శ్రీదత్తాత్రేయవజ్రకవచమ్
{॥ శ్రీదత్తాత్రేయవజ్రకవచమ్ ॥}
శ్రీగణేశాయ నమః ।
శ్రీదత్తాత్రేయాయ నమః ।
ఋషయ ఊచుః ।
కథం సఙ్కల్పసిద్ధిః స్యాద్వేదవ్యాస కలౌ యుగే ।
ధర్మార్థకామమోక్షాణాం సాధనం కిముదాహృతమ్ ॥ ౧॥
వ్యాస ఉవాచ ।
శృణ్వన్తుఋషయః సర్వే శీఘ్రం సఙ్కల్పసాధనమ్ ।
సకృదుచ్చారమాత్రేణ భోగమోక్షప్రదాయకమ్ ॥౨॥
గౌరీశృఙ్గే హిమవతః కల్పవృక్షోపశోభితమ్ ।
దీప్తే దివ్యమహారత్నహేమమణ్డపమధ్యగమ్ ॥ ౩॥
రత్నసింహాసనాసినం ప్రసన్నం పరమేశ్వరమ్ ।
మన్దస్మితముఖామ్భోజం శఙ్కరం ప్రాహ పార్వతీ ॥ ౪॥
శ్రీదేవ్యువాచ ।
దేవదేవ మహాదేవ లోకశఙ్కర శఙ్కర ।
మన్త్రజాలాని సర్వాణి యన్త్రజాలాని కృత్స్నశః ॥ ౫॥
తన్త్రజాలాన్యనేకాని మయా త్వత్తః శ్రుతాని వై ।
ఇదానీం ద్రష్టుమిచ్ఛామి విశేషేణ మహీతలమ్ ॥ ౬॥
ఇత్యుదీరితమాకర్ణ్య పార్వత్యా పరమేశ్వరః ।
కరేణామృజ్య సన్తోషాత్పార్వతీం ప్రత్యభాషత ॥ ౭॥
మయేదానీం త్వయా సార్ధం వృషమారుహ్య గమ్యతే ।
ఇత్యుక్త్వా వృషమారుహ్య పార్వత్యా సహ శఙ్కరః ॥ ౮॥
యయౌ భూమణ్డలం ద్రష్టుం గౌర్యాశ్చిత్రాణి దర్శయన్ ।
క్వచిత్ విన్ధ్యాచలప్రాన్తే మహారణ్యే సుదుర్గమే ॥ ౯॥
తత్ర వ్యాహర్తుమాయాన్తం భిల్లం పరశుధారిణమ్ ।
వర్ధ్యమానం మహావ్యాఘ్రం నఖదణ్ష్ట్రాభిరావృతమ్ ॥ ౧౦॥
అతీవ చిత్రచారిత్ర్యం వజ్రకాయసమాయుతమ్ ।
అప్రయత్నమనాయాసమఖిలం సుఖమాస్థితమ్ ॥ ౧౧॥
పలాయన్తం మృగం పశ్చాద్వ్యాఘ్రో భీత్యా పలాయితః ।
ఏతదాశ్చర్యమాలోక్య పార్వతీ ప్రాహ శఙ్కరమ్ ॥ ౧౨॥
శ్రీపార్వత్యువాచ ।
కిమాశ్చర్యం కిమాశ్చర్యమగ్రే శమ్భో నిరీక్ష్యతామ్ ।
ఇత్యుక్తః స తతః శమ్భుర్దృష్ట్వా ప్రాహ పురాణవిత్ ॥ ౧౩॥
శ్రీశఙ్కర ఉవాచ ।
గౌరి వక్ష్యామి తే చిత్రమవాఙ్మానసగోచరమ్ ।
అదృష్టపూర్వమస్మాభిర్నాస్తి కిఞ్చన్న కుత్రచిత్ ॥ ౧౪॥
మయా సమ్యక్ సమాసేన వక్ష్యతే శృణు పార్వతి ।
అయం దూరశ్రవా నామ భిల్లః పరమధార్మికః ॥ ౧౫॥
సమిత్కుశప్రసూనాని కన్దమూలఫలాదికమ్ ।
ప్రత్యహం విపినం గత్వా సమాదాయ ప్రయాసతః ॥ ౧౬॥
ప్రియే పూర్వం మునీన్ద్రేభ్యః ప్రయచ్ఛతి న వాఞ్ఛతి ।
తేఽపి తస్మిన్నపి దయాం కుర్వతే సర్వమౌనినః ॥ ౧౭॥
దలాదనో మహాయోగీ వసన్నేవ నిజాశ్రమే ।
కదాచిదస్మరత్ సిద్ధం దత్తాత్రేయం దిగమ్బరమ్ ॥ ౧౮॥
దత్తాత్రేయః స్మర్తృగామీ చేతిహాసం పరీక్షితుమ్ ।
తత్క్షణాత్సోఽపి యోగీన్ద్రో దత్తాత్రేయః సముత్థితః ॥ ౧౯॥
తం దృష్ట్వాఽఽశ్చర్యతోషాభ్యాం దలాదనమహామునిః ।
సమ్పూజ్యాగ్రే నిషీదన్తం దత్తాత్రేయమువాచ తమ్ ॥ ౨౦॥
మయోపహూతః సమ్ప్రాప్తో దత్తాత్రేయ మహామునే ।
స్మర్తృగామీ త్వమిత్యేతత్ కింవదన్తీ పరీక్షితుమ్ ॥ ౨౧॥
మయాద్య సంస్మృతోఽసి త్వమపరాధం క్షమస్వ మే ।
దత్తాత్రేయో మునిం ప్రాహ మమ ప్రకృతిరీదృశీ ॥ ౨౨॥
అభక్త్యా వా సుభక్త్యా వా యః స్మరేన్మామనన్యధీః ।
తదానీం తముపాగత్య దదామి తదభీప్సితమ్ ॥ ౨౩॥
దత్తాత్రేయో మునిం ప్రాహ దలాదనమునీశ్వరమ్ ।
యదిష్టం తద్వృణీష్వ త్వం యత్ ప్రాప్తోఽహం త్వయా స్మృతః ॥ ౨౪॥
దత్తాత్రేయం మునిః ప్రాహ మయా కిమపి నోచ్యతే ।
త్వచ్చిత్తే యత్స్థితం తన్మే ప్రయచ్ఛ మునిపుఙ్గవ ॥ ౨౫॥
శ్రీదత్తాత్రేయ ఉవాచ ।
మమాస్తి వజ్రకవచం గృహాణేత్యవదన్మునిమ్ ।
తథ్యేత్యఙ్గీకృతవతే దలాదనమునయే మునిః ॥ ౨౬॥
స్వవజ్రకవచం ప్రాహ ఋషిచ్ఛన్దఃపురఃసరమ్ ।
న్యాసం ధ్యానం ఫలం తత్ర ప్రయోజనమశేషతః ॥ ౨౭॥
అస్య శ్రీదత్తాత్రేయవజ్రకవచస్తోత్రమన్త్రస్య,
కిరాతరూపీ మహారుద్ర ఋషిః, అనుష్టుప్ ఛన్దః,
శ్రీదత్తాత్రేయో దేవతా, ద్రాం బీజం, ఆం శక్తిః,
క్రౌం కీలకం, ఓం ఆత్మనే నమః । ఓం ద్రీం మనసే నమః ।
ఓం ఆం ద్రీం శ్రీం సౌః ఓం క్లాం క్లీం క్లూం క్లైం క్లౌం క్లః ।
శ్రీదత్తాత్రేయప్రసాదసిద్ధ్యర్థే జపే వినియోగః ।
ఓం ద్రాం అఙ్గుష్ఠాభ్యాం నమః ।
ఓం ద్రీం తర్జనీభ్యాం నమః ।
ఓం ద్రూం మధ్యమాభ్యాం నమః ।
ఓం ద్రైం అనామికాభ్యాం నమః ।
ఓం ద్రౌం కనిష్ఠికాభ్యాం నమః ।
ఓం ద్రః కరతలకరపృష్ఠాభ్యాం నమః ।
ఏవం హృదయాది న్యాసః ।
ఓం భూర్భువఃస్వరోమితి దిగ్బన్ధః ।
అథ ధ్యానమ్ ।
జదదఙ్కురకన్దాయ సచ్చిదానన్దమూర్తయే ।
దత్తాత్రేయాయ యోగీన్ద్రచన్ద్రాయ పరమాత్మనే ॥
కదా యోగీ కదా భోగీ కదా నగ్నః పిశాచవత్ ।
దత్తాత్రేయో హరిః సాక్షాద్భుక్తిముక్తిప్రదాయకః ॥
వారాణసీపురస్నాయీ కోల్హాపురజపాదరః ।
మాహురీపురభిక్షాశీ సహ్యశాయీ దిగమ్బర ॥
ఇన్ద్రనీలసమాకారశ్చన్ద్రకాన్తిసమద్యుతిః ।
వైడుర్యసదృశస్ఫూర్తిశ్చలత్కిఞ్చిజ్జటాధరః ॥
స్నిగ్ధధావల్యయుక్తాక్షోఽత్యన్తనీలకనీనికః ।
భ్రూవక్షఃశ్మశ్రునీలాఙ్కః సశాఙ్కసదృశాననః ॥
హాసనిర్జితనీహారః కణ్ఠనిర్జితకమ్బుకః ।
మాంసలాంసో దీర్ఘబాహుః పాణినిర్జితపల్లవః ॥
విశాలపీనవక్షాశ్చ తామ్రపాణిర్దలోదరః ।
పృథులశ్రోణిలలితో విశాలజఘనస్థలః ॥
రమ్భాస్తమ్భోపమానోరుర్జానుపూర్వైకజఙ్ఘకః ।
గూఢగుల్ఫః కూర్మపృష్ఠోలసత్పాదోషరిస్థలః ॥
రక్తారవిన్దసదృశరమణీయపదాధరః ।
చర్మామ్బరధరో యోగీ స్మర్తృగామీ క్షణే క్షణే ॥
జ్ఞానోపదేశనీరతో విపద్ధరణదీక్షితః ।
సిద్ధాసనసమాసీన ఋజుకాయో హసన్ముఖః ॥
వామహస్తేన వరదో దక్షిణేనాభయఙ్కరః ।
బాలోన్మత్తపిశాచీభిః క్వచిద్యుక్తః పరీక్షితః ॥
త్యాగీ భోగీ మహాయోగీ నిత్యానన్దో నిరఞ్జనః ।
సర్వరూపీ సర్వదాతా సర్వగః సర్వకామదః ॥
భస్మోద్ధూలితసర్వాఙ్గో మహాపాతకనాశనః ।
భుక్తిప్రదో ముక్తిదాతా జీవన్ముక్తో న సంశయః ॥
ఏవం ధ్యాత్వాఽనన్యచిత్తో మద్వజ్రకవచం పఠేత్ ।
మామేవ పశ్యన్సర్వత్ర స మయా సహ సఙ్చరేత్ ॥
దిగమ్బరం భస్మసుగన్ధలేపనం చక్రం త్రిశూలం డమరుం గదాయుధమ్ ।
పద్మాసనం యోగిమునీన్ద్రవన్దితం దత్తేతి నామస్మరణేన నిత్యమ్ ॥
ఓం దత్తాత్రేయః శిరః పాతు సహస్రాబ్జేషు సంస్థితః ।
భాలం పాత్వానసూయేయశ్చన్ద్రమణ్డలమధ్యగః ॥ ౨౮॥
కూర్చం మనోమయః పాతు హం క్షం ద్విదలపద్మభూః ।
జ్యోతిరూపోఽక్షిణీ పాతు పాతు శబ్దాత్మకః శ్రుతీ ॥ ౨౯॥
నాసికాం పాతు గన్ధాత్మా ముఖం పాతు రసాత్మకః ।
జిహ్వాం వేదాత్మకః పాతు దన్తోష్ఠౌ పాతు ధార్మికః ॥ ౩౦॥
కపోలావత్రిభూః పాతు పాత్వశేషం మమాత్వవిత్ ।
స్వరాత్మా షోడశారాబ్జస్థితః స్వాత్మాఽవతాద్గలమ్ ॥ ౩౧॥
స్కన్ధౌ చన్ద్రానుజః పాతు భుజౌ పాతు కృతాదిభూః ।
జత్రుణీ శత్రుజిత్ పాతు పాతు వక్షఃస్థలం హరిః ॥ ౩౨॥
కాదిఠాన్తద్వాదశారపద్మగో మరుదాత్మకః ।
యోగీశ్వరేశ్వరః పాతు హృదయం హృదయస్థితః ॥ ౩౩॥
పార్శ్వే హరిః పార్శ్వవర్తీ పాతు పార్శ్వస్థితః స్మృతః ।
హఠయోగాదియోగజ్ఞః కుక్షీ పాతు కృపానిధిః ॥ ౩౪॥
డకారాదిఫకారాన్తదశారసరసీరుహే ।
నాభిస్థలే వర్తమానో నాభిం వహ్న్యాత్మకోఽవతు ॥ ౩౫॥
వహ్నితత్వమయో యోగీ రక్షతాన్మణిపూరకమ్ ।
కటిం కటిస్థబ్రహ్మాణ్డవాసుదేవాత్మకోఽవతు ॥ ౩౬॥
వకారాదిలకారాన్తషట్పత్రామ్బుజబోధకః ।
జలతత్వమయో యోగీ స్వాధిష్ఠానం మమావతు ॥ ౩౭॥
సిద్ధాసనసమాసీన ఊరూ సిద్ధేశ్వరోఽవతు ।
వాదిసాన్తచతుష్పత్రసరోరుహనిబోధకః ॥ ౩౮॥
మూలాధారం మహీరూపో రక్షతాద్వీర్యనిగ్రహీ ।
పృష్ఠం చ సర్వతః పాతు జాన్యున్యస్తకరామ్బుజః ॥ ౩౯॥
జఙ్ఘే పాత్వవధూతేన్ద్రః పాత్వఙ్ఘ్రీ తీర్థపావనః ।
సర్వాఙ్గం పాతు సర్వాత్మా రోమాణ్యవతు కేశవః ॥ ౪౦॥
చర్మ చర్మామ్బరః పాతు రక్తం భక్తిప్రియోఽవతు ।
మాంసం మాంసకరః పాతు మజ్జాం మజ్జాత్మకోఽవతు ॥ ౪౧॥
అస్థీని స్థిరధీః పాయాన్మేధాం వేధాః ప్రపాలయేత్ ।
శుక్రం సుఖకరః పాతు చిత్తం పాతు దృఢాకృతిః ॥ ౪౨॥
మనోబుద్ధిమహఙ్కారం హృషీకేశాత్మకోఽవతు ।
కర్మేన్ద్రియాణి పాత్వీశః పాతు జ్ఞానేన్ద్రియాణ్యజః ॥ ౪౩॥
బన్ధూన్ బన్ధూత్తమః పాయాచ్ఛత్రుభ్యః పాతు శత్రుజిత్ ।
గృహారామధనక్షేత్రపుత్రాదీఞ్ఛఙ్కరోఽవతు ॥ ౪౪॥
భార్యాం ప్రకృతివిత్ పాతు పశ్వాదీన్పాతు శార్ఙ్గభృత్ ।
ప్రాణాన్పాతు ప్రధానజ్ఞో భక్ష్యాదీన్పాతు భాస్కరః ॥ ౪౫॥
సుఖం చన్ద్రాత్మకః పాతు దుఃఖాత్ పాతు పురాన్తకః ।
పశూన్పశూపతిః పాతు భూతిం భూతేశ్వరో మమ ॥ ౪౬॥
ప్రాచ్యాం విషహరః పాతు పాత్వాగ్నేయ్యాం మఖాత్మకః ।
యామ్యాం ధర్మాత్మకః పాతు నైఋత్యాం సర్వవైరిహృత్ ॥ ౪౭॥
వరాహః పాతు వారుణ్యాం వాయవ్యాం ప్రాణదోఽవతు ।
కౌబేర్యాం ధనదః పాతు పాత్వైశాన్యాం మహాగురుః ॥ ౪౮॥
ఉర్ధ్వం పాతు మహాసిద్ధః పాత్వధస్తాజ్జటాధరః ।
రక్షాహీనం తు యత్స్థానం రక్షత్వాదిమునీశ్వరః ॥ ౪౯॥
ఏతన్మే వజ్రకవచం యః పఠేచ్ఛృణుయాదపి ।
వజ్రకాయశ్చిరఞ్జీవీ దత్తాత్రేయోఽహమబ్రువమ్ ॥ ౫౦॥
త్యాగీ భోగీ మహాయోగీ సుఖదుఃఖవివర్జితః ।
సర్వత్రసిద్ధసఙ్కల్పో జీవన్ముక్తోఽద్య వర్తతే ॥ ౫౨॥
ఇత్యుక్త్వాన్తర్దధే యోగీ దత్తాత్రేయో దిగమ్బరః ।
దలాదనోఽపి తజ్జప్త్వా జీవన్ముక్తః స వర్తతే ॥ ౫౩॥
భిల్లో దూరశ్రవా నామ తదానీం శ్రుతవాదినమ్ ।
సకృచ్ఛ్రవణమాత్రేణ వజ్రాఙ్గోఽభవదప్యసౌ ॥ ౫౪॥
ఇత్యేతద్వజ్రకవచం దత్తాత్రేయస్య యోగినః ।
శ్రుత్వాశేషం శమ్భుముఖాత్ పునరప్యాహ పార్వతీ ॥ ౫౫॥
పార్వత్యువాచ ।
ఏతత్కవచమాహాత్మ్యం వద విస్తరతో మమ ।
కుత్ర కేన కదా జాప్యం కిం యజాప్యం కథం కథమ్ ॥ ౫౬॥
ఉవాచ శమ్భుస్తత్సర్వం పార్వత్యా వినయోదితమ్ ।
శ్రీశివ ఉవాచ ।
శ్రుణు పార్వతి వక్ష్యామి సమాహితమనావిలమ్ ॥ ౫౭॥
ధర్మార్థకామమోక్షాణామిదమేవ పరాయణమ్ ।
హస్త్యశ్వరథపాదాతిసర్వైశ్వర్యప్రదాయకమ్ ॥ ౫౮॥
పుత్రమిత్రకలత్రాదిసర్వసన్తోషసాధనమ్ ।
వేదశాస్త్రాదివిద్యానాం నిధానం పరమం హి తత్ ॥ ౫౯॥
సఙ్గీతశాస్త్రసాహిత్యసత్కవిత్వవిధాయకమ్ ।
బుద్ధివిద్యాస్మృతిప్రజ్ఞామతిప్రౌఢిప్రదాయకమ్ ॥ ౬౦॥
సర్వసన్తోషకరణం సర్వదుఃఖనివారణమ్ ।
శత్రు సంహారకం శీఘ్రం యశఃకీర్తివివర్ధనమ్ ॥ ౬౧॥
అష్టసంఖ్యా మహారోగాః సన్నిపాతాస్త్రయోదశ ।
షణ్ణవత్యక్షిరోగాశ్చ వింశతిర్మేహరోగకాః ॥ ౬౨॥
అష్టాదశ తు కుష్ఠాని గుల్మాన్యష్టవిధాన్యపి ।
అశీతిర్వాతరోగాశ్చ చత్వారిశత్తు పైత్తికాః ॥ ౬౩॥
వింశతిశ్లేష్మరోగాశ్చ క్షయచాతుర్థికాదయః ।
మన్త్రయన్త్రకుయోగాద్యాః కల్పతన్త్రాదినిర్మితాః ॥ ౬౪॥
బ్రహ్మరాక్షసవేతాలకూష్మాణ్డాదిగ్రహోద్భవాః ।
సఙ్గజాః దేశకాలస్థాస్తాపత్రయసముత్థితాః ॥ ౬౫॥
నవగ్రహసముద్భూతా మహాపాతకసమ్భవాః ।
సర్వే రోగాః ప్రణశ్యన్తి సహస్రావర్తనాద్ధ్రువమ్ ॥ ౬౬॥
అయుతావృత్తిమాత్రేణ వన్ధ్యా పుత్రవతీ భవేత్ ।
అయుతద్వితయావృత్త్యా హ్యపమృత్యుజయో భవేత్ ॥ ౬౭॥
అయుతత్రితయాచ్చైవ ఖేచరత్వం ప్రజాయతే ।
సహస్రాదయుతాదర్వాక్ సర్వకార్యాణి సాధయేత్ ॥ ౬౮॥
లక్షావృత్యా కార్యసిద్ధిర్భవేత్యేవ న సంశయః ।
విషవృక్షస్య మూలేషు తిష్ఠన్ వై దక్షిణాముఖః ॥ ౬౯॥
కురుతే మాసమాత్రేణ వైరిణం వికలేన్ద్రియమ్ ।
ఔదుమ్బరతరోర్మూలే వృద్ధికామేన జాప్యతే ॥ ౭౦॥
శ్రీవక్షమూలే శ్రీకామీ తిన్తిణీ శాన్తికర్మణి ।
ఓజస్కామోఽశ్వత్థమూలే స్త్రీకామైః సహకారకే ॥ ౭౧॥
జ్ఞానార్థీ తులసీమూలే గర్భగేహే సుతార్థిభిః ।
ధనార్థిభిస్తు సుక్షేత్రే పశుకామైస్తు గోష్ఠకే ॥ ౭౨॥
దేవాలయే సర్వకామైస్తత్కాలే సర్వదర్శితమ్ ।
నాభిమాత్రజలే స్థిత్వా భానుమాలోక్య యో జపేత్ ॥ ౭౩॥
యుద్ధే వా శాస్త్రవాదే వా సహస్రేణ జయో భవేత్ ।
కణ్ఠమాత్రే జలే స్థిత్వా యో రాత్రౌ కవచం పఠేత్ ॥ ౭౪॥
జ్వరాపస్మారకుష్ఠాదితాపజ్వరనివారణమ్ ।
యత్ర యత్స్యాత్స్థిరం యద్యత్ప్రసన్నం తన్నివర్తతే ॥ ౭౫॥
తేన తత్ర హి జప్తవ్యం తతః సిద్ధిర్భవేద్ధ్రువమ్ ।
ఇత్యుక్త్వాన్ చ శివో గౌర్యే రహస్యం పరమం శుభం ॥ ౭౬॥
యః పఠేత్ వజ్రకవచం దత్తాత్రేయోసమో భవేత్ ।
ఏవం శివేన కథితం హిమవత్సుతాయై ప్రోక్తం ॥ ౭౭॥
దలాదమునయేఽత్రిసుతేనపూర్వమ్ యః కోఽపి వజ్రకవచం ।
పఠతీహ లోకే దత్తోపమశ్చరతి యోగివరశ్చిరాయుః ॥ ౭౮॥
॥ ఇతి శ్రీరుద్రయామలే హిమవత్ఖణ్డే ఉమామహేశ్వరసంవాదే
శ్రీదత్తాత్రేయవజ్రకవచస్తోత్రం సమ్పూర్ణమ్ ॥
Encoded and proofread by Ravin Bhalekar ravibhalekar@hotmail.com
Please send corrections to sanskrit@cheerful.com
Last updated త్oday
http://sanskritdocuments.org
శ్రీగణేశాయ నమః ।
శ్రీదత్తాత్రేయాయ నమః ।
ఋషయ ఊచుః ।
కథం సఙ్కల్పసిద్ధిః స్యాద్వేదవ్యాస కలౌ యుగే ।
ధర్మార్థకామమోక్షాణాం సాధనం కిముదాహృతమ్ ॥ ౧॥
వ్యాస ఉవాచ ।
శృణ్వన్తుఋషయః సర్వే శీఘ్రం సఙ్కల్పసాధనమ్ ।
సకృదుచ్చారమాత్రేణ భోగమోక్షప్రదాయకమ్ ॥౨॥
గౌరీశృఙ్గే హిమవతః కల్పవృక్షోపశోభితమ్ ।
దీప్తే దివ్యమహారత్నహేమమణ్డపమధ్యగమ్ ॥ ౩॥
రత్నసింహాసనాసినం ప్రసన్నం పరమేశ్వరమ్ ।
మన్దస్మితముఖామ్భోజం శఙ్కరం ప్రాహ పార్వతీ ॥ ౪॥
శ్రీదేవ్యువాచ ।
దేవదేవ మహాదేవ లోకశఙ్కర శఙ్కర ।
మన్త్రజాలాని సర్వాణి యన్త్రజాలాని కృత్స్నశః ॥ ౫॥
తన్త్రజాలాన్యనేకాని మయా త్వత్తః శ్రుతాని వై ।
ఇదానీం ద్రష్టుమిచ్ఛామి విశేషేణ మహీతలమ్ ॥ ౬॥
ఇత్యుదీరితమాకర్ణ్య పార్వత్యా పరమేశ్వరః ।
కరేణామృజ్య సన్తోషాత్పార్వతీం ప్రత్యభాషత ॥ ౭॥
మయేదానీం త్వయా సార్ధం వృషమారుహ్య గమ్యతే ।
ఇత్యుక్త్వా వృషమారుహ్య పార్వత్యా సహ శఙ్కరః ॥ ౮॥
యయౌ భూమణ్డలం ద్రష్టుం గౌర్యాశ్చిత్రాణి దర్శయన్ ।
క్వచిత్ విన్ధ్యాచలప్రాన్తే మహారణ్యే సుదుర్గమే ॥ ౯॥
తత్ర వ్యాహర్తుమాయాన్తం భిల్లం పరశుధారిణమ్ ।
వర్ధ్యమానం మహావ్యాఘ్రం నఖదణ్ష్ట్రాభిరావృతమ్ ॥ ౧౦॥
అతీవ చిత్రచారిత్ర్యం వజ్రకాయసమాయుతమ్ ।
అప్రయత్నమనాయాసమఖిలం సుఖమాస్థితమ్ ॥ ౧౧॥
పలాయన్తం మృగం పశ్చాద్వ్యాఘ్రో భీత్యా పలాయితః ।
ఏతదాశ్చర్యమాలోక్య పార్వతీ ప్రాహ శఙ్కరమ్ ॥ ౧౨॥
శ్రీపార్వత్యువాచ ।
కిమాశ్చర్యం కిమాశ్చర్యమగ్రే శమ్భో నిరీక్ష్యతామ్ ।
ఇత్యుక్తః స తతః శమ్భుర్దృష్ట్వా ప్రాహ పురాణవిత్ ॥ ౧౩॥
శ్రీశఙ్కర ఉవాచ ।
గౌరి వక్ష్యామి తే చిత్రమవాఙ్మానసగోచరమ్ ।
అదృష్టపూర్వమస్మాభిర్నాస్తి కిఞ్చన్న కుత్రచిత్ ॥ ౧౪॥
మయా సమ్యక్ సమాసేన వక్ష్యతే శృణు పార్వతి ।
అయం దూరశ్రవా నామ భిల్లః పరమధార్మికః ॥ ౧౫॥
సమిత్కుశప్రసూనాని కన్దమూలఫలాదికమ్ ।
ప్రత్యహం విపినం గత్వా సమాదాయ ప్రయాసతః ॥ ౧౬॥
ప్రియే పూర్వం మునీన్ద్రేభ్యః ప్రయచ్ఛతి న వాఞ్ఛతి ।
తేఽపి తస్మిన్నపి దయాం కుర్వతే సర్వమౌనినః ॥ ౧౭॥
దలాదనో మహాయోగీ వసన్నేవ నిజాశ్రమే ।
కదాచిదస్మరత్ సిద్ధం దత్తాత్రేయం దిగమ్బరమ్ ॥ ౧౮॥
దత్తాత్రేయః స్మర్తృగామీ చేతిహాసం పరీక్షితుమ్ ।
తత్క్షణాత్సోఽపి యోగీన్ద్రో దత్తాత్రేయః సముత్థితః ॥ ౧౯॥
తం దృష్ట్వాఽఽశ్చర్యతోషాభ్యాం దలాదనమహామునిః ।
సమ్పూజ్యాగ్రే నిషీదన్తం దత్తాత్రేయమువాచ తమ్ ॥ ౨౦॥
మయోపహూతః సమ్ప్రాప్తో దత్తాత్రేయ మహామునే ।
స్మర్తృగామీ త్వమిత్యేతత్ కింవదన్తీ పరీక్షితుమ్ ॥ ౨౧॥
మయాద్య సంస్మృతోఽసి త్వమపరాధం క్షమస్వ మే ।
దత్తాత్రేయో మునిం ప్రాహ మమ ప్రకృతిరీదృశీ ॥ ౨౨॥
అభక్త్యా వా సుభక్త్యా వా యః స్మరేన్మామనన్యధీః ।
తదానీం తముపాగత్య దదామి తదభీప్సితమ్ ॥ ౨౩॥
దత్తాత్రేయో మునిం ప్రాహ దలాదనమునీశ్వరమ్ ।
యదిష్టం తద్వృణీష్వ త్వం యత్ ప్రాప్తోఽహం త్వయా స్మృతః ॥ ౨౪॥
దత్తాత్రేయం మునిః ప్రాహ మయా కిమపి నోచ్యతే ।
త్వచ్చిత్తే యత్స్థితం తన్మే ప్రయచ్ఛ మునిపుఙ్గవ ॥ ౨౫॥
శ్రీదత్తాత్రేయ ఉవాచ ।
మమాస్తి వజ్రకవచం గృహాణేత్యవదన్మునిమ్ ।
తథ్యేత్యఙ్గీకృతవతే దలాదనమునయే మునిః ॥ ౨౬॥
స్వవజ్రకవచం ప్రాహ ఋషిచ్ఛన్దఃపురఃసరమ్ ।
న్యాసం ధ్యానం ఫలం తత్ర ప్రయోజనమశేషతః ॥ ౨౭॥
అస్య శ్రీదత్తాత్రేయవజ్రకవచస్తోత్రమన్త్రస్య,
కిరాతరూపీ మహారుద్ర ఋషిః, అనుష్టుప్ ఛన్దః,
శ్రీదత్తాత్రేయో దేవతా, ద్రాం బీజం, ఆం శక్తిః,
క్రౌం కీలకం, ఓం ఆత్మనే నమః । ఓం ద్రీం మనసే నమః ।
ఓం ఆం ద్రీం శ్రీం సౌః ఓం క్లాం క్లీం క్లూం క్లైం క్లౌం క్లః ।
శ్రీదత్తాత్రేయప్రసాదసిద్ధ్యర్థే జపే వినియోగః ।
ఓం ద్రాం అఙ్గుష్ఠాభ్యాం నమః ।
ఓం ద్రీం తర్జనీభ్యాం నమః ।
ఓం ద్రూం మధ్యమాభ్యాం నమః ।
ఓం ద్రైం అనామికాభ్యాం నమః ।
ఓం ద్రౌం కనిష్ఠికాభ్యాం నమః ।
ఓం ద్రః కరతలకరపృష్ఠాభ్యాం నమః ।
ఏవం హృదయాది న్యాసః ।
ఓం భూర్భువఃస్వరోమితి దిగ్బన్ధః ।
అథ ధ్యానమ్ ।
జదదఙ్కురకన్దాయ సచ్చిదానన్దమూర్తయే ।
దత్తాత్రేయాయ యోగీన్ద్రచన్ద్రాయ పరమాత్మనే ॥
కదా యోగీ కదా భోగీ కదా నగ్నః పిశాచవత్ ।
దత్తాత్రేయో హరిః సాక్షాద్భుక్తిముక్తిప్రదాయకః ॥
వారాణసీపురస్నాయీ కోల్హాపురజపాదరః ।
మాహురీపురభిక్షాశీ సహ్యశాయీ దిగమ్బర ॥
ఇన్ద్రనీలసమాకారశ్చన్ద్రకాన్తిసమద్యుతిః ।
వైడుర్యసదృశస్ఫూర్తిశ్చలత్కిఞ్చిజ్జటాధరః ॥
స్నిగ్ధధావల్యయుక్తాక్షోఽత్యన్తనీలకనీనికః ।
భ్రూవక్షఃశ్మశ్రునీలాఙ్కః సశాఙ్కసదృశాననః ॥
హాసనిర్జితనీహారః కణ్ఠనిర్జితకమ్బుకః ।
మాంసలాంసో దీర్ఘబాహుః పాణినిర్జితపల్లవః ॥
విశాలపీనవక్షాశ్చ తామ్రపాణిర్దలోదరః ।
పృథులశ్రోణిలలితో విశాలజఘనస్థలః ॥
రమ్భాస్తమ్భోపమానోరుర్జానుపూర్వైకజఙ్ఘకః ।
గూఢగుల్ఫః కూర్మపృష్ఠోలసత్పాదోషరిస్థలః ॥
రక్తారవిన్దసదృశరమణీయపదాధరః ।
చర్మామ్బరధరో యోగీ స్మర్తృగామీ క్షణే క్షణే ॥
జ్ఞానోపదేశనీరతో విపద్ధరణదీక్షితః ।
సిద్ధాసనసమాసీన ఋజుకాయో హసన్ముఖః ॥
వామహస్తేన వరదో దక్షిణేనాభయఙ్కరః ।
బాలోన్మత్తపిశాచీభిః క్వచిద్యుక్తః పరీక్షితః ॥
త్యాగీ భోగీ మహాయోగీ నిత్యానన్దో నిరఞ్జనః ।
సర్వరూపీ సర్వదాతా సర్వగః సర్వకామదః ॥
భస్మోద్ధూలితసర్వాఙ్గో మహాపాతకనాశనః ।
భుక్తిప్రదో ముక్తిదాతా జీవన్ముక్తో న సంశయః ॥
ఏవం ధ్యాత్వాఽనన్యచిత్తో మద్వజ్రకవచం పఠేత్ ।
మామేవ పశ్యన్సర్వత్ర స మయా సహ సఙ్చరేత్ ॥
దిగమ్బరం భస్మసుగన్ధలేపనం చక్రం త్రిశూలం డమరుం గదాయుధమ్ ।
పద్మాసనం యోగిమునీన్ద్రవన్దితం దత్తేతి నామస్మరణేన నిత్యమ్ ॥
ఓం దత్తాత్రేయః శిరః పాతు సహస్రాబ్జేషు సంస్థితః ।
భాలం పాత్వానసూయేయశ్చన్ద్రమణ్డలమధ్యగః ॥ ౨౮॥
కూర్చం మనోమయః పాతు హం క్షం ద్విదలపద్మభూః ।
జ్యోతిరూపోఽక్షిణీ పాతు పాతు శబ్దాత్మకః శ్రుతీ ॥ ౨౯॥
నాసికాం పాతు గన్ధాత్మా ముఖం పాతు రసాత్మకః ।
జిహ్వాం వేదాత్మకః పాతు దన్తోష్ఠౌ పాతు ధార్మికః ॥ ౩౦॥
కపోలావత్రిభూః పాతు పాత్వశేషం మమాత్వవిత్ ।
స్వరాత్మా షోడశారాబ్జస్థితః స్వాత్మాఽవతాద్గలమ్ ॥ ౩౧॥
స్కన్ధౌ చన్ద్రానుజః పాతు భుజౌ పాతు కృతాదిభూః ।
జత్రుణీ శత్రుజిత్ పాతు పాతు వక్షఃస్థలం హరిః ॥ ౩౨॥
కాదిఠాన్తద్వాదశారపద్మగో మరుదాత్మకః ।
యోగీశ్వరేశ్వరః పాతు హృదయం హృదయస్థితః ॥ ౩౩॥
పార్శ్వే హరిః పార్శ్వవర్తీ పాతు పార్శ్వస్థితః స్మృతః ।
హఠయోగాదియోగజ్ఞః కుక్షీ పాతు కృపానిధిః ॥ ౩౪॥
డకారాదిఫకారాన్తదశారసరసీరుహే ।
నాభిస్థలే వర్తమానో నాభిం వహ్న్యాత్మకోఽవతు ॥ ౩౫॥
వహ్నితత్వమయో యోగీ రక్షతాన్మణిపూరకమ్ ।
కటిం కటిస్థబ్రహ్మాణ్డవాసుదేవాత్మకోఽవతు ॥ ౩౬॥
వకారాదిలకారాన్తషట్పత్రామ్బుజబోధకః ।
జలతత్వమయో యోగీ స్వాధిష్ఠానం మమావతు ॥ ౩౭॥
సిద్ధాసనసమాసీన ఊరూ సిద్ధేశ్వరోఽవతు ।
వాదిసాన్తచతుష్పత్రసరోరుహనిబోధకః ॥ ౩౮॥
మూలాధారం మహీరూపో రక్షతాద్వీర్యనిగ్రహీ ।
పృష్ఠం చ సర్వతః పాతు జాన్యున్యస్తకరామ్బుజః ॥ ౩౯॥
జఙ్ఘే పాత్వవధూతేన్ద్రః పాత్వఙ్ఘ్రీ తీర్థపావనః ।
సర్వాఙ్గం పాతు సర్వాత్మా రోమాణ్యవతు కేశవః ॥ ౪౦॥
చర్మ చర్మామ్బరః పాతు రక్తం భక్తిప్రియోఽవతు ।
మాంసం మాంసకరః పాతు మజ్జాం మజ్జాత్మకోఽవతు ॥ ౪౧॥
అస్థీని స్థిరధీః పాయాన్మేధాం వేధాః ప్రపాలయేత్ ।
శుక్రం సుఖకరః పాతు చిత్తం పాతు దృఢాకృతిః ॥ ౪౨॥
మనోబుద్ధిమహఙ్కారం హృషీకేశాత్మకోఽవతు ।
కర్మేన్ద్రియాణి పాత్వీశః పాతు జ్ఞానేన్ద్రియాణ్యజః ॥ ౪౩॥
బన్ధూన్ బన్ధూత్తమః పాయాచ్ఛత్రుభ్యః పాతు శత్రుజిత్ ।
గృహారామధనక్షేత్రపుత్రాదీఞ్ఛఙ్కరోఽవతు ॥ ౪౪॥
భార్యాం ప్రకృతివిత్ పాతు పశ్వాదీన్పాతు శార్ఙ్గభృత్ ।
ప్రాణాన్పాతు ప్రధానజ్ఞో భక్ష్యాదీన్పాతు భాస్కరః ॥ ౪౫॥
సుఖం చన్ద్రాత్మకః పాతు దుఃఖాత్ పాతు పురాన్తకః ।
పశూన్పశూపతిః పాతు భూతిం భూతేశ్వరో మమ ॥ ౪౬॥
ప్రాచ్యాం విషహరః పాతు పాత్వాగ్నేయ్యాం మఖాత్మకః ।
యామ్యాం ధర్మాత్మకః పాతు నైఋత్యాం సర్వవైరిహృత్ ॥ ౪౭॥
వరాహః పాతు వారుణ్యాం వాయవ్యాం ప్రాణదోఽవతు ।
కౌబేర్యాం ధనదః పాతు పాత్వైశాన్యాం మహాగురుః ॥ ౪౮॥
ఉర్ధ్వం పాతు మహాసిద్ధః పాత్వధస్తాజ్జటాధరః ।
రక్షాహీనం తు యత్స్థానం రక్షత్వాదిమునీశ్వరః ॥ ౪౯॥
ఏతన్మే వజ్రకవచం యః పఠేచ్ఛృణుయాదపి ।
వజ్రకాయశ్చిరఞ్జీవీ దత్తాత్రేయోఽహమబ్రువమ్ ॥ ౫౦॥
త్యాగీ భోగీ మహాయోగీ సుఖదుఃఖవివర్జితః ।
సర్వత్రసిద్ధసఙ్కల్పో జీవన్ముక్తోఽద్య వర్తతే ॥ ౫౨॥
ఇత్యుక్త్వాన్తర్దధే యోగీ దత్తాత్రేయో దిగమ్బరః ।
దలాదనోఽపి తజ్జప్త్వా జీవన్ముక్తః స వర్తతే ॥ ౫౩॥
భిల్లో దూరశ్రవా నామ తదానీం శ్రుతవాదినమ్ ।
సకృచ్ఛ్రవణమాత్రేణ వజ్రాఙ్గోఽభవదప్యసౌ ॥ ౫౪॥
ఇత్యేతద్వజ్రకవచం దత్తాత్రేయస్య యోగినః ।
శ్రుత్వాశేషం శమ్భుముఖాత్ పునరప్యాహ పార్వతీ ॥ ౫౫॥
పార్వత్యువాచ ।
ఏతత్కవచమాహాత్మ్యం వద విస్తరతో మమ ।
కుత్ర కేన కదా జాప్యం కిం యజాప్యం కథం కథమ్ ॥ ౫౬॥
ఉవాచ శమ్భుస్తత్సర్వం పార్వత్యా వినయోదితమ్ ।
శ్రీశివ ఉవాచ ।
శ్రుణు పార్వతి వక్ష్యామి సమాహితమనావిలమ్ ॥ ౫౭॥
ధర్మార్థకామమోక్షాణామిదమేవ పరాయణమ్ ।
హస్త్యశ్వరథపాదాతిసర్వైశ్వర్యప్రదాయకమ్ ॥ ౫౮॥
పుత్రమిత్రకలత్రాదిసర్వసన్తోషసాధనమ్ ।
వేదశాస్త్రాదివిద్యానాం నిధానం పరమం హి తత్ ॥ ౫౯॥
సఙ్గీతశాస్త్రసాహిత్యసత్కవిత్వవిధాయకమ్ ।
బుద్ధివిద్యాస్మృతిప్రజ్ఞామతిప్రౌఢిప్రదాయకమ్ ॥ ౬౦॥
సర్వసన్తోషకరణం సర్వదుఃఖనివారణమ్ ।
శత్రు సంహారకం శీఘ్రం యశఃకీర్తివివర్ధనమ్ ॥ ౬౧॥
అష్టసంఖ్యా మహారోగాః సన్నిపాతాస్త్రయోదశ ।
షణ్ణవత్యక్షిరోగాశ్చ వింశతిర్మేహరోగకాః ॥ ౬౨॥
అష్టాదశ తు కుష్ఠాని గుల్మాన్యష్టవిధాన్యపి ।
అశీతిర్వాతరోగాశ్చ చత్వారిశత్తు పైత్తికాః ॥ ౬౩॥
వింశతిశ్లేష్మరోగాశ్చ క్షయచాతుర్థికాదయః ।
మన్త్రయన్త్రకుయోగాద్యాః కల్పతన్త్రాదినిర్మితాః ॥ ౬౪॥
బ్రహ్మరాక్షసవేతాలకూష్మాణ్డాదిగ్రహోద్భవాః ।
సఙ్గజాః దేశకాలస్థాస్తాపత్రయసముత్థితాః ॥ ౬౫॥
నవగ్రహసముద్భూతా మహాపాతకసమ్భవాః ।
సర్వే రోగాః ప్రణశ్యన్తి సహస్రావర్తనాద్ధ్రువమ్ ॥ ౬౬॥
అయుతావృత్తిమాత్రేణ వన్ధ్యా పుత్రవతీ భవేత్ ।
అయుతద్వితయావృత్త్యా హ్యపమృత్యుజయో భవేత్ ॥ ౬౭॥
అయుతత్రితయాచ్చైవ ఖేచరత్వం ప్రజాయతే ।
సహస్రాదయుతాదర్వాక్ సర్వకార్యాణి సాధయేత్ ॥ ౬౮॥
లక్షావృత్యా కార్యసిద్ధిర్భవేత్యేవ న సంశయః ।
విషవృక్షస్య మూలేషు తిష్ఠన్ వై దక్షిణాముఖః ॥ ౬౯॥
కురుతే మాసమాత్రేణ వైరిణం వికలేన్ద్రియమ్ ।
ఔదుమ్బరతరోర్మూలే వృద్ధికామేన జాప్యతే ॥ ౭౦॥
శ్రీవక్షమూలే శ్రీకామీ తిన్తిణీ శాన్తికర్మణి ।
ఓజస్కామోఽశ్వత్థమూలే స్త్రీకామైః సహకారకే ॥ ౭౧॥
జ్ఞానార్థీ తులసీమూలే గర్భగేహే సుతార్థిభిః ।
ధనార్థిభిస్తు సుక్షేత్రే పశుకామైస్తు గోష్ఠకే ॥ ౭౨॥
దేవాలయే సర్వకామైస్తత్కాలే సర్వదర్శితమ్ ।
నాభిమాత్రజలే స్థిత్వా భానుమాలోక్య యో జపేత్ ॥ ౭౩॥
యుద్ధే వా శాస్త్రవాదే వా సహస్రేణ జయో భవేత్ ।
కణ్ఠమాత్రే జలే స్థిత్వా యో రాత్రౌ కవచం పఠేత్ ॥ ౭౪॥
జ్వరాపస్మారకుష్ఠాదితాపజ్వరనివారణమ్ ।
యత్ర యత్స్యాత్స్థిరం యద్యత్ప్రసన్నం తన్నివర్తతే ॥ ౭౫॥
తేన తత్ర హి జప్తవ్యం తతః సిద్ధిర్భవేద్ధ్రువమ్ ।
ఇత్యుక్త్వాన్ చ శివో గౌర్యే రహస్యం పరమం శుభం ॥ ౭౬॥
యః పఠేత్ వజ్రకవచం దత్తాత్రేయోసమో భవేత్ ।
ఏవం శివేన కథితం హిమవత్సుతాయై ప్రోక్తం ॥ ౭౭॥
దలాదమునయేఽత్రిసుతేనపూర్వమ్ యః కోఽపి వజ్రకవచం ।
పఠతీహ లోకే దత్తోపమశ్చరతి యోగివరశ్చిరాయుః ॥ ౭౮॥
॥ ఇతి శ్రీరుద్రయామలే హిమవత్ఖణ్డే ఉమామహేశ్వరసంవాదే
శ్రీదత్తాత్రేయవజ్రకవచస్తోత్రం సమ్పూర్ణమ్ ॥
Encoded and proofread by Ravin Bhalekar ravibhalekar@hotmail.com
Please send corrections to sanskrit@cheerful.com
Last updated త్oday
http://sanskritdocuments.org
Dattatreya Vajra Kavacham Lyrics in Telugu PDF
% File name : dattAtreyavajrakavacham.itx
% Category : kavacha
% Location : doc\_deities\_misc
% Author : Traditional
% Language : Sanskrit
% Subject : philosophy/hinduism/religion
% Transliterated by : Ravin Bhalekar ravibhalekar at hotmail.com
% Proofread by : Ravin Bhalekar ravibhalekar at hotmail.com
% Description-comments : rudrayAmale himavatkhaNDeumAmaheshvara sa.nvAde
% Latest update : APril 25, 2010
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : dattAtreyavajrakavacham.itx
% Category : kavacha
% Location : doc\_deities\_misc
% Author : Traditional
% Language : Sanskrit
% Subject : philosophy/hinduism/religion
% Transliterated by : Ravin Bhalekar ravibhalekar at hotmail.com
% Proofread by : Ravin Bhalekar ravibhalekar at hotmail.com
% Description-comments : rudrayAmale himavatkhaNDeumAmaheshvara sa.nvAde
% Latest update : APril 25, 2010
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website