{॥ ಶ್ರೀಕುಮಾರೀಸಹಸ್ರನಾಮಸ್ತೋತ್ರಮ್ ॥}
ಆನನ್ದಭೈರವ ಉವಾಚ
ವದ ಕಾನ್ತೇ ಸದಾನನ್ದಸ್ವರೂಪಾನನ್ದವಲ್ಲಭೇ ।
ಕುಮಾರ್ಯಾ ದೇವತಾಮುಖ್ಯಾಃ ಪರಮಾನನ್ದವರ್ಧನಮ್ ॥ ೧॥

ಅಷ್ಟೋತ್ತರಸಹಸ್ರಾಖ್ಯಂ ನಾಮ ಮಙ್ಗಲಮದ್ಭುತಮ್ ।
ಯದಿ ಮೇ ವರ್ತತೇ ವಿದ್ಯೇ ಯದಿ ಸ್ನೇಹಕಲಾಮಲಾ ॥ ೨॥

ತದಾ ವದಸ್ವ ಕೌಮಾರೀಕೃತಕರ್ಮಫಲಪ್ರದಮ್ ।
ಮಹಾಸ್ತೋತ್ರಂ ಕೋಟಿಕೋಟಿ ಕನ್ಯಾದಾನಫಲಂ ಭವೇತ್ ॥ ೩॥

ಆನನ್ದಭೈರವೀ ಉವಾಚ
ಮಹಾಪುಣ್ಯಪ್ರದಂ ನಾಥ ಶೃಣು ಸರ್ವೇಶ್ವರಪ್ರಿಯ ।
ಅಷ್ಟೋತ್ತರಸಹಸ್ರಾಖ್ಯಂ ಕುಮಾರ್ಯಾಃ ಪರಮಾದ್ಭುತಮ್ ॥ ೪॥

ಪಠಿತ್ತ್ವಾ ಧಾರಯಿತ್ತ್ವಾ ವಾ ನರೋ ಮುಚ್ಯೇತ ಸಙ್ಕಟಾತ್ ।
ಸರ್ವತ್ರ ದುರ್ಲಭಂ ಧನ್ಯಂ ಧನ್ಯಲೋಕನಿಷೇವಿತಮ್ ॥ ೫॥

ಅಣಿಮಾದ್ಯಷ್ಟಸಿದ್ಧ್ಯಙ್ಗಂ ಸರ್ವಾನನ್ದಕರಂ ಪರಮ್ ।
ಮಾಯಾಮನ್ತ್ರನಿರಸ್ತಾಙ್ಗಂ ಮನ್ತ್ರಸಿದ್ಧಿಪ್ರದೇ ನೃಣಾಮ್ ॥ ೬॥

ನ ಪೂಜಾ ನ ಜಪಂ ಸ್ನಾನಂ ಪುರಶ್ಚರ್ಯಾವಿಧಿಶ್ಚ ನ ।
ಅಕಸ್ಮಾತ್ ಸಿದ್ಧಿಮವಾಪ್ನೋತಿ ಸಹಸ್ರನಾಮಪಾಠತಃ ॥ ೭॥

ಸರ್ವಯಜ್ಞಫಲಂ ನಾಥ ಪ್ರಾಪ್ನೋತಿ ಸಾಧಕಃ ಕ್ಷಣಾತ್ ।
ಮನ್ತ್ರಾರ್ಥಂ ಮನ್ತ್ರಚೈತನ್ಯಂ ಯೋನಿಮುದ್ರಾಸ್ವರೂಪಕಮ್ ॥ ೮॥

ಕೋಟಿವರ್ಷಶತೇನಾಪಿ ಫಲಂ ವಕ್ತುಂ ನ ಶಕ್ಯತೇ ।
ತಥಾಪಿ ವಕ್ತುಮಿಚ್ಛಾಮಿ ಹಿತಾಯ ಜಗತಾಂ ಪ್ರಭೋ ॥ ೯॥

ಅಸ್ಯಾಃ ಶ್ರೀಕುಮಾರ್ಯಾಃ ಸಹಸ್ರನಾಮಕವಚಸ್ಯ
ವಟುಕಭೈರವಋಷಿಃ । ಅನುಷ್ಟುಪ್ಛನ್ದಃ । ಕುಮಾರೀದೇವತಾ ।
ಸರ್ವಮನ್ತ್ರಸಿದ್ಧಿಸಮೃದ್ಧಯೇ ವಿನಿಯೋಗಃ ॥ ೧೦॥

ಓಂ ಕುಮಾರೀ ಕೌಶಿಕೀ ಕಾಲೀ ಕುರುಕುಲ್ಲಾ ಕುಲೇಶ್ವರೀ ।
ಕನಕಾಭಾ ಕಾಞ್ಚನಾಭಾ ಕಮಲಾ ಕಾಲಕಾಮಿನೀ ॥ ೧೧॥

ಕಪಾಲಿನೀ ಕಾಲರೂಪಾ ಕೌಮಾರೀ ಕುಲಪಾಲಿಕಾ ।
ಕಾನ್ತಾ ಕುಮಾರಕಾನ್ತಾ ಚ ಕಾರಣಾ ಕರಿಗಾಮಿನೀ ॥ ೧೨॥

ಕನ್ಧಕಾನ್ತಾ ಕೌಲಕಾನ್ತಾ ಕೃತಕರ್ಮಫಲಪ್ರದಾ ।
ಕಾರ್ಯಾಕಾರ್ಯಪ್ರಿಯಾ ಕಕ್ಷಾ ಕಂಸಹನ್ತ್ರೀ ಕುರುಕ್ಷಯಾ ॥ ೧೩॥

ಕೃಷ್ಣಕಾನ್ತಾ ಕಾಲರಾತ್ರಿಃ ಕರ್ಣೇಷುಧಾರಿಣೀಕರಾ ।
ಕಾಮಹಾ ಕಪಿಲಾ ಕಾಲಾ ಕಾಲಿಕಾ ಕುರುಕಾಮಿನೀ ॥ ೧೪॥

ಕುರುಕ್ಷೇತ್ರಪ್ರಿಯಾ ಕೌಲಾ ಕುನ್ತೀ ಕಾಮಾತುರಾ ಕಚಾ ।
ಕಲಞ್ಜಭಕ್ಷಾ ಕೈಕೇಯೀ ಕಾಕಪುಚ್ಛಧ್ವಜಾ ಕಲಾ ॥ ೧೫॥

ಕಮಲಾ ಕಾಮಲಕ್ಷ್ಮೀ ಚ ಕಮಲಾನನಕಾಮಿನೀ ।
ಕಾಮಧೇನುಸ್ವರೂಪಾ ಚ ಕಾಮಹಾ ಕಾಮಮದೀನೀ ॥ ೧೬॥

ಕಾಮದಾ ಕಾಮಪೂಜ್ಯಾ ಚ ಕಾಮಾತೀತಾ ಕಲಾವತೀ ।
ಭೈರವೀ ಕಾರಣಾಢ್ಯಾ ಚ ಕೈಶೋರೀ ಕುಶಲಾಙ್ಗಲಾ ॥ ೧೭॥

ಕಮ್ಬುಗ್ರೀವಾ ಕೃಷ್ಣನಿಭಾ ಕಾಮರಾಜಪ್ರಿಯಾಕೃತಿಃ ।
ಕಙ್ಕಣಾಲಙ್ಕೃತಾ ಕಙ್ಕಾ ಕೇವಲಾ ಕಾಕಿನೀ ಕಿರಾ ॥ ೧೮॥

ಕಿರಾತಿನೀ ಕಾಕಭಕ್ಷಾ ಕರಾಲವದನಾ ಕೃಶಾ ।
ಕೇಶಿನೀ ಕೇಶಿಹಾ ಕೇಶಾ ಕಾಸಾಮ್ಬಷ್ಠಾ ಕರಿಪ್ರಿಯಾ ॥ ೧೯॥

ಕವಿನಾಥಸ್ವರೂಪಾ ಚ ಕಟುವಾಣೀ ಕಟುಸ್ಥಿತಾ ।
ಕೋಟರಾ ಕೋಟರಾಕ್ಷೀ ಚ ಕರನಾಟಕವಾಸಿನೀ ॥ ೨೦॥

ಕಟಕಸ್ಥಾ ಕಾಷ್ಠಸಂಸ್ಥಾ ಕನ್ದರ್ಪಾ ಕೇತಕೀ ಪ್ರಿಯಾ ।
ಕೇಲಿಪ್ರಿಯಾ ಕಮ್ಬಲಸ್ಥಾ ಕಾಲದೈತ್ಯವಿನಾಶಿನೀ ॥ ೨೧॥

ಕೇತಕೀಪುಷ್ಪಶೋಭಾಢ್ಯಾ ಕರ್ಪೂರಪೂರ್ಣಜಿಹ್ವಿಕಾ ।
ಕರ್ಪೂರಾಕರಕಾಕೋಲಾ ಕೈಲಾಸಗಿರಿವಾಸಿನೀ ॥ ೨೨॥

ಕುಶಾಸನಸ್ಥಾ ಕಾದಮ್ಬಾ ಕುಞ್ಜರೇಶೀ ಕುಲಾನನಾ ।
ಖರ್ಬಾ ಖಡ್ಗಧರಾ ಖಡ್ಗಾ ಖಲಹಾ ಖಲಬುದ್ಧಿದಾ ॥ ೨೩॥

ಖಞ್ಜನಾ ಖರರೂಪಾ ಚ ಕ್ಷಾರಾಮ್ಲತಿಕ್ತಮಧ್ಯಗಾ ।
ಖೇಲನಾ ಖೇಟಕಕರಾ ಖರವಾಕ್ಯಾ ಖರೋತ್ಕಟಾ ॥ ೨೪॥

ಖದ್ಯೋತಚಞ್ಚಲಾ ಖೇಲಾ ಖದ್ಯೋತಾ ಖಗವಾಹಿನೀ ।
ಖೇಟಕಸ್ಥಾ ಖಲಾಖಸ್ಥಾ ಖೇಚರೀ ಖೇಚರಪ್ರಿಯಾ ॥ ೨೫॥

ಖಚರಾ ಖರಪ್ರೇಮಾ ಖಲಾಢ್ಯಾ ಖಚರಾನನಾ ।
ಖೇಚರೇಶೀ ಖರೋಗ್ರಾ ಚ ಖೇಚರಪ್ರಿಯಭಾಷಿಣೀ ॥ ೨೬॥

ಖರ್ಜೂರಾಸವಸಂಮತ್ತಾ ಖರ್ಜೂರಫಲಭೋಗಿನೀ ।
ಖಾತಮಧ್ಯಸ್ಥಿತಾ ಖಾತಾ ಖಾತಾಮ್ಬುಪರಿಪೂರಿಣೀ ॥ ೨೭॥

ಖ್ಯಾತಿಃ ಖ್ಯಾತಜಲಾನನ್ದಾ ಖುಲನಾ ಖಞ್ಜನಾಗತಿಃ ।
ಖಲ್ವಾ ಖಲತರಾ ಖಾರೀ ಖರೋದ್ವೇಗನಿಕೃನ್ತನೀ ॥ ೨೮॥

ಗಗನಸ್ಥಾ ಚ ಭೀತಾ ಚ ಗಭೀರನಾದಿನೀ ಗಯಾ ।
ಗಙ್ಗಾ ಗಭೀರಾ ಗೌರೀ ಚ ಗಣನಾಥ ಪ್ರಿಯಾ ಗತಿಃ ॥ ೨೯॥

ಗುರುಭಕ್ತಾ ಗ್ವಾಲಿಹೀನಾ ಗೇಹಿನೀ ಗೋಪಿನೀ ಗಿರಾ ।
ಗೋಗಣಸ್ಥಾ ಗಾಣಪತ್ಯಾ ಗಿರಿಜಾ ಗಿರಿಪೂಜಿತಾ ॥ ೩೦॥

ಗಿರಿಕಾನ್ತಾ ಗಣಸ್ಥಾ ಚ ಗಿರಿಕನ್ಯಾ ಗಣೇಶ್ವರೀ ।
ಗಾಧಿರಾಜಸುತಾ ಗ್ರೀವಾ ಗುರ್ವೀ ಗುರ್ವ್ಯಮ್ಬಶಾಙ್ಕರೀ ॥ ೩೧॥

ಗನ್ಧರ್ವ್ವಕಾಮಿನೀ ಗೀತಾ ಗಾಯತ್ರೀ ಗುಣದಾ ಗುಣಾ ।
ಗುಗ್ಗುಲುಸ್ಥಾ ಗುರೋಃ ಪೂಜ್ಯಾ ಗೀತಾನನ್ದಪ್ರಕಾಶಿನೀ ॥ ೩೨॥

ಗಯಾಸುರಪ್ರಿಯಾಗೇಹಾ ಗವಾಕ್ಷಜಾಲಮಧ್ಯಗಾ ।
ಗುರುಕನ್ಯಾ ಗುರೋಃ ಪತ್ನೀ ಗಹನಾ ಗುರುನಾಗಿನೀ ॥ ೩೩॥

ಗುಲ್ಫವಾಯುಸ್ಥಿತಾ ಗುಲ್ಫಾ ಗರ್ದ್ದಭಾ ಗರ್ದ್ದಭಪ್ರಿಯಾ ।
ಗುಹ್ಯಾ ಗುಹ್ಯಗಣಸ್ಥಾ ಚ ಗರಿಮಾ ಗೌರಿಕಾ ಗುದಾ ॥ ೩೪॥

ಗುದೋರ್ಧ್ವಸ್ಥಾ ಚ ಗಲಿತಾ ಗಣಿಕಾ ಗೋಲಕಾ ಗಲಾ ।
ಗಾನ್ಧರ್ವೀ ಗಾನನಗರೀ ಗನ್ಧರ್ವಗಣಪೂಜಿತಾ ॥ ೩೫॥

ಘೋರನಾದಾ ಘೋರಮುಖೀ ಘೋರಾ ಘರ್ಮನಿವಾರಿಣೀ ।
ಘನದಾ ಘನವರ್ಣಾ ಚ ಘನವಾಹನವಾಹನಾ ॥ ೩೬॥

ಘರ್ಘರಧ್ವನಿಚಪಲಾ ಘಟಾಘಟಪಟಾಘಟಾ ।
ಘಟಿತಾ ಘಟನಾ ಘೋನಾ ಘನರುಪ ಘನೇಶ್ವರೀ ॥ ೩೭॥

ಘುಣ್ಯಾತೀತಾ ಘರ್ಘರಾ ಚ ಘೋರಾನನವಿಮೋಹಿನೀ ।
ಘೋರನೇತ್ರಾ ಘನರುಚಾ ಘೋರಭೈರವ ಕನ್ಯಕಾ ॥ ೩೮॥

ಘಾತಾಘಾತಕಹಾ ಘಾತ್ಯಾ ಘ್ರಾಣಾಘ್ರಾಣೇಶವಾಯವೀ ।
ಘೋರಾನ್ಧಕಾರಸಂಸ್ಥಾ ಚ ಘಸನಾ ಘಸ್ವರಾ ಘರಾ ॥ ೩೯॥

ಘೋಟಕೇಸ್ಥಾ ಘೋಟಕಾ ಚ ಘೋಟಕೇಶ್ವರವಾಹನಾ ।
ಘನನೀಲಮಣಿಶ್ಯಾಮಾ ಘರ್ಘರೇಶ್ವರಕಾಮಿನೀ ॥ ೪೦॥

ಙಕಾರಕೂಟಸಮ್ಪನ್ನಾ ಙಕಾರಚಕ್ರಗಾಮಿನೀ ।
ಙಕಾರೀ ಙಸಂಶಾ ಚೈವ ಙೀಪನೀತಾ ಙಕಾರಿಣೀ ॥ ೪೧॥

ಚನ್ದ್ರಮಣ್ಡಲಮಧ್ಯಸ್ಥಾ ಚತುರಾ ಚಾರುಹಾಸಿನೀ ।
ಚಾರುಚನ್ದ್ರಮುಖೀ ಚೈವ ಚಲಙ್ಗಮಗತಿಪ್ರಿಯಾ ॥ ೪೨॥

ಚಞ್ಚಲಾ ಚಪಲಾ ಚಣ್ಡೀ ಚೇಕಿತಾನಾ ಚರುಸ್ಥಿತಾ ।
ಚಲಿತಾ ಚಾನನಾ ಚಾರ್ವ್ವೋ ಚಾರುಭ್ರಮರನಾದಿನೀ ॥ ೪೩॥

ಚೌರಹಾ ಚನ್ದ್ರನಿಲಯಾ ಚೈನ್ದ್ರೀ ಚನ್ದ್ರಪುರಸ್ಥಿತಾ ।
ಚಕ್ರಕೌಲಾ ಚಕ್ರರೂಪಾ ಚಕ್ರಸ್ಥಾ ಚಕ್ರಸಿದ್ಧಿದಾ ॥ ೪೪॥

ಚಕ್ರಿಣೀ ಚಕ್ರಹಸ್ತಾ ಚ ಚಕ್ರನಾಥಕುಲಪ್ರಿಯಾ ।
ಚಕ್ರಾಭೇದ್ಯಾ ಚಕ್ರಕುಲಾ ಚಕ್ರಮಣ್ಡಲಶೋಭಿತಾ ॥ ೪೫॥

ಚಕ್ರೇಶ್ವರಪ್ರಿಯಾ ಚೇಲಾ ಚೇಲಾಜಿನಕುಶೋತ್ತರಾ ।
ಚತುರ್ವೇದಸ್ಥಿತಾ ಚಣ್ಡಾ ಚನ್ದ್ರಕೋಟಿಸುಶೀತಲಾ ॥ ೪೬॥

ಚತುರ್ಗುಣಾ ಚನ್ದ್ರವರ್ಣಾ ಚಾತುರೀ ಚತುರಪ್ರಿಯಾ ।
ಚಕ್ಷುಃಸ್ಥಾ ಚಕ್ಷುವಸತಿಶ್ಚಣಕಾ ಚಣಕಪ್ರಿಯಾ ॥ ೪೭॥

ಚಾರ್ವ್ವಙ್ಗೀ ಚನ್ದ್ರನಿಲಯಾ ಚಲದಮ್ಬುಜಲೋಚನಾ ।
ಚರ್ವ್ವರೀಶಾ ಚಾರುಮುಖೀ ಚಾರುದನ್ತಾ ಚರಸ್ಥಿತಾ ॥ ೪೮॥

ಚಸಕಸ್ಥಾಸವಾ ಚೇತಾ ಚೇತಃಸ್ಥಾ ಚೈತ್ರಪೂಜಿತಾ ।
ಚಾಕ್ಷುಷೀ ಚನ್ದ್ರಮಲಿನೀ ಚನ್ದ್ರಹಾಸಮಣಿಪ್ರಭಾ ॥ ೪೯॥

ಛಲಸ್ಥಾ ಛುದ್ರರೂಪಾ ಚ ಛತ್ರಚ್ಛಾಯಾಛಲಸ್ಥಿತಾ ।
ಛಲಜ್ಞಾ ಛೇಶ್ವರಾಛಾಯಾ ಛಾಯಾ ಛಿನ್ನಶಿವಾ ಛಲಾ ॥ ೫೦॥

ಛತ್ರಾಚಾಮರಶೋಭಾಢ್ಯಾ ಛತ್ರಿಣಾಂ ಛತ್ರಧಾರಿಣೀ ।
ಛಿನ್ನಾತೀತಾ ಛಿನ್ನಮಸ್ತಾ ಛಿನ್ನಕೇಶಾ ಛಲೋದ್ಭವಾ ॥ ೫೧॥

ಛಲಹಾ ಛಲದಾ ಛಾಯಾ ಛನ್ನಾ ಛನ್ನಜನಪ್ರಿಯಾ ।
ಛಲಛಿನ್ನಾ ಛದ್ಮವತೀ ಛದ್ಮಸದ್ಮನಿವಾಸಿನೀ ॥ ೫೨॥

ಛದ್ಮಗನ್ಧಾ ಛದಾಛನ್ನಾ ಛದ್ಮವೇಶೀ ಛಕಾರಿಕಾ ।
ಛಗಲಾ ರಕ್ತಭಕ್ಷಾ ಚ ಛಗಲಾಮೋದರಕ್ತಪಾ ॥ ೫೩॥

ಛಗಲಣ್ಡೇಶಕನ್ಯಾ ಚ ಛಗಲಣ್ಡಕುಮಾರಿಕಾ ।
ಛುರಿಕಾ ಛುರಿಕಕರಾ ಛುರಿಕಾರಿನಿವಾಶಿನೀ ॥ ೫೪॥

ಛಿನ್ನನಾಶಾ ಛಿನ್ನಹಸ್ತಾ ಛೋಣಲೋಲಾ ಛಲೋದರೀ ।
ಛಲೋದ್ವೇಗಾ ಛಾಙ್ಗಬೀಜಮಾಲಾ ಛಾಙ್ಗವರಪ್ರದಾ ॥ ೫೫॥

ಜಟಿಲಾ ಜಠರಶ್ರೀದಾ ಜರಾ ಜಜ್ಞಪ್ರಿಯಾ ಜಯಾ ।
ಜನ್ತ್ರಸ್ಥಾ ಜೀವಹಾ ಜೀವಾ ಜಯದಾ ಜೀವಯೋಗದಾ ॥ ೫೬॥

ಜಯಿನೀ ಜಾಮಲಸ್ಥಾ ಚ ಜಾಮಲೋದ್ಭವನಾಯಿಕಾ ।
ಜಾಮಲಪ್ರಿಯಕನ್ಯಾ ಚ ಜಾಮಲೇಶೀ ಜವಾಪ್ರಿಯಾ ॥ ೫೭॥

ಜವಾಕೋಟಿಸಮಪ್ರಖ್ಯಾ ಜವಾಪುಷ್ಪಪ್ರಿಯಾ ಜನಾ ।
ಜಲಸ್ಥಾ ಜಗವಿಷಯಾ ಜರಾತೀತಾ ಜಲಸ್ಥಿತಾ ॥ ೫೮॥

ಜೀವಹಾ ಜೀವಕನ್ಯಾ ಚ ಜನಾರ್ದ್ದನಕುಮಾರಿಕಾ ।
ಜತುಕಾ ಜಲಪೂಜ್ಯಾ ಚ ಜಗನ್ನಾಥಾದಿಕಾಮಿನೀ ॥ ೫೯॥

ಜೀರ್ಣಾಙ್ಗೀ ಜೀರ್ಣಹೀನಾ ಚ ಜೀಮೂತಾತ್ತ್ಯನ್ತಶೋಭಿತಾ ।
ಜಾಮದಾ ಜಮದಾ ಜೃಮ್ಭಾ ಜೃಮ್ಭಣಾಸ್ತ್ರಾದಿಧಾರಿಣೀ ॥ ೬೦॥

ಜಘನ್ಯಾ ಜಾರಜಾ ಪ್ರೀತಾ ಜಗದಾನನ್ದವದ್ಧೀನೀ ।
ಜಮಲಾರ್ಜುನದರ್ಪಘ್ನೀ ಜಮಲಾರ್ಜುನಭಞ್ಜಿನೀ ॥ ೬೧॥

ಜಯಿತ್ರೀಜಗದಾನನ್ದಾ ಜಾಮಲೋಲ್ಲಾಸಸಿದ್ಧಿದಾ ।
ಜಪಮಾಲಾ ಜಾಪ್ಯಸಿದ್ಧಿರ್ಜಪಯಜ್ಞಪ್ರಕಾಶಿನೀ ॥ ೬೨॥

ಜಾಮ್ಬುವತೀ ಜಾಮ್ಬವತಃ ಕನ್ಯಕಾಜನವಾಜಪಾ ।
ಜವಾಹನ್ತ್ರೀ ಜಗದ್ಬುದ್ಧಿರ್ಜ್ಜಗತ್ಕರ್ತೃ ಜಗದ್ಗತಿಃ ॥ ೬೩॥

ಜನನೀ ಜೀವನೀ ಜಾಯಾ ಜಗನ್ಮಾತಾ ಜನೇಶ್ವರೀ ।
ಝಙ್ಕಲಾ ಝಙ್ಕಮಧ್ಯಸ್ಥಾ ಝಣತ್ಕಾರಸ್ವರೂಪಿಣೀ ॥ ೬೪॥

ಝಣತ್ಝಣದ್ವಹ್ನಿರೂಪಾ ಝನನಾಝನ್ದರೀಶ್ವರೀ ।
ಝಟಿತಾಕ್ಷಾ ಝರಾ ಝಞ್ಝಾ ಝರ್ಝರಾ ಝರಕನ್ಯಕಾ ॥ ೬೫॥

ಝಣತ್ಕಾರೀ ಝನಾ ಝನ್ನಾ ಝಕಾರಮಾಲಯಾವೃತಾ ।
ಝಙ್ಕರೀ ಝರ್ಝರೀ ಝಲ್ಲೀ ಝಲ್ವೇಶ್ವರನಿವಾಸಿನೀ ॥ ೬೬॥

ಞಕಾರೀ ಞಕಿರಾತೀ ಚ ಞಕಾರಬೀಜಮಾಲಿನೀ ।
ಞನಯೋಽನ್ತಾ ಞಕಾರಾನ್ತಾ ಞಕಾರಪರಮೇಶ್ವರೀ ॥ ೬೭॥

ಞಾನ್ತಬೀಜಪುಟಾಕಾರಾ ಞೇಕಲೇ ಞೈಕಗಾಮಿನೀ ।
ಞೈಕನೇಲಾ ಞಸ್ವರೂಪಾ ಞಹಾರಾ ಞಹರೀತಕೀ ॥ ೬೮॥

ಟುನ್ಟುನೀ ಟಙ್ಕಹಸ್ತಾ ಚ ಟಾನ್ತವರ್ಗಾ ಟಲಾವತೀ ।
ಟಪಲಾ ಟಾಪಬಾಲಾಖ್ಯಾ ಟಙ್ಕಾರಧ್ವನಿರೂಪಿಣೀ ॥ ೬೯॥

ಟಲಾತೀ ಟಾಕ್ಷರಾತೀತಾ ಟಿತ್ಕಾರಾದಿಕುಮಾರಿಕಾ ।
ಟಙ್ಕಾಸ್ತ್ರಧಾರಿಣೀ ಟಾನಾ ಟಮೋಟಾರ್ಣಲಭಾಷಿಣೀ ॥ ೭೦॥

ಟಙ್ಕಾರೀ ವಿಧನಾ ಟಾಕಾ ಟಕಾಟಕವಿಮೋಹಿನೀ ।
ಟಙ್ಕಾರಧರನಾಮಾಹಾ ಟಿವೀಖೇಚರನಾದಿನೀ ॥ ೭೧॥

ಠಠಙ್ಕಾರೀ ಠಾಠರೂಪಾ ಠಕಾರಬೀಜಕಾರಣಾ ।
ಡಮರೂಪ್ರಿಯವಾದ್ಯಾ ಚ ಡಾಮರಸ್ಥಾ ಡಬೀಜಿಕಾ ॥ ೭೨॥

ಡಾನ್ತವರ್ಗಾ ಡಮರುಕಾ ಡರಸ್ಥಾ ಡೋರಡಾಮರಾ ।
ಡಗರಾರ್ದ್ಧಾ ಡಲಾತೀತಾ ಡದಾರುಕೇಶ್ವರೀ ಡುತಾ ॥ ೭೩॥

ಢಾರ್ದ್ಧನಾರೀಶ್ವರಾ ಢಾಮಾ ಢಕ್ಕಾರೀ ಢಲನಾ ಢಲಾ ।
ಢಕೇಸ್ಥಾ ಢೇಶ್ವರಸುತಾ ಢೇಮನಾಭಾವಢೋನನಾ ॥ ೭೪॥

ಣೋಮಾಕಾನ್ತೇಶ್ವರೀ ಣಾನ್ತವರ್ಗಸ್ಥಾ ಣತುನಾವತೀ ।
ಣನೋ ಮಾಣಾಙ್ಕಕಲ್ಯಾಣೀ ಣಾಕ್ಷವೀಣಾಕ್ಷಬೀಜಿಕಾ ॥ ೭೫॥

ತುಲಸೀತನ್ತುಸೂಕ್ಷ್ಮಾಖ್ಯಾ ತಾರಲ್ಯಾ ತೈಲಗನ್ಧಿಕಾ ।
ತಪಸ್ಯಾ ತಾಪಸಸುತಾ ತಾರಿಣೀ ತರುಣೀ ತಲಾ ॥ ೭೬॥

ತನ್ತ್ರಸ್ಥಾ ತಾರಕಬ್ರಹ್ಮಸ್ವರೂಪಾ ತನ್ತುಮಧ್ಯಗಾ ।
ತಾಲಭಕ್ಷತ್ರಿಧಾಮೂತ್ತೀಸ್ತಾರಕಾ ತೈಲಭಕ್ಷಿಕಾ ॥ ೭೭॥

ತಾರೋಗ್ರಾ ತಾಲಮಾಲಾ ಚ ತಕರಾ ತಿನ್ತಿಡೀಪ್ರಿಯಾ ।
ತಪಸಃ ತಾಲಸನ್ದರ್ಭಾ ತರ್ಜಯನ್ತೀ ಕುಮಾರಿಕಾ ॥ ೭೮॥

ತೋಕಾಚಾರಾ ತಲೋದ್ವೇಗಾ ತಕ್ಷಕಾ ತಕ್ಷಕಪ್ರಿಯಾ ।
ತಕ್ಷಕಾಲಙ್ಕೃತಾ ತೋಷಾ ತಾವದ್ರೂಪಾ ತಲಪ್ರಿಯಾ ॥ ೭೯॥

ತಲಾಸ್ತ್ರಧಾರಿಣೀ ತಾಪಾ ತಪಸಾಂ ಫಲದಾಯಿನೀ ।
ತಲ್ವಲ್ವಪ್ರಹರಾಲೀತಾ ತಲಾರಿಗಣನಾಶಿನೀ ॥ ೮೦॥

ತೂಲಾ ತೌಲೀ ತೋಲಕಾ ಚ ತಲಸ್ಥಾ ತಲಪಾಲಿಕಾ
ತರುಣಾ ತಪ್ತಬುದ್ಧಿಸ್ಥಾಸ್ತಪ್ತಾ ಪ್ರಧಾರಿಣೀ ತಪಾ ॥ ೮೧॥

ತನ್ತ್ರಪ್ರಕಾಶಕರಣೀ ತನ್ತ್ರಾರ್ಥದಾಯಿನೀ ತಥಾ ।
ತುಷಾರಕಿರಣಾಙ್ಗೀ ಚ ಚತುರ್ಧಾ ವಾ ಸಮಪ್ರಭಾ ॥ ೮೨॥

ತೈಲಮಾರ್ಗಾಭಿಸೂತಾ ಚ ತನ್ತ್ರಸಿದ್ಧಿಫಲಪ್ರದಾ ।
ತಾಮ್ರಪರ್ಣಾ ತಾಮ್ರಕೇಶಾ ತಾಮ್ರಪಾತ್ರಪ್ರಿಯಾತಮಾ ॥ ೮೩॥

ತಮೋಗುಣಪ್ರಿಯಾ ತೋಲಾ ತಕ್ಷಕಾರಿನಿವಾರಿಣೀ ।
ತೋಷಯುಕ್ತಾ ತಮಾಯಾಚೀ ತಮಷೋಢೇಶ್ವರಪ್ರಿಯಾ ॥ ೮೪॥

ತುಲನಾ ತುಲ್ಯರುಚಿರಾ ತುಲ್ಯಬುದ್ಧಿಸ್ತ್ರಿಧಾ ಮತಿಃ ।
ತಕ್ರಭಕ್ಷಾ ತಾಲಸಿದ್ಧಿಃ ತತ್ರಸ್ಥಾಸ್ತತ್ರ ಗಾಮಿನೀ ॥ ೮೫॥

ತಲಯಾ ತೈಲಭಾ ತಾಲೀ ತನ್ತ್ರಗೋಪನತತ್ಪರಾ ।
ತನ್ತ್ರಮನ್ತ್ರಪ್ರಕಾಶಾ ಚ ತ್ರಿಶರೇಣುಸ್ವರೂಪಿಣೀ ॥ ೮೬॥

ತ್ರಿಂಶದರ್ಥಪ್ರಿಯಾ ತುಷ್ಟಾ ತುಷ್ಟಿಸ್ತುಷ್ಟಜನಪ್ರಿಯಾ ।
ಥಕಾರಕೂಟದಣ್ಡೀಶಾ ಥದಣ್ಡೀಶಪ್ರಿಯಾಽಥವಾ ॥ ೮೭॥

ಥಕಾರಾಕ್ಷರರೂಢಾಙ್ಗೀ ಥಾನ್ತವರ್ಗಾಥ ಕಾರಿಕಾ ।
ಥಾನ್ತಾ ಥಮೀಶ್ವರೀ ಥಾಕಾ ಥಕಾರಬೀಜಮಾಲಿನೀ ॥ ೮೮॥

ದಕ್ಷದಾಮಪ್ರಿಯಾ ದೋಷಾ ದೋಷಜಾಲವನಾಶ್ರಿತಾ ।
ದಶಾ ದಶನಘೋರಾ ಚ ದೇವೀದಾಸಪ್ರಿಯಾ ದಯಾ ॥ ೮೯॥

ದೈತ್ಯಹನ್ತ್ರೀಪರಾ ದೈತ್ಯಾ ದೈತ್ಯಾನಾಂ ಮದ್ದೀನೀ ದಿಶಾ ।
ದಾನ್ತಾ ದಾನ್ತಪ್ರಿಯಾ ದಾಸಾ ದಾಮನಾ ದೀರ್ಘಕೇಶಿಕಾ ॥ ೯೦॥

ದಶನಾ ರಕ್ತವರ್ಣಾ ಚ ದರೀಗ್ರಹನಿವಾಸಿನೀ
ದೇವಮಾತಾ ಚ ದುರ್ಲಭಾ ಚ ದೀರ್ಘಾಙ್ಗಾ ದಾಸಕನ್ಯಕಾ ॥ ೯೧॥

ದಶನಶ್ರೀ ದೀರ್ಘನೇತ್ರಾ ದೀರ್ಘನಾಸಾ ಚ ದೋಷಹಾ ।
ದಮಯನ್ತೀ ದಲಸ್ಥಾ ಚ ದ್ವೇಷ್ಯಹನ್ತ್ರೀ ದಶಸ್ಥಿತಾ ॥ ೯೨॥

ದೈಶೇಷಿಕಾ ದಿಶಿಗತಾ ದಶನಾಸ್ತ್ರವಿನಾಶಿನೀ
ದಾರಿದ್ರ್ಯಹಾ ದರಿದ್ರಸ್ಥಾ ದರಿದ್ರಧನದಾಯಿನೀ ॥ ೯೩॥

ದನ್ತುರಾ ದೇಶಭಾಷಾ ಚ ದೇಶಸ್ಥಾ ದೇಶನಾಯಿಕಾ ।
ದ್ವೇಷರೂಪಾ ದ್ವೇಷಹನ್ತ್ರೀ ದ್ವೇಷಾರಿಗಣಮೋಹಿನೀ ॥ ೯೪॥

ದಾಮೋದರಸ್ಥಾನನಾದಾ ದಲಾನಾಂ ಬಲದಾಯಿನೀ ।
ದಿಗ್ದರ್ಶನಾ ದರ್ಶನಸ್ಥಾ ದರ್ಶನಪ್ರಿಯವಾದಿನೀ ॥ ೯೫॥

ದಾಮೋದರಪ್ರಿಯಾ ದಾನ್ತಾ ದಾಮೋದರಕಲೇವರಾ ।
ದ್ರಾವಿಣೀ ದ್ರವಿಣೀ ದಕ್ಷಾ ದಕ್ಷಕನ್ಯಾ ದಲದೃಢಾ ॥ ೯೬॥

ದೃಢಾಸನಾದಾಸಶಕ್ತಿರ್ದ್ವನ್ದ್ವಯುದ್ಧಪ್ರಕಾಶಿನೀ ।
ದಧಿಪ್ರಿಯಾ ದಧಿಸ್ಥಾ ಚ ದಧಿಮಙ್ಗಲಕಾರಿಣೀ ॥ ೯೭॥

ದರ್ಪಹಾ ದರ್ಪದಾ ದೃಪ್ತಾ ದರ್ಭಪುಣ್ಯಪ್ರಿಯಾ ದಧಿಃ ।
ದರ್ಭಸ್ಥಾ ದ್ರುಪದಸುತಾ ದ್ರೌಪದೀ ದ್ರುಪದಪ್ರಿಯಾ ॥ ೯೮॥

ಧರ್ಮಚಿನ್ತಾ ಧನಾಧ್ಯಕ್ಷಾ ಧಶ್ವೇಶ್ವರವರಪ್ರದಾ ।
ಧನಹಾ ಧನದಾ ಧನ್ವೀ ಧನುರ್ಹಸ್ತಾ ಧನುಃಪ್ರಿಯಾ ॥ ೯೯॥

ಧರಣೀ ಧೈರ್ಯರೂಪಾ ಚ ಧನಸ್ಥಾ ಧನಮೋಹಿನೀ ।
ಧೋರಾ ಧೀರಪ್ರಿಯಾಧಾರಾ ಧರಾಧಾರಣತತ್ಪರಾ ॥ ೧೦೦॥

ಧಾನ್ಯದಾ ಧಾನ್ಯಬೀಜಾ ಚ ಧರ್ಮಾಧರ್ಮಸ್ವರೂಪಿಣೀ ।
ಧಾರಾಧರಸ್ಥಾ ಧನ್ಯಾ ಚ ಧರ್ಮಪುಞ್ಜನಿವಾಸಿನೀ ॥ ೧೦೧॥

ಧನಾಢ್ಯಪ್ರಿಯಕನ್ಯಾ ಚ ಧನ್ಯಲೋಕೈಶ್ಚ ಸೇವಿತಾ ।
ಧರ್ಮಾರ್ಥಕಾಮಮೋಕ್ಷಾಙ್ಗೀ ಧರ್ಮಾರ್ಥಕಾಮಮೋಕ್ಷದಾ ॥ ೧೦೨॥

ಧರಾಧರಾ ಧುರೋಣಾ ಚ ಧವಲಾ ಧವಲಾಮುಖೀ ।
ಧರಾ ಚ ಧಾಮರೂಪಾ ಚ ಧ್ರುವಾ ಧ್ರೌವ್ಯಾ ಧ್ರುವಪ್ರಿಯಾ ॥ ೧೦೩॥

ಧನೇಶೀ ಧಾರಣಾಖ್ಯಾ ಚ ಧರ್ಮನಿನ್ದಾವಿನಾಶಿನೀ ।
ಧರ್ಮತೇಜೋಮಯೀ ಧರ್ಮ್ಮ್ಯಾ ಧೈರ್ಯಾಗ್ರಭರ್ಗಮೋಹಿನೀ ॥ ೧೦೪॥

ಧಾರಣಾ ಧೌತವಸನಾ ಧತ್ತೂರಫಲಭೋಗಿನೀ ।
ನಾರಾಯಣೀ ನರೇನ್ದ್ರಸ್ಥಾ ನಾರಾಯಣಕಲೇವರಾ ॥ ೧೦೫॥

ನರನಾರಾಯಣಪ್ರೀತಾ ಧರ್ಮನಿನ್ದಾ ನಮೋಹಿತಾ ।
ನಿತ್ಯಾ ನಾಪಿತಕನ್ಯಾ ಚ ನಯನಸ್ಥಾ ನರಪ್ರಿಯಾ ॥ ೧೦೬॥

ನಾಮ್ನೀ ನಾಮಪ್ರಿಯಾ ನಾರಾ ನಾರಾಯಣಸುತಾ ನರಾ ।
ನವೀನನಾಯಕಪ್ರೀತಾ ನವ್ಯಾ ನವಫಲಪ್ರಿಯಾ ॥ ೧೦೭॥

ನವೀನಕುಸುಮಪ್ರೀತಾ ನವೀನಾನಾಂ ಧ್ವಜಾನುತಾ ।
ನಾರೀ ನಿಮ್ಬಸ್ಥಿತಾನನ್ದಾನನ್ದಿನೀ ನನ್ದಕಾರಿಕಾ ॥ ೧೦೮॥

ನವಪುಷ್ಪಮಹಾಪ್ರೀತಾ ನವಪುಷ್ಪಸುಗನ್ಧಿಕಾ ।
ನನ್ದನಸ್ಥಾ ನನ್ದಕನ್ಯಾ ನನ್ದಮೋಕ್ಷಪ್ರದಾಯಿನೀ ॥ ೧೦೯॥

ನಮಿತಾ ನಾಮಭೇದಾ ಚ ನಾಮ್ನಾರ್ತ್ತವನಮೋಹಿನೀ ।
ನವಬುದ್ಧಿಪ್ರಿಯಾನೇಕಾ ನಾಕಸ್ಥಾ ನಾಮಕನ್ಯಕಾ ॥ ೧೧೦॥

ನಿನ್ದಾಹೀನಾ ನವೋಲ್ಲಾಸಾ ನಾಕಸ್ಥಾನಪ್ರದಾಯಿನೀ ।
ನಿಮ್ಬವೃಕ್ಷಸ್ಥಿತಾ ನಿಮ್ಬಾ ನಾನಾವೃಕ್ಷನಿವಾಸಿನೀ ॥ ೧೧೧॥

ನಾಶ್ಯಾತೀತಾ ನೀಲವರ್ಣಾ ನೀಲವರ್ಣಾ ಸರಸ್ವತೀ ।
ನಭಃಸ್ಥಾ ನಾಯಕಪ್ರೀತಾ ನಾಯಕಪ್ರಿಯಕಾಮಿನೀ ॥ ೧೧೨॥

ನೈವವರ್ಣಾ ನಿರಾಹಾರಾ ನಿವೀಹಾಣಾಂ ರಜಃಪ್ರಿಯಾ ।
ನಿಮ್ನನಾಭಿಪ್ರಿಯಾಕಾರಾ ನರೇನ್ದ್ರಹಸ್ತಪೂಜಿತಾ ॥ ೧೧೩॥

ನಲಸ್ಥಿತಾ ನಲಪ್ರೀತಾ ನಲರಾಜಕುಮಾರಿಕಾ ।
ಪರೇಶ್ವರೀ ಪರಾನನ್ದಾ ಪರಾಪರವಿಭೇದಿಕಾ ॥ ೧೧೪॥

ಪರಮಾ ಪರಚಕ್ರಸ್ಥಾ ಪಾರ್ವತೀ ಪರ್ವತಪ್ರಿಯಾ ।
ಪಾರಮೇಶೀ ಪರ್ವನಾನಾ ಪುಷ್ಪಮಾಲ್ಯಪ್ರಿಯಾ ಪರಾ ॥ ೧೧೫॥

ಪರಾ ಪ್ರಿಯಾ ಪ್ರೀತಿದಾತ್ರೀ ಪ್ರೀತಿಃ ಪ್ರಥಮಕಾಮಿನೀ ।
ಪ್ರಥಮಾ ಪ್ರಥಮಾ ಪ್ರೀತಾ ಪುಷ್ಪಗನ್ಧಪ್ರಿಯಾ ಪರಾ ॥ ೧೧೬॥

ಪೌಷ್ಯೀ ಪಾನರತಾ ಪೀನಾ ಪೀನಸ್ತನಸುಶೋಭನಾ ।
ಪರಮಾನರತಾ ಪುಂಸಾಂ ಪಾಶಹಸ್ತಾ ಪಶುಪ್ರಿಯಾ ॥ ೧೧೭॥

ಪಲಲಾನನ್ದರಸಿಕಾ ಪಲಾಲಧೂಮರೂಪಿಣೀ ।
ಪಲಾಶಪುಷ್ಪಸಙ್ಕಾಶಾ ಪಲಾಶಪುಷ್ಪಮಾಲಿನೀ ॥ ೧೧೮॥

ಪ್ರೇಮಭೂತಾ ಪದ್ಮಮುಖೀ ಪದ್ಮರಾಗಸುಮಾಲಿನೀ ।
ಪದ್ಮಮಾಲಾ ಪಾಪಹರಾ ಪತಿಪ್ರೇಮವಿಲಾಸಿನೀ ॥ ೧೧೯॥

ಪಞ್ಚಾನನಮನೋಹಾರೀ ಪಞ್ಚವಕ್ತ್ರಪ್ರಕಾಶಿನೀ ।
ಫಲಮೂಲಾಶನಾ ಫಾಲೀ ಫಲದಾ ಫಾಲ್ಗುನಪ್ರಿಯಾ ॥ ೧೨೦॥

ಫಲನಾಥಪ್ರಿಯಾ ಫಲ್ಲೀ ಫಲ್ಗುಕನ್ಯಾ ಫಲೋನ್ಮುಖೀ ।
ಫೇತ್ಕಾರೀತನ್ತ್ರಮುಖ್ಯಾ ಚ ಫೇತ್ಕಾರಗಣಪೂಜಿತಾ ॥ ೧೨೧॥

ಫೇರವೀ ಫೇರವಸುತಾ ಫಲಭೋಗೋದ್ಭವಾ ಫಲಾ ।
ಫಲಪ್ರಿಯಾ ಫಲಾಶಕ್ತಾ ಫಾಲ್ಗುನಾನನ್ದದಾಯಿನೀ ॥ ೧೨೨॥

ಫಾಲಭೋಗೋತ್ತರಾ ಫೇಲಾ ಫುಲಾಮ್ಭೋಜನಿವಾಸಿನೀ ।
ವಸುದೇವಗೃಹಸ್ಥಾ ಚ ವಾಸವೀ ವೀರಪೂಜಿತಾ ॥ ೧೨೩॥

ವಿಷಭಕ್ಷಾ ಬುಧಸುತಾ ಬ್ಲುಙ್ಕಾರೀ ಬ್ಲೂವರಪ್ರದಾ ।
ಬ್ರಾಹ್ಮೀ ಬೃಹಸ್ಪತಿಸುತಾ ವಾಚಸ್ಪತಿವರಪ್ರದಾ ॥ ೧೨೪॥

ವೇದಾಚಾರಾ ವೇದ್ಯಪರಾ ವ್ಯಾಸವಕ್ತ್ರಸ್ಥಿತಾ ವಿಭಾ ।
ಬೋಧಜ್ಞಾ ವೌಷಡಾಖ್ಯಾ ಚ ವಂಶೀವಂದನಪೂಜಿತಾ ॥ ೧೨೫॥

ವಜ್ರಕಾನ್ತಾ ವಜ್ರಗತಿರ್ಬದರೀವಂಶವಿವದ್ಧೀನೀ ।
ಭಾರತೀ ಭವರಶ್ರೀದಾ ಭವಪತ್ನೀ ಭವಾತ್ಮಜಾ ॥ ೧೨೬॥

ಭವಾನೀ ಭಾವಿನೀ ಭೀಮಾ ಭಿಷಗ್ಭಾರ್ಯಾ ತುರಿಸ್ಥಿತಾ ।
ಭೂರ್ಭುವಃಸ್ವಃಸ್ವರೂಪಾ ಚ ಭೃಶಾರ್ತ್ತಾ ಭೇಕನಾದಿನೀ ॥ ೧೨೭॥

ಭೌತೀ ಭಙ್ಗಪ್ರಿಯಾ ಭಙ್ಗಭಙ್ಗಹಾ ಭಙ್ಗಹಾರಿಣೀ ।
ಭರ್ತಾ ಭಗವತೀ ಭಾಗ್ಯಾ ಭಗೀರಥನಮಸ್ಕೃತಾ ॥ ೧೨೮॥

ಭಗಮಾಲಾ ಭೂತನಾಥೇಶ್ವರೀ ಭಾರ್ಗವಪೂಜಿತಾ ।
ಭೃಗುವಂಶಾ ಭೀತಿಹರಾ ಭೂಮಿರ್ಭುಜಗಹಾರಿಣೀ ॥ ೧೨೯॥

ಭಾಲಚನ್ದ್ರಾಭಭಲ್ವಬಾಲಾ ಭವಭೂತಿವೀಭೂತಿದಾ ।
ಮಕರಸ್ಥಾ ಮತ್ತಗತಿರ್ಮದಮತ್ತಾ ಮದಪ್ರಿಯಾ ॥ ೧೩೦॥

ಮದಿರಾಷ್ಟಾದಶಭುಜಾ ಮದಿರಾ ಮತ್ತಗಾಮಿನೀ ।
ಮದಿರಾಸಿದ್ಧಿದಾ ಮಧ್ಯಾ ಮದಾನ್ತರ್ಗತಿಸಿದ್ಧಿದಾ ॥ ೧೩೧॥

ಮೀನಭಕ್ಷಾ ಮೀನರೂಪಾ ಮುದ್ರಾಮುದ್ಗಪ್ರಿಯಾ ಗತಿಃ ।
ಮುಷಲಾ ಮುಕ್ತಿದಾ ಮೂರ್ತ್ತಾ ಮೂಕೀಕರಣತತ್ಪರಾ ॥ ೧೩೨॥

ಮೃಷಾರ್ತ್ತಾ ಮೃಗತೃಷ್ಣಾ ಚ ಮೇಷಭಕ್ಷಣತತ್ಪರಾ ।
ಮೈಥುನಾನನ್ದಸಿದ್ಧಿಶ್ಚ ಮೈಥುನಾನಲಸಿದ್ಧಿದಾ ॥ ೧೩೩॥

ಮಹಾಲಕ್ಷ್ಮೀರ್ಭೈರವೀ ಚ ಮಹೇನ್ದ್ರಪೀಠನಾಯಿಕಾ ।
ಮನಃಸ್ಥಾ ಮಾಧವೀಮುಖ್ಯಾ ಮಹಾದೇವಮನೋರಮಾ ॥ ೧೩೪॥

ಯಶೋದಾ ಯಾಚನಾ ಯಾಸ್ಯಾ ಯಮರಾಜಪ್ರಿಯಾ ಯಮಾ ।
ಯಶೋರಾಶಿವಿಭೂಷಾಙ್ಗೀ ಯತಿಪ್ರೇಮಕಲಾವತೀ ॥ ೧೩೫॥

ರಮಣೀ ರಾಮಪತ್ನೀ ಚ ರಿಪುಹಾ ರೀತಿಮಧ್ಯಗಾ ।
ರುದ್ರಾಣೀ ರೂಪದಾ ರೂಪಾ ರೂಪಸುನ್ದರಧಾರಿಣೀ ॥ ೧೩೬॥

ರೇತಃಸ್ಥಾ ರೇತಸಃ ಪ್ರೀತಾ ರೇತಃಸ್ಥಾನನಿವಾಸಿನೀ ।
ರೇನ್ದ್ರಾದೇವಸುತಾರೇದಾ ರಿಪುವರ್ಗಾನ್ತಕಪ್ರಿಯಾ ॥ ೧೩೭॥

ರೋಮಾವಲೀನ್ದ್ರಜನನೀ ರೋಮಕೂಪಜಗತ್ಪತಿಃ ।
ರೌಪ್ಯವರ್ಣಾ ರೌದ್ರವರ್ಣಾ ರೌಪ್ಯಾಲಙ್ಕಾರಭೂಷಣಾ ॥ ೧೩೮॥

ರಙ್ಗಿಣಾ ರಙ್ಗರಾಗಸ್ಥಾ ರಣವಹ್ನಿಕುಲೇಶ್ವರೀ ।
ಲಕ್ಷ್ಮೀಃ ಲಾಙ್ಗಲಹಸ್ತಾ ಚ ಲಾಙ್ಗಲೀ ಕುಲಕಾಮಿನೀ ॥ ೧೩೯॥

ಲಿಪಿರೂಪಾ ಲೀಢಪಾದಾ ಲತಾತನ್ತುಸ್ವರೂಪಿಣೀ ।
ಲಿಮ್ಪತೀ ಲೇಲಿಹಾ ಲೋಲಾ ಲೋಮಶಪ್ರಿಯಸಿದ್ಧಿದಾ ॥ ೧೪೦॥

ಲೌಕಿಕೀ ಲೌಕಿಕೀಸಿದ್ಧಿರ್ಲಙ್ಕಾನಾಥಕುಮಾರಿಕಾ ।
ಲಕ್ಷ್ಮಣಾ ಲಕ್ಷ್ಮೀಹೀನಾ ಚ ಲಪ್ರಿಯಾ ಲಾರ್ಣಮಧ್ಯಗಾ ॥ ೧೪೧॥

ವಿವಸಾ ವಸನಾವೇಶಾ ವಿವಸ್ಯಕುಲಕನ್ಯಕಾ ।
ವಾತಸ್ಥಾ ವಾತರೂಪಾ ಚ ವೇಲಮಧ್ಯನಿವಾಸಿನೀ ॥ ೧೪೨॥

ಶ್ಮಶಾನಭೂಮಿಮಧ್ಯಸ್ಥಾ ಶ್ಮಶಾನಸಾಧನಪ್ರಿಯಾ ।
ಶವಸ್ಥಾ ಪರಸಿದ್ಧ್ಯರ್ಥೀ ಶವವಕ್ಷಸಿ ಶೋಭಿತಾ ॥ ೧೪೩॥

ಶರಣಾಗತಪಾಲ್ಯಾ ಚ ಶಿವಕನ್ಯಾ ಶಿವಪ್ರಿಯಾ ।
ಷಟ್ಚಕ್ರಭೇದಿನೀ ಷೋಢಾ ನ್ಯಾಸಜಾಲದೃಢಾನನಾ ॥ ೧೪೪॥

ಸನ್ಧ್ಯಾಸರಸ್ವತೀ ಸುನ್ದ್ಯಾ ಸೂರ್ಯಗಾ ಶಾರದಾ ಸತೀ ।
ಹರಿಪ್ರಿಯಾ ಹರಹಾಲಾಲಾವಣ್ಯಸ್ಥಾ ಕ್ಷಮಾ ಕ್ಷುಧಾ ॥ ೧೪೫॥

ಕ್ಷೇತ್ರಜ್ಞಾ ಸಿದ್ಧಿದಾತ್ರೀ ಚ ಅಮ್ಬಿಕಾ ಚಾಪರಾಜಿತಾ ।
ಆದ್ಯಾ ಇನ್ದ್ರಪ್ರಿಯಾ ಈಶಾ ಉಮಾ ಊಢಾ ಋತುಪ್ರಿಯಾ ॥ ೧೪೬॥

ಸುತುಣ್ಡಾ ಸ್ವರಬೀಜಾನ್ತಾ ಹರಿವೇಶಾದಿಸಿದ್ಧಿದಾ ।
ಏಕಾದಶೀವ್ರತಸ್ಥಾ ಚ ಏನ್ದ್ರೀ ಓಷಧಿಸಿದ್ಧಿದಾ ॥ ೧೪೭॥

ಔಪಕಾರೀ ಅಂಶರೂಪಾ ಅಸ್ತ್ರಬೀಜಪ್ರಕಾಶಿನೀ ।
ಇತ್ಯೇತತ್ ಕಾಮುಕೀನಾಥ ಕುಮಾರೀಣಾಂ ಸುಮಙ್ಗಲಮ್ ॥ ೧೪೮॥

ತ್ರೈಲೋಕ್ಯಫಲದಂ ನಿತ್ಯಮಷ್ಟೋತ್ತರಸಹಸ್ರಕಮ್ ।
ಮಹಾಸ್ತೋತ್ರಂ ಧರ್ಮಸಾರಂ ಧನಧಾನ್ಯಸುತಪ್ರದಮ್ ॥ ೧೪೯॥

ಸರ್ವವಿದ್ಯಾಫಲೋಲ್ಲಾಸಂ ಭಕ್ತಿಮಾನ್ ಯಃ ಪಠೇತ್ ಸುಧೀಃ ।
ಸ ಸರ್ವದಾ ದಿವಾರಾತ್ರೌ ಸ ಭವೇನ್ಮುಕ್ತಿಮಾರ್ಗಗಃ ॥ ೧೫೦॥

ಸರ್ವತ್ರ ಜಯಮಾಪ್ನೋತಿ ವೀರಾಣಾಂ ವಲ್ಲಭೋ ಲಭೇತ್ ।
ಸರ್ವೇ ದೇವಾ ವಶಂ ಯಾನ್ತಿ ವಶೀಭೂತಾಶ್ಚ ಮಾನವಾಃ ॥ ೧೫೧॥

ಬ್ರಹ್ಮಾಣ್ಡೇ ಯೇ ಚ ಶಂಸನ್ತಿ ತೇ ತುಷ್ಟಾ ನಾತ್ರ ಸಂಶಯಃ ।
ಯೇ ವಶನ್ತಿ ಚ ಭೂರ್ಲೋಕೇ ದೇವತುಲ್ಯಪರಾಕ್ರಮಾಃ ॥ ೧೫೨॥

ತೇ ಸರ್ವೇ ಭೃತ್ಯತುಲ್ಯಾಶ್ಚ ಸತ್ಯಂ ಸತ್ಯಂ ಕುಲೇಶ್ವರ ।
ಅಕಸ್ಮಾತ್ ಸಿದ್ಧಿಮಾಪ್ನೋತಿ ಹೋಮೇನ ಯಜನೇನ ಚ ॥ ೧೫೩॥

ಜಾಪ್ಯೇನ ಕವಚಾದ್ಯೇನ ಮಹಾಸ್ತೋತ್ರಾರ್ಥಪಾಠತಃ ।
ವಿನಾ ಯಜ್ಞೈವೀನಾ ದಾನೈವೀನಾ ಜಾಪ್ಯೈರ್ಲಭೇತ್ ಫಲಮ್ ॥ ೧೫೪॥

ಯಃ ಪಠೇತ್ ಸ್ತೋತ್ರಕಂ ನಾಮ ಚಾಷ್ಟೋತ್ತರಸಹಸ್ರಕಮ್ ।
ತಸ್ಯ ಶಾನ್ತಿರ್ಭವೇತ್ ಕ್ಷಿಪ್ರಂ ಕನ್ಯಾಸ್ತೋತ್ರಂ ಪಠೇತ್ತತಃ ॥ ೧೫೫॥

ವಾರತ್ರಯಂ ಪ್ರಪಾಠೇನ ರಾಜಾನಂ ವಶಮಾನಯೇತ್ ।
ವಾರೈಕಪಠಿತೋ ಮನ್ತ್ರೀ ಧರ್ಮಾರ್ಥಕಾಮಮೋಕ್ಷಭಾಕ್ ॥ ೧೫೬॥

ತ್ರಿದಿನಂ ಪ್ರಪಠೇದ್ವಿದ್ವಾನ್ ಯದಿ ಪುತ್ರಂ ಸಮಿಚ್ಛತಿ ।
ವಾರತ್ರಯಕ್ರಮೇಣೈವ ವಾರೈಕಕ್ರಮತೋಽಪಿ ವಾ ॥ ೧೫೭॥

ಪಠಿತ್ತ್ವಾ ಧನರತ್ನಾನಾಮಧಿಪಃ ಸರ್ವವಿತ್ತಗಃ ।
ತ್ರಿಜಗನ್ಮೋಹಯೇನ್ಮನ್ತ್ರೀ ವತ್ಸರಾರ್ದ್ಧಂ ಪ್ರಪಾಠತಃ ॥ ೧೫೮॥

ವತ್ಸರಂ ವಾಪ್ಯ ಯದಿ ವಾ ಭಕ್ತಿಭಾವೇನ ಯಃ ಪಠೇತ್ ।
ಚಿರಜೀವೀ ಖೇಚರತ್ತ್ವಂ ಪ್ರಾಪ್ಯ ಯೋಗೀ ಭವೇನ್ನರಃ ॥ ೧೫೯॥

ಮಹಾದೂರಸ್ಥಿತಂ ವರ್ಣಂ ಪಶ್ಯತಿ ಸ್ಥಿರಮಾನಸಃ ।
ಮಹಿಲಾಮಣ್ಡಲೇ ಸ್ಥಿತ್ತ್ವಾ ಶಕ್ತಿಯುಕ್ತಃ ಪಠೇತ್ ಸುಧೀಃ ॥ ೧೬೦॥

ಸ ಭವೇತ್ಸಾಧಕಶ್ರೇಷ್ಠಃ ಕ್ಷೀರೀ ಕಲ್ಪದ್ರುಮೋ ಭವೇತ್ ।
ಸರ್ವದಾ ಯಃ ಪಠೇನ್ನಾಥ ಭಾವೋದ್ಗತಕಲೇವರಃ ॥ ೧೬೧॥

ದರ್ಶನಾತ್ ಸ್ತಮ್ಭನಂ ಕರ್ತ್ತುಂ ಕ್ಷಮೋ ಭವತಿ ಸಾಧಕಃ ।
ಜಲಾದಿಸ್ತಮ್ಭನೇ ಶಕ್ತೋ ವಹ್ನಿಸ್ತಮ್ಭಾದಿಸಿದ್ಧಿಭಾಕ್ ॥ ೧೬೨॥

ವಾಯುವೇಗೀ ಮಹಾವಾಗ್ಮೀ ವೇದಜ್ಞೋ ಭವತಿ ಧ್ರುವಮ್ ।
ಕವಿನಾಥೋ ಮಹಾವಿದ್ಯೋ ವನ್ಧಕಃ ಪಣ್ಡಿತೋ ಭವೇತ್ ॥ ೧೬೩॥

ಸರ್ವದೇಶಾಧಿಪೋ ಭೂತ್ತ್ವಾ ದೇವೀಪುತ್ರಃ ಸ್ವಯಂ ಭವೇತ್ ।
ಕಾನ್ತಿಂ ಶ್ರಿಯಂ ಯಶೋ ವೃದ್ಧಿಂ ಪ್ರಾಪ್ನೋತಿ ಬಲವಾನ್ ಯತಿಃ ॥ ೧೬೪॥

ಅಷ್ಟಸಿದ್ಧಿಯುತೋ ನಾಥ ಯಃ ಪಠೇದರ್ಥಸಿದ್ಧಯೇ ।
ಉಜ್ಜಟೇಽರಣ್ಯಮಧ್ಯೇ ಚ ಪರ್ವತೇ ಘೋರಕಾನನೇ ॥ ೧೬೫॥

ವನೇ ವಾ ಪ್ರೇತಭೂಮೌ ಚ ಶವೋಪರಿ ಮಹಾರಣೇ ।
ಗ್ರಾಮೇ ಭಗ್ನಗೃಹೇ ವಾಪಿ ಶೂನ್ಯಾಗಾರೇ ನದೀತಟೇ ॥ ೧೬೬॥

ಗಙ್ಗಾಗರ್ಭೇ ಮಹಾಪೀಠೇ ಯೋನಿಪೀಠೇ ಗುರೋರ್ಗೃಹೇ ।
ಧಾನ್ಯಕ್ಷೇತ್ರೇ ದೇವಗೃಹೇ ಕನ್ಯಾಗಾರೇ ಕುಲಾಲಯೇ ॥ ೧೬೭॥

ಪ್ರಾನ್ತರೇ ಗೋಷ್ಠಮಧ್ಯೇ ವಾ ರಾಜಾದಿಭಯಹೀನಕೇ ।
ನಿರ್ಭಯಾದಿಸ್ವದೇಶೇಷು ಶಿಲಿಙ್ಗಾಲಯೇಽಥವಾ ॥ ೧೬೮॥

ಭೂತಗರ್ತ್ತೇ ಚೈಕಲಿಙ್ಗೈ ವಾ ಶೂನ್ಯದೇಶೇ ನಿರಾಕುಲೇ ।
ಅಶ್ವತ್ಥಮೂಲೇ ಬಿಲ್ವೇ ವಾ ಕುಲವೃಕ್ಷಸಮೀಪಗೇ ॥ ೧೬೯॥

ಅನ್ಯೇಷು ಸಿದ್ಧದೇಶೇಷು ಕುಲರೂಪಾಶ್ಚ ಸಾಧಕಃ ।
ದಿವ್ಯೇ ವಾ ವೀರಭಾವಸ್ಥೋ ಯಷ್ಟ್ವಾ ಕನ್ಯಾಂ ಕುಲಾಕುಲೈ ॥ ೧೭೦॥

ಕುಲದ್ರವ್ಯೈಶ್ಚ ವಿವಿಧೈಃ ಸಿದ್ಧಿದ್ರವ್ಯೈಶ್ಚ ಸಾಧಕಃ ।
ಮಾಂಸಾಸವೇನ ಜುಹುಯಾನ್ಮುಕ್ತೇನ ರಸೇನ ಚ ॥ ೧೭೧॥

ಹುತಶೇಷಂ ಕುಲದ್ರವ್ಯಂ ತಾಭ್ಯೋ ದದ್ಯಾತ್ ಸುಸಿದ್ಧಯೇ ।
ತಾಸಾಮುಚ್ಛಿಷ್ಟಮಾನೀಯ ಜುಹುಯಾದ್ ರಕ್ತಪಙ್ಕಜೇ ॥ ೧೭೨॥

ಘೃಣಾಲಜ್ಜಾವಿನಿರ್ಮುಕ್ತಃ ಸಾಧಕಃ ಸ್ಥಿರಮಾನಸಃ ।
ಪಿಬೇನ್ಮಾಂಸರಸಂ ಮನ್ತ್ರೀ ಸದಾನನ್ದೋ ಮಹಾಬಲೀ ॥ ೧೭೩॥

ಮಹಾಮಾಂಸಾಷ್ಟಕಂ ತಾಭ್ಯೋ ಮದಿರಾಕುಮ್ಭಪೂರಿತಮ್ ।
ತಾರೋ ಮಾಯಾ ರಮಾವಹ್ನಿಜಾಯಾಮನ್ತ್ರಂ ಪಠೇತ್ ಸುಧೀಃ ॥ ೧೭೪॥

ನಿವೇದ್ಯ ವಿಧಿನಾನೇನ ಪಠಿತ್ತ್ವಾ ಸ್ತೋತ್ರಮಙ್ಗಲಮ್ ।
ಸ್ವಯಂ ಪ್ರಸಾದಂ ಭುಕ್ತ್ವಾ ಹಿ ಸರ್ವವಿದ್ಯಾಧಿಪೋ ಭವೇತ್ ॥ ೧೭೫॥

ಶೂಕರಸ್ಯೋಷ್ಟ್ರ್ಮಾಂಸೇನ ಪೀನಮೀನೇನ ಮುದ್ರಯಾ ।
ಮಹಾಸವಘಟೇನಾಪಿ ದತ್ತ್ವಾ ಪಠತಿ ಯೋ ನರಃ ॥ ೧೭೬॥

ಧ್ರುವಂ ಸ ಸರ್ವಗಾಮೀ ಸ್ಯಾದ್ ವಿನಾ ಹೋಮೇನ ಪೂಜಯಾ ।
ರುದ್ರರೂಪೋ ಭವೇನ್ನಿತ್ಯಂ ಮಹಾಕಾಲಾತ್ಮಕೋ ಭವೇತ್ ॥ ೧೭೭॥

ಸರ್ವಪುಣ್ಯಫಲಂ ನಾಥ ಕ್ಷಣಾತ್ ಪ್ರಾಪ್ನೋತಿ ಸಾಧಕಃ ।
ಕ್ಷೀರಾಬ್ಧಿರತ್ನಕೋಷೇಶೋ ವಿಯದ್ವ್ಯಾಪೀ ಚ ಯೋಗಿರಾಟ್ ॥ ೧೭೮॥

ಭಕ್ತ್ಯಾಹ್ಲಾದಂ ದಯಾಸಿನ್ಧುಂ ನಿಷ್ಕಾಮತ್ತ್ವಂ ಲಭೇದ್ ಧ್ರುವಮ್ ।
ಮಹಾಶತ್ರುಪಾತನೇ ಚ ಮಹಾಶತ್ರುಭಯಾದ್ದೀತೇ ॥ ೧೭೯॥

ವಾರೈಕಪಾಠಮಾತ್ರೇಣ ಶತ್ರೂಣಾಂ ವಧಮಾನಯೇತ್ ।
ಸಮರ್ದಯೇತ್ ಶತ್ರೂನ್ ಕ್ಷಿಪ್ರಮನ್ಧಕಾರಂ ಯಥಾ ರವಿಃ ॥ ೧೮೦॥

ಉಚ್ಚಾಟನೇ ಮಾರಣೇ ಚ ಭಯೇ ಘೋರತರೇ ರಿಪೌ ।
ಪಠನಾದ್ಧಾರಣಾನ್ಮರ್ತ್ತ್ಯೋ ದೇವಾ ವಾ ರಾಕ್ಷಸಾದಯಃ ॥ ೧೮೧॥

ಪ್ರಾಪ್ನುವನ್ತಿ ಝಟಿತ್ ಶಾನ್ತಿಂ ಕುಮಾರೀನಾಮಪಾಠತಃ ।
ಪುರುಷೋ ದಕ್ಷಿಣೇ ಬಾಹೌ ನಾರೀ ವಾಮಕರೇ ತಥಾ ॥ ೧೮೨॥

ಧೃತ್ವಾ ಪುತ್ರಾದಿಸಮ್ಪತ್ತಿಂ ಲಭತೇ ನಾತ್ರ ಸಂಶಯಃ ॥ ೧೮೩॥

ಮಮಾಜ್ಞಯಾ ಮೋಕ್ಷಮುಪೈತಿ ಸಾಧಕೋ
ಗಜಾನ್ತಕಂ ನಾಥ ಸಹಸ್ರನಾಮ ಚ ।
ಪಠೇನ್ಮನುಷ್ಯೋ ಯಹಿ ಭಕ್ತಿಭಾವತ-
ಸ್ತದಾ ಹಿ ಸರ್ವತ್ರ ಫಲೋದಯಂ ಲಭೇತ್ ಚ ॥ ೧೮೪॥

ಮೋಕ್ಷಂ ಸತ್ಫಲಭೋಗಿನಾಂ ಸ್ತವವರಂ ಸಾರಂ ಪರಾನನ್ದದಂ
ಯೇ ನಿತ್ಯಂ ಹಿ ಮುದಾ ಪಠನ್ತಿ ವಿಫಲಂ ಸಾರ್ಥಞ್ಚ ಚಿನ್ತಾಕುಲಾಃ
ತೇ ನಿತ್ಯಾಃ ಪ್ರಭವನ್ತಿ ಕೀತೀಕಮಲೇ ಶ್ರೀರಾಮತುಲ್ಯೋ ಜಯೇ
ಕನ್ದರ್ಪಾಯುತತುಲ್ಯರೂಪಗುಣಿನಃ ಕ್ರೋಧೇ ಚ ರುದ್ರೋಪಮಾಃ ॥ ೧೮೫॥

॥ ಇತಿ ಶ್ರೀರುದ್ರಯಾಮಲೇ ಉತ್ತರತನ್ತ್ರೇ ಮಹಾತನ್ತ್ರೋದ್ದೀಪನೇ

ಕುಮಾರ್ಯುಪಚರ್ಯಾವಿನ್ಯಾಸೇ
ಸಿದ್ಧಮನ್ತ್ರ-ಪ್ರಕರಣೇ ದಿವ್ಯಭಾವನಿರ್ಣಯೇ
ಅಷ್ಟೋತ್ತರಸಹಸ್ರನಾಮಮಙ್ಗಲೋಲ್ಲಾಸೇ
ದಶಮಪಟಲೇ ಶ್ರೀಕುಮಾರೀಸಹಸ್ರನಾಮಸ್ತೋತ್ರಮ್ ಸಮ್ಪೂರ್ಣಮ್ ॥


From Digital Library at http://muktalib5.org
Proofread byDPD

Please send corrections to sanskrit@cheerful.com
Last updated ತ್oday
http://sanskritdocuments.org

Kumari Sahasranama Stotram Lyrics in Kannada PDF
% File name : shrIkumArIsahasranAmastotram.itx
% Category : sahasranAma
% Location : doc\_devii
% Language : Sanskrit
% Subject : philosophy/hinduism/religion
% Transliterated by : http://muktalib5.org
% Proofread by : http://muktalib5.org,DPD
% Description-comments : shrIrudrayAmale uttaratantre siddhamantra-prakaraNe divyabhAvanirNaye dashamaH paTalaH
% Latest update : March 29, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website