণং শ্রুতিমতং দত্তস্য দাসোঽস্ম্যহম্ ।
শ্রীদত্তে পরভক্তিরস্তু মম ভো দত্ত প্রসীদেশ্বর ॥ ১১০॥
॥ ইতি শ্রী পরমহংস পরিব্রাজকাচার্য শ্রী শ্রী শ্রী
বাসুদেবানন্দ সরস্বতী যতি বরেণ্য বিরচিতং শ্রী দত্ত
ভাবসুধারস স্তোত্রং সম্পূর্ণম্ ॥
Encoded and proofread by Arun Shantharam shantharam.arun @ gmail.com
Please send corrections to sanskrit@cheerful.com
Last updated ত্oday
http://sanskritdocuments.org
শ্রী দত্ত ভাবসুধারস স্তোত্রম্ ।
দত্তাত্রেযং পরমসুখমযং বেদগেযং হ্যমেযং
যোগিধ্যেযং হৃতনিজভযং স্বীকৃতানেককাযম্ ।
দুষ্টাগম্যং বিততবিজযং দেবদৈত্যর্ষিবন্দ্যং
বন্দে নিত্যং বিহিতবিনযং চাব্যযং ভাবগম্যম্ ॥ ১॥
দত্তাত্রেয নমোঽস্তু তে ভগবতে পাপক্ষযং কুর্বতে
দারিদ্র্যং হরতে ভযং শমযতে কারুণ্যমাতন্বতে ।
ভক্তানুদ্ধরতে শিবং চ দদতে সত্কীর্তিমাতন্বতে
ভূতান্দ্রাবযতে বরং প্রদদতে শ্রেযঃ পতে সদ্গতে ॥ ২॥
একং সৌভাগ্যজনকং তারকং লোকনাযকম্ ।
বিশোকং ত্রাতভজকং নমস্যে কামপূরকম্ ॥ ৩॥
নিত্যং স্মরামি তে পাদে হতখেদে সুখপ্রদে ।
প্রদেহি মে শুদ্ধভাবং ভাবং যো বারযেদ্দ্রুতম্ ॥ ৪॥
সমস্তসম্পত্প্রদমার্তবংধুং সমস্তকল্যাণদমস্তবংধুম্ ।
কারুণ্যসিংধুং প্রণমামি দত্তং যঃ শোধযত্যাশু মলীনচিত্তম্ ॥ ৫॥
সমস্তভূতাংতরবাহ্যবর্তী যশ্চাত্রিপুত্রো যতিচক্রবর্তী ।
সুকীর্তিসংব্যাপ্তদিগংতরালঃ স পাতু মাং নির্জিতভক্তকালঃ ॥ ৬॥
ব্যাধ্যাধিদারিদ্র্যভযার্তিহর্তা স্বগুপ্তযেঽনেকশরীরধর্তা
স্বদাসভর্তা বহুধা বিহর্তা কর্তাপ্যকর্তা স্ববশোঽরিহর্তা ॥ ৭॥
স চানসূযাতনযোঽভবদ্যো বিষ্ণুঃ স্বযং ভাবিকরক্ষণায ।
গুণা যদীযা ম হি বুদ্ধিমদ্ভির্গণ্যংত আকল্পমপীহ ধাত্রা ॥ ৮॥
ন যত্কটাক্ষামৃতবৃষ্টিতোঽত্র
তিষ্ঠন্তি তাপাঃ সকলাঃ পরত্র ।
যঃ সদ্গতিং সম্প্রদদাতি ভূমা
স মেঽন্তরে তিষ্ঠতু দিব্যধামা ॥ ৯॥
স ত্বং প্রসীদাত্রিসুতার্তিহারিন্
দিগম্বর স্বীযমনোবিহারিন্ ।
দুষ্টা লিপির্যা লিখিতাত্র ধাত্রা
কার্যা ত্বযা সাঽতিশুভা বিধাত্রা ॥ ১০॥
সর্বমংগলসংযুক্ত সর্বৈশ্বর্যসমন্বিত ।
প্রসন্নে ত্বযি সর্বেশে কিং কেষাং দুর্লভং কুহ ॥ ১১॥
হার্দাংধতিমিরং হন্তুং শুদ্ধজ্ঞানপ্রকাশক ।
ত্বদংঘ্রিনখমাণিক্যদ্যুতিরেবালমীশ নঃ ॥ ১২॥
স্বকৃপার্দ্রকটাক্ষেণ বীক্ষসে চেত্সকৃদ্ধি মাম্ ।
ভবিষ্যামি কৃতার্থোঽত্র পাত্রং চাপি স্থিতেস্তব ॥ ১৩॥
ক্ব চ মন্দো বরাকোঽহং ক্ব ভবান্ভগবান্প্রভুঃ ।
অথাপি ভবদাবেশ ভাগ্যবানস্মি তে দৃশা ॥ ১৪॥
বিহিতানি মযা নানা পাতকানি চ যদ্যপি ।
অথাপি তে প্রসাদেন পবিত্রোঽহং ন সংশযঃ ॥ ১৫॥
স্বলীলযা ত্বং হি জনান্পুনাসি
তন্মে স্বলীলা শ্রবণং প্রযচ্ছ ।
তস্যাঃ শ্রুতেঃ সান্দ্রবিলোচনোঽহং
পুনামি চাত্মানমতীব দেব ॥ ১৬॥
পুরতস্তে স্ফুটং বচ্মি দোষরাশিরহং কিল ।
দোষা মমামিতাঃ পাংসুবৃষ্টিবিন্দুসমা বিভোঃ ॥ ১৭॥
পাপীযসামহং মুখ্যস্ত্বং তু কারুণিকাগ্রণীঃ ।
দযনীযো ন হি ক্বাপি মদন্য ইতি ভাতি মে ॥ ১৮॥
ঈদৃশং মাং বিলোক্যাপি কৃপালো তে মনো যদি ।
ন দ্রবেত্তর্হি কিং বাচ্যমদৃষ্টং মে তবাগ্রতঃ ॥ ১৯॥
ত্বমেব সৃষ্টবান্সর্বান্দত্তাত্রেয দযানিধে ।
বযং দীনতরাঃ পুত্রাস্তবাকল্পাঃ স্বরক্ষণে ॥ ২০॥
জযতু জযতু দত্তো দেবসঙ্ঘাভিপূজ্যো
জযতু জযতু ভদ্রো ভদ্রদো ভাবুকেজ্যঃ ।
জযতু জযতু নিত্যো নির্মলজ্ঞানবেদ্যো
জযতু জযতু সত্যঃ সত্যসংধোঽনবদ্যঃ ॥ ২১॥
যদ্যহং তব পুত্রঃ স্যাং পিতা মাতা ত্বমেব মে ।
দযাস্তন্যামৃতেনাশু মাতস্ত্বমভিষিঞ্চ মাম্ ॥ ২২॥
ঈশাভিন্ননিমিত্তোপাদনাত্স্রষ্টুরস্য তে ।
জগদ্যোনে সুতো নাহং দত্ত মাং পরিপাহ্যতঃ ॥ ২৩॥
তব বত্সস্য মে বাক্যং সূক্তং বাঽসূক্তমপ্যহো ।
ক্ষন্তব্যং মেঽপরাধশ্চ ত্বত্তোঽন্যা ন গতির্হি মে ॥ ২৪॥
অনন্যগতিকস্যাস্য বালস্য মম তে পিতঃ ।
ন সর্বথোচিতোপেক্ষা দোষাণাং গণনাপি চ ॥ ২৫॥
অজ্ঞানিত্বাদকল্পত্বাদ্দোষা মম পদে পদে ।
ভবন্তি কিং করোমীশ করুণাবরুণালয ॥ ২৬॥
অথাপি মেঽপরাধৈশ্চেদাযাস্যন্তর্বিষাদতাম্ ।
পদাহতার্ভকেণাপি মাতা রুষ্যতি কিং ভুবি ॥ ২৭॥
রঙ্কমঙ্কগতং দীনং তাডযন্তং পদেন চ ।
মাতা ত্যজতি কিং বালং প্রত্যুতাশ্বাসযত্যহো ॥ ২৮॥
তাদৃশং মামকল্পং চেন্নাশ্বাসযসি ভো প্রভো ।
অহহা বত দীনস্য ত্বাং বিনা মম কা গতিঃ ॥ ২৯॥
শিশুর্নাযং শঠঃ স্বার্থীত্যপি নাযাতু তেঽন্তরম্ ।
লোকে হি ক্ষুধিতা বালাঃ স্মরন্তি নিজমাতরম্ ॥ ৩০॥
জীবনং ভিন্নযোঃ পিত্রোর্লোক একতরাচ্ছিশোঃ ।
ত্বং তূভযং দত্ত মম মাঽস্তু নির্দযতা মযি ॥ ৩১॥
স্তবনেন ন শক্তোঽস্মি ত্বাং প্রসাদযিতুং প্রভো ।
ব্রহ্মাদ্যাশ্চকিতাস্তত্র মন্দোঽহং শক্নুযাং কথম্ ॥ ৩২॥
দত্ত ত্বদ্বালবাক্যানি সূক্তাসূক্তানি যানি চ ।
তানি স্বীকুরু সর্বজ্ঞ দযালো ভক্তভাবন ॥ ৩৩॥
যে ত্বা শরণমাপন্নাঃ কৃতার্থা অভবন্হি তে ।
এতদ্বিচার্য মনসা দত্ত ত্বাং শরণং গতঃ ॥ ৩৪॥
ত্বন্নিষ্ঠাস্ত্বত্পরা ভক্তাস্তব তে সুখভাগিনঃ ।
ইতি শাস্ত্রানুরোধেন দত্ত ত্বাং শরণং গতঃ ॥ ৩৫॥
স্বভক্তাননুগৃহ্ণাতি ভগবান্ ভক্তবত্সলঃ ।
ইতি সঞ্চিত্য সঞ্চিত্য কথঞ্চিদ্ধারযাম্যসূন্ ॥ ৩৬॥
ত্বদ্ভক্তস্ত্বদধীনোঽহমস্মি তুভ্যং সমর্পিতম্ ।
তনুং মনো ধনং চাপি কৃপাং কুরু মমোপরি ॥ ৩৭॥
ত্বযি ভক্তিং নৈব জানে ন জানেঽর্চনপদ্ধতিম্ ।
কৃতং ন দানধর্মাদি প্রসাদং কুরু কেবলম্ ॥ ৩৮॥
ব্রহ্মচর্যাদি নাচীর্ণং নাধীতা বিধিতঃ শ্রুতিঃ ।
গার্হস্থ্যং বিধিনা দত্ত ন কৃতং তত্প্রসীদ মে ॥ ৩৯॥
ন সাধুসঙ্গমো মেঽস্তি ন কৃতং বৃদ্ধসেবনম্ ।
ন শাস্ত্রশাসনং দত্ত কেবলং ত্বং দযাং কুরু ॥ ৪০॥
জ্ঞাতেঽপি ধর্মে নহি মে প্রবৃত্তি-
র্জ্ঞাতেঽপ্যধর্মে ন ততো নিবৃত্তিঃ ॥
শ্রীদত্তনাথেন হৃদি স্থিতেন
যথা নিযুক্তোঽস্মি তথা করোমি ॥ ৪১॥
কৃতিঃ সেবা গতির্যাত্রা স্মৃতিশ্চিন্তা স্তুতির্বচঃ ।
ভবন্তু দত্ত মে নিত্যং ত্বদীযা এব সর্বথা ॥ ৪২॥
প্রতিজ্ঞা তে ন ভক্তা মে নশ্যন্তীতি সুনিশ্চিতম্ ।
শ্রীদত্ত চিত্ত আনীয জীবনং ধারযাম্যহম্ ॥ ৪৩॥
দত্তোঽহং তে মযেতীশ আত্মদানেন যোঽভবত্ ।
অনসূযাত্রিপুত্রঃ স শ্রীদত্তঃ শরণং মম ॥ ৪৪॥
কার্তবীর্যার্জুনাযাদাদ্যোগর্ধিমুভযীং প্রভুঃ ।
অব্যাহতগতিং চাসৌ শ্রীদত্তঃ শরণং মম ॥ ৪৫॥
আন্বীক্ষিকীমলর্কায বিকল্পত্যাগপূর্বকম্ ।
যোঽদাদাচার্যবর্যঃ স শ্রীদত্তঃ শরণং মম ॥ ৪৬॥
চতুর্বিংশতিগুর্বাপ্তং হেযোপাদেযলক্ষণং ।
জ্ঞানং যো যদবেঽদাত্স শ্রীদত্তঃ শরণং মম ॥ ৪৭॥
মদালসাগর্ভরত্নালর্কায প্রাহিণোচ্চ যঃ ।
যোগপূর্বাত্মবিজ্ঞানং শ্রীদত্তঃ শরণং মম ॥ ৪৮॥
আযুরাজায সত্পুত্রং সেবাধর্মপরায যঃ ।
প্রদদৌ সদ্গতিং চৈষ শ্রীদত্তঃ শরণং মম ॥ ৪৯॥
লোকোপকৃতযে বিষ্ণুদত্তবিপ্রায যোঽর্পযত্ ।
বিদ্যাস্তচ্ছ্রাদ্ধভুগ্যঃ স শ্রীদত্তঃ শরণং মম ॥ ৫০॥
ভর্ত্রা সহানুগমনবিধিং যঃ প্রাহ সর্ববিত্ ।
রামমাত্রে রেণুকাযৈ শ্রীদত্তঃ শরণং মম ॥ ৫১॥
সমূলমাহ্নিকং কর্ম সোমকীর্তিনৃপায যঃ ।
মোক্ষোপযোগি সকলং শ্রীদত্তঃ শরণং মম ॥ ৫২॥
নামধারক ভক্তায নির্বিণ্ণায ব্যদর্শযত্ ।
তুষ্টঃ স্তুত্যা স্বরূপং স শ্রীদত্তঃ শরণং মম ॥ ৫৩॥
যঃ কলিব্রহ্মসংবাদমিষেণাহ যুগস্থিতীঃ ।
গুরুসেবাং চ সিদ্ধাঽঽস্যাচ্ছ্রীদত্তঃ শরণং মম ॥ ৫৪॥
দুর্বাসঃশাপমাশ্রুত্য যোঽম্বরীষার্থমব্যযঃ ।
নানাবতারধারী স শ্রীদত্তঃ শরণং মম ॥ ৫৫॥
অনসূযাসতীদুগ্ধাস্বাদাযেব ত্রিরূপতঃ ।
অবাতরদজো যোঽপি শ্রীদত্তঃ শরণং মম ॥ ৫৬॥
পীঠাপুরে যঃ সুমতিব্রাহ্মণীভক্তিতোঽভবত্ ।
শ্রীপাদস্তত্সুতস্ত্রাতা শ্রীদত্তঃ শরণং মম ॥ ৫৭॥
প্রকাশযামাস সিদ্ধমুখাত্স্থাপনমাদিতঃ ।
মহাবলেশ্বরস্যৈষ শ্রীদত্তঃ শরণং মম ॥ ৫৮॥
চণ্ডাল্যপি যতো মুক্তা গোকর্ণে তত্র যোঽবসত্ ।
লিঙ্গতীর্থমযে ত্র্যব্দং শ্রীদত্তঃ শরণং মম ॥ ৫৯॥
কৃষ্ণাদ্বীপে কুরুপুরে কুপুত্রং জননীযুতম্ ।
যো হি মৃত্যোরপাচ্ছ্রীপাচ্ছ্রীদত্তঃ শরণং মম ॥ ৬০॥
রজকাযাপি দাস্যন্যো রাজ্যং কুরুপুরে প্রভুঃ ।
তিরোঽভূদজ্ঞদৃষ্ট্যা স শ্রীদত্তঃ শরণং মম ॥ ৬১॥
বিশ্বাসঘাতিনশ্চোরান্স্বভক্তঘ্নান্নিহত্য যঃ ।
জীবযামাস ভক্তং স শ্রীদত্তঃ শরণং মম ॥ ৬২॥
করঞ্জনগরেঽম্বাযাঃ প্রদোষব্রতসিদ্ধযে ।
যোঽভূত্সুতো নৃহর্যাখ্যঃ শ্রীদত্তঃ শরণং মম ॥ ৬৩॥
মূকো ভূত্বা ব্রতাত্পশ্চাদ্বদন্বেদান্স্বমাতরম্ ।
প্রব্রজন্ বোধযামাস শ্রীদত্তঃ শরণং মম ॥ ৬৪॥
কাশীবাসী স সংন্যাসী নিরাশীষ্ট্বপ্রদো বৃষম্ ।
বৈদিকং বিশদীকুর্বন্ শ্রীদত্তঃ শরণং মম ॥ ৬৫॥
ভূমিং প্রদক্ষিণীকৃত্য সশিষ্যো বীক্ষ্য মাতরম্ ।
জহার দ্বিজশূলার্তিং শ্রীদত্তঃ শরণং মম ॥ ৬৬॥
শিষ্যত্বেনোররীকৃত্য সাযংদেবং ররক্ষ যঃ ॥
ভীতে চ ক্রূরযবনাচ্ছ্রীদত্তঃ শরণং মম ॥ ৬৭॥
প্রেরযত্তীর্থযাত্রাযৈ তীর্থরূপোঽপি যঃ স্বকান্ ।
সম্যগ্ধর্মমুপাদিশ্য শ্রীদত্তঃ শরণং মম ॥ ৬৮॥
সশিষ্যঃ পর্যলীক্ষেত্রে বৈদ্যনাথসমীপতঃ ।
স্থিত্বোদ্দধার মূঢো যঃ শ্রীদত্তঃ শরণং মম ॥ ৬৯॥
বিদ্বত্সুতমবিদ্যং যো আগতং লোকনিন্দিতম্ ।
ছিন্নজিহ্বং বুধং চক্রে শ্রীদত্তঃ শরণং মম ॥ ৭০॥
নৃসিংহবাটিকাস্থো যঃ প্রদদৌ শাকভুঙ্-নিধিম্ ।
দরিদ্রব্রাহ্মণাযাসৌ শ্রীদত্তঃ শরণং মম ॥ ৭১॥
ভক্তায ত্রিস্থলীযাত্রাং দর্শযামাস যঃ ক্ষণাত্ ।
চকার বরদং ক্ষেত্রং স শ্রীদত্তঃ শরণং মম ॥ ৭২॥
প্রেতার্তিং বারযিত্বা যো ব্রাহ্মণ্যৈ ভক্তিভাবিতঃ ।
দদৌ পুত্রৌ স গতিদঃ শ্রীদত্তঃ শরণং মম ॥ ৭৩॥
তত্ত্বং যো মৃতপুত্রাযৈ বোধযিত্বাপ্যজীবযত্ ।
মৃতং কল্পদ্রুমস্থঃ স শ্রীদত্তঃ শরণং মম ॥ ৭৪॥
দোহযামাস ভিক্ষার্থং যো বন্ধ্যাং মহিষীং প্রভুঃ ।
দারিদ্র্যদাবদাবঃ স শ্রীদত্তঃ শরণং মম ॥ ৭৫॥
রাজপ্রার্থিত এত্যাস্থান্মঠে যো গাণগাপুরে ।
ব্রহ্মরক্ষঃ সমুদ্ধর্তা শ্রীদত্তঃ শরণং মম ॥ ৭৬॥
বিশ্বরূপং নিন্দকায শিবিকাস্থঃ স্বলঙ্কৃতঃ ।
গর্বহা দর্শযদ্যঃ স শ্রীদত্তঃ শরণং মম ॥ ৭৭॥
ত্রিবিক্রমেণ চানীতৌ গর্বিতৌ ব্রাহ্মণদ্বিষৌ ।
বোধযামাস তৌ যঃ স শ্রীদত্তঃ শরণং মম ॥ ৭৮॥
উক্ত্বা চতুর্বেদশাখাতদঙ্গাদিকমীশ্বরঃ ।
বিপ্রগর্বহরো যঃ স শ্রীদত্তঃ শরণং মম ॥ ৭৯॥
সপ্তজন্মবিদং সপ্তরেখোল্লঙ্ঘনতো দদৌ ।
যো হীনায শ্রুতিস্ফূর্তিঃ শ্রীদত্তঃ শরণং মম ॥ ৮০॥
ত্রিবিক্রমাযাহ কর্মগতিং দত্তবিদা পুনঃ ।
বিযুক্তং পতিতং চক্রে শ্রীদত্তঃ শরণং মম ॥ ৮১॥
রক্ষসে বামদেবেন ভস্মমাহাত্ম্যমুদ্গতিম্ ।
উক্তাং ত্রিবিক্রমাযাহ শ্রীদত্তঃ শরণং মম ॥ ৮২॥
গোপীনাথসুতো রুগ্ণো মৃতস্তত্স্ত্রী শুশোচ তাম্ ।
বোধযামাস যো যোগী শ্রীদত্তঃ শরণং মম ॥ ৮৩॥
গুর্বগস্ত্যর্ষিসংবাদরূপং স্ত্রীধর্মমাহ যঃ ।
রূপান্তরেণ স প্রাজ্ঞঃ শ্রীদত্তঃ শরণং মম ॥ ৮৪॥
বিধবাধর্মমাদিশ্যানুগমং চাক্ষভস্মদঃ ।
অজীবযন্মৃতং বিপ্রং শ্রীদত্তঃ শরণং মম ॥ ৮৫॥
বেশ্যাসত্যৈ তু রুদ্রাক্ষমাহাত্ম্যযুতমীট্-কৃতম্ ।
প্রসাদং প্রাহ যঃ সত্যৈ শ্রীদত্তঃ শরণং মম ॥ ৮৬॥
শতরুদ্রীযমাহাত্ম্যং মৃতরাট্ সুতজীবনম্ ।
সত্যৈ শশংস স গুরুঃ শ্রীদত্তঃ শরণং মম ॥ ৮৭॥
কচাখ্যানং স্ত্রিযো মংত্রানর্হতার্থসুভাগ্যদম্ ।
সোমব্রতং চ যঃ প্রাহ শ্রীদত্তঃ শরণং মম ॥ ৮৮॥
ব্রাহ্মণ্যা দুঃস্বভাবং যো নিবার্যাহ্নিকমুত্তমম্ ।
শশংস ব্রাহ্মণাযাসৌ শ্রীদত্তঃ শরণং মম ॥ ৮৯॥
গার্হস্থধর্মং বিপ্রায প্রত্যবাযজিহাসযা ।
ক্রমমুক্ত্যৈ য ঊচে স শ্রীদত্তঃ শরণং মম ॥ ৯০॥
ত্রিপুংপর্যাপ্তপাকেন ভোজযামাস যো নৃণাম্ ।
সিদ্ধশ্চতুঃসহস্রাণি শ্রীদত্তঃ শরণং মম ॥ ৯১॥
অশ্বত্থসেবামাদিশ্য পুত্রৌ যোঽদাত্ফলপ্রদঃ ।
চিত্রকৃদ্-বৃদ্ধবন্ধ্যাযৈ শ্রীদত্তঃ শরণং মম ॥ ৯২॥
কারযিত্বা শুষ্ককাষ্ঠসেবাং তদ্-বৃক্ষতাং নযন্ ।
বিপ্রকুষ্ঠং জহারাসৌ শ্রীদত্তঃ শরণং মম ॥ ৯৩॥
ভজন্তং কষ্টতোঽপ্যাহ সাযংদেবং পরীক্ষ্য যঃ ।
গুরুসেবাবিধানং স শ্রীদত্তঃ শরণং মম ॥ ৯৪॥
শিবতোষকরীং কাশীযাত্রাং ভক্তায যোঽবদত্ ।
সবিধিং বিহিতাং ত্বষ্ট্রা শ্রীদত্তঃ শরণং মম ॥ ৯৫॥
কৌণ্ডিণ্যধর্মবিহিতমনংতব্রতমাহ যঃ ।
কারযামাস তদ্যোঽপি শ্রীদত্তঃ শরণং মম ॥ ৯৬॥
শ্রীশৈলং তংতুকাযাসৌ যোগগত্যা ব্যদর্শযত্ ।
শিবরাত্রিব্রতাহে স শ্রীদত্তঃ শরণং মম ॥ ৯৭॥
জ্ঞাপযিত্বাপ্যর্মত্যত্বং স্বস্য দৃষ্ট্যা চকার যঃ ।
বিকুষ্ঠং নন্দিশর্মাণং শ্রীদত্তঃ শরণং মম ॥ ৯৮॥
নরকেসরিণে স্বপ্নে স্বং কল্লেশ্বরলিঙ্গগম্ ।
দর্শযিত্বানুজগ্রাহ শ্রীদত্তঃ শরণং মম ॥ ৯৯॥
অষ্টমূর্তিধরোঽপ্যষ্টগ্রামগো ভক্তবত্সলঃ ।
দীপাবল্যুত্সবেঽভূত্স শ্রীদত্তঃ শরণং মম ॥ ১০০॥
অপক্বং ছেদযিত্বাপি ক্ষেত্রে শতগুণং ততঃ ।
ধান্যং শূদ্রায যোঽদাত্স শ্রীদত্তঃ শরণং মম ॥ ১০১॥
গাণগাপুরকে ক্ষেত্রে যোঽষ্টতীর্থান্যদর্শযত্ ।
ভক্তেভ্যো ভীমরথ্যাং স শ্রীদত্তঃ শরণং মম ॥ ১০২॥
পূর্বদত্তবরাযাদাদ্রাজ্যং স্ফোটকরুগ্ঘরঃ ।
ম্লেচ্ছায দৃষ্টিং চেষ্টং স শ্রীদত্তঃ শরণং মম ॥ ১০৩॥
শ্রীশৈলযাত্রামিষেণ বরদঃ পুষ্পপীঠগঃ ।
কলৌ তিরোঽভবদ্যঃ স শ্রীদত্তঃ শরণং মম ॥ ১০৪॥
নিদ্রামাতৃপুরেঽস্য সহ্যশিখরে পোঠং মিমংক্ষাপুরে
কাশ্যাখ্যে করহাটকেঽর্ঘ্যমবরে ভিক্ষাস্য কোলাপুরে ।
পাঞ্চালে ভুজিরস্য বিঠ্ঠলপুরে পত্রং বিচিত্রং পুরে
গাংধর্বে যুজিরাচমঃ কুরুপুরে দূরে স্মৃতো নান্তরে ॥ ১০৫॥
অমলকমলবক্ত্রঃ পদ্মপত্রাভনেত্রঃ
পরবিরতিকলত্রঃ সর্বথা যঃ স্বতন্ত্রঃ ।
স চ পরমপবিত্রঃ সত্কমণ্ডল্বমত্রঃ
পরমরুচিরগাত্রো যোঽনসূযাত্রিপুত্রঃ ॥ ১০৬॥
নমস্তে সমস্তেষ্টদাত্রে বিধাত্রে
নমস্তে সমস্তেডিতাঘৌঘহর্ত্রে ।
নমস্তে সমস্তেঙ্গিতজ্ঞায ভর্ত্রে
নমস্তে সমস্তেষ্টকর্ত্রেঽকহর্ত্রে ॥ ১০৭॥
নমো নমস্তেঽস্তু পুরান্তকায
নমো নমস্তেঽস্ত্বসুরান্তকায ।
নমো নমস্তেঽস্তু খলান্তকায
দত্তায ভক্তার্তিবিনাশকায ॥ ১০৮॥
শ্রীদত্তদেবেশ্বর মে প্রসীদ
শ্রীদত্তসর্বেশ্বর মে প্রসীদ ।
প্রসীদ যোগেশ্বর দেহি যোগং
ত্বদীযভক্তেঃ কুরু মা বিযোগম্ ॥ ১০৯॥
শ্রীদত্তো জযতীহ দত্তমনিশং ধ্যাযামি দত্তেন মে
হৃচ্ছুদ্ধির্বিহিতা ততোঽস্তু সততং দত্তায তুভ্যং নমঃ ।
দত্তান্নাস্তি পরাযণং শ্রুতিমতং দত্তস্য দাসোঽস্ম্যহম্ ।
শ্রীদত্তে পরভক্তিরস্তু মম ভো দত্ত প্রসীদেশ্বর ॥ ১১০॥
॥ ইতি শ্রী পরমহংস পরিব্রাজকাচার্য শ্রী শ্রী শ্রী
বাসুদেবানন্দ সরস্বতী যতি বরেণ্য বিরচিতং শ্রী দত্ত
ভাবসুধারস স্তোত্রং সম্পূর্ণম্ ॥
Encoded and proofread by Arun Shantharam shantharam.arun @ gmail.com
Please send corrections to sanskrit@cheerful.com
Last updated ত্oday
http://sanskritdocuments.org
Datta Bhavasudharasa Stotram Lyrics in Bengali PDF
% File name : dattabhaavasudhaarasastotram.itx
% Location : doc\_deities\_misc
% Author : vAsudevAnanda sarasvatI
% Language : Sanskrit
% Subject : philosophy/hinduism/religion
% Transliterated by : Arun Shantharam shantharam.arun at gmail.com
% Proofread by : Arun Shantharam shantharam.arun at gmail.com
% Latest update : April 4, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : dattabhaavasudhaarasastotram.itx
% Location : doc\_deities\_misc
% Author : vAsudevAnanda sarasvatI
% Language : Sanskrit
% Subject : philosophy/hinduism/religion
% Transliterated by : Arun Shantharam shantharam.arun at gmail.com
% Proofread by : Arun Shantharam shantharam.arun at gmail.com
% Latest update : April 4, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website