{॥ దుర్గాష్టకమ్ ॥}
దుర్గే పరేశి శుభదేశి పరాత్పరేశి
వన్ద్యే మహేశదయితే కరూణార్ణవేశి ।
స్తుత్యే స్వధే సకలతాపహరే సురేశి
కృష్ణస్తుతే కురు కృపాం లలితేఽఖిలేశి ॥ ౧॥

దివ్యే నుతే శ్రుతిశతైర్విమలే భవేశి
కన్దర్పదారాశతసున్దరి మాధవేశి ।
మేధే గిరీశతనయే నియతే శివేశి
కృష్ణస్తుతే కురు కృపాం లలితేఽఖిలేశి ॥ ౨॥

రాసేశ్వరి ప్రణతతాపహరే కులేశి
ధర్మప్రియే భయహరే వరదాగ్రగేశి ।
వాగ్దేవతే విధినుతే కమలాసనేశి
కృష్ణస్తుతేకురు కృపాం లలితేఽఖిలేశి ॥ ౩॥

పూజ్యే మహావృషభవాహిని మంగలేశి
పద్మే దిగమ్బరి మహేశ్వరి కాననేశి
రమ్యేధరే సకలదేవనుతే గయేశి
కృష్ణస్తుతే కురు కృపాం లలితేఽఖిలేశి ॥ ౪॥

శ్రద్ధే సురాఽసురనుతే సకలే జలేశి
గంగే గిరీశదయితే గణనాయకేశి ।
దక్షే స్మశాననిలయే సురనాయకేశి
కృష్ణస్తుతే కురు కృపాం లలితేఽఖిలేశి ॥ ౫॥

తారే కృపార్ద్రనయనే మధుకైటభేశి
విద్యేశ్వరేశ్వరి యమే నిఖలాక్షరేశి ।
ఊర్జే చతుఃస్తని సనాతని ముక్తకేశి
కృష్ణస్తుతే కురు కృపాం లలితఽఖిలేశి ॥ ౬॥

మోక్షేఽస్థిరే త్రిపురసున్దరిపాటలేశి
మాహేశ్వరి త్రినయనే ప్రబలే మఖేశి ।
తృష్ణే తరంగిణి బలే గతిదే ధ్రువేశి
కృష్ణస్తుతే కురు కృపాం లలితేఽఖిలేశి ॥ ౭॥

విశ్వమ్భరే సకలదే విదితే జయేశి
విన్ధ్యస్థితే శశిముఖి క్షణదే దయేశి ।
మాతః సరోజనయనే రసికే స్మరేశి
కృష్ణస్తుతే కురు కృపాం లలితేఽఖిలేశి ॥ ౮॥

దుర్గాష్టకం పఠతి యః ప్రయతః ప్రభాతే
సర్వార్థదం హరిహరాదినుతాం వరేణ్యాం ।
దుర్గాం సుపూజ్య మహితాం వివిధోపచారైః
ప్రాప్నోతి వాంఛితఫలం న చిరాన్మనుష్యః ॥ ౯॥

॥ ఇతి శ్రీ మత్పరమహంసపరివ్రాజకాచార్య

శ్రీమదుత్తరాంనాయజ్యోతిష్పీఠాధీశ్వరజగద్గురూ-శంకరాచార్య-స్వామి-
శ్రీశాన్తానన్ద సరస్వతీ శిష్య-స్వామి శ్రీ మదనన్తానన్ద-సరస్వతి
విరచితం శ్రీ దుర్గాష్టకం సమ్పూర్ణమ్॥



Please send corrections to sanskrit@cheerful.com
Last updated త్oday
http://sanskritdocuments.org

Durga Ashtakam Lyrics in Telugu PDF
% File name : durgaa8.itx
% Category : aShTaka
% Location : doc\_devii
% Author : madanantAnanda-sarasvati
% Language : Sanskrit
% Subject : philosophy/hinduism/religion
% Transliterated by : converted from http://www.webdunia.com
% Latest update : April 11, 2007, July 2, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website