% Text title            : chaNDiikavacham
% File name             : chaNDiikavacham.itx
% Category              : kavacha
% Location              : doc\_devii
% Author                : Traditional
% Language              : Sanskrit
% Subject               : philosophy/hinduism/religion
% Transliterated by     : Ravin Bhalekar ravibhalekar at hotmail.com
% Proofread by          : Ravin Bhalekar ravibhalekar at hotmail.com
% Description-comments  : vArAhapurANe
% Latest update         : May, 15, 2006
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. chaNDIkavacham ..}##
\itxtitle{.. chaNDIkavacham ..}##\endtitles ##
\section{.. chaNDIkavacham ..}

shrIgaNeshAya namaH |
asya shrIchaNDIkavachasya brahmA R^iShiH \, anuShTup ChandaH \,
chAmuNDA devatA \, a~NganyAsoktamAtaro bIjam \,
digbandhadevatAstatvam \, shrIjagadambAprItyarthe jape viniyogaH |
OM namashchaNDikAyai |
OMmArkaNDeya uvAcha |
OMyadguhyaM paramaM loke sarvarakShAkaraM nR^iNAm |
yanna kasyachidAkhyAtaM tanme brUhi pitAmaha || 1||
brahmovAcha |
asti guhyatamaM vipra sarvabhUtopakArakam |
devyAstu kavachaM puNyaM tachChR^iNuShva mahAmune || 2||
prathamaM shailaputrIti dvitIyaM brahmachAriNI |
tR^itIyaM chandraghaNTeti kUShmANDeti chaturthakam || 3||
pa~nchamaM skandamAteti ShaShThaM kAtyAyanIti cha |
saptamaM kAlarAtrishcha mahAgaurIti chAShTamam || 4||
navamaM siddhidAtrI cha navadurgAH prakIrtitAH |
uktAnyetAni nAmAni brahmaNaiva mahAtmanA || 5||
agninA dahyamAnastu shatrumadhye gato raNe |
viShame durge chaiva bhayArtAH sharaNaM gatAH || 6||
na teShAM jAyate ki~nchidashubhaM raNasa~NkaTe |
nApadaM tasya pashyAmi shokaduHkhabhayaM nahi || 7||
yaistu bhaktyA smR^itA nUnaM teShAM siddhiH prajAyate |
pretasa.nsthA tu chAmuNDA vArAhI mahiShAsanA || 8||
aindrI gajasamAruDhA vaiShNavI garuDAsanA |
mAheshvarI vR^iShAruDhA kaumArI shikhivAhanA || 9||
brAhmI ha.nsasamAruDhA sarvAbharaNabhUShitA |
nAnAbharaNashobhADhyA nAnAratnopashobhitA || 10||
dR^ishyante rathamAruDhA devyaH krodhasamAkulAH |
sha~NkhaM chakraM gadAM shaktiM halaM cha musalAyudham || 11||
kheTakaM tomaraM chaiva parashuM pAshameva cha |
kuntAyudhaM trishUlaM cha shAr~NgamAyudhamuttamam || 12||
daityAnAM dehanAshAya bhaktAnAmabhayAya cha |
dhArayantyAyudhAnItthaM devAnAM cha hitAya vai || 13||
mahAbale mahotsAhe mahAbhayavinAshinI |
trAhi mAM devi duShprekShye shatrUNAM bhayavardhini || 14||
prAchyAM rakShatu mAmaindrI AgneyAmagnidevatA |
dakShiNe.avatu vArAhI naiR^ityAM khaDgadhAriNI || 15||
pratIchyAM vAruNI rakShedvAyavyAM mR^igavAhinI |
udIchyAM rakSha kauberi IshAnyAM shUladhAriNI || 16||
UrdhvaM brahmANI me rakShedadhastAdvaiShNavI tathA |
evaM dasha disho rakShechchAmuNDA shavavAhanA || 17||
jayA me agrataH sthAtu vijayA sthAtu pR^iShThataH |
ajitA vAmapArshve tu dakShiNe chAparAjitA || 18||
shikhAM me dyotinI rakShedumA mUrdhni vyavasthitA |
mAlAdharI lalATe cha bhruvau rakShedyashasvinI || 19||
trinetrA cha bhruvormadhye yamaghaNTA cha nAsike |
sha~NkhinI chakShuShormadhye shrotrayordvAravAsinI || 20||
kapolau kAlikA rakShetkarNamUle tu shA~NkarI |
nAsikAyAM sugandhA cha uttaroShThe cha charchikA || 21||
adhare chAmR^itakalA jihvAyAM cha sarasvatI |
dantAn rakShatu kaumArI kaNThamadhye tu chaNDikA || 22||
ghaNTikAM chitraghaNTA cha mahAmAyA cha tAluke |
kAmAkShI chibukaM rakShedvAchaM me sarvama~NgalA || 23||
grIvAyAM bhadrakAlI cha pR^iShThava.nshe dhanurdharI |
nIlagrIvA bahiHkaNThe nalikAM nalakUbarI || 24||
khaDgadhAriNyubhau skandhau bAhU me vajradhAriNI |
hastayordaNDinI rakShedambikA chA~NgulIstathA || 25||
nakhA~nChUleshvarI rakShet kukShau rakShennaleshvarI |
stanau rakShenmahAlakShmIrmanaHshokavinAshinI || 26||
hR^idaye lalitAdevI udare shUladhAriNI |
nAbhau cha kAminI rakShedguhyaM guhyeshvarI tathA || 27||
kaTyAM bhagavatI rakShejjAnunI vindhyavAsinI |
bhUtanAthA cha meDhraM me UrU mahiShavAhinI || 28||
ja~Nghe mahAbalA proktA sarvakAmapradAyinI |
gulphayornArasi.nhI cha pAdau chAmitatejasI || 29||
pAdA~NgulIH shrIrme rakShetpAdAdhastalavAsinI |
nakhAnda.nShTrAkarAlI cha keshA.nshchaivordhvakeshinI || 30||
romakUpeShu kauberI tvachaM vAgIshvarI tathA |
raktamajjAvamA.nsAnyasthimedA.nsI pArvatI || 31||
antrANi kAlarAtrishcha pittaM cha mukuTeshvarI |
padmAvatI padmakoshe kaphe chuDAmaNistathA || 32||
jvAlAmukhI nakhajvAlA abhedyA sarvasandhiShu |
shukraM brahmANI me rakShechChAyAM ChatreshvarI tathA || 33||
aha~NkAraM mano buddhiM rakSha me dharmachAriNi |
prANApAnau tathA vyAnaM samAnodAnameva cha || 34||
yashaH kIrtiM cha lakShmIM cha sadA rakShatu vaiShNavI |
gotramindrANI me rakShetpashUnme rakSha chaNDike || 35||
putrAn rakShenmahAlakShmIrbhAryAM rakShatu bhairavI |
mArgaM kShemakarI rakShedvijayA sarvataH sthitA || 36||
rakShAhInaM tu yatsthAnaM varjitaM kavachena tu |
tatsarvaM rakSha me devi jayantI pApanAshinI || 37||
padamekaM na gachChettu yadIchChechChubhamAtmanaH |
kavachenAvR^ito nityaM yatra yatrAdhigachChati || 38||
tatra tatrArtha lAbhashcha vijayaH sArvakAmikaH |
yaM yaM kAmayate kAmaM taM taM prApnoti nishchitam || 39||
paramaishvaryamatulaM prApsyate bhUtale pumAn |
nirbhayo jAyate martyaH sa~NgrAmeShva parAjitaH || 40||
trailokye tu bhavetpUjyaH kavachenAvR^itaH pumAn |
idaM tu devyAH kavachaM devAnAmapi durlabham || 41||
yaH paThetprayato nityaM trisandhyaM shraddhayAnvitaH |
daivI kalA bhavettasya trailokeShva parAjitaH || 42||
jIvedvarShashataM sAgramapamR^ityu vivarjitaH |
nashyanti vyAdhayaH sarve lUtAvisphoTakAdayaH || 43||
sthAvaraM ja~NgamaM vApi kR^itrimaM chApi yadviSham |
abhichArANi sarvANi mantrayantrANi bhUtale || 44||
bhUcharAH khecharAshchaiva jalajAshchopadeshikAH |
sahajAH kulajA mAlAH shAkinI DAkinI tathA || 45||
antarikShacharA ghorA DAkinyashcha mahAbalAH |
grahabhUtapishAchAshcha yakShagandharvarAkShasAH || 46||
brahmarAkShasavetAlAH kUShmANDA bhairavAdayaH |
nashyanti darshanAttasya kavache hR^idi sa.nsthite || 47||
mAnonnatirbhavedrAj~nastejovR^iddhikaraM param |
yashasA vardhate so.api kIrtimaNDitabhUtale || 48||
japetsaptashatIM chaNDIM kR^itvA tu kavachaM purA |
yAvadbhUmaNDalaM dhatte sashailavanakAnanam || 49||
tAvattiShThati medinyAM santatiH putrapautrakI |
dehAnte paramaM sthAnaM yatsurairapi durlabham || 50||
prApnoti puruSho nityaM mahAmAyAprasAdataH || 51||
|| iti shrIvArAhapurANe hariharabrahmavirachitaM devyAH kavachaM sampUrNam ||

##
Encoded and Proofread by Ravin Bhalekar ravibhalekar@hotmail.com
\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}