ಉಮಾಶತಕಮ್
{॥ ಉಮಾಶತಕಮ್ ॥}
ಪ್ರಥಮಂ ದಶಕಮ್ (ಆರ್ಯಾವೃತ್ತಮ್)
ಫುಲ್ಲತ್ವಂ ರವಿದೀಧಿತಿನಿರಪೇಕ್ಷಮುಮಾಮುಖ್ಯಾಬ್ಜಸ್ಯ ।
ಪೂರ್ಣಂ ಕರೋತು ಮಾನಸಮಭಿಲಾಷಂ ಪುಣ್ಯಭೂಮಿಜುಷಾಮ್ ॥ ೧॥
ಕೈಲಾಸವಾಸಿನೀ ವಾ ಧವಲದ್ಯುತಿಬಿಮ್ಬನಿಲಯಾ ವಾ ।
ಆಕಾಶಾನ್ತರಪೀಠಸ್ಥಿತೋತ ಮೇ ದೇವತಾ ಭವತಿ ॥ ೨॥
ಆಕಾಶಾನ್ತರಪೀಠಸ್ಥಿತೈವ ಸಾಕ್ಷಾತ್ಪರಾಶಕ್ತಿಃ ।
ತಸ್ಯಾ ಅಂಶವ್ಯಕ್ತೀ ಶಶಿನಿ ಸಿತಾದ್ರೌ ಚ ರಾಜನ್ತ್ಯೌ ॥ ೩॥
ಸಙ್ಕಲ್ಪವಾತಸಙ್ಗಾದಾನನ್ದರಸೋ ಘನೀಭೂತಃ ।
ಅನ್ತರ್ವ್ಯಾಪಕಶಕ್ತೇಃ ಸಮಪದ್ಯತ ತೇ ವಪುರ್ಮಾತಃ ॥ ೪॥
ಇಚ್ಛಾವಿಚಿತ್ರವೀರ್ಯಾತ್ತೇಜಃಪಟಲೋ ಘನೀಭೂತಃ ।
ಅನ್ತರ್ವ್ಯಾಪಕಶಕ್ತೇಃ ಸಮಪದ್ಯತ ತೇ ವಿಭೋರ್ಗಾತ್ರಮ್ ॥ ೫॥
ಇಚ್ಛಾಯೋಗಾತ್ತೇಜಸಿ ತವ ಭಾಗಃ ಕಶ್ಚಿದಸ್ತೀಶೇ ।
ವಿಜ್ಞಾನಯೋಗತೋ ಮುದಿ ಭಾಗ್ಯಸ್ತ್ವಯಿ ಕಶ್ಚಿದೀಶಸ್ಯ ॥ ೬॥
ಸಮ್ರಾಜೌ ಶಶಭೃತಿ ಯೌ ಗೃಹವನ್ತೌ ಯೌ ಚ ಸಿತಗಿರಿಣಾ ।
ತದಿದಂ ಯುವಯೋರ್ಮಾಯಾ ವೇಷಾನ್ತರಮಿಥುನಯುಗಲಮುಮೇ ॥ ೭॥
ಯದ್ಯಪಿ ವಿಭೂತಿರಧಿಕಂ ಯುವಯೋರ್ವಿಶ್ವಾಮ್ಬಿಕೇ ಭವತಿ ।
ಮಿಥುನೇ ತಥಾಪ್ಯಮೂ ವಾಂ ನೇದಿಷ್ಠೇ ದೇವಿ ಪಶ್ಯಾಮಃ ॥ ೮॥
ದಮ್ಪತ್ಯೋರ್ಭಗವತಿ ವಾಂ ಪ್ರತಿಬಿಮ್ಬೌ ಭಾಸ್ಕರೇ ಭವತಃ ।
ದೇಹಭುವೌ ಭೂಚಕ್ರಸ್ವಪ್ನಪ್ರವ್ಯಕ್ತ್ತೀ ಸುಧಾಮಹಸಿ ॥ ೯॥
ದೇಹೇ ಭುವಃ ಪ್ರತಿಬಿಮ್ಬಃ ಪ್ರಾಣನ್ಮೂಲಸ್ಯ ನೇದೀಯಾನ್ ।
ಪ್ರತಿಬಿಮ್ಬವ್ಯಕ್ತ್ತೇಶ್ಚ ಸ್ವಪ್ನವ್ಯಕ್ತ್ತಿಶ್ಚ ನೇದಿಷ್ಠಾ ॥ ೧೦॥
ದ್ವಿತೀಯಂ ದಶಕಮ್ (ವಸನ್ತತಿಲಕಾವೃತ್ತಮ್)
ಕಾಶ್ಮೀರಮುನ್ನತಪಯೋಧರಕುಮ್ಭಸೀಮ್ನಿ
ಸ್ರಿಗ್ಧಂ ಪ್ರದಿಗ್ಧಮುಮಯಾ ಶರಣಂ ಮಮಾಸ್ತು ।
ಭೇತ್ತಾ ಪುರಾಮುಪರಿ ಭಸ್ಮನ ಏವ ಧತ್ತೇ
ರಾಗಸ್ಯ ಚಿಹ್ನಮಿವ ಯತ್ಪರಿರಮ್ಭಲಗ್ನಮ್ ॥ ೧೧॥
ಅಸ್ಮಾಕಮಮ್ಬುದಘನಸ್ತನಿತೋಪಮೇಷು
ಹೇರಮ್ಬಬೃಂಹಿತವಿಭೂತಿಷು ಭಾಷಿತೇಷು ।
ಸಿದ್ಧೋದ್ಯಮಾನಮತಿಲಙ್ಧ್ಯ ನಿಜಾಪದಾನಂ
ಬದ್ಧಶ್ರುತಿರ್ಭವತು ಭರ್ಗಗೃಹಸ್ಯ ನೇತ್ರೀ ॥ ೧೨॥
ಸನ್ದೇಹ ಏಷ ಮಮ ಚನ್ದ್ರಕಲಾಧರಸ್ಯ
ಶುದ್ಧಾನ್ತಸುನ್ದರಿ ಮನಾಂಸಿ ಸತಾಂ ತವಾಙ್ಧ್ರಿಃ ।
ಶುದ್ಧಾನಿ ಕಿಂ ವಿಶತಿ ಕಿನ್ನು ಭಜನ್ತಿ ಶುದ್ಧಿಮ್
ಅಙ್ಧ್ರೇ ಪ್ರವೇಶಮನು ತಾನಿ ವಿಧೂಯ ಪಙ್ಕಮ್ ॥ ೧೩॥
ತ್ರೈಲೋಕ್ಯಪಾಲನವಿಧಾಯಿ ವಿಕಸ್ವರಾಬ್ಜ-
ಶೋಭಾವಿಡಮ್ಬಿ ಮಣಿಪೀಠತಟೀವಿಲಮ್ಬಿ ।
ಕ್ಷೇಮಪ್ರದಾಯಿ ಹೃದಯೇ ಚರಣಂ ನ್ಯಧಾಯಿ
ಕಿಂವಾ ನ ತೇ ನಗಸುತೇ ಯದಿ ಯಂ ವಿಪನ್ನಃ ॥ ೧೪॥
ವಿಘ್ನಾನಿ ಯನ್ಮುಹುರಿದಂ ಹೃದಯಂ ಚಲಂ ಯತ್
ಸೌಖ್ಯಂ ನ ಕಿಞ್ಚಿದಪಿ ಯದ್ಯದುಪರ್ಯಸೌಖ್ಯಮ್ ।
ತ್ವಾಮಾಶ್ರಿತಸ್ಯ ಚ ಮಮಾಖಿಲಲೋಕರಾಜ್ಞೀ
ಮತ್ತಃ ಪರೋ ಜಗತಿ ಕೋ ಮನುಜೇಷು ಕಲ್ಕೀ ॥ ೧೫॥
ಮಾ ಭೂನ್ನಿದೇಶವಚನಂ ನಯನಾಞ್ಚಲಸ್ಯ
ಮಾಭೂತ್ಪ್ರಸಾರಣಮಯಿ ತ್ಯಜ ನಿರ್ದಯತ್ವಮ್ ।
ಅಙ್ಗೀಕುರು ಸ್ತುತಗುಣೇ ಚರಣಾಮ್ಬುಜಂ ತೇ
ಧ್ಯಾತುಂ ತದೇವ ಬಹು ಮೇ ಭುವನಸ್ಯ ಮಾತಃ ॥ ೧೬॥
ಕಾಮಂ ದದಾತು ನ ದಾದತು ಮನೋ ಧಿನೋತು
ನೋ ವಾ ಧಿನೋತು ನಯತಾದ್ದಿವಮನ್ಯತೋ ವಾ ।
ಆತ್ಮರ್ಪಿತೋಽಯಗಜಾಪದಪಙ್ಕಜಾಯ
ಕಿಂ ಕಾಙ್ಕ್ಷತೇ ಪ್ರತಿಫಲಂ ವಿಪುಲೋಽನುರಾಗಃ ॥ ೧೭॥
ಪಾದಂ ದದಾಸಿ ಮನಸೇ ಕಿನು ಪಾಪಿನೋ ಮೇ
ಪಾರಿಪ್ಲವಾಯ ಭುವನಾಧಿಕವಾಸನಾಯ ।
ದೂರೇ ಸ ತಾವದಚಲೇನ್ದ್ರಕುಮಾರಿಕಾ ಮೇ
ದೇವಿ ಪ್ರಣಾಮಮುರರೀಕುರು ತಾವತಾಽಲಮ್ ॥ ೧೮॥
ಆರಾಧನಂ ತವ ಭವಾನಿ ಯಥಾವಿಧಾನಂ
ಕರ್ತುಂ ಕುಲಾಚಲಕುಮಾರಿ ನ ಪರಯಾಮಿ ।
ಪಾದಾರ್ವಿನ್ದಯುಗಮೇವ ತವಾನತೋಽಹಂ
ಪಾಪಾಕುಲಃ ಶರಣಮೀಶ್ವರಿ ಕಾಙ್ಕ್ಷಮಾಣಃ ॥ ೧೯॥
ಬದ್ಧವ್ರತಾ ಪ್ರಣತಪಾಪನಿವಾರಣೇ ತ್ವಂ
ಬದ್ಧಾಞ್ಜಲಿಶ್ಚ ಬಹುಪಾಪಸಮಾಕುಲೋಽಹಮ್ ।
ಕರ್ತವ್ಯಮದ್ರಿತನಯೇ ನಿಪುಣಂ ವಿಮೃಶ್ಯ
ನಿರ್ಧಾರಯಾತ್ರ ನ ಯಥಾ ಯಶಸೋ ವಿಲೋಪಃ ॥ ೨೦॥
ತೃತೀಯಂ ದಶಕಮ್ (ಪೃಥ್ವೀವೃತ್ತಮ್)
ವ್ರತಂ ತವ ವಿದನ್ಹೃದಿ ಪ್ರಣತಪಾಪನಾಶೇ ಕೃತಂ
ಫಲಪ್ರವಣಪಾತಕಪ್ರಮಥಿತೋಽಪಿ ನಾಸ್ಮ್ಯಾಕುಲಃ ।
ಭವಾಮಿ ಶಿರಸಾ ನತಸ್ತವ ಭವಾನಿ ಪಾದಾಮ್ಬುಜಂ
ವ್ರತಸ್ಯ ಪರಿಪಾಲನೇ ಯದಿ ಮತಿರ್ಗತಿರ್ಮೇ ಭವ ॥ ೨೧॥
ತಪಶ್ಚರಿತುಮುತ್ತಮಂ ಪ್ರಯತಿತಂ ಮಯಾನೇಕದಾ
ಪರನ್ತು ಬಹುಲೈರಧೈಃ ಪರಿಣತೈರ್ವೃತೋಽಧ್ವಾ ಮಮ ।
ಅಯಂ ಮಮ ದೃಢೋಽಞ್ಜಲಿಸ್ತನುವಿಯೋಗಕಾಲಾವಧಿ -
ರ್ಯದಿ ತ್ವಮಚಲವ್ರತಾಸ್ಯಚಲಕನ್ಯಕೇ ಮಾಮವ ॥ ೨೨॥
ಅಜೇಯಬಹುಪಾಪಭೃದ್ಭುವಿ ಜನಿಷ್ಯಮಾಣಃ ಖಲಃ
ಕಮೀಶದಯಿತೇ ಪುರಾ ನ ವಿದಿತಸ್ತವಾಯಂ ಜನಃ ।
ವ್ರತಂ ಕೃತಮಿದಂ ತ್ವಯಾ ಪರಮಸಾಹಸೋಪೇತಯಾ
ಕ್ವಾ ವಾ ಜನನಿ ಯೋಷಿತಾಂ ಜಗತಿ ದೀರ್ಘಮಾಲೋಚನಮ್ ॥ ೨೩॥
ಇಹಾಪುರಧಮರ್ಷಣಾನ್ಯಯಶ ಏವ ಭೂತ್ವಾ ಮುಧಾ
ವ್ಯಲೋಕಿ ನಿಯಮೈಸ್ತಥಾ ನ ಬಹುಲೈಶ್ಚಾ ಕಶ್ಚಿಜ್ಜಯಃ ।
ಸ್ಥಿರಂ ನ ಮದಧಕ್ಷಯೇ ಮದಧತೇಜಸಾ ಭೂಯಸಾ
ವ್ರತಂ ಚ ತವ ಕುಣ್ಠಿತಂ ಯದಿ ಮಮೈವ ಕೀರ್ತಿಃ ಪರಾ ॥ ೨೪॥
ಕ್ಷಯೇ ಯದಿ ಮದೇನಸಾಮಸುಕರೇ ನ ಧೀರಂ ಮನೋ
ನ ತೇ ನಗಪತೇಃ ಸುತೇ ಕಿಮಪಿ ಚಿನ್ತ್ಯಮೇತತ್ಕೃತೇ ।
ವ್ರತಂ ವಿಸೃಜ ತನ್ಮುಧಾ ನನು ವಧೂಸ್ವಭಾವಾತ್ಕೃತಂ
ಸ್ಥಿರೀಭವತು ದುರ್ವಿಧಿರ್ಭುವಿ ತವ ಪ್ರಸದಾದ್ಬಲೀ ॥ ೨೫॥
ಕೃತಂ ಪರಮಯತ್ನಶ್ಚಿರಮನುಜ್ಝಿತಂ ಶ್ರದ್ಧಯಾ
ಭೃತಂ ಬಹುವಿಧೋದ್ಯಮೈರವಿಜಿತಂ ಮಹಾಪಾತಕೈಃ ।
ಗತಂ ಧನತರಂ ಯಶೋ ಜಯತಿ ಪಾಪಜಾತಂ ಮಮ್
ವ್ರತಂ ಚ ತವ ತಾದೃಶಂ ಜನನಿ ಕಸ್ಯ ವಾ ಸ್ಯಾಜ್ಜಯಃ ॥ ೨೬॥
ಮದೀಯದುರಿತಾವಲಿಪ್ರಲಯಕಾಲಕಾದಮ್ಬಿನೀ
ಮದೋನ್ನತವಿಜೃಮ್ಭಣಂ ವೃಜನಭಙ್ಗಬದ್ಧವ್ರತೇ ।
ಭವಪ್ರಿಯತಮೇ ನಿಜಪ್ರಬಲಹುಙ್ಕೃತಿಪ್ರೋದ್ಧತ -
ಪ್ರಭಞ್ಜನಮಹೌಜಸಾ ಶಮಯ ಪಾಲಯಾತ್ಮವ್ರತಮ್ ॥ ೨೭॥
ಅಧಕ್ಷಯವಿಧೌ ತು ತೇ ಪರಿಣತಾ ಪರೀಪಕ್ವತಾ
ವಿಭೇದಕಥನಂ ಕಥಂ ಪೄಥುಲವೈಭವೇ ಯುಜ್ಯತೇ ।
ಇದಂ ತವ ವಿಗರ್ಹಣಂ ಪರಿಣತೈನಸಂ ವಾ ಸ್ತುತಿ -
ರ್ಮನೋ ಯದಿ ಮೃಡಾನಿ ತೇ ಜಗತಿ ಸಾಧ್ಯಮೇವಾಖಿಲಮ್ ॥ ೨೮॥
ಸಹಸ್ರನಯನಾದಿಭಿಃ ಸುರವರೈಃ ಸಮಾರಾಧಿತಾ
ಸಹಸ್ತ್ರಕಿರಣಪ್ರಭಾ ಸಿತಮರೀಚಿಶೀತಾ ಮಮ ।
ಸಹಸ್ರದಲಪಙ್ಕಜೇ ಕೃತನಿಕೇತನಾ ದೇಹಿನಾಂ
ಸಹಸ್ರದಲಲೋಚನಾ ದುರಿತಸನ್ತತಿಂ ಕೃನ್ತತು ॥ ೨೯॥
ಸರೋಜಭವಸಂಸ್ತುತಾ ಸಕಲಲೋಕರಾಜ್ಯೇಶ್ವರೀ
ಕರೋಪಮಿತಪಲ್ಲವಾ ಕರುಣಯಾನ್ತರುಲ್ಲೋಲಿತಾ ।
ಉರೋರುಹಭರಾಲಸಾ ಮಯಪುರಾರಿಸಮ್ಮೋಹಿನೀ
ಕರೋತು ಮದಘಕ್ಷಯಂ ಕುಮುದಲೋಚನಾ ಕಾಚನ ॥ ೩೦॥
ಚತುರ್ಥಂ ದಶಕಮ್ (ಶಾರ್ದೂಲವಿಕ್ರೀಡಿತವೃತ್ತಮ್)
ಕಾಲಾಮ್ಭೋಧರಚಾರುಸಾನ್ದ್ರಕಬರಿ ಪೂರ್ಣೇನ್ದುಬಿಮ್ಬಾನನಾ
ತಾಟಙ್ಕದ್ಯುತಿಧೌತಗನ್ಡಫಲಕಾ ತಾಮ್ಬೂಲರಕ್ತಾಧರಾ ।
ಪ್ರಾಲೇಯದ್ಯುತಿಬಾಲಕೇನ ರಚಿತೋತ್ತಂಸಾ ಹರಾಙ್ಕಾಸನಾ
ಶಾನ್ತಾ ನೂತನಪಲ್ಲವಾಭಚರಣಾ ಭೂತ್ಯೈ ಶಿವಾ ಚಿನ್ತ್ಯತೇ ॥ ೩೧॥
ಶ್ರೀಪಾದಂ ತವಶೈಲರಾಜದುಹಿತಃ ಭಾಸ್ವತ್ಕರಾಸ್ಫಾಲನ -
ಪ್ರೋದ್ಭುದ್ಧಾಮ್ಬುಜಸುನ್ದರಂ ಶ್ರುತಿವಧೂಚೂಡಾತಟೀಲಾಲಿತಮ್ ।
ವನ್ದನ್ತಾಂ ತ್ರಿದಿವೌಕಸೋ ವಶಮಿತಃ ಸಂವಾಹಯತ್ವೀಶ್ವರೋ
ಯೋಗೀ ಧ್ಯಾಯತು ವನ್ದಿವದ್ಭಗವತಿ ಪ್ರಸ್ತೌತಿ ಸೋಽಯಂ ಜನಃ ॥ ೩೨॥
ಯಸ್ಯಾಶ್ಚಾಮರಧಾರಿಣೀ ಸರಸಿಜಪ್ರಾಸಾದಸಞ್ಚಾರಿಣೀ
ವಾಗ್ದೇವೀ ಹೃದಯೇಶ್ವರಪ್ರಭೃತಯೋ ನಾಕೌಕಸಃ ಕಿಙ್ಕರಾಃ ।
ದೇವಃ ಕೈರವಬನ್ಧುಕೋರಕಧರೋ ಲೀಲಾಸಹಾಯಃ ಸಖಾ
ತಸ್ಯಾಃ ಪಾದಸರೋಜವನ್ದಿಪದವೀಂ ಪಾಪ್ತೋಽಸ್ಮ್ಯಹಂ ಭಾಗ್ಯತಃ ॥ ೩೩॥
ಪಾದಸ್ಯ ಕ್ರಿಯತೇ ಕ್ಷಣಾನ್ತಕತಿಚನ ಧ್ಯಾನಂ ಜಗದ್ಧಾತ್ರಿ ತೇ
ಯತ್ತಸ್ಯೇಭಘಟಾಕುಲಾಙ್ಗನಮಹೀಶ್ರೀರ್ನಾನುರುಪಂ ಫಲಮ್ ।
ನೋದ್ಗಾರೋ ಮಧುಮಾಧುರಿಮದಮುಷಾಂ ಸ್ವಾಭಾವಿಕೋ ವಾ ಗಿರಾಂ
ಸಾಧೀಯಸ್ತು ಫಲಂ ಯದೀಶ್ವರಿ ಪುನರ್ಧ್ಯಾತುಂ ಮತಿರ್ಜಾಯತೇ ॥ ೩೪॥
ದೇವಿ ತ್ವಚ್ಚರಣಾರವಿನ್ದಯುಗಲಧ್ಯಾನಸ್ಯ ಕೇಚಿತ್ಫಲಂ
ಮನ್ಯನ್ತೇ ರಥವಾಜಿಸಾಮಜವಧೂಸೌಧಾದಿರೂಪಾಂ ಶ್ರಿಯಮ್ ।
ಪೀಯೂಷದ್ರವಸಾರವೈಭವಮುಷಾಂ ವಾಚಾಂ ಪರೇ ಪಾಟವಂ
ಪ್ರಾಜ್ಞಾಃ ಸಾಧನಮಾದಿತಃ ಪರಿಣತೌ ಪಾಹುಃ ಫಲಂ ತತ್ಸ್ವಯಮ್ ॥ ೩೫॥
ಲೋಭಃ ಕುತ್ರಚಿದಸ್ತಿ ಕುತ್ರಚಿದಸೌ ರೋಷಃ ಪರಂ ಭೀಷಣಃ
ಕುತ್ರಾಪ್ಯೇಷ ಮನೋಭವೋಽತಿಮಲಿನೇ ಸ್ವಾನ್ತೇ ನಿಶಾನ್ತೇ ಮಮ ।
ಏತಸ್ಯಾಪ್ಯಹಹಾದ್ರಿರಾಜತನುಜೇ ಕೋಣೇ ತ್ವದೀಯಂ ಪದಂ
ಖೇಟೀಮಸ್ತಕಲಾಲಿತಂ ಶುಚಿತಮಂ ವಾಞ್ಛಾಮಿ ಕರ್ತುಂ ಖಲಃ ॥ ೩೬॥
ಕನ್ದರ್ಪೇಣ ನಿವಾರಿತಂ ಪ್ರಹಸತಾ ಲೋಭೇನ ನಿರ್ಭರ್ತ್ಸಿತಂ
ಮಾತ್ಸರ್ಯೇಣ ತಿರಸ್ಕೃತಂ ಮದಮಹಾನಾಗೇನ ಚಾಽಭಿದ್ರುತಮ್ ।
ದುರ್ಭ್ರಾನ್ತ್ಯಾ ಗಲಹಸ್ತಿ ತಂ ಬತ ಪುನಃ ಕ್ರೋಧೇನ ಧೂತಂ ಬಲಾ -
ದಪ್ಯೇತತ್ಪದಮಮ್ಬ ತೇ ವಿಶತಿ ಮೇ ಚೇತೋಽಸ್ಯ ವರ್ಣ್ಯಾ ಕೃಪಾ ॥ ೩೭॥
ಉದ್ದೀಪ್ಯನ್ನಖರಾಂಶುಜಾಲಜಟಿಲಸ್ತ್ವತ್ಪಾದಕಣ್ಠೀರವೋ
ಯಾವನ್ಮೀಲಿತಲೋಚನಃ ಶಶಿಕಲಾಚೂಡಾಮಣೇರ್ವಲ್ಲಭೇ ।
ತಾವಲ್ಲೋಭಕಟಿಪ್ರಖೇಲತಿ ಮುದಂ ಪುಷ್ಣಾತಿ ಕಾಮದ್ವಿಪೋ
ರೋಷದ್ವೀಪಿಪತಿಶ್ಚ ಗರ್ಜತಿತರಾಂ ಮನ್ಮಾನಸೇ ಕಾನನೇ ॥ ೩೮॥
ಚಾಞ್ಚಲ್ಯಂ ಹೃದಯಸ್ಯ ನಶ್ಯನ್ತಿ ಕಥಂ ಯುಷ್ಮತ್ಪ್ರಸಾದಂ ವಿನಾ
ತ್ವಂ ವಾ ದೇವಿ ಕಥಂ ಪ್ರಸೀದಸಿ ಯದಿ ಸ್ಥೈರ್ಯಾದಪೇತಂ ಮನಃ ।
ಅನ್ಯೋನ್ಯಾಶ್ರಯದೋಷ ಏಷ ಸುಮಹಾನನ್ಯಂ ವಿಧಿಂ ಸ್ಥಾಪಯ -
ತ್ಯಸ್ಮಾಕಂ ವರದೇ ತವೋತ ಕರುಣಾಂ ನಿರ್ಹೇತುಕಾಂ ಜನ್ತುಷು ॥ ೩೯॥
ಭಕ್ತಿರ್ಮೇ ತ್ವಯಿ ಭರ್ಗಪತ್ನಿ ಮಹತೀ ಧ್ಯಾತುಂ ಚ ವಾಞ್ಛಾಮಿ ತೇ
ಪಾದಾಮ್ಭೋಜಯುಗಂ ತಥಾಪಿ ಚಲತಾಂ ಚೇತೋ ನ ಮೇ ಮುಞ್ಚತಿ ।
ಕಾಮಾಃ ಸನ್ತಿ ಸಹಸ್ತ್ರಶೋ ನಗಸುತೇ ಪಶ್ಚಾದ್ಬ್ರವೀಮ್ಯಗ್ರತಃ
ಚಿತ್ತಸ್ಯ ಸ್ಥಿರತಾಂ ಪ್ರದೇಹಿ ಕರುಣಾ ಯದ್ಯಸ್ತಿ ತೇ ವಸ್ತುತಃ ॥ ೪೦॥
ಪಞ್ಚಮಂ ದಶಕಮ್ (ಸುಬೋಧಿತಾವೃತ್ತಮ್)
ಉಡುರಾಜಕಲಾಕಲಾಪಕಾನ್ತೇ ಸದಯೇ ಸುನ್ದರಿ ಕೋಮಲಾಙ್ಗಿ ಮಾತಃ ।
ಶ್ರುತಿಪದ್ಮದೃಶಾವತಂಸಿತಂ ತೇ ಪದಪದ್ಮಂ ಪ್ರತಿಭಾತು ಮಾನಸೇ ಮೇ ॥ ೪೧॥
ಅರುಣಾಚಲನಾಥಸದ್ಮನಾಥೇ ಚರಿತಂ ತೇ ಚರಣಸ್ಯ ಧಾತ್ರಿ ಚಿತ್ರಮ್ ।
ಕ್ರಿಯತೇಽಬ್ಜಸನಾಭಿನಾಮುನಾ ಯದ್ಗತಪಙ್ಕೇ ಮುನಿಮಾನಸೇ ನಿವಾಸಃ ॥ ೪೨॥
ಚರಿತಂ ಚರಣಾಮ್ಬುಜನ್ಮನಸ್ತೇ ಪರಮಂ ವಿಸ್ಮಯಮಾತನೋತಿ ಮಾತಃ ।
ಅತಿರಾಗವದಪ್ಯದೋ ವಿಧತೇ ಸಹವಾಸೇನ ಯದನ್ತರಂ ವಿರಾಗಮ್ ॥ ೪೩॥
ಭವಭಾಮಿನಿ ಕರ್ಮಶರ್ಮದಾತುಃ ಭವದೀಯಸ್ಯ ಪದಸ್ಯ ವಿಸ್ಮಯಾಯ ।
ಅಪಿ ಧೂಲಿವಿಧೂಸರಂ ವಿಧತ್ತೇ ಯದಿದಂ ವೀತರಜೋ ಮನೋ ಮುನೀನಾಮ್ ॥ ೪೪॥
ಚರಣಂ ಜಗದಮ್ಬ ಕೈಟಭಾರಿರ್ಯತಮಾನೋಽಪಿ ದದರ್ಶ ನೈವ ಯಸ್ಯ ।
ಸ ಹರಸ್ತವ ದೃಶ್ಯತೇ ವಿಲಗ್ನಶ್ಚರಣೇ ಚಣ್ಡಿ ಚರಾಚರಾಧಿನಾಥಃ ॥ ೪೫॥
ಕಮಲಾಸನಕಞ್ಜಲೋಚನಾದೀನವಮತ್ಯ ತ್ರಿದಶಾನ್ನಗೇಶಕನ್ಯೇ ।
ಅಗುಣೇ ರಮಸೇ ನಗೇಽತ್ರ ಶೋಣೇ ಕ್ವ ಗುಣಾನ್ ಪಶ್ಯತಿ ಜಾತಿಪಕ್ಷಪಾತಃ ॥ ೪೬॥
ಕುಸುಮಾದಪಿ ಕೋಮಲಂ ವಪುಸ್ತೇ ಹೃದಯೇಶಸ್ತ್ವರುಣೋ ಗಿರಿಃ ಕಠೋರಃ ।
ಪ್ರಚಲಾಖುತುರಙ್ಗಮಸ್ಯ ಮಾತಃ ಸಮನುಧ್ಯಾಯ ಬಿಭೇಮಿ ಚೇತಸೇದಮ್ ॥ ೪೭॥
ಯದಸೌ ವಿಹಿತಃ ಸಿತೋಽರುಣಾದ್ರಿಸ್ತವ ಹಾಸೇನ ಸಿತೇನ ನಾತ್ರ ಚಿತ್ರಮ್ ।
ಇದಮದ್ಭುತಮಸ್ಯ ಮಾನಸಂ ಯದ್ವಿಮಲಂ ಪಾರ್ವತಿ ನೀಯತೇಽತಿರಾಗಮ್ ॥ ೪೮॥
ನವಕುಙ್ಕುಮರೇಣುಪಙ್ಕಿಲಸ್ಯ ಸ್ಮರಣಾತ್ತೇ ಸತತಂ ಸ್ತನಾಚಲಸ್ಯ ।
ಸ್ವಯಮಪ್ಯಚಲೋ ಬಭೂವ ಶೋಣಃ ಶಶಿಧಾರೀ ಜಗತಂ ಸವಿತ್ರಿ ಶಙ್ಕೇ ॥ ೪೯॥
ಸ್ಮರಣಾದರುಣಾಚಲಸ್ಯ ಮುಕ್ತ್ತಿಃ ಕಥಮಶ್ಲೀಲಕಪಾಲಭೂಷಣಸ್ಯ ।
ವಪುಷೋಽಧರ್ಮಮುಷ್ಯ ಚೇನ್ನಚೇತಸ್ತಿಮಿರಧ್ವಂಸಿನಿ ಸರ್ವಮಙ್ಗಲೇ ತ್ವಮ್ ॥ ೫೦॥
ಷಷ್ಠಂ ದಶಕಮ್ (ತೂಣಕವೃತ್ತಮ್)
ಗೌರಿ ಚಣ್ಡಿ ಕಾಲಿಕೇ ಗಣಾಧಿನಾಯಕಾಮ್ಬಿಕೇ
ಸ್ಕನ್ದಮಾತರಿನ್ದುಖಣ್ಡಶೇಖರೇ ಪರಾತ್ಪರೇ ।
ವ್ರಜನಾಯಿಕೇ ಪ್ರಪಞ್ಚರಾಜ್ಞಿ ಹೈಮವತ್ಯುಮೇ
ಭರ್ಗಪತ್ನಿ ಪಾಲಯೇತಿ ಗೀಯತಾಂ ಸದಾ ಸಖೇ ॥ ೫೧॥
ವಾಸುದೇವಮುಖ್ಯನಿತ್ಯದೇವಮೌಲಿವಿಸ್ಫುರ-
ದ್ರತ್ರಜಾಲರಶ್ಮಿಜಾತರಞ್ಜಿತಾಙ್ಧ್ರಿಪಙ್ಕಜೇ ।
ಶೀತಭಾನುಬಾಲಚೂಡಚಿತ್ತಬಾಲಡೋಲಿಕೇ
ಶೈಲಪಾಲಬಾಲಿಕೇ ಸದಾ ವದಾಮಿ ನಾಮ ತೇ ॥ ೫೨॥
ಕಲ್ಪವಲ್ಲಿ ಗಾಯತಾಂ ನಿತಮ್ಬಿನೀಮತಲ್ಲಿಕೇ
ನಾಮ ತೇ ವಿಪಶ್ಚಿತೋ ನಿರನ್ತರಂ ಗೃಣನ್ತಿ ಯೇ ।
ದೈತ್ಯಜೈತ್ರಿ ಲೋಕಧಾತ್ರಿ ರಾತ್ರಿರಾಣ್ಣಿಭಾನನೇ
ಶೈಲವಂಶವೈಜಯನ್ತಿ ಜನ್ತವೋ ಜಯನ್ತಿ ತೇ ॥ ೫೩॥
ಆನನೇ ತ್ವದೀಯನಾಮ ಪಾವನಾಚ್ಚ ಪಾವನಂ
ಯಸ್ಯ ಪುಣ್ಯಪೂರುಷಸ್ಯ ಪೂರುಷಾರ್ಧವಿಗ್ರಹೇ ।
ಸಾನುಮನ್ಮಹೇನ್ದ್ರಪುತ್ರಿ ಸಮ್ಮದಾಯ ಭೂಯಸೇ
ಬನ್ಧನಾಲಯೋಽಪಿ ತಸ್ಯ ನನ್ದನಂ ವನಂ ಯಥಾ ॥ ೫೪॥
ನಾಮಕೀರ್ತನೇಷು ಯಾ ಷಡಾನನಸ್ಯ ಷಡ್ವಿಧಾತ್
ಶಬ್ದತೋಽಪಿ ಭಾಷಿತಾತ್ಪೃಥಕ್ಪದಾಭಿಶೋಭಿತಾತ್ ।
ಉನ್ನತೈಕನಾದತೋ ಗಜಾನನಸ್ಯ ಬೄಂಹಿತಾತ್
ತೃಪ್ತಿಮೇತಿ ಪುತ್ರಯೋಃ ಸಮಾಪಿ ಸಾ ಜಯತ್ಯುಮಾ ॥ ೫೫॥
ಮುಗ್ಧಮಿತ್ರಮಾನಸೇ ಮಹಾನ್ಧಕಾರಬನ್ಧುರೇ
ನಿದ್ರಿತಮುಮಾಂ ನಿಜೇ ಬಹಿರ್ಗವೇಷಯಸ್ಯಹೋ ।
ತತ್ಪ್ರವಿಶ್ಯ ಪಶ್ಯ ವೇದದೀಪಕೇನ ತಾಂ ತತಃ
ತಾರಶಬ್ದಬೋಧಿತಾಂ ವಿಧಾಯ ಸಾಧಯಾಮೃತಮ್ ॥ ೫೬॥
ಆದಿಮೋ ವಿಭೋಃ ಸುತೋ ಯದೀಯಮೂಲಮಾಶ್ರಿತಃ
ಕುಞ್ಜರಾನನೋ ಬಿಭರ್ತಿ ಸಾಲತಾತನೌ ತತಾ ।
ಅಗ್ರತೋ ದಧಾತಿ ಕಿಞ್ಚಿದಮ್ಬುಜಂ ಮರನ್ದವ -
ತ್ತತ್ರ ಶಕ್ತ್ತಿರುತ್ತಮಾ ಪ್ರಬೋಧಯನ್ತಿ ತಾಂ ವಿದಃ ॥ ೫೭॥
ದ್ವಾದಶಾನ್ತಶಾಯಿನೀ ಹೃದಮ್ಬುಜಾನ್ತರಸ್ಥಿತಾ
ಮಣ್ಡಲದ್ವಯಾಲಯಾ ಸಿತಾದ್ರಿಶೃಗಚಾರಿಣೀ ।
ಸರ್ವಭೂತಜಾಲಭರ್ತುರಾಸನಾರ್ಧಭಾಗಿನೀ
ಭೂತಿಮುತ್ತಮಾಂ ತನೋತು ಭುಭೃತಃ ಸುತಾ ತವ ॥ ೫೮॥
ಕ್ಷತ್ರಮರ್ದನ್ಪ್ರಸೂರಸೂರಿಲೋಕದುರ್ಗಮಾ
ದುರ್ಗಮಾಟವೀವಿಹಾರಲಾಲಸಾ ಮದಾಲಸಾ ।
ನಿತ್ಯಶಕ್ತ್ತಿಪೌರುಷಾ ಮಮಾಙ್ಘ್ರಿಮೂಲವಾಸಿನಃ ।
ಸತ್ಯಕೀರ್ತಿರಾರ್ತಿಜಾಲಹಾರಿಣೀ ಹರತ್ವಧಮ್ ॥ ೫೯॥
ಶಕ್ತ್ತಿಧಾರಿಣಃ ಸವಿತ್ರಿ ಸರ್ವಶಕ್ತ್ತಿಮತ್ಯುಮೇ
ಭಕ್ತಿಮಜ್ಜನೋಗ್ರಪಾಪನಿಗ್ರಹೇ ಧೃತಗ್ರಹೇ ।
ದೇವಮೌಲಿರತ್ನಕಾನ್ತಿಧೌತಪಾದುಕಾಯ ತೇ
ಸರ್ವಮಙ್ಘ್ರಯೇ ಮದಿಯಮಾತ್ಮನಾ ಸಹಾರ್ಪ್ಯತೇ ॥ ೬೦॥
ಸಪ್ತಮಂ ದಶಕಮ್ (ಮದಾಲಸಾವೃತ್ತಮ್)
ಜಮ್ಭಾರಿಮುಖ್ಯಸುರಸಮ್ಭಾವಿತಾ ಬಹುಲದಮ್ಭಾತ್ಮನಾಮಸುಲಭಾ
ಪುಮ್ಭಾವದೃಪ್ತಸನಿಶುಮ್ಭಾದಿಬನ್ಧುಗಣಶುಮ್ಭಾಸುರೇನ್ದ್ರದಮನೀ
ಕುಮ್ಭಾಪಹಾಸಿಕುಚಕುಮ್ಭಾನಘೋರುಜಿತರಮ್ಭಾಽನುರಕ್ತಹೃದಯಾ
ಶಮ್ಭಾವಿಭೇನ್ದ್ರಮುಖಡಿಮ್ಭಾ ಕರೋತು ತವ ಶಂ ಭಾಮಿನೀಮಣಿರುಮಾ ॥ ೬೧॥
ತಾರಾವಲೀತುಲಿತಹಾರಾಲಿಶೋಭಿಕುಚಭಾರಾಽಲಸಾಲಸಗತಿಃ
ಧಾರಾಧರಾಭಕಚಭಾರಾ ಸುಪರ್ವರಿಪುವೀರಾಭಿಮಾನಶಮನೀ ।
ನೀರಾಟಕೇತುಶರಧಾರಾಭದೃಷ್ಟಿರತಿಧೀರಾ ಧರಾಧರಸುತಾ
ವಾರಾಣಸೀವಸತಿ ವಾರಾಶಿತೂಣರತಿರಾರಾಧ್ಯತಾಮಯಿ ಸಖೇ ॥ ೬೨॥
ಖ್ಯಾತಾ ಮುನೀನ್ದ್ರಜನಗೀತಾ ಮಯೂರಹಯಪೋತಾಽತಿಚಿತ್ರಚರಿತಾ
ಶೀತಾಚಲಾಚಿಪತಿಜಾತಾ ಪ್ರಭಾತಯಮತಾತಾವಿಶೇಷಚರಣಾ ।
ಪೂತಾ ಪಿನಾಕಧರಪೀತಾಧರಾ ತ್ರಿದಿವಪಾತಾಲಭೂತಲಜುಷಾಂ
ಸಾ ತಾಪಜಾತಮವಿಗೀತಾಽಖಿಲಂ ಹರತು ಮಾತಾ ಕಟಾಕ್ಷಕಲಯಾ ॥ ೬೩॥
ಖನ್ಡಾಮೃತದ್ಯುತಿಶಿಖಣ್ಡಾ ಮಹೋಗ್ರತರಭಣ್ಡಾದಿದೈತ್ಯದಮನೀ
ಚಣ್ಡಾಽನಲಾಢ್ಯಕುಲಕುಣ್ಡಾಲಯಾ ವಿಹಿತದಣ್ಡಾ ಖಲಾಯ ಭುವನೇ ।
ಶುಣ್ಡಾಲಭೂಮಿಪತಿತುಣ್ಡಧಿಭೂತತರುಷಣ್ಡಾ ಚಲಾಣ್ಡಘಟಮೃತ್-
ಪಿಣ್ಡಾಯಿತಾ ಸಕಲಪಿಣ್ಡಾನ್ತರಸ್ಥಮಣಿಭಾಣ್ಡಾಯಿತಾಽಸ್ತು ಶರಣಮ್ ॥ ೬೪॥
ರಾಕಾಸುಧಾಕರಸಮಾಕಾರಹಾಸಧುತಭೀಕಾ ಭವಾಬ್ಧಿತರಣೇ
ನೌಕಾ ಕಟಾಕ್ಷಧುತಶೋಕಾ ಮಹಾಮಹಿಮಪಾಕಾರಿಣಾಽಪಿ ವಿನುತಾ ।
ಏಕಾಮ್ಬಿಕಾ ಸಕಲಲೋಕಾವಲೇರಚಲತೋಕಾಯಿತಾಖಿಲಘನ-
ಶ್ರೀಕಾನತಸ್ಯ ಮಮ ಸಾ ಕಾಲಿಕಾ ಕಮಲನೀಕಾಶದೃಕ್ ದಿಶತು ಶಮ್ ॥ ೬೫॥
ನೀಲಾಲಕಾ ಮಧುರಶೀಲಾ ವಿಧೂತರಿಪುಜಾಲಾ ವಿಲಸವಸತಿಃ
ಲೋಲಾ ದೃಶೋಃ ಕನಕಮಾಲಾವತೀ ವಿಬುಧಲೀಲಾವತೀಪರಿವೃತ ।
ಕಿಲಾಲಜಾಪ್ತಮುಖಹೇಲಾ ಜಿತಾಮೃತಕರೇಮಾತಲೇ ನಿವಸತಾಂ
ಶಾಲಾರುಚಾಮಜಿನಚೇಲಾಽಬಲಾ ಕಪಟಕೋಲಾನುಜಾ ದಿಶತು ಶಮ್ ॥ ೬೬॥
ಅವ್ಯಾದುದಾರತರಪವ್ಯಾಯುಧಪ್ರಭೃತಿಹವ್ಯಾಶಿರ್ಕೀರ್ತಿತಗುಣಾ
ಗವ್ಯಾಜ್ಯಸಮ್ಮಿಲಿತಕವ್ಯಾಶಿಲೋಕನುತಭವ್ಯಾಽತಿಪಾವನಕಥಾ ।
ಶ್ರವ್ಯಾ ಸದಾ ವಿವಿಧನವ್ಯಾವತಾರವರಕವ್ಯಾರಭಟ್ಯಭಿರತಾ
ದಿವ್ಯಾಕೃತಿಸ್ತರುಣವ್ಯಾಭಪಾದಖಿಲಮವ್ಯಾತ್ಮಜಾ ತವ ಕುಲಮ್ ॥ ೬೭॥
ದೋಷಾಕರಾರ್ಭಕವಿಭೂಷಾ ಕಟಾಕ್ಷಧುತದೋಷಾ ನಿರನ್ತರಮನ -
ಸ್ತೋಷಾ ಪರಾ ಕಲುಷಿಕಾಷಾಯಧಾರಿಯತಿವೇಷಾಽನವಾಪ್ಯಚರಣಾ ।
ಭಾಷಾವಧೂದಯಿತಶೇಷಾಹಿಶಾಯಿವಿನುತೈಷಾ ವಿಷಾದಶಮನೀ
ಪೋಷಾಯ ಪಾಪತತಿಶೋಷಾಯ ಚಾಸ್ತು ಕುಲಯೋಷಾ ಭವಸ್ಯ ಭವತಾಮ್ ॥ ೬೮॥
ವನ್ದಾರುಸಾಧುಜನಮನ್ದಾರವಲ್ಲಿರವಿನ್ದಾಭದೀರ್ಘನಯನಾ
ಕುನ್ದಾಲಿಕಲ್ಪರದಬೃನ್ದಾ ಪದಾಬ್ಜನತಬೃನ್ದಾರಕೇನ್ದುವದನಾ ।
ಮನ್ದಾ ಗತಾವಲಮಮನ್ದಾ ಮತೌ ಜಿತಮುಕುನ್ದಾಸುರಪ್ರಶಮನೀ
ನನ್ದಾತ್ಮಜಾ ದಿಶತು ಶಂ ದಾರುಣಾಧತತಿಭಿನ್ದಾನನಾಮನಿವಹಾ ॥ ೬೯॥
ಶ್ಯಾಮಾ ಕದಮ್ಬವನಧಾಮಾ ಭವಾರ್ತಿಹರನಾಮಾ ನಮಜ್ಜನಹಿತಾ
ಭೀಮಾ ರಣೇಷು ಸುರಭಾಮಾವತಂಸಸುಮದಾಮಾನುವಾಸಿತಪದಾ ।
ಕಾಮಾಹಿತಸ್ಯ ಕೃತಕಾಮಾ ಕಿಲಾಲಮಭಿರಾಮಾ ರಮಾಲಯಮುಖೀ
ಕ್ಷೇಮಾಯ ತೇ ಭವತು ವಾಮಾ ಕದಮ್ಬಕಲಲಾಮಾಯಿತಾ ಭಗವತೀ ॥ ೭೦॥
ಅಷ್ಟಮಂ ದಶಕಮ್ (ದ್ರುತವಿಲಮ್ಬಿತವೃತ್ತಮ್)
ಜಲರುಹಂ ದಹರಂ ಸಮುಪಾಶ್ರಿತಾ ಜಲಚರಧ್ವಜಸೂದನಸುನ್ದರೀ ।
ಹರತು ಬೋಧದೃಗಾವರಣಂ ತಮೋ ಹೃದಯಗಂ ಹಸಿತೇನ ಸಿತೇನ ಮೇ ॥ ೭೧॥
ನಮದಮರ್ತ್ಯಕಿರೀಟಕೃತೈಃ ಕಿಣೈಃ ಕಮಠಪೃಷ್ಠನಿಭೇ ಪ್ರಪದೇಽಙ್ಕಿತಾ ।
ಅಜಿನಚೇಲವಧೂರ್ವಿದಧಾತು ವೋ ವೃಜಿನಜಾಲಮಜಾಲಮವಿಕ್ರಮಮ್ ॥ ೭೨॥
ಲಲಿತಯಾ ನತಪಾಲನಲೋಲಯಾ ಪ್ರಮಥನಾಥಮನೋಹರಲೀಲಯಾ ।
ಕಿರಿಮುಖೀಮುಖಶಕ್ತ್ಯುಪಜೀವ್ಯಯಾ ವಿದಿತಯಾದಿತಯಾ ಗತಿಮಾನಹಮ್ ॥ ೭೩॥
ಅಮೃತದೀಧಿತಿಪೋವತಂಸಯಾ ಕೃತಪದಾನತಪಾಪನಿರಾಸಯಾ ।
ಗತಿಮದರ್ಧನರಕೃತಿಚಿತ್ರಯಾ ಭುವನಮೇವ ನ ಮೇ ಕುಲಮಾರ್ಯಯಾ ॥ ೭೪॥
ಅಗಣಯಂ ನ ಚ ಗೋಷ್ಪದವದ್ಯದಿ ತ್ರಿಭುವನಂ ಕುತಲೇ ನ ತರಾಮಿ ಕಿಮ್ ।
ಶರಣವಾನಹಮುತ್ತಮಭಾವಯಾ ಗಿರಿಜಯಾರಿಜಯಾವಿತದೇವಯಾ ॥ ೭೫॥
ಸಕರುಣಾ ಕುಶಲಂ ತವ ರೇಣುಕಾತನುರುಮಾ ತನುತಾದುದಿತೋ ಯತಃ ।
ಯುಧಿ ಮುನಿರ್ವಿದಧೌ ಪರಶುಂ ದಧಜ್ಜನಪತೀನಪತೀವ್ರ ಭುಜಾಮದಾನ್ ॥ ೭೬॥
ದಶರಥಾತ್ಮಜಪೂಜಿತಮೀಶ್ವರಂ ವಿದಧತೀ ರತಿನಾಥವಶಂ ಗತಮ್ ।
ದಿಶತು ವಃ ಕುಶಲಂ ನಗವರ್ಧಿನೀ ಹರಿಹಯಾರಿಹಯಾನ ಮೃಗೇಶ್ವರಾ ॥ ೭೭॥
ಜನನಿ ಶುಮ್ಭನಿಶುಮ್ಭಮಹಾಸುರೋನ್ಮಥನ ವಿಶ್ರುತವಿಕ್ರಮಯಾ ತ್ವಯಾ ।
ಜಗದರಕ್ಷ್ಯತ ಗೋಪಕುಲೇಶಿತುಃ ತನುಜಯಾನುಜಯಾರ್ಜುನಸಾರಥೇಃ ॥ ೭೮॥
ಚರಣಯೋರ್ಧೃತಯಾ ವಿಜಯಾಮಹೇ ಜಗತಿ ಮಾರರಿಪುಪ್ರಿಯಭಾಮಯಾ ।
ಶಶಿಕಲಾಮಲಮನ್ದರಹಾಸಯಾ ನಗಜಯಾ ಗಜಯಾನವಿಲಾಸಯಾ ॥ ೭೯॥
ಇಮಮಗಾಧಿಪನನ್ದಿನಿ ಕಲ್ಕಿನಂ ರುಷಮಪೋಹ್ಯ ಹರಸ್ಯ ವಿಲೋಕಿತೈಃ ।
ಕಲುಷನಾಶನಭೀಮದೃಶೋಲ್ಲಸನ್ಮದನಕೈರವಕೈರವಲೋಚನೇ ॥ ೮೦॥
ನವಮಂ ದಶಕಮ್ (ಆರ್ಯಾವೃಯ್ತ್ತಮ್)
ಸ ಜಯತಿ ಪುಣ್ಯಕುಲೇಷು ಭ್ರಾಮ್ಯನ್ ಗಣನಾಥಮಾತುರಾಲೋಕಃ ।
ಯಮನುಚರತೋ ಜನಾರ್ದನಕುಲತರುಣೀ ದೇವತಾ ಚ ಗಿರಾಮ್ ॥ ೮೧॥
ಕಸ್ಯ ಪ್ರಬಲಪ್ರತಿಭಟಭುಜಕಣ್ಡೂವಾರಣಂ ಮಹದ್ವೀರ್ಯಮ್ ।
ಕಸ್ಯ ಗಿರಾಮಿಹ ಸರ್ಗೋ ಯುಗಸ್ಯ ಪರಿವರ್ತನೇಽಪಿ ಪಟುಃ ॥ ೮೨॥
ಕಸ್ಯ ಪುನರನ್ತರಾತ್ಮನಿ ಸಙ್ಗಸಹಸ್ರೈರಚಾಲಿತಾ ನಿಷ್ಠಾ ।
ಧೂರ್ಜಟಿದಿಯತೇ ಯುಷ್ಮದ್ದೃಗನ್ತಭೃತಮನ್ತರಾ ಧನ್ಯಮ್ ॥ ೮೩॥
ಯಸ್ಯ ನಿದಾನಮವಿದ್ಯಾ ಮಮಕಾರಃ ಪೂರ್ವರೂಪಮಙ್ಕುರಿತಃ ॥
ರೂಪಂ ತಾಪತ್ರಿತಯಂ ಸತ್ಸಙ್ಗಃ ಕಿಞ್ಚಿದುಪಶಾನ್ತಯೈ ॥ ೮೪॥
ಅನ್ತಃಕರಣಂ ಸ್ಥಾನಂ ಪ್ರಕೋಪನೋ ವಿಷಯಪಞ್ಚಕಾಭ್ಯಾಸಃ ।
ಮುಕ್ತಿಃ ಸುಷುಪ್ತಿಸಮಯೇ ಪುನರಗಮನಾಯ ಘೋರಾಯ ॥ ೮೫॥
ಲೋಭಾಭಿಲಾಷರೋಷಾಃ ಕಫಮಾರುತಮಾಯವಸ್ತ್ರಯೋ ದೋಷಾಃ ।
ಅರುಚಿಃ ಪಥ್ಯೇ ಭೂಯಸ್ಯನುಬನ್ಧೋಪದ್ರವೋ ಘೋರಃ ॥ ೮೬॥
ತಸ್ಯ ಪ್ರಯಚ್ಛ ಶಮನಂ ಸಂಸಾರಾಖ್ಯಜ್ವರಸ್ಯ ಭೂರಿಕೃಪೇ ।
ಮೃತ್ಯುಞ್ಜಯಸ್ಯ ಭಾಮಿನಿ ಭೇಷಜಮಾಲೋಕಿತಂ ನಾಮ ॥ ೮೭॥
ಭವದೀಯಸ್ಯ ಭವಾನಿ ಪ್ರಸಿದ್ಧಚರಿತೇ ಕಟಾಕ್ಷಮೇಘಸ್ಯ ।
ಪ್ರಾವೃಟ್ಪರಿತಾಪಹೃತೋ ಭವ್ಯಾಮೃತವರ್ಷಿಣಃ ಕರುಣಾ ॥ ೮೮॥
ರಾಜೋಗ್ರದೃಷ್ಟಿರುಗ್ರೋ ಯುವರಾಜಃ ಸನ್ತತಂ ಮದೋಪೇತಃ ।
ತವ ರಾಜ್ಞಿ ನ ಕರುಣಾ ಚೇದ್ಭುವನಸ್ಯ ಕಥಂ ಶುಭಂ ಭವತು ॥ ೮೯॥
ರಾಜ್ಞಿ ತವ ದೃಷ್ಟಿರವನೇ ವಿನತಾನಾಮಪಿ ಸದೈವ ಖೇಲನ್ತ್ಯಾಃ ।
ತಪತೋಽಪಿ ನಿತ್ಯಮೀಶೋ ಲೋಲೋ ಲಿಲಾಸು ತೇ ಭವತಿ ॥ ೯೦॥
ದಶಮಂ ದಶಕಮ್ (ಶಶಿವದನಾವೃತ್ತಮ್)
ಪದಕಮಲಾಪ್ತ ತ್ರಿಕಲುಷಹರ್ತ್ರೀ ।
ಜಯತಿ ಶಿವೇತಿ ತ್ರಿಭುವನಭರ್ತ್ರೀ ॥ ೯೧॥
ಅಧಿತನುದೃಷ್ಟಿಸ್ತಟಿದಧಿಭೂತಮ್ ।
ಪ್ರಮಥಪತೇಃ ಸಾ ಸುದೃಗಧಿದೈವಮ್ ॥ ೯೨॥
ಸ್ವನಯನವೃತೌ ಸ್ಥಿರಚರಣಾನಾಮ್ ।
ದ್ವಿದಲಸರೋಜೇ ಭಗವತಿ ಭಾಸಿ ॥ ೯೩॥
ದಹರಸರೋಜೇ ನಿಹಿತಪದಾನಾಮ್ ।
ದ್ವಿದಲಸರೋಜಾದವತರಸಿ ತ್ವಮ್ ॥ ೯೪॥
ಅಯಿ ಕುಲಕುಣ್ಡೇ ಧೃತಚರಣಾನಾಮ್ ।
ದಶಶತಪತ್ರಂ ವ್ರಜಸಿ ತಪನ್ತೀ ॥ ೯೫॥
ದಹರಸರೋಜೇ ದೃಶಮಪಿಹಿತ್ವಾ ।
ವಿಷಯಪರಾಣಾಂ ಸ್ಖಲಸಿ ಬಹಿಸ್ತ್ವಮ್ ॥ ೯೬॥
ಸ್ಖಲಸಿ ಯತಸ್ತ್ವಂ ಸ ಭವತಿ ಹೀನಃ ।
ವಿಲಸಸಿ ಯಸ್ಮಿನ್ ಸ ಖಲು ಮಹಾತ್ಮಾ ॥ ೯೭॥
ದೃಶಿ ದೃಶಿ ಚಿತ್ತ್ವಂ ಹೃದಿ ಹೃದಿ ಸತ್ತಾ ।
ಪ್ರತಿನರಶೀರ್ಷಂ ಪ್ರಮದಕಲಾಽಸಿ ॥ ೯೮॥
ತವ ಲಹರೀಷು ತ್ರಿಪುರವಿರೋಧೀ ।
ಕಿಮಿವ ನ ಚಿತ್ರಂ ಜನನಿ ಕರೋತಿ ॥ ೯೯॥
ಹರಶಿರಸೋ ಗೌರ್ಯವಸಿ ಜಗತ್ತ್ವಮ್ ।
ಗಣಪತಿಶೀರ್ಷಾದವ ಮುನಿಭೂಮಿಮ್ ॥ ೧೦೦॥
॥ ಇತಿ ಶ್ರೀಭಗವನ್ಮಹರ್ಷಿರಮಣಾನ್ತೇವಾಸಿನೋ ವಾಸಿಷ್ಠಸ್ಯ
ನರಸಿಂಹಸೂನೋಃ ಗಣಪತೇಃ ಕೃತಿಃ ಉಮಾಶತಕಂ ಸಮಾಪ್ತಮ್ ॥
Encoded and proofread byDPD
Please send corrections to sanskrit@cheerful.com
Last updated ತ್oday
http://sanskritdocuments.org
ಪ್ರಥಮಂ ದಶಕಮ್ (ಆರ್ಯಾವೃತ್ತಮ್)
ಫುಲ್ಲತ್ವಂ ರವಿದೀಧಿತಿನಿರಪೇಕ್ಷಮುಮಾಮುಖ್ಯಾಬ್ಜಸ್ಯ ।
ಪೂರ್ಣಂ ಕರೋತು ಮಾನಸಮಭಿಲಾಷಂ ಪುಣ್ಯಭೂಮಿಜುಷಾಮ್ ॥ ೧॥
ಕೈಲಾಸವಾಸಿನೀ ವಾ ಧವಲದ್ಯುತಿಬಿಮ್ಬನಿಲಯಾ ವಾ ।
ಆಕಾಶಾನ್ತರಪೀಠಸ್ಥಿತೋತ ಮೇ ದೇವತಾ ಭವತಿ ॥ ೨॥
ಆಕಾಶಾನ್ತರಪೀಠಸ್ಥಿತೈವ ಸಾಕ್ಷಾತ್ಪರಾಶಕ್ತಿಃ ।
ತಸ್ಯಾ ಅಂಶವ್ಯಕ್ತೀ ಶಶಿನಿ ಸಿತಾದ್ರೌ ಚ ರಾಜನ್ತ್ಯೌ ॥ ೩॥
ಸಙ್ಕಲ್ಪವಾತಸಙ್ಗಾದಾನನ್ದರಸೋ ಘನೀಭೂತಃ ।
ಅನ್ತರ್ವ್ಯಾಪಕಶಕ್ತೇಃ ಸಮಪದ್ಯತ ತೇ ವಪುರ್ಮಾತಃ ॥ ೪॥
ಇಚ್ಛಾವಿಚಿತ್ರವೀರ್ಯಾತ್ತೇಜಃಪಟಲೋ ಘನೀಭೂತಃ ।
ಅನ್ತರ್ವ್ಯಾಪಕಶಕ್ತೇಃ ಸಮಪದ್ಯತ ತೇ ವಿಭೋರ್ಗಾತ್ರಮ್ ॥ ೫॥
ಇಚ್ಛಾಯೋಗಾತ್ತೇಜಸಿ ತವ ಭಾಗಃ ಕಶ್ಚಿದಸ್ತೀಶೇ ।
ವಿಜ್ಞಾನಯೋಗತೋ ಮುದಿ ಭಾಗ್ಯಸ್ತ್ವಯಿ ಕಶ್ಚಿದೀಶಸ್ಯ ॥ ೬॥
ಸಮ್ರಾಜೌ ಶಶಭೃತಿ ಯೌ ಗೃಹವನ್ತೌ ಯೌ ಚ ಸಿತಗಿರಿಣಾ ।
ತದಿದಂ ಯುವಯೋರ್ಮಾಯಾ ವೇಷಾನ್ತರಮಿಥುನಯುಗಲಮುಮೇ ॥ ೭॥
ಯದ್ಯಪಿ ವಿಭೂತಿರಧಿಕಂ ಯುವಯೋರ್ವಿಶ್ವಾಮ್ಬಿಕೇ ಭವತಿ ।
ಮಿಥುನೇ ತಥಾಪ್ಯಮೂ ವಾಂ ನೇದಿಷ್ಠೇ ದೇವಿ ಪಶ್ಯಾಮಃ ॥ ೮॥
ದಮ್ಪತ್ಯೋರ್ಭಗವತಿ ವಾಂ ಪ್ರತಿಬಿಮ್ಬೌ ಭಾಸ್ಕರೇ ಭವತಃ ।
ದೇಹಭುವೌ ಭೂಚಕ್ರಸ್ವಪ್ನಪ್ರವ್ಯಕ್ತ್ತೀ ಸುಧಾಮಹಸಿ ॥ ೯॥
ದೇಹೇ ಭುವಃ ಪ್ರತಿಬಿಮ್ಬಃ ಪ್ರಾಣನ್ಮೂಲಸ್ಯ ನೇದೀಯಾನ್ ।
ಪ್ರತಿಬಿಮ್ಬವ್ಯಕ್ತ್ತೇಶ್ಚ ಸ್ವಪ್ನವ್ಯಕ್ತ್ತಿಶ್ಚ ನೇದಿಷ್ಠಾ ॥ ೧೦॥
ದ್ವಿತೀಯಂ ದಶಕಮ್ (ವಸನ್ತತಿಲಕಾವೃತ್ತಮ್)
ಕಾಶ್ಮೀರಮುನ್ನತಪಯೋಧರಕುಮ್ಭಸೀಮ್ನಿ
ಸ್ರಿಗ್ಧಂ ಪ್ರದಿಗ್ಧಮುಮಯಾ ಶರಣಂ ಮಮಾಸ್ತು ।
ಭೇತ್ತಾ ಪುರಾಮುಪರಿ ಭಸ್ಮನ ಏವ ಧತ್ತೇ
ರಾಗಸ್ಯ ಚಿಹ್ನಮಿವ ಯತ್ಪರಿರಮ್ಭಲಗ್ನಮ್ ॥ ೧೧॥
ಅಸ್ಮಾಕಮಮ್ಬುದಘನಸ್ತನಿತೋಪಮೇಷು
ಹೇರಮ್ಬಬೃಂಹಿತವಿಭೂತಿಷು ಭಾಷಿತೇಷು ।
ಸಿದ್ಧೋದ್ಯಮಾನಮತಿಲಙ್ಧ್ಯ ನಿಜಾಪದಾನಂ
ಬದ್ಧಶ್ರುತಿರ್ಭವತು ಭರ್ಗಗೃಹಸ್ಯ ನೇತ್ರೀ ॥ ೧೨॥
ಸನ್ದೇಹ ಏಷ ಮಮ ಚನ್ದ್ರಕಲಾಧರಸ್ಯ
ಶುದ್ಧಾನ್ತಸುನ್ದರಿ ಮನಾಂಸಿ ಸತಾಂ ತವಾಙ್ಧ್ರಿಃ ।
ಶುದ್ಧಾನಿ ಕಿಂ ವಿಶತಿ ಕಿನ್ನು ಭಜನ್ತಿ ಶುದ್ಧಿಮ್
ಅಙ್ಧ್ರೇ ಪ್ರವೇಶಮನು ತಾನಿ ವಿಧೂಯ ಪಙ್ಕಮ್ ॥ ೧೩॥
ತ್ರೈಲೋಕ್ಯಪಾಲನವಿಧಾಯಿ ವಿಕಸ್ವರಾಬ್ಜ-
ಶೋಭಾವಿಡಮ್ಬಿ ಮಣಿಪೀಠತಟೀವಿಲಮ್ಬಿ ।
ಕ್ಷೇಮಪ್ರದಾಯಿ ಹೃದಯೇ ಚರಣಂ ನ್ಯಧಾಯಿ
ಕಿಂವಾ ನ ತೇ ನಗಸುತೇ ಯದಿ ಯಂ ವಿಪನ್ನಃ ॥ ೧೪॥
ವಿಘ್ನಾನಿ ಯನ್ಮುಹುರಿದಂ ಹೃದಯಂ ಚಲಂ ಯತ್
ಸೌಖ್ಯಂ ನ ಕಿಞ್ಚಿದಪಿ ಯದ್ಯದುಪರ್ಯಸೌಖ್ಯಮ್ ।
ತ್ವಾಮಾಶ್ರಿತಸ್ಯ ಚ ಮಮಾಖಿಲಲೋಕರಾಜ್ಞೀ
ಮತ್ತಃ ಪರೋ ಜಗತಿ ಕೋ ಮನುಜೇಷು ಕಲ್ಕೀ ॥ ೧೫॥
ಮಾ ಭೂನ್ನಿದೇಶವಚನಂ ನಯನಾಞ್ಚಲಸ್ಯ
ಮಾಭೂತ್ಪ್ರಸಾರಣಮಯಿ ತ್ಯಜ ನಿರ್ದಯತ್ವಮ್ ।
ಅಙ್ಗೀಕುರು ಸ್ತುತಗುಣೇ ಚರಣಾಮ್ಬುಜಂ ತೇ
ಧ್ಯಾತುಂ ತದೇವ ಬಹು ಮೇ ಭುವನಸ್ಯ ಮಾತಃ ॥ ೧೬॥
ಕಾಮಂ ದದಾತು ನ ದಾದತು ಮನೋ ಧಿನೋತು
ನೋ ವಾ ಧಿನೋತು ನಯತಾದ್ದಿವಮನ್ಯತೋ ವಾ ।
ಆತ್ಮರ್ಪಿತೋಽಯಗಜಾಪದಪಙ್ಕಜಾಯ
ಕಿಂ ಕಾಙ್ಕ್ಷತೇ ಪ್ರತಿಫಲಂ ವಿಪುಲೋಽನುರಾಗಃ ॥ ೧೭॥
ಪಾದಂ ದದಾಸಿ ಮನಸೇ ಕಿನು ಪಾಪಿನೋ ಮೇ
ಪಾರಿಪ್ಲವಾಯ ಭುವನಾಧಿಕವಾಸನಾಯ ।
ದೂರೇ ಸ ತಾವದಚಲೇನ್ದ್ರಕುಮಾರಿಕಾ ಮೇ
ದೇವಿ ಪ್ರಣಾಮಮುರರೀಕುರು ತಾವತಾಽಲಮ್ ॥ ೧೮॥
ಆರಾಧನಂ ತವ ಭವಾನಿ ಯಥಾವಿಧಾನಂ
ಕರ್ತುಂ ಕುಲಾಚಲಕುಮಾರಿ ನ ಪರಯಾಮಿ ।
ಪಾದಾರ್ವಿನ್ದಯುಗಮೇವ ತವಾನತೋಽಹಂ
ಪಾಪಾಕುಲಃ ಶರಣಮೀಶ್ವರಿ ಕಾಙ್ಕ್ಷಮಾಣಃ ॥ ೧೯॥
ಬದ್ಧವ್ರತಾ ಪ್ರಣತಪಾಪನಿವಾರಣೇ ತ್ವಂ
ಬದ್ಧಾಞ್ಜಲಿಶ್ಚ ಬಹುಪಾಪಸಮಾಕುಲೋಽಹಮ್ ।
ಕರ್ತವ್ಯಮದ್ರಿತನಯೇ ನಿಪುಣಂ ವಿಮೃಶ್ಯ
ನಿರ್ಧಾರಯಾತ್ರ ನ ಯಥಾ ಯಶಸೋ ವಿಲೋಪಃ ॥ ೨೦॥
ತೃತೀಯಂ ದಶಕಮ್ (ಪೃಥ್ವೀವೃತ್ತಮ್)
ವ್ರತಂ ತವ ವಿದನ್ಹೃದಿ ಪ್ರಣತಪಾಪನಾಶೇ ಕೃತಂ
ಫಲಪ್ರವಣಪಾತಕಪ್ರಮಥಿತೋಽಪಿ ನಾಸ್ಮ್ಯಾಕುಲಃ ।
ಭವಾಮಿ ಶಿರಸಾ ನತಸ್ತವ ಭವಾನಿ ಪಾದಾಮ್ಬುಜಂ
ವ್ರತಸ್ಯ ಪರಿಪಾಲನೇ ಯದಿ ಮತಿರ್ಗತಿರ್ಮೇ ಭವ ॥ ೨೧॥
ತಪಶ್ಚರಿತುಮುತ್ತಮಂ ಪ್ರಯತಿತಂ ಮಯಾನೇಕದಾ
ಪರನ್ತು ಬಹುಲೈರಧೈಃ ಪರಿಣತೈರ್ವೃತೋಽಧ್ವಾ ಮಮ ।
ಅಯಂ ಮಮ ದೃಢೋಽಞ್ಜಲಿಸ್ತನುವಿಯೋಗಕಾಲಾವಧಿ -
ರ್ಯದಿ ತ್ವಮಚಲವ್ರತಾಸ್ಯಚಲಕನ್ಯಕೇ ಮಾಮವ ॥ ೨೨॥
ಅಜೇಯಬಹುಪಾಪಭೃದ್ಭುವಿ ಜನಿಷ್ಯಮಾಣಃ ಖಲಃ
ಕಮೀಶದಯಿತೇ ಪುರಾ ನ ವಿದಿತಸ್ತವಾಯಂ ಜನಃ ।
ವ್ರತಂ ಕೃತಮಿದಂ ತ್ವಯಾ ಪರಮಸಾಹಸೋಪೇತಯಾ
ಕ್ವಾ ವಾ ಜನನಿ ಯೋಷಿತಾಂ ಜಗತಿ ದೀರ್ಘಮಾಲೋಚನಮ್ ॥ ೨೩॥
ಇಹಾಪುರಧಮರ್ಷಣಾನ್ಯಯಶ ಏವ ಭೂತ್ವಾ ಮುಧಾ
ವ್ಯಲೋಕಿ ನಿಯಮೈಸ್ತಥಾ ನ ಬಹುಲೈಶ್ಚಾ ಕಶ್ಚಿಜ್ಜಯಃ ।
ಸ್ಥಿರಂ ನ ಮದಧಕ್ಷಯೇ ಮದಧತೇಜಸಾ ಭೂಯಸಾ
ವ್ರತಂ ಚ ತವ ಕುಣ್ಠಿತಂ ಯದಿ ಮಮೈವ ಕೀರ್ತಿಃ ಪರಾ ॥ ೨೪॥
ಕ್ಷಯೇ ಯದಿ ಮದೇನಸಾಮಸುಕರೇ ನ ಧೀರಂ ಮನೋ
ನ ತೇ ನಗಪತೇಃ ಸುತೇ ಕಿಮಪಿ ಚಿನ್ತ್ಯಮೇತತ್ಕೃತೇ ।
ವ್ರತಂ ವಿಸೃಜ ತನ್ಮುಧಾ ನನು ವಧೂಸ್ವಭಾವಾತ್ಕೃತಂ
ಸ್ಥಿರೀಭವತು ದುರ್ವಿಧಿರ್ಭುವಿ ತವ ಪ್ರಸದಾದ್ಬಲೀ ॥ ೨೫॥
ಕೃತಂ ಪರಮಯತ್ನಶ್ಚಿರಮನುಜ್ಝಿತಂ ಶ್ರದ್ಧಯಾ
ಭೃತಂ ಬಹುವಿಧೋದ್ಯಮೈರವಿಜಿತಂ ಮಹಾಪಾತಕೈಃ ।
ಗತಂ ಧನತರಂ ಯಶೋ ಜಯತಿ ಪಾಪಜಾತಂ ಮಮ್
ವ್ರತಂ ಚ ತವ ತಾದೃಶಂ ಜನನಿ ಕಸ್ಯ ವಾ ಸ್ಯಾಜ್ಜಯಃ ॥ ೨೬॥
ಮದೀಯದುರಿತಾವಲಿಪ್ರಲಯಕಾಲಕಾದಮ್ಬಿನೀ
ಮದೋನ್ನತವಿಜೃಮ್ಭಣಂ ವೃಜನಭಙ್ಗಬದ್ಧವ್ರತೇ ।
ಭವಪ್ರಿಯತಮೇ ನಿಜಪ್ರಬಲಹುಙ್ಕೃತಿಪ್ರೋದ್ಧತ -
ಪ್ರಭಞ್ಜನಮಹೌಜಸಾ ಶಮಯ ಪಾಲಯಾತ್ಮವ್ರತಮ್ ॥ ೨೭॥
ಅಧಕ್ಷಯವಿಧೌ ತು ತೇ ಪರಿಣತಾ ಪರೀಪಕ್ವತಾ
ವಿಭೇದಕಥನಂ ಕಥಂ ಪೄಥುಲವೈಭವೇ ಯುಜ್ಯತೇ ।
ಇದಂ ತವ ವಿಗರ್ಹಣಂ ಪರಿಣತೈನಸಂ ವಾ ಸ್ತುತಿ -
ರ್ಮನೋ ಯದಿ ಮೃಡಾನಿ ತೇ ಜಗತಿ ಸಾಧ್ಯಮೇವಾಖಿಲಮ್ ॥ ೨೮॥
ಸಹಸ್ರನಯನಾದಿಭಿಃ ಸುರವರೈಃ ಸಮಾರಾಧಿತಾ
ಸಹಸ್ತ್ರಕಿರಣಪ್ರಭಾ ಸಿತಮರೀಚಿಶೀತಾ ಮಮ ।
ಸಹಸ್ರದಲಪಙ್ಕಜೇ ಕೃತನಿಕೇತನಾ ದೇಹಿನಾಂ
ಸಹಸ್ರದಲಲೋಚನಾ ದುರಿತಸನ್ತತಿಂ ಕೃನ್ತತು ॥ ೨೯॥
ಸರೋಜಭವಸಂಸ್ತುತಾ ಸಕಲಲೋಕರಾಜ್ಯೇಶ್ವರೀ
ಕರೋಪಮಿತಪಲ್ಲವಾ ಕರುಣಯಾನ್ತರುಲ್ಲೋಲಿತಾ ।
ಉರೋರುಹಭರಾಲಸಾ ಮಯಪುರಾರಿಸಮ್ಮೋಹಿನೀ
ಕರೋತು ಮದಘಕ್ಷಯಂ ಕುಮುದಲೋಚನಾ ಕಾಚನ ॥ ೩೦॥
ಚತುರ್ಥಂ ದಶಕಮ್ (ಶಾರ್ದೂಲವಿಕ್ರೀಡಿತವೃತ್ತಮ್)
ಕಾಲಾಮ್ಭೋಧರಚಾರುಸಾನ್ದ್ರಕಬರಿ ಪೂರ್ಣೇನ್ದುಬಿಮ್ಬಾನನಾ
ತಾಟಙ್ಕದ್ಯುತಿಧೌತಗನ್ಡಫಲಕಾ ತಾಮ್ಬೂಲರಕ್ತಾಧರಾ ।
ಪ್ರಾಲೇಯದ್ಯುತಿಬಾಲಕೇನ ರಚಿತೋತ್ತಂಸಾ ಹರಾಙ್ಕಾಸನಾ
ಶಾನ್ತಾ ನೂತನಪಲ್ಲವಾಭಚರಣಾ ಭೂತ್ಯೈ ಶಿವಾ ಚಿನ್ತ್ಯತೇ ॥ ೩೧॥
ಶ್ರೀಪಾದಂ ತವಶೈಲರಾಜದುಹಿತಃ ಭಾಸ್ವತ್ಕರಾಸ್ಫಾಲನ -
ಪ್ರೋದ್ಭುದ್ಧಾಮ್ಬುಜಸುನ್ದರಂ ಶ್ರುತಿವಧೂಚೂಡಾತಟೀಲಾಲಿತಮ್ ।
ವನ್ದನ್ತಾಂ ತ್ರಿದಿವೌಕಸೋ ವಶಮಿತಃ ಸಂವಾಹಯತ್ವೀಶ್ವರೋ
ಯೋಗೀ ಧ್ಯಾಯತು ವನ್ದಿವದ್ಭಗವತಿ ಪ್ರಸ್ತೌತಿ ಸೋಽಯಂ ಜನಃ ॥ ೩೨॥
ಯಸ್ಯಾಶ್ಚಾಮರಧಾರಿಣೀ ಸರಸಿಜಪ್ರಾಸಾದಸಞ್ಚಾರಿಣೀ
ವಾಗ್ದೇವೀ ಹೃದಯೇಶ್ವರಪ್ರಭೃತಯೋ ನಾಕೌಕಸಃ ಕಿಙ್ಕರಾಃ ।
ದೇವಃ ಕೈರವಬನ್ಧುಕೋರಕಧರೋ ಲೀಲಾಸಹಾಯಃ ಸಖಾ
ತಸ್ಯಾಃ ಪಾದಸರೋಜವನ್ದಿಪದವೀಂ ಪಾಪ್ತೋಽಸ್ಮ್ಯಹಂ ಭಾಗ್ಯತಃ ॥ ೩೩॥
ಪಾದಸ್ಯ ಕ್ರಿಯತೇ ಕ್ಷಣಾನ್ತಕತಿಚನ ಧ್ಯಾನಂ ಜಗದ್ಧಾತ್ರಿ ತೇ
ಯತ್ತಸ್ಯೇಭಘಟಾಕುಲಾಙ್ಗನಮಹೀಶ್ರೀರ್ನಾನುರುಪಂ ಫಲಮ್ ।
ನೋದ್ಗಾರೋ ಮಧುಮಾಧುರಿಮದಮುಷಾಂ ಸ್ವಾಭಾವಿಕೋ ವಾ ಗಿರಾಂ
ಸಾಧೀಯಸ್ತು ಫಲಂ ಯದೀಶ್ವರಿ ಪುನರ್ಧ್ಯಾತುಂ ಮತಿರ್ಜಾಯತೇ ॥ ೩೪॥
ದೇವಿ ತ್ವಚ್ಚರಣಾರವಿನ್ದಯುಗಲಧ್ಯಾನಸ್ಯ ಕೇಚಿತ್ಫಲಂ
ಮನ್ಯನ್ತೇ ರಥವಾಜಿಸಾಮಜವಧೂಸೌಧಾದಿರೂಪಾಂ ಶ್ರಿಯಮ್ ।
ಪೀಯೂಷದ್ರವಸಾರವೈಭವಮುಷಾಂ ವಾಚಾಂ ಪರೇ ಪಾಟವಂ
ಪ್ರಾಜ್ಞಾಃ ಸಾಧನಮಾದಿತಃ ಪರಿಣತೌ ಪಾಹುಃ ಫಲಂ ತತ್ಸ್ವಯಮ್ ॥ ೩೫॥
ಲೋಭಃ ಕುತ್ರಚಿದಸ್ತಿ ಕುತ್ರಚಿದಸೌ ರೋಷಃ ಪರಂ ಭೀಷಣಃ
ಕುತ್ರಾಪ್ಯೇಷ ಮನೋಭವೋಽತಿಮಲಿನೇ ಸ್ವಾನ್ತೇ ನಿಶಾನ್ತೇ ಮಮ ।
ಏತಸ್ಯಾಪ್ಯಹಹಾದ್ರಿರಾಜತನುಜೇ ಕೋಣೇ ತ್ವದೀಯಂ ಪದಂ
ಖೇಟೀಮಸ್ತಕಲಾಲಿತಂ ಶುಚಿತಮಂ ವಾಞ್ಛಾಮಿ ಕರ್ತುಂ ಖಲಃ ॥ ೩೬॥
ಕನ್ದರ್ಪೇಣ ನಿವಾರಿತಂ ಪ್ರಹಸತಾ ಲೋಭೇನ ನಿರ್ಭರ್ತ್ಸಿತಂ
ಮಾತ್ಸರ್ಯೇಣ ತಿರಸ್ಕೃತಂ ಮದಮಹಾನಾಗೇನ ಚಾಽಭಿದ್ರುತಮ್ ।
ದುರ್ಭ್ರಾನ್ತ್ಯಾ ಗಲಹಸ್ತಿ ತಂ ಬತ ಪುನಃ ಕ್ರೋಧೇನ ಧೂತಂ ಬಲಾ -
ದಪ್ಯೇತತ್ಪದಮಮ್ಬ ತೇ ವಿಶತಿ ಮೇ ಚೇತೋಽಸ್ಯ ವರ್ಣ್ಯಾ ಕೃಪಾ ॥ ೩೭॥
ಉದ್ದೀಪ್ಯನ್ನಖರಾಂಶುಜಾಲಜಟಿಲಸ್ತ್ವತ್ಪಾದಕಣ್ಠೀರವೋ
ಯಾವನ್ಮೀಲಿತಲೋಚನಃ ಶಶಿಕಲಾಚೂಡಾಮಣೇರ್ವಲ್ಲಭೇ ।
ತಾವಲ್ಲೋಭಕಟಿಪ್ರಖೇಲತಿ ಮುದಂ ಪುಷ್ಣಾತಿ ಕಾಮದ್ವಿಪೋ
ರೋಷದ್ವೀಪಿಪತಿಶ್ಚ ಗರ್ಜತಿತರಾಂ ಮನ್ಮಾನಸೇ ಕಾನನೇ ॥ ೩೮॥
ಚಾಞ್ಚಲ್ಯಂ ಹೃದಯಸ್ಯ ನಶ್ಯನ್ತಿ ಕಥಂ ಯುಷ್ಮತ್ಪ್ರಸಾದಂ ವಿನಾ
ತ್ವಂ ವಾ ದೇವಿ ಕಥಂ ಪ್ರಸೀದಸಿ ಯದಿ ಸ್ಥೈರ್ಯಾದಪೇತಂ ಮನಃ ।
ಅನ್ಯೋನ್ಯಾಶ್ರಯದೋಷ ಏಷ ಸುಮಹಾನನ್ಯಂ ವಿಧಿಂ ಸ್ಥಾಪಯ -
ತ್ಯಸ್ಮಾಕಂ ವರದೇ ತವೋತ ಕರುಣಾಂ ನಿರ್ಹೇತುಕಾಂ ಜನ್ತುಷು ॥ ೩೯॥
ಭಕ್ತಿರ್ಮೇ ತ್ವಯಿ ಭರ್ಗಪತ್ನಿ ಮಹತೀ ಧ್ಯಾತುಂ ಚ ವಾಞ್ಛಾಮಿ ತೇ
ಪಾದಾಮ್ಭೋಜಯುಗಂ ತಥಾಪಿ ಚಲತಾಂ ಚೇತೋ ನ ಮೇ ಮುಞ್ಚತಿ ।
ಕಾಮಾಃ ಸನ್ತಿ ಸಹಸ್ತ್ರಶೋ ನಗಸುತೇ ಪಶ್ಚಾದ್ಬ್ರವೀಮ್ಯಗ್ರತಃ
ಚಿತ್ತಸ್ಯ ಸ್ಥಿರತಾಂ ಪ್ರದೇಹಿ ಕರುಣಾ ಯದ್ಯಸ್ತಿ ತೇ ವಸ್ತುತಃ ॥ ೪೦॥
ಪಞ್ಚಮಂ ದಶಕಮ್ (ಸುಬೋಧಿತಾವೃತ್ತಮ್)
ಉಡುರಾಜಕಲಾಕಲಾಪಕಾನ್ತೇ ಸದಯೇ ಸುನ್ದರಿ ಕೋಮಲಾಙ್ಗಿ ಮಾತಃ ।
ಶ್ರುತಿಪದ್ಮದೃಶಾವತಂಸಿತಂ ತೇ ಪದಪದ್ಮಂ ಪ್ರತಿಭಾತು ಮಾನಸೇ ಮೇ ॥ ೪೧॥
ಅರುಣಾಚಲನಾಥಸದ್ಮನಾಥೇ ಚರಿತಂ ತೇ ಚರಣಸ್ಯ ಧಾತ್ರಿ ಚಿತ್ರಮ್ ।
ಕ್ರಿಯತೇಽಬ್ಜಸನಾಭಿನಾಮುನಾ ಯದ್ಗತಪಙ್ಕೇ ಮುನಿಮಾನಸೇ ನಿವಾಸಃ ॥ ೪೨॥
ಚರಿತಂ ಚರಣಾಮ್ಬುಜನ್ಮನಸ್ತೇ ಪರಮಂ ವಿಸ್ಮಯಮಾತನೋತಿ ಮಾತಃ ।
ಅತಿರಾಗವದಪ್ಯದೋ ವಿಧತೇ ಸಹವಾಸೇನ ಯದನ್ತರಂ ವಿರಾಗಮ್ ॥ ೪೩॥
ಭವಭಾಮಿನಿ ಕರ್ಮಶರ್ಮದಾತುಃ ಭವದೀಯಸ್ಯ ಪದಸ್ಯ ವಿಸ್ಮಯಾಯ ।
ಅಪಿ ಧೂಲಿವಿಧೂಸರಂ ವಿಧತ್ತೇ ಯದಿದಂ ವೀತರಜೋ ಮನೋ ಮುನೀನಾಮ್ ॥ ೪೪॥
ಚರಣಂ ಜಗದಮ್ಬ ಕೈಟಭಾರಿರ್ಯತಮಾನೋಽಪಿ ದದರ್ಶ ನೈವ ಯಸ್ಯ ।
ಸ ಹರಸ್ತವ ದೃಶ್ಯತೇ ವಿಲಗ್ನಶ್ಚರಣೇ ಚಣ್ಡಿ ಚರಾಚರಾಧಿನಾಥಃ ॥ ೪೫॥
ಕಮಲಾಸನಕಞ್ಜಲೋಚನಾದೀನವಮತ್ಯ ತ್ರಿದಶಾನ್ನಗೇಶಕನ್ಯೇ ।
ಅಗುಣೇ ರಮಸೇ ನಗೇಽತ್ರ ಶೋಣೇ ಕ್ವ ಗುಣಾನ್ ಪಶ್ಯತಿ ಜಾತಿಪಕ್ಷಪಾತಃ ॥ ೪೬॥
ಕುಸುಮಾದಪಿ ಕೋಮಲಂ ವಪುಸ್ತೇ ಹೃದಯೇಶಸ್ತ್ವರುಣೋ ಗಿರಿಃ ಕಠೋರಃ ।
ಪ್ರಚಲಾಖುತುರಙ್ಗಮಸ್ಯ ಮಾತಃ ಸಮನುಧ್ಯಾಯ ಬಿಭೇಮಿ ಚೇತಸೇದಮ್ ॥ ೪೭॥
ಯದಸೌ ವಿಹಿತಃ ಸಿತೋಽರುಣಾದ್ರಿಸ್ತವ ಹಾಸೇನ ಸಿತೇನ ನಾತ್ರ ಚಿತ್ರಮ್ ।
ಇದಮದ್ಭುತಮಸ್ಯ ಮಾನಸಂ ಯದ್ವಿಮಲಂ ಪಾರ್ವತಿ ನೀಯತೇಽತಿರಾಗಮ್ ॥ ೪೮॥
ನವಕುಙ್ಕುಮರೇಣುಪಙ್ಕಿಲಸ್ಯ ಸ್ಮರಣಾತ್ತೇ ಸತತಂ ಸ್ತನಾಚಲಸ್ಯ ।
ಸ್ವಯಮಪ್ಯಚಲೋ ಬಭೂವ ಶೋಣಃ ಶಶಿಧಾರೀ ಜಗತಂ ಸವಿತ್ರಿ ಶಙ್ಕೇ ॥ ೪೯॥
ಸ್ಮರಣಾದರುಣಾಚಲಸ್ಯ ಮುಕ್ತ್ತಿಃ ಕಥಮಶ್ಲೀಲಕಪಾಲಭೂಷಣಸ್ಯ ।
ವಪುಷೋಽಧರ್ಮಮುಷ್ಯ ಚೇನ್ನಚೇತಸ್ತಿಮಿರಧ್ವಂಸಿನಿ ಸರ್ವಮಙ್ಗಲೇ ತ್ವಮ್ ॥ ೫೦॥
ಷಷ್ಠಂ ದಶಕಮ್ (ತೂಣಕವೃತ್ತಮ್)
ಗೌರಿ ಚಣ್ಡಿ ಕಾಲಿಕೇ ಗಣಾಧಿನಾಯಕಾಮ್ಬಿಕೇ
ಸ್ಕನ್ದಮಾತರಿನ್ದುಖಣ್ಡಶೇಖರೇ ಪರಾತ್ಪರೇ ।
ವ್ರಜನಾಯಿಕೇ ಪ್ರಪಞ್ಚರಾಜ್ಞಿ ಹೈಮವತ್ಯುಮೇ
ಭರ್ಗಪತ್ನಿ ಪಾಲಯೇತಿ ಗೀಯತಾಂ ಸದಾ ಸಖೇ ॥ ೫೧॥
ವಾಸುದೇವಮುಖ್ಯನಿತ್ಯದೇವಮೌಲಿವಿಸ್ಫುರ-
ದ್ರತ್ರಜಾಲರಶ್ಮಿಜಾತರಞ್ಜಿತಾಙ್ಧ್ರಿಪಙ್ಕಜೇ ।
ಶೀತಭಾನುಬಾಲಚೂಡಚಿತ್ತಬಾಲಡೋಲಿಕೇ
ಶೈಲಪಾಲಬಾಲಿಕೇ ಸದಾ ವದಾಮಿ ನಾಮ ತೇ ॥ ೫೨॥
ಕಲ್ಪವಲ್ಲಿ ಗಾಯತಾಂ ನಿತಮ್ಬಿನೀಮತಲ್ಲಿಕೇ
ನಾಮ ತೇ ವಿಪಶ್ಚಿತೋ ನಿರನ್ತರಂ ಗೃಣನ್ತಿ ಯೇ ।
ದೈತ್ಯಜೈತ್ರಿ ಲೋಕಧಾತ್ರಿ ರಾತ್ರಿರಾಣ್ಣಿಭಾನನೇ
ಶೈಲವಂಶವೈಜಯನ್ತಿ ಜನ್ತವೋ ಜಯನ್ತಿ ತೇ ॥ ೫೩॥
ಆನನೇ ತ್ವದೀಯನಾಮ ಪಾವನಾಚ್ಚ ಪಾವನಂ
ಯಸ್ಯ ಪುಣ್ಯಪೂರುಷಸ್ಯ ಪೂರುಷಾರ್ಧವಿಗ್ರಹೇ ।
ಸಾನುಮನ್ಮಹೇನ್ದ್ರಪುತ್ರಿ ಸಮ್ಮದಾಯ ಭೂಯಸೇ
ಬನ್ಧನಾಲಯೋಽಪಿ ತಸ್ಯ ನನ್ದನಂ ವನಂ ಯಥಾ ॥ ೫೪॥
ನಾಮಕೀರ್ತನೇಷು ಯಾ ಷಡಾನನಸ್ಯ ಷಡ್ವಿಧಾತ್
ಶಬ್ದತೋಽಪಿ ಭಾಷಿತಾತ್ಪೃಥಕ್ಪದಾಭಿಶೋಭಿತಾತ್ ।
ಉನ್ನತೈಕನಾದತೋ ಗಜಾನನಸ್ಯ ಬೄಂಹಿತಾತ್
ತೃಪ್ತಿಮೇತಿ ಪುತ್ರಯೋಃ ಸಮಾಪಿ ಸಾ ಜಯತ್ಯುಮಾ ॥ ೫೫॥
ಮುಗ್ಧಮಿತ್ರಮಾನಸೇ ಮಹಾನ್ಧಕಾರಬನ್ಧುರೇ
ನಿದ್ರಿತಮುಮಾಂ ನಿಜೇ ಬಹಿರ್ಗವೇಷಯಸ್ಯಹೋ ।
ತತ್ಪ್ರವಿಶ್ಯ ಪಶ್ಯ ವೇದದೀಪಕೇನ ತಾಂ ತತಃ
ತಾರಶಬ್ದಬೋಧಿತಾಂ ವಿಧಾಯ ಸಾಧಯಾಮೃತಮ್ ॥ ೫೬॥
ಆದಿಮೋ ವಿಭೋಃ ಸುತೋ ಯದೀಯಮೂಲಮಾಶ್ರಿತಃ
ಕುಞ್ಜರಾನನೋ ಬಿಭರ್ತಿ ಸಾಲತಾತನೌ ತತಾ ।
ಅಗ್ರತೋ ದಧಾತಿ ಕಿಞ್ಚಿದಮ್ಬುಜಂ ಮರನ್ದವ -
ತ್ತತ್ರ ಶಕ್ತ್ತಿರುತ್ತಮಾ ಪ್ರಬೋಧಯನ್ತಿ ತಾಂ ವಿದಃ ॥ ೫೭॥
ದ್ವಾದಶಾನ್ತಶಾಯಿನೀ ಹೃದಮ್ಬುಜಾನ್ತರಸ್ಥಿತಾ
ಮಣ್ಡಲದ್ವಯಾಲಯಾ ಸಿತಾದ್ರಿಶೃಗಚಾರಿಣೀ ।
ಸರ್ವಭೂತಜಾಲಭರ್ತುರಾಸನಾರ್ಧಭಾಗಿನೀ
ಭೂತಿಮುತ್ತಮಾಂ ತನೋತು ಭುಭೃತಃ ಸುತಾ ತವ ॥ ೫೮॥
ಕ್ಷತ್ರಮರ್ದನ್ಪ್ರಸೂರಸೂರಿಲೋಕದುರ್ಗಮಾ
ದುರ್ಗಮಾಟವೀವಿಹಾರಲಾಲಸಾ ಮದಾಲಸಾ ।
ನಿತ್ಯಶಕ್ತ್ತಿಪೌರುಷಾ ಮಮಾಙ್ಘ್ರಿಮೂಲವಾಸಿನಃ ।
ಸತ್ಯಕೀರ್ತಿರಾರ್ತಿಜಾಲಹಾರಿಣೀ ಹರತ್ವಧಮ್ ॥ ೫೯॥
ಶಕ್ತ್ತಿಧಾರಿಣಃ ಸವಿತ್ರಿ ಸರ್ವಶಕ್ತ್ತಿಮತ್ಯುಮೇ
ಭಕ್ತಿಮಜ್ಜನೋಗ್ರಪಾಪನಿಗ್ರಹೇ ಧೃತಗ್ರಹೇ ।
ದೇವಮೌಲಿರತ್ನಕಾನ್ತಿಧೌತಪಾದುಕಾಯ ತೇ
ಸರ್ವಮಙ್ಘ್ರಯೇ ಮದಿಯಮಾತ್ಮನಾ ಸಹಾರ್ಪ್ಯತೇ ॥ ೬೦॥
ಸಪ್ತಮಂ ದಶಕಮ್ (ಮದಾಲಸಾವೃತ್ತಮ್)
ಜಮ್ಭಾರಿಮುಖ್ಯಸುರಸಮ್ಭಾವಿತಾ ಬಹುಲದಮ್ಭಾತ್ಮನಾಮಸುಲಭಾ
ಪುಮ್ಭಾವದೃಪ್ತಸನಿಶುಮ್ಭಾದಿಬನ್ಧುಗಣಶುಮ್ಭಾಸುರೇನ್ದ್ರದಮನೀ
ಕುಮ್ಭಾಪಹಾಸಿಕುಚಕುಮ್ಭಾನಘೋರುಜಿತರಮ್ಭಾಽನುರಕ್ತಹೃದಯಾ
ಶಮ್ಭಾವಿಭೇನ್ದ್ರಮುಖಡಿಮ್ಭಾ ಕರೋತು ತವ ಶಂ ಭಾಮಿನೀಮಣಿರುಮಾ ॥ ೬೧॥
ತಾರಾವಲೀತುಲಿತಹಾರಾಲಿಶೋಭಿಕುಚಭಾರಾಽಲಸಾಲಸಗತಿಃ
ಧಾರಾಧರಾಭಕಚಭಾರಾ ಸುಪರ್ವರಿಪುವೀರಾಭಿಮಾನಶಮನೀ ।
ನೀರಾಟಕೇತುಶರಧಾರಾಭದೃಷ್ಟಿರತಿಧೀರಾ ಧರಾಧರಸುತಾ
ವಾರಾಣಸೀವಸತಿ ವಾರಾಶಿತೂಣರತಿರಾರಾಧ್ಯತಾಮಯಿ ಸಖೇ ॥ ೬೨॥
ಖ್ಯಾತಾ ಮುನೀನ್ದ್ರಜನಗೀತಾ ಮಯೂರಹಯಪೋತಾಽತಿಚಿತ್ರಚರಿತಾ
ಶೀತಾಚಲಾಚಿಪತಿಜಾತಾ ಪ್ರಭಾತಯಮತಾತಾವಿಶೇಷಚರಣಾ ।
ಪೂತಾ ಪಿನಾಕಧರಪೀತಾಧರಾ ತ್ರಿದಿವಪಾತಾಲಭೂತಲಜುಷಾಂ
ಸಾ ತಾಪಜಾತಮವಿಗೀತಾಽಖಿಲಂ ಹರತು ಮಾತಾ ಕಟಾಕ್ಷಕಲಯಾ ॥ ೬೩॥
ಖನ್ಡಾಮೃತದ್ಯುತಿಶಿಖಣ್ಡಾ ಮಹೋಗ್ರತರಭಣ್ಡಾದಿದೈತ್ಯದಮನೀ
ಚಣ್ಡಾಽನಲಾಢ್ಯಕುಲಕುಣ್ಡಾಲಯಾ ವಿಹಿತದಣ್ಡಾ ಖಲಾಯ ಭುವನೇ ।
ಶುಣ್ಡಾಲಭೂಮಿಪತಿತುಣ್ಡಧಿಭೂತತರುಷಣ್ಡಾ ಚಲಾಣ್ಡಘಟಮೃತ್-
ಪಿಣ್ಡಾಯಿತಾ ಸಕಲಪಿಣ್ಡಾನ್ತರಸ್ಥಮಣಿಭಾಣ್ಡಾಯಿತಾಽಸ್ತು ಶರಣಮ್ ॥ ೬೪॥
ರಾಕಾಸುಧಾಕರಸಮಾಕಾರಹಾಸಧುತಭೀಕಾ ಭವಾಬ್ಧಿತರಣೇ
ನೌಕಾ ಕಟಾಕ್ಷಧುತಶೋಕಾ ಮಹಾಮಹಿಮಪಾಕಾರಿಣಾಽಪಿ ವಿನುತಾ ।
ಏಕಾಮ್ಬಿಕಾ ಸಕಲಲೋಕಾವಲೇರಚಲತೋಕಾಯಿತಾಖಿಲಘನ-
ಶ್ರೀಕಾನತಸ್ಯ ಮಮ ಸಾ ಕಾಲಿಕಾ ಕಮಲನೀಕಾಶದೃಕ್ ದಿಶತು ಶಮ್ ॥ ೬೫॥
ನೀಲಾಲಕಾ ಮಧುರಶೀಲಾ ವಿಧೂತರಿಪುಜಾಲಾ ವಿಲಸವಸತಿಃ
ಲೋಲಾ ದೃಶೋಃ ಕನಕಮಾಲಾವತೀ ವಿಬುಧಲೀಲಾವತೀಪರಿವೃತ ।
ಕಿಲಾಲಜಾಪ್ತಮುಖಹೇಲಾ ಜಿತಾಮೃತಕರೇಮಾತಲೇ ನಿವಸತಾಂ
ಶಾಲಾರುಚಾಮಜಿನಚೇಲಾಽಬಲಾ ಕಪಟಕೋಲಾನುಜಾ ದಿಶತು ಶಮ್ ॥ ೬೬॥
ಅವ್ಯಾದುದಾರತರಪವ್ಯಾಯುಧಪ್ರಭೃತಿಹವ್ಯಾಶಿರ್ಕೀರ್ತಿತಗುಣಾ
ಗವ್ಯಾಜ್ಯಸಮ್ಮಿಲಿತಕವ್ಯಾಶಿಲೋಕನುತಭವ್ಯಾಽತಿಪಾವನಕಥಾ ।
ಶ್ರವ್ಯಾ ಸದಾ ವಿವಿಧನವ್ಯಾವತಾರವರಕವ್ಯಾರಭಟ್ಯಭಿರತಾ
ದಿವ್ಯಾಕೃತಿಸ್ತರುಣವ್ಯಾಭಪಾದಖಿಲಮವ್ಯಾತ್ಮಜಾ ತವ ಕುಲಮ್ ॥ ೬೭॥
ದೋಷಾಕರಾರ್ಭಕವಿಭೂಷಾ ಕಟಾಕ್ಷಧುತದೋಷಾ ನಿರನ್ತರಮನ -
ಸ್ತೋಷಾ ಪರಾ ಕಲುಷಿಕಾಷಾಯಧಾರಿಯತಿವೇಷಾಽನವಾಪ್ಯಚರಣಾ ।
ಭಾಷಾವಧೂದಯಿತಶೇಷಾಹಿಶಾಯಿವಿನುತೈಷಾ ವಿಷಾದಶಮನೀ
ಪೋಷಾಯ ಪಾಪತತಿಶೋಷಾಯ ಚಾಸ್ತು ಕುಲಯೋಷಾ ಭವಸ್ಯ ಭವತಾಮ್ ॥ ೬೮॥
ವನ್ದಾರುಸಾಧುಜನಮನ್ದಾರವಲ್ಲಿರವಿನ್ದಾಭದೀರ್ಘನಯನಾ
ಕುನ್ದಾಲಿಕಲ್ಪರದಬೃನ್ದಾ ಪದಾಬ್ಜನತಬೃನ್ದಾರಕೇನ್ದುವದನಾ ।
ಮನ್ದಾ ಗತಾವಲಮಮನ್ದಾ ಮತೌ ಜಿತಮುಕುನ್ದಾಸುರಪ್ರಶಮನೀ
ನನ್ದಾತ್ಮಜಾ ದಿಶತು ಶಂ ದಾರುಣಾಧತತಿಭಿನ್ದಾನನಾಮನಿವಹಾ ॥ ೬೯॥
ಶ್ಯಾಮಾ ಕದಮ್ಬವನಧಾಮಾ ಭವಾರ್ತಿಹರನಾಮಾ ನಮಜ್ಜನಹಿತಾ
ಭೀಮಾ ರಣೇಷು ಸುರಭಾಮಾವತಂಸಸುಮದಾಮಾನುವಾಸಿತಪದಾ ।
ಕಾಮಾಹಿತಸ್ಯ ಕೃತಕಾಮಾ ಕಿಲಾಲಮಭಿರಾಮಾ ರಮಾಲಯಮುಖೀ
ಕ್ಷೇಮಾಯ ತೇ ಭವತು ವಾಮಾ ಕದಮ್ಬಕಲಲಾಮಾಯಿತಾ ಭಗವತೀ ॥ ೭೦॥
ಅಷ್ಟಮಂ ದಶಕಮ್ (ದ್ರುತವಿಲಮ್ಬಿತವೃತ್ತಮ್)
ಜಲರುಹಂ ದಹರಂ ಸಮುಪಾಶ್ರಿತಾ ಜಲಚರಧ್ವಜಸೂದನಸುನ್ದರೀ ।
ಹರತು ಬೋಧದೃಗಾವರಣಂ ತಮೋ ಹೃದಯಗಂ ಹಸಿತೇನ ಸಿತೇನ ಮೇ ॥ ೭೧॥
ನಮದಮರ್ತ್ಯಕಿರೀಟಕೃತೈಃ ಕಿಣೈಃ ಕಮಠಪೃಷ್ಠನಿಭೇ ಪ್ರಪದೇಽಙ್ಕಿತಾ ।
ಅಜಿನಚೇಲವಧೂರ್ವಿದಧಾತು ವೋ ವೃಜಿನಜಾಲಮಜಾಲಮವಿಕ್ರಮಮ್ ॥ ೭೨॥
ಲಲಿತಯಾ ನತಪಾಲನಲೋಲಯಾ ಪ್ರಮಥನಾಥಮನೋಹರಲೀಲಯಾ ।
ಕಿರಿಮುಖೀಮುಖಶಕ್ತ್ಯುಪಜೀವ್ಯಯಾ ವಿದಿತಯಾದಿತಯಾ ಗತಿಮಾನಹಮ್ ॥ ೭೩॥
ಅಮೃತದೀಧಿತಿಪೋವತಂಸಯಾ ಕೃತಪದಾನತಪಾಪನಿರಾಸಯಾ ।
ಗತಿಮದರ್ಧನರಕೃತಿಚಿತ್ರಯಾ ಭುವನಮೇವ ನ ಮೇ ಕುಲಮಾರ್ಯಯಾ ॥ ೭೪॥
ಅಗಣಯಂ ನ ಚ ಗೋಷ್ಪದವದ್ಯದಿ ತ್ರಿಭುವನಂ ಕುತಲೇ ನ ತರಾಮಿ ಕಿಮ್ ।
ಶರಣವಾನಹಮುತ್ತಮಭಾವಯಾ ಗಿರಿಜಯಾರಿಜಯಾವಿತದೇವಯಾ ॥ ೭೫॥
ಸಕರುಣಾ ಕುಶಲಂ ತವ ರೇಣುಕಾತನುರುಮಾ ತನುತಾದುದಿತೋ ಯತಃ ।
ಯುಧಿ ಮುನಿರ್ವಿದಧೌ ಪರಶುಂ ದಧಜ್ಜನಪತೀನಪತೀವ್ರ ಭುಜಾಮದಾನ್ ॥ ೭೬॥
ದಶರಥಾತ್ಮಜಪೂಜಿತಮೀಶ್ವರಂ ವಿದಧತೀ ರತಿನಾಥವಶಂ ಗತಮ್ ।
ದಿಶತು ವಃ ಕುಶಲಂ ನಗವರ್ಧಿನೀ ಹರಿಹಯಾರಿಹಯಾನ ಮೃಗೇಶ್ವರಾ ॥ ೭೭॥
ಜನನಿ ಶುಮ್ಭನಿಶುಮ್ಭಮಹಾಸುರೋನ್ಮಥನ ವಿಶ್ರುತವಿಕ್ರಮಯಾ ತ್ವಯಾ ।
ಜಗದರಕ್ಷ್ಯತ ಗೋಪಕುಲೇಶಿತುಃ ತನುಜಯಾನುಜಯಾರ್ಜುನಸಾರಥೇಃ ॥ ೭೮॥
ಚರಣಯೋರ್ಧೃತಯಾ ವಿಜಯಾಮಹೇ ಜಗತಿ ಮಾರರಿಪುಪ್ರಿಯಭಾಮಯಾ ।
ಶಶಿಕಲಾಮಲಮನ್ದರಹಾಸಯಾ ನಗಜಯಾ ಗಜಯಾನವಿಲಾಸಯಾ ॥ ೭೯॥
ಇಮಮಗಾಧಿಪನನ್ದಿನಿ ಕಲ್ಕಿನಂ ರುಷಮಪೋಹ್ಯ ಹರಸ್ಯ ವಿಲೋಕಿತೈಃ ।
ಕಲುಷನಾಶನಭೀಮದೃಶೋಲ್ಲಸನ್ಮದನಕೈರವಕೈರವಲೋಚನೇ ॥ ೮೦॥
ನವಮಂ ದಶಕಮ್ (ಆರ್ಯಾವೃಯ್ತ್ತಮ್)
ಸ ಜಯತಿ ಪುಣ್ಯಕುಲೇಷು ಭ್ರಾಮ್ಯನ್ ಗಣನಾಥಮಾತುರಾಲೋಕಃ ।
ಯಮನುಚರತೋ ಜನಾರ್ದನಕುಲತರುಣೀ ದೇವತಾ ಚ ಗಿರಾಮ್ ॥ ೮೧॥
ಕಸ್ಯ ಪ್ರಬಲಪ್ರತಿಭಟಭುಜಕಣ್ಡೂವಾರಣಂ ಮಹದ್ವೀರ್ಯಮ್ ।
ಕಸ್ಯ ಗಿರಾಮಿಹ ಸರ್ಗೋ ಯುಗಸ್ಯ ಪರಿವರ್ತನೇಽಪಿ ಪಟುಃ ॥ ೮೨॥
ಕಸ್ಯ ಪುನರನ್ತರಾತ್ಮನಿ ಸಙ್ಗಸಹಸ್ರೈರಚಾಲಿತಾ ನಿಷ್ಠಾ ।
ಧೂರ್ಜಟಿದಿಯತೇ ಯುಷ್ಮದ್ದೃಗನ್ತಭೃತಮನ್ತರಾ ಧನ್ಯಮ್ ॥ ೮೩॥
ಯಸ್ಯ ನಿದಾನಮವಿದ್ಯಾ ಮಮಕಾರಃ ಪೂರ್ವರೂಪಮಙ್ಕುರಿತಃ ॥
ರೂಪಂ ತಾಪತ್ರಿತಯಂ ಸತ್ಸಙ್ಗಃ ಕಿಞ್ಚಿದುಪಶಾನ್ತಯೈ ॥ ೮೪॥
ಅನ್ತಃಕರಣಂ ಸ್ಥಾನಂ ಪ್ರಕೋಪನೋ ವಿಷಯಪಞ್ಚಕಾಭ್ಯಾಸಃ ।
ಮುಕ್ತಿಃ ಸುಷುಪ್ತಿಸಮಯೇ ಪುನರಗಮನಾಯ ಘೋರಾಯ ॥ ೮೫॥
ಲೋಭಾಭಿಲಾಷರೋಷಾಃ ಕಫಮಾರುತಮಾಯವಸ್ತ್ರಯೋ ದೋಷಾಃ ।
ಅರುಚಿಃ ಪಥ್ಯೇ ಭೂಯಸ್ಯನುಬನ್ಧೋಪದ್ರವೋ ಘೋರಃ ॥ ೮೬॥
ತಸ್ಯ ಪ್ರಯಚ್ಛ ಶಮನಂ ಸಂಸಾರಾಖ್ಯಜ್ವರಸ್ಯ ಭೂರಿಕೃಪೇ ।
ಮೃತ್ಯುಞ್ಜಯಸ್ಯ ಭಾಮಿನಿ ಭೇಷಜಮಾಲೋಕಿತಂ ನಾಮ ॥ ೮೭॥
ಭವದೀಯಸ್ಯ ಭವಾನಿ ಪ್ರಸಿದ್ಧಚರಿತೇ ಕಟಾಕ್ಷಮೇಘಸ್ಯ ।
ಪ್ರಾವೃಟ್ಪರಿತಾಪಹೃತೋ ಭವ್ಯಾಮೃತವರ್ಷಿಣಃ ಕರುಣಾ ॥ ೮೮॥
ರಾಜೋಗ್ರದೃಷ್ಟಿರುಗ್ರೋ ಯುವರಾಜಃ ಸನ್ತತಂ ಮದೋಪೇತಃ ।
ತವ ರಾಜ್ಞಿ ನ ಕರುಣಾ ಚೇದ್ಭುವನಸ್ಯ ಕಥಂ ಶುಭಂ ಭವತು ॥ ೮೯॥
ರಾಜ್ಞಿ ತವ ದೃಷ್ಟಿರವನೇ ವಿನತಾನಾಮಪಿ ಸದೈವ ಖೇಲನ್ತ್ಯಾಃ ।
ತಪತೋಽಪಿ ನಿತ್ಯಮೀಶೋ ಲೋಲೋ ಲಿಲಾಸು ತೇ ಭವತಿ ॥ ೯೦॥
ದಶಮಂ ದಶಕಮ್ (ಶಶಿವದನಾವೃತ್ತಮ್)
ಪದಕಮಲಾಪ್ತ ತ್ರಿಕಲುಷಹರ್ತ್ರೀ ।
ಜಯತಿ ಶಿವೇತಿ ತ್ರಿಭುವನಭರ್ತ್ರೀ ॥ ೯೧॥
ಅಧಿತನುದೃಷ್ಟಿಸ್ತಟಿದಧಿಭೂತಮ್ ।
ಪ್ರಮಥಪತೇಃ ಸಾ ಸುದೃಗಧಿದೈವಮ್ ॥ ೯೨॥
ಸ್ವನಯನವೃತೌ ಸ್ಥಿರಚರಣಾನಾಮ್ ।
ದ್ವಿದಲಸರೋಜೇ ಭಗವತಿ ಭಾಸಿ ॥ ೯೩॥
ದಹರಸರೋಜೇ ನಿಹಿತಪದಾನಾಮ್ ।
ದ್ವಿದಲಸರೋಜಾದವತರಸಿ ತ್ವಮ್ ॥ ೯೪॥
ಅಯಿ ಕುಲಕುಣ್ಡೇ ಧೃತಚರಣಾನಾಮ್ ।
ದಶಶತಪತ್ರಂ ವ್ರಜಸಿ ತಪನ್ತೀ ॥ ೯೫॥
ದಹರಸರೋಜೇ ದೃಶಮಪಿಹಿತ್ವಾ ।
ವಿಷಯಪರಾಣಾಂ ಸ್ಖಲಸಿ ಬಹಿಸ್ತ್ವಮ್ ॥ ೯೬॥
ಸ್ಖಲಸಿ ಯತಸ್ತ್ವಂ ಸ ಭವತಿ ಹೀನಃ ।
ವಿಲಸಸಿ ಯಸ್ಮಿನ್ ಸ ಖಲು ಮಹಾತ್ಮಾ ॥ ೯೭॥
ದೃಶಿ ದೃಶಿ ಚಿತ್ತ್ವಂ ಹೃದಿ ಹೃದಿ ಸತ್ತಾ ।
ಪ್ರತಿನರಶೀರ್ಷಂ ಪ್ರಮದಕಲಾಽಸಿ ॥ ೯೮॥
ತವ ಲಹರೀಷು ತ್ರಿಪುರವಿರೋಧೀ ।
ಕಿಮಿವ ನ ಚಿತ್ರಂ ಜನನಿ ಕರೋತಿ ॥ ೯೯॥
ಹರಶಿರಸೋ ಗೌರ್ಯವಸಿ ಜಗತ್ತ್ವಮ್ ।
ಗಣಪತಿಶೀರ್ಷಾದವ ಮುನಿಭೂಮಿಮ್ ॥ ೧೦೦॥
॥ ಇತಿ ಶ್ರೀಭಗವನ್ಮಹರ್ಷಿರಮಣಾನ್ತೇವಾಸಿನೋ ವಾಸಿಷ್ಠಸ್ಯ
ನರಸಿಂಹಸೂನೋಃ ಗಣಪತೇಃ ಕೃತಿಃ ಉಮಾಶತಕಂ ಸಮಾಪ್ತಮ್ ॥
Encoded and proofread byDPD
Please send corrections to sanskrit@cheerful.com
Last updated ತ್oday
http://sanskritdocuments.org
Uma Shatakam Lyrics in Kannada PDF
% File name : umAshatakam1.itx
% Location : doc\_devii
% Author : Ganapati Muni with Ramana Maharshi
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Description-comments : From Complete Works of Ganapati Muni Vol 1
% Latest update : November 24, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : umAshatakam1.itx
% Location : doc\_devii
% Author : Ganapati Muni with Ramana Maharshi
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Description-comments : From Complete Works of Ganapati Muni Vol 1
% Latest update : November 24, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website