{॥ দুর্গা দকারাদিসহস্রনামস্তোত্রম্ ॥}
শ্রীগণেশায নমঃ ।
শ্রীদেব্যুবাচ ।
মম নামসহস্রং চ শিবপূর্ববিনির্মিতম্ ।
তত্পঠ্যতাং বিধানেন তদা সর্বং ভবিষ্যতি ॥ ১॥

ইত্যুক্ত্বা পার্বতী দেবী শ্রাবযামাস তচ্চতান্ ।
তদেব নাম সাহস্রং দকারাদি বরাননে ॥ ২॥

রোগদারিদ্র্য দৌর্ভাগ্যশোকদুঃখবিনাশকম্ ।
সর্বাসাং পূজিতং নাম শ্রীদুর্গাদেবতা মতা ॥

নিজবীজং ভবেদ্ বীজং মন্ত্রং কীলকমুচ্যতে ।
সর্বাশাপূরণে দেবি বিনিযোগঃ প্রকীর্ত্তিতঃ ॥ ৪॥

ॐ অস্য শ্রীদকারাদিদুর্গাসহস্রনামস্তোত্রস্য ,
শিব ঋষিঃ , অনুষ্টুপ্ ছন্দঃ ,
শ্রীদুর্গাদেবতা ,দুঁ বীজং , দুঁ কীলকং ,
দুঃখ-দারিদ্র্য-রোগ-শোক-নিবৃত্তিপূর্বকং-
চতুর্বর্গফলপ্রাপ্ত্যর্থে পাঠে বিনিযোগঃ ।
দুঁ দুর্গা দুর্গতিহরা দুর্গাচলনিবাসিনী ॥ ৫॥

দুর্গমার্গপ্রবিষ্ঠা চ দুর্গমার্গপ্রবেশিনী ।
দুর্গমার্গকৃতাবাসা দুর্গমার্গজযপ্রিযা ॥ ৬॥

দুর্গমার্গগৃহীতার্চা দুর্গমার্গস্থিতাত্মিকা ।
দুর্গমার্গস্তুতিপরা দুর্গমার্গস্মৃতিপরা ॥ ৭॥

দুর্গমার্গসদাস্থালি দুর্গমার্গরতিপ্রিযা ।
দুর্গমার্গস্থলস্থানা দুর্গমার্গবিলাসিনী ॥ ৮॥

দুর্গমার্গত্যক্তবস্ত্রা দুর্গমার্গপ্রবর্ত্তিনী ।
দুর্গাসুরনিহন্ত্রী চ দুগাসুরনিষূদিনী ॥ ৯॥

দুর্গাসুরহরাদূতী দুর্গাসুরবিনাশিনী ।
দুর্গাসুরবধোন্মত্তা দুর্গাসুরবধোত্সুকা ॥ ১০॥

দুর্গাসুরবধোত্সাহা দুর্গাসুরবধোদ্যতা ।
দুর্গাসুরবধপ্রেপ্সু দুর্গাসুরমখান্তকৃত্ ॥ ১১॥

দুর্গাসুরধ্বংস্সন্তোষা দুর্গদানবদারিণী ।
দুর্গবিদ্রাবণকরী, দুর্গবিদ্রাবিণী সদা ॥ ১২॥

দুর্গবিক্ষোভনকরী দুর্গশীর্ষনিকৃন্তনী ।
দুর্গবিধ্বংসনকরী দুর্গদৈত্যনিকৃন্তনী ॥ ১৩॥

দুর্গদৈত্যপ্রাণহরা দুর্গদৈত্যান্তকারিণী ।
দুর্গদৈত্যহরত্রাতা দুর্গদৈত্যসৃগুন্মদা ॥ ১৪॥

দুর্গদৈত্যাশনকরী দুর্গচর্মাম্বরাবৃতা ।
দুর্গযুদ্ধোত্সবকরী দুর্গযুদ্ধবিশারদা ॥ ১৫॥

দুর্গযুদ্ধাসবরতা দুর্গযুদ্ধবিমর্দ্দিনী ।
দুর্গযুদ্ধহাস্যরতা দুর্গযুদ্ধাট্টহাসিনী ॥ ১৬॥

দুর্গযুদ্ধমহামত্তা দুর্গযুদ্ধানুসারিণী ।
দুর্গযুদ্ধোত্সবোত্সাহা দুর্গদেশনিষেবিণী ॥ ১৭॥

দুর্গদেশবাসরতা দুর্গদেশবিলাসিনী ।
দুর্গদেশার্চ্চনরতা দুর্গদেশজনপ্রিযা ॥ ১৮॥

দুর্গমস্থানসংস্থানা দুর্গমধ্যানসাধনা ।
দুর্গমা দুর্গমধ্যানা দুর্গমাত্মস্বরূপিণী ॥ ১৯॥

দুর্গমাগমসন্ধানা দুর্গমাগমসংস্তুতা ।
দুর্গমাগমদুর্জ্ঞেযা দুর্গমশ্রুতিসম্মতা ॥ ২০॥

দুর্গমশ্রুতিমান্যাচ দুর্গমশ্রুতিপূজিতা ।
দুর্গমশ্রুতিসুপ্রীতা দুর্গমশ্রুতিহর্ষদা ॥ ২১॥

দুর্গমশ্রুতিসংস্থানা দুর্গমশ্রুতিমানিতা ।
দুর্গমাচারসন্তুষ্টা দুর্গমাচারতোষিতা ॥ ২২॥

দুর্গমাচারনির্বৃত্তা দুর্গমাচারপূজিতা ।
দুর্গমাচারকসিতা দুর্গমস্থানদাযিনী ॥ ২৩॥

দুর্গমপ্রেমনিরতা দুর্গমদ্রবিণপ্রদা ।
দুর্গমাম্বুজমধ্যস্থা দুর্গমাম্বুজবাসিনী ॥ ২৪॥

দুর্গনাডীমার্গগতী দুর্গনাডীপ্রচারিণী ।
দুর্গনাডীপদ্মরতা দুর্গনাড্যম্বুজস্থিতা ॥ ২৫॥

দুর্গনাডীগতাযাতা দুর্গনাডিকৃতাস্পদা ।
দুর্গনাডীরতরতা দুর্গনাডীশসংস্তুতা ॥ ২৬॥

দুর্গনাডীশ্চররতা দুর্গনাডীশচুম্বিতা ।
দুর্গনাডীশক্রোডস্থা দুর্গনাড্যুত্থিতোত্সুকা ॥ ২৭॥

দুর্গনাড্যারোহণা চ দুর্গনাডীনিষেবিতা ।
দরীস্থানা দরীস্থানবাসিনী দনুজান্তকৃত্ ॥ ২৮॥

দরীকৃততপস্যা চ দরীকৃতহরার্চ্চনা ।
দরীজাপিতদিষ্টা চ দরীকৃতরতিক্রিযা ॥ ২৯॥

দরীকৃতহরার্হা চ দরীক্রীডিতপুত্রিকা ।
দরীসন্দর্শনরতা দরীরোপিতবৃশ্চিকা ॥ ৩০॥

দরীগুপ্তিকৌতুকাঢ্যা দরীভ্রমণতত্পরা ।
দনুজান্তকরী দীনা দনুজসন্তানদারিণী ॥ ৩১॥

দনুজধ্বংসিনী দূনা দনুজেন্দ্রবিনাশিনী ।
দানবধ্বংসিনীদেবী দানবানাং ভযঙ্করী ॥ ৩২॥

দানবী দানবারাধ্যা দানবেন্দ্রবরপ্রদা ।
দানবেন্দ্রনিহন্ত্রী দানবদ্বেষিণী সতী ॥ ৩৩॥

দানবারিপ্রেমরতা দানবারিপ্রপূজিতা ।
দানবারিকৃতার্চ্চা চ দানবারিবিভূতিদা ॥ ৩৪॥

দানবারিমহানন্দা দানবারিরতিপ্রিযা ।
দানবারিদানরতা দানবারিকৃতাস্পদা ॥ ৩৫॥

দানবারিস্তুতিরতা দানবারিস্মৃতিপ্রিযা ।
দানবার্যাহাররতা দানবারিপ্রবোধিনী ॥ ৩৬॥

দানবারিধৃতপ্রেমা দুঃখশোকবিমোচিনী ।
দুঃখহন্ত্রী দুঃখদাত্রী দুঃখনির্মূলকারিণী ॥ ৩৭॥

দুঃখনির্ম্মূলনকরী দুঃখদারিদ্র্যনাশিনী ।
দুঃখহরা দুঃখনাশা দুঃখগ্রামা দুরাসদা ॥ ৩৮॥

দুঃখহীনা দুঃখধারা দ্রবিণাচারদাযিনী ।
দ্রবিণোত্সর্গসন্তুষ্টা দ্রবিণত্যাগতোষিকা ॥ ৩৯॥

দ্রবিণস্পর্শসন্তুষ্টা দ্রবিণস্পর্শমানদা ।
দ্রবিণস্পর্শহর্ষাঢ্যা দ্রবিণস্পর্শতুষ্টিদা ॥ ৪০॥

দ্রবিণস্পর্শনকরী দ্রবিণস্পর্শনাতুরা ।
দ্রবিণস্পর্শনোত্সাহা দ্রবিণস্পর্শসাধিতা ॥ ৪১॥

দ্রবিণস্পর্শনমতা দ্রবিণস্পর্শপুত্রিকা ।
দ্রবিণস্পর্শরক্ষিণী দ্রবিণস্তোমদাযিনী ॥ ৪২॥

দ্রবিণাকর্ষণকরী দ্রবিণৌঘবিসর্জনী ।
দ্রবিণচলদানাঢ্যা দ্রবিণাচলবাসিনী ॥ ৪৩॥

দীনমাতা দীনবন্ধু দীনবিঘ্নবিনাশিনী ।
দীনসেব্যা দীনসিদ্ধা দীনসাদ্ধ্যা দিগম্বরী ॥ ৪৪॥

দীনগেহকৃতানন্দা দীনগেহবিলাসিনী ।
দীনভাবপ্রেমরতা দীনভাববিনোদিনী ॥ ৪৫॥

দীনমানবচেতঃস্থা দীনমানবহর্ষদা ।
দীনদৈন্যনিঘাতেচ্ছু দীনদ্রবিণদাযিনী ॥ ৪৬॥

দীনসাধনসন্তুষ্টা দীনদর্শনদাযিনী ।
দীনপুত্রাদিদাত্রি চ দীনসম্পদ্বিধাযিনী ॥ ৪৭॥

দত্তাত্রেযধ্যানরতা দত্তাত্রেযপ্রপূজিতা ।
দত্তাত্রেযর্ষিসংসিদ্ধা দত্তাত্রেযবিভাবিতা ॥ ৪৮॥

দত্তাত্রেযকৃতার্হা চ দত্তাত্রেযপ্রসাধিতা ।
দত্তাত্রেযহর্ষদাত্রী দত্তাত্রেযসুখপ্রদা ॥ ৪৯॥

দত্তাত্রেযস্তুতা চৈব দত্তাত্রেযনুতাসদা ।
দত্তাত্রেযপ্রেমরতা দত্তাত্রেযানুমানিতা ॥ ৫০॥

দত্তাত্রেযসমুদ্গীতা দত্তাত্রেযকুটুম্বিনী ।
দত্তাত্রেযপ্রাণতুল্যা দত্তাত্রেযশরীরিণী ॥ ৫১॥

দত্তাত্রেযকৃতানন্দা দত্তাত্রেযাংশসম্ভবা ।
দত্তাত্রেযবিভূতিস্থা দত্তাত্রেযনুসারিণী ॥ ৫২॥

দত্তাত্রেযগীতিরতা দত্তাত্রেযধনপ্রদা ।
দত্তাত্রেযদুঃখহরা দত্তাত্রেযবরপ্রদা ॥ ৫৩॥

দত্তাত্রেযজ্ঞানদাত্রী দত্তাত্রেযভযাপহা ।
দেবকন্যা দেবমান্যা দেবদুঃখবিনাশিনী ॥ ৫৪॥

দেবসিদ্ধা দেবপূজ্যা দেবেজ্যা দেববন্দিতা ।
দেবমান্যা দেবধন্যা দেববিঘ্নবিনাশিনী ॥ ৫৫॥

দেবরম্যা দেবরতা দেবকৌতুকতত্পরা ।
দেবক্রীডা দেবব্রীডা দেববৈরিবিনাশিনী ॥ ৫৬॥

দেবকামা দেবরামা দেবদ্বিষ্টবিনাশিনী ।
দেবদেবপ্রিযা দেবী দেবদানববন্দিতা ॥ ৫৭॥

দেবদেবরতানন্দা দেবদেববরোত্সুকা ।
দেবদেবপ্রেমরতা দেবদেবপ্রিযংবদা ॥ ৫৮॥

দেবদেবপ্রাণতুল্যা দেবদেবনিতম্বিনী ।
দেবদেবহৃতমনা দেবদেবসুখাবহা ॥ ৫৯॥

দেবদেবক্রোডরতা দেবদেবসুখপ্রদা ।
দেবদেবমহানন্দা দেবদেবপ্রচুম্বিতা ॥ ৬০॥

দেবদেবোপভুক্তাচ দেবদেবানুসেবিতা ।
দেবদেবগতপ্রাণা দেবদেবগতাত্মিকা ॥ ৬১॥

দেবদেবহর্ষদাত্রী দেবদেবসুখপ্রদা ।
দেবদেবমহানন্দা দেবদেববিলাসিনী ॥ ৬২॥

দেবদেবধর্মপত্নী দেবদেবমনোগতা ।
দেবদেববধূর্দেব দেবদেবার্চনপ্রিযা ॥ ৬৩॥

দেবদেবাঙ্গনিলযা দেবদেবাঙ্গশাযিনী ।
দেবদেবাঙ্গসুখিনী দেবদেবাঙ্গবাসিনী ॥ ৬৪॥

দেবদেবাঙ্গভূষা চ দেবদেবাঙ্গভূষণা ।
দেবদেবপ্রিযকরী দেবদেবাপ্রিযান্তকৃত্ ॥ ৬৫॥

দেবদেবপ্রিযপ্রাণা দেবদেবপ্রিযাত্মিকা ।
দেবদেবার্চকপ্রাণা দেবদেবার্চকপ্রিযা ॥ ৬৬॥

দেবদেবার্চকোত্সাহা দেবদেবার্চকপ্রিযা ।
দেবদেবার্চকাবিঘ্না দেবদেবপ্রসূরপি ॥ ৬৭॥

দেবদেবস্যজননী দেবদেববিধাযিনী ।
দেবদেবস্যরমণী দেবদেবহৃদাশ্রযা ॥ ৬৮॥

দেবদেবেষ্টদেবা চ দেবতাপসপাতিনী ।
দেবতাভাবসন্তুষ্টা দেবতাভাবতোষিতা ॥ ৬৯॥

দেবতাভাববরদা দেবতাভাবসিদ্ধিদা ।
দেবতাভাবসংসিদ্ধা দেবতাভাবসম্ভবা ॥ ৭০॥

দেবতাভাবসুখিনী দেবতাভাববন্দিতা ।
দেবতাভাবসুপ্রীতা দেবতাভাবহর্ষদা ॥ ৭১॥

দেবতাবিঘ্নহন্ত্রী চ দেবতাদ্বিষ্টনাশিনী ।
দেবতাপূজিতপদা দেবতাপ্রেমতোষিতা ॥ ৭২॥

দেবতাগারনিলযা দেবতাসৌখ্যদাযিনী ।
দেবতানিজভাবা চ দেবতাহৃতমানসা ॥ ৭৩॥

দেবতাকৃতপাদার্চা দেবতাহৃতভক্তিকা ।
দেবতাগর্বমধ্যস্থা দেবতাদেবতাদনুঃ ॥ ৭৪॥

দুঁদুর্গাযৈনমোনাম্নী দুঁ ফট্মন্ত্রস্বরূপিণী ।
দুঁ নমোমন্ত্ররূপা চ দুঁনমোমূর্ত্তিকাত্মিকা ॥ ৭৫॥

দূরদর্শীপ্রিযা দুষ্টাদুষ্টভূতনিষেবিতা ।
দূরদর্শীপ্রেমরতা দূরদর্শীপ্রিযংবদা ॥ ৭৬॥

দূরদর্শীসিদ্ধিদাত্রী দূরদর্শীপ্রতোষিতা ।
দূরদর্শীকণ্ঠসংস্থা দূরদর্শীপ্রহর্ষিতা ॥ ৭৭॥

দূরদর্শীগৃহীতার্চা দূরদর্শীপ্রতর্পিতা ।
দূরদর্শীপ্রাণতুল্যা দূরদর্শীসুখপ্রদা ॥ ৭৮॥

দূরদর্শীভ্রান্তিহরা দূরদর্শীহৃদাস্পদা ।
দূরদর্শ্যরিবিদ্ভাবা দীর্ঘদর্শিপ্রমোদিনী ॥ ৭৯॥

দীর্ঘদর্শীপ্রাণতুল্যা দীর্ঘদর্শীবরপ্রদা ।
দীর্ঘদর্শীহর্ষদাত্রি দীর্ঘদর্শীপ্রহর্ষিতা ॥ ৮০॥

দীর্ঘদর্শীমহানন্দা দীর্ঘদর্শীগৃহালযা ।
দীর্ঘদর্শীগৃহীতার্চা দীর্ঘদর্শীহৃতার্হণা ॥ ৮১॥

দযা দানবতী দাত্রী দযালুর্দীনবত্সলা ।
দযার্দ্রা চ দযাশীলা দযাঢ্যা চ দযাত্মিকা ॥ ৮২॥

দযাম্বুধির্দযাসারা দযাসাগরপারগা ।
দযাসিন্ধুর্দযাভারা দযাবত্করুণাকরী ॥ ৮৩॥

দযাবদ্বত্সলা দেবী দযাদানরতা সদা ।
দযাবত্ভক্তিসুখিনী দযাবত্পরিতোষিতা ॥ ৮৪॥

দযাবত্স্নেহনিরতা দযাবত্প্রতিপাদিকা ।
দযাবত্ত্রাণকর্ত্রী চ দযাবন্মুক্তিদাযিনী ॥ ৮৫॥

দযাবদ্ভাবসন্তুষ্টা দযাবত্পরিতোষিতা ।
দযাবত্তারণপরা দযাবত্ সিদ্ধিদাযিনী ॥ ৮৬॥

দযাবত্পুত্রবদ্ভাবা দযাবত্পুত্ররূপিণী ।
দযাবদ্দেহনিলযা দযাবন্ধু দযাশ্রযা ॥ ৮৭॥

দযালুবাত্সল্যকরী দযালুসিদ্ধিদাযিনী ।
দযালুশরণাসক্তা দযালুদেহমন্দিরা ॥ ৮৮॥

দযালুভক্তিভাবস্থা দযালুপ্রাণরূপিণী ।
দযালুসুখদাদম্ভা দযালুপ্রেমবর্ষিণী ॥ ৮৯॥

দযালুবশগা দীর্ঘা দীর্ঘাঙ্গী দীর্ঘলোচনা ।
দীর্ঘনেত্রা দীর্ঘচক্ষু দীর্ঘবাহু লতাত্মিকা ॥ ৯০॥

দীর্ঘকেশী দীর্ঘমুখী দীর্ঘঘোণা চ দারুণা ।
দারুণাসুরহন্ত্রী চ দারুণাসুরদারিণী ॥ ৯১॥

দারুণাহবকর্ত্রী চ দারুণাহবহর্ষিতা ।
দারুণাহবহোমাঢ্যা দারুণাচলনাশিনী ॥ ৯২॥

দারুণাচারনিরতা দারুণোত্সবহর্ষিতা ।
দারুণোদ্যতরূপা চ দারুণারীনিবারিণী ॥ ৯৩॥

দারুণেক্ষণসংযুক্তা দোশ্চতুষ্কবিরাজিতা ।
দশদোষ্কা দশভুজা দশবাহুবিরাজিতা ॥ ৯৪॥

দশাস্ত্রধারিণী দেবী দশদিক্খ্যাতবিক্রমা ।
দশরথার্চিতপদা দাশরথিপ্রিযা সদা ॥ ৯৫॥

দাশরথিপ্রেমতুষ্টা দাশরথিরতিপ্রিযা ।
দাশরথিপ্রিযকরী দাশরথিপ্রিযংবদা ॥ ৯৬॥

দাশরথীষ্টসন্দাত্রী দাশরথীষ্টদেবতা ।
দাশরথিদ্বেষিনাশা দাশরথ্যানুকূল্যদা ॥ ৯৭॥

দাশরথিপ্রিযতমা দাশরথিপ্রপূজিতা ।
দশাননারিসম্পূজ্যা দশাননারিদেবতা ॥ ৯৮॥

দশাননারিপ্রমদা দশাননারিজন্মভূঃ ।
দশাননারিরতিদা দশাননারিসেবিতা ॥ ৯৯॥

দশাননারিসুখদা দশাননারিবৈরিহৃত্ ।
দশাননারীষ্টদেবী দশগ্রীবারিবন্দিতা ॥ ১০০॥

দশগ্রীবারিজননী দশগ্রীবারিভাবিনী ।
দশগ্রীবারিসহিতা দশগ্রীবসভাজিতা ॥ ১০১॥

দশগ্রীবারিরমণী দশগ্রীববধূরপী ।
দশগ্রীবনাশকর্ত্রী দশগ্রীববরপ্রদা ॥ ১০২॥

দশগ্রীবপুরস্থা দশগ্রীববধোত্সুকা ।
দশগ্রীবপ্রীতিদাত্রী দশগ্রীববিনাশিনী ॥ ১০৩॥

দশগ্রীবহবকরী দশগ্রীবানপাযিনী ।
দশগ্রীবপ্রিযাবন্দ্যা দশগ্রীবাহৃতা তথা ॥ ১০৪॥

দশগ্রীবাহিতকরী দশগ্রীবেশ্বরপ্রিযা ।
দশগ্রীবেশ্বরপ্রাণা দশগ্রীববরপ্রদা ॥ ১০৫॥

দশগ্রীবেশ্বররতা দশবর্ষীযকন্যকা ।
দশবর্ষীযবালা চ দশবর্ষীযবাসিনী ॥ ১০৬॥

দশপাপহরা দম্যা দশহস্তবিভূষিতা ।
দশশস্ত্রলসদ্দোষ্কা দশদিক্পালবন্দিতা ॥ ১০৭॥

দশাবতাররূপা চ দশাবতাররূপিণী ।
দশবিদ্যাভিন্নদেবী দশপ্রাণস্বরূপিণী ॥ ১০৮॥

দশবিদ্যাস্বরূপা চ দশবিদ্যামযী তথা ।
দৃক্স্বরূপা দৃক্প্রদাত্রী দৃগ্রূপা দৃক্প্রকাশিনী ॥ ১০৯॥

দিগন্তরা দিগন্তরস্থা দিগম্বরবিলাসিনী ।
দিগম্বরসমাজস্থা দিগম্বরপ্রপূজিতা ॥ ১১০॥

দিগম্বরসহচরী দিগম্বরকৃতাস্পদা ।
দিগম্বরহৃতাচিত্তা দিগম্বরকথাপ্রিযা ॥ ১১১॥

দিগম্বরগুণরতা দিগম্বরস্বরূপিণী ।
দিগম্বরশিরোধার্যা দিগম্বরহৃতাশ্রযা ॥ ১১২॥

দিগম্বরপ্রেমরতা দিগম্বররতাতুরা ।
দিগম্বরীস্বরূপা চ দিগম্বরীগণার্চিতা ॥ ১১৩॥

দিগম্বরীগণপ্রাণা দিগম্বরীগণপ্রিযা ।
দিগম্বরীগণারাধ্যা দিগম্বরগণেশ্বরী ॥ ১১৪॥

দিগম্বরগণস্পর্শা মদিরাপানবিহ্বলা ।
দিগম্বরীকোটিবৃতা দিগম্বরীগণাবৃতা ॥ ১১৫॥

দুরন্তা দুষ্কৃতিহরা দুর্ধ্যেযা দুরতিক্রমা ।
দুরন্তদানবদ্বেষ্টী দুরন্তদনুজান্তকৃত্ ॥ ১১৬॥

দুরন্তপাপহন্ত্রী চ দস্রনিস্তারকারিণী ।
দস্রমানসসংস্থানা দস্রজ্ঞানবিবর্দ্ধিনী ॥ ১১৭॥

দস্রসম্ভোগজননী দস্রসম্ভোগদাযিনী ।
দস্রসম্ভোগভবনা দস্রবিদ্যাবিধাযিনী ॥ ১১৮॥

দস্রোদ্বেগহরা দস্রজননী দস্রসুন্দরী ।
দস্রভক্তবিধাজ্ঞানা দস্রদ্বিষ্টবিনাশিনী ॥ ১১৯॥

দস্রাপকারদমনী দস্রসিদ্ধিবিধাযিনী ।
দস্রতারারাধিতা চ দস্র মাতৃপ্রপূজিতা ॥ ১২০॥

দস্রদৈন্যহরা চৈব দস্রতাতনিষেবিতা ।
দস্রপিতৃশতজ্যোতি দস্রকৌশলদাযিনী ॥ ১২১॥

দশশীর্ষারিসহিতা দশশীর্ষারিকামিনী ।
দশশীর্ষপুরী দেবী দশশীর্ষসভাজিতা ॥ ১২২॥

দশশীর্ষারিসুপ্রীতা দশশীর্ষবধূপ্রিযা ।
দশশীর্ষশিরশ্ছেত্রী দশশীর্ষনিতম্বিনী ॥ ১২৩॥

দশশীর্ষহরপ্রাণা দশশীর্ষহরাত্মিকা ।
দশশীর্ষহরারাধ্যা দশশীর্ষারিবন্দিতা ॥ ১২৪॥

দশশীর্ষারিসুখদা দশশীর্ষকপালিনী ।
দশশীর্ষজ্ঞানদাত্রী দশশীর্ষারিদেহিতা ॥ ১২৫॥

দশশীর্ষবধোপাত্ত শ্রীরামচন্দ্ররূপতা ।
দশশীর্ষরাষ্ট্রদেবী দশশীর্ষারিসারিণী ॥ ১২৬॥

দশশীর্ষভ্রাতৃতুষ্টা দশশীর্ষবধূপ্রিযা ।
দশশীর্ষবধূপ্রাণা দশশীর্ষবধূরতা ॥ ১২৭॥

দৈত্যগুরুরতাসাধ্বী দৈত্যগুরুপ্রপূজিতা ।
দৈত্যগুরূপদেষ্টী চ দৈত্যগুরুনিষেবিতা ॥ ১২৮॥

দৈত্যগুরুগতপ্রাণা দৈত্যগুর্তাপনাশিনী ।
দুরন্তদুঃখশমনি দুরন্তদমনীতমী ॥ ১২৯॥

দুরন্তশোকশমনী দুরন্তরোগনাশিনী ।
দুরন্তবৈরিদমনী দুরন্তদৈত্যনাশিনী ॥ ১৩০॥

দুরন্তকলুষঘ্নী চ দুষ্কৃতিস্তোমনাশিনী ।
দুরাশযা দুরাধারা দুর্জ্জযা দুষ্টকামিনী ॥ ১৩১॥

দর্শনীযা চ দৃশ্যা চ অদৃশ্যাচ দৃষ্টিগোচরা ।
দূতীযাগপ্রিযা দূতী দূতীযাগকরপ্রিযা ॥ ১৩২॥

দূতীযাগকরানন্দা দূতীযাগসুখপ্রদা ।
দূতীযাগকরাযাতা দূতীযাগপ্রমোদিনী ॥ ১৩৩॥

দুর্বাসঃপূজিতা চৈব দুর্বাসোমুনিভাবিতা ।
দুর্বাসোঽর্চিতপাদা চ দুর্বাসোমুনিভাবিতা ॥ ১৩৪॥

দুর্বাসোমুনিবন্দ্যা চ দুর্বাসোমুনিদেবতা ।
দুর্বাসোমুনিমাতা চ দুর্বাসোমুনিসিদ্ধিদা ॥ ১৩৫॥

দুর্বাসোমুনিভাবস্থা দুর্বাসোমুনিসেবিতা ।
দুর্বাসোমুনিচিত্তস্থা দুর্বাসোমুনিমণ্ডিতা ॥ ১৩৬॥

দুর্বাসোমুনিসঞ্চারা দুর্বাসোহৃদযঙ্গমা ।
দুর্বাসোহৃদযারাধ্যা দুর্বাসোহৃত্সরোজগা ॥ ১৩৭॥

দুর্বাসস্তাপসারাধ্যা দুর্বাসস্তাপসাশ্রযা ।
দুর্বাসস্তাপসরতা দুর্বাসস্তাপসেশ্বরী ॥ ১৩৮॥

দুর্বাসোমুনিকন্যা চ দুর্বাসোত্ভূতসিদ্ধিদা ।
দররাত্রী দরহরা দরযুক্তা দরাপহা ॥ ১৩৯॥

দরঘ্নী দরহন্ত্রী চ দরযুক্তা দরাশ্রযা ॥ ১৪০॥

দরস্মেরা দরাপাঙ্গী দযাদাত্রী দযাশ্রমা ।
দস্রপূজ্যা দস্রমাতা দস্রদেবী দুরোন্মদা ॥ ১৪১॥

দস্রসিদ্ধা দস্রসংস্থা দস্রাতাপবিমোচিনী ।
দস্রক্ষোভহরা নিত্যা দস্রলোকগতাত্মিকা ॥ ১৪২॥

দৈত্যগুর্বঙ্গনাবন্দ্যা দৈত্যগুর্বঙ্গনাপ্রিযা ।
দৈত্যগুর্বঙ্গনাসিদ্ধা দৈত্যগুর্বঙ্গনোত্সুকা ॥ ১৪৩॥

দৈত্যগুরুপ্রিযতমা দৈত্যগুরুনিষেবিতা ।
দেবগুরুপ্রসূরূপা দেবগুরুকৃতার্হণা ॥ ১৪৪॥

দেবগুরুপ্রেমযুতা দেবগুর্বনুমানিতা ।
দেবগুরুপ্রভাবজ্ঞা দেবগুরুসুখপ্রদা ॥ ১৪৫॥

দেবগুরুজ্ঞানদাত্রী দেবগুরুপ্রমোদিনী ।
দৈত্যস্ত্রীগণসম্পূজ্যা দৈত্যস্ত্রীগণপ্রপূজিতা ॥ ১৪৬॥

দৈত্যস্ত্রীগণরূপা চ দৈত্যস্ত্রীচিত্তহারিণী ।
দেবস্ত্রীগণপূজ্যা চ দেবস্ত্রীগণবন্দিতা ॥ ১৪৭॥

দেবস্ত্রীগণচিত্তস্থা দেবস্ত্রীগণভূষিতা ।
দেবস্ত্রীগণসংসিদ্ধা দেবস্ত্রীগণতোষিতা ॥ ১৪৮॥

দেবস্ত্রীগণহস্তস্থ-চারুচামর-বীজিতা ।
দেবস্ত্রীগণহস্তস্থ-চারুগন্ধ-বিলেপিতা ॥ ১৪৯॥

দেবাঙ্গনাধৃতাদর্শ দৃষ্ট্যর্ত্থমুখচন্দ্রমা ।
দেবাঙ্গনোত্সৃষ্ট নাগবল্লীদল কৃতোত্সুকা ॥ ১৫০॥

দেবস্ত্রীগণহস্তস্থ দীপমালাবিলোকনা ।
দেবস্ত্রীগণহস্তস্থ ধূপঘ্রাণ বিনোদিনী ॥ ১৫১॥

দেবনারীকরগত বাসকাসবপাযিনী ।
দেবনারীকঙ্কতিকা কৃত্তকেশ নিমার্জনা ॥ ১৫২॥

দেবনারীরুষ্ট্যগাত্রা দেবনারি কৃতোত্সুকা ।
দেবনারীবিরচিতা পুষ্পমালা বিরাজিতা ॥ ১৫৩॥

দেবনারীবিচিত্রাঙ্গী দেবস্ত্রীদত্তভোজনা ।
দেবস্ত্রীগণগীতা চ দেবস্ত্রীগীতনোত্সুকা ॥ ১৫৪॥

দেবস্ত্রীনৃত্যসুখিনী দেবস্ত্রীনৃত্যপ্রদর্শিনী ।
দেবস্ত্রীযোজিতলসদ্রত্নপাদুপদাম্বুজা ॥ ১৫৫॥

দেবস্ত্রীগণবিস্তীর্ণ চারুতল্পনিষেদুষী ।
দেবনারীচারুকরা কলিতাঙ্ঘ্র্যাদিদেহিকা ॥ ১৫৬॥

দেবনারীকরব্যগ্র-তালবৃত্ত-মরুত্সুখা ।
দেবনারীবেণুবীণা-নাদসোত্কণ্ঠমানসা ॥ ১৫৭॥

দেবকোটিস্তুতিনুতা দেবকোটিকৃতার্হণা ।
দেবকোটিগীতগুণা দেবকোটিকৃতস্তুতিঃ ॥ ১৫৮॥

দন্তদৃষ্ট্যোদ্বেগফলা দেবকোলাহলাকুলা ।
দ্বেষরাগপরিত্যক্তা দেবস্ত্রী দ্বেষরাগবিবর্জিতা ॥ ১৫৯॥

দামপূজ্যা দামভূষা দামোদরবিলাসিনী ।
দামোদরপ্রেমরতা দামোদরভগিন্যপি ॥ ১৬০॥

দামোদর-প্রসূর্দামোদরপত্নী পতিব্রতা ।
দামোদরাভিন্নদেহা দামোদররতিপ্রিযা ॥ ১৬১॥

দামোদরাভিন্নতনুর্দামোদরকৃতাস্পদা ।
দামোদরকৃতপ্রাণা দামোদরগতাত্মিকা ॥ ১৬২॥

দামোদরকৌতুকাঢ্যা দামোদরকলাকলা ।
দামোদরালিঙ্গিতাঙ্গী দামোদরকুতূহলা ॥ ১৬৩॥

দামোদরকৃতাহ্লাদা দামোদরসুচুম্বিতা ।
দামোদরসুতাকৃষ্টা দামোদরসুখপ্রদা ॥ ১৬৪॥

দামোদরসহাঢ্যা চ দামোদরসহাযিনী ।
দামোদরগুণজ্ঞা চ দামোদরবরপ্রদা ॥ ১৬৫॥

দামোদরানুকূলা চ দামোদরনিতম্বিনী ।
দামোদরজলক্রীডা-কুশলাদর্শনপ্রিযা ॥ ১৬৬॥

দামোদরাবলক্রীডা-ত্যক্তস্বজনসৌহৃদা ।
দামোদরলসদ্রাস কেলীকৌতুকিনী তথা ॥ ১৬৭॥

দামোদরভ্রাতৃকা চ দামোদরপরাযণা ।
দামোদরধরা দামোদরবৈরি-বিনাশিনী ॥ ১৬৮॥

দামোদররোপজাযা চ দামোদরনিমন্ত্রিতা ।
দামোদরপরাভূতা দামোদরপরাজিতা ॥ ১৬৯॥

দামোদরসমাক্রান্তা দামোদরহতাশুভা ।
দামোদরোত্সবরতা দামোদরোত্সবাবহা ॥ ১৭০॥

দামোদরস্তন্যদাত্রী দামোদরগবেষিতা ।
দমযন্তী-সিদ্ধিদাত্রী দমযন্তীপ্রসাধিতা ॥ ১৭১॥

দমযন্তীষ্টদেবী চ দমযন্তীস্বরূপিণী ।
দমযন্তীকৃতার্চা চ দমনর্ষিবিভাবিতা ॥ ১৭২॥

দমনর্ষিপ্রাণতুল্যা দমনর্ষিস্বরূপিণী ।
দমনর্ষিস্বরূপা চ দম্ভপূরিতবিগ্রহা ॥ ১৭৩॥

দম্ভহন্ত্রী দম্ভদাত্রী দম্ভলোকবিমোহিনী ।
দম্ভশীলা দম্ভহরা দম্ভবত্পরিমর্দিনী ॥ ১৭৪॥

দম্ভরূপা দম্ভকরী দম্ভসন্তানদারিণী ।
দত্তমোক্ষা দত্তঘনা দত্তরোগ্যাথ দাম্ভিকা ॥ ১৭৫॥

দত্তপুত্রা দত্তদারা দত্তহারা চ দারিকা ।
দত্তভোগা দত্তশোকা দত্তহস্ত্যাদিবাহনা ॥ ১৭৬॥

দত্তমতি দত্তভার্যা দত্তশাস্ত্রাববোধিকা ।
দত্তপানা দত্তদানা দত্তদারিদ্রনাশিনি ॥ ১৭৭॥

দত্তসৌধাবনীবাসা দত্তস্বর্গা চ দাসদা ।
দাস্যতুষ্টা দাস্যহরা দাসদাসীশতপ্রদা ॥ ১৭৮॥

দাররূপা দারবাসা দারবাসিহৃদাস্পদা ।
দারবাসিজনারাধ্যা দারবাসিজনপ্রিযা ॥ ১৭৯॥

দারবাসি বিনির্নীতা দারবাসিসমর্চিতা ।
দারবাস্যাহৃতপ্রাণা দারবাস্যারিনাশিনী ॥ ১৮০॥

দারবাসিবিঘ্নহরা দারবাসিবিমুক্তিদা ।
দারাগ্নিরূপিণি দারা দারকার্য বিনাশিনী ॥ ১৮১॥

দম্পতী দম্পতীষ্টা চ দম্পতীপ্রাণরূপিকা ।
দম্পতিস্নেহনিরতা দাম্পত্যসাধনপ্রিযা ॥ ১৮২॥

দাম্পত্যসুখসেনা চ দাম্পত্যসুখদাযিনী ।
দম্পত্যাচারনিরতা দম্পত্যামোদমোদিতা ॥ ১৮৩॥

দম্পত্যামোদসুখিনি দাম্পত্যাহ্লাদকারিণী ।
দম্পতীষ্টপাদপদ্মা দাম্পত্যপ্রেমরূপিণী ॥ ১৮৪॥

দাম্পত্যভোগভবনা দাডিমীফলভোজিনী ।
দাডিমীফলসন্তুষ্টা দাডিমীফলমানসা ॥ ১৮৫॥

দাডিমীবৃক্ষসংস্থানা দাডিমীবৃক্ষবাসিনী ।
দাডিমীবৃক্ষরূপাচ দাডিমীবনবাসিনী ॥ ১৮৬॥

দাডিমীফলসাম্যোরু পযোধরবিবর্জিতা ।
দক্ষিণা দক্ষিণারূপা দক্ষিণারূপধারিণী ॥ ১৮৭॥

দক্ষকন্যা দক্ষপুত্রী দক্ষমাতা চ দক্ষসূঃ ।
দক্ষগোত্রা দক্ষসুতা দক্ষযজ্ঞবিনাশিনী ॥ ১৮৮॥

দক্ষযজ্ঞনাশকর্ত্রী দক্ষযজ্ঞান্তকারিণী ।
দক্ষপ্রসূতির্দক্ষেজ্যা দক্ষবংশৈকপাবনী ॥ ১৮৯॥

দক্ষাত্মজা দক্ষসূনুর্দক্ষজা দক্ষজাতিকা ।
দক্ষজন্মা দক্ষজনুর্দক্ষদেহসমুদ্ভবা ॥ ১৯০॥

দক্ষজনির্দক্ষযাগধ্বংসিনি দক্ষকন্যকা ।
দক্ষিণাচারনিরতা দক্ষিণাচারতুষ্টিদা ॥ ১৯১॥

দক্ষিণাচারসংসিদ্ধা দক্ষিণাচারভাবিতা ।
দক্ষিণাচারসুখিনী দক্ষিণাচারসাধিতা ॥ ১৯২॥

দক্ষিণাচারমোক্ষাপ্তি দক্ষিণাচারবন্দিতা ।
দক্ষিণাচারশরণা দক্ষিণাচারহর্ষিতা ॥ ১৯৩॥

দ্বারপালপ্রিযা দ্বারবাসিনী দ্বারসংস্থিতা ।
দ্বাররূপা দ্বারসংস্থা দ্বারদেশনিবাসিনী ॥ ১৯৪॥

দ্বারকরী দ্বারধাত্রী দোষমাত্রবিবর্জিতা ।
দোষকরা দোষহরা দোষরাশিবিনাশিনী ॥ ১৯৫॥

দোষাকরবিভূষাঢ্যা দোষাকরকপালিনী ।
দোষাকরসহস্রাভা দোশাকরসমাননা ॥ ১৯৬॥

দোষাকরমুখীদিব্যা দোষাকরকরাগ্রজা ।
দোষাকরসমজ্যোতি দোষাকরসুশীতলা ॥ ১৯৭॥

দোষাকরশ্রেণী দোষসদৃশাপাঙ্গবীক্ষণা ।
দোষাকরেষ্টদেবী চ দোষাকরনিষেবিতা ॥ ১৯৮॥

দোষাকরপ্রাণরূপা দোষাকরমরীচিকা ।
দোষাকরোল্লসদ্ভালা দোশাকরসুহর্ষিণী ॥ ১৯৯॥

দোষাকরশিরোভূষা দোষাকরবধূপ্রিযা ।
দোষাকরবধূপ্রাণা দোষাকরবধূর্মতা ॥ ২০০॥

দোষাকরবধূপ্রীতা দোষাকরবধূরপি ।
দোষাপূজ্যা তথা দোষাপূজিতা দোষহারিণী ॥ ২০১॥

দোষাজাপমহানন্দা দোষাজাপপরাযণা ।
দোষাপুরশ্চাররতা দোষাপূজকপুত্রিণী ॥ ২০২॥

দোষাপূজক-বাত্সল্যকারিণী জগদম্বিকা ।
দোষাপূজকবৈরিঘ্নি দোষাপূজকবিঘ্নহৃত্ ॥ ২০৩॥

দোষাপূজকসন্তুষ্টা দোষাপূজকমুক্তিদা ।
দমপ্রসূনসম্পূজ্যা দমপুষ্পপ্রিযা সদা ॥ ২০৪॥

দুর্যোধনপূজ্যা চ দুঃশাসনসমর্চিতা ।
দণ্ডপাণিপ্রিযা দণ্ডপাণিমাতা দযানিধিঃ ॥ ২০৫॥

দণ্ডপাণিসমারাধ্যা দণ্ডপাণিপ্রপূজিতা ।
দণ্ডপাণিগৃহাসক্তা দণ্ডপাণিপ্রিযংবদা ॥ ২০৬॥

দণ্ডপাণিপ্রিযতমা দণ্ডপাণিমনোহরা ।
দণ্ডপাণিহৃতপ্রাণা দণ্ডপাণিসুসিদ্ধিদা ॥ ২০৭॥

দণ্ডপাণিপরামৃষ্টা দণ্ডপাণিপ্রহর্ষিতা ।
দণ্ডপাণিবিঘ্নহরা দণ্ডপাণিশিরোধৃতা ॥ ২০৮॥

দণ্ডপাণিপ্রাপ্তচর্চা দণ্ডপাণ্যুন্মুখী সদা ।
দণ্ডপাণিপ্রাপ্তপদা দণ্ডপাণিবরোন্মুখী ॥ ২০৯॥

দণ্ডহস্তা দণ্ডপাণির্দণ্ডবাহুর্দরান্তকৃত্ ।
দণ্ডদোষ্কা দণ্ডকরা দণ্ডচিত্তকৃতাস্পদা ॥ ২১০॥

দণ্ডবিদ্যা দণ্ডিমাতা দণ্ডিখণ্ডকনাশিনী ।
দণ্ডিপ্রিযা দণ্ডিপূজ্যা দণ্ডিসন্তোষদাযিনী ॥ ২১১॥

দস্যুপূজ্যা দস্যুরতা দস্যুদ্রবিণদাযিনী ।
দস্যুবর্গকৃতার্হা চ দস্যুবর্গবিনাশিনী ॥ ২১২॥

দস্যুনির্নাশিনি দস্যুকুলনির্নাশিনী তথা ।
দস্যুপ্রিযকরী দস্যুনৃত্যদর্শনতত্পরা ॥ ২১৩॥

দুষ্টদণ্ডকরী দুষ্টবর্গবিদ্রাবিণী তথা ।
দুষ্টবর্গনিগ্রহার্হা দূষকপ্রাণনাশিনী ॥ ২১৪॥

দুষকোত্তাপজননী দূষকারিষ্টকারিণী ।
দূষকদ্বেষণকরী দাহিকা দহনাত্মিকা ॥ ২১৫॥

দারকারী নিহন্ত্রী চ দারুকেশ্বরপূজিতা ।
দারুকেশ্বরমাতা চ দারুকেশ্বরবন্দিতা ॥ ২১৬॥

দর্ভহস্তা দর্ভযূতা দর্ভকর্মবিবর্জিতা ।
দর্ভমযি দর্ভতনুর্দর্ভসর্বস্বরূপিণী ॥ ২১৭॥

দর্ভকর্মাচাররতা দর্ভহস্তকৃতার্হণা ।
দর্ভানুকূলা দার্ভর্যা দর্বীপাত্রানুদামিনী ॥ ২১৮॥

দমঘোষপ্রপূজ্যা চ দমঘোষবরপ্রদা ।
দমঘোষসমারাধ্যা দাবাগ্নিরূপিণী তথা ॥ ২১৯॥

দাবাগ্নিরূপা দাবাগ্নিনির্নাশিতমহাবলা ।
দন্তদংষ্ট্রাসুরকলা দন্তচর্চিতহস্তিকা ॥ ২২০॥

দন্তদংষ্ট্রস্যন্দনা চ দন্তনির্নাশিতাসুরা ।
দধিপূজ্যা দধিপ্রীতা দধীচিবরদাযিনী ॥ ২২১॥

দধীচীষ্টদেবতা চ দধীচিমোক্ষদাযিনী ।
দধীচিদৈন্যহন্ত্রী চ দধীচিদরদারিণী ॥ ২২২॥

দধীচিভক্তিসুখিনি দধীচিমুনিসেবিতা ।
দধীচিজ্ঞানদাত্রি চ দধীচিগুণদাযিনী ॥ ২২৩॥

দধীচিকুলসম্ভূষা দধীচিভুক্তিমুক্তিদা ।
দধীচিকুলদেবী চ দধীচিকুলদেবতা ॥ ২২৪॥

দধীচিকুলগম্যা চ দধীচিকুলপূজিতা ।
দধীচিসুখদাত্রী চ দধীচিদীনহারিণী ॥ ২২৫॥

দধীচিদুঃখহন্ত্রী চ দধীচিকুলসুন্দরী ।
দধীচিকুলসম্ভূতা দধীচিকুলপালিনী ॥ ২২৬॥

দধীচিদানগম্যা চ দধীচিদানমানিনী ।
দধীচিদানসন্তুষ্টা দধীচিদানদেবতা ॥ ২২৭॥

দধীচিজযসম্প্রীতা দধীচিজপমানসা ।
দধীচিজপপূজাঢ্যা দধীচিজপমালিকা ॥ ২২৮॥

দধীচিজপসন্তুষ্টা দধীচিজপতোষিণী ।
দধীচিতাপসারাধ্যা দধীচিশুভদাযিনী ॥ ২২৯॥

দূর্বা দূর্বাদলশ্যামা দূর্বাদলসমদ্যুতিঃ ।
নাম্নাং সহস্রং দুর্গাযা দাদীনামিতি কীর্তিতম্ ॥ ২৩০॥

যঃ পঠেত্ সাধকাধীশঃ সর্বসিদ্ধির্লভেত্তু সঃ ।
প্রাতর্মধ্যাহ্নকালে চ সন্ধ্যাযাং নিযতঃ শুচিঃ ॥ ২৩১॥

তথাঽর্দ্ধরাত্রসমযে স মহেশ ইবাঽপরঃ ।
শক্তিযুক্তো মহারাত্রৌ মহাবীরঃ প্রপূজযেত্ ॥ ২৩২॥

মহাদেবীমকারাদ্যৈ পঞ্চভির্দ্রব্যসত্তমৈঃ ।
তত্পঠেত্ স্তুতিমিমাং যঃ স চ সিদ্ধিস্বরূপধৃক্ ॥ ২৩৩॥

দেবালযে শ্মশানে চ গঙ্গাতীরে নিজে গৃহে ।
বারাঙ্গনাগৃহে চৈব শ্রীগুরোঃ সন্নিধাবপি ॥ ২৩৪॥

পর্বতে প্রান্তরে ঘোরে স্তোত্রমেতত্ সদা পঠেত্ ।
দুর্গানামসহস্রং হি দুর্গা পশ্যতি চক্ষুষা ॥ ২৩৫॥

শতাবর্ত্তনমেতস্য পুরশ্চরণমুচ্যতে ।
স্তুতিসারো নিগদিতঃ কিং ভূযঃ শ্রোতুমিচ্ছসিঃ ॥ ২৩৬॥

॥ ইতি শ্রীকুলার্ণবে দকারাদি দুর্গাসহস্রনামস্তোত্রং সম্পূর্ণম্ ॥

Encoded by Kirk Wortman kirkwort@hotmail.com
Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ত্oday
http://sanskritdocuments.org

Durga Dakaradi Sahasranama Stotram Lyrics in Bengali PDF
% File name : durgadakaradisahasranama.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Kirk Wortman kirkwort at hotmail.com
% Proofread by : Ravin Bhalekar ravibhalekar at hotmail.com
% Description-comments : kulArNave tantre
% Latest update : August 09, 2006
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website