{॥ ଶ୍ରୀଦୁର୍ଗାମାନସ ପୂଜା ॥}
ଶ୍ରୀ ଗଣେଶାଯ ନମଃ ।
ଉଦ୍ଯଚ୍ଚନ୍ଦନକୁଙ୍କୁମାରୁଣପଯୋଧାରାଭିରାପ୍ଲାଵିତାଂ
ନାନାନର୍ଘ୍ଯମଣିପ୍ରଵାଲଘଟିତାଂ ଦତ୍ତାଂ ଗୃହାଣାମ୍ବିକେ ।
ଆମୃଷ୍ଟାଂ ସୁରସୁନ୍ଦରୀଭିରଭିତୋ ହସ୍ତାମ୍ବୁଜୈର୍ଭକ୍ତିତୋ
ମାତଃ ସୁନ୍ଦରି ଭକ୍ତକଲ୍ପଲତିକେ ଶ୍ରୀପାଦୁକାମାଦରାତ୍ ॥ ୧॥

ଦେଵେନ୍ଦ୍ରାଦିଭିରର୍ଚିତଂ ସୁରଗଣୈରାଦାଯ ସିଂହାସନଂ
ଚଞ୍ଚତ୍କାଞ୍ଚନସଞ୍ଚଯାଭିରଚିତଂ ଚାରୁପ୍ରଭାଭାସ୍ଵରମ୍ ।
ଏତଚ୍ଚମ୍ପକକେତକୀପରିମଲଂ ତୈଲଂ ମହାନିର୍ମଲଂ
ଗନ୍ଧୋଦ୍ଵର୍ତନମାଦରେଣ ତରୁଣୀଦତ୍ତଂ ଗୃହାଣାମ୍ବିକେ ॥ ୨॥

ପଶ୍ଚାଦ୍ଦେଵି ଗୃହାଣ ଶମ୍ଭୁଗୃହିଣି ଶ୍ରୀସୁନ୍ଦରି ପ୍ରାଯଶୋ
ଗନ୍ଧଦ୍ରଵ୍ଯସମୂହନିର୍ଭରତରଂ ଧାତ୍ରୀଫଲଂ ନିର୍ମଲମ୍ ।
ତତ୍କେଶାନ୍ ପରିଶୋଧ୍ଯ କଙ୍କତିକଯା ମନ୍ଦାକିନୀସ୍ରୋତସି
ସ୍ନାତ୍ଵା ପ୍ରୋଜ୍ଜ୍ଵଲଗନ୍ଧକଂ ଭଵତୁ ହେ ଶ୍ରୀସୁନ୍ଦରି ତ୍ଵନ୍ମୁଦେ ॥ ୩॥

ସୁରାଧିପତିକାମିନୀକରସରୋଜନାଲୀଧୃତାଂ
ସଚନ୍ଦନସକୁଙ୍କୁମାଗୁରୁଭରେଣ ଵିଭ୍ରାଜିତାମ୍ ।
ମହାପରିମଲୋଜ୍ଜ୍ଵଲାଂ ସରସଶୁଦ୍ଧକସ୍ତୂରିକାଂ
ଗୃହାଣ ଵରଦାଯିନି ତ୍ରିପୁରସୁନ୍ଦରି ଶ୍ରୀପ୍ରଦେ ॥ ୪॥

ଗନ୍ଧର୍ଵାମରକିନ୍ନରପ୍ରିଯତମାସନ୍ତାନହସ୍ତାମ୍ବୁଜ-
ପ୍ରସ୍ତାରୈର୍ଧ୍ରିଯମାଣମୁତ୍ତମତରଂ କାଶ୍ମୀରଜାପିଞ୍ଜରମ୍ ।
ମାତର୍ଭାସ୍ଵରଭାନୁମଣ୍ଡଲଲସତ୍କାନ୍ତିପ୍ରଦାନୋଜ୍ଜ୍ଵଲଂ
ଚୈତନ୍ନିର୍ମଲମାତନୋତୁ ଵସନଂ ଶ୍ରୀସୁନ୍ଦରି ତ୍ଵନ୍ମୁଦମ୍ ॥ ୫॥

ସ୍ଵର୍ଣାକଲ୍ପିତକୁଣ୍ଡଲେ ଶ୍ରୁତିଯୁଗେ ହସ୍ତାମ୍ବୁଜେ ମୁଦ୍ରିକା
ମଧ୍ଯେ ସାରସନା ନିତମ୍ବଫଲକେ ମଞ୍ଜୀରମଂଘ୍ରିଦ୍ଵଯେ ।
ହାରୋ ଵକ୍ଷସି କଙ୍କଣୌ କ୍ଵଣରଣତ୍କାରୌ କରଦ୍ଵନ୍ଦ୍ଵକେ
ଵିନ୍ଯସ୍ତଂ ମୁକୁଟଂ ଶିରସ୍ଯନୁଦିନଂ ଦତ୍ତୋନ୍ମଦଂ ସ୍ତୂଯତାମ୍ ॥ ୬॥

ଗ୍ରୀଵାଯାଂ ଧୃତକାନ୍ତିକାନ୍ତପଟଲଂ ଗ୍ରୈଵେଯକଂ ସୁନ୍ଦରଂ
ସିନ୍ଦୂରଂ ଵିଲସଲ୍ଲଲାଟଫଲକେ ସୌନ୍ଦର୍ଯମୁଦ୍ରାଧରମ୍ ।
ରାଜତ୍କଜ୍ଜଲମୁଜ୍ଜ୍ଵଲୋତ୍ପଲଦଲଶ୍ରୀମୋଚନେ ଲୋଚନେ
ତଦ୍ଦିଵ୍ଯୌଷଧିନିର୍ମିତଂ ରଚଯତୁ ଶ୍ରୀଶାମ୍ଭଵି ଶ୍ରୀପ୍ରଦେ ॥ ୭॥

ଅମନ୍ଦତରମନ୍ଦରୋନ୍ମଥିତଦୁଗ୍ଧସିନ୍ଧୂଦ୍ଭଵଂ
ନିଶାକରକରୋପମଂ ତ୍ରିପୁରସୁନ୍ଦରି ଶ୍ରୀପ୍ରଦେ ।
ଗୃହାଣ ମୁଖମୀକ୍ଷତୁଂ ମୁକୁରବିମ୍ବମାଵିଦ୍ରୁମୈ-
ର୍ଵିନିର୍ମିତମଧଚ୍ଛିଦେ ରତିକରାମ୍ବୁଜସ୍ଥାଯିନମ୍ ॥ ୮॥

କସ୍ତୂରୀଦ୍ରଵଚନ୍ଦନାଗୁରୁସୁଧାଧାରାଭିରାପ୍ଲାଵିତଂ
ଚଞ୍ଚଚ୍ଚମ୍ପକପାଟଲାଦିସୁରଭିର୍ଦ୍ରଵ୍ଯୈଃ ସୁଗନ୍ଧୀକୃତମ୍ ।
ଦେଵସ୍ତ୍ରୀଗଣମସ୍ତକସ୍ଥିତମହାରତ୍ନାଦିକୁମ୍ଭଵ୍ରଜୈ-
ରମ୍ଭଃଶାମ୍ଭଵି ସମ୍ଭ୍ରମେଣ ଵିମଲଂ ଦତ୍ତଂ ଗୃହାଣାମ୍ବିକେ ॥ ୯॥

କହ୍ଲାରୋତ୍ପଲନାଗକେସରସରୋଜାଖ୍ଯାଵଲୀମାଲତୀ-
ମଲ୍ଲୀକୈରଵକେତକାଦିକୁସୁମୈ ରକ୍ତାଶ୍ଵମାରାଦିଭିଃ ।
ପୁଷ୍ପୈର୍ମାଲ୍ଯଭରେଣ ଵୈ ସୁରଭିଣା ନାନାରସସ୍ରୋତସା
ତାମ୍ରାମ୍ଭୋଜନିଵାସିନୀଂ ଭଗଵତୀଂ ଶ୍ରୀଚଣ୍ଡିକାଂ ପୂଜଯେ ॥ ୧୦॥

ମାଂସୀଗୁଗ୍ଗୁଲଚନ୍ଦନାଗୁରୁରଜଃ କର୍ପୂରଶୈଲେଯଜୈ-
ର୍ମାଧ୍ଵୀକୈଃ ସହକୁଙ୍କୁମୈଃ ସୁରଚିତୈଃ ସର୍ପିଭିରାମିଶ୍ରିତୈଃ ।
ସୌରଭ୍ଯସ୍ଥିତିମନ୍ଦିରେ ମଣିମଯେ ପାତ୍ରେ ଭଵେତ୍ ପ୍ରୀତଯେ
ଧୂପୋଽଯଂ ସୁରକାମିନୀଵିରଚିତଃ ଶ୍ରୀଚଣ୍ଡିକେ ତ୍ଵନ୍ମୁଦେ ॥ ୧୧॥

ଘୃତଦ୍ରଵପରିସ୍ଫୁରଦ୍ରୁଚିରରତ୍ନଯଷ୍ଟ୍ଯାନ୍ଵିତୋ
ମହାତିମିରନାଶନଃ ସୁରନିତମ୍ବିନୀନିର୍ମିତଃ ।
ସୁଵର୍ଣଚଷକସ୍ଥିତଃ ସଘନସାରଵର୍ତ୍ଯାନ୍ଵିତ-
ସ୍ତଵ ତ୍ରିପୁରସୁନ୍ଦରି ସ୍ଫୁରତି ଦେଵି ଦୀପୋ ମୁଦେ ॥ ୧୨॥

ଜାତୀସୌରଭନିର୍ଭରଂ ରୁଚିକରଂ ଶାଲ୍ଯୋଦନଂ ନିର୍ମଲଂ
ଯୁକ୍ତଂ ହିଙ୍ଗୁମରୀଚଜୀରସୁରଭିର୍ଦ୍ରଵ୍ଯାନ୍ଵିତୈର୍ଵ୍ଯଞ୍ଜନୈଃ ।
ପକ୍ଵାନ୍ନେନ ସପାଯସେନ ମଧୁନା ଦଧ୍ଯାଜ୍ଯସମ୍ମିଶ୍ରିତଂ
ନୈଵେଦ୍ଯଂ ସୁରକାମିନୀଵିରଚିତଂ ଶ୍ରୀଚଣ୍ଡିକେ ତ୍ଵନ୍ମୁଦେ ॥ ୧୩॥

ଲଵଙ୍ଗକଲିକୋଜ୍ଜ୍ଵଲଂ ବହୁଲନାଗଵଲ୍ଲୀଦଲଂ
ସଜାତିଫଲକୋମଲଂ ସଘନସାରପୂଗୀଫଲମ୍ ।
ସୁଧାମଧୁରମାକୁଲଂ ରୁଚିରରତ୍ନପାତ୍ରସ୍ଥିତଂ
ଗୃହାଣ ମୁଖପଙ୍କଜେ ସ୍ଫୁରିତମମ୍ବ ତାମ୍ବୂଲକମ୍ ॥ ୧୪॥

ଶରତ୍ପ୍ରଭଵଚନ୍ଦ୍ରମଃ ସ୍ଫୁରିତଚନ୍ଦ୍ରିକାସୁନ୍ଦରଂ
ଗଲତ୍ସୁରତରଙ୍ଗିଣୀଲଲିତମୌକ୍ତିକାଡମ୍ବରମ୍ ।
ଗୃହାଣ ନଵକାଞ୍ଚନପ୍ରଭଵଦଣ୍ଡଖଣ୍ଡୋଜ୍ଜ୍ଵଲଂ
ମହାତ୍ରିପୁରସୁନ୍ଦରି ପ୍ରକଟମାତପତ୍ରଂ ମହତ୍ ॥ ୧୫॥

ମାତସ୍ତ୍ଵନ୍ମୁଦମାତନୋତୁ ସୁଭଗସ୍ତ୍ରୀଭିଃ ସଦାଽଽନ୍ଦୋଲିତଂ
ଶୁଭ୍ରଂ ଚାମରମିନ୍ଦୁକୁନ୍ଦସଦୃଶଂ ପ୍ରସ୍ଵେଦଦୁଃଖାପହମ୍ ।
ସଦ୍ଯୋଽଗସ୍ତ୍ଯଵସିଷ୍ଠନାରଦଶୁକଵ୍ଯାସାଦିଵାଲ୍ମୀକିଭିଃ
ସ୍ଵେ ଚିତ୍ତେ କ୍ରିଯମାଣ ଏଵ କୁରୁତାଂ ଶର୍ମାଣି ଵେଦଧ୍ଵନିଃ ॥ ୧୬॥

ସ୍ଵର୍ଗାଙ୍ଗଣେ ଵେଣୁମୃଦଙ୍ଗଶଙ୍ଖଭେରୀନିନାଦୈରୂପଗୀଯମାନା ।
କୋଲାହଲୈରାକଲିତାତଵାସ୍ତୁ ଵିଦ୍ଯାଧରୀନୃତ୍ଯକଲାସୁଖାଯ ॥ ୧୭॥

ଦେଵି ଭକ୍ତିରସଭାଵିତଵୃତ୍ତେ ପ୍ରୀଯତାଂ ଯଦି କୁତୋଽପି ଲଭ୍ଯତେ ।
ତତ୍ର ଲୌଲ୍ଯମପି ସତ୍ଫଲମେକଞ୍ଜନ୍ମକୋଟିଭିରପୀହ ନ ଲଭ୍ଯମ୍ ॥ ୧୮॥

ଏତୈଃ ଷୋଡଶଭିଃ ପଦ୍ଯୈରୂପଚାରୋପକଲ୍ପିତୈଃ ।
ଯଃ ପରାଂ ଦେଵତାଂ ସ୍ତୌତି ସ ତେଷାଂ ଫଲମାପ୍ନୁଯାତ୍ ॥ ୧୯॥

॥ ଇତି ଦୁର୍ଗାତନ୍ତ୍ରେ ଦୁର୍ଗାମାନସପୂଜା ସମାପ୍ତା ॥

Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Durga Manasa puja Lyrics in Oriya PDF
% File name : durgaamaanasa.itx
% Category : pUjA
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : WebD
% Proofread by : Ravin Bhalekar ravibhalekar at hotmail.com
% Description-comments : durgAtantre
% Latest update : October 14, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website