উমাশতকম্
{॥ উমাশতকম্ ॥}
প্রথমং দশকম্ (আর্যাবৃত্তম্)
ফুল্লত্বং রবিদীধিতিনিরপেক্ষমুমামুখ্যাব্জস্য ।
পূর্ণং করোতু মানসমভিলাষং পুণ্যভূমিজুষাম্ ॥ ১॥
কৈলাসবাসিনী বা ধবলদ্যুতিবিম্বনিলযা বা ।
আকাশান্তরপীঠস্থিতোত মে দেবতা ভবতি ॥ ২॥
আকাশান্তরপীঠস্থিতৈব সাক্ষাত্পরাশক্তিঃ ।
তস্যা অংশব্যক্তী শশিনি সিতাদ্রৌ চ রাজন্ত্যৌ ॥ ৩॥
সঙ্কল্পবাতসঙ্গাদানন্দরসো ঘনীভূতঃ ।
অন্তর্ব্যাপকশক্তেঃ সমপদ্যত তে বপুর্মাতঃ ॥ ৪॥
ইচ্ছাবিচিত্রবীর্যাত্তেজঃপটলো ঘনীভূতঃ ।
অন্তর্ব্যাপকশক্তেঃ সমপদ্যত তে বিভোর্গাত্রম্ ॥ ৫॥
ইচ্ছাযোগাত্তেজসি তব ভাগঃ কশ্চিদস্তীশে ।
বিজ্ঞানযোগতো মুদি ভাগ্যস্ত্বযি কশ্চিদীশস্য ॥ ৬॥
সম্রাজৌ শশভৃতি যৌ গৃহবন্তৌ যৌ চ সিতগিরিণা ।
তদিদং যুবযোর্মাযা বেষান্তরমিথুনযুগলমুমে ॥ ৭॥
যদ্যপি বিভূতিরধিকং যুবযোর্বিশ্বাম্বিকে ভবতি ।
মিথুনে তথাপ্যমূ বাং নেদিষ্ঠে দেবি পশ্যামঃ ॥ ৮॥
দম্পত্যোর্ভগবতি বাং প্রতিবিম্বৌ ভাস্করে ভবতঃ ।
দেহভুবৌ ভূচক্রস্বপ্নপ্রব্যক্ত্তী সুধামহসি ॥ ৯॥
দেহে ভুবঃ প্রতিবিম্বঃ প্রাণন্মূলস্য নেদীযান্ ।
প্রতিবিম্বব্যক্ত্তেশ্চ স্বপ্নব্যক্ত্তিশ্চ নেদিষ্ঠা ॥ ১০॥
দ্বিতীযং দশকম্ (বসন্ততিলকাবৃত্তম্)
কাশ্মীরমুন্নতপযোধরকুম্ভসীম্নি
স্রিগ্ধং প্রদিগ্ধমুমযা শরণং মমাস্তু ।
ভেত্তা পুরামুপরি ভস্মন এব ধত্তে
রাগস্য চিহ্নমিব যত্পরিরম্ভলগ্নম্ ॥ ১১॥
অস্মাকমম্বুদঘনস্তনিতোপমেষু
হেরম্ববৃংহিতবিভূতিষু ভাষিতেষু ।
সিদ্ধোদ্যমানমতিলঙ্ধ্য নিজাপদানং
বদ্ধশ্রুতির্ভবতু ভর্গগৃহস্য নেত্রী ॥ ১২॥
সন্দেহ এষ মম চন্দ্রকলাধরস্য
শুদ্ধান্তসুন্দরি মনাংসি সতাং তবাঙ্ধ্রিঃ ।
শুদ্ধানি কিং বিশতি কিন্নু ভজন্তি শুদ্ধিম্
অঙ্ধ্রে প্রবেশমনু তানি বিধূয পঙ্কম্ ॥ ১৩॥
ত্রৈলোক্যপালনবিধাযি বিকস্বরাব্জ-
শোভাবিডম্বি মণিপীঠতটীবিলম্বি ।
ক্ষেমপ্রদাযি হৃদযে চরণং ন্যধাযি
কিংবা ন তে নগসুতে যদি যং বিপন্নঃ ॥ ১৪॥
বিঘ্নানি যন্মুহুরিদং হৃদযং চলং যত্
সৌখ্যং ন কিঞ্চিদপি যদ্যদুপর্যসৌখ্যম্ ।
ত্বামাশ্রিতস্য চ মমাখিললোকরাজ্ঞী
মত্তঃ পরো জগতি কো মনুজেষু কল্কী ॥ ১৫॥
মা ভূন্নিদেশবচনং নযনাঞ্চলস্য
মাভূত্প্রসারণমযি ত্যজ নির্দযত্বম্ ।
অঙ্গীকুরু স্তুতগুণে চরণাম্বুজং তে
ধ্যাতুং তদেব বহু মে ভুবনস্য মাতঃ ॥ ১৬॥
কামং দদাতু ন দাদতু মনো ধিনোতু
নো বা ধিনোতু নযতাদ্দিবমন্যতো বা ।
আত্মর্পিতোঽযগজাপদপঙ্কজায
কিং কাঙ্ক্ষতে প্রতিফলং বিপুলোঽনুরাগঃ ॥ ১৭॥
পাদং দদাসি মনসে কিনু পাপিনো মে
পারিপ্লবায ভুবনাধিকবাসনায ।
দূরে স তাবদচলেন্দ্রকুমারিকা মে
দেবি প্রণামমুররীকুরু তাবতাঽলম্ ॥ ১৮॥
আরাধনং তব ভবানি যথাবিধানং
কর্তুং কুলাচলকুমারি ন পরযামি ।
পাদার্বিন্দযুগমেব তবানতোঽহং
পাপাকুলঃ শরণমীশ্বরি কাঙ্ক্ষমাণঃ ॥ ১৯॥
বদ্ধব্রতা প্রণতপাপনিবারণে ত্বং
বদ্ধাঞ্জলিশ্চ বহুপাপসমাকুলোঽহম্ ।
কর্তব্যমদ্রিতনযে নিপুণং বিমৃশ্য
নির্ধারযাত্র ন যথা যশসো বিলোপঃ ॥ ২০॥
তৃতীযং দশকম্ (পৃথ্বীবৃত্তম্)
ব্রতং তব বিদন্হৃদি প্রণতপাপনাশে কৃতং
ফলপ্রবণপাতকপ্রমথিতোঽপি নাস্ম্যাকুলঃ ।
ভবামি শিরসা নতস্তব ভবানি পাদাম্বুজং
ব্রতস্য পরিপালনে যদি মতির্গতির্মে ভব ॥ ২১॥
তপশ্চরিতুমুত্তমং প্রযতিতং মযানেকদা
পরন্তু বহুলৈরধৈঃ পরিণতৈর্বৃতোঽধ্বা মম ।
অযং মম দৃঢোঽঞ্জলিস্তনুবিযোগকালাবধি -
র্যদি ত্বমচলব্রতাস্যচলকন্যকে মামব ॥ ২২॥
অজেযবহুপাপভৃদ্ভুবি জনিষ্যমাণঃ খলঃ
কমীশদযিতে পুরা ন বিদিতস্তবাযং জনঃ ।
ব্রতং কৃতমিদং ত্বযা পরমসাহসোপেতযা
ক্বা বা জননি যোষিতাং জগতি দীর্ঘমালোচনম্ ॥ ২৩॥
ইহাপুরধমর্ষণান্যযশ এব ভূত্বা মুধা
ব্যলোকি নিযমৈস্তথা ন বহুলৈশ্চা কশ্চিজ্জযঃ ।
স্থিরং ন মদধক্ষযে মদধতেজসা ভূযসা
ব্রতং চ তব কুণ্ঠিতং যদি মমৈব কীর্তিঃ পরা ॥ ২৪॥
ক্ষযে যদি মদেনসামসুকরে ন ধীরং মনো
ন তে নগপতেঃ সুতে কিমপি চিন্ত্যমেতত্কৃতে ।
ব্রতং বিসৃজ তন্মুধা ননু বধূস্বভাবাত্কৃতং
স্থিরীভবতু দুর্বিধির্ভুবি তব প্রসদাদ্বলী ॥ ২৫॥
কৃতং পরমযত্নশ্চিরমনুজ্ঝিতং শ্রদ্ধযা
ভৃতং বহুবিধোদ্যমৈরবিজিতং মহাপাতকৈঃ ।
গতং ধনতরং যশো জযতি পাপজাতং মম্
ব্রতং চ তব তাদৃশং জননি কস্য বা স্যাজ্জযঃ ॥ ২৬॥
মদীযদুরিতাবলিপ্রলযকালকাদম্বিনী
মদোন্নতবিজৃম্ভণং বৃজনভঙ্গবদ্ধব্রতে ।
ভবপ্রিযতমে নিজপ্রবলহুঙ্কৃতিপ্রোদ্ধত -
প্রভঞ্জনমহৌজসা শময পালযাত্মব্রতম্ ॥ ২৭॥
অধক্ষযবিধৌ তু তে পরিণতা পরীপক্বতা
বিভেদকথনং কথং পৄথুলবৈভবে যুজ্যতে ।
ইদং তব বিগর্হণং পরিণতৈনসং বা স্তুতি -
র্মনো যদি মৃডানি তে জগতি সাধ্যমেবাখিলম্ ॥ ২৮॥
সহস্রনযনাদিভিঃ সুরবরৈঃ সমারাধিতা
সহস্ত্রকিরণপ্রভা সিতমরীচিশীতা মম ।
সহস্রদলপঙ্কজে কৃতনিকেতনা দেহিনাং
সহস্রদললোচনা দুরিতসন্ততিং কৃন্ততু ॥ ২৯॥
সরোজভবসংস্তুতা সকললোকরাজ্যেশ্বরী
করোপমিতপল্লবা করুণযান্তরুল্লোলিতা ।
উরোরুহভরালসা মযপুরারিসম্মোহিনী
করোতু মদঘক্ষযং কুমুদলোচনা কাচন ॥ ৩০॥
চতুর্থং দশকম্ (শার্দূলবিক্রীডিতবৃত্তম্)
কালাম্ভোধরচারুসান্দ্রকবরি পূর্ণেন্দুবিম্বাননা
তাটঙ্কদ্যুতিধৌতগন্ডফলকা তাম্বূলরক্তাধরা ।
প্রালেযদ্যুতিবালকেন রচিতোত্তংসা হরাঙ্কাসনা
শান্তা নূতনপল্লবাভচরণা ভূত্যৈ শিবা চিন্ত্যতে ॥ ৩১॥
শ্রীপাদং তবশৈলরাজদুহিতঃ ভাস্বত্করাস্ফালন -
প্রোদ্ভুদ্ধাম্বুজসুন্দরং শ্রুতিবধূচূডাতটীলালিতম্ ।
বন্দন্তাং ত্রিদিবৌকসো বশমিতঃ সংবাহযত্বীশ্বরো
যোগী ধ্যাযতু বন্দিবদ্ভগবতি প্রস্তৌতি সোঽযং জনঃ ॥ ৩২॥
যস্যাশ্চামরধারিণী সরসিজপ্রাসাদসঞ্চারিণী
বাগ্দেবী হৃদযেশ্বরপ্রভৃতযো নাকৌকসঃ কিঙ্করাঃ ।
দেবঃ কৈরববন্ধুকোরকধরো লীলাসহাযঃ সখা
তস্যাঃ পাদসরোজবন্দিপদবীং পাপ্তোঽস্ম্যহং ভাগ্যতঃ ॥ ৩৩॥
পাদস্য ক্রিযতে ক্ষণান্তকতিচন ধ্যানং জগদ্ধাত্রি তে
যত্তস্যেভঘটাকুলাঙ্গনমহীশ্রীর্নানুরুপং ফলম্ ।
নোদ্গারো মধুমাধুরিমদমুষাং স্বাভাবিকো বা গিরাং
সাধীযস্তু ফলং যদীশ্বরি পুনর্ধ্যাতুং মতির্জাযতে ॥ ৩৪॥
দেবি ত্বচ্চরণারবিন্দযুগলধ্যানস্য কেচিত্ফলং
মন্যন্তে রথবাজিসামজবধূসৌধাদিরূপাং শ্রিযম্ ।
পীযূষদ্রবসারবৈভবমুষাং বাচাং পরে পাটবং
প্রাজ্ঞাঃ সাধনমাদিতঃ পরিণতৌ পাহুঃ ফলং তত্স্বযম্ ॥ ৩৫॥
লোভঃ কুত্রচিদস্তি কুত্রচিদসৌ রোষঃ পরং ভীষণঃ
কুত্রাপ্যেষ মনোভবোঽতিমলিনে স্বান্তে নিশান্তে মম ।
এতস্যাপ্যহহাদ্রিরাজতনুজে কোণে ত্বদীযং পদং
খেটীমস্তকলালিতং শুচিতমং বাঞ্ছামি কর্তুং খলঃ ॥ ৩৬॥
কন্দর্পেণ নিবারিতং প্রহসতা লোভেন নির্ভর্ত্সিতং
মাত্সর্যেণ তিরস্কৃতং মদমহানাগেন চাঽভিদ্রুতম্ ।
দুর্ভ্রান্ত্যা গলহস্তি তং বত পুনঃ ক্রোধেন ধূতং বলা -
দপ্যেতত্পদমম্ব তে বিশতি মে চেতোঽস্য বর্ণ্যা কৃপা ॥ ৩৭॥
উদ্দীপ্যন্নখরাংশুজালজটিলস্ত্বত্পাদকণ্ঠীরবো
যাবন্মীলিতলোচনঃ শশিকলাচূডামণের্বল্লভে ।
তাবল্লোভকটিপ্রখেলতি মুদং পুষ্ণাতি কামদ্বিপো
রোষদ্বীপিপতিশ্চ গর্জতিতরাং মন্মানসে কাননে ॥ ৩৮॥
চাঞ্চল্যং হৃদযস্য নশ্যন্তি কথং যুষ্মত্প্রসাদং বিনা
ত্বং বা দেবি কথং প্রসীদসি যদি স্থৈর্যাদপেতং মনঃ ।
অন্যোন্যাশ্রযদোষ এষ সুমহানন্যং বিধিং স্থাপয -
ত্যস্মাকং বরদে তবোত করুণাং নির্হেতুকাং জন্তুষু ॥ ৩৯॥
ভক্তির্মে ত্বযি ভর্গপত্নি মহতী ধ্যাতুং চ বাঞ্ছামি তে
পাদাম্ভোজযুগং তথাপি চলতাং চেতো ন মে মুঞ্চতি ।
কামাঃ সন্তি সহস্ত্রশো নগসুতে পশ্চাদ্ব্রবীম্যগ্রতঃ
চিত্তস্য স্থিরতাং প্রদেহি করুণা যদ্যস্তি তে বস্তুতঃ ॥ ৪০॥
পঞ্চমং দশকম্ (সুবোধিতাবৃত্তম্)
উডুরাজকলাকলাপকান্তে সদযে সুন্দরি কোমলাঙ্গি মাতঃ ।
শ্রুতিপদ্মদৃশাবতংসিতং তে পদপদ্মং প্রতিভাতু মানসে মে ॥ ৪১॥
অরুণাচলনাথসদ্মনাথে চরিতং তে চরণস্য ধাত্রি চিত্রম্ ।
ক্রিযতেঽব্জসনাভিনামুনা যদ্গতপঙ্কে মুনিমানসে নিবাসঃ ॥ ৪২॥
চরিতং চরণাম্বুজন্মনস্তে পরমং বিস্মযমাতনোতি মাতঃ ।
অতিরাগবদপ্যদো বিধতে সহবাসেন যদন্তরং বিরাগম্ ॥ ৪৩॥
ভবভামিনি কর্মশর্মদাতুঃ ভবদীযস্য পদস্য বিস্মযায ।
অপি ধূলিবিধূসরং বিধত্তে যদিদং বীতরজো মনো মুনীনাম্ ॥ ৪৪॥
চরণং জগদম্ব কৈটভারির্যতমানোঽপি দদর্শ নৈব যস্য ।
স হরস্তব দৃশ্যতে বিলগ্নশ্চরণে চণ্ডি চরাচরাধিনাথঃ ॥ ৪৫॥
কমলাসনকঞ্জলোচনাদীনবমত্য ত্রিদশান্নগেশকন্যে ।
অগুণে রমসে নগেঽত্র শোণে ক্ব গুণান্ পশ্যতি জাতিপক্ষপাতঃ ॥ ৪৬॥
কুসুমাদপি কোমলং বপুস্তে হৃদযেশস্ত্বরুণো গিরিঃ কঠোরঃ ।
প্রচলাখুতুরঙ্গমস্য মাতঃ সমনুধ্যায বিভেমি চেতসেদম্ ॥ ৪৭॥
যদসৌ বিহিতঃ সিতোঽরুণাদ্রিস্তব হাসেন সিতেন নাত্র চিত্রম্ ।
ইদমদ্ভুতমস্য মানসং যদ্বিমলং পার্বতি নীযতেঽতিরাগম্ ॥ ৪৮॥
নবকুঙ্কুমরেণুপঙ্কিলস্য স্মরণাত্তে সততং স্তনাচলস্য ।
স্বযমপ্যচলো বভূব শোণঃ শশিধারী জগতং সবিত্রি শঙ্কে ॥ ৪৯॥
স্মরণাদরুণাচলস্য মুক্ত্তিঃ কথমশ্লীলকপালভূষণস্য ।
বপুষোঽধর্মমুষ্য চেন্নচেতস্তিমিরধ্বংসিনি সর্বমঙ্গলে ত্বম্ ॥ ৫০॥
ষষ্ঠং দশকম্ (তূণকবৃত্তম্)
গৌরি চণ্ডি কালিকে গণাধিনাযকাম্বিকে
স্কন্দমাতরিন্দুখণ্ডশেখরে পরাত্পরে ।
ব্রজনাযিকে প্রপঞ্চরাজ্ঞি হৈমবত্যুমে
ভর্গপত্নি পালযেতি গীযতাং সদা সখে ॥ ৫১॥
বাসুদেবমুখ্যনিত্যদেবমৌলিবিস্ফুর-
দ্রত্রজালরশ্মিজাতরঞ্জিতাঙ্ধ্রিপঙ্কজে ।
শীতভানুবালচূডচিত্তবালডোলিকে
শৈলপালবালিকে সদা বদামি নাম তে ॥ ৫২॥
কল্পবল্লি গাযতাং নিতম্বিনীমতল্লিকে
নাম তে বিপশ্চিতো নিরন্তরং গৃণন্তি যে ।
দৈত্যজৈত্রি লোকধাত্রি রাত্রিরাণ্ণিভাননে
শৈলবংশবৈজযন্তি জন্তবো জযন্তি তে ॥ ৫৩॥
আননে ত্বদীযনাম পাবনাচ্চ পাবনং
যস্য পুণ্যপূরুষস্য পূরুষার্ধবিগ্রহে ।
সানুমন্মহেন্দ্রপুত্রি সম্মদায ভূযসে
বন্ধনালযোঽপি তস্য নন্দনং বনং যথা ॥ ৫৪॥
নামকীর্তনেষু যা ষডাননস্য ষড্বিধাত্
শব্দতোঽপি ভাষিতাত্পৃথক্পদাভিশোভিতাত্ ।
উন্নতৈকনাদতো গজাননস্য বৄংহিতাত্
তৃপ্তিমেতি পুত্রযোঃ সমাপি সা জযত্যুমা ॥ ৫৫॥
মুগ্ধমিত্রমানসে মহান্ধকারবন্ধুরে
নিদ্রিতমুমাং নিজে বহির্গবেষযস্যহো ।
তত্প্রবিশ্য পশ্য বেদদীপকেন তাং ততঃ
তারশব্দবোধিতাং বিধায সাধযামৃতম্ ॥ ৫৬॥
আদিমো বিভোঃ সুতো যদীযমূলমাশ্রিতঃ
কুঞ্জরাননো বিভর্তি সালতাতনৌ ততা ।
অগ্রতো দধাতি কিঞ্চিদম্বুজং মরন্দব -
ত্তত্র শক্ত্তিরুত্তমা প্রবোধযন্তি তাং বিদঃ ॥ ৫৭॥
দ্বাদশান্তশাযিনী হৃদম্বুজান্তরস্থিতা
মণ্ডলদ্বযালযা সিতাদ্রিশৃগচারিণী ।
সর্বভূতজালভর্তুরাসনার্ধভাগিনী
ভূতিমুত্তমাং তনোতু ভুভৃতঃ সুতা তব ॥ ৫৮॥
ক্ষত্রমর্দন্প্রসূরসূরিলোকদুর্গমা
দুর্গমাটবীবিহারলালসা মদালসা ।
নিত্যশক্ত্তিপৌরুষা মমাঙ্ঘ্রিমূলবাসিনঃ ।
সত্যকীর্তিরার্তিজালহারিণী হরত্বধম্ ॥ ৫৯॥
শক্ত্তিধারিণঃ সবিত্রি সর্বশক্ত্তিমত্যুমে
ভক্তিমজ্জনোগ্রপাপনিগ্রহে ধৃতগ্রহে ।
দেবমৌলিরত্নকান্তিধৌতপাদুকায তে
সর্বমঙ্ঘ্রযে মদিযমাত্মনা সহার্প্যতে ॥ ৬০॥
সপ্তমং দশকম্ (মদালসাবৃত্তম্)
জম্ভারিমুখ্যসুরসম্ভাবিতা বহুলদম্ভাত্মনামসুলভা
পুম্ভাবদৃপ্তসনিশুম্ভাদিবন্ধুগণশুম্ভাসুরেন্দ্রদমনী
কুম্ভাপহাসিকুচকুম্ভানঘোরুজিতরম্ভাঽনুরক্তহৃদযা
শম্ভাবিভেন্দ্রমুখডিম্ভা করোতু তব শং ভামিনীমণিরুমা ॥ ৬১॥
তারাবলীতুলিতহারালিশোভিকুচভারাঽলসালসগতিঃ
ধারাধরাভকচভারা সুপর্বরিপুবীরাভিমানশমনী ।
নীরাটকেতুশরধারাভদৃষ্টিরতিধীরা ধরাধরসুতা
বারাণসীবসতি বারাশিতূণরতিরারাধ্যতামযি সখে ॥ ৬২॥
খ্যাতা মুনীন্দ্রজনগীতা মযূরহযপোতাঽতিচিত্রচরিতা
শীতাচলাচিপতিজাতা প্রভাতযমতাতাবিশেষচরণা ।
পূতা পিনাকধরপীতাধরা ত্রিদিবপাতালভূতলজুষাং
সা তাপজাতমবিগীতাঽখিলং হরতু মাতা কটাক্ষকলযা ॥ ৬৩॥
খন্ডামৃতদ্যুতিশিখণ্ডা মহোগ্রতরভণ্ডাদিদৈত্যদমনী
চণ্ডাঽনলাঢ্যকুলকুণ্ডালযা বিহিতদণ্ডা খলায ভুবনে ।
শুণ্ডালভূমিপতিতুণ্ডধিভূততরুষণ্ডা চলাণ্ডঘটমৃত্-
পিণ্ডাযিতা সকলপিণ্ডান্তরস্থমণিভাণ্ডাযিতাঽস্তু শরণম্ ॥ ৬৪॥
রাকাসুধাকরসমাকারহাসধুতভীকা ভবাব্ধিতরণে
নৌকা কটাক্ষধুতশোকা মহামহিমপাকারিণাঽপি বিনুতা ।
একাম্বিকা সকললোকাবলেরচলতোকাযিতাখিলঘন-
শ্রীকানতস্য মম সা কালিকা কমলনীকাশদৃক্ দিশতু শম্ ॥ ৬৫॥
নীলালকা মধুরশীলা বিধূতরিপুজালা বিলসবসতিঃ
লোলা দৃশোঃ কনকমালাবতী বিবুধলীলাবতীপরিবৃত ।
কিলালজাপ্তমুখহেলা জিতামৃতকরেমাতলে নিবসতাং
শালারুচামজিনচেলাঽবলা কপটকোলানুজা দিশতু শম্ ॥ ৬৬॥
অব্যাদুদারতরপব্যাযুধপ্রভৃতিহব্যাশির্কীর্তিতগুণা
গব্যাজ্যসম্মিলিতকব্যাশিলোকনুতভব্যাঽতিপাবনকথা ।
শ্রব্যা সদা বিবিধনব্যাবতারবরকব্যারভট্যভিরতা
দিব্যাকৃতিস্তরুণব্যাভপাদখিলমব্যাত্মজা তব কুলম্ ॥ ৬৭॥
দোষাকরার্ভকবিভূষা কটাক্ষধুতদোষা নিরন্তরমন -
স্তোষা পরা কলুষিকাষাযধারিযতিবেষাঽনবাপ্যচরণা ।
ভাষাবধূদযিতশেষাহিশাযিবিনুতৈষা বিষাদশমনী
পোষায পাপততিশোষায চাস্তু কুলযোষা ভবস্য ভবতাম্ ॥ ৬৮॥
বন্দারুসাধুজনমন্দারবল্লিরবিন্দাভদীর্ঘনযনা
কুন্দালিকল্পরদবৃন্দা পদাব্জনতবৃন্দারকেন্দুবদনা ।
মন্দা গতাবলমমন্দা মতৌ জিতমুকুন্দাসুরপ্রশমনী
নন্দাত্মজা দিশতু শং দারুণাধততিভিন্দাননামনিবহা ॥ ৬৯॥
শ্যামা কদম্ববনধামা ভবার্তিহরনামা নমজ্জনহিতা
ভীমা রণেষু সুরভামাবতংসসুমদামানুবাসিতপদা ।
কামাহিতস্য কৃতকামা কিলালমভিরামা রমালযমুখী
ক্ষেমায তে ভবতু বামা কদম্বকললামাযিতা ভগবতী ॥ ৭০॥
অষ্টমং দশকম্ (দ্রুতবিলম্বিতবৃত্তম্)
জলরুহং দহরং সমুপাশ্রিতা জলচরধ্বজসূদনসুন্দরী ।
হরতু বোধদৃগাবরণং তমো হৃদযগং হসিতেন সিতেন মে ॥ ৭১॥
নমদমর্ত্যকিরীটকৃতৈঃ কিণৈঃ কমঠপৃষ্ঠনিভে প্রপদেঽঙ্কিতা ।
অজিনচেলবধূর্বিদধাতু বো বৃজিনজালমজালমবিক্রমম্ ॥ ৭২॥
ললিতযা নতপালনলোলযা প্রমথনাথমনোহরলীলযা ।
কিরিমুখীমুখশক্ত্যুপজীব্যযা বিদিতযাদিতযা গতিমানহম্ ॥ ৭৩॥
অমৃতদীধিতিপোবতংসযা কৃতপদানতপাপনিরাসযা ।
গতিমদর্ধনরকৃতিচিত্রযা ভুবনমেব ন মে কুলমার্যযা ॥ ৭৪॥
অগণযং ন চ গোষ্পদবদ্যদি ত্রিভুবনং কুতলে ন তরামি কিম্ ।
শরণবানহমুত্তমভাবযা গিরিজযারিজযাবিতদেবযা ॥ ৭৫॥
সকরুণা কুশলং তব রেণুকাতনুরুমা তনুতাদুদিতো যতঃ ।
যুধি মুনির্বিদধৌ পরশুং দধজ্জনপতীনপতীব্র ভুজামদান্ ॥ ৭৬॥
দশরথাত্মজপূজিতমীশ্বরং বিদধতী রতিনাথবশং গতম্ ।
দিশতু বঃ কুশলং নগবর্ধিনী হরিহযারিহযান মৃগেশ্বরা ॥ ৭৭॥
জননি শুম্ভনিশুম্ভমহাসুরোন্মথন বিশ্রুতবিক্রমযা ত্বযা ।
জগদরক্ষ্যত গোপকুলেশিতুঃ তনুজযানুজযার্জুনসারথেঃ ॥ ৭৮॥
চরণযোর্ধৃতযা বিজযামহে জগতি মাররিপুপ্রিযভামযা ।
শশিকলামলমন্দরহাসযা নগজযা গজযানবিলাসযা ॥ ৭৯॥
ইমমগাধিপনন্দিনি কল্কিনং রুষমপোহ্য হরস্য বিলোকিতৈঃ ।
কলুষনাশনভীমদৃশোল্লসন্মদনকৈরবকৈরবলোচনে ॥ ৮০॥
নবমং দশকম্ (আর্যাবৃয্ত্তম্)
স জযতি পুণ্যকুলেষু ভ্রাম্যন্ গণনাথমাতুরালোকঃ ।
যমনুচরতো জনার্দনকুলতরুণী দেবতা চ গিরাম্ ॥ ৮১॥
কস্য প্রবলপ্রতিভটভুজকণ্ডূবারণং মহদ্বীর্যম্ ।
কস্য গিরামিহ সর্গো যুগস্য পরিবর্তনেঽপি পটুঃ ॥ ৮২॥
কস্য পুনরন্তরাত্মনি সঙ্গসহস্রৈরচালিতা নিষ্ঠা ।
ধূর্জটিদিযতে যুষ্মদ্দৃগন্তভৃতমন্তরা ধন্যম্ ॥ ৮৩॥
যস্য নিদানমবিদ্যা মমকারঃ পূর্বরূপমঙ্কুরিতঃ ॥
রূপং তাপত্রিতযং সত্সঙ্গঃ কিঞ্চিদুপশান্তযৈ ॥ ৮৪॥
অন্তঃকরণং স্থানং প্রকোপনো বিষযপঞ্চকাভ্যাসঃ ।
মুক্তিঃ সুষুপ্তিসমযে পুনরগমনায ঘোরায ॥ ৮৫॥
লোভাভিলাষরোষাঃ কফমারুতমাযবস্ত্রযো দোষাঃ ।
অরুচিঃ পথ্যে ভূযস্যনুবন্ধোপদ্রবো ঘোরঃ ॥ ৮৬॥
তস্য প্রযচ্ছ শমনং সংসারাখ্যজ্বরস্য ভূরিকৃপে ।
মৃত্যুঞ্জযস্য ভামিনি ভেষজমালোকিতং নাম ॥ ৮৭॥
ভবদীযস্য ভবানি প্রসিদ্ধচরিতে কটাক্ষমেঘস্য ।
প্রাবৃট্পরিতাপহৃতো ভব্যামৃতবর্ষিণঃ করুণা ॥ ৮৮॥
রাজোগ্রদৃষ্টিরুগ্রো যুবরাজঃ সন্ততং মদোপেতঃ ।
তব রাজ্ঞি ন করুণা চেদ্ভুবনস্য কথং শুভং ভবতু ॥ ৮৯॥
রাজ্ঞি তব দৃষ্টিরবনে বিনতানামপি সদৈব খেলন্ত্যাঃ ।
তপতোঽপি নিত্যমীশো লোলো লিলাসু তে ভবতি ॥ ৯০॥
দশমং দশকম্ (শশিবদনাবৃত্তম্)
পদকমলাপ্ত ত্রিকলুষহর্ত্রী ।
জযতি শিবেতি ত্রিভুবনভর্ত্রী ॥ ৯১॥
অধিতনুদৃষ্টিস্তটিদধিভূতম্ ।
প্রমথপতেঃ সা সুদৃগধিদৈবম্ ॥ ৯২॥
স্বনযনবৃতৌ স্থিরচরণানাম্ ।
দ্বিদলসরোজে ভগবতি ভাসি ॥ ৯৩॥
দহরসরোজে নিহিতপদানাম্ ।
দ্বিদলসরোজাদবতরসি ত্বম্ ॥ ৯৪॥
অযি কুলকুণ্ডে ধৃতচরণানাম্ ।
দশশতপত্রং ব্রজসি তপন্তী ॥ ৯৫॥
দহরসরোজে দৃশমপিহিত্বা ।
বিষযপরাণাং স্খলসি বহিস্ত্বম্ ॥ ৯৬॥
স্খলসি যতস্ত্বং স ভবতি হীনঃ ।
বিলসসি যস্মিন্ স খলু মহাত্মা ॥ ৯৭॥
দৃশি দৃশি চিত্ত্বং হৃদি হৃদি সত্তা ।
প্রতিনরশীর্ষং প্রমদকলাঽসি ॥ ৯৮॥
তব লহরীষু ত্রিপুরবিরোধী ।
কিমিব ন চিত্রং জননি করোতি ॥ ৯৯॥
হরশিরসো গৌর্যবসি জগত্ত্বম্ ।
গণপতিশীর্ষাদব মুনিভূমিম্ ॥ ১০০॥
॥ ইতি শ্রীভগবন্মহর্ষিরমণান্তেবাসিনো বাসিষ্ঠস্য
নরসিংহসূনোঃ গণপতেঃ কৃতিঃ উমাশতকং সমাপ্তম্ ॥
Encoded and proofread byDPD
Please send corrections to sanskrit@cheerful.com
Last updated ত্oday
http://sanskritdocuments.org
প্রথমং দশকম্ (আর্যাবৃত্তম্)
ফুল্লত্বং রবিদীধিতিনিরপেক্ষমুমামুখ্যাব্জস্য ।
পূর্ণং করোতু মানসমভিলাষং পুণ্যভূমিজুষাম্ ॥ ১॥
কৈলাসবাসিনী বা ধবলদ্যুতিবিম্বনিলযা বা ।
আকাশান্তরপীঠস্থিতোত মে দেবতা ভবতি ॥ ২॥
আকাশান্তরপীঠস্থিতৈব সাক্ষাত্পরাশক্তিঃ ।
তস্যা অংশব্যক্তী শশিনি সিতাদ্রৌ চ রাজন্ত্যৌ ॥ ৩॥
সঙ্কল্পবাতসঙ্গাদানন্দরসো ঘনীভূতঃ ।
অন্তর্ব্যাপকশক্তেঃ সমপদ্যত তে বপুর্মাতঃ ॥ ৪॥
ইচ্ছাবিচিত্রবীর্যাত্তেজঃপটলো ঘনীভূতঃ ।
অন্তর্ব্যাপকশক্তেঃ সমপদ্যত তে বিভোর্গাত্রম্ ॥ ৫॥
ইচ্ছাযোগাত্তেজসি তব ভাগঃ কশ্চিদস্তীশে ।
বিজ্ঞানযোগতো মুদি ভাগ্যস্ত্বযি কশ্চিদীশস্য ॥ ৬॥
সম্রাজৌ শশভৃতি যৌ গৃহবন্তৌ যৌ চ সিতগিরিণা ।
তদিদং যুবযোর্মাযা বেষান্তরমিথুনযুগলমুমে ॥ ৭॥
যদ্যপি বিভূতিরধিকং যুবযোর্বিশ্বাম্বিকে ভবতি ।
মিথুনে তথাপ্যমূ বাং নেদিষ্ঠে দেবি পশ্যামঃ ॥ ৮॥
দম্পত্যোর্ভগবতি বাং প্রতিবিম্বৌ ভাস্করে ভবতঃ ।
দেহভুবৌ ভূচক্রস্বপ্নপ্রব্যক্ত্তী সুধামহসি ॥ ৯॥
দেহে ভুবঃ প্রতিবিম্বঃ প্রাণন্মূলস্য নেদীযান্ ।
প্রতিবিম্বব্যক্ত্তেশ্চ স্বপ্নব্যক্ত্তিশ্চ নেদিষ্ঠা ॥ ১০॥
দ্বিতীযং দশকম্ (বসন্ততিলকাবৃত্তম্)
কাশ্মীরমুন্নতপযোধরকুম্ভসীম্নি
স্রিগ্ধং প্রদিগ্ধমুমযা শরণং মমাস্তু ।
ভেত্তা পুরামুপরি ভস্মন এব ধত্তে
রাগস্য চিহ্নমিব যত্পরিরম্ভলগ্নম্ ॥ ১১॥
অস্মাকমম্বুদঘনস্তনিতোপমেষু
হেরম্ববৃংহিতবিভূতিষু ভাষিতেষু ।
সিদ্ধোদ্যমানমতিলঙ্ধ্য নিজাপদানং
বদ্ধশ্রুতির্ভবতু ভর্গগৃহস্য নেত্রী ॥ ১২॥
সন্দেহ এষ মম চন্দ্রকলাধরস্য
শুদ্ধান্তসুন্দরি মনাংসি সতাং তবাঙ্ধ্রিঃ ।
শুদ্ধানি কিং বিশতি কিন্নু ভজন্তি শুদ্ধিম্
অঙ্ধ্রে প্রবেশমনু তানি বিধূয পঙ্কম্ ॥ ১৩॥
ত্রৈলোক্যপালনবিধাযি বিকস্বরাব্জ-
শোভাবিডম্বি মণিপীঠতটীবিলম্বি ।
ক্ষেমপ্রদাযি হৃদযে চরণং ন্যধাযি
কিংবা ন তে নগসুতে যদি যং বিপন্নঃ ॥ ১৪॥
বিঘ্নানি যন্মুহুরিদং হৃদযং চলং যত্
সৌখ্যং ন কিঞ্চিদপি যদ্যদুপর্যসৌখ্যম্ ।
ত্বামাশ্রিতস্য চ মমাখিললোকরাজ্ঞী
মত্তঃ পরো জগতি কো মনুজেষু কল্কী ॥ ১৫॥
মা ভূন্নিদেশবচনং নযনাঞ্চলস্য
মাভূত্প্রসারণমযি ত্যজ নির্দযত্বম্ ।
অঙ্গীকুরু স্তুতগুণে চরণাম্বুজং তে
ধ্যাতুং তদেব বহু মে ভুবনস্য মাতঃ ॥ ১৬॥
কামং দদাতু ন দাদতু মনো ধিনোতু
নো বা ধিনোতু নযতাদ্দিবমন্যতো বা ।
আত্মর্পিতোঽযগজাপদপঙ্কজায
কিং কাঙ্ক্ষতে প্রতিফলং বিপুলোঽনুরাগঃ ॥ ১৭॥
পাদং দদাসি মনসে কিনু পাপিনো মে
পারিপ্লবায ভুবনাধিকবাসনায ।
দূরে স তাবদচলেন্দ্রকুমারিকা মে
দেবি প্রণামমুররীকুরু তাবতাঽলম্ ॥ ১৮॥
আরাধনং তব ভবানি যথাবিধানং
কর্তুং কুলাচলকুমারি ন পরযামি ।
পাদার্বিন্দযুগমেব তবানতোঽহং
পাপাকুলঃ শরণমীশ্বরি কাঙ্ক্ষমাণঃ ॥ ১৯॥
বদ্ধব্রতা প্রণতপাপনিবারণে ত্বং
বদ্ধাঞ্জলিশ্চ বহুপাপসমাকুলোঽহম্ ।
কর্তব্যমদ্রিতনযে নিপুণং বিমৃশ্য
নির্ধারযাত্র ন যথা যশসো বিলোপঃ ॥ ২০॥
তৃতীযং দশকম্ (পৃথ্বীবৃত্তম্)
ব্রতং তব বিদন্হৃদি প্রণতপাপনাশে কৃতং
ফলপ্রবণপাতকপ্রমথিতোঽপি নাস্ম্যাকুলঃ ।
ভবামি শিরসা নতস্তব ভবানি পাদাম্বুজং
ব্রতস্য পরিপালনে যদি মতির্গতির্মে ভব ॥ ২১॥
তপশ্চরিতুমুত্তমং প্রযতিতং মযানেকদা
পরন্তু বহুলৈরধৈঃ পরিণতৈর্বৃতোঽধ্বা মম ।
অযং মম দৃঢোঽঞ্জলিস্তনুবিযোগকালাবধি -
র্যদি ত্বমচলব্রতাস্যচলকন্যকে মামব ॥ ২২॥
অজেযবহুপাপভৃদ্ভুবি জনিষ্যমাণঃ খলঃ
কমীশদযিতে পুরা ন বিদিতস্তবাযং জনঃ ।
ব্রতং কৃতমিদং ত্বযা পরমসাহসোপেতযা
ক্বা বা জননি যোষিতাং জগতি দীর্ঘমালোচনম্ ॥ ২৩॥
ইহাপুরধমর্ষণান্যযশ এব ভূত্বা মুধা
ব্যলোকি নিযমৈস্তথা ন বহুলৈশ্চা কশ্চিজ্জযঃ ।
স্থিরং ন মদধক্ষযে মদধতেজসা ভূযসা
ব্রতং চ তব কুণ্ঠিতং যদি মমৈব কীর্তিঃ পরা ॥ ২৪॥
ক্ষযে যদি মদেনসামসুকরে ন ধীরং মনো
ন তে নগপতেঃ সুতে কিমপি চিন্ত্যমেতত্কৃতে ।
ব্রতং বিসৃজ তন্মুধা ননু বধূস্বভাবাত্কৃতং
স্থিরীভবতু দুর্বিধির্ভুবি তব প্রসদাদ্বলী ॥ ২৫॥
কৃতং পরমযত্নশ্চিরমনুজ্ঝিতং শ্রদ্ধযা
ভৃতং বহুবিধোদ্যমৈরবিজিতং মহাপাতকৈঃ ।
গতং ধনতরং যশো জযতি পাপজাতং মম্
ব্রতং চ তব তাদৃশং জননি কস্য বা স্যাজ্জযঃ ॥ ২৬॥
মদীযদুরিতাবলিপ্রলযকালকাদম্বিনী
মদোন্নতবিজৃম্ভণং বৃজনভঙ্গবদ্ধব্রতে ।
ভবপ্রিযতমে নিজপ্রবলহুঙ্কৃতিপ্রোদ্ধত -
প্রভঞ্জনমহৌজসা শময পালযাত্মব্রতম্ ॥ ২৭॥
অধক্ষযবিধৌ তু তে পরিণতা পরীপক্বতা
বিভেদকথনং কথং পৄথুলবৈভবে যুজ্যতে ।
ইদং তব বিগর্হণং পরিণতৈনসং বা স্তুতি -
র্মনো যদি মৃডানি তে জগতি সাধ্যমেবাখিলম্ ॥ ২৮॥
সহস্রনযনাদিভিঃ সুরবরৈঃ সমারাধিতা
সহস্ত্রকিরণপ্রভা সিতমরীচিশীতা মম ।
সহস্রদলপঙ্কজে কৃতনিকেতনা দেহিনাং
সহস্রদললোচনা দুরিতসন্ততিং কৃন্ততু ॥ ২৯॥
সরোজভবসংস্তুতা সকললোকরাজ্যেশ্বরী
করোপমিতপল্লবা করুণযান্তরুল্লোলিতা ।
উরোরুহভরালসা মযপুরারিসম্মোহিনী
করোতু মদঘক্ষযং কুমুদলোচনা কাচন ॥ ৩০॥
চতুর্থং দশকম্ (শার্দূলবিক্রীডিতবৃত্তম্)
কালাম্ভোধরচারুসান্দ্রকবরি পূর্ণেন্দুবিম্বাননা
তাটঙ্কদ্যুতিধৌতগন্ডফলকা তাম্বূলরক্তাধরা ।
প্রালেযদ্যুতিবালকেন রচিতোত্তংসা হরাঙ্কাসনা
শান্তা নূতনপল্লবাভচরণা ভূত্যৈ শিবা চিন্ত্যতে ॥ ৩১॥
শ্রীপাদং তবশৈলরাজদুহিতঃ ভাস্বত্করাস্ফালন -
প্রোদ্ভুদ্ধাম্বুজসুন্দরং শ্রুতিবধূচূডাতটীলালিতম্ ।
বন্দন্তাং ত্রিদিবৌকসো বশমিতঃ সংবাহযত্বীশ্বরো
যোগী ধ্যাযতু বন্দিবদ্ভগবতি প্রস্তৌতি সোঽযং জনঃ ॥ ৩২॥
যস্যাশ্চামরধারিণী সরসিজপ্রাসাদসঞ্চারিণী
বাগ্দেবী হৃদযেশ্বরপ্রভৃতযো নাকৌকসঃ কিঙ্করাঃ ।
দেবঃ কৈরববন্ধুকোরকধরো লীলাসহাযঃ সখা
তস্যাঃ পাদসরোজবন্দিপদবীং পাপ্তোঽস্ম্যহং ভাগ্যতঃ ॥ ৩৩॥
পাদস্য ক্রিযতে ক্ষণান্তকতিচন ধ্যানং জগদ্ধাত্রি তে
যত্তস্যেভঘটাকুলাঙ্গনমহীশ্রীর্নানুরুপং ফলম্ ।
নোদ্গারো মধুমাধুরিমদমুষাং স্বাভাবিকো বা গিরাং
সাধীযস্তু ফলং যদীশ্বরি পুনর্ধ্যাতুং মতির্জাযতে ॥ ৩৪॥
দেবি ত্বচ্চরণারবিন্দযুগলধ্যানস্য কেচিত্ফলং
মন্যন্তে রথবাজিসামজবধূসৌধাদিরূপাং শ্রিযম্ ।
পীযূষদ্রবসারবৈভবমুষাং বাচাং পরে পাটবং
প্রাজ্ঞাঃ সাধনমাদিতঃ পরিণতৌ পাহুঃ ফলং তত্স্বযম্ ॥ ৩৫॥
লোভঃ কুত্রচিদস্তি কুত্রচিদসৌ রোষঃ পরং ভীষণঃ
কুত্রাপ্যেষ মনোভবোঽতিমলিনে স্বান্তে নিশান্তে মম ।
এতস্যাপ্যহহাদ্রিরাজতনুজে কোণে ত্বদীযং পদং
খেটীমস্তকলালিতং শুচিতমং বাঞ্ছামি কর্তুং খলঃ ॥ ৩৬॥
কন্দর্পেণ নিবারিতং প্রহসতা লোভেন নির্ভর্ত্সিতং
মাত্সর্যেণ তিরস্কৃতং মদমহানাগেন চাঽভিদ্রুতম্ ।
দুর্ভ্রান্ত্যা গলহস্তি তং বত পুনঃ ক্রোধেন ধূতং বলা -
দপ্যেতত্পদমম্ব তে বিশতি মে চেতোঽস্য বর্ণ্যা কৃপা ॥ ৩৭॥
উদ্দীপ্যন্নখরাংশুজালজটিলস্ত্বত্পাদকণ্ঠীরবো
যাবন্মীলিতলোচনঃ শশিকলাচূডামণের্বল্লভে ।
তাবল্লোভকটিপ্রখেলতি মুদং পুষ্ণাতি কামদ্বিপো
রোষদ্বীপিপতিশ্চ গর্জতিতরাং মন্মানসে কাননে ॥ ৩৮॥
চাঞ্চল্যং হৃদযস্য নশ্যন্তি কথং যুষ্মত্প্রসাদং বিনা
ত্বং বা দেবি কথং প্রসীদসি যদি স্থৈর্যাদপেতং মনঃ ।
অন্যোন্যাশ্রযদোষ এষ সুমহানন্যং বিধিং স্থাপয -
ত্যস্মাকং বরদে তবোত করুণাং নির্হেতুকাং জন্তুষু ॥ ৩৯॥
ভক্তির্মে ত্বযি ভর্গপত্নি মহতী ধ্যাতুং চ বাঞ্ছামি তে
পাদাম্ভোজযুগং তথাপি চলতাং চেতো ন মে মুঞ্চতি ।
কামাঃ সন্তি সহস্ত্রশো নগসুতে পশ্চাদ্ব্রবীম্যগ্রতঃ
চিত্তস্য স্থিরতাং প্রদেহি করুণা যদ্যস্তি তে বস্তুতঃ ॥ ৪০॥
পঞ্চমং দশকম্ (সুবোধিতাবৃত্তম্)
উডুরাজকলাকলাপকান্তে সদযে সুন্দরি কোমলাঙ্গি মাতঃ ।
শ্রুতিপদ্মদৃশাবতংসিতং তে পদপদ্মং প্রতিভাতু মানসে মে ॥ ৪১॥
অরুণাচলনাথসদ্মনাথে চরিতং তে চরণস্য ধাত্রি চিত্রম্ ।
ক্রিযতেঽব্জসনাভিনামুনা যদ্গতপঙ্কে মুনিমানসে নিবাসঃ ॥ ৪২॥
চরিতং চরণাম্বুজন্মনস্তে পরমং বিস্মযমাতনোতি মাতঃ ।
অতিরাগবদপ্যদো বিধতে সহবাসেন যদন্তরং বিরাগম্ ॥ ৪৩॥
ভবভামিনি কর্মশর্মদাতুঃ ভবদীযস্য পদস্য বিস্মযায ।
অপি ধূলিবিধূসরং বিধত্তে যদিদং বীতরজো মনো মুনীনাম্ ॥ ৪৪॥
চরণং জগদম্ব কৈটভারির্যতমানোঽপি দদর্শ নৈব যস্য ।
স হরস্তব দৃশ্যতে বিলগ্নশ্চরণে চণ্ডি চরাচরাধিনাথঃ ॥ ৪৫॥
কমলাসনকঞ্জলোচনাদীনবমত্য ত্রিদশান্নগেশকন্যে ।
অগুণে রমসে নগেঽত্র শোণে ক্ব গুণান্ পশ্যতি জাতিপক্ষপাতঃ ॥ ৪৬॥
কুসুমাদপি কোমলং বপুস্তে হৃদযেশস্ত্বরুণো গিরিঃ কঠোরঃ ।
প্রচলাখুতুরঙ্গমস্য মাতঃ সমনুধ্যায বিভেমি চেতসেদম্ ॥ ৪৭॥
যদসৌ বিহিতঃ সিতোঽরুণাদ্রিস্তব হাসেন সিতেন নাত্র চিত্রম্ ।
ইদমদ্ভুতমস্য মানসং যদ্বিমলং পার্বতি নীযতেঽতিরাগম্ ॥ ৪৮॥
নবকুঙ্কুমরেণুপঙ্কিলস্য স্মরণাত্তে সততং স্তনাচলস্য ।
স্বযমপ্যচলো বভূব শোণঃ শশিধারী জগতং সবিত্রি শঙ্কে ॥ ৪৯॥
স্মরণাদরুণাচলস্য মুক্ত্তিঃ কথমশ্লীলকপালভূষণস্য ।
বপুষোঽধর্মমুষ্য চেন্নচেতস্তিমিরধ্বংসিনি সর্বমঙ্গলে ত্বম্ ॥ ৫০॥
ষষ্ঠং দশকম্ (তূণকবৃত্তম্)
গৌরি চণ্ডি কালিকে গণাধিনাযকাম্বিকে
স্কন্দমাতরিন্দুখণ্ডশেখরে পরাত্পরে ।
ব্রজনাযিকে প্রপঞ্চরাজ্ঞি হৈমবত্যুমে
ভর্গপত্নি পালযেতি গীযতাং সদা সখে ॥ ৫১॥
বাসুদেবমুখ্যনিত্যদেবমৌলিবিস্ফুর-
দ্রত্রজালরশ্মিজাতরঞ্জিতাঙ্ধ্রিপঙ্কজে ।
শীতভানুবালচূডচিত্তবালডোলিকে
শৈলপালবালিকে সদা বদামি নাম তে ॥ ৫২॥
কল্পবল্লি গাযতাং নিতম্বিনীমতল্লিকে
নাম তে বিপশ্চিতো নিরন্তরং গৃণন্তি যে ।
দৈত্যজৈত্রি লোকধাত্রি রাত্রিরাণ্ণিভাননে
শৈলবংশবৈজযন্তি জন্তবো জযন্তি তে ॥ ৫৩॥
আননে ত্বদীযনাম পাবনাচ্চ পাবনং
যস্য পুণ্যপূরুষস্য পূরুষার্ধবিগ্রহে ।
সানুমন্মহেন্দ্রপুত্রি সম্মদায ভূযসে
বন্ধনালযোঽপি তস্য নন্দনং বনং যথা ॥ ৫৪॥
নামকীর্তনেষু যা ষডাননস্য ষড্বিধাত্
শব্দতোঽপি ভাষিতাত্পৃথক্পদাভিশোভিতাত্ ।
উন্নতৈকনাদতো গজাননস্য বৄংহিতাত্
তৃপ্তিমেতি পুত্রযোঃ সমাপি সা জযত্যুমা ॥ ৫৫॥
মুগ্ধমিত্রমানসে মহান্ধকারবন্ধুরে
নিদ্রিতমুমাং নিজে বহির্গবেষযস্যহো ।
তত্প্রবিশ্য পশ্য বেদদীপকেন তাং ততঃ
তারশব্দবোধিতাং বিধায সাধযামৃতম্ ॥ ৫৬॥
আদিমো বিভোঃ সুতো যদীযমূলমাশ্রিতঃ
কুঞ্জরাননো বিভর্তি সালতাতনৌ ততা ।
অগ্রতো দধাতি কিঞ্চিদম্বুজং মরন্দব -
ত্তত্র শক্ত্তিরুত্তমা প্রবোধযন্তি তাং বিদঃ ॥ ৫৭॥
দ্বাদশান্তশাযিনী হৃদম্বুজান্তরস্থিতা
মণ্ডলদ্বযালযা সিতাদ্রিশৃগচারিণী ।
সর্বভূতজালভর্তুরাসনার্ধভাগিনী
ভূতিমুত্তমাং তনোতু ভুভৃতঃ সুতা তব ॥ ৫৮॥
ক্ষত্রমর্দন্প্রসূরসূরিলোকদুর্গমা
দুর্গমাটবীবিহারলালসা মদালসা ।
নিত্যশক্ত্তিপৌরুষা মমাঙ্ঘ্রিমূলবাসিনঃ ।
সত্যকীর্তিরার্তিজালহারিণী হরত্বধম্ ॥ ৫৯॥
শক্ত্তিধারিণঃ সবিত্রি সর্বশক্ত্তিমত্যুমে
ভক্তিমজ্জনোগ্রপাপনিগ্রহে ধৃতগ্রহে ।
দেবমৌলিরত্নকান্তিধৌতপাদুকায তে
সর্বমঙ্ঘ্রযে মদিযমাত্মনা সহার্প্যতে ॥ ৬০॥
সপ্তমং দশকম্ (মদালসাবৃত্তম্)
জম্ভারিমুখ্যসুরসম্ভাবিতা বহুলদম্ভাত্মনামসুলভা
পুম্ভাবদৃপ্তসনিশুম্ভাদিবন্ধুগণশুম্ভাসুরেন্দ্রদমনী
কুম্ভাপহাসিকুচকুম্ভানঘোরুজিতরম্ভাঽনুরক্তহৃদযা
শম্ভাবিভেন্দ্রমুখডিম্ভা করোতু তব শং ভামিনীমণিরুমা ॥ ৬১॥
তারাবলীতুলিতহারালিশোভিকুচভারাঽলসালসগতিঃ
ধারাধরাভকচভারা সুপর্বরিপুবীরাভিমানশমনী ।
নীরাটকেতুশরধারাভদৃষ্টিরতিধীরা ধরাধরসুতা
বারাণসীবসতি বারাশিতূণরতিরারাধ্যতামযি সখে ॥ ৬২॥
খ্যাতা মুনীন্দ্রজনগীতা মযূরহযপোতাঽতিচিত্রচরিতা
শীতাচলাচিপতিজাতা প্রভাতযমতাতাবিশেষচরণা ।
পূতা পিনাকধরপীতাধরা ত্রিদিবপাতালভূতলজুষাং
সা তাপজাতমবিগীতাঽখিলং হরতু মাতা কটাক্ষকলযা ॥ ৬৩॥
খন্ডামৃতদ্যুতিশিখণ্ডা মহোগ্রতরভণ্ডাদিদৈত্যদমনী
চণ্ডাঽনলাঢ্যকুলকুণ্ডালযা বিহিতদণ্ডা খলায ভুবনে ।
শুণ্ডালভূমিপতিতুণ্ডধিভূততরুষণ্ডা চলাণ্ডঘটমৃত্-
পিণ্ডাযিতা সকলপিণ্ডান্তরস্থমণিভাণ্ডাযিতাঽস্তু শরণম্ ॥ ৬৪॥
রাকাসুধাকরসমাকারহাসধুতভীকা ভবাব্ধিতরণে
নৌকা কটাক্ষধুতশোকা মহামহিমপাকারিণাঽপি বিনুতা ।
একাম্বিকা সকললোকাবলেরচলতোকাযিতাখিলঘন-
শ্রীকানতস্য মম সা কালিকা কমলনীকাশদৃক্ দিশতু শম্ ॥ ৬৫॥
নীলালকা মধুরশীলা বিধূতরিপুজালা বিলসবসতিঃ
লোলা দৃশোঃ কনকমালাবতী বিবুধলীলাবতীপরিবৃত ।
কিলালজাপ্তমুখহেলা জিতামৃতকরেমাতলে নিবসতাং
শালারুচামজিনচেলাঽবলা কপটকোলানুজা দিশতু শম্ ॥ ৬৬॥
অব্যাদুদারতরপব্যাযুধপ্রভৃতিহব্যাশির্কীর্তিতগুণা
গব্যাজ্যসম্মিলিতকব্যাশিলোকনুতভব্যাঽতিপাবনকথা ।
শ্রব্যা সদা বিবিধনব্যাবতারবরকব্যারভট্যভিরতা
দিব্যাকৃতিস্তরুণব্যাভপাদখিলমব্যাত্মজা তব কুলম্ ॥ ৬৭॥
দোষাকরার্ভকবিভূষা কটাক্ষধুতদোষা নিরন্তরমন -
স্তোষা পরা কলুষিকাষাযধারিযতিবেষাঽনবাপ্যচরণা ।
ভাষাবধূদযিতশেষাহিশাযিবিনুতৈষা বিষাদশমনী
পোষায পাপততিশোষায চাস্তু কুলযোষা ভবস্য ভবতাম্ ॥ ৬৮॥
বন্দারুসাধুজনমন্দারবল্লিরবিন্দাভদীর্ঘনযনা
কুন্দালিকল্পরদবৃন্দা পদাব্জনতবৃন্দারকেন্দুবদনা ।
মন্দা গতাবলমমন্দা মতৌ জিতমুকুন্দাসুরপ্রশমনী
নন্দাত্মজা দিশতু শং দারুণাধততিভিন্দাননামনিবহা ॥ ৬৯॥
শ্যামা কদম্ববনধামা ভবার্তিহরনামা নমজ্জনহিতা
ভীমা রণেষু সুরভামাবতংসসুমদামানুবাসিতপদা ।
কামাহিতস্য কৃতকামা কিলালমভিরামা রমালযমুখী
ক্ষেমায তে ভবতু বামা কদম্বকললামাযিতা ভগবতী ॥ ৭০॥
অষ্টমং দশকম্ (দ্রুতবিলম্বিতবৃত্তম্)
জলরুহং দহরং সমুপাশ্রিতা জলচরধ্বজসূদনসুন্দরী ।
হরতু বোধদৃগাবরণং তমো হৃদযগং হসিতেন সিতেন মে ॥ ৭১॥
নমদমর্ত্যকিরীটকৃতৈঃ কিণৈঃ কমঠপৃষ্ঠনিভে প্রপদেঽঙ্কিতা ।
অজিনচেলবধূর্বিদধাতু বো বৃজিনজালমজালমবিক্রমম্ ॥ ৭২॥
ললিতযা নতপালনলোলযা প্রমথনাথমনোহরলীলযা ।
কিরিমুখীমুখশক্ত্যুপজীব্যযা বিদিতযাদিতযা গতিমানহম্ ॥ ৭৩॥
অমৃতদীধিতিপোবতংসযা কৃতপদানতপাপনিরাসযা ।
গতিমদর্ধনরকৃতিচিত্রযা ভুবনমেব ন মে কুলমার্যযা ॥ ৭৪॥
অগণযং ন চ গোষ্পদবদ্যদি ত্রিভুবনং কুতলে ন তরামি কিম্ ।
শরণবানহমুত্তমভাবযা গিরিজযারিজযাবিতদেবযা ॥ ৭৫॥
সকরুণা কুশলং তব রেণুকাতনুরুমা তনুতাদুদিতো যতঃ ।
যুধি মুনির্বিদধৌ পরশুং দধজ্জনপতীনপতীব্র ভুজামদান্ ॥ ৭৬॥
দশরথাত্মজপূজিতমীশ্বরং বিদধতী রতিনাথবশং গতম্ ।
দিশতু বঃ কুশলং নগবর্ধিনী হরিহযারিহযান মৃগেশ্বরা ॥ ৭৭॥
জননি শুম্ভনিশুম্ভমহাসুরোন্মথন বিশ্রুতবিক্রমযা ত্বযা ।
জগদরক্ষ্যত গোপকুলেশিতুঃ তনুজযানুজযার্জুনসারথেঃ ॥ ৭৮॥
চরণযোর্ধৃতযা বিজযামহে জগতি মাররিপুপ্রিযভামযা ।
শশিকলামলমন্দরহাসযা নগজযা গজযানবিলাসযা ॥ ৭৯॥
ইমমগাধিপনন্দিনি কল্কিনং রুষমপোহ্য হরস্য বিলোকিতৈঃ ।
কলুষনাশনভীমদৃশোল্লসন্মদনকৈরবকৈরবলোচনে ॥ ৮০॥
নবমং দশকম্ (আর্যাবৃয্ত্তম্)
স জযতি পুণ্যকুলেষু ভ্রাম্যন্ গণনাথমাতুরালোকঃ ।
যমনুচরতো জনার্দনকুলতরুণী দেবতা চ গিরাম্ ॥ ৮১॥
কস্য প্রবলপ্রতিভটভুজকণ্ডূবারণং মহদ্বীর্যম্ ।
কস্য গিরামিহ সর্গো যুগস্য পরিবর্তনেঽপি পটুঃ ॥ ৮২॥
কস্য পুনরন্তরাত্মনি সঙ্গসহস্রৈরচালিতা নিষ্ঠা ।
ধূর্জটিদিযতে যুষ্মদ্দৃগন্তভৃতমন্তরা ধন্যম্ ॥ ৮৩॥
যস্য নিদানমবিদ্যা মমকারঃ পূর্বরূপমঙ্কুরিতঃ ॥
রূপং তাপত্রিতযং সত্সঙ্গঃ কিঞ্চিদুপশান্তযৈ ॥ ৮৪॥
অন্তঃকরণং স্থানং প্রকোপনো বিষযপঞ্চকাভ্যাসঃ ।
মুক্তিঃ সুষুপ্তিসমযে পুনরগমনায ঘোরায ॥ ৮৫॥
লোভাভিলাষরোষাঃ কফমারুতমাযবস্ত্রযো দোষাঃ ।
অরুচিঃ পথ্যে ভূযস্যনুবন্ধোপদ্রবো ঘোরঃ ॥ ৮৬॥
তস্য প্রযচ্ছ শমনং সংসারাখ্যজ্বরস্য ভূরিকৃপে ।
মৃত্যুঞ্জযস্য ভামিনি ভেষজমালোকিতং নাম ॥ ৮৭॥
ভবদীযস্য ভবানি প্রসিদ্ধচরিতে কটাক্ষমেঘস্য ।
প্রাবৃট্পরিতাপহৃতো ভব্যামৃতবর্ষিণঃ করুণা ॥ ৮৮॥
রাজোগ্রদৃষ্টিরুগ্রো যুবরাজঃ সন্ততং মদোপেতঃ ।
তব রাজ্ঞি ন করুণা চেদ্ভুবনস্য কথং শুভং ভবতু ॥ ৮৯॥
রাজ্ঞি তব দৃষ্টিরবনে বিনতানামপি সদৈব খেলন্ত্যাঃ ।
তপতোঽপি নিত্যমীশো লোলো লিলাসু তে ভবতি ॥ ৯০॥
দশমং দশকম্ (শশিবদনাবৃত্তম্)
পদকমলাপ্ত ত্রিকলুষহর্ত্রী ।
জযতি শিবেতি ত্রিভুবনভর্ত্রী ॥ ৯১॥
অধিতনুদৃষ্টিস্তটিদধিভূতম্ ।
প্রমথপতেঃ সা সুদৃগধিদৈবম্ ॥ ৯২॥
স্বনযনবৃতৌ স্থিরচরণানাম্ ।
দ্বিদলসরোজে ভগবতি ভাসি ॥ ৯৩॥
দহরসরোজে নিহিতপদানাম্ ।
দ্বিদলসরোজাদবতরসি ত্বম্ ॥ ৯৪॥
অযি কুলকুণ্ডে ধৃতচরণানাম্ ।
দশশতপত্রং ব্রজসি তপন্তী ॥ ৯৫॥
দহরসরোজে দৃশমপিহিত্বা ।
বিষযপরাণাং স্খলসি বহিস্ত্বম্ ॥ ৯৬॥
স্খলসি যতস্ত্বং স ভবতি হীনঃ ।
বিলসসি যস্মিন্ স খলু মহাত্মা ॥ ৯৭॥
দৃশি দৃশি চিত্ত্বং হৃদি হৃদি সত্তা ।
প্রতিনরশীর্ষং প্রমদকলাঽসি ॥ ৯৮॥
তব লহরীষু ত্রিপুরবিরোধী ।
কিমিব ন চিত্রং জননি করোতি ॥ ৯৯॥
হরশিরসো গৌর্যবসি জগত্ত্বম্ ।
গণপতিশীর্ষাদব মুনিভূমিম্ ॥ ১০০॥
॥ ইতি শ্রীভগবন্মহর্ষিরমণান্তেবাসিনো বাসিষ্ঠস্য
নরসিংহসূনোঃ গণপতেঃ কৃতিঃ উমাশতকং সমাপ্তম্ ॥
Encoded and proofread byDPD
Please send corrections to sanskrit@cheerful.com
Last updated ত্oday
http://sanskritdocuments.org
Uma Shatakam Lyrics in Bengali PDF
% File name : umAshatakam1.itx
% Location : doc\_devii
% Author : Ganapati Muni with Ramana Maharshi
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Description-comments : From Complete Works of Ganapati Muni Vol 1
% Latest update : November 24, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : umAshatakam1.itx
% Location : doc\_devii
% Author : Ganapati Muni with Ramana Maharshi
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Description-comments : From Complete Works of Ganapati Muni Vol 1
% Latest update : November 24, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website