ଶ୍ରୀଦତ୍ତ ଭାଵସୁଧାରସସ୍ତୋତ୍ରମ୍
{॥ ଶ୍ରୀଦତ୍ତ ଭାଵସୁଧାରସସ୍ତୋତ୍ରମ୍ ॥}
ଶ୍ରୀ ଦତ୍ତ ଭାଵସୁଧାରସ ସ୍ତୋତ୍ରମ୍ ।
ଦତ୍ତାତ୍ରେଯଂ ପରମସୁଖମଯଂ ଵେଦଗେଯଂ ହ୍ଯମେଯଂ
ଯୋଗିଧ୍ଯେଯଂ ହୃତନିଜଭଯଂ ସ୍ଵୀକୃତାନେକକାଯମ୍ ।
ଦୁଷ୍ଟାଗମ୍ଯଂ ଵିତତଵିଜଯଂ ଦେଵଦୈତ୍ଯର୍ଷିଵନ୍ଦ୍ଯଂ
ଵନ୍ଦେ ନିତ୍ଯଂ ଵିହିତଵିନଯଂ ଚାଵ୍ଯଯଂ ଭାଵଗମ୍ଯମ୍ ॥ ୧॥
ଦତ୍ତାତ୍ରେଯ ନମୋଽସ୍ତୁ ତେ ଭଗଵତେ ପାପକ୍ଷଯଂ କୁର୍ଵତେ
ଦାରିଦ୍ର୍ଯଂ ହରତେ ଭଯଂ ଶମଯତେ କାରୁଣ୍ଯମାତନ୍ଵତେ ।
ଭକ୍ତାନୁଦ୍ଧରତେ ଶିଵଂ ଚ ଦଦତେ ସତ୍କୀର୍ତିମାତନ୍ଵତେ
ଭୂତାନ୍ଦ୍ରାଵଯତେ ଵରଂ ପ୍ରଦଦତେ ଶ୍ରେଯଃ ପତେ ସଦ୍ଗତେ ॥ ୨॥
ଏକଂ ସୌଭାଗ୍ଯଜନକଂ ତାରକଂ ଲୋକନାଯକମ୍ ।
ଵିଶୋକଂ ତ୍ରାତଭଜକଂ ନମସ୍ଯେ କାମପୂରକମ୍ ॥ ୩॥
ନିତ୍ଯଂ ସ୍ମରାମି ତେ ପାଦେ ହତଖେଦେ ସୁଖପ୍ରଦେ ।
ପ୍ରଦେହି ମେ ଶୁଦ୍ଧଭାଵଂ ଭାଵଂ ଯୋ ଵାରଯେଦ୍ଦ୍ରୁତମ୍ ॥ ୪॥
ସମସ୍ତସମ୍ପତ୍ପ୍ରଦମାର୍ତବଂଧୁଂ ସମସ୍ତକଲ୍ଯାଣଦମସ୍ତବଂଧୁମ୍ ।
କାରୁଣ୍ଯସିଂଧୁଂ ପ୍ରଣମାମି ଦତ୍ତଂ ଯଃ ଶୋଧଯତ୍ଯାଶୁ ମଲୀନଚିତ୍ତମ୍ ॥ ୫॥
ସମସ୍ତଭୂତାଂତରବାହ୍ଯଵର୍ତୀ ଯଶ୍ଚାତ୍ରିପୁତ୍ରୋ ଯତିଚକ୍ରଵର୍ତୀ ।
ସୁକୀର୍ତିସଂଵ୍ଯାପ୍ତଦିଗଂତରାଲଃ ସ ପାତୁ ମାଂ ନିର୍ଜିତଭକ୍ତକାଲଃ ॥ ୬॥
ଵ୍ଯାଧ୍ଯାଧିଦାରିଦ୍ର୍ଯଭଯାର୍ତିହର୍ତା ସ୍ଵଗୁପ୍ତଯେଽନେକଶରୀରଧର୍ତା
ସ୍ଵଦାସଭର୍ତା ବହୁଧା ଵିହର୍ତା କର୍ତାପ୍ଯକର୍ତା ସ୍ଵଵଶୋଽରିହର୍ତା ॥ ୭॥
ସ ଚାନସୂଯାତନଯୋଽଭଵଦ୍ଯୋ ଵିଷ୍ଣୁଃ ସ୍ଵଯଂ ଭାଵିକରକ୍ଷଣାଯ ।
ଗୁଣା ଯଦୀଯା ମ ହି ବୁଦ୍ଧିମଦ୍ଭିର୍ଗଣ୍ଯଂତ ଆକଲ୍ପମପୀହ ଧାତ୍ରା ॥ ୮॥
ନ ଯତ୍କଟାକ୍ଷାମୃତଵୃଷ୍ଟିତୋଽତ୍ର
ତିଷ୍ଠନ୍ତି ତାପାଃ ସକଲାଃ ପରତ୍ର ।
ଯଃ ସଦ୍ଗତିଂ ସମ୍ପ୍ରଦଦାତି ଭୂମା
ସ ମେଽନ୍ତରେ ତିଷ୍ଠତୁ ଦିଵ୍ଯଧାମା ॥ ୯॥
ସ ତ୍ଵଂ ପ୍ରସୀଦାତ୍ରିସୁତାର୍ତିହାରିନ୍
ଦିଗମ୍ବର ସ୍ଵୀଯମନୋଵିହାରିନ୍ ।
ଦୁଷ୍ଟା ଲିପିର୍ଯା ଲିଖିତାତ୍ର ଧାତ୍ରା
କାର୍ଯା ତ୍ଵଯା ସାଽତିଶୁଭା ଵିଧାତ୍ରା ॥ ୧୦॥
ସର୍ଵମଂଗଲସଂଯୁକ୍ତ ସର୍ଵୈଶ୍ଵର୍ଯସମନ୍ଵିତ ।
ପ୍ରସନ୍ନେ ତ୍ଵଯି ସର୍ଵେଶେ କିଂ କେଷାଂ ଦୁର୍ଲଭଂ କୁହ ॥ ୧୧॥
ହାର୍ଦାଂଧତିମିରଂ ହନ୍ତୁଂ ଶୁଦ୍ଧଜ୍ଞାନପ୍ରକାଶକ ।
ତ୍ଵଦଂଘ୍ରିନଖମାଣିକ୍ଯଦ୍ଯୁତିରେଵାଲମୀଶ ନଃ ॥ ୧୨॥
ସ୍ଵକୃପାର୍ଦ୍ରକଟାକ୍ଷେଣ ଵୀକ୍ଷସେ ଚେତ୍ସକୃଦ୍ଧି ମାମ୍ ।
ଭଵିଷ୍ଯାମି କୃତାର୍ଥୋଽତ୍ର ପାତ୍ରଂ ଚାପି ସ୍ଥିତେସ୍ତଵ ॥ ୧୩॥
କ୍ଵ ଚ ମନ୍ଦୋ ଵରାକୋଽହଂ କ୍ଵ ଭଵାନ୍ଭଗଵାନ୍ପ୍ରଭୁଃ ।
ଅଥାପି ଭଵଦାଵେଶ ଭାଗ୍ଯଵାନସ୍ମି ତେ ଦୃଶା ॥ ୧୪॥
ଵିହିତାନି ମଯା ନାନା ପାତକାନି ଚ ଯଦ୍ଯପି ।
ଅଥାପି ତେ ପ୍ରସାଦେନ ପଵିତ୍ରୋଽହଂ ନ ସଂଶଯଃ ॥ ୧୫॥
ସ୍ଵଲୀଲଯା ତ୍ଵଂ ହି ଜନାନ୍ପୁନାସି
ତନ୍ମେ ସ୍ଵଲୀଲା ଶ୍ରଵଣଂ ପ୍ରଯଚ୍ଛ ।
ତସ୍ଯାଃ ଶ୍ରୁତେଃ ସାନ୍ଦ୍ରଵିଲୋଚନୋଽହଂ
ପୁନାମି ଚାତ୍ମାନମତୀଵ ଦେଵ ॥ ୧୬॥
ପୁରତସ୍ତେ ସ୍ଫୁଟଂ ଵଚ୍ମି ଦୋଷରାଶିରହଂ କିଲ ।
ଦୋଷା ମମାମିତାଃ ପାଂସୁଵୃଷ୍ଟିବିନ୍ଦୁସମା ଵିଭୋଃ ॥ ୧୭॥
ପାପୀଯସାମହଂ ମୁଖ୍ଯସ୍ତ୍ଵଂ ତୁ କାରୁଣିକାଗ୍ରଣୀଃ ।
ଦଯନୀଯୋ ନ ହି କ୍ଵାପି ମଦନ୍ଯ ଇତି ଭାତି ମେ ॥ ୧୮॥
ଈଦୃଶଂ ମାଂ ଵିଲୋକ୍ଯାପି କୃପାଲୋ ତେ ମନୋ ଯଦି ।
ନ ଦ୍ରଵେତ୍ତର୍ହି କିଂ ଵାଚ୍ଯମଦୃଷ୍ଟଂ ମେ ତଵାଗ୍ରତଃ ॥ ୧୯॥
ତ୍ଵମେଵ ସୃଷ୍ଟଵାନ୍ସର୍ଵାନ୍ଦତ୍ତାତ୍ରେଯ ଦଯାନିଧେ ।
ଵଯଂ ଦୀନତରାଃ ପୁତ୍ରାସ୍ତଵାକଲ୍ପାଃ ସ୍ଵରକ୍ଷଣେ ॥ ୨୦॥
ଜଯତୁ ଜଯତୁ ଦତ୍ତୋ ଦେଵସଙ୍ଘାଭିପୂଜ୍ଯୋ
ଜଯତୁ ଜଯତୁ ଭଦ୍ରୋ ଭଦ୍ରଦୋ ଭାଵୁକେଜ୍ଯଃ ।
ଜଯତୁ ଜଯତୁ ନିତ୍ଯୋ ନିର୍ମଲଜ୍ଞାନଵେଦ୍ଯୋ
ଜଯତୁ ଜଯତୁ ସତ୍ଯଃ ସତ୍ଯସଂଧୋଽନଵଦ୍ଯଃ ॥ ୨୧॥
ଯଦ୍ଯହଂ ତଵ ପୁତ୍ରଃ ସ୍ଯାଂ ପିତା ମାତା ତ୍ଵମେଵ ମେ ।
ଦଯାସ୍ତନ୍ଯାମୃତେନାଶୁ ମାତସ୍ତ୍ଵମଭିଷିଞ୍ଚ ମାମ୍ ॥ ୨୨॥
ଈଶାଭିନ୍ନନିମିତ୍ତୋପାଦନାତ୍ସ୍ରଷ୍ଟୁରସ୍ଯ ତେ ।
ଜଗଦ୍ଯୋନେ ସୁତୋ ନାହଂ ଦତ୍ତ ମାଂ ପରିପାହ୍ଯତଃ ॥ ୨୩॥
ତଵ ଵତ୍ସସ୍ଯ ମେ ଵାକ୍ଯଂ ସୂକ୍ତଂ ଵାଽସୂକ୍ତମପ୍ଯହୋ ।
କ୍ଷନ୍ତଵ୍ଯଂ ମେଽପରାଧଶ୍ଚ ତ୍ଵତ୍ତୋଽନ୍ଯା ନ ଗତିର୍ହି ମେ ॥ ୨୪॥
ଅନନ୍ଯଗତିକସ୍ଯାସ୍ଯ ବାଲସ୍ଯ ମମ ତେ ପିତଃ ।
ନ ସର୍ଵଥୋଚିତୋପେକ୍ଷା ଦୋଷାଣାଂ ଗଣନାପି ଚ ॥ ୨୫॥
ଅଜ୍ଞାନିତ୍ଵାଦକଲ୍ପତ୍ଵାଦ୍ଦୋଷା ମମ ପଦେ ପଦେ ।
ଭଵନ୍ତି କିଂ କରୋମୀଶ କରୁଣାଵରୁଣାଲଯ ॥ ୨୬॥
ଅଥାପି ମେଽପରାଧୈଶ୍ଚେଦାଯାସ୍ଯନ୍ତର୍ଵିଷାଦତାମ୍ ।
ପଦାହତାର୍ଭକେଣାପି ମାତା ରୁଷ୍ଯତି କିଂ ଭୁଵି ॥ ୨୭॥
ରଙ୍କମଙ୍କଗତଂ ଦୀନଂ ତାଡଯନ୍ତଂ ପଦେନ ଚ ।
ମାତା ତ୍ଯଜତି କିଂ ବାଲଂ ପ୍ରତ୍ଯୁତାଶ୍ଵାସଯତ୍ଯହୋ ॥ ୨୮॥
ତାଦୃଶଂ ମାମକଲ୍ପଂ ଚେନ୍ନାଶ୍ଵାସଯସି ଭୋ ପ୍ରଭୋ ।
ଅହହା ବତ ଦୀନସ୍ଯ ତ୍ଵାଂ ଵିନା ମମ କା ଗତିଃ ॥ ୨୯॥
ଶିଶୁର୍ନାଯଂ ଶଠଃ ସ୍ଵାର୍ଥୀତ୍ଯପି ନାଯାତୁ ତେଽନ୍ତରମ୍ ।
ଲୋକେ ହି କ୍ଷୁଧିତା ବାଲାଃ ସ୍ମରନ୍ତି ନିଜମାତରମ୍ ॥ ୩୦॥
ଜୀଵନଂ ଭିନ୍ନଯୋଃ ପିତ୍ରୋର୍ଲୋକ ଏକତରାଚ୍ଛିଶୋଃ ।
ତ୍ଵଂ ତୂଭଯଂ ଦତ୍ତ ମମ ମାଽସ୍ତୁ ନିର୍ଦଯତା ମଯି ॥ ୩୧॥
ସ୍ତଵନେନ ନ ଶକ୍ତୋଽସ୍ମି ତ୍ଵାଂ ପ୍ରସାଦଯିତୁଂ ପ୍ରଭୋ ।
ବ୍ରହ୍ମାଦ୍ଯାଶ୍ଚକିତାସ୍ତତ୍ର ମନ୍ଦୋଽହଂ ଶକ୍ନୁଯାଂ କଥମ୍ ॥ ୩୨॥
ଦତ୍ତ ତ୍ଵଦ୍ବାଲଵାକ୍ଯାନି ସୂକ୍ତାସୂକ୍ତାନି ଯାନି ଚ ।
ତାନି ସ୍ଵୀକୁରୁ ସର୍ଵଜ୍ଞ ଦଯାଲୋ ଭକ୍ତଭାଵନ ॥ ୩୩॥
ଯେ ତ୍ଵା ଶରଣମାପନ୍ନାଃ କୃତାର୍ଥା ଅଭଵନ୍ହି ତେ ।
ଏତଦ୍ଵିଚାର୍ଯ ମନସା ଦତ୍ତ ତ୍ଵାଂ ଶରଣଂ ଗତଃ ॥ ୩୪॥
ତ୍ଵନ୍ନିଷ୍ଠାସ୍ତ୍ଵତ୍ପରା ଭକ୍ତାସ୍ତଵ ତେ ସୁଖଭାଗିନଃ ।
ଇତି ଶାସ୍ତ୍ରାନୁରୋଧେନ ଦତ୍ତ ତ୍ଵାଂ ଶରଣଂ ଗତଃ ॥ ୩୫॥
ସ୍ଵଭକ୍ତାନନୁଗୃହ୍ଣାତି ଭଗଵାନ୍ ଭକ୍ତଵତ୍ସଲଃ ।
ଇତି ସଞ୍ଚିତ୍ଯ ସଞ୍ଚିତ୍ଯ କଥଞ୍ଚିଦ୍ଧାରଯାମ୍ଯସୂନ୍ ॥ ୩୬॥
ତ୍ଵଦ୍ଭକ୍ତସ୍ତ୍ଵଦଧୀନୋଽହମସ୍ମି ତୁଭ୍ଯଂ ସମର୍ପିତମ୍ ।
ତନୁଂ ମନୋ ଧନଂ ଚାପି କୃପାଂ କୁରୁ ମମୋପରି ॥ ୩୭॥
ତ୍ଵଯି ଭକ୍ତିଂ ନୈଵ ଜାନେ ନ ଜାନେଽର୍ଚନପଦ୍ଧତିମ୍ ।
କୃତଂ ନ ଦାନଧର୍ମାଦି ପ୍ରସାଦଂ କୁରୁ କେଵଲମ୍ ॥ ୩୮॥
ବ୍ରହ୍ମଚର୍ଯାଦି ନାଚୀର୍ଣଂ ନାଧୀତା ଵିଧିତଃ ଶ୍ରୁତିଃ ।
ଗାର୍ହସ୍ଥ୍ଯଂ ଵିଧିନା ଦତ୍ତ ନ କୃତଂ ତତ୍ପ୍ରସୀଦ ମେ ॥ ୩୯॥
ନ ସାଧୁସଙ୍ଗମୋ ମେଽସ୍ତି ନ କୃତଂ ଵୃଦ୍ଧସେଵନମ୍ ।
ନ ଶାସ୍ତ୍ରଶାସନଂ ଦତ୍ତ କେଵଲଂ ତ୍ଵଂ ଦଯାଂ କୁରୁ ॥ ୪୦॥
ଜ୍ଞାତେଽପି ଧର୍ମେ ନହି ମେ ପ୍ରଵୃତ୍ତି-
ର୍ଜ୍ଞାତେଽପ୍ଯଧର୍ମେ ନ ତତୋ ନିଵୃତ୍ତିଃ ॥
ଶ୍ରୀଦତ୍ତନାଥେନ ହୃଦି ସ୍ଥିତେନ
ଯଥା ନିଯୁକ୍ତୋଽସ୍ମି ତଥା କରୋମି ॥ ୪୧॥
କୃତିଃ ସେଵା ଗତିର୍ଯାତ୍ରା ସ୍ମୃତିଶ୍ଚିନ୍ତା ସ୍ତୁତିର୍ଵଚଃ ।
ଭଵନ୍ତୁ ଦତ୍ତ ମେ ନିତ୍ଯଂ ତ୍ଵଦୀଯା ଏଵ ସର୍ଵଥା ॥ ୪୨॥
ପ୍ରତିଜ୍ଞା ତେ ନ ଭକ୍ତା ମେ ନଶ୍ଯନ୍ତୀତି ସୁନିଶ୍ଚିତମ୍ ।
ଶ୍ରୀଦତ୍ତ ଚିତ୍ତ ଆନୀଯ ଜୀଵନଂ ଧାରଯାମ୍ଯହମ୍ ॥ ୪୩॥
ଦତ୍ତୋଽହଂ ତେ ମଯେତୀଶ ଆତ୍ମଦାନେନ ଯୋଽଭଵତ୍ ।
ଅନସୂଯାତ୍ରିପୁତ୍ରଃ ସ ଶ୍ରୀଦତ୍ତଃ ଶରଣଂ ମମ ॥ ୪୪॥
କାର୍ତଵୀର୍ଯାର୍ଜୁନାଯାଦାଦ୍ଯୋଗର୍ଧିମୁଭଯୀଂ ପ୍ରଭୁଃ ।
ଅଵ୍ଯାହତଗତିଂ ଚାସୌ ଶ୍ରୀଦତ୍ତଃ ଶରଣଂ ମମ ॥ ୪୫॥
ଆନ୍ଵୀକ୍ଷିକୀମଲର୍କାଯ ଵିକଲ୍ପତ୍ଯାଗପୂର୍ଵକମ୍ ।
ଯୋଽଦାଦାଚାର୍ଯଵର୍ଯଃ ସ ଶ୍ରୀଦତ୍ତଃ ଶରଣଂ ମମ ॥ ୪୬॥
ଚତୁର୍ଵିଂଶତିଗୁର୍ଵାପ୍ତଂ ହେଯୋପାଦେଯଲକ୍ଷଣଂ ।
ଜ୍ଞାନଂ ଯୋ ଯଦଵେଽଦାତ୍ସ ଶ୍ରୀଦତ୍ତଃ ଶରଣଂ ମମ ॥ ୪୭॥
ମଦାଲସାଗର୍ଭରତ୍ନାଲର୍କାଯ ପ୍ରାହିଣୋଚ୍ଚ ଯଃ ।
ଯୋଗପୂର୍ଵାତ୍ମଵିଜ୍ଞାନଂ ଶ୍ରୀଦତ୍ତଃ ଶରଣଂ ମମ ॥ ୪୮॥
ଆଯୁରାଜାଯ ସତ୍ପୁତ୍ରଂ ସେଵାଧର୍ମପରାଯ ଯଃ ।
ପ୍ରଦଦୌ ସଦ୍ଗତିଂ ଚୈଷ ଶ୍ରୀଦତ୍ତଃ ଶରଣଂ ମମ ॥ ୪୯॥
ଲୋକୋପକୃତଯେ ଵିଷ୍ଣୁଦତ୍ତଵିପ୍ରାଯ ଯୋଽର୍ପଯତ୍ ।
ଵିଦ୍ଯାସ୍ତଚ୍ଛ୍ରାଦ୍ଧଭୁଗ୍ଯଃ ସ ଶ୍ରୀଦତ୍ତଃ ଶରଣଂ ମମ ॥ ୫୦॥
ଭର୍ତ୍ରା ସହାନୁଗମନଵିଧିଂ ଯଃ ପ୍ରାହ ସର୍ଵଵିତ୍ ।
ରାମମାତ୍ରେ ରେଣୁକାଯୈ ଶ୍ରୀଦତ୍ତଃ ଶରଣଂ ମମ ॥ ୫୧॥
ସମୂଲମାହ୍ନିକଂ କର୍ମ ସୋମକୀର୍ତିନୃପାଯ ଯଃ ।
ମୋକ୍ଷୋପଯୋଗି ସକଲଂ ଶ୍ରୀଦତ୍ତଃ ଶରଣଂ ମମ ॥ ୫୨॥
ନାମଧାରକ ଭକ୍ତାଯ ନିର୍ଵିଣ୍ଣାଯ ଵ୍ଯଦର୍ଶଯତ୍ ।
ତୁଷ୍ଟଃ ସ୍ତୁତ୍ଯା ସ୍ଵରୂପଂ ସ ଶ୍ରୀଦତ୍ତଃ ଶରଣଂ ମମ ॥ ୫୩॥
ଯଃ କଲିବ୍ରହ୍ମସଂଵାଦମିଷେଣାହ ଯୁଗସ୍ଥିତୀଃ ।
ଗୁରୁସେଵାଂ ଚ ସିଦ୍ଧାଽଽସ୍ଯାଚ୍ଛ୍ରୀଦତ୍ତଃ ଶରଣଂ ମମ ॥ ୫୪॥
ଦୁର୍ଵାସଃଶାପମାଶ୍ରୁତ୍ଯ ଯୋଽମ୍ବରୀଷାର୍ଥମଵ୍ଯଯଃ ।
ନାନାଵତାରଧାରୀ ସ ଶ୍ରୀଦତ୍ତଃ ଶରଣଂ ମମ ॥ ୫୫॥
ଅନସୂଯାସତୀଦୁଗ୍ଧାସ୍ଵାଦାଯେଵ ତ୍ରିରୂପତଃ ।
ଅଵାତରଦଜୋ ଯୋଽପି ଶ୍ରୀଦତ୍ତଃ ଶରଣଂ ମମ ॥ ୫୬॥
ପୀଠାପୁରେ ଯଃ ସୁମତିବ୍ରାହ୍ମଣୀଭକ୍ତିତୋଽଭଵତ୍ ।
ଶ୍ରୀପାଦସ୍ତତ୍ସୁତସ୍ତ୍ରାତା ଶ୍ରୀଦତ୍ତଃ ଶରଣଂ ମମ ॥ ୫୭॥
ପ୍ରକାଶଯାମାସ ସିଦ୍ଧମୁଖାତ୍ସ୍ଥାପନମାଦିତଃ ।
ମହାବଲେଶ୍ଵରସ୍ଯୈଷ ଶ୍ରୀଦତ୍ତଃ ଶରଣଂ ମମ ॥ ୫୮॥
ଚଣ୍ଡାଲ୍ଯପି ଯତୋ ମୁକ୍ତା ଗୋକର୍ଣେ ତତ୍ର ଯୋଽଵସତ୍ ।
ଲିଙ୍ଗତୀର୍ଥମଯେ ତ୍ର୍ଯବ୍ଦଂ ଶ୍ରୀଦତ୍ତଃ ଶରଣଂ ମମ ॥ ୫୯॥
କୃଷ୍ଣାଦ୍ଵୀପେ କୁରୁପୁରେ କୁପୁତ୍ରଂ ଜନନୀଯୁତମ୍ ।
ଯୋ ହି ମୃତ୍ଯୋରପାଚ୍ଛ୍ରୀପାଚ୍ଛ୍ରୀଦତ୍ତଃ ଶରଣଂ ମମ ॥ ୬୦॥
ରଜକାଯାପି ଦାସ୍ଯନ୍ଯୋ ରାଜ୍ଯଂ କୁରୁପୁରେ ପ୍ରଭୁଃ ।
ତିରୋଽଭୂଦଜ୍ଞଦୃଷ୍ଟ୍ଯା ସ ଶ୍ରୀଦତ୍ତଃ ଶରଣଂ ମମ ॥ ୬୧॥
ଵିଶ୍ଵାସଘାତିନଶ୍ଚୋରାନ୍ସ୍ଵଭକ୍ତଘ୍ନାନ୍ନିହତ୍ଯ ଯଃ ।
ଜୀଵଯାମାସ ଭକ୍ତଂ ସ ଶ୍ରୀଦତ୍ତଃ ଶରଣଂ ମମ ॥ ୬୨॥
କରଞ୍ଜନଗରେଽମ୍ବାଯାଃ ପ୍ରଦୋଷଵ୍ରତସିଦ୍ଧଯେ ।
ଯୋଽଭୂତ୍ସୁତୋ ନୃହର୍ଯାଖ୍ଯଃ ଶ୍ରୀଦତ୍ତଃ ଶରଣଂ ମମ ॥ ୬୩॥
ମୂକୋ ଭୂତ୍ଵା ଵ୍ରତାତ୍ପଶ୍ଚାଦ୍ଵଦନ୍ଵେଦାନ୍ସ୍ଵମାତରମ୍ ।
ପ୍ରଵ୍ରଜନ୍ ବୋଧଯାମାସ ଶ୍ରୀଦତ୍ତଃ ଶରଣଂ ମମ ॥ ୬୪॥
କାଶୀଵାସୀ ସ ସଂନ୍ଯାସୀ ନିରାଶୀଷ୍ଟ୍ଵପ୍ରଦୋ ଵୃଷମ୍ ।
ଵୈଦିକଂ ଵିଶଦୀକୁର୍ଵନ୍ ଶ୍ରୀଦତ୍ତଃ ଶରଣଂ ମମ ॥ ୬୫॥
ଭୂମିଂ ପ୍ରଦକ୍ଷିଣୀକୃତ୍ଯ ସଶିଷ୍ଯୋ ଵୀକ୍ଷ୍ଯ ମାତରମ୍ ।
ଜହାର ଦ୍ଵିଜଶୂଲାର୍ତିଂ ଶ୍ରୀଦତ୍ତଃ ଶରଣଂ ମମ ॥ ୬୬॥
ଶିଷ୍ଯତ୍ଵେନୋରରୀକୃତ୍ଯ ସାଯଂଦେଵଂ ରରକ୍ଷ ଯଃ ॥
ଭୀତେ ଚ କ୍ରୂରଯଵନାଚ୍ଛ୍ରୀଦତ୍ତଃ ଶରଣଂ ମମ ॥ ୬୭॥
ପ୍ରେରଯତ୍ତୀର୍ଥଯାତ୍ରାଯୈ ତୀର୍ଥରୂପୋଽପି ଯଃ ସ୍ଵକାନ୍ ।
ସମ୍ଯଗ୍ଧର୍ମମୁପାଦିଶ୍ଯ ଶ୍ରୀଦତ୍ତଃ ଶରଣଂ ମମ ॥ ୬୮॥
ସଶିଷ୍ଯଃ ପର୍ଯଲୀକ୍ଷେତ୍ରେ ଵୈଦ୍ଯନାଥସମୀପତଃ ।
ସ୍ଥିତ୍ଵୋଦ୍ଦଧାର ମୂଢୋ ଯଃ ଶ୍ରୀଦତ୍ତଃ ଶରଣଂ ମମ ॥ ୬୯॥
ଵିଦ୍ଵତ୍ସୁତମଵିଦ୍ଯଂ ଯୋ ଆଗତଂ ଲୋକନିନ୍ଦିତମ୍ ।
ଛିନ୍ନଜିହ୍ଵଂ ବୁଧଂ ଚକ୍ରେ ଶ୍ରୀଦତ୍ତଃ ଶରଣଂ ମମ ॥ ୭୦॥
ନୃସିଂହଵାଟିକାସ୍ଥୋ ଯଃ ପ୍ରଦଦୌ ଶାକଭୁଙ୍-ନିଧିମ୍ ।
ଦରିଦ୍ରବ୍ରାହ୍ମଣାଯାସୌ ଶ୍ରୀଦତ୍ତଃ ଶରଣଂ ମମ ॥ ୭୧॥
ଭକ୍ତାଯ ତ୍ରିସ୍ଥଲୀଯାତ୍ରାଂ ଦର୍ଶଯାମାସ ଯଃ କ୍ଷଣାତ୍ ।
ଚକାର ଵରଦଂ କ୍ଷେତ୍ରଂ ସ ଶ୍ରୀଦତ୍ତଃ ଶରଣଂ ମମ ॥ ୭୨॥
ପ୍ରେତାର୍ତିଂ ଵାରଯିତ୍ଵା ଯୋ ବ୍ରାହ୍ମଣ୍ଯୈ ଭକ୍ତିଭାଵିତଃ ।
ଦଦୌ ପୁତ୍ରୌ ସ ଗତିଦଃ ଶ୍ରୀଦତ୍ତଃ ଶରଣଂ ମମ ॥ ୭୩॥
ତତ୍ତ୍ଵଂ ଯୋ ମୃତପୁତ୍ରାଯୈ ବୋଧଯିତ୍ଵାପ୍ଯଜୀଵଯତ୍ ।
ମୃତଂ କଲ୍ପଦ୍ରୁମସ୍ଥଃ ସ ଶ୍ରୀଦତ୍ତଃ ଶରଣଂ ମମ ॥ ୭୪॥
ଦୋହଯାମାସ ଭିକ୍ଷାର୍ଥଂ ଯୋ ଵନ୍ଧ୍ଯାଂ ମହିଷୀଂ ପ୍ରଭୁଃ ।
ଦାରିଦ୍ର୍ଯଦାଵଦାଵଃ ସ ଶ୍ରୀଦତ୍ତଃ ଶରଣଂ ମମ ॥ ୭୫॥
ରାଜପ୍ରାର୍ଥିତ ଏତ୍ଯାସ୍ଥାନ୍ମଠେ ଯୋ ଗାଣଗାପୁରେ ।
ବ୍ରହ୍ମରକ୍ଷଃ ସମୁଦ୍ଧର୍ତା ଶ୍ରୀଦତ୍ତଃ ଶରଣଂ ମମ ॥ ୭୬॥
ଵିଶ୍ଵରୂପଂ ନିନ୍ଦକାଯ ଶିବିକାସ୍ଥଃ ସ୍ଵଲଙ୍କୃତଃ ।
ଗର୍ଵହା ଦର୍ଶଯଦ୍ଯଃ ସ ଶ୍ରୀଦତ୍ତଃ ଶରଣଂ ମମ ॥ ୭୭॥
ତ୍ରିଵିକ୍ରମେଣ ଚାନୀତୌ ଗର୍ଵିତୌ ବ୍ରାହ୍ମଣଦ୍ଵିଷୌ ।
ବୋଧଯାମାସ ତୌ ଯଃ ସ ଶ୍ରୀଦତ୍ତଃ ଶରଣଂ ମମ ॥ ୭୮॥
ଉକ୍ତ୍ଵା ଚତୁର୍ଵେଦଶାଖାତଦଙ୍ଗାଦିକମୀଶ୍ଵରଃ ।
ଵିପ୍ରଗର୍ଵହରୋ ଯଃ ସ ଶ୍ରୀଦତ୍ତଃ ଶରଣଂ ମମ ॥ ୭୯॥
ସପ୍ତଜନ୍ମଵିଦଂ ସପ୍ତରେଖୋଲ୍ଲଙ୍ଘନତୋ ଦଦୌ ।
ଯୋ ହୀନାଯ ଶ୍ରୁତିସ୍ଫୂର୍ତିଃ ଶ୍ରୀଦତ୍ତଃ ଶରଣଂ ମମ ॥ ୮୦॥
ତ୍ରିଵିକ୍ରମାଯାହ କର୍ମଗତିଂ ଦତ୍ତଵିଦା ପୁନଃ ।
ଵିଯୁକ୍ତଂ ପତିତଂ ଚକ୍ରେ ଶ୍ରୀଦତ୍ତଃ ଶରଣଂ ମମ ॥ ୮୧॥
ରକ୍ଷସେ ଵାମଦେଵେନ ଭସ୍ମମାହାତ୍ମ୍ଯମୁଦ୍ଗତିମ୍ ।
ଉକ୍ତାଂ ତ୍ରିଵିକ୍ରମାଯାହ ଶ୍ରୀଦତ୍ତଃ ଶରଣଂ ମମ ॥ ୮୨॥
ଗୋପୀନାଥସୁତୋ ରୁଗ୍ଣୋ ମୃତସ୍ତତ୍ସ୍ତ୍ରୀ ଶୁଶୋଚ ତାମ୍ ।
ବୋଧଯାମାସ ଯୋ ଯୋଗୀ ଶ୍ରୀଦତ୍ତଃ ଶରଣଂ ମମ ॥ ୮୩॥
ଗୁର୍ଵଗସ୍ତ୍ଯର୍ଷିସଂଵାଦରୂପଂ ସ୍ତ୍ରୀଧର୍ମମାହ ଯଃ ।
ରୂପାନ୍ତରେଣ ସ ପ୍ରାଜ୍ଞଃ ଶ୍ରୀଦତ୍ତଃ ଶରଣଂ ମମ ॥ ୮୪॥
ଵିଧଵାଧର୍ମମାଦିଶ୍ଯାନୁଗମଂ ଚାକ୍ଷଭସ୍ମଦଃ ।
ଅଜୀଵଯନ୍ମୃତଂ ଵିପ୍ରଂ ଶ୍ରୀଦତ୍ତଃ ଶରଣଂ ମମ ॥ ୮୫॥
ଵେଶ୍ଯାସତ୍ଯୈ ତୁ ରୁଦ୍ରାକ୍ଷମାହାତ୍ମ୍ଯଯୁତମୀଟ୍-କୃତମ୍ ।
ପ୍ରସାଦଂ ପ୍ରାହ ଯଃ ସତ୍ଯୈ ଶ୍ରୀଦତ୍ତଃ ଶରଣଂ ମମ ॥ ୮୬॥
ଶତରୁଦ୍ରୀଯମାହାତ୍ମ୍ଯଂ ମୃତରାଟ୍ ସୁତଜୀଵନମ୍ ।
ସତ୍ଯୈ ଶଶଂସ ସ ଗୁରୁଃ ଶ୍ରୀଦତ୍ତଃ ଶରଣଂ ମମ ॥ ୮୭॥
କଚାଖ୍ଯାନଂ ସ୍ତ୍ରିଯୋ ମଂତ୍ରାନର୍ହତାର୍ଥସୁଭାଗ୍ଯଦମ୍ ।
ସୋମଵ୍ରତଂ ଚ ଯଃ ପ୍ରାହ ଶ୍ରୀଦତ୍ତଃ ଶରଣଂ ମମ ॥ ୮୮॥
ବ୍ରାହ୍ମଣ୍ଯା ଦୁଃସ୍ଵଭାଵଂ ଯୋ ନିଵାର୍ଯାହ୍ନିକମୁତ୍ତମମ୍ ।
ଶଶଂସ ବ୍ରାହ୍ମଣାଯାସୌ ଶ୍ରୀଦତ୍ତଃ ଶରଣଂ ମମ ॥ ୮୯॥
ଗାର୍ହସ୍ଥଧର୍ମଂ ଵିପ୍ରାଯ ପ୍ରତ୍ଯଵାଯଜିହାସଯା ।
କ୍ରମମୁକ୍ତ୍ଯୈ ଯ ଊଚେ ସ ଶ୍ରୀଦତ୍ତଃ ଶରଣଂ ମମ ॥ ୯୦॥
ତ୍ରିପୁଂପର୍ଯାପ୍ତପାକେନ ଭୋଜଯାମାସ ଯୋ ନୃଣାମ୍ ।
ସିଦ୍ଧଶ୍ଚତୁଃସହସ୍ରାଣି ଶ୍ରୀଦତ୍ତଃ ଶରଣଂ ମମ ॥ ୯୧॥
ଅଶ୍ଵତ୍ଥସେଵାମାଦିଶ୍ଯ ପୁତ୍ରୌ ଯୋଽଦାତ୍ଫଲପ୍ରଦଃ ।
ଚିତ୍ରକୃଦ୍-ଵୃଦ୍ଧଵନ୍ଧ୍ଯାଯୈ ଶ୍ରୀଦତ୍ତଃ ଶରଣଂ ମମ ॥ ୯୨॥
କାରଯିତ୍ଵା ଶୁଷ୍କକାଷ୍ଠସେଵାଂ ତଦ୍-ଵୃକ୍ଷତାଂ ନଯନ୍ ।
ଵିପ୍ରକୁଷ୍ଠଂ ଜହାରାସୌ ଶ୍ରୀଦତ୍ତଃ ଶରଣଂ ମମ ॥ ୯୩॥
ଭଜନ୍ତଂ କଷ୍ଟତୋଽପ୍ଯାହ ସାଯଂଦେଵଂ ପରୀକ୍ଷ୍ଯ ଯଃ ।
ଗୁରୁସେଵାଵିଧାନଂ ସ ଶ୍ରୀଦତ୍ତଃ ଶରଣଂ ମମ ॥ ୯୪॥
ଶିଵତୋଷକରୀଂ କାଶୀଯାତ୍ରାଂ ଭକ୍ତାଯ ଯୋଽଵଦତ୍ ।
ସଵିଧିଂ ଵିହିତାଂ ତ୍ଵଷ୍ଟ୍ରା ଶ୍ରୀଦତ୍ତଃ ଶରଣଂ ମମ ॥ ୯୫॥
କୌଣ୍ଡିଣ୍ଯଧର୍ମଵିହିତମନଂତଵ୍ରତମାହ ଯଃ ।
କାରଯାମାସ ତଦ୍ଯୋଽପି ଶ୍ରୀଦତ୍ତଃ ଶରଣଂ ମମ ॥ ୯୬॥
ଶ୍ରୀଶୈଲଂ ତଂତୁକାଯାସୌ ଯୋଗଗତ୍ଯା ଵ୍ଯଦର୍ଶଯତ୍ ।
ଶିଵରାତ୍ରିଵ୍ରତାହେ ସ ଶ୍ରୀଦତ୍ତଃ ଶରଣଂ ମମ ॥ ୯୭॥
ଜ୍ଞାପଯିତ୍ଵାପ୍ଯର୍ମତ୍ଯତ୍ଵଂ ସ୍ଵସ୍ଯ ଦୃଷ୍ଟ୍ଯା ଚକାର ଯଃ ।
ଵିକୁଷ୍ଠଂ ନନ୍ଦିଶର୍ମାଣଂ ଶ୍ରୀଦତ୍ତଃ ଶରଣଂ ମମ ॥ ୯୮॥
ନରକେସରିଣେ ସ୍ଵପ୍ନେ ସ୍ଵଂ କଲ୍ଲେଶ୍ଵରଲିଙ୍ଗଗମ୍ ।
ଦର୍ଶଯିତ୍ଵାନୁଜଗ୍ରାହ ଶ୍ରୀଦତ୍ତଃ ଶରଣଂ ମମ ॥ ୯୯॥
ଅଷ୍ଟମୂର୍ତିଧରୋଽପ୍ଯଷ୍ଟଗ୍ରାମଗୋ ଭକ୍ତଵତ୍ସଲଃ ।
ଦୀପାଵଲ୍ଯୁତ୍ସଵେଽଭୂତ୍ସ ଶ୍ରୀଦତ୍ତଃ ଶରଣଂ ମମ ॥ ୧୦୦॥
ଅପକ୍ଵଂ ଛେଦଯିତ୍ଵାପି କ୍ଷେତ୍ରେ ଶତଗୁଣଂ ତତଃ ।
ଧାନ୍ଯଂ ଶୂଦ୍ରାଯ ଯୋଽଦାତ୍ସ ଶ୍ରୀଦତ୍ତଃ ଶରଣଂ ମମ ॥ ୧୦୧॥
ଗାଣଗାପୁରକେ କ୍ଷେତ୍ରେ ଯୋଽଷ୍ଟତୀର୍ଥାନ୍ଯଦର୍ଶଯତ୍ ।
ଭକ୍ତେଭ୍ଯୋ ଭୀମରଥ୍ଯାଂ ସ ଶ୍ରୀଦତ୍ତଃ ଶରଣଂ ମମ ॥ ୧୦୨॥
ପୂର୍ଵଦତ୍ତଵରାଯାଦାଦ୍ରାଜ୍ଯଂ ସ୍ଫୋଟକରୁଗ୍ଘରଃ ।
ମ୍ଲେଚ୍ଛାଯ ଦୃଷ୍ଟିଂ ଚେଷ୍ଟଂ ସ ଶ୍ରୀଦତ୍ତଃ ଶରଣଂ ମମ ॥ ୧୦୩॥
ଶ୍ରୀଶୈଲଯାତ୍ରାମିଷେଣ ଵରଦଃ ପୁଷ୍ପପୀଠଗଃ ।
କଲୌ ତିରୋଽଭଵଦ୍ଯଃ ସ ଶ୍ରୀଦତ୍ତଃ ଶରଣଂ ମମ ॥ ୧୦୪॥
ନିଦ୍ରାମାତୃପୁରେଽସ୍ଯ ସହ୍ଯଶିଖରେ ପୋଠଂ ମିମଂକ୍ଷାପୁରେ
କାଶ୍ଯାଖ୍ଯେ କରହାଟକେଽର୍ଘ୍ଯମଵରେ ଭିକ୍ଷାସ୍ଯ କୋଲାପୁରେ ।
ପାଞ୍ଚାଲେ ଭୁଜିରସ୍ଯ ଵିଠ୍ଠଲପୁରେ ପତ୍ରଂ ଵିଚିତ୍ରଂ ପୁରେ
ଗାଂଧର୍ଵେ ଯୁଜିରାଚମଃ କୁରୁପୁରେ ଦୂରେ ସ୍ମୃତୋ ନାନ୍ତରେ ॥ ୧୦୫॥
ଅମଲକମଲଵକ୍ତ୍ରଃ ପଦ୍ମପତ୍ରାଭନେତ୍ରଃ
ପରଵିରତିକଲତ୍ରଃ ସର୍ଵଥା ଯଃ ସ୍ଵତନ୍ତ୍ରଃ ।
ସ ଚ ପରମପଵିତ୍ରଃ ସତ୍କମଣ୍ଡଲ୍ଵମତ୍ରଃ
ପରମରୁଚିରଗାତ୍ରୋ ଯୋଽନସୂଯାତ୍ରିପୁତ୍ରଃ ॥ ୧୦୬॥
ନମସ୍ତେ ସମସ୍ତେଷ୍ଟଦାତ୍ରେ ଵିଧାତ୍ରେ
ନମସ୍ତେ ସମସ୍ତେଡିତାଘୌଘହର୍ତ୍ରେ ।
ନମସ୍ତେ ସମସ୍ତେଙ୍ଗିତଜ୍ଞାଯ ଭର୍ତ୍ରେ
ନମସ୍ତେ ସମସ୍ତେଷ୍ଟକର୍ତ୍ରେଽକହର୍ତ୍ରେ ॥ ୧୦୭॥
ନମୋ ନମସ୍ତେଽସ୍ତୁ ପୁରାନ୍ତକାଯ
ନମୋ ନମସ୍ତେଽସ୍ତ୍ଵସୁରାନ୍ତକାଯ ।
ନମୋ ନମସ୍ତେଽସ୍ତୁ ଖଲାନ୍ତକାଯ
ଦତ୍ତାଯ ଭକ୍ତାର୍ତିଵିନାଶକାଯ ॥ ୧୦୮॥
ଶ୍ରୀଦତ୍ତଦେଵେଶ୍ଵର ମେ ପ୍ରସୀଦ
ଶ୍ରୀଦତ୍ତସର୍ଵେଶ୍ଵର ମେ ପ୍ରସୀଦ ।
ପ୍ରସୀଦ ଯୋଗେଶ୍ଵର ଦେହି ଯୋଗଂ
ତ୍ଵଦୀଯଭକ୍ତେଃ କୁରୁ ମା ଵିଯୋଗମ୍ ॥ ୧୦୯॥
ଶ୍ରୀଦତ୍ତୋ ଜଯତୀହ ଦତ୍ତମନିଶଂ ଧ୍ଯାଯାମି ଦତ୍ତେନ ମେ
ହୃଚ୍ଛୁଦ୍ଧିର୍ଵିହିତା ତତୋଽସ୍ତୁ ସତତଂ ଦତ୍ତାଯ ତୁଭ୍ଯଂ ନମଃ ।
ଦତ୍ତାନ୍ନାସ୍ତି ପରାଯଣଂ ଶ୍ରୁତିମତଂ ଦତ୍ତସ୍ଯ ଦାସୋଽସ୍ମ୍ଯହମ୍ ।
ଶ୍ରୀଦତ୍ତେ ପରଭକ୍ତିରସ୍ତୁ ମମ ଭୋ ଦତ୍ତ ପ୍ରସୀଦେଶ୍ଵର ॥ ୧୧୦॥
॥ ଇତି ଶ୍ରୀ ପରମହଂସ ପରିଵ୍ରାଜକାଚାର୍ଯ ଶ୍ରୀ ଶ୍ରୀ ଶ୍ରୀ
ଵାସୁଦେଵାନନ୍ଦ ସରସ୍ଵତୀ ଯତି ଵରେଣ୍ଯ ଵିରଚିତଂ ଶ୍ରୀ ଦତ୍ତ
ଭାଵସୁଧାରସ ସ୍ତୋତ୍ରଂ ସମ୍ପୂର୍ଣମ୍ ॥
Encoded and proofread by Arun Shantharam shantharam.arun @ gmail.com
Please send corrections to sanskrit@cheerful.com
Last updated ତ୍oday
http://sanskritdocuments.org
ଶ୍ରୀ ଦତ୍ତ ଭାଵସୁଧାରସ ସ୍ତୋତ୍ରମ୍ ।
ଦତ୍ତାତ୍ରେଯଂ ପରମସୁଖମଯଂ ଵେଦଗେଯଂ ହ୍ଯମେଯଂ
ଯୋଗିଧ୍ଯେଯଂ ହୃତନିଜଭଯଂ ସ୍ଵୀକୃତାନେକକାଯମ୍ ।
ଦୁଷ୍ଟାଗମ୍ଯଂ ଵିତତଵିଜଯଂ ଦେଵଦୈତ୍ଯର୍ଷିଵନ୍ଦ୍ଯଂ
ଵନ୍ଦେ ନିତ୍ଯଂ ଵିହିତଵିନଯଂ ଚାଵ୍ଯଯଂ ଭାଵଗମ୍ଯମ୍ ॥ ୧॥
ଦତ୍ତାତ୍ରେଯ ନମୋଽସ୍ତୁ ତେ ଭଗଵତେ ପାପକ୍ଷଯଂ କୁର୍ଵତେ
ଦାରିଦ୍ର୍ଯଂ ହରତେ ଭଯଂ ଶମଯତେ କାରୁଣ୍ଯମାତନ୍ଵତେ ।
ଭକ୍ତାନୁଦ୍ଧରତେ ଶିଵଂ ଚ ଦଦତେ ସତ୍କୀର୍ତିମାତନ୍ଵତେ
ଭୂତାନ୍ଦ୍ରାଵଯତେ ଵରଂ ପ୍ରଦଦତେ ଶ୍ରେଯଃ ପତେ ସଦ୍ଗତେ ॥ ୨॥
ଏକଂ ସୌଭାଗ୍ଯଜନକଂ ତାରକଂ ଲୋକନାଯକମ୍ ।
ଵିଶୋକଂ ତ୍ରାତଭଜକଂ ନମସ୍ଯେ କାମପୂରକମ୍ ॥ ୩॥
ନିତ୍ଯଂ ସ୍ମରାମି ତେ ପାଦେ ହତଖେଦେ ସୁଖପ୍ରଦେ ।
ପ୍ରଦେହି ମେ ଶୁଦ୍ଧଭାଵଂ ଭାଵଂ ଯୋ ଵାରଯେଦ୍ଦ୍ରୁତମ୍ ॥ ୪॥
ସମସ୍ତସମ୍ପତ୍ପ୍ରଦମାର୍ତବଂଧୁଂ ସମସ୍ତକଲ୍ଯାଣଦମସ୍ତବଂଧୁମ୍ ।
କାରୁଣ୍ଯସିଂଧୁଂ ପ୍ରଣମାମି ଦତ୍ତଂ ଯଃ ଶୋଧଯତ୍ଯାଶୁ ମଲୀନଚିତ୍ତମ୍ ॥ ୫॥
ସମସ୍ତଭୂତାଂତରବାହ୍ଯଵର୍ତୀ ଯଶ୍ଚାତ୍ରିପୁତ୍ରୋ ଯତିଚକ୍ରଵର୍ତୀ ।
ସୁକୀର୍ତିସଂଵ୍ଯାପ୍ତଦିଗଂତରାଲଃ ସ ପାତୁ ମାଂ ନିର୍ଜିତଭକ୍ତକାଲଃ ॥ ୬॥
ଵ୍ଯାଧ୍ଯାଧିଦାରିଦ୍ର୍ଯଭଯାର୍ତିହର୍ତା ସ୍ଵଗୁପ୍ତଯେଽନେକଶରୀରଧର୍ତା
ସ୍ଵଦାସଭର୍ତା ବହୁଧା ଵିହର୍ତା କର୍ତାପ୍ଯକର୍ତା ସ୍ଵଵଶୋଽରିହର୍ତା ॥ ୭॥
ସ ଚାନସୂଯାତନଯୋଽଭଵଦ୍ଯୋ ଵିଷ୍ଣୁଃ ସ୍ଵଯଂ ଭାଵିକରକ୍ଷଣାଯ ।
ଗୁଣା ଯଦୀଯା ମ ହି ବୁଦ୍ଧିମଦ୍ଭିର୍ଗଣ୍ଯଂତ ଆକଲ୍ପମପୀହ ଧାତ୍ରା ॥ ୮॥
ନ ଯତ୍କଟାକ୍ଷାମୃତଵୃଷ୍ଟିତୋଽତ୍ର
ତିଷ୍ଠନ୍ତି ତାପାଃ ସକଲାଃ ପରତ୍ର ।
ଯଃ ସଦ୍ଗତିଂ ସମ୍ପ୍ରଦଦାତି ଭୂମା
ସ ମେଽନ୍ତରେ ତିଷ୍ଠତୁ ଦିଵ୍ଯଧାମା ॥ ୯॥
ସ ତ୍ଵଂ ପ୍ରସୀଦାତ୍ରିସୁତାର୍ତିହାରିନ୍
ଦିଗମ୍ବର ସ୍ଵୀଯମନୋଵିହାରିନ୍ ।
ଦୁଷ୍ଟା ଲିପିର୍ଯା ଲିଖିତାତ୍ର ଧାତ୍ରା
କାର୍ଯା ତ୍ଵଯା ସାଽତିଶୁଭା ଵିଧାତ୍ରା ॥ ୧୦॥
ସର୍ଵମଂଗଲସଂଯୁକ୍ତ ସର୍ଵୈଶ୍ଵର୍ଯସମନ୍ଵିତ ।
ପ୍ରସନ୍ନେ ତ୍ଵଯି ସର୍ଵେଶେ କିଂ କେଷାଂ ଦୁର୍ଲଭଂ କୁହ ॥ ୧୧॥
ହାର୍ଦାଂଧତିମିରଂ ହନ୍ତୁଂ ଶୁଦ୍ଧଜ୍ଞାନପ୍ରକାଶକ ।
ତ୍ଵଦଂଘ୍ରିନଖମାଣିକ୍ଯଦ୍ଯୁତିରେଵାଲମୀଶ ନଃ ॥ ୧୨॥
ସ୍ଵକୃପାର୍ଦ୍ରକଟାକ୍ଷେଣ ଵୀକ୍ଷସେ ଚେତ୍ସକୃଦ୍ଧି ମାମ୍ ।
ଭଵିଷ୍ଯାମି କୃତାର୍ଥୋଽତ୍ର ପାତ୍ରଂ ଚାପି ସ୍ଥିତେସ୍ତଵ ॥ ୧୩॥
କ୍ଵ ଚ ମନ୍ଦୋ ଵରାକୋଽହଂ କ୍ଵ ଭଵାନ୍ଭଗଵାନ୍ପ୍ରଭୁଃ ।
ଅଥାପି ଭଵଦାଵେଶ ଭାଗ୍ଯଵାନସ୍ମି ତେ ଦୃଶା ॥ ୧୪॥
ଵିହିତାନି ମଯା ନାନା ପାତକାନି ଚ ଯଦ୍ଯପି ।
ଅଥାପି ତେ ପ୍ରସାଦେନ ପଵିତ୍ରୋଽହଂ ନ ସଂଶଯଃ ॥ ୧୫॥
ସ୍ଵଲୀଲଯା ତ୍ଵଂ ହି ଜନାନ୍ପୁନାସି
ତନ୍ମେ ସ୍ଵଲୀଲା ଶ୍ରଵଣଂ ପ୍ରଯଚ୍ଛ ।
ତସ୍ଯାଃ ଶ୍ରୁତେଃ ସାନ୍ଦ୍ରଵିଲୋଚନୋଽହଂ
ପୁନାମି ଚାତ୍ମାନମତୀଵ ଦେଵ ॥ ୧୬॥
ପୁରତସ୍ତେ ସ୍ଫୁଟଂ ଵଚ୍ମି ଦୋଷରାଶିରହଂ କିଲ ।
ଦୋଷା ମମାମିତାଃ ପାଂସୁଵୃଷ୍ଟିବିନ୍ଦୁସମା ଵିଭୋଃ ॥ ୧୭॥
ପାପୀଯସାମହଂ ମୁଖ୍ଯସ୍ତ୍ଵଂ ତୁ କାରୁଣିକାଗ୍ରଣୀଃ ।
ଦଯନୀଯୋ ନ ହି କ୍ଵାପି ମଦନ୍ଯ ଇତି ଭାତି ମେ ॥ ୧୮॥
ଈଦୃଶଂ ମାଂ ଵିଲୋକ୍ଯାପି କୃପାଲୋ ତେ ମନୋ ଯଦି ।
ନ ଦ୍ରଵେତ୍ତର୍ହି କିଂ ଵାଚ୍ଯମଦୃଷ୍ଟଂ ମେ ତଵାଗ୍ରତଃ ॥ ୧୯॥
ତ୍ଵମେଵ ସୃଷ୍ଟଵାନ୍ସର୍ଵାନ୍ଦତ୍ତାତ୍ରେଯ ଦଯାନିଧେ ।
ଵଯଂ ଦୀନତରାଃ ପୁତ୍ରାସ୍ତଵାକଲ୍ପାଃ ସ୍ଵରକ୍ଷଣେ ॥ ୨୦॥
ଜଯତୁ ଜଯତୁ ଦତ୍ତୋ ଦେଵସଙ୍ଘାଭିପୂଜ୍ଯୋ
ଜଯତୁ ଜଯତୁ ଭଦ୍ରୋ ଭଦ୍ରଦୋ ଭାଵୁକେଜ୍ଯଃ ।
ଜଯତୁ ଜଯତୁ ନିତ୍ଯୋ ନିର୍ମଲଜ୍ଞାନଵେଦ୍ଯୋ
ଜଯତୁ ଜଯତୁ ସତ୍ଯଃ ସତ୍ଯସଂଧୋଽନଵଦ୍ଯଃ ॥ ୨୧॥
ଯଦ୍ଯହଂ ତଵ ପୁତ୍ରଃ ସ୍ଯାଂ ପିତା ମାତା ତ୍ଵମେଵ ମେ ।
ଦଯାସ୍ତନ୍ଯାମୃତେନାଶୁ ମାତସ୍ତ୍ଵମଭିଷିଞ୍ଚ ମାମ୍ ॥ ୨୨॥
ଈଶାଭିନ୍ନନିମିତ୍ତୋପାଦନାତ୍ସ୍ରଷ୍ଟୁରସ୍ଯ ତେ ।
ଜଗଦ୍ଯୋନେ ସୁତୋ ନାହଂ ଦତ୍ତ ମାଂ ପରିପାହ୍ଯତଃ ॥ ୨୩॥
ତଵ ଵତ୍ସସ୍ଯ ମେ ଵାକ୍ଯଂ ସୂକ୍ତଂ ଵାଽସୂକ୍ତମପ୍ଯହୋ ।
କ୍ଷନ୍ତଵ୍ଯଂ ମେଽପରାଧଶ୍ଚ ତ୍ଵତ୍ତୋଽନ୍ଯା ନ ଗତିର୍ହି ମେ ॥ ୨୪॥
ଅନନ୍ଯଗତିକସ୍ଯାସ୍ଯ ବାଲସ୍ଯ ମମ ତେ ପିତଃ ।
ନ ସର୍ଵଥୋଚିତୋପେକ୍ଷା ଦୋଷାଣାଂ ଗଣନାପି ଚ ॥ ୨୫॥
ଅଜ୍ଞାନିତ୍ଵାଦକଲ୍ପତ୍ଵାଦ୍ଦୋଷା ମମ ପଦେ ପଦେ ।
ଭଵନ୍ତି କିଂ କରୋମୀଶ କରୁଣାଵରୁଣାଲଯ ॥ ୨୬॥
ଅଥାପି ମେଽପରାଧୈଶ୍ଚେଦାଯାସ୍ଯନ୍ତର୍ଵିଷାଦତାମ୍ ।
ପଦାହତାର୍ଭକେଣାପି ମାତା ରୁଷ୍ଯତି କିଂ ଭୁଵି ॥ ୨୭॥
ରଙ୍କମଙ୍କଗତଂ ଦୀନଂ ତାଡଯନ୍ତଂ ପଦେନ ଚ ।
ମାତା ତ୍ଯଜତି କିଂ ବାଲଂ ପ୍ରତ୍ଯୁତାଶ୍ଵାସଯତ୍ଯହୋ ॥ ୨୮॥
ତାଦୃଶଂ ମାମକଲ୍ପଂ ଚେନ୍ନାଶ୍ଵାସଯସି ଭୋ ପ୍ରଭୋ ।
ଅହହା ବତ ଦୀନସ୍ଯ ତ୍ଵାଂ ଵିନା ମମ କା ଗତିଃ ॥ ୨୯॥
ଶିଶୁର୍ନାଯଂ ଶଠଃ ସ୍ଵାର୍ଥୀତ୍ଯପି ନାଯାତୁ ତେଽନ୍ତରମ୍ ।
ଲୋକେ ହି କ୍ଷୁଧିତା ବାଲାଃ ସ୍ମରନ୍ତି ନିଜମାତରମ୍ ॥ ୩୦॥
ଜୀଵନଂ ଭିନ୍ନଯୋଃ ପିତ୍ରୋର୍ଲୋକ ଏକତରାଚ୍ଛିଶୋଃ ।
ତ୍ଵଂ ତୂଭଯଂ ଦତ୍ତ ମମ ମାଽସ୍ତୁ ନିର୍ଦଯତା ମଯି ॥ ୩୧॥
ସ୍ତଵନେନ ନ ଶକ୍ତୋଽସ୍ମି ତ୍ଵାଂ ପ୍ରସାଦଯିତୁଂ ପ୍ରଭୋ ।
ବ୍ରହ୍ମାଦ୍ଯାଶ୍ଚକିତାସ୍ତତ୍ର ମନ୍ଦୋଽହଂ ଶକ୍ନୁଯାଂ କଥମ୍ ॥ ୩୨॥
ଦତ୍ତ ତ୍ଵଦ୍ବାଲଵାକ୍ଯାନି ସୂକ୍ତାସୂକ୍ତାନି ଯାନି ଚ ।
ତାନି ସ୍ଵୀକୁରୁ ସର୍ଵଜ୍ଞ ଦଯାଲୋ ଭକ୍ତଭାଵନ ॥ ୩୩॥
ଯେ ତ୍ଵା ଶରଣମାପନ୍ନାଃ କୃତାର୍ଥା ଅଭଵନ୍ହି ତେ ।
ଏତଦ୍ଵିଚାର୍ଯ ମନସା ଦତ୍ତ ତ୍ଵାଂ ଶରଣଂ ଗତଃ ॥ ୩୪॥
ତ୍ଵନ୍ନିଷ୍ଠାସ୍ତ୍ଵତ୍ପରା ଭକ୍ତାସ୍ତଵ ତେ ସୁଖଭାଗିନଃ ।
ଇତି ଶାସ୍ତ୍ରାନୁରୋଧେନ ଦତ୍ତ ତ୍ଵାଂ ଶରଣଂ ଗତଃ ॥ ୩୫॥
ସ୍ଵଭକ୍ତାନନୁଗୃହ୍ଣାତି ଭଗଵାନ୍ ଭକ୍ତଵତ୍ସଲଃ ।
ଇତି ସଞ୍ଚିତ୍ଯ ସଞ୍ଚିତ୍ଯ କଥଞ୍ଚିଦ୍ଧାରଯାମ୍ଯସୂନ୍ ॥ ୩୬॥
ତ୍ଵଦ୍ଭକ୍ତସ୍ତ୍ଵଦଧୀନୋଽହମସ୍ମି ତୁଭ୍ଯଂ ସମର୍ପିତମ୍ ।
ତନୁଂ ମନୋ ଧନଂ ଚାପି କୃପାଂ କୁରୁ ମମୋପରି ॥ ୩୭॥
ତ୍ଵଯି ଭକ୍ତିଂ ନୈଵ ଜାନେ ନ ଜାନେଽର୍ଚନପଦ୍ଧତିମ୍ ।
କୃତଂ ନ ଦାନଧର୍ମାଦି ପ୍ରସାଦଂ କୁରୁ କେଵଲମ୍ ॥ ୩୮॥
ବ୍ରହ୍ମଚର୍ଯାଦି ନାଚୀର୍ଣଂ ନାଧୀତା ଵିଧିତଃ ଶ୍ରୁତିଃ ।
ଗାର୍ହସ୍ଥ୍ଯଂ ଵିଧିନା ଦତ୍ତ ନ କୃତଂ ତତ୍ପ୍ରସୀଦ ମେ ॥ ୩୯॥
ନ ସାଧୁସଙ୍ଗମୋ ମେଽସ୍ତି ନ କୃତଂ ଵୃଦ୍ଧସେଵନମ୍ ।
ନ ଶାସ୍ତ୍ରଶାସନଂ ଦତ୍ତ କେଵଲଂ ତ୍ଵଂ ଦଯାଂ କୁରୁ ॥ ୪୦॥
ଜ୍ଞାତେଽପି ଧର୍ମେ ନହି ମେ ପ୍ରଵୃତ୍ତି-
ର୍ଜ୍ଞାତେଽପ୍ଯଧର୍ମେ ନ ତତୋ ନିଵୃତ୍ତିଃ ॥
ଶ୍ରୀଦତ୍ତନାଥେନ ହୃଦି ସ୍ଥିତେନ
ଯଥା ନିଯୁକ୍ତୋଽସ୍ମି ତଥା କରୋମି ॥ ୪୧॥
କୃତିଃ ସେଵା ଗତିର୍ଯାତ୍ରା ସ୍ମୃତିଶ୍ଚିନ୍ତା ସ୍ତୁତିର୍ଵଚଃ ।
ଭଵନ୍ତୁ ଦତ୍ତ ମେ ନିତ୍ଯଂ ତ୍ଵଦୀଯା ଏଵ ସର୍ଵଥା ॥ ୪୨॥
ପ୍ରତିଜ୍ଞା ତେ ନ ଭକ୍ତା ମେ ନଶ୍ଯନ୍ତୀତି ସୁନିଶ୍ଚିତମ୍ ।
ଶ୍ରୀଦତ୍ତ ଚିତ୍ତ ଆନୀଯ ଜୀଵନଂ ଧାରଯାମ୍ଯହମ୍ ॥ ୪୩॥
ଦତ୍ତୋଽହଂ ତେ ମଯେତୀଶ ଆତ୍ମଦାନେନ ଯୋଽଭଵତ୍ ।
ଅନସୂଯାତ୍ରିପୁତ୍ରଃ ସ ଶ୍ରୀଦତ୍ତଃ ଶରଣଂ ମମ ॥ ୪୪॥
କାର୍ତଵୀର୍ଯାର୍ଜୁନାଯାଦାଦ୍ଯୋଗର୍ଧିମୁଭଯୀଂ ପ୍ରଭୁଃ ।
ଅଵ୍ଯାହତଗତିଂ ଚାସୌ ଶ୍ରୀଦତ୍ତଃ ଶରଣଂ ମମ ॥ ୪୫॥
ଆନ୍ଵୀକ୍ଷିକୀମଲର୍କାଯ ଵିକଲ୍ପତ୍ଯାଗପୂର୍ଵକମ୍ ।
ଯୋଽଦାଦାଚାର୍ଯଵର୍ଯଃ ସ ଶ୍ରୀଦତ୍ତଃ ଶରଣଂ ମମ ॥ ୪୬॥
ଚତୁର୍ଵିଂଶତିଗୁର୍ଵାପ୍ତଂ ହେଯୋପାଦେଯଲକ୍ଷଣଂ ।
ଜ୍ଞାନଂ ଯୋ ଯଦଵେଽଦାତ୍ସ ଶ୍ରୀଦତ୍ତଃ ଶରଣଂ ମମ ॥ ୪୭॥
ମଦାଲସାଗର୍ଭରତ୍ନାଲର୍କାଯ ପ୍ରାହିଣୋଚ୍ଚ ଯଃ ।
ଯୋଗପୂର୍ଵାତ୍ମଵିଜ୍ଞାନଂ ଶ୍ରୀଦତ୍ତଃ ଶରଣଂ ମମ ॥ ୪୮॥
ଆଯୁରାଜାଯ ସତ୍ପୁତ୍ରଂ ସେଵାଧର୍ମପରାଯ ଯଃ ।
ପ୍ରଦଦୌ ସଦ୍ଗତିଂ ଚୈଷ ଶ୍ରୀଦତ୍ତଃ ଶରଣଂ ମମ ॥ ୪୯॥
ଲୋକୋପକୃତଯେ ଵିଷ୍ଣୁଦତ୍ତଵିପ୍ରାଯ ଯୋଽର୍ପଯତ୍ ।
ଵିଦ୍ଯାସ୍ତଚ୍ଛ୍ରାଦ୍ଧଭୁଗ୍ଯଃ ସ ଶ୍ରୀଦତ୍ତଃ ଶରଣଂ ମମ ॥ ୫୦॥
ଭର୍ତ୍ରା ସହାନୁଗମନଵିଧିଂ ଯଃ ପ୍ରାହ ସର୍ଵଵିତ୍ ।
ରାମମାତ୍ରେ ରେଣୁକାଯୈ ଶ୍ରୀଦତ୍ତଃ ଶରଣଂ ମମ ॥ ୫୧॥
ସମୂଲମାହ୍ନିକଂ କର୍ମ ସୋମକୀର୍ତିନୃପାଯ ଯଃ ।
ମୋକ୍ଷୋପଯୋଗି ସକଲଂ ଶ୍ରୀଦତ୍ତଃ ଶରଣଂ ମମ ॥ ୫୨॥
ନାମଧାରକ ଭକ୍ତାଯ ନିର୍ଵିଣ୍ଣାଯ ଵ୍ଯଦର୍ଶଯତ୍ ।
ତୁଷ୍ଟଃ ସ୍ତୁତ୍ଯା ସ୍ଵରୂପଂ ସ ଶ୍ରୀଦତ୍ତଃ ଶରଣଂ ମମ ॥ ୫୩॥
ଯଃ କଲିବ୍ରହ୍ମସଂଵାଦମିଷେଣାହ ଯୁଗସ୍ଥିତୀଃ ।
ଗୁରୁସେଵାଂ ଚ ସିଦ୍ଧାଽଽସ୍ଯାଚ୍ଛ୍ରୀଦତ୍ତଃ ଶରଣଂ ମମ ॥ ୫୪॥
ଦୁର୍ଵାସଃଶାପମାଶ୍ରୁତ୍ଯ ଯୋଽମ୍ବରୀଷାର୍ଥମଵ୍ଯଯଃ ।
ନାନାଵତାରଧାରୀ ସ ଶ୍ରୀଦତ୍ତଃ ଶରଣଂ ମମ ॥ ୫୫॥
ଅନସୂଯାସତୀଦୁଗ୍ଧାସ୍ଵାଦାଯେଵ ତ୍ରିରୂପତଃ ।
ଅଵାତରଦଜୋ ଯୋଽପି ଶ୍ରୀଦତ୍ତଃ ଶରଣଂ ମମ ॥ ୫୬॥
ପୀଠାପୁରେ ଯଃ ସୁମତିବ୍ରାହ୍ମଣୀଭକ୍ତିତୋଽଭଵତ୍ ।
ଶ୍ରୀପାଦସ୍ତତ୍ସୁତସ୍ତ୍ରାତା ଶ୍ରୀଦତ୍ତଃ ଶରଣଂ ମମ ॥ ୫୭॥
ପ୍ରକାଶଯାମାସ ସିଦ୍ଧମୁଖାତ୍ସ୍ଥାପନମାଦିତଃ ।
ମହାବଲେଶ୍ଵରସ୍ଯୈଷ ଶ୍ରୀଦତ୍ତଃ ଶରଣଂ ମମ ॥ ୫୮॥
ଚଣ୍ଡାଲ୍ଯପି ଯତୋ ମୁକ୍ତା ଗୋକର୍ଣେ ତତ୍ର ଯୋଽଵସତ୍ ।
ଲିଙ୍ଗତୀର୍ଥମଯେ ତ୍ର୍ଯବ୍ଦଂ ଶ୍ରୀଦତ୍ତଃ ଶରଣଂ ମମ ॥ ୫୯॥
କୃଷ୍ଣାଦ୍ଵୀପେ କୁରୁପୁରେ କୁପୁତ୍ରଂ ଜନନୀଯୁତମ୍ ।
ଯୋ ହି ମୃତ୍ଯୋରପାଚ୍ଛ୍ରୀପାଚ୍ଛ୍ରୀଦତ୍ତଃ ଶରଣଂ ମମ ॥ ୬୦॥
ରଜକାଯାପି ଦାସ୍ଯନ୍ଯୋ ରାଜ୍ଯଂ କୁରୁପୁରେ ପ୍ରଭୁଃ ।
ତିରୋଽଭୂଦଜ୍ଞଦୃଷ୍ଟ୍ଯା ସ ଶ୍ରୀଦତ୍ତଃ ଶରଣଂ ମମ ॥ ୬୧॥
ଵିଶ୍ଵାସଘାତିନଶ୍ଚୋରାନ୍ସ୍ଵଭକ୍ତଘ୍ନାନ୍ନିହତ୍ଯ ଯଃ ।
ଜୀଵଯାମାସ ଭକ୍ତଂ ସ ଶ୍ରୀଦତ୍ତଃ ଶରଣଂ ମମ ॥ ୬୨॥
କରଞ୍ଜନଗରେଽମ୍ବାଯାଃ ପ୍ରଦୋଷଵ୍ରତସିଦ୍ଧଯେ ।
ଯୋଽଭୂତ୍ସୁତୋ ନୃହର୍ଯାଖ୍ଯଃ ଶ୍ରୀଦତ୍ତଃ ଶରଣଂ ମମ ॥ ୬୩॥
ମୂକୋ ଭୂତ୍ଵା ଵ୍ରତାତ୍ପଶ୍ଚାଦ୍ଵଦନ୍ଵେଦାନ୍ସ୍ଵମାତରମ୍ ।
ପ୍ରଵ୍ରଜନ୍ ବୋଧଯାମାସ ଶ୍ରୀଦତ୍ତଃ ଶରଣଂ ମମ ॥ ୬୪॥
କାଶୀଵାସୀ ସ ସଂନ୍ଯାସୀ ନିରାଶୀଷ୍ଟ୍ଵପ୍ରଦୋ ଵୃଷମ୍ ।
ଵୈଦିକଂ ଵିଶଦୀକୁର୍ଵନ୍ ଶ୍ରୀଦତ୍ତଃ ଶରଣଂ ମମ ॥ ୬୫॥
ଭୂମିଂ ପ୍ରଦକ୍ଷିଣୀକୃତ୍ଯ ସଶିଷ୍ଯୋ ଵୀକ୍ଷ୍ଯ ମାତରମ୍ ।
ଜହାର ଦ୍ଵିଜଶୂଲାର୍ତିଂ ଶ୍ରୀଦତ୍ତଃ ଶରଣଂ ମମ ॥ ୬୬॥
ଶିଷ୍ଯତ୍ଵେନୋରରୀକୃତ୍ଯ ସାଯଂଦେଵଂ ରରକ୍ଷ ଯଃ ॥
ଭୀତେ ଚ କ୍ରୂରଯଵନାଚ୍ଛ୍ରୀଦତ୍ତଃ ଶରଣଂ ମମ ॥ ୬୭॥
ପ୍ରେରଯତ୍ତୀର୍ଥଯାତ୍ରାଯୈ ତୀର୍ଥରୂପୋଽପି ଯଃ ସ୍ଵକାନ୍ ।
ସମ୍ଯଗ୍ଧର୍ମମୁପାଦିଶ୍ଯ ଶ୍ରୀଦତ୍ତଃ ଶରଣଂ ମମ ॥ ୬୮॥
ସଶିଷ୍ଯଃ ପର୍ଯଲୀକ୍ଷେତ୍ରେ ଵୈଦ୍ଯନାଥସମୀପତଃ ।
ସ୍ଥିତ୍ଵୋଦ୍ଦଧାର ମୂଢୋ ଯଃ ଶ୍ରୀଦତ୍ତଃ ଶରଣଂ ମମ ॥ ୬୯॥
ଵିଦ୍ଵତ୍ସୁତମଵିଦ୍ଯଂ ଯୋ ଆଗତଂ ଲୋକନିନ୍ଦିତମ୍ ।
ଛିନ୍ନଜିହ୍ଵଂ ବୁଧଂ ଚକ୍ରେ ଶ୍ରୀଦତ୍ତଃ ଶରଣଂ ମମ ॥ ୭୦॥
ନୃସିଂହଵାଟିକାସ୍ଥୋ ଯଃ ପ୍ରଦଦୌ ଶାକଭୁଙ୍-ନିଧିମ୍ ।
ଦରିଦ୍ରବ୍ରାହ୍ମଣାଯାସୌ ଶ୍ରୀଦତ୍ତଃ ଶରଣଂ ମମ ॥ ୭୧॥
ଭକ୍ତାଯ ତ୍ରିସ୍ଥଲୀଯାତ୍ରାଂ ଦର୍ଶଯାମାସ ଯଃ କ୍ଷଣାତ୍ ।
ଚକାର ଵରଦଂ କ୍ଷେତ୍ରଂ ସ ଶ୍ରୀଦତ୍ତଃ ଶରଣଂ ମମ ॥ ୭୨॥
ପ୍ରେତାର୍ତିଂ ଵାରଯିତ୍ଵା ଯୋ ବ୍ରାହ୍ମଣ୍ଯୈ ଭକ୍ତିଭାଵିତଃ ।
ଦଦୌ ପୁତ୍ରୌ ସ ଗତିଦଃ ଶ୍ରୀଦତ୍ତଃ ଶରଣଂ ମମ ॥ ୭୩॥
ତତ୍ତ୍ଵଂ ଯୋ ମୃତପୁତ୍ରାଯୈ ବୋଧଯିତ୍ଵାପ୍ଯଜୀଵଯତ୍ ।
ମୃତଂ କଲ୍ପଦ୍ରୁମସ୍ଥଃ ସ ଶ୍ରୀଦତ୍ତଃ ଶରଣଂ ମମ ॥ ୭୪॥
ଦୋହଯାମାସ ଭିକ୍ଷାର୍ଥଂ ଯୋ ଵନ୍ଧ୍ଯାଂ ମହିଷୀଂ ପ୍ରଭୁଃ ।
ଦାରିଦ୍ର୍ଯଦାଵଦାଵଃ ସ ଶ୍ରୀଦତ୍ତଃ ଶରଣଂ ମମ ॥ ୭୫॥
ରାଜପ୍ରାର୍ଥିତ ଏତ୍ଯାସ୍ଥାନ୍ମଠେ ଯୋ ଗାଣଗାପୁରେ ।
ବ୍ରହ୍ମରକ୍ଷଃ ସମୁଦ୍ଧର୍ତା ଶ୍ରୀଦତ୍ତଃ ଶରଣଂ ମମ ॥ ୭୬॥
ଵିଶ୍ଵରୂପଂ ନିନ୍ଦକାଯ ଶିବିକାସ୍ଥଃ ସ୍ଵଲଙ୍କୃତଃ ।
ଗର୍ଵହା ଦର୍ଶଯଦ୍ଯଃ ସ ଶ୍ରୀଦତ୍ତଃ ଶରଣଂ ମମ ॥ ୭୭॥
ତ୍ରିଵିକ୍ରମେଣ ଚାନୀତୌ ଗର୍ଵିତୌ ବ୍ରାହ୍ମଣଦ୍ଵିଷୌ ।
ବୋଧଯାମାସ ତୌ ଯଃ ସ ଶ୍ରୀଦତ୍ତଃ ଶରଣଂ ମମ ॥ ୭୮॥
ଉକ୍ତ୍ଵା ଚତୁର୍ଵେଦଶାଖାତଦଙ୍ଗାଦିକମୀଶ୍ଵରଃ ।
ଵିପ୍ରଗର୍ଵହରୋ ଯଃ ସ ଶ୍ରୀଦତ୍ତଃ ଶରଣଂ ମମ ॥ ୭୯॥
ସପ୍ତଜନ୍ମଵିଦଂ ସପ୍ତରେଖୋଲ୍ଲଙ୍ଘନତୋ ଦଦୌ ।
ଯୋ ହୀନାଯ ଶ୍ରୁତିସ୍ଫୂର୍ତିଃ ଶ୍ରୀଦତ୍ତଃ ଶରଣଂ ମମ ॥ ୮୦॥
ତ୍ରିଵିକ୍ରମାଯାହ କର୍ମଗତିଂ ଦତ୍ତଵିଦା ପୁନଃ ।
ଵିଯୁକ୍ତଂ ପତିତଂ ଚକ୍ରେ ଶ୍ରୀଦତ୍ତଃ ଶରଣଂ ମମ ॥ ୮୧॥
ରକ୍ଷସେ ଵାମଦେଵେନ ଭସ୍ମମାହାତ୍ମ୍ଯମୁଦ୍ଗତିମ୍ ।
ଉକ୍ତାଂ ତ୍ରିଵିକ୍ରମାଯାହ ଶ୍ରୀଦତ୍ତଃ ଶରଣଂ ମମ ॥ ୮୨॥
ଗୋପୀନାଥସୁତୋ ରୁଗ୍ଣୋ ମୃତସ୍ତତ୍ସ୍ତ୍ରୀ ଶୁଶୋଚ ତାମ୍ ।
ବୋଧଯାମାସ ଯୋ ଯୋଗୀ ଶ୍ରୀଦତ୍ତଃ ଶରଣଂ ମମ ॥ ୮୩॥
ଗୁର୍ଵଗସ୍ତ୍ଯର୍ଷିସଂଵାଦରୂପଂ ସ୍ତ୍ରୀଧର୍ମମାହ ଯଃ ।
ରୂପାନ୍ତରେଣ ସ ପ୍ରାଜ୍ଞଃ ଶ୍ରୀଦତ୍ତଃ ଶରଣଂ ମମ ॥ ୮୪॥
ଵିଧଵାଧର୍ମମାଦିଶ୍ଯାନୁଗମଂ ଚାକ୍ଷଭସ୍ମଦଃ ।
ଅଜୀଵଯନ୍ମୃତଂ ଵିପ୍ରଂ ଶ୍ରୀଦତ୍ତଃ ଶରଣଂ ମମ ॥ ୮୫॥
ଵେଶ୍ଯାସତ୍ଯୈ ତୁ ରୁଦ୍ରାକ୍ଷମାହାତ୍ମ୍ଯଯୁତମୀଟ୍-କୃତମ୍ ।
ପ୍ରସାଦଂ ପ୍ରାହ ଯଃ ସତ୍ଯୈ ଶ୍ରୀଦତ୍ତଃ ଶରଣଂ ମମ ॥ ୮୬॥
ଶତରୁଦ୍ରୀଯମାହାତ୍ମ୍ଯଂ ମୃତରାଟ୍ ସୁତଜୀଵନମ୍ ।
ସତ୍ଯୈ ଶଶଂସ ସ ଗୁରୁଃ ଶ୍ରୀଦତ୍ତଃ ଶରଣଂ ମମ ॥ ୮୭॥
କଚାଖ୍ଯାନଂ ସ୍ତ୍ରିଯୋ ମଂତ୍ରାନର୍ହତାର୍ଥସୁଭାଗ୍ଯଦମ୍ ।
ସୋମଵ୍ରତଂ ଚ ଯଃ ପ୍ରାହ ଶ୍ରୀଦତ୍ତଃ ଶରଣଂ ମମ ॥ ୮୮॥
ବ୍ରାହ୍ମଣ୍ଯା ଦୁଃସ୍ଵଭାଵଂ ଯୋ ନିଵାର୍ଯାହ୍ନିକମୁତ୍ତମମ୍ ।
ଶଶଂସ ବ୍ରାହ୍ମଣାଯାସୌ ଶ୍ରୀଦତ୍ତଃ ଶରଣଂ ମମ ॥ ୮୯॥
ଗାର୍ହସ୍ଥଧର୍ମଂ ଵିପ୍ରାଯ ପ୍ରତ୍ଯଵାଯଜିହାସଯା ।
କ୍ରମମୁକ୍ତ୍ଯୈ ଯ ଊଚେ ସ ଶ୍ରୀଦତ୍ତଃ ଶରଣଂ ମମ ॥ ୯୦॥
ତ୍ରିପୁଂପର୍ଯାପ୍ତପାକେନ ଭୋଜଯାମାସ ଯୋ ନୃଣାମ୍ ।
ସିଦ୍ଧଶ୍ଚତୁଃସହସ୍ରାଣି ଶ୍ରୀଦତ୍ତଃ ଶରଣଂ ମମ ॥ ୯୧॥
ଅଶ୍ଵତ୍ଥସେଵାମାଦିଶ୍ଯ ପୁତ୍ରୌ ଯୋଽଦାତ୍ଫଲପ୍ରଦଃ ।
ଚିତ୍ରକୃଦ୍-ଵୃଦ୍ଧଵନ୍ଧ୍ଯାଯୈ ଶ୍ରୀଦତ୍ତଃ ଶରଣଂ ମମ ॥ ୯୨॥
କାରଯିତ୍ଵା ଶୁଷ୍କକାଷ୍ଠସେଵାଂ ତଦ୍-ଵୃକ୍ଷତାଂ ନଯନ୍ ।
ଵିପ୍ରକୁଷ୍ଠଂ ଜହାରାସୌ ଶ୍ରୀଦତ୍ତଃ ଶରଣଂ ମମ ॥ ୯୩॥
ଭଜନ୍ତଂ କଷ୍ଟତୋଽପ୍ଯାହ ସାଯଂଦେଵଂ ପରୀକ୍ଷ୍ଯ ଯଃ ।
ଗୁରୁସେଵାଵିଧାନଂ ସ ଶ୍ରୀଦତ୍ତଃ ଶରଣଂ ମମ ॥ ୯୪॥
ଶିଵତୋଷକରୀଂ କାଶୀଯାତ୍ରାଂ ଭକ୍ତାଯ ଯୋଽଵଦତ୍ ।
ସଵିଧିଂ ଵିହିତାଂ ତ୍ଵଷ୍ଟ୍ରା ଶ୍ରୀଦତ୍ତଃ ଶରଣଂ ମମ ॥ ୯୫॥
କୌଣ୍ଡିଣ୍ଯଧର୍ମଵିହିତମନଂତଵ୍ରତମାହ ଯଃ ।
କାରଯାମାସ ତଦ୍ଯୋଽପି ଶ୍ରୀଦତ୍ତଃ ଶରଣଂ ମମ ॥ ୯୬॥
ଶ୍ରୀଶୈଲଂ ତଂତୁକାଯାସୌ ଯୋଗଗତ୍ଯା ଵ୍ଯଦର୍ଶଯତ୍ ।
ଶିଵରାତ୍ରିଵ୍ରତାହେ ସ ଶ୍ରୀଦତ୍ତଃ ଶରଣଂ ମମ ॥ ୯୭॥
ଜ୍ଞାପଯିତ୍ଵାପ୍ଯର୍ମତ୍ଯତ୍ଵଂ ସ୍ଵସ୍ଯ ଦୃଷ୍ଟ୍ଯା ଚକାର ଯଃ ।
ଵିକୁଷ୍ଠଂ ନନ୍ଦିଶର୍ମାଣଂ ଶ୍ରୀଦତ୍ତଃ ଶରଣଂ ମମ ॥ ୯୮॥
ନରକେସରିଣେ ସ୍ଵପ୍ନେ ସ୍ଵଂ କଲ୍ଲେଶ୍ଵରଲିଙ୍ଗଗମ୍ ।
ଦର୍ଶଯିତ୍ଵାନୁଜଗ୍ରାହ ଶ୍ରୀଦତ୍ତଃ ଶରଣଂ ମମ ॥ ୯୯॥
ଅଷ୍ଟମୂର୍ତିଧରୋଽପ୍ଯଷ୍ଟଗ୍ରାମଗୋ ଭକ୍ତଵତ୍ସଲଃ ।
ଦୀପାଵଲ୍ଯୁତ୍ସଵେଽଭୂତ୍ସ ଶ୍ରୀଦତ୍ତଃ ଶରଣଂ ମମ ॥ ୧୦୦॥
ଅପକ୍ଵଂ ଛେଦଯିତ୍ଵାପି କ୍ଷେତ୍ରେ ଶତଗୁଣଂ ତତଃ ।
ଧାନ୍ଯଂ ଶୂଦ୍ରାଯ ଯୋଽଦାତ୍ସ ଶ୍ରୀଦତ୍ତଃ ଶରଣଂ ମମ ॥ ୧୦୧॥
ଗାଣଗାପୁରକେ କ୍ଷେତ୍ରେ ଯୋଽଷ୍ଟତୀର୍ଥାନ୍ଯଦର୍ଶଯତ୍ ।
ଭକ୍ତେଭ୍ଯୋ ଭୀମରଥ୍ଯାଂ ସ ଶ୍ରୀଦତ୍ତଃ ଶରଣଂ ମମ ॥ ୧୦୨॥
ପୂର୍ଵଦତ୍ତଵରାଯାଦାଦ୍ରାଜ୍ଯଂ ସ୍ଫୋଟକରୁଗ୍ଘରଃ ।
ମ୍ଲେଚ୍ଛାଯ ଦୃଷ୍ଟିଂ ଚେଷ୍ଟଂ ସ ଶ୍ରୀଦତ୍ତଃ ଶରଣଂ ମମ ॥ ୧୦୩॥
ଶ୍ରୀଶୈଲଯାତ୍ରାମିଷେଣ ଵରଦଃ ପୁଷ୍ପପୀଠଗଃ ।
କଲୌ ତିରୋଽଭଵଦ୍ଯଃ ସ ଶ୍ରୀଦତ୍ତଃ ଶରଣଂ ମମ ॥ ୧୦୪॥
ନିଦ୍ରାମାତୃପୁରେଽସ୍ଯ ସହ୍ଯଶିଖରେ ପୋଠଂ ମିମଂକ୍ଷାପୁରେ
କାଶ୍ଯାଖ୍ଯେ କରହାଟକେଽର୍ଘ୍ଯମଵରେ ଭିକ୍ଷାସ୍ଯ କୋଲାପୁରେ ।
ପାଞ୍ଚାଲେ ଭୁଜିରସ୍ଯ ଵିଠ୍ଠଲପୁରେ ପତ୍ରଂ ଵିଚିତ୍ରଂ ପୁରେ
ଗାଂଧର୍ଵେ ଯୁଜିରାଚମଃ କୁରୁପୁରେ ଦୂରେ ସ୍ମୃତୋ ନାନ୍ତରେ ॥ ୧୦୫॥
ଅମଲକମଲଵକ୍ତ୍ରଃ ପଦ୍ମପତ୍ରାଭନେତ୍ରଃ
ପରଵିରତିକଲତ୍ରଃ ସର୍ଵଥା ଯଃ ସ୍ଵତନ୍ତ୍ରଃ ।
ସ ଚ ପରମପଵିତ୍ରଃ ସତ୍କମଣ୍ଡଲ୍ଵମତ୍ରଃ
ପରମରୁଚିରଗାତ୍ରୋ ଯୋଽନସୂଯାତ୍ରିପୁତ୍ରଃ ॥ ୧୦୬॥
ନମସ୍ତେ ସମସ୍ତେଷ୍ଟଦାତ୍ରେ ଵିଧାତ୍ରେ
ନମସ୍ତେ ସମସ୍ତେଡିତାଘୌଘହର୍ତ୍ରେ ।
ନମସ୍ତେ ସମସ୍ତେଙ୍ଗିତଜ୍ଞାଯ ଭର୍ତ୍ରେ
ନମସ୍ତେ ସମସ୍ତେଷ୍ଟକର୍ତ୍ରେଽକହର୍ତ୍ରେ ॥ ୧୦୭॥
ନମୋ ନମସ୍ତେଽସ୍ତୁ ପୁରାନ୍ତକାଯ
ନମୋ ନମସ୍ତେଽସ୍ତ୍ଵସୁରାନ୍ତକାଯ ।
ନମୋ ନମସ୍ତେଽସ୍ତୁ ଖଲାନ୍ତକାଯ
ଦତ୍ତାଯ ଭକ୍ତାର୍ତିଵିନାଶକାଯ ॥ ୧୦୮॥
ଶ୍ରୀଦତ୍ତଦେଵେଶ୍ଵର ମେ ପ୍ରସୀଦ
ଶ୍ରୀଦତ୍ତସର୍ଵେଶ୍ଵର ମେ ପ୍ରସୀଦ ।
ପ୍ରସୀଦ ଯୋଗେଶ୍ଵର ଦେହି ଯୋଗଂ
ତ୍ଵଦୀଯଭକ୍ତେଃ କୁରୁ ମା ଵିଯୋଗମ୍ ॥ ୧୦୯॥
ଶ୍ରୀଦତ୍ତୋ ଜଯତୀହ ଦତ୍ତମନିଶଂ ଧ୍ଯାଯାମି ଦତ୍ତେନ ମେ
ହୃଚ୍ଛୁଦ୍ଧିର୍ଵିହିତା ତତୋଽସ୍ତୁ ସତତଂ ଦତ୍ତାଯ ତୁଭ୍ଯଂ ନମଃ ।
ଦତ୍ତାନ୍ନାସ୍ତି ପରାଯଣଂ ଶ୍ରୁତିମତଂ ଦତ୍ତସ୍ଯ ଦାସୋଽସ୍ମ୍ଯହମ୍ ।
ଶ୍ରୀଦତ୍ତେ ପରଭକ୍ତିରସ୍ତୁ ମମ ଭୋ ଦତ୍ତ ପ୍ରସୀଦେଶ୍ଵର ॥ ୧୧୦॥
॥ ଇତି ଶ୍ରୀ ପରମହଂସ ପରିଵ୍ରାଜକାଚାର୍ଯ ଶ୍ରୀ ଶ୍ରୀ ଶ୍ରୀ
ଵାସୁଦେଵାନନ୍ଦ ସରସ୍ଵତୀ ଯତି ଵରେଣ୍ଯ ଵିରଚିତଂ ଶ୍ରୀ ଦତ୍ତ
ଭାଵସୁଧାରସ ସ୍ତୋତ୍ରଂ ସମ୍ପୂର୍ଣମ୍ ॥
Encoded and proofread by Arun Shantharam shantharam.arun @ gmail.com
Please send corrections to sanskrit@cheerful.com
Last updated ତ୍oday
http://sanskritdocuments.org
Datta Bhavasudharasa Stotram Lyrics in Oriya PDF
% File name : dattabhaavasudhaarasastotram.itx
% Location : doc\_deities\_misc
% Author : vAsudevAnanda sarasvatI
% Language : Sanskrit
% Subject : philosophy/hinduism/religion
% Transliterated by : Arun Shantharam shantharam.arun at gmail.com
% Proofread by : Arun Shantharam shantharam.arun at gmail.com
% Latest update : April 4, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : dattabhaavasudhaarasastotram.itx
% Location : doc\_deities\_misc
% Author : vAsudevAnanda sarasvatI
% Language : Sanskrit
% Subject : philosophy/hinduism/religion
% Transliterated by : Arun Shantharam shantharam.arun at gmail.com
% Proofread by : Arun Shantharam shantharam.arun at gmail.com
% Latest update : April 4, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website