શ્રીદત્ત ભાવસુધારસસ્તોત્રમ્
{ શ્રીદત્ત ભાવસુધારસસ્તોત્રમ્ }
શ્રી દત્ત ભાવસુધારસ સ્તોત્રમ્
દત્તાત્રેયં પરમસુખમયં વેદગેયં હ્યમેયં
યોગિધ્યેયં હૃતનિજભયં સ્વીકૃતાનેકકાયમ્
દુષ્ટાગમ્યં વિતતવિજયં દેવદૈત્યર્ષિવન્દ્યં
વન્દે નિત્યં વિહિતવિનયં ચાવ્યયં ભાવગમ્યમ્ ૧
દત્તાત્રેય નમોઽસ્તુ તે ભગવતે પાપક્ષયં કુર્વતે
દારિદ્ર્યં હરતે ભયં શમયતે કારુણ્યમાતન્વતે
ભક્તાનુદ્ધરતે શિવં ચ દદતે સત્કીર્તિમાતન્વતે
ભૂતાન્દ્રાવયતે વરં પ્રદદતે શ્રેયઃ પતે સદ્ગતે ૨
એકં સૌભાગ્યજનકં તારકં લોકનાયકમ્
વિશોકં ત્રાતભજકં નમસ્યે કામપૂરકમ્ ૩
નિત્યં સ્મરામિ તે પાદે હતખેદે સુખપ્રદે
પ્રદેહિ મે શુદ્ધભાવં ભાવં યો વારયેદ્દ્રુતમ્ ૪
સમસ્તસમ્પત્પ્રદમાર્તબંધું સમસ્તકલ્યાણદમસ્તબંધુમ્
કારુણ્યસિંધું પ્રણમામિ દત્તં યઃ શોધયત્યાશુ મલીનચિત્તમ્ ૫
સમસ્તભૂતાંતરબાહ્યવર્તી યશ્ચાત્રિપુત્રો યતિચક્રવર્તી
સુકીર્તિસંવ્યાપ્તદિગંતરાલઃ સ પાતુ માં નિર્જિતભક્તકાલઃ ૬
વ્યાધ્યાધિદારિદ્ર્યભયાર્તિહર્તા સ્વગુપ્તયેઽનેકશરીરધર્તા
સ્વદાસભર્તા બહુધા વિહર્તા કર્તાપ્યકર્તા સ્વવશોઽરિહર્તા ૭
સ ચાનસૂયાતનયોઽભવદ્યો વિષ્ણુઃ સ્વયં ભાવિકરક્ષણાય
ગુણા યદીયા મ હિ બુદ્ધિમદ્ભિર્ગણ્યંત આકલ્પમપીહ ધાત્રા ૮
ન યત્કટાક્ષામૃતવૃષ્ટિતોઽત્ર
તિષ્ઠન્તિ તાપાઃ સકલાઃ પરત્ર
યઃ સદ્ગતિં સમ્પ્રદદાતિ ભૂમા
સ મેઽન્તરે તિષ્ઠતુ દિવ્યધામા ૯
સ ત્વં પ્રસીદાત્રિસુતાર્તિહારિન્
દિગમ્બર સ્વીયમનોવિહારિન્
દુષ્ટા લિપિર્યા લિખિતાત્ર ધાત્રા
કાર્યા ત્વયા સાઽતિશુભા વિધાત્રા ૧૦
સર્વમંગલસંયુક્ત સર્વૈશ્વર્યસમન્વિત
પ્રસન્ને ત્વયિ સર્વેશે કિં કેષાં દુર્લભં કુહ ૧૧
હાર્દાંધતિમિરં હન્તું શુદ્ધજ્ઞાનપ્રકાશક
ત્વદંઘ્રિનખમાણિક્યદ્યુતિરેવાલમીશ નઃ ૧૨
સ્વકૃપાર્દ્રકટાક્ષેણ વીક્ષસે ચેત્સકૃદ્ધિ મામ્
ભવિષ્યામિ કૃતાર્થોઽત્ર પાત્રં ચાપિ સ્થિતેસ્તવ ૧૩
ક્વ ચ મન્દો વરાકોઽહં ક્વ ભવાન્ભગવાન્પ્રભુઃ
અથાપિ ભવદાવેશ ભાગ્યવાનસ્મિ તે દૃશા ૧૪
વિહિતાનિ મયા નાના પાતકાનિ ચ યદ્યપિ
અથાપિ તે પ્રસાદેન પવિત્રોઽહં ન સંશયઃ ૧૫
સ્વલીલયા ત્વં હિ જનાન્પુનાસિ
તન્મે સ્વલીલા શ્રવણં પ્રયચ્છ
તસ્યાઃ શ્રુતેઃ સાન્દ્રવિલોચનોઽહં
પુનામિ ચાત્માનમતીવ દેવ ૧૬
પુરતસ્તે સ્ફુટં વચ્મિ દોષરાશિરહં કિલ
દોષા મમામિતાઃ પાંસુવૃષ્ટિબિન્દુસમા વિભોઃ ૧૭
પાપીયસામહં મુખ્યસ્ત્વં તુ કારુણિકાગ્રણીઃ
દયનીયો ન હિ ક્વાપિ મદન્ય ઇતિ ભાતિ મે ૧૮
ઈદૃશં માં વિલોક્યાપિ કૃપાલો તે મનો યદિ
ન દ્રવેત્તર્હિ કિં વાચ્યમદૃષ્ટં મે તવાગ્રતઃ ૧૯
ત્વમેવ સૃષ્ટવાન્સર્વાન્દત્તાત્રેય દયાનિધે
વયં દીનતરાઃ પુત્રાસ્તવાકલ્પાઃ સ્વરક્ષણે ૨૦
જયતુ જયતુ દત્તો દેવસઙ્ઘાભિપૂજ્યો
જયતુ જયતુ ભદ્રો ભદ્રદો ભાવુકેજ્યઃ
જયતુ જયતુ નિત્યો નિર્મલજ્ઞાનવેદ્યો
જયતુ જયતુ સત્યઃ સત્યસંધોઽનવદ્યઃ ૨૧
યદ્યહં તવ પુત્રઃ સ્યાં પિતા માતા ત્વમેવ મે
દયાસ્તન્યામૃતેનાશુ માતસ્ત્વમભિષિઞ્ચ મામ્ ૨૨
ઈશાભિન્નનિમિત્તોપાદનાત્સ્રષ્ટુરસ્ય તે
જગદ્યોને સુતો નાહં દત્ત માં પરિપાહ્યતઃ ૨૩
તવ વત્સસ્ય મે વાક્યં સૂક્તં વાઽસૂક્તમપ્યહો
ક્ષન્તવ્યં મેઽપરાધશ્ચ ત્વત્તોઽન્યા ન ગતિર્હિ મે ૨૪
અનન્યગતિકસ્યાસ્ય બાલસ્ય મમ તે પિતઃ
ન સર્વથોચિતોપેક્ષા દોષાણાં ગણનાપિ ચ ૨૫
અજ્ઞાનિત્વાદકલ્પત્વાદ્દોષા મમ પદે પદે
ભવન્તિ કિં કરોમીશ કરુણાવરુણાલય ૨૬
અથાપિ મેઽપરાધૈશ્ચેદાયાસ્યન્તર્વિષાદતામ્
પદાહતાર્ભકેણાપિ માતા રુષ્યતિ કિં ભુવિ ૨૭
રઙ્કમઙ્કગતં દીનં તાડયન્તં પદેન ચ
માતા ત્યજતિ કિં બાલં પ્રત્યુતાશ્વાસયત્યહો ૨૮
તાદૃશં મામકલ્પં ચેન્નાશ્વાસયસિ ભો પ્રભો
અહહા બત દીનસ્ય ત્વાં વિના મમ કા ગતિઃ ૨૯
શિશુર્નાયં શઠઃ સ્વાર્થીત્યપિ નાયાતુ તેઽન્તરમ્
લોકે હિ ક્ષુધિતા બાલાઃ સ્મરન્તિ નિજમાતરમ્ ૩૦
જીવનં ભિન્નયોઃ પિત્રોર્લોક એકતરાચ્છિશોઃ
ત્વં તૂભયં દત્ત મમ માઽસ્તુ નિર્દયતા મયિ ૩૧
સ્તવનેન ન શક્તોઽસ્મિ ત્વાં પ્રસાદયિતું પ્રભો
બ્રહ્માદ્યાશ્ચકિતાસ્તત્ર મન્દોઽહં શક્નુયાં કથમ્ ૩૨
દત્ત ત્વદ્બાલવાક્યાનિ સૂક્તાસૂક્તાનિ યાનિ ચ
તાનિ સ્વીકુરુ સર્વજ્ઞ દયાલો ભક્તભાવન ૩૩
યે ત્વા શરણમાપન્નાઃ કૃતાર્થા અભવન્હિ તે
એતદ્વિચાર્ય મનસા દત્ત ત્વાં શરણં ગતઃ ૩૪
ત્વન્નિષ્ઠાસ્ત્વત્પરા ભક્તાસ્તવ તે સુખભાગિનઃ
ઇતિ શાસ્ત્રાનુરોધેન દત્ત ત્વાં શરણં ગતઃ ૩૫
સ્વભક્તાનનુગૃહ્ણાતિ ભગવાન્ ભક્તવત્સલઃ
ઇતિ સઞ્ચિત્ય સઞ્ચિત્ય કથઞ્ચિદ્ધારયામ્યસૂન્ ૩૬
ત્વદ્ભક્તસ્ત્વદધીનોઽહમસ્મિ તુભ્યં સમર્પિતમ્
તનું મનો ધનં ચાપિ કૃપાં કુરુ મમોપરિ ૩૭
ત્વયિ ભક્તિં નૈવ જાને ન જાનેઽર્ચનપદ્ધતિમ્
કૃતં ન દાનધર્માદિ પ્રસાદં કુરુ કેવલમ્ ૩૮
બ્રહ્મચર્યાદિ નાચીર્ણં નાધીતા વિધિતઃ શ્રુતિઃ
ગાર્હસ્થ્યં વિધિના દત્ત ન કૃતં તત્પ્રસીદ મે ૩૯
ન સાધુસઙ્ગમો મેઽસ્તિ ન કૃતં વૃદ્ધસેવનમ્
ન શાસ્ત્રશાસનં દત્ત કેવલં ત્વં દયાં કુરુ ૪૦
જ્ઞાતેઽપિ ધર્મે નહિ મે પ્રવૃત્તિ-
ર્જ્ઞાતેઽપ્યધર્મે ન તતો નિવૃત્તિઃ
શ્રીદત્તનાથેન હૃદિ સ્થિતેન
યથા નિયુક્તોઽસ્મિ તથા કરોમિ ૪૧
કૃતિઃ સેવા ગતિર્યાત્રા સ્મૃતિશ્ચિન્તા સ્તુતિર્વચઃ
ભવન્તુ દત્ત મે નિત્યં ત્વદીયા એવ સર્વથા ૪૨
પ્રતિજ્ઞા તે ન ભક્તા મે નશ્યન્તીતિ સુનિશ્ચિતમ્
શ્રીદત્ત ચિત્ત આનીય જીવનં ધારયામ્યહમ્ ૪૩
દત્તોઽહં તે મયેતીશ આત્મદાનેન યોઽભવત્
અનસૂયાત્રિપુત્રઃ સ શ્રીદત્તઃ શરણં મમ ૪૪
કાર્તવીર્યાર્જુનાયાદાદ્યોગર્ધિમુભયીં પ્રભુઃ
અવ્યાહતગતિં ચાસૌ શ્રીદત્તઃ શરણં મમ ૪૫
આન્વીક્ષિકીમલર્કાય વિકલ્પત્યાગપૂર્વકમ્
યોઽદાદાચાર્યવર્યઃ સ શ્રીદત્તઃ શરણં મમ ૪૬
ચતુર્વિંશતિગુર્વાપ્તં હેયોપાદેયલક્ષણં
જ્ઞાનં યો યદવેઽદાત્સ શ્રીદત્તઃ શરણં મમ ૪૭
મદાલસાગર્ભરત્નાલર્કાય પ્રાહિણોચ્ચ યઃ
યોગપૂર્વાત્મવિજ્ઞાનં શ્રીદત્તઃ શરણં મમ ૪૮
આયુરાજાય સત્પુત્રં સેવાધર્મપરાય યઃ
પ્રદદૌ સદ્ગતિં ચૈષ શ્રીદત્તઃ શરણં મમ ૪૯
લોકોપકૃતયે વિષ્ણુદત્તવિપ્રાય યોઽર્પયત્
વિદ્યાસ્તચ્છ્રાદ્ધભુગ્યઃ સ શ્રીદત્તઃ શરણં મમ ૫૦
ભર્ત્રા સહાનુગમનવિધિં યઃ પ્રાહ સર્વવિત્
રામમાત્રે રેણુકાયૈ શ્રીદત્તઃ શરણં મમ ૫૧
સમૂલમાહ્નિકં કર્મ સોમકીર્તિનૃપાય યઃ
મોક્ષોપયોગિ સકલં શ્રીદત્તઃ શરણં મમ ૫૨
નામધારક ભક્તાય નિર્વિણ્ણાય વ્યદર્શયત્
તુષ્ટઃ સ્તુત્યા સ્વરૂપં સ શ્રીદત્તઃ શરણં મમ ૫૩
યઃ કલિબ્રહ્મસંવાદમિષેણાહ યુગસ્થિતીઃ
ગુરુસેવાં ચ સિદ્ધાઽઽસ્યાચ્છ્રીદત્તઃ શરણં મમ ૫૪
દુર્વાસઃશાપમાશ્રુત્ય યોઽમ્બરીષાર્થમવ્યયઃ
નાનાવતારધારી સ શ્રીદત્તઃ શરણં મમ ૫૫
અનસૂયાસતીદુગ્ધાસ્વાદાયેવ ત્રિરૂપતઃ
અવાતરદજો યોઽપિ શ્રીદત્તઃ શરણં મમ ૫૬
પીઠાપુરે યઃ સુમતિબ્રાહ્મણીભક્તિતોઽભવત્
શ્રીપાદસ્તત્સુતસ્ત્રાતા શ્રીદત્તઃ શરણં મમ ૫૭
પ્રકાશયામાસ સિદ્ધમુખાત્સ્થાપનમાદિતઃ
મહાબલેશ્વરસ્યૈષ શ્રીદત્તઃ શરણં મમ ૫૮
ચણ્ડાલ્યપિ યતો મુક્તા ગોકર્ણે તત્ર યોઽવસત્
લિઙ્ગતીર્થમયે ત્ર્યબ્દં શ્રીદત્તઃ શરણં મમ ૫૯
કૃષ્ણાદ્વીપે કુરુપુરે કુપુત્રં જનનીયુતમ્
યો હિ મૃત્યોરપાચ્છ્રીપાચ્છ્રીદત્તઃ શરણં મમ ૬૦
રજકાયાપિ દાસ્યન્યો રાજ્યં કુરુપુરે પ્રભુઃ
તિરોઽભૂદજ્ઞદૃષ્ટ્યા સ શ્રીદત્તઃ શરણં મમ ૬૧
વિશ્વાસઘાતિનશ્ચોરાન્સ્વભક્તઘ્નાન્નિહત્ય યઃ
જીવયામાસ ભક્તં સ શ્રીદત્તઃ શરણં મમ ૬૨
કરઞ્જનગરેઽમ્બાયાઃ પ્રદોષવ્રતસિદ્ધયે
યોઽભૂત્સુતો નૃહર્યાખ્યઃ શ્રીદત્તઃ શરણં મમ ૬૩
મૂકો ભૂત્વા વ્રતાત્પશ્ચાદ્વદન્વેદાન્સ્વમાતરમ્
પ્રવ્રજન્ બોધયામાસ શ્રીદત્તઃ શરણં મમ ૬૪
કાશીવાસી સ સંન્યાસી નિરાશીષ્ટ્વપ્રદો વૃષમ્
વૈદિકં વિશદીકુર્વન્ શ્રીદત્તઃ શરણં મમ ૬૫
ભૂમિં પ્રદક્ષિણીકૃત્ય સશિષ્યો વીક્ષ્ય માતરમ્
જહાર દ્વિજશૂલાર્તિં શ્રીદત્તઃ શરણં મમ ૬૬
શિષ્યત્વેનોરરીકૃત્ય સાયંદેવં રરક્ષ યઃ
ભીતે ચ ક્રૂરયવનાચ્છ્રીદત્તઃ શરણં મમ ૬૭
પ્રેરયત્તીર્થયાત્રાયૈ તીર્થરૂપોઽપિ યઃ સ્વકાન્
સમ્યગ્ધર્મમુપાદિશ્ય શ્રીદત્તઃ શરણં મમ ૬૮
સશિષ્યઃ પર્યલીક્ષેત્રે વૈદ્યનાથસમીપતઃ
સ્થિત્વોદ્દધાર મૂઢો યઃ શ્રીદત્તઃ શરણં મમ ૬૯
વિદ્વત્સુતમવિદ્યં યો આગતં લોકનિન્દિતમ્
છિન્નજિહ્વં બુધં ચક્રે શ્રીદત્તઃ શરણં મમ ૭૦
નૃસિંહવાટિકાસ્થો યઃ પ્રદદૌ શાકભુઙ્-નિધિમ્
દરિદ્રબ્રાહ્મણાયાસૌ શ્રીદત્તઃ શરણં મમ ૭૧
ભક્તાય ત્રિસ્થલીયાત્રાં દર્શયામાસ યઃ ક્ષણાત્
ચકાર વરદં ક્ષેત્રં સ શ્રીદત્તઃ શરણં મમ ૭૨
પ્રેતાર્તિં વારયિત્વા યો બ્રાહ્મણ્યૈ ભક્તિભાવિતઃ
દદૌ પુત્રૌ સ ગતિદઃ શ્રીદત્તઃ શરણં મમ ૭૩
તત્ત્વં યો મૃતપુત્રાયૈ બોધયિત્વાપ્યજીવયત્
મૃતં કલ્પદ્રુમસ્થઃ સ શ્રીદત્તઃ શરણં મમ ૭૪
દોહયામાસ ભિક્ષાર્થં યો વન્ધ્યાં મહિષીં પ્રભુઃ
દારિદ્ર્યદાવદાવઃ સ શ્રીદત્તઃ શરણં મમ ૭૫
રાજપ્રાર્થિત એત્યાસ્થાન્મઠે યો ગાણગાપુરે
બ્રહ્મરક્ષઃ સમુદ્ધર્તા શ્રીદત્તઃ શરણં મમ ૭૬
વિશ્વરૂપં નિન્દકાય શિબિકાસ્થઃ સ્વલઙ્કૃતઃ
ગર્વહા દર્શયદ્યઃ સ શ્રીદત્તઃ શરણં મમ ૭૭
ત્રિવિક્રમેણ ચાનીતૌ ગર્વિતૌ બ્રાહ્મણદ્વિષૌ
બોધયામાસ તૌ યઃ સ શ્રીદત્તઃ શરણં મમ ૭૮
ઉક્ત્વા ચતુર્વેદશાખાતદઙ્ગાદિકમીશ્વરઃ
વિપ્રગર્વહરો યઃ સ શ્રીદત્તઃ શરણં મમ ૭૯
સપ્તજન્મવિદં સપ્તરેખોલ્લઙ્ઘનતો દદૌ
યો હીનાય શ્રુતિસ્ફૂર્તિઃ શ્રીદત્તઃ શરણં મમ ૮૦
ત્રિવિક્રમાયાહ કર્મગતિં દત્તવિદા પુનઃ
વિયુક્તં પતિતં ચક્રે શ્રીદત્તઃ શરણં મમ ૮૧
રક્ષસે વામદેવેન ભસ્મમાહાત્મ્યમુદ્ગતિમ્
ઉક્તાં ત્રિવિક્રમાયાહ શ્રીદત્તઃ શરણં મમ ૮૨
ગોપીનાથસુતો રુગ્ણો મૃતસ્તત્સ્ત્રી શુશોચ તામ્
બોધયામાસ યો યોગી શ્રીદત્તઃ શરણં મમ ૮૩
ગુર્વગસ્ત્યર્ષિસંવાદરૂપં સ્ત્રીધર્મમાહ યઃ
રૂપાન્તરેણ સ પ્રાજ્ઞઃ શ્રીદત્તઃ શરણં મમ ૮૪
વિધવાધર્મમાદિશ્યાનુગમં ચાક્ષભસ્મદઃ
અજીવયન્મૃતં વિપ્રં શ્રીદત્તઃ શરણં મમ ૮૫
વેશ્યાસત્યૈ તુ રુદ્રાક્ષમાહાત્મ્યયુતમીટ્-કૃતમ્
પ્રસાદં પ્રાહ યઃ સત્યૈ શ્રીદત્તઃ શરણં મમ ૮૬
શતરુદ્રીયમાહાત્મ્યં મૃતરાટ્ સુતજીવનમ્
સત્યૈ શશંસ સ ગુરુઃ શ્રીદત્તઃ શરણં મમ ૮૭
કચાખ્યાનં સ્ત્રિયો મંત્રાનર્હતાર્થસુભાગ્યદમ્
સોમવ્રતં ચ યઃ પ્રાહ શ્રીદત્તઃ શરણં મમ ૮૮
બ્રાહ્મણ્યા દુઃસ્વભાવં યો નિવાર્યાહ્નિકમુત્તમમ્
શશંસ બ્રાહ્મણાયાસૌ શ્રીદત્તઃ શરણં મમ ૮૯
ગાર્હસ્થધર્મં વિપ્રાય પ્રત્યવાયજિહાસયા
ક્રમમુક્ત્યૈ ય ઊચે સ શ્રીદત્તઃ શરણં મમ ૯૦
ત્રિપુંપર્યાપ્તપાકેન ભોજયામાસ યો નૃણામ્
સિદ્ધશ્ચતુઃસહસ્રાણિ શ્રીદત્તઃ શરણં મમ ૯૧
અશ્વત્થસેવામાદિશ્ય પુત્રૌ યોઽદાત્ફલપ્રદઃ
ચિત્રકૃદ્-વૃદ્ધવન્ધ્યાયૈ શ્રીદત્તઃ શરણં મમ ૯૨
કારયિત્વા શુષ્કકાષ્ઠસેવાં તદ્-વૃક્ષતાં નયન્
વિપ્રકુષ્ઠં જહારાસૌ શ્રીદત્તઃ શરણં મમ ૯૩
ભજન્તં કષ્ટતોઽપ્યાહ સાયંદેવં પરીક્ષ્ય યઃ
ગુરુસેવાવિધાનં સ શ્રીદત્તઃ શરણં મમ ૯૪
શિવતોષકરીં કાશીયાત્રાં ભક્તાય યોઽવદત્
સવિધિં વિહિતાં ત્વષ્ટ્રા શ્રીદત્તઃ શરણં મમ ૯૫
કૌણ્ડિણ્યધર્મવિહિતમનંતવ્રતમાહ યઃ
કારયામાસ તદ્યોઽપિ શ્રીદત્તઃ શરણં મમ ૯૬
શ્રીશૈલં તંતુકાયાસૌ યોગગત્યા વ્યદર્શયત્
શિવરાત્રિવ્રતાહે સ શ્રીદત્તઃ શરણં મમ ૯૭
જ્ઞાપયિત્વાપ્યર્મત્યત્વં સ્વસ્ય દૃષ્ટ્યા ચકાર યઃ
વિકુષ્ઠં નન્દિશર્માણં શ્રીદત્તઃ શરણં મમ ૯૮
નરકેસરિણે સ્વપ્ને સ્વં કલ્લેશ્વરલિઙ્ગગમ્
દર્શયિત્વાનુજગ્રાહ શ્રીદત્તઃ શરણં મમ ૯૯
અષ્ટમૂર્તિધરોઽપ્યષ્ટગ્રામગો ભક્તવત્સલઃ
દીપાવલ્યુત્સવેઽભૂત્સ શ્રીદત્તઃ શરણં મમ ૧૦૦
અપક્વં છેદયિત્વાપિ ક્ષેત્રે શતગુણં તતઃ
ધાન્યં શૂદ્રાય યોઽદાત્સ શ્રીદત્તઃ શરણં મમ ૧૦૧
ગાણગાપુરકે ક્ષેત્રે યોઽષ્ટતીર્થાન્યદર્શયત્
ભક્તેભ્યો ભીમરથ્યાં સ શ્રીદત્તઃ શરણં મમ ૧૦૨
પૂર્વદત્તવરાયાદાદ્રાજ્યં સ્ફોટકરુગ્ઘરઃ
મ્લેચ્છાય દૃષ્ટિં ચેષ્ટં સ શ્રીદત્તઃ શરણં મમ ૧૦૩
શ્રીશૈલયાત્રામિષેણ વરદઃ પુષ્પપીઠગઃ
કલૌ તિરોઽભવદ્યઃ સ શ્રીદત્તઃ શરણં મમ ૧૦૪
નિદ્રામાતૃપુરેઽસ્ય સહ્યશિખરે પોઠં મિમંક્ષાપુરે
કાશ્યાખ્યે કરહાટકેઽર્ઘ્યમવરે ભિક્ષાસ્ય કોલાપુરે
પાઞ્ચાલે ભુજિરસ્ય વિઠ્ઠલપુરે પત્રં વિચિત્રં પુરે
ગાંધર્વે યુજિરાચમઃ કુરુપુરે દૂરે સ્મૃતો નાન્તરે ૧૦૫
અમલકમલવક્ત્રઃ પદ્મપત્રાભનેત્રઃ
પરવિરતિકલત્રઃ સર્વથા યઃ સ્વતન્ત્રઃ
સ ચ પરમપવિત્રઃ સત્કમણ્ડલ્વમત્રઃ
પરમરુચિરગાત્રો યોઽનસૂયાત્રિપુત્રઃ ૧૦૬
નમસ્તે સમસ્તેષ્ટદાત્રે વિધાત્રે
નમસ્તે સમસ્તેડિતાઘૌઘહર્ત્રે
નમસ્તે સમસ્તેઙ્ગિતજ્ઞાય ભર્ત્રે
નમસ્તે સમસ્તેષ્ટકર્ત્રેઽકહર્ત્રે ૧૦૭
નમો નમસ્તેઽસ્તુ પુરાન્તકાય
નમો નમસ્તેઽસ્ત્વસુરાન્તકાય
નમો નમસ્તેઽસ્તુ ખલાન્તકાય
દત્તાય ભક્તાર્તિવિનાશકાય ૧૦૮
શ્રીદત્તદેવેશ્વર મે પ્રસીદ
શ્રીદત્તસર્વેશ્વર મે પ્રસીદ
પ્રસીદ યોગેશ્વર દેહિ યોગં
ત્વદીયભક્તેઃ કુરુ મા વિયોગમ્ ૧૦૯
શ્રીદત્તો જયતીહ દત્તમનિશં ધ્યાયામિ દત્તેન મે
હૃચ્છુદ્ધિર્વિહિતા તતોઽસ્તુ સતતં દત્તાય તુભ્યં નમઃ
દત્તાન્નાસ્તિ પરાયણં શ્રુતિમતં દત્તસ્ય દાસોઽસ્મ્યહમ્
શ્રીદત્તે પરભક્તિરસ્તુ મમ ભો દત્ત પ્રસીદેશ્વર ૧૧૦
ઇતિ શ્રી પરમહંસ પરિવ્રાજકાચાર્ય શ્રી શ્રી શ્રી
વાસુદેવાનન્દ સરસ્વતી યતિ વરેણ્ય વિરચિતં શ્રી દત્ત
ભાવસુધારસ સ્તોત્રં સમ્પૂર્ણમ્
Encoded and proofread by Arun Shantharam shantharam.arun @ gmail.com
Please send corrections to sanskrit@cheerful.com
Last updated ત્oday
http://sanskritdocuments.org
શ્રી દત્ત ભાવસુધારસ સ્તોત્રમ્
દત્તાત્રેયં પરમસુખમયં વેદગેયં હ્યમેયં
યોગિધ્યેયં હૃતનિજભયં સ્વીકૃતાનેકકાયમ્
દુષ્ટાગમ્યં વિતતવિજયં દેવદૈત્યર્ષિવન્દ્યં
વન્દે નિત્યં વિહિતવિનયં ચાવ્યયં ભાવગમ્યમ્ ૧
દત્તાત્રેય નમોઽસ્તુ તે ભગવતે પાપક્ષયં કુર્વતે
દારિદ્ર્યં હરતે ભયં શમયતે કારુણ્યમાતન્વતે
ભક્તાનુદ્ધરતે શિવં ચ દદતે સત્કીર્તિમાતન્વતે
ભૂતાન્દ્રાવયતે વરં પ્રદદતે શ્રેયઃ પતે સદ્ગતે ૨
એકં સૌભાગ્યજનકં તારકં લોકનાયકમ્
વિશોકં ત્રાતભજકં નમસ્યે કામપૂરકમ્ ૩
નિત્યં સ્મરામિ તે પાદે હતખેદે સુખપ્રદે
પ્રદેહિ મે શુદ્ધભાવં ભાવં યો વારયેદ્દ્રુતમ્ ૪
સમસ્તસમ્પત્પ્રદમાર્તબંધું સમસ્તકલ્યાણદમસ્તબંધુમ્
કારુણ્યસિંધું પ્રણમામિ દત્તં યઃ શોધયત્યાશુ મલીનચિત્તમ્ ૫
સમસ્તભૂતાંતરબાહ્યવર્તી યશ્ચાત્રિપુત્રો યતિચક્રવર્તી
સુકીર્તિસંવ્યાપ્તદિગંતરાલઃ સ પાતુ માં નિર્જિતભક્તકાલઃ ૬
વ્યાધ્યાધિદારિદ્ર્યભયાર્તિહર્તા સ્વગુપ્તયેઽનેકશરીરધર્તા
સ્વદાસભર્તા બહુધા વિહર્તા કર્તાપ્યકર્તા સ્વવશોઽરિહર્તા ૭
સ ચાનસૂયાતનયોઽભવદ્યો વિષ્ણુઃ સ્વયં ભાવિકરક્ષણાય
ગુણા યદીયા મ હિ બુદ્ધિમદ્ભિર્ગણ્યંત આકલ્પમપીહ ધાત્રા ૮
ન યત્કટાક્ષામૃતવૃષ્ટિતોઽત્ર
તિષ્ઠન્તિ તાપાઃ સકલાઃ પરત્ર
યઃ સદ્ગતિં સમ્પ્રદદાતિ ભૂમા
સ મેઽન્તરે તિષ્ઠતુ દિવ્યધામા ૯
સ ત્વં પ્રસીદાત્રિસુતાર્તિહારિન્
દિગમ્બર સ્વીયમનોવિહારિન્
દુષ્ટા લિપિર્યા લિખિતાત્ર ધાત્રા
કાર્યા ત્વયા સાઽતિશુભા વિધાત્રા ૧૦
સર્વમંગલસંયુક્ત સર્વૈશ્વર્યસમન્વિત
પ્રસન્ને ત્વયિ સર્વેશે કિં કેષાં દુર્લભં કુહ ૧૧
હાર્દાંધતિમિરં હન્તું શુદ્ધજ્ઞાનપ્રકાશક
ત્વદંઘ્રિનખમાણિક્યદ્યુતિરેવાલમીશ નઃ ૧૨
સ્વકૃપાર્દ્રકટાક્ષેણ વીક્ષસે ચેત્સકૃદ્ધિ મામ્
ભવિષ્યામિ કૃતાર્થોઽત્ર પાત્રં ચાપિ સ્થિતેસ્તવ ૧૩
ક્વ ચ મન્દો વરાકોઽહં ક્વ ભવાન્ભગવાન્પ્રભુઃ
અથાપિ ભવદાવેશ ભાગ્યવાનસ્મિ તે દૃશા ૧૪
વિહિતાનિ મયા નાના પાતકાનિ ચ યદ્યપિ
અથાપિ તે પ્રસાદેન પવિત્રોઽહં ન સંશયઃ ૧૫
સ્વલીલયા ત્વં હિ જનાન્પુનાસિ
તન્મે સ્વલીલા શ્રવણં પ્રયચ્છ
તસ્યાઃ શ્રુતેઃ સાન્દ્રવિલોચનોઽહં
પુનામિ ચાત્માનમતીવ દેવ ૧૬
પુરતસ્તે સ્ફુટં વચ્મિ દોષરાશિરહં કિલ
દોષા મમામિતાઃ પાંસુવૃષ્ટિબિન્દુસમા વિભોઃ ૧૭
પાપીયસામહં મુખ્યસ્ત્વં તુ કારુણિકાગ્રણીઃ
દયનીયો ન હિ ક્વાપિ મદન્ય ઇતિ ભાતિ મે ૧૮
ઈદૃશં માં વિલોક્યાપિ કૃપાલો તે મનો યદિ
ન દ્રવેત્તર્હિ કિં વાચ્યમદૃષ્ટં મે તવાગ્રતઃ ૧૯
ત્વમેવ સૃષ્ટવાન્સર્વાન્દત્તાત્રેય દયાનિધે
વયં દીનતરાઃ પુત્રાસ્તવાકલ્પાઃ સ્વરક્ષણે ૨૦
જયતુ જયતુ દત્તો દેવસઙ્ઘાભિપૂજ્યો
જયતુ જયતુ ભદ્રો ભદ્રદો ભાવુકેજ્યઃ
જયતુ જયતુ નિત્યો નિર્મલજ્ઞાનવેદ્યો
જયતુ જયતુ સત્યઃ સત્યસંધોઽનવદ્યઃ ૨૧
યદ્યહં તવ પુત્રઃ સ્યાં પિતા માતા ત્વમેવ મે
દયાસ્તન્યામૃતેનાશુ માતસ્ત્વમભિષિઞ્ચ મામ્ ૨૨
ઈશાભિન્નનિમિત્તોપાદનાત્સ્રષ્ટુરસ્ય તે
જગદ્યોને સુતો નાહં દત્ત માં પરિપાહ્યતઃ ૨૩
તવ વત્સસ્ય મે વાક્યં સૂક્તં વાઽસૂક્તમપ્યહો
ક્ષન્તવ્યં મેઽપરાધશ્ચ ત્વત્તોઽન્યા ન ગતિર્હિ મે ૨૪
અનન્યગતિકસ્યાસ્ય બાલસ્ય મમ તે પિતઃ
ન સર્વથોચિતોપેક્ષા દોષાણાં ગણનાપિ ચ ૨૫
અજ્ઞાનિત્વાદકલ્પત્વાદ્દોષા મમ પદે પદે
ભવન્તિ કિં કરોમીશ કરુણાવરુણાલય ૨૬
અથાપિ મેઽપરાધૈશ્ચેદાયાસ્યન્તર્વિષાદતામ્
પદાહતાર્ભકેણાપિ માતા રુષ્યતિ કિં ભુવિ ૨૭
રઙ્કમઙ્કગતં દીનં તાડયન્તં પદેન ચ
માતા ત્યજતિ કિં બાલં પ્રત્યુતાશ્વાસયત્યહો ૨૮
તાદૃશં મામકલ્પં ચેન્નાશ્વાસયસિ ભો પ્રભો
અહહા બત દીનસ્ય ત્વાં વિના મમ કા ગતિઃ ૨૯
શિશુર્નાયં શઠઃ સ્વાર્થીત્યપિ નાયાતુ તેઽન્તરમ્
લોકે હિ ક્ષુધિતા બાલાઃ સ્મરન્તિ નિજમાતરમ્ ૩૦
જીવનં ભિન્નયોઃ પિત્રોર્લોક એકતરાચ્છિશોઃ
ત્વં તૂભયં દત્ત મમ માઽસ્તુ નિર્દયતા મયિ ૩૧
સ્તવનેન ન શક્તોઽસ્મિ ત્વાં પ્રસાદયિતું પ્રભો
બ્રહ્માદ્યાશ્ચકિતાસ્તત્ર મન્દોઽહં શક્નુયાં કથમ્ ૩૨
દત્ત ત્વદ્બાલવાક્યાનિ સૂક્તાસૂક્તાનિ યાનિ ચ
તાનિ સ્વીકુરુ સર્વજ્ઞ દયાલો ભક્તભાવન ૩૩
યે ત્વા શરણમાપન્નાઃ કૃતાર્થા અભવન્હિ તે
એતદ્વિચાર્ય મનસા દત્ત ત્વાં શરણં ગતઃ ૩૪
ત્વન્નિષ્ઠાસ્ત્વત્પરા ભક્તાસ્તવ તે સુખભાગિનઃ
ઇતિ શાસ્ત્રાનુરોધેન દત્ત ત્વાં શરણં ગતઃ ૩૫
સ્વભક્તાનનુગૃહ્ણાતિ ભગવાન્ ભક્તવત્સલઃ
ઇતિ સઞ્ચિત્ય સઞ્ચિત્ય કથઞ્ચિદ્ધારયામ્યસૂન્ ૩૬
ત્વદ્ભક્તસ્ત્વદધીનોઽહમસ્મિ તુભ્યં સમર્પિતમ્
તનું મનો ધનં ચાપિ કૃપાં કુરુ મમોપરિ ૩૭
ત્વયિ ભક્તિં નૈવ જાને ન જાનેઽર્ચનપદ્ધતિમ્
કૃતં ન દાનધર્માદિ પ્રસાદં કુરુ કેવલમ્ ૩૮
બ્રહ્મચર્યાદિ નાચીર્ણં નાધીતા વિધિતઃ શ્રુતિઃ
ગાર્હસ્થ્યં વિધિના દત્ત ન કૃતં તત્પ્રસીદ મે ૩૯
ન સાધુસઙ્ગમો મેઽસ્તિ ન કૃતં વૃદ્ધસેવનમ્
ન શાસ્ત્રશાસનં દત્ત કેવલં ત્વં દયાં કુરુ ૪૦
જ્ઞાતેઽપિ ધર્મે નહિ મે પ્રવૃત્તિ-
ર્જ્ઞાતેઽપ્યધર્મે ન તતો નિવૃત્તિઃ
શ્રીદત્તનાથેન હૃદિ સ્થિતેન
યથા નિયુક્તોઽસ્મિ તથા કરોમિ ૪૧
કૃતિઃ સેવા ગતિર્યાત્રા સ્મૃતિશ્ચિન્તા સ્તુતિર્વચઃ
ભવન્તુ દત્ત મે નિત્યં ત્વદીયા એવ સર્વથા ૪૨
પ્રતિજ્ઞા તે ન ભક્તા મે નશ્યન્તીતિ સુનિશ્ચિતમ્
શ્રીદત્ત ચિત્ત આનીય જીવનં ધારયામ્યહમ્ ૪૩
દત્તોઽહં તે મયેતીશ આત્મદાનેન યોઽભવત્
અનસૂયાત્રિપુત્રઃ સ શ્રીદત્તઃ શરણં મમ ૪૪
કાર્તવીર્યાર્જુનાયાદાદ્યોગર્ધિમુભયીં પ્રભુઃ
અવ્યાહતગતિં ચાસૌ શ્રીદત્તઃ શરણં મમ ૪૫
આન્વીક્ષિકીમલર્કાય વિકલ્પત્યાગપૂર્વકમ્
યોઽદાદાચાર્યવર્યઃ સ શ્રીદત્તઃ શરણં મમ ૪૬
ચતુર્વિંશતિગુર્વાપ્તં હેયોપાદેયલક્ષણં
જ્ઞાનં યો યદવેઽદાત્સ શ્રીદત્તઃ શરણં મમ ૪૭
મદાલસાગર્ભરત્નાલર્કાય પ્રાહિણોચ્ચ યઃ
યોગપૂર્વાત્મવિજ્ઞાનં શ્રીદત્તઃ શરણં મમ ૪૮
આયુરાજાય સત્પુત્રં સેવાધર્મપરાય યઃ
પ્રદદૌ સદ્ગતિં ચૈષ શ્રીદત્તઃ શરણં મમ ૪૯
લોકોપકૃતયે વિષ્ણુદત્તવિપ્રાય યોઽર્પયત્
વિદ્યાસ્તચ્છ્રાદ્ધભુગ્યઃ સ શ્રીદત્તઃ શરણં મમ ૫૦
ભર્ત્રા સહાનુગમનવિધિં યઃ પ્રાહ સર્વવિત્
રામમાત્રે રેણુકાયૈ શ્રીદત્તઃ શરણં મમ ૫૧
સમૂલમાહ્નિકં કર્મ સોમકીર્તિનૃપાય યઃ
મોક્ષોપયોગિ સકલં શ્રીદત્તઃ શરણં મમ ૫૨
નામધારક ભક્તાય નિર્વિણ્ણાય વ્યદર્શયત્
તુષ્ટઃ સ્તુત્યા સ્વરૂપં સ શ્રીદત્તઃ શરણં મમ ૫૩
યઃ કલિબ્રહ્મસંવાદમિષેણાહ યુગસ્થિતીઃ
ગુરુસેવાં ચ સિદ્ધાઽઽસ્યાચ્છ્રીદત્તઃ શરણં મમ ૫૪
દુર્વાસઃશાપમાશ્રુત્ય યોઽમ્બરીષાર્થમવ્યયઃ
નાનાવતારધારી સ શ્રીદત્તઃ શરણં મમ ૫૫
અનસૂયાસતીદુગ્ધાસ્વાદાયેવ ત્રિરૂપતઃ
અવાતરદજો યોઽપિ શ્રીદત્તઃ શરણં મમ ૫૬
પીઠાપુરે યઃ સુમતિબ્રાહ્મણીભક્તિતોઽભવત્
શ્રીપાદસ્તત્સુતસ્ત્રાતા શ્રીદત્તઃ શરણં મમ ૫૭
પ્રકાશયામાસ સિદ્ધમુખાત્સ્થાપનમાદિતઃ
મહાબલેશ્વરસ્યૈષ શ્રીદત્તઃ શરણં મમ ૫૮
ચણ્ડાલ્યપિ યતો મુક્તા ગોકર્ણે તત્ર યોઽવસત્
લિઙ્ગતીર્થમયે ત્ર્યબ્દં શ્રીદત્તઃ શરણં મમ ૫૯
કૃષ્ણાદ્વીપે કુરુપુરે કુપુત્રં જનનીયુતમ્
યો હિ મૃત્યોરપાચ્છ્રીપાચ્છ્રીદત્તઃ શરણં મમ ૬૦
રજકાયાપિ દાસ્યન્યો રાજ્યં કુરુપુરે પ્રભુઃ
તિરોઽભૂદજ્ઞદૃષ્ટ્યા સ શ્રીદત્તઃ શરણં મમ ૬૧
વિશ્વાસઘાતિનશ્ચોરાન્સ્વભક્તઘ્નાન્નિહત્ય યઃ
જીવયામાસ ભક્તં સ શ્રીદત્તઃ શરણં મમ ૬૨
કરઞ્જનગરેઽમ્બાયાઃ પ્રદોષવ્રતસિદ્ધયે
યોઽભૂત્સુતો નૃહર્યાખ્યઃ શ્રીદત્તઃ શરણં મમ ૬૩
મૂકો ભૂત્વા વ્રતાત્પશ્ચાદ્વદન્વેદાન્સ્વમાતરમ્
પ્રવ્રજન્ બોધયામાસ શ્રીદત્તઃ શરણં મમ ૬૪
કાશીવાસી સ સંન્યાસી નિરાશીષ્ટ્વપ્રદો વૃષમ્
વૈદિકં વિશદીકુર્વન્ શ્રીદત્તઃ શરણં મમ ૬૫
ભૂમિં પ્રદક્ષિણીકૃત્ય સશિષ્યો વીક્ષ્ય માતરમ્
જહાર દ્વિજશૂલાર્તિં શ્રીદત્તઃ શરણં મમ ૬૬
શિષ્યત્વેનોરરીકૃત્ય સાયંદેવં રરક્ષ યઃ
ભીતે ચ ક્રૂરયવનાચ્છ્રીદત્તઃ શરણં મમ ૬૭
પ્રેરયત્તીર્થયાત્રાયૈ તીર્થરૂપોઽપિ યઃ સ્વકાન્
સમ્યગ્ધર્મમુપાદિશ્ય શ્રીદત્તઃ શરણં મમ ૬૮
સશિષ્યઃ પર્યલીક્ષેત્રે વૈદ્યનાથસમીપતઃ
સ્થિત્વોદ્દધાર મૂઢો યઃ શ્રીદત્તઃ શરણં મમ ૬૯
વિદ્વત્સુતમવિદ્યં યો આગતં લોકનિન્દિતમ્
છિન્નજિહ્વં બુધં ચક્રે શ્રીદત્તઃ શરણં મમ ૭૦
નૃસિંહવાટિકાસ્થો યઃ પ્રદદૌ શાકભુઙ્-નિધિમ્
દરિદ્રબ્રાહ્મણાયાસૌ શ્રીદત્તઃ શરણં મમ ૭૧
ભક્તાય ત્રિસ્થલીયાત્રાં દર્શયામાસ યઃ ક્ષણાત્
ચકાર વરદં ક્ષેત્રં સ શ્રીદત્તઃ શરણં મમ ૭૨
પ્રેતાર્તિં વારયિત્વા યો બ્રાહ્મણ્યૈ ભક્તિભાવિતઃ
દદૌ પુત્રૌ સ ગતિદઃ શ્રીદત્તઃ શરણં મમ ૭૩
તત્ત્વં યો મૃતપુત્રાયૈ બોધયિત્વાપ્યજીવયત્
મૃતં કલ્પદ્રુમસ્થઃ સ શ્રીદત્તઃ શરણં મમ ૭૪
દોહયામાસ ભિક્ષાર્થં યો વન્ધ્યાં મહિષીં પ્રભુઃ
દારિદ્ર્યદાવદાવઃ સ શ્રીદત્તઃ શરણં મમ ૭૫
રાજપ્રાર્થિત એત્યાસ્થાન્મઠે યો ગાણગાપુરે
બ્રહ્મરક્ષઃ સમુદ્ધર્તા શ્રીદત્તઃ શરણં મમ ૭૬
વિશ્વરૂપં નિન્દકાય શિબિકાસ્થઃ સ્વલઙ્કૃતઃ
ગર્વહા દર્શયદ્યઃ સ શ્રીદત્તઃ શરણં મમ ૭૭
ત્રિવિક્રમેણ ચાનીતૌ ગર્વિતૌ બ્રાહ્મણદ્વિષૌ
બોધયામાસ તૌ યઃ સ શ્રીદત્તઃ શરણં મમ ૭૮
ઉક્ત્વા ચતુર્વેદશાખાતદઙ્ગાદિકમીશ્વરઃ
વિપ્રગર્વહરો યઃ સ શ્રીદત્તઃ શરણં મમ ૭૯
સપ્તજન્મવિદં સપ્તરેખોલ્લઙ્ઘનતો દદૌ
યો હીનાય શ્રુતિસ્ફૂર્તિઃ શ્રીદત્તઃ શરણં મમ ૮૦
ત્રિવિક્રમાયાહ કર્મગતિં દત્તવિદા પુનઃ
વિયુક્તં પતિતં ચક્રે શ્રીદત્તઃ શરણં મમ ૮૧
રક્ષસે વામદેવેન ભસ્મમાહાત્મ્યમુદ્ગતિમ્
ઉક્તાં ત્રિવિક્રમાયાહ શ્રીદત્તઃ શરણં મમ ૮૨
ગોપીનાથસુતો રુગ્ણો મૃતસ્તત્સ્ત્રી શુશોચ તામ્
બોધયામાસ યો યોગી શ્રીદત્તઃ શરણં મમ ૮૩
ગુર્વગસ્ત્યર્ષિસંવાદરૂપં સ્ત્રીધર્મમાહ યઃ
રૂપાન્તરેણ સ પ્રાજ્ઞઃ શ્રીદત્તઃ શરણં મમ ૮૪
વિધવાધર્મમાદિશ્યાનુગમં ચાક્ષભસ્મદઃ
અજીવયન્મૃતં વિપ્રં શ્રીદત્તઃ શરણં મમ ૮૫
વેશ્યાસત્યૈ તુ રુદ્રાક્ષમાહાત્મ્યયુતમીટ્-કૃતમ્
પ્રસાદં પ્રાહ યઃ સત્યૈ શ્રીદત્તઃ શરણં મમ ૮૬
શતરુદ્રીયમાહાત્મ્યં મૃતરાટ્ સુતજીવનમ્
સત્યૈ શશંસ સ ગુરુઃ શ્રીદત્તઃ શરણં મમ ૮૭
કચાખ્યાનં સ્ત્રિયો મંત્રાનર્હતાર્થસુભાગ્યદમ્
સોમવ્રતં ચ યઃ પ્રાહ શ્રીદત્તઃ શરણં મમ ૮૮
બ્રાહ્મણ્યા દુઃસ્વભાવં યો નિવાર્યાહ્નિકમુત્તમમ્
શશંસ બ્રાહ્મણાયાસૌ શ્રીદત્તઃ શરણં મમ ૮૯
ગાર્હસ્થધર્મં વિપ્રાય પ્રત્યવાયજિહાસયા
ક્રમમુક્ત્યૈ ય ઊચે સ શ્રીદત્તઃ શરણં મમ ૯૦
ત્રિપુંપર્યાપ્તપાકેન ભોજયામાસ યો નૃણામ્
સિદ્ધશ્ચતુઃસહસ્રાણિ શ્રીદત્તઃ શરણં મમ ૯૧
અશ્વત્થસેવામાદિશ્ય પુત્રૌ યોઽદાત્ફલપ્રદઃ
ચિત્રકૃદ્-વૃદ્ધવન્ધ્યાયૈ શ્રીદત્તઃ શરણં મમ ૯૨
કારયિત્વા શુષ્કકાષ્ઠસેવાં તદ્-વૃક્ષતાં નયન્
વિપ્રકુષ્ઠં જહારાસૌ શ્રીદત્તઃ શરણં મમ ૯૩
ભજન્તં કષ્ટતોઽપ્યાહ સાયંદેવં પરીક્ષ્ય યઃ
ગુરુસેવાવિધાનં સ શ્રીદત્તઃ શરણં મમ ૯૪
શિવતોષકરીં કાશીયાત્રાં ભક્તાય યોઽવદત્
સવિધિં વિહિતાં ત્વષ્ટ્રા શ્રીદત્તઃ શરણં મમ ૯૫
કૌણ્ડિણ્યધર્મવિહિતમનંતવ્રતમાહ યઃ
કારયામાસ તદ્યોઽપિ શ્રીદત્તઃ શરણં મમ ૯૬
શ્રીશૈલં તંતુકાયાસૌ યોગગત્યા વ્યદર્શયત્
શિવરાત્રિવ્રતાહે સ શ્રીદત્તઃ શરણં મમ ૯૭
જ્ઞાપયિત્વાપ્યર્મત્યત્વં સ્વસ્ય દૃષ્ટ્યા ચકાર યઃ
વિકુષ્ઠં નન્દિશર્માણં શ્રીદત્તઃ શરણં મમ ૯૮
નરકેસરિણે સ્વપ્ને સ્વં કલ્લેશ્વરલિઙ્ગગમ્
દર્શયિત્વાનુજગ્રાહ શ્રીદત્તઃ શરણં મમ ૯૯
અષ્ટમૂર્તિધરોઽપ્યષ્ટગ્રામગો ભક્તવત્સલઃ
દીપાવલ્યુત્સવેઽભૂત્સ શ્રીદત્તઃ શરણં મમ ૧૦૦
અપક્વં છેદયિત્વાપિ ક્ષેત્રે શતગુણં તતઃ
ધાન્યં શૂદ્રાય યોઽદાત્સ શ્રીદત્તઃ શરણં મમ ૧૦૧
ગાણગાપુરકે ક્ષેત્રે યોઽષ્ટતીર્થાન્યદર્શયત્
ભક્તેભ્યો ભીમરથ્યાં સ શ્રીદત્તઃ શરણં મમ ૧૦૨
પૂર્વદત્તવરાયાદાદ્રાજ્યં સ્ફોટકરુગ્ઘરઃ
મ્લેચ્છાય દૃષ્ટિં ચેષ્ટં સ શ્રીદત્તઃ શરણં મમ ૧૦૩
શ્રીશૈલયાત્રામિષેણ વરદઃ પુષ્પપીઠગઃ
કલૌ તિરોઽભવદ્યઃ સ શ્રીદત્તઃ શરણં મમ ૧૦૪
નિદ્રામાતૃપુરેઽસ્ય સહ્યશિખરે પોઠં મિમંક્ષાપુરે
કાશ્યાખ્યે કરહાટકેઽર્ઘ્યમવરે ભિક્ષાસ્ય કોલાપુરે
પાઞ્ચાલે ભુજિરસ્ય વિઠ્ઠલપુરે પત્રં વિચિત્રં પુરે
ગાંધર્વે યુજિરાચમઃ કુરુપુરે દૂરે સ્મૃતો નાન્તરે ૧૦૫
અમલકમલવક્ત્રઃ પદ્મપત્રાભનેત્રઃ
પરવિરતિકલત્રઃ સર્વથા યઃ સ્વતન્ત્રઃ
સ ચ પરમપવિત્રઃ સત્કમણ્ડલ્વમત્રઃ
પરમરુચિરગાત્રો યોઽનસૂયાત્રિપુત્રઃ ૧૦૬
નમસ્તે સમસ્તેષ્ટદાત્રે વિધાત્રે
નમસ્તે સમસ્તેડિતાઘૌઘહર્ત્રે
નમસ્તે સમસ્તેઙ્ગિતજ્ઞાય ભર્ત્રે
નમસ્તે સમસ્તેષ્ટકર્ત્રેઽકહર્ત્રે ૧૦૭
નમો નમસ્તેઽસ્તુ પુરાન્તકાય
નમો નમસ્તેઽસ્ત્વસુરાન્તકાય
નમો નમસ્તેઽસ્તુ ખલાન્તકાય
દત્તાય ભક્તાર્તિવિનાશકાય ૧૦૮
શ્રીદત્તદેવેશ્વર મે પ્રસીદ
શ્રીદત્તસર્વેશ્વર મે પ્રસીદ
પ્રસીદ યોગેશ્વર દેહિ યોગં
ત્વદીયભક્તેઃ કુરુ મા વિયોગમ્ ૧૦૯
શ્રીદત્તો જયતીહ દત્તમનિશં ધ્યાયામિ દત્તેન મે
હૃચ્છુદ્ધિર્વિહિતા તતોઽસ્તુ સતતં દત્તાય તુભ્યં નમઃ
દત્તાન્નાસ્તિ પરાયણં શ્રુતિમતં દત્તસ્ય દાસોઽસ્મ્યહમ્
શ્રીદત્તે પરભક્તિરસ્તુ મમ ભો દત્ત પ્રસીદેશ્વર ૧૧૦
ઇતિ શ્રી પરમહંસ પરિવ્રાજકાચાર્ય શ્રી શ્રી શ્રી
વાસુદેવાનન્દ સરસ્વતી યતિ વરેણ્ય વિરચિતં શ્રી દત્ત
ભાવસુધારસ સ્તોત્રં સમ્પૂર્ણમ્
Encoded and proofread by Arun Shantharam shantharam.arun @ gmail.com
Please send corrections to sanskrit@cheerful.com
Last updated ત્oday
http://sanskritdocuments.org
Datta Bhavasudharasa Stotram Lyrics in Gujarati PDF
% File name : dattabhaavasudhaarasastotram.itx
% Location : doc\_deities\_misc
% Author : vAsudevAnanda sarasvatI
% Language : Sanskrit
% Subject : philosophy/hinduism/religion
% Transliterated by : Arun Shantharam shantharam.arun at gmail.com
% Proofread by : Arun Shantharam shantharam.arun at gmail.com
% Latest update : April 4, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : dattabhaavasudhaarasastotram.itx
% Location : doc\_deities\_misc
% Author : vAsudevAnanda sarasvatI
% Language : Sanskrit
% Subject : philosophy/hinduism/religion
% Transliterated by : Arun Shantharam shantharam.arun at gmail.com
% Proofread by : Arun Shantharam shantharam.arun at gmail.com
% Latest update : April 4, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website