% Text title            : ambikA trishati
% File name             : ambikA300.itx
% Category              : trishati
% Location              : doc\_devii
% Author                : Gangadharamakhin
% Language              : Sanskrit
% Subject               : hinduism/religion
% Transliterated by     : Sridhar  Seshagiri seshagir at engineering.sdsu.edu
% Proofread by          : Sridhar  Seshagiri seshagir at engineering.sdsu.edu
% Latest update         : July 14, 2003
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ambikAtrishatI ..}##
\itxtitle{.. ambikAtrishatI ..}##\endtitles ##
\section{.. ambikAtrishatI ..}

gaN^gAdharamakhivirachitA .
paramAbharaNa.n sha.nbhoH parvatanAthasya puNyaparipAkaH .
nijalochanavIkShaNato rakShitalokatraya.n cha tadratnam .. 1 ..
nigamAntaparamavidyA dadyAdadya pramodamiha namatAm .
nikhilacharAcharachinmayarUpa.n rakShAkara.n cha lokAnAm .. 2 ..
AdR^itashivavAmAntAmAryAmAryAbhimAnyamahimAnam .
Agamamaulivata.nsA.n vande chidrUpakandalA.n jananIm .. 3 ..
paramashivabhAgadheya.n suramunimanujAdibhiH sadA dhyeyam .
yannAma karNapeya.n pAtu sadA vedamaulikAmeyam .. 4 ..
jayati tavAmba kaTAkShe ko vA seveta kalpabhUmiruham .
kAmAdihAnido.asau namatA.n sa.npatpradAnakR^itadIkShaH .. 5 ..
bhuvanajananI purAreH mahiShI bhUShAyitAmR^itamayUkhA .
kalikaluShitajanamena.n pAtu sudhAkArama~njulApAN^gaiH .. 6 ..
nikhilanigamAntavedyA vidyA paramA purArisarvasvam .
yamapAshabhItamena.n rakShatu janamenamadripatikanyA .. 7 ..
dhutapadanatajanapApA parachidrUpApremayanijarUpA .
shashimaulibhAgadheya.n jayati nageshAnakanyakA mAnyA .. 8 ..
tava bhUdharendratanaye pAdAbja.n nigamadIrghikAphullam .
utta.nsayanti puruShA dhanyAH kechit ta eva suramAnyAH .. 9 ..
shatamakhanIlamaNInA.n prabhayAchChuritA tavAkShiyugalashrIH .
tArakavibhedivAha.n nR^ittonmukhamAtanoti sharadi pathi .. 10 ..
kuvalayasa.npatpradamiha vilochana.n mAtarachalatanaye te .
mama mAnasa.n tu chandra.n kalayati tApaprashAntida.n samaye .. 11 ..
nijagatijitakAdambAmambAmambhojalochanA.n vande .
sa.nbhAvayati mahesho yA.n kila kAleShu hR^idyanavyarasaiH .. 12 ..
lalitaguNaratnabhUShApeTI shukamAnyanaijavAgdhATI .
AshritakadambavATI jayati parAnandajAtaparipATI .. 13 ..
kusumasharavairikAntA kAntAlakabhAralalitAphAlAntA .
nikhilanigamAntasArA sA rajati sha.nbhubhAgyadhArA hi .. 14 ..
karakamalakalitachApe paramAnandaikakandale sha.nbhoH .
kanakamaNilalitakaNThe tvAmevAha.n bhajAmi paravR^ittyai .. 15 ..
chintitaphalade pu.nsA.n prabalatarAmodakandale sha.nbhoH .
puNyAnA.n paripAka.n tvatpadapadma.n praphullamiha chitte .. 16 ..
nijamaulilasanashashikaravilAsidhammillakuvalayAmodaiH .
tatamadhukaragItInA.n dambhAdamba tvadIyavAgrakShA .. 17 ..
lalitakuTilAlakAntA kAntA sha.nbhorameyavibhavAntA .
sa.npadamiha nastanute kulabhUdharanAthabhAgyapariNAmaH .. 18 ..
janatAchirataravirachitasucharitaparipAkarUpamamareDyam .
kusumasharavairibhAgya.n lasatu kalikShobhahAnaye manasi .. 19 ..
vinatAlivibhavadA te kaTAkShadhArA vibhAti lokAmba .
kusumasharashAstrasiddhipradA girIshasya yogihR^iddIpA .. 20 ..
nityakumArI kAle kApi payojAsanAdinutituShTA .
shitikaNThabhAgyarakShAsUtra.n tanute svavaibhavairhR^idyaiH .. 21 ..
nikhilanigamAntasAra.n yAvadrUpa.n madamba pashyAmi .
sA tu niyamitadUtagaNo dUre yAtyamitakopakopako.api yamaH .. 22 ..
shivavAmabhAgabhUShA kAchid yoShA natAlikR^itabhAShA .
tATaN^karatnabhUShAruchibharakAShAyitAtmamukhaveShA .. 23 ..
vANIshavinutamahimA paramA cha kalA satA.n samArAdhyA .
himabhUdharavarakanyA kR^itabhUsurasaukhyasa.npadArAnme .. 24 ..
shithilitabhavabhItitati.n bhUdharakanyAmaha.n sadopAsyAm .
AnandAdvaitakalA.n bhaje kalikShobhahAnaye nibhR^itam .. 25 ..
navaratnakhachitabhUShAtatibhAnIrAjitAkhilAN^gI.n tAm .
kAmapi kalAmupAse satatAnandaikakandalI.n jananI.n .. 26 ..
mama hR^idayakelibhavane vilasati tadrUpamiShTada.n pu.nsAm .
yadihAdareNa sha.nbhurlokatrayarakShaNAya chakame cha .. 27 ..
gaN^gAdharavarabhUShA bhaN^gAyAsmAkamakhiladuritAnAm .
shR^iN^gArasAraveShA tuN^gAnandapradAstu jagadambA .. 28 ..
tena vaya.n paratantrAH yachChashishekharamanashvaraishvaryam .
sha.nbhoriha lokAnA.n chintAmaNirAdimaH sulabhyashcha .. 29 ..
nayanA~njanakalikeya.n sha.nbhorambhojalochanA chapalA .
shrutisudatIsUtrakalA mama hR^idi bhavane vikAsamupayAti .. 30 ..
kuchakumbhAN^kitasha.nbhu.n karapadmAdR^itapayojamaNimAlAm .
natajanabharaNAsaktAmambAmambhojalochanA.n naumi .. 31 ..
bAlamarAlIlIlA.n bAlA.n balivairivAsavAdinutAm .
jagadambAmAlambA.n nibiDanitambA.n hitArthamavalambe .. 32 ..
dhyAnairvedya.n tattva.n mInadhvajavairimahitabhAgya.n tat .
bhUdharakanyArUpa.n viharati mama mAnase hatatamaske .. 33 ..
munijanamAnyacharitrA nAnAdesheShu lasitabahupIThA .
sarvasvasa.npradAyaH sha.nbhorambA mamA~njaliprItA .. 34 ..
vAchAmagochara.n tat purAtanInAmapIha natasulabham .
girijArUpa.n tejo bhAtu girIshArdhamAdarAdakShNoH .. 35 ..
mandasmitena madhurA madhurApIThasthitA cha harabhAgyam .
shItalanayanAsAraiH si~nchati mAma~njasA jaganmAtA .. 36 ..
bhAti purandhrI sha.nbhoriha purato.asmAkamAttasumabANA .
sumabANavairichittAkarShaNakulikA cha chinmayI paramA .. 37 ..
lochanapAte shItA pAtA pAdAmbujAttachittAnAm .
shvetA cha mandahasite shvetAraNyasthirapradIpakalA .. 38 ..
puramathanamahiShi chitte kuru padavinyAsamAttakutukA tvam .
tenaivAha.n dhanyaH kuravai puravairipAdapUjA.n cha .. 39 ..
shatamakhamukhasuravandye kAntAshleSheNa pulakitAN^gi tvAm .
manasA smarAmi dayase tenaivAha.n kalau yuge dhanyaH .. 40 ..
puramathanasyApi vapuH punatImambA.n nijAkramaNashaktyA .
chirapuNyadarshanIyA.n smarAmi manasA parA.n sutAmadreH .. 41 ..
kuN^kumakaNalasitAN^gI.n kuvalayadR^ishamabjalochanA.n vande .
lochanajitasAraN^gI.n bhavamahiShImardhachandrashekhariNIm .. 42 ..
nAnAlIlAkhelA.n hararatilolA.n hitaikaparishIlAm .
vande bAlA.n bhUmidharapatikanyA.n sureshabahumAnyAm .. 43 ..
sarasijamR^idulapadAbja.n padAbjavinyAsadhanyabhUbhAgam .
manasi nayane cha vAchi sphuratu maheshAnamAnyasAmrAjyam .. 44 .
sha.nbhoH kuTumbinI sA madhukaramAlAlasatsvadhammillA .
saubhAgyadA sadA me lasatu kR^ipApUralAlitApAN^gA .. 45 ..
UrIkR^itapuramathanA dUrIkR^itaduShTarAkShasAdigaNA .
nArI paramA saiShA bherIbhAsvatkaroruhA bhAti .. 46 ..
nikhilopaniShadvidyAsAra.n sa.nsArabandhamohaharam .
haramAnya.n tat tejo bhAti sureshAdirakShaNopAyam .. 47 ..
sha.nbhorutsavadhArA navanavahArA samAshritAdhArA .
sa.nvidrUpArUpA kopArditadurjanA cha sA jayati .. 48 ..
puNyasamudAyasaraNi.n purahUtamukhairabhiShTutAmambAm .
bhaja mAnasa bho nitya.n nityAnandAdvayAtmikA.n devIm .. 49 ..
jIvitasarvasvamida.n sha.nbhorambhojalochana.n ratnam .
yachchintanena dhanyA vaimAnikavanyakalitavishrAmAH .. 50 ..
antastamonihantrI sa.ndhyApUrvA vibhAti giritanayA .
udaye yasyA viduShA.n vilasanti karAmbujAni naktamapi .. 51 ..
kulagirinAthanUje lokAmba tvatpadAmbuja.n jantuH .
bhaktyA smarati hR^idi sve tatpadayugala.n vahanti shirasAnye .. 52 ..
mahiShAsuramardani te bhIma.n rUpa.n tadastu ripunetre .
sAdarakaTAkShApAta.n purato mama bhAtu saumyarUpa.n te .. 53 ..
AdR^itashukAdivANI vANIshasureshaharimukhaiH stutyA .
sumalasitamR^idulaveNI vilasati kailAsapIThikAmadhye .. 54 ..
dayamAnamAnasa.n tat smayamAnamukha.n nirIkShya tattejaH .
niyamAdividhutapApA vayamAnandAshrujharaparItAN^gAH .. 55 ..
lalitagati.n suravinuti.n lasitamati.n ki.ncha yatimanojuShTAm .
tava mUrtimamba pArvati kadA nu pashyan nayAmi kalikAlam .. 56 ..
kurute manasi madIye vihAralIlA.n nagendravarakanyA .
tAvad vilasati chinmayatattva.n tattvArthibhiH samArAdhyam .. 57 ..
sha.nkaramishritadeha.n shrutisudatImaulibhUShaNa.n tejaH .
mukhajitachandra.n tanme prasIdatu kShipranamrapApaharam .. 58 ..
vidhumaulivibhramashrIrvidrumaruchisodarAtmatanukAntiH .
si~nchatyamR^itamihAkShNoshchirapuNyavashAdihAsevyam .. 59 ..
parakaivalyAnandaprAptisteShA.n dhruva.n hi tanubhajAm .
yeShA.n chitte vittAdhipamukhasevyA vihArabhAg gaurI .. 60 ..
gauri tava pAdapadma.n shashadharakalayAN^kitAtmamaulitale .
mama chAntimaprayANe vilasatu netre smR^itau cha hR^idi vAchi .. 61 ..
sha.nkarasukR^itasamUhA ki.nkaradevAdiraN^kavINA cha .
shaN^kAdimohahantrI lasatu mamAkShNoH shashAN^kamaulitalA .. 62 ..
kuchakumbhAshleShavashAdAhR^itaharachittavR^ittiramarANAm .
manujAnAmapi nitya.n daivatameShA chakAsti girikanyA .. 63 ..
parituShTA harabhajane nijagalakalagItivijitaparapuShTA .
sUchitasuraripukaShTA paramakalatra.n harasya tajjayati .. 64 ..
satatAlolitadayayA dR^ishAmba mA.n pashya sarasijAtaruchA .
paramashive nirvR^ittimahamavApya tenaiva tAvako bhaktaH .. 65 ..
sarasakavitA cha sa.npachchAkShobhya.n maNDalAdhipatya.n cha .
nanu jAyate nR^iNA.n kila tava vIkShAvaibhavena bhavakAnte .. 66 ..
tvanmaulichandravisR^imarakaradhArAbhiH kR^itAbhiShekA tvam .
dviguNitadayArdrahR^idayA paripuShyasi maN^galAni bhaktAnAm .. 67 ..
gauri nagAdhipatanaye shashishekharadivyamahiShi mA.n pAhi .
iti kila kalitA~njalayaH sevante suranarAdayo nityam .. 68 ..
parameshvaradayite tvatpadapadmayugArchanAratAH santaH .
kalayanti gAN^gasalila.n puShpANyapi bhaktibhArasa.npannAH .. 69 ..
shR^iN^gArAgamasArA tava lIlA jayati chetasi bhavasya .
ata eva svAN^ge tvAmAropayadAshu vijitakAmo.api .. 70 ..
nanu mAtaramba mandasmitalIlAdikamudIkShya shashimauliH .
virahAsahiShNuranisha.n vahati tvA.n naijavapuShi sAnandam .. 71 ..
tava sha.nkari bhUShoragalasadurumaNidambhataH shivaH kAle .
nIrAjanamAtanute bhaktahitArthI sumaN^galAvAptyai .. 72 ..
tava pAdabhaktiramba kShitidharatanaye tanoti kavisUktim .
amarashriyamatha sahasA dharAdhipatyAdika.n nR^iNAm .. 73 ..
Alokanena mAtastava manujAnA.n hR^idi sthita.n cha tamaH .
galati haThAt pApAliH sahasAmaralokasa.npadAbhAti .. 74 ..
yaH sUktimAlikAbhistava pAdayuga.n samarchayati jantuH .
tatpadayugma.n tu surAH kalpamahIruhasumaishcha gAN^gajalaiH .. 75 ..
pArvati tava mukhakamalAlokanato galitasa.nshayAH santaH .
kaivalyarUpakandalamAsAdya vidhAnato janA bhAnti .. 76 ..
nanvadrisute mandasmitakAntimiShAt tvadIyakIrtijharI .
diksaudhA~nchalabhAge vilasati natarakShaNotthitA jagati .. 77 ..
karaNavihInAn mUDhAn narAn surAn pAsi yogino.api tathA .
lokAmba bhAvanAdyaiH kAle kAle nagendratanaye tvam .. 78 ..
nagarAjava.nshasa.npad divyA kAchid vibhAti haramAnyA .
gaNapatimayUravAhau yattanayau lokasa.npade jayataH .. 79 ..
pratidinakalitAmenAma~njalikalikAmagAdhipatanUje .
aN^gIkuruShva dayayA tenaiva vaya.n kR^itArthAH smaH .. 80 ..
kalyANakelibhAjanamiha sharvasyApremayatuShTikalA .
chandrakalAvilasitanijamaulitalA bhAtu mAnase kApi .. 81 ..
vinatajanabandhahAriNi kalyANi purArisukR^itaparipAke .
badhnImo vayama~njalimanudinamamitAtmachitsukhAvAptyai .. 82 ..
ka.ndarpAgamasArA lasaduruhArA cha maN^galAkArA .
tArAdhipavAsalasanmaulitalA bhAtu mAnase devI .. 83 ..
nataha.nsAvalireShA gatijitaha.nsAvalI cha giritanayA .
shishirIkaroti lochanamAlAmAlApavijitashukavANI .. 84 ..
shukavANIsadR^ishIya.n mama vANI harakuTumbinInikaTam .
na khalu karoti prAptA mudamasyA madhuramandahAsajuShaH .. 85 ..
shashishakalakalitamaulistrilochanA kuN^kumachChAyA .
pAti jananI janAnA.n ki.nnarayakShAdigeyamAhAtmyA .. 86 ..
nijatanutejaHprasaraurindukalotta.nsalasitamaulitalA .
pUrayati lokamAtA tribhuvanamidamAttakautukA pIThe .. 87 ..
tava mAtaraN^ghrisarasijabhaktivisheShAttavaibhavA hi narAH .
vaimAnikapadavIShvapyAshArahitA vishanti te dhAma .. 88 ..
tava hAramaNiprabhayA pArshvasthitasha.nbhuchandramaulikalA .
sa.nprAptapUrNamaNDalashobhA satata.n virAjate mAtaH .. 89 ..
ardhAN^gasha.nbhubhUShaNaphaNAmaNiprachurakAntivIchIbhiH .
tava hastahariNapotaH shashvad dhAvati navInatR^iNabuddhyA .. 90 ..
nAthakalAnuguNa.n te rUpa.n jagadamba sarvabudhavandyam .
parvatarAjasute naH shreyaHshreNyai tadastu kalitadayam .. 91 ..
kairAto veSho vA bhikShATanarUpamanyadapi sha.nbhoH .
sarva.n tat tvatkalayA lasita.n bhAtyatra bhUdharendrasute .. 92 ..
tripuravijayashcha mAtastvatkopAdariShu chandramaulestu .
AsIt sulabhakalaH kila te kIrtiH kIrtitA dishA.n valaye .. 93 ..
tava pAdAmbujasevAdareNa mAtastava stutyAm .
yaiH kalitA matireShA.n charaNau pUjyau hi nAkinA.n vR^indaiH .. 94 ..
tava pAdabhaktibhUmnA pANDitya.n sarvasa.nmAnyam .
kIrti.n cha sukha.n labhate bhaktaste mAtarachalasute .. 95 ..
pariphullakamalasuShamAsa.nmAnyaiste kaTAkShairyaH .
bhAtyaN^kito dharaNyA.n sa tu dhanado vA mahendro vA .. 96 ..
kamalAkShamukhairdevaiH phakkR^itagIrbhistava stutau mAtaH .
kathamamba mAnuSho.aha.n stotu.n tvA.n shaknuyA.n mandaH .. 97 ..
tava pAdapadmabhaktirdharaNidharendrasya kanyake kAle .
vAchAlIkurute  mA.n mandamapi stotumAdarAjjanani .. 98 ..
janani vinA puNyAnA.n khaNDa.n tvAmIkShitu.n nayanaiH .
shaktA naiva hi manujAste rUpa.n tat para.n jayati .. 99 ..
nAkinagarAmbujAkShIniTilasumAmodavAsita.n mAtaH .
tava charaNapaN^kaja.n me kR^intati mohAdika.n hR^idaye .. 100 ..
parameshvarasya dayitApAdapayojAtapA.nsavo dhanyAH .
kR^itapuNyAnA.n mUrtiShu bhAsante sarvashuddhaye hyete .. 101 ..
tava pAdajalajareNusparshanasa.njAtavaibhavA manujAH .
dhikkR^itanAkeshapadAstava sArUpyAdisa.npadullasitAH .. 102 ..
janani tavAlakaratnaprabhAprarohairgirIshashirasi kalA .
chAndramasI sA bhajate japAprabhAlepana.n ramyam .. 103 ..
kA~nchyA.n vA kailAse merau vA bhaktamAnasAmbhoje .
paramashivavAmabhAge rAjati kAle.ambikA khyAtA .. 104 ..
dhyAnaparIvAhAN^kurakalita.n te kusumakomala.n hi vapuH .
yogihR^idayAmbujAntarjanani vibhAti sphuTAkAram .. 105 ..
yeShAma~njalikalikAlasita.n karayugamida.n kAle .
na prerayati kR^itAnto nijadUtAn teShu te para.n guravaH .. 106 ..
kAruNyAkulitahR^idA tayAmbayA bhaktapApAliH .
na hi gaNyate girIsho.apyasmin satata.n kR^itaprasAdashcha .. 107 ..
jagataH pitarAvetau rakShAhetornijAN^ghribhaktAnAm .
rAjata iha bahurUpau janadR^ikdR^ishyau cha devavandyau cha .. 108 ..
sA bhagavatI purastAdAstA.n naH shA.nkarI jananI .
yadvIkShAlavahInAH pIDyante taptagAtrAshcha .. 109 ..
jAtaparAkramakalikA dishi dishi ki.nnarasugItanijayashasaH .
dhanyA bhAnti hi manujA yadvIkShAlavavisheShataH kAle .. 110 ..
vAchA.n sanAtanInA.n vishrAntisthAnaka.n hi yat sthAnam .
karuNApAlitalokatritaya.n tad bhAti sukR^itihR^idayataTe .. 111 ..
shrutimaulibhUShaNa.n te padAravinda.n janaH kAle .
bhaktyA praNamya bahujananagare si.nhAsane lasati .. 112 ..
shyAmA chandrakalojjvalamauliriya.n shA.nkarI kAle .
dhyAnajapAdau puNyAtmanA.n hR^idi prasphuratyamale .. 113 ..
tribhuvanarakShAhetoraN^gIkR^itagirishadehayaShTiriyam .
rAjati rAjatapIThe tribhuvanasundararuchAttabahukoNe .. 114 ..
nishchaladIpakalA sA rakShitamarudauShNyahInanijarUpA .
shUlisnehollasitA janahR^ittamasA.n nihantrI cha .. 115 ..
nigamAntamadhyavIthImahAmaNiH sarvamUlyA cha .
bhaktikrayA cha kAle keyUramaNishcha shUlino jayati .. 116 ..
kalyANasa.ntateryA kalitA janmasthalIti vibudheshaiH .
naH kalyANAya syAt sA gaurI medurA dayayA .. 117 ..
tava keshakAntivisarai rAhoH shaN^kA shiraHsthendoH .
grasanAdidainyahAriprabhAvamAlochya te saumyaH .. 118 ..
mandasmitaruchibharite puraHsthale te.archanAhetoH .
nyastAni hi puShpANi bhramarAkShepAt sphuTa.n bhAnti .. 119 ..
kShIrasahodaramandasmitaruchinirasitanatAlihR^ittimirA .
sA jayati shA.nkarI kila sha.nkarasa.nstUyamAnavibhavA cha .. 120 ..
mandAnAmapi ma~njulakavitvarasadAyinI jananI .
kApi karuNAmayI sA lasatu purastAt sadAsmAkam .. 121 ..
tApaharasavivarShaNakR^itakutukA kApi nIlanalinaruchiH .
kAdambinI purastAdAstA.n naH sa.ntata.n jananI .. 122 ..
karuNAkaTAkShalaharI kAmAyAstu prakAmakR^itarakShA .
gauryA giripatimAnyA satsukhadAne bhR^isha.n khyAtA .. 123 ..
aikyamanIyata nitarA.n yadAdareNendumaulinA pUrvam .
tat tejo hR^idi lasatu sthire cha niShkalmaShe.asmAkam .. 124 ..
yatpadarekhA mAnyA lekhAdInA.n shubhodaye nibhR^itam .
sA lochane purastAdAstA.n naH shashikalollasanmauliH .. 125 ..
yasyAvirbhAvavashAnmAnyo.abhUd bhUdharendro.api .
tat pArvatIti sa.nj~na.n gaurI dAkShAyaNI cha lokAmbA .. 126 ..
mArArAtimanoharalAvaNyA kusumamR^idusharIreyam .
nijakaruNApAN^gasudhApUraNakR^itavaibhavA bhAti .. 127 ..
dhanadhAnyakIrtikavitAlalanAsutaharmyamukhyakAmaparaiH .
tairnUnamarchitAchalasutAN^ghrijalajaistathAbhUtaiH .. 128 ..
girishsharIravihAri trAtajagat tat para.n jyotiH .
shAradasarasijanayana.n mama gaurIrUpamAvirastu hR^idi .. 129 ..
achalasutayA sanAthA vayamete dhUtapApakalAH .
shashishikhara.n charmadhara.n gaN^gAdharamIkShya modante .. 130 ..
prauDhAndhakAranirasanachaNametat pArvatIrUpam .
parama.n jyotirlasati sphuTa.n cha sadgaNasamAvR^ita.n hR^idaye .. 131 ..
daharAkAshavihAri jyotsnAlasaduttamAN^gamidamAdyam .
chintAratna.n girishaprakAmabhAgya.n cha lokadIpakalA .. 132 ..
puNyAN^kuravR^iddhikara.n gaurIrUpa.n sadA dhyAye .
yachChivanetramahotsavanibhR^ita.n rakShitajagattritayam .. 133 ..
sUryasutAkallolollalanadashAramyanetralaharIbhiH .
shreyaHsa.ntatimachirAt taraN^gayati naH sadA devI .. 134 ..
bhUdharakanyA seya.n sAdaradattArhaNAdibahutoShA .
vAdarasavijayadAH naH pAdarasAsaktakalitabahubhAShA .. 135 ..
prauDhatamAlavanAlIruchibharakamanIyanetravisphAraiH .
dishi dishi kalitA sa.npad yayA tayA naH kula.n jayati .. 136 ..
nijatAruNyavihArairmohakara.n shUlino.api yat tejaH .
tat kumudinIshakhaNDasphurachChiraHkaralasaddhanurvaryam .. 137 ..
sha.nkarapuNyAN^kurakR^itarUpa.n pAthojanayana.n cha .
pR^ithujaghanakuchayuga.n cha trAtajagat dagdhadaityachayam .. 138 ..
nIlanalinIsumAlIlalitakacha.n sha.nkarArhalalitakucham .
kailAsapIThamadhye bhAti sadA dhyeyamArAdhyam .. 139 ..
smaraNadashayApi kApi pradIpikA nAshinI tamasAm .
nigamatatisaudhavalabhIprakAshinI nityatejaskA .. 140 ..
purAripuvAmAN^katalodbhAsitagAtra.n mahaH kimapi .
hR^idi lasatu sa.ntata.n me nirastasa.nsR^ititamorAshi .. 141 ..
nigamAntamadhyapa~njarashukI shukAdyaiH samArAdhyA .
karadhR^itapuNDrekShukalA shreyaHsa.ntAnadAyinI namatAm .. 142 ..
tava pAdapadmashobhAchChurita.n purataH sthala.n gauryAH .
kR^itapallavasa.nstaraNa.n matvA tUShNI.n babhUva te dAsaH .. 143 ..
navajaladharanIlaruchA sa.nmAnyaiste kaTAkShakAntibharaiH .
sa.nkalitanityatoraNashobha.n te maNTapAsthAnam .. 144 ..
rAkAchandranibhAsyA sA kAshyAdiShu kR^itAtmabahupIThA .
nAkAdirAjavinutA shokAdiharaprabhAvajanmakalA .. 145 ..
pArAvArasutAdyairArAtkalanIyanaijavibhavA sA .
vIrADhyanaijarUpA dArAH kailAsavAsino jayati .. 146 ..
dhIrAtmahR^idayakamale dhArAdharanIlachikurabhAravatI .
kShIrAdihR^idyavANI dhArA sA bhAti pArvatIrUpA .. 147 ..
paramashivabhAgyadhATI kA~nchanashATI mamAstu hR^idi satatam .
parimalitavaktravITI kR^itanatighoTI gajAdiparipATI .. 148 ..
sanmAnasakAsAre kR^itaparamAnandasa.ntatirjananI .
sha.nkaratattvonmeSha.n kalyati kAle dayAsArAt .. 149 ..
eNAN^kalasitamauliH kShINAnA.n rakShiNI paramA .
pANAvAdR^itahariNA vINAnutilAlitA cha sA jayati .. 150 ..
mUkAdInA.n puraharamaulyAndolanakarojjvalA vAchaH .
yatkAruNyAt kAle samullasantIha sA madIyadhanam .. 151 ..
sarveShA.n devAnAmapi martyAnA.n tathA girIshasya .
ekA puNyashreNI gaurIrUpA hi sarvadA jayati .. 152 ..
pashupatipuNyashreNIparipAka.n pArvatIrUpam.h .
nijadR^igrakShitalokatrayamidamArAd.h virAjate tejaH .. 153 ..
shItalabhUdharajanitA dayayA cha punastathA shItA .
shItalalalayakaTAkShA sA jananI naH sadA jayati .. 154 ..
smR^itimAtratApahAnyai kalitaptAnA.n janAnA.n sA .
kR^itasa.nkalpAnalpAbharaNA bharaNAya hR^idi lasati .. 155 ..
sukR^itijanadR^ishyarUpa.n duShkR^itijanadUraga.n cha tat.h tejaH .
kAruNyapUrNahR^idaya.n tadbhAvanatA.n tathA jayati .. 156 ..
tApi~nChastabakaruchirjananI sA shA.nkarI bhajatAm.h .
nijadR^ikpAtaprashamitadAridryAdirlasati pIThe .. 157 ..
paramashivAsthAnatale nitya.n khelanakR^itAdara.n tejaH
tad.h rAjate munInA.n hR^idaye nigamAntasaudhe cha .. 158 ..
nishchalabhAvabhR^itA.n tannishchalarUpa.n virAjate tejaH .
ha.nsIva mAnase me ma~njulagatidAyinI sudR^ishAm.h .. 159 ..
mAdhurya.n vachasi gatau gAmbhIrya.n netrayostaikShaNyam.h .
shaitalya.n hR^idi cha sadA yatra hi dR^ishya.n tadeva jananI naH .. 160..
nijashobhAjitakandukakuchayugalashrIjiteshahR^idayA sA .
manasi mama sa.nnidhattA.n dattAtreyAdibhirvandyA .. 161 ..
nijamaulichandrakiraNaprasAraNe.apyullasatsarojayugam.h .
dadhatI shravasoreShA chakAsti hR^idaye parA devI .. 162 ..
mukhajitatArAnAthA makhabhuggaNasevyacharaNajalajAtA .
nakhakAntipaTaladambhAd.h gatijitaha.nsAvalI vibhAtu hR^idi .. 163 ..
kavitAbhAgyavidhAtrI parimalasa.nkrAntamadhupagaNakeshA .
mama nayanayoH kadA vA karNejapalochana.n divyam.h .. 164 ..
shashikhaNDavata.nsashrIH pashupatibhAgya.n cha tat.h tejaH .
mama nayanayoH kadA vA karNejapalochana.n divyam.h .. 165 ..
tat.h tejaH shAshvatamiha sAmAnya.n bhUnivAsakR^itAm.h .
dyusadAmapi jayati kR^itAdara.n tadastu shriyai kAle .. 166 ..
shatamakhanIlamaNInA.n prabhAvisArapralobhatanukAntyA .
shrutimaulisaudhadIpashriyA tayA nAthavAnaha.n kAle .. 167 ..
kavikulasUktishreNIshravaNAnandollasadvata.nsasumA .
sA devI mama hR^idaye kR^itasA.nnidhyA kR^itatrANA .. 168 ..
puShpeShvAgamasArA purabhinmAnasavibhedinijakeliH .
vishvavimohanamUrtiH sA devI shA.nkarI jayati .. 169 ..
kAshIkA~nchyAditaTasthirAsanA mekhalAbhirAmakaTiH .
mugdhasmeramukhI sA yA gaurI sa.npadA.n jananI .. 170 ..
mukhavijitachandramaNDalamidamambhoruhavilochana.n tejaH .
dhyAne jape cha japatA.n chakAsti hR^idaye kavIshvarANA.n cha .. 171 ..
ma~njulakavitAsa.ntatibIjAN^kuradAyinI rasAlokA .
janani tavApAN^gashrIrjayati jagattrANakalitadIkSheyam.h .. 172 ..
amba tavApAN^gashrIrapAN^gakelIshatAni janayantI .
purahanturhR^idi jayati vrIDAmadamohakAmasArakarI .. 173 ..
dinakarasutAtaraN^gAvalishobhAkR^itakachAkachishrIshcha .
shashikhaNDavata.nsashirAH sA devI sharaNamarthinA.n paramam.h .. 174 ..
kalakalaninadatkA~nchI kA~nchyAditalasthirAsanA devI .
puraharabhUShaNamUrtiH sA devI sharaNamasmAkam.h .. 175 ..
puraharasahadharmacharI.n kachabhAralasannishIthinIshakalAm.h .
kavikulamAnyacharitrA.n pavitritakShoNibhR^itkulA.n vande .. 176 ..
bhaktajanAvalikathitastutishatadattAdarAmimA.n devIm.h .
sarasakavanapradAtrI.n bhUShitashivavAmabhAgarekhAntAm.h .. 177 ..
maN^galamUrti.n ki.nnarakIrtitanijakIrtivallarI.n jananIm.h .
mUrtimatI.n kAmakalA.n sha.nbhorambhojalochanA.n naumi .. 178 ..
jitamanmathamArakalAdAtrI.n shivagAtradivyabhUShA.n tAm.h .
trijagatsukhajanayitrImambAmambudamanoj~natanumUrtim.h .. 179 ..
khaNDitasuravairigaNA.n chaNDakarAdyaiH suraishcha nutasadanAm.h .
maNDitapuraharadehA.n tANDavinaH sarvamaN^galA.n devIm.h .. 180 ..
nijalochanakR^itasa.npadamajakamalekShaNashachIshasuravandyAm.h .
bhajanakR^idantarjyotiShamajatanayAdyaishcha nityasevyakalAm.h .. 181 ..
bharitabhuvanAmaparNA.n sariduruvIchIvilolitAtmakachAm.h .
girishakR^itanityalIlA.n varivasyAdAnatuShTanijahR^idayAm.h .. 182 ..
jananutanityavibhUti.n kanadurubhUShAvalIlasitadehAm.h .
manasApyagaNyatattvA.n vanavAsidhyAnagocharAtmakalAm.h .. 183 ..
nIlAmbujakAntimuSha.n bAlArkanibhAtmakarNapUravatIm.h .
mAlAla.nkR^itakaNThA.n bAlA.n skandasya mAtara.n vande .. 184 ..
sharaNAgatajanarakShaNakR^itadIkShAvIkShaNena jitasha.nbhuH .
kulabhUdharavaratapasA.n paripAkaH ko.api vijayate loke .. 185 ..
kusumasharamathanamanasApyAdaraNIyAtmakAmakeliriyam.h .
jananI kalyANatati.n bhajatA.n naH sAdarAt.h taraN^gayati .. 186 ..
mattagajamAnyagamanA madhurAlApA cha mAnyacharitA sA .
mandasmeramukhAbjA gaurI mama hR^idayasArase lasatu .. 187 ..
puraharanetramahotsavatAruNyashrIrnirastanatashatruH .
lalitalikuchAbhakuchabharayugalA dR^igvijitahariNasa.ndohA .. 188 ..
kAruNyapUrNanayanA kalikalmaShahAriNI cha sA gaurI .
mukhajitashAradakamalA vaktrAmbhoje sadA sphuratu kAle .. 189 ..
shUlimanorathapAtra.n sa.ntaptasvarNakAmyanijagAtram.h .
Ashritahimavadgotra.n rakShitanatabAhujachChAtram.h .. 190 ..
kavikulajihvAlola.n shashishekharakalitaramyabahulIlam.h .
nirasitanataduShkAla.n vande tejaH sadAlinutashIlam.h .. 191 ..
kamalasuShamAnivAsasthAnakaTAkSha.n chirAya kR^itarakSham.h .
rakShogaNabhItikara.n tejo bhAti prakAmamiha manasi .. 192 ..
kumudavanIshakrIDAsthAnAyitakeshabhArAyai .
nama uktirastu mAtre vAgjitapIyUShadhArAyai .. 193 ..
bAlakuraN^gavilochanadhATIrakShitasurAdimanujAntam.h .
nayanayugAsevya.n tad.h bhAtIha dharAtale niyatam.h .. 194 ..
kushalavidhaye tadastu prasUnavishikhArikR^italIlam.h .
kabalitapadanatadainya.n taruNAmbudamechaka.n dhAma .. 195 ..
janani kadA vA neShyAmyahamArAdarchitatvadIyapadaH .
nimiShamiva hanta divasAn.h dR^iShTvA tvAmAdareNa kalyANIm.h .. 196 ..
kavivAgvAsantInA.n vasantalakShmIH purAridayitA naH .
paramA.n muda.n vidhatte kAle kAle mahAbhUtyai .. 197 ..
tribhuvanasundararUpa.n tejastad.h bhaktitaH samabhyarchya .
garuDena yAti kutukAdathavA ha.nsena surasevyaH .. 198 ..
tava padapadme bhaktirna me tathApi tavadIyakR^ipayAham.h .
dhyAyAmyanvahamamba tvAmArAdAdarAt.h siddhyai .. 199 ..
yo devyAH padasarasijanatibhAk.h tasyeha sidhyanti .
sthiravibhutA satsaN^gaH sAyujya.n chApi kAlena .. 200 ..
himagiritapaHphala.n tanmunijanahR^idayAbjanityakR^itanR^ittam.h .
karuNAlolApAN^ga.n tat.h tejo bhAtu niHsama.n vadane .. 201 ..
janani taraN^gaya nayane mayi dIne te dayAsnigdhe .
tena vaya.n tu kR^itArthA nAtaH paramasti naH prArthyam.h .. 202 ..
munihR^idayapadmaha.nsI shivakelIsadanaratnadIpakalA .
himavatputrI kR^ipayA mAmavati mahauShadhI kalivyAdheH .. 203 ..
pratiphalatu bhAvanAyAmasmAka.n sA sphuratkR^ipAdhArA .
puraharadR^iksAphalya.n kailAse kimapi nishchita.n tejaH .. 204 ..
sajjanamAnasadhAmne nama uktirme shrutIDyanijabhUmne .
shivavAmabhAgadhAmne mahAvibhUtyai hi sha.nkarInAmne .. 205 ..
deshikamAnasaviharaNakalAjuShe bhaktirastu me tasmai .
yachchandramaulilochanachApalya.n rakShitasvabhaktaugham.h .. 206 ..
nijalochanakelikalAvashIkR^itaprasabANaripuhR^idayam.h .
dayayA lolitahR^idaya.n tadastu tejaH puro.asmAkam.h .. 207 ..
satata.n baddhA~njalipuTamupAsmahe tachChubhaprada.n tejaH .
yanmarakatakAntilasat.h prasUnasharavairipuNyaparipAkam.h .. 208 ..
tIra.n sa.nsR^itijaladheH pUra.n sha.nkaravilochanaprIteH .
sAra.n nigamAntAnA.n dUra.n durjanataterhi tat.h tejaH .. 209 ..
nagarAjakanyakA sA lasatu puro.asmAkamAdarakR^itashrIH .
yatpraNamanAjjanAnA.n kavitonmeShaH sadIDito lasati .. 210 ..
sannayanasArasAlIpUShA bhUShA cha harasharIrasya .
himagiritanayA yoShA bhAShAstotrapriyA cha sA bhAti .. 211 ..
saphalayatu netrayugala.n hatanataduritA hi sA parA devI .
dharaNidharanAyakapriyasutA cha somArdhabhUShitAtmakachA .. 212 ..
sumanovA~nChAdAne kR^itAvadhAna.n dhana.n sha.nbhoH .
dhiShaNAjADyAdihara.n yadvIkShaNamAmananti jagati budhAH .. 213 ..
ko vA na shrayati budhaH shreyo.arthI tAmimAmambAm.h .
yAmardhachandrashekharasadharmiNImarchayanti suranAthAH .. 214 ..
shamitanataduritasa.nghA harAya nijanetrakalpitAnaN^gA .
kR^itasurashAtravabhaN^gA sA devI maN^galaistuN^gA .. 215 ..
kavitArasaparimalita.n karoti vadana.n natAnA.n yA .
stotu.n tAmahamArAt.h sA devI suprasannAstu .. 216 ..
puraharavAmotsaN^ge bhajAmi lasita.n tu tat.h tejaH .
sR^iShTisthitilayakArya.n yajjanayati kAlabhedena .. 217 ..
kalyANadAnakalanAt.h khyAtA sA shA.nkarI loke .
tadvaibhavakIrtanato vayamatrAsAH parAnandAH .. 218 ..
mandahasitairvashIkR^itashA.nkarahR^idayA hi bhaktAnAm.h .
rakShaNakAryAya para.n sAmbA kumbhodbhavAdibhirvandyA .. 219 ..
nijamaulichandrakiraNaprasAraNAdgAN^gavIchikApavanaiH .
tatkShaNanirasitasuratashramA bhavAnIha rAjate bhUtyai .. 220 ..
mama gAhate hi hR^idaya.n nayanayuga.n tripuradamayiturbhAgyam.h .
yadakR^itrimavAggumbhaiH stutya.n dhyeya sadAbhyarchyam.h .. 221 ..
karadhR^itashUlAdyAyudhajAlanirastAkhilAribR^indeyam.h .
kundAbhadantavadanAnandAyAstu prakAmamiha namatAm.h .. 222 ..
kuchabhAranamragAtra.n nijajaniparipUtajanakavaragotram.h .
suravairikalitakopa.n gaurIrUpa.n tadastu hatatApam.h .. 223 ..
niTilAttavahninetra.n lolAlakametadAdR^ita.n tejaH .
nijakelyadhInasha.nkaramasmAka.n chAkShaya.n sthAnam.h .. 224 ..
tava mandasmitalaharIvisheShitaruchirgirIshashashishakalaH .
tava rUpa.n girishasya svarUpamapi bhAti yoginA.n hR^idaye .. 225 ..
nIlAravindalochanayugalAmambAmaha.n naumi .
kAlArichittaharaNe yallIlAH pATava.n nItAH .. 226 ..
shashadharabhUShitamakuTI kavikulavAgabjasharadiya.n devI .
ArtatrANaparAyaNavilochanA himavataH putrI .. 227 ..
shrutipa~njarakelishukI sha.nkaraparirambhaNotsukA mAtA .
bahirapyantayarminA.n chakAsti lokAmbikA kR^itatrANA .. 228 ..
chintitavastuvidhAtrI sa.ntatamapi lokarakShaNaikaratA .
sa.ndAnitanAkilasatsa.ntAnasumapragalbhadhammillA .. 229 ..
kalitatrivargapadavImapavargadakalyasevanAmambAm.h .
gAN^gajalairnalinadalairAragvadhapatrajAlakairarchyAm.h .. 230 ..
shashishekharasarvasva.n pUrvAchAryaiH puraskR^ita.n tejaH .
mAmakachakShurviShaya.n kadA nu kailAsakalitachaN^kramaNam.h .. 231 ..
mohitabhuvanA devI sA hitakaranityachintanA bhajatAm.h .
tADitaripujanamAnyA pIDitanijabhaktabhavabhayA jayati .. 232 ..
pratyaN^galasitabhUShA satya.n mAtA hi sharaNamasmAkam.h .
kktya.n yamabhayamasyAH stutya.n jagatIha vaibhava.n manujaiH .. 233 ..
amba tvameva kamalAsanAdivaibhavavidhAtrI cha .
tA.n tvA.n sharaNa.n prAptAH loke.amuShmin.h kimAshAsyam.h .. 234 ..
kuN^kumaruchilasitAN^ga.n kamalAsanamAttakamala.n cha .
hastAmbujadhR^itapustakarudrAkShAdi cha tathA rUpam.h .. 235 ..
jitamanmathavarivasyAsakta.n rUpa.n cha te mAtaH .
kAlAnukUlakalita.n paratatvavidA.n chakAsti hR^idayataTe .. 236 ..
himavannagendrakanye bhUsurakR^itabahulapUjayA dhanye .
mAnye sumanaHsa.nghaistvA.n kalaye hR^idi sadA hi kaTishUnye .. 237 ..
nirasitaniShka.nchanajanadainyA kanyA dharAdhareshasya .
dR^ikkAntivijitahariNA hariNArAdhyA cha sA jayati .. 238 ..
vinatajanitApavargA sargAdikarI cha sA devI .
nijalIlAhR^itabhargA durgAdishreyasA.n jananI .. 239 ..
kavanakR^itA.n toShakR^ite jagadavanAdikriyApeShu bhavatu .
shA.nkarirUpAya para.n nama uktirjyotiShe.asmAkam.h .. 240 ..
phaNipatibhUShitadehA harabhajanAnandasa.ndohA .
tattvairhatasa.ndehA chakAstu hR^idaye vidhUtajanamohA .. 241 ..
jayati janani tvadIya.n rUpa.n ravikoTitulitamidam.h .
etannAnAkAra.n kAle kR^itarakShaNa.n cha bhuvaneDyam.h .. 242 ..
madanArikaNThasuShamAsAkShIbhUtasvabAhuyugalA sA .
kuN^kumapaN^kAN^kitatanureShA devI chakAsti bahurUpA .. 243 ..
kA~nchImaNilasitakaTiH kA~nchIpurabhUShaNa.n cha taddhAma .
yanmanmatharipumAnya.n nijalIlAkalitabahurUpam.h .. 244 ..
karapaN^kajadhR^itamAlA sR^iShTisthityAdibahulIlA .
vITIvilasitavadanA virachitanataharmyavarasadanA .. 245 ..
visR^imaratAnukampA ta.n pAtakivargamAdarAdambA .
rakShati tanujitashampA sA naH sharaNa.n puraH sphuratu .. 246 ..
shUlini surajanapAlini kAtyAyani devi mA.n pAhi .
suralokakusumamAlini shivakhelini chaNDike pAhi .. 247 ..
bhArati bhairavi shA.nkari kapAlini namo.astu te nityam.h .
stutvaivamamba vAchA manasArAdhya.n namAmi te pAdam.h .. 248 ..
kuTilakacha.n likuchakucha.n mR^idubAhulata.n cha kaN^kumachChAyam.h .
vilasati shashadharamauleH sarvasva.n sukR^itaparipAkaH .. 249 ..
unmUlayati shubhetaravArtAmapyamba te nAma .
bhajanAdapi kIrtanataH ki.n vA bhAgya.n tvadIyabhaktAnAm..h .. 250 ..
paramashivapuNyakoTI nijagatijitasanmarAlagatidhATI .
kR^itanityakAmakoTI koTIrollasitachandraparipATI .. 251 ..
chandrAbharaNavata.nsA ka.nsArimukhaiH suraishcha nutacharitA .
gajamukhaShaNmukhajananI sAsmAka.n mAnase kR^itAsthAnA .. 252 ..
paramashivadivyajAyA mAyAmohitasurAsurA jananI .
kuN^kumavilasitakAyApAyAnmA.n rakShatIha kavigeyA .. 253 ..
bhUShitaratnAbharaNA sharaNarthijanAlikalpitAbharaNA .
muditanijAntaHkaraNA maraNAdidhva.nsinI sadAvaraNA .. 254 ..
shrutisudatIstabakAyitacharaNAmbhojA cha bhojAdyaiH .
kR^itaparicharaNA vistR^itakaruNAmbA shailarAjavaratanayA .. 255 ..
adhare lasitAruNya.n tanau tu haramAnyapUrNatAruNyam.h .
lochanadhR^itakAruNya.n kare kusumbhAdisa.nbhR^itAruNyam.h .. 256 ..
tattejo lasati hR^idi smarArisa.nmAnyabahulIlam.h .
sR^iNipAshAN^kushahasta.n prashastamastodayAdihIna.n cha .. 257 ..
kalitacharAchararakShaNamakShINoddAmavaibhava.n kimapi .
nikhilAgamayantrakalAsAra.n tallasati purabhidA mAnyam.h .. 258 ..
bhavachittarAjaha.nsI bhavabhayamohAdibhedinI sharaNam.h .
savarakShaNakR^itadIkShA shivavAmAN^gollasitamUrtiH .. 259 ..
tava charaNanyAsavashAt.h paripUtA bhUriya.n bhUtyai .
deveshamaulisevyA tA.n tvAmArAdhayAmi giritanaye .. 260 ..
kShaNamiha mAtardUre syAd.h yadi dR^iShTiH shubha.nkarI mAnyA .
aShTaishvaryo.api tadA vinaShTashobho vikalyashcha .. 261 ..
ata eva hi kAruNyAllokAmba tva.n sadAdR^itabhavAN^gA .
krIDasi rakShasi kAle janayasi mohAdikAnathavA .. 262 ..
paramashivakelirasike yaH ko.api janastava stava.n kurvan.h .
nirasitanAkeshapadastava sArUpya.n kramAd.h bhajati .. 263 ..
tava pAdapadmavisR^imarakAntijharI.n manasi kalaya.nstu .
nirasitanarakAdibhayo virAjate nAkisadasi suravandyaH .. 264 ..
bAlamarAlIgatyai suragiridhAnuShkamahitakalagItyai .
virachitanAnAnItyai cheto me spR^ihayate bahulakIrtyai .. 265 ..
vitaraNakalAprasaktau chintAmaNikAmadhenusuravR^ikShAH .
te dUre tA.n tvAmahamArAdhayitu.n kR^itaprayatno.asmi .. 266 ..
vinamadamareshasudatIkachasumamakarandadhArayA snigdham.h .
tava pAdapadmametat.h  kadA nu mama mUrdhni bhUShaNa.n janani .. 267 ..
tava harapura.ndhri mAtashcharaNapayoja.n kramArchita.n yena .
tenaindrapadamapi drAg.h virAjate tat.h samAkrAntam.h .. 268 ..
tava padasarojapA.nsunyAsAddhanyottamAN^galasitAshcha .
gAyanti cha nR^ityanti pramodakR^itanutichayAshcha rAjante .. 269 ..
yatpraNayakalahavArtAbhIto nirasitasimeShurapi vinayI .
madana.n tamapi vasanta.n mAnayitu.n sa.npravR^ittahR^idayo.abhUt.h .. 270 ..
kusumairgAN^gairvAribhiranunayavAgbhishcha namramukhaH .
sA puraharabhUShA no manasi viharatA.n kirITalasadinduH .. 271 ..
puraharaparatantra.n tad.h gatatandra.n vastu nistulamupAse .
tenaivAha.n dhanyo madva.nshyA nirasitAtmatApabharAH .. 272 ..
mukhasuShamAjitapadma.n padmajaharivAsavAdibudhasevyam.h .
kAvyArthasArametad.h gaurIrUpa hi vijayate tejaH .. 273 ..
yasyAH padasarasijayorvibudhakirITAvalirgauryAH .
nIrAjanavidhikalitA sA me kuladaivata.n lasatu .. 274 ..
kavihR^itkairavikasanachandrikayA shamitatApabharAH .
mandasmitashriyA kila yasyAH sA bhAti himavataH putrI .. 275 ..
nirasitatamaHprachArA pUrvA sa.ndhyeva nagapatestanayA .
dvijasa.nghodayakalanA sA me kuladaivata.n lasatu .. 276 ..
rachayAmi nama.nsi bhR^isha.n sha.nkaramaNDitanijAN^kavallaryai .
puNyAtmane purAreH parvatakularAjatanayAyai .. 277 ..
puramathanabhAgyadhATI kavilokasamIDyasUktirasadhATI .
mukhalasitasAravITI viharatu hR^idi me kR^ipaughaparipATI .. 278 ..
amba tava karuNayAha.n rakShitasa.ntAnavaibhavo nityam.h .
etAdR^ishI tumahatI kIrtiste jR^imbhate pratidisha.n hi .. 279 ..
madanaparipanthimahiShI mama mAnasakalpitAsanA jayati .
shrutimaulivihitacharaNA yogihR^idambhojalAlitApi muhuH .. 280 ..
pashupatipura.ndhri mAtastava pAdayuga.n praNamya janturiha .
vidhutayamadUtabhItistridishairapi mAnyate kalitasevaH .. 281 ..
surasudatIlolAlakamakarandarasavAsita.n tava padAbjam.h .
mama mAnase tu phulla.n bhavatu hi kAle vaya.n tu dhanyAH smaH .. 282 ..
tava nAma yasya vaktre phAle cha padAbjakuN^kumachChAyA .
sa bhavati mAnyastridashairapi dhutasamastaduritajAlaH san.h .. 283 ..
AstA.n hi me purastAt.h purajayinaH puNyaparimalollAsi .
jananIrUpa.n sa.ntatamAshritarakShaikaklR^iptadIkSha.n tat.h .. 284 ..
hariNAN^kamaulidayite yadi te dR^iShTistadAdarAt.h kavitA .
AliN^gya modati chira.n tena hi sarvaj~natA loke .. 285 ..
DambhAdidurguNaugho dhAvati dUre tvadIyapadabhaktam.h .
tyaktvA yadi te dR^iShTistena hi sarvAH shriyaH kAle .. 286 ..
tava mAtarmunimAnya.n padamArAdhya prasUnaughaiH .
labhate sahasranayanAnyathavAShTau puNyasa.nvR^itaH puruShaH .. 287 ..
nirdhUtatamaHkande mukundapadmAsanAdisevyapade .
bhaktirmama hi sadA syAt.h tenAha.n dhanyacharito.asmi .. 288 ..
nUpuramanigaNara~njitapAdAbja.n mAtarambike hR^idaye .
mama lasatu tava kaTAkShAnnAtaH paramarthanIya.n hi .. 289 ..
muktAmaNibhUShitayA kokilashukamAnyavAgvibhUShitayA .
himagirisutayAha.n kila sanAyako dhUtapApAdiH .. 290 ..
nirdhUtatamasi rUpa.n tava mAtarmAmake hR^idaye .
sphurati tavaiva hi dayayA na mAmakaiH karmabhishcha vratagumbhaiH .. 291 ..
nigamAntavedyavaibhavametat.h te rUpamambike mAtaH .
sphurati mama nayanayoriha tatra tu hetustvadIyakaruNA hi .. 292 ..
triNayanasAmrAjyamida.n tava rUpa.n nikhiladevatopAsyam.h .
nanu mAtaH sphuratu sadA nAtaH paramarthanIya.n hi .. 293 ..
hariNAN^kamaulyadhInA kApiparA shaktirambikA kShetre .
maulau cha nityavachasA.n mama chitte bhajatu nityalIlAdim.h .. 294 ..
parisaranatavibudhAlIkirITamaNikAntivallarIvisaraiH .
kR^itanIrAjanavidhi te mama tu shirobhUShaNa.n padasarojam.h .. 295 ..
bhAgIrathIva vANI tava nutirUpA virAjate paramA .
iha mAtaryadbhajana.n sarveShA.n sarvasa.npadA.n hetuH .. 296 ..
nagapatitanaye mAtaH shA.nkari mAhesvarIti nAmAni .
nitya.n japannaha.n tu tvadIyadAso.asmi muktaye siddhaH .. 297 ..
nikhilacharAchararakShA.n vitanvatI shA.nkarI dayayA .
mama kuladaivatameShA jayati sadArAdhyamAnyapadakamalA .. 298 ..
sarvajanaiH sa.nsevye sa.ntatamapi vA~nChitaprade devi .
amba tvameva sharaNa.n tenAha.n prAptasarvakAryArthaH .. 299 ..
shA.nkari katha.n nu varNyastava mahimA vedamauligaNavedyaH .
iti nishchitya padAbja.n tava vande mokShakAmo.aham.h .. 300 ..
tvAmamba bAlisho.aha.n tvachamatkArairgirA.n gumbhaiH .
ayathAyathakrama.n hi stuvannapi prAptajanmasAphalyaH .. 301 ..
iti ambikAtrishatI samAptA
##\medskip\hrule\medskip
Encoded and proofread by Sridhar Seshagiri seshagir at egr.msu.edu

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}