ഉമാശതകമ്
{॥ ഉമാശതകമ് ॥}
പ്രഥമം ദശകമ് (ആര്യാവൃത്തമ്)
ഫുല്ലത്വം രവിദീധിതിനിരപേക്ഷമുമാമുഖ്യാബ്ജസ്യ ।
പൂര്ണം കരോതു മാനസമഭിലാഷം പുണ്യഭൂമിജുഷാമ് ॥ ൧॥
കൈലാസവാസിനീ വാ ധവലദ്യുതിബിമ്ബനിലയാ വാ ।
ആകാശാന്തരപീഠസ്ഥിതോത മേ ദേവതാ ഭവതി ॥ ൨॥
ആകാശാന്തരപീഠസ്ഥിതൈവ സാക്ഷാത്പരാശക്തിഃ ।
തസ്യാ അംശവ്യക്തീ ശശിനി സിതാദ്രൌ ച രാജന്ത്യൌ ॥ ൩॥
സങ്കല്പവാതസങ്ഗാദാനന്ദരസോ ഘനീഭൂതഃ ।
അന്തര്വ്യാപകശക്തേഃ സമപദ്യത തേ വപുര്മാതഃ ॥ ൪॥
ഇച്ഛാവിചിത്രവീര്യാത്തേജഃപടലോ ഘനീഭൂതഃ ।
അന്തര്വ്യാപകശക്തേഃ സമപദ്യത തേ വിഭോര്ഗാത്രമ് ॥ ൫॥
ഇച്ഛായോഗാത്തേജസി തവ ഭാഗഃ കശ്ചിദസ്തീശേ ।
വിജ്ഞാനയോഗതോ മുദി ഭാഗ്യസ്ത്വയി കശ്ചിദീശസ്യ ॥ ൬॥
സമ്രാജൌ ശശഭൃതി യൌ ഗൃഹവന്തൌ യൌ ച സിതഗിരിണാ ।
തദിദം യുവയോര്മായാ വേഷാന്തരമിഥുനയുഗലമുമേ ॥ ൭॥
യദ്യപി വിഭൂതിരധികം യുവയോര്വിശ്വാമ്ബികേ ഭവതി ।
മിഥുനേ തഥാപ്യമൂ വാം നേദിഷ്ഠേ ദേവി പശ്യാമഃ ॥ ൮॥
ദമ്പത്യോര്ഭഗവതി വാം പ്രതിബിമ്ബൌ ഭാസ്കരേ ഭവതഃ ।
ദേഹഭുവൌ ഭൂചക്രസ്വപ്നപ്രവ്യക്ത്തീ സുധാമഹസി ॥ ൯॥
ദേഹേ ഭുവഃ പ്രതിബിമ്ബഃ പ്രാണന്മൂലസ്യ നേദീയാന് ।
പ്രതിബിമ്ബവ്യക്ത്തേശ്ച സ്വപ്നവ്യക്ത്തിശ്ച നേദിഷ്ഠാ ॥ ൧൦॥
ദ്വിതീയം ദശകമ് (വസന്തതിലകാവൃത്തമ്)
കാശ്മീരമുന്നതപയോധരകുമ്ഭസീമ്നി
സ്രിഗ്ധം പ്രദിഗ്ധമുമയാ ശരണം മമാസ്തു ।
ഭേത്താ പുരാമുപരി ഭസ്മന ഏവ ധത്തേ
രാഗസ്യ ചിഹ്നമിവ യത്പരിരമ്ഭലഗ്നമ് ॥ ൧൧॥
അസ്മാകമമ്ബുദഘനസ്തനിതോപമേഷു
ഹേരമ്ബബൃംഹിതവിഭൂതിഷു ഭാഷിതേഷു ।
സിദ്ധോദ്യമാനമതിലങ്ധ്യ നിജാപദാനം
ബദ്ധശ്രുതിര്ഭവതു ഭര്ഗഗൃഹസ്യ നേത്രീ ॥ ൧൨॥
സന്ദേഹ ഏഷ മമ ചന്ദ്രകലാധരസ്യ
ശുദ്ധാന്തസുന്ദരി മനാംസി സതാം തവാങ്ധ്രിഃ ।
ശുദ്ധാനി കിം വിശതി കിന്നു ഭജന്തി ശുദ്ധിമ്
അങ്ധ്രേ പ്രവേശമനു താനി വിധൂയ പങ്കമ് ॥ ൧൩॥
ത്രൈലോക്യപാലനവിധായി വികസ്വരാബ്ജ-
ശോഭാവിഡമ്ബി മണിപീഠതടീവിലമ്ബി ।
ക്ഷേമപ്രദായി ഹൃദയേ ചരണം ന്യധായി
കിംവാ ന തേ നഗസുതേ യദി യം വിപന്നഃ ॥ ൧൪॥
വിഘ്നാനി യന്മുഹുരിദം ഹൃദയം ചലം യത്
സൌഖ്യം ന കിഞ്ചിദപി യദ്യദുപര്യസൌഖ്യമ് ।
ത്വാമാശ്രിതസ്യ ച മമാഖിലലോകരാജ്ഞീ
മത്തഃ പരോ ജഗതി കോ മനുജേഷു കല്കീ ॥ ൧൫॥
മാ ഭൂന്നിദേശവചനം നയനാഞ്ചലസ്യ
മാഭൂത്പ്രസാരണമയി ത്യജ നിര്ദയത്വമ് ।
അങ്ഗീകുരു സ്തുതഗുണേ ചരണാമ്ബുജം തേ
ധ്യാതും തദേവ ബഹു മേ ഭുവനസ്യ മാതഃ ॥ ൧൬॥
കാമം ദദാതു ന ദാദതു മനോ ധിനോതു
നോ വാ ധിനോതു നയതാദ്ദിവമന്യതോ വാ ।
ആത്മര്പിതോഽയഗജാപദപങ്കജായ
കിം കാങ്ക്ഷതേ പ്രതിഫലം വിപുലോഽനുരാഗഃ ॥ ൧൭॥
പാദം ദദാസി മനസേ കിനു പാപിനോ മേ
പാരിപ്ലവായ ഭുവനാധികവാസനായ ।
ദൂരേ സ താവദചലേന്ദ്രകുമാരികാ മേ
ദേവി പ്രണാമമുരരീകുരു താവതാഽലമ് ॥ ൧൮॥
ആരാധനം തവ ഭവാനി യഥാവിധാനം
കര്തും കുലാചലകുമാരി ന പരയാമി ।
പാദാര്വിന്ദയുഗമേവ തവാനതോഽഹം
പാപാകുലഃ ശരണമീശ്വരി കാങ്ക്ഷമാണഃ ॥ ൧൯॥
ബദ്ധവ്രതാ പ്രണതപാപനിവാരണേ ത്വം
ബദ്ധാഞ്ജലിശ്ച ബഹുപാപസമാകുലോഽഹമ് ।
കര്തവ്യമദ്രിതനയേ നിപുണം വിമൃശ്യ
നിര്ധാരയാത്ര ന യഥാ യശസോ വിലോപഃ ॥ ൨൦॥
തൃതീയം ദശകമ് (പൃഥ്വീവൃത്തമ്)
വ്രതം തവ വിദന്ഹൃദി പ്രണതപാപനാശേ കൃതം
ഫലപ്രവണപാതകപ്രമഥിതോഽപി നാസ്മ്യാകുലഃ ।
ഭവാമി ശിരസാ നതസ്തവ ഭവാനി പാദാമ്ബുജം
വ്രതസ്യ പരിപാലനേ യദി മതിര്ഗതിര്മേ ഭവ ॥ ൨൧॥
തപശ്ചരിതുമുത്തമം പ്രയതിതം മയാനേകദാ
പരന്തു ബഹുലൈരധൈഃ പരിണതൈര്വൃതോഽധ്വാ മമ ।
അയം മമ ദൃഢോഽഞ്ജലിസ്തനുവിയോഗകാലാവധി -
ര്യദി ത്വമചലവ്രതാസ്യചലകന്യകേ മാമവ ॥ ൨൨॥
അജേയബഹുപാപഭൃദ്ഭുവി ജനിഷ്യമാണഃ ഖലഃ
കമീശദയിതേ പുരാ ന വിദിതസ്തവായം ജനഃ ।
വ്രതം കൃതമിദം ത്വയാ പരമസാഹസോപേതയാ
ക്വാ വാ ജനനി യോഷിതാം ജഗതി ദീര്ഘമാലോചനമ് ॥ ൨൩॥
ഇഹാപുരധമര്ഷണാന്യയശ ഏവ ഭൂത്വാ മുധാ
വ്യലോകി നിയമൈസ്തഥാ ന ബഹുലൈശ്ചാ കശ്ചിജ്ജയഃ ।
സ്ഥിരം ന മദധക്ഷയേ മദധതേജസാ ഭൂയസാ
വ്രതം ച തവ കുണ്ഠിതം യദി മമൈവ കീര്തിഃ പരാ ॥ ൨൪॥
ക്ഷയേ യദി മദേനസാമസുകരേ ന ധീരം മനോ
ന തേ നഗപതേഃ സുതേ കിമപി ചിന്ത്യമേതത്കൃതേ ।
വ്രതം വിസൃജ തന്മുധാ നനു വധൂസ്വഭാവാത്കൃതം
സ്ഥിരീഭവതു ദുര്വിധിര്ഭുവി തവ പ്രസദാദ്ബലീ ॥ ൨൫॥
കൃതം പരമയത്നശ്ചിരമനുജ്ഝിതം ശ്രദ്ധയാ
ഭൃതം ബഹുവിധോദ്യമൈരവിജിതം മഹാപാതകൈഃ ।
ഗതം ധനതരം യശോ ജയതി പാപജാതം മമ്
വ്രതം ച തവ താദൃശം ജനനി കസ്യ വാ സ്യാജ്ജയഃ ॥ ൨൬॥
മദീയദുരിതാവലിപ്രലയകാലകാദമ്ബിനീ
മദോന്നതവിജൃമ്ഭണം വൃജനഭങ്ഗബദ്ധവ്രതേ ।
ഭവപ്രിയതമേ നിജപ്രബലഹുങ്കൃതിപ്രോദ്ധത -
പ്രഭഞ്ജനമഹൌജസാ ശമയ പാലയാത്മവ്രതമ് ॥ ൨൭॥
അധക്ഷയവിധൌ തു തേ പരിണതാ പരീപക്വതാ
വിഭേദകഥനം കഥം പൄഥുലവൈഭവേ യുജ്യതേ ।
ഇദം തവ വിഗര്ഹണം പരിണതൈനസം വാ സ്തുതി -
ര്മനോ യദി മൃഡാനി തേ ജഗതി സാധ്യമേവാഖിലമ് ॥ ൨൮॥
സഹസ്രനയനാദിഭിഃ സുരവരൈഃ സമാരാധിതാ
സഹസ്ത്രകിരണപ്രഭാ സിതമരീചിശീതാ മമ ।
സഹസ്രദലപങ്കജേ കൃതനികേതനാ ദേഹിനാം
സഹസ്രദലലോചനാ ദുരിതസന്തതിം കൃന്തതു ॥ ൨൯॥
സരോജഭവസംസ്തുതാ സകലലോകരാജ്യേശ്വരീ
കരോപമിതപല്ലവാ കരുണയാന്തരുല്ലോലിതാ ।
ഉരോരുഹഭരാലസാ മയപുരാരിസമ്മോഹിനീ
കരോതു മദഘക്ഷയം കുമുദലോചനാ കാചന ॥ ൩൦॥
ചതുര്ഥം ദശകമ് (ശാര്ദൂലവിക്രീഡിതവൃത്തമ്)
കാലാമ്ഭോധരചാരുസാന്ദ്രകബരി പൂര്ണേന്ദുബിമ്ബാനനാ
താടങ്കദ്യുതിധൌതഗന്ഡഫലകാ താമ്ബൂലരക്താധരാ ।
പ്രാലേയദ്യുതിബാലകേന രചിതോത്തംസാ ഹരാങ്കാസനാ
ശാന്താ നൂതനപല്ലവാഭചരണാ ഭൂത്യൈ ശിവാ ചിന്ത്യതേ ॥ ൩൧॥
ശ്രീപാദം തവശൈലരാജദുഹിതഃ ഭാസ്വത്കരാസ്ഫാലന -
പ്രോദ്ഭുദ്ധാമ്ബുജസുന്ദരം ശ്രുതിവധൂചൂഡാതടീലാലിതമ് ।
വന്ദന്താം ത്രിദിവൌകസോ വശമിതഃ സംവാഹയത്വീശ്വരോ
യോഗീ ധ്യായതു വന്ദിവദ്ഭഗവതി പ്രസ്തൌതി സോഽയം ജനഃ ॥ ൩൨॥
യസ്യാശ്ചാമരധാരിണീ സരസിജപ്രാസാദസഞ്ചാരിണീ
വാഗ്ദേവീ ഹൃദയേശ്വരപ്രഭൃതയോ നാകൌകസഃ കിങ്കരാഃ ।
ദേവഃ കൈരവബന്ധുകോരകധരോ ലീലാസഹായഃ സഖാ
തസ്യാഃ പാദസരോജവന്ദിപദവീം പാപ്തോഽസ്മ്യഹം ഭാഗ്യതഃ ॥ ൩൩॥
പാദസ്യ ക്രിയതേ ക്ഷണാന്തകതിചന ധ്യാനം ജഗദ്ധാത്രി തേ
യത്തസ്യേഭഘടാകുലാങ്ഗനമഹീശ്രീര്നാനുരുപം ഫലമ് ।
നോദ്ഗാരോ മധുമാധുരിമദമുഷാം സ്വാഭാവികോ വാ ഗിരാം
സാധീയസ്തു ഫലം യദീശ്വരി പുനര്ധ്യാതും മതിര്ജായതേ ॥ ൩൪॥
ദേവി ത്വച്ചരണാരവിന്ദയുഗലധ്യാനസ്യ കേചിത്ഫലം
മന്യന്തേ രഥവാജിസാമജവധൂസൌധാദിരൂപാം ശ്രിയമ് ।
പീയൂഷദ്രവസാരവൈഭവമുഷാം വാചാം പരേ പാടവം
പ്രാജ്ഞാഃ സാധനമാദിതഃ പരിണതൌ പാഹുഃ ഫലം തത്സ്വയമ് ॥ ൩൫॥
ലോഭഃ കുത്രചിദസ്തി കുത്രചിദസൌ രോഷഃ പരം ഭീഷണഃ
കുത്രാപ്യേഷ മനോഭവോഽതിമലിനേ സ്വാന്തേ നിശാന്തേ മമ ।
ഏതസ്യാപ്യഹഹാദ്രിരാജതനുജേ കോണേ ത്വദീയം പദം
ഖേടീമസ്തകലാലിതം ശുചിതമം വാഞ്ഛാമി കര്തും ഖലഃ ॥ ൩൬॥
കന്ദര്പേണ നിവാരിതം പ്രഹസതാ ലോഭേന നിര്ഭര്ത്സിതം
മാത്സര്യേണ തിരസ്കൃതം മദമഹാനാഗേന ചാഽഭിദ്രുതമ് ।
ദുര്ഭ്രാന്ത്യാ ഗലഹസ്തി തം ബത പുനഃ ക്രോധേന ധൂതം ബലാ -
ദപ്യേതത്പദമമ്ബ തേ വിശതി മേ ചേതോഽസ്യ വര്ണ്യാ കൃപാ ॥ ൩൭॥
ഉദ്ദീപ്യന്നഖരാംശുജാലജടിലസ്ത്വത്പാദകണ്ഠീരവോ
യാവന്മീലിതലോചനഃ ശശികലാചൂഡാമണേര്വല്ലഭേ ।
താവല്ലോഭകടിപ്രഖേലതി മുദം പുഷ്ണാതി കാമദ്വിപോ
രോഷദ്വീപിപതിശ്ച ഗര്ജതിതരാം മന്മാനസേ കാനനേ ॥ ൩൮॥
ചാഞ്ചല്യം ഹൃദയസ്യ നശ്യന്തി കഥം യുഷ്മത്പ്രസാദം വിനാ
ത്വം വാ ദേവി കഥം പ്രസീദസി യദി സ്ഥൈര്യാദപേതം മനഃ ।
അന്യോന്യാശ്രയദോഷ ഏഷ സുമഹാനന്യം വിധിം സ്ഥാപയ -
ത്യസ്മാകം വരദേ തവോത കരുണാം നിര്ഹേതുകാം ജന്തുഷു ॥ ൩൯॥
ഭക്തിര്മേ ത്വയി ഭര്ഗപത്നി മഹതീ ധ്യാതും ച വാഞ്ഛാമി തേ
പാദാമ്ഭോജയുഗം തഥാപി ചലതാം ചേതോ ന മേ മുഞ്ചതി ।
കാമാഃ സന്തി സഹസ്ത്രശോ നഗസുതേ പശ്ചാദ്ബ്രവീമ്യഗ്രതഃ
ചിത്തസ്യ സ്ഥിരതാം പ്രദേഹി കരുണാ യദ്യസ്തി തേ വസ്തുതഃ ॥ ൪൦॥
പഞ്ചമം ദശകമ് (സുബോധിതാവൃത്തമ്)
ഉഡുരാജകലാകലാപകാന്തേ സദയേ സുന്ദരി കോമലാങ്ഗി മാതഃ ।
ശ്രുതിപദ്മദൃശാവതംസിതം തേ പദപദ്മം പ്രതിഭാതു മാനസേ മേ ॥ ൪൧॥
അരുണാചലനാഥസദ്മനാഥേ ചരിതം തേ ചരണസ്യ ധാത്രി ചിത്രമ് ।
ക്രിയതേഽബ്ജസനാഭിനാമുനാ യദ്ഗതപങ്കേ മുനിമാനസേ നിവാസഃ ॥ ൪൨॥
ചരിതം ചരണാമ്ബുജന്മനസ്തേ പരമം വിസ്മയമാതനോതി മാതഃ ।
അതിരാഗവദപ്യദോ വിധതേ സഹവാസേന യദന്തരം വിരാഗമ് ॥ ൪൩॥
ഭവഭാമിനി കര്മശര്മദാതുഃ ഭവദീയസ്യ പദസ്യ വിസ്മയായ ।
അപി ധൂലിവിധൂസരം വിധത്തേ യദിദം വീതരജോ മനോ മുനീനാമ് ॥ ൪൪॥
ചരണം ജഗദമ്ബ കൈടഭാരിര്യതമാനോഽപി ദദര്ശ നൈവ യസ്യ ।
സ ഹരസ്തവ ദൃശ്യതേ വിലഗ്നശ്ചരണേ ചണ്ഡി ചരാചരാധിനാഥഃ ॥ ൪൫॥
കമലാസനകഞ്ജലോചനാദീനവമത്യ ത്രിദശാന്നഗേശകന്യേ ।
അഗുണേ രമസേ നഗേഽത്ര ശോണേ ക്വ ഗുണാന് പശ്യതി ജാതിപക്ഷപാതഃ ॥ ൪൬॥
കുസുമാദപി കോമലം വപുസ്തേ ഹൃദയേശസ്ത്വരുണോ ഗിരിഃ കഠോരഃ ।
പ്രചലാഖുതുരങ്ഗമസ്യ മാതഃ സമനുധ്യായ ബിഭേമി ചേതസേദമ് ॥ ൪൭॥
യദസൌ വിഹിതഃ സിതോഽരുണാദ്രിസ്തവ ഹാസേന സിതേന നാത്ര ചിത്രമ് ।
ഇദമദ്ഭുതമസ്യ മാനസം യദ്വിമലം പാര്വതി നീയതേഽതിരാഗമ് ॥ ൪൮॥
നവകുങ്കുമരേണുപങ്കിലസ്യ സ്മരണാത്തേ സതതം സ്തനാചലസ്യ ।
സ്വയമപ്യചലോ ബഭൂവ ശോണഃ ശശിധാരീ ജഗതം സവിത്രി ശങ്കേ ॥ ൪൯॥
സ്മരണാദരുണാചലസ്യ മുക്ത്തിഃ കഥമശ്ലീലകപാലഭൂഷണസ്യ ।
വപുഷോഽധര്മമുഷ്യ ചേന്നചേതസ്തിമിരധ്വംസിനി സര്വമങ്ഗലേ ത്വമ് ॥ ൫൦॥
ഷഷ്ഠം ദശകമ് (തൂണകവൃത്തമ്)
ഗൌരി ചണ്ഡി കാലികേ ഗണാധിനായകാമ്ബികേ
സ്കന്ദമാതരിന്ദുഖണ്ഡശേഖരേ പരാത്പരേ ।
വ്രജനായികേ പ്രപഞ്ചരാജ്ഞി ഹൈമവത്യുമേ
ഭര്ഗപത്നി പാലയേതി ഗീയതാം സദാ സഖേ ॥ ൫൧॥
വാസുദേവമുഖ്യനിത്യദേവമൌലിവിസ്ഫുര-
ദ്രത്രജാലരശ്മിജാതരഞ്ജിതാങ്ധ്രിപങ്കജേ ।
ശീതഭാനുബാലചൂഡചിത്തബാലഡോലികേ
ശൈലപാലബാലികേ സദാ വദാമി നാമ തേ ॥ ൫൨॥
കല്പവല്ലി ഗായതാം നിതമ്ബിനീമതല്ലികേ
നാമ തേ വിപശ്ചിതോ നിരന്തരം ഗൃണന്തി യേ ।
ദൈത്യജൈത്രി ലോകധാത്രി രാത്രിരാണ്ണിഭാനനേ
ശൈലവംശവൈജയന്തി ജന്തവോ ജയന്തി തേ ॥ ൫൩॥
ആനനേ ത്വദീയനാമ പാവനാച്ച പാവനം
യസ്യ പുണ്യപൂരുഷസ്യ പൂരുഷാര്ധവിഗ്രഹേ ।
സാനുമന്മഹേന്ദ്രപുത്രി സമ്മദായ ഭൂയസേ
ബന്ധനാലയോഽപി തസ്യ നന്ദനം വനം യഥാ ॥ ൫൪॥
നാമകീര്തനേഷു യാ ഷഡാനനസ്യ ഷഡ്വിധാത്
ശബ്ദതോഽപി ഭാഷിതാത്പൃഥക്പദാഭിശോഭിതാത് ।
ഉന്നതൈകനാദതോ ഗജാനനസ്യ ബൄംഹിതാത്
തൃപ്തിമേതി പുത്രയോഃ സമാപി സാ ജയത്യുമാ ॥ ൫൫॥
മുഗ്ധമിത്രമാനസേ മഹാന്ധകാരബന്ധുരേ
നിദ്രിതമുമാം നിജേ ബഹിര്ഗവേഷയസ്യഹോ ।
തത്പ്രവിശ്യ പശ്യ വേദദീപകേന താം തതഃ
താരശബ്ദബോധിതാം വിധായ സാധയാമൃതമ് ॥ ൫൬॥
ആദിമോ വിഭോഃ സുതോ യദീയമൂലമാശ്രിതഃ
കുഞ്ജരാനനോ ബിഭര്തി സാലതാതനൌ തതാ ।
അഗ്രതോ ദധാതി കിഞ്ചിദമ്ബുജം മരന്ദവ -
ത്തത്ര ശക്ത്തിരുത്തമാ പ്രബോധയന്തി താം വിദഃ ॥ ൫൭॥
ദ്വാദശാന്തശായിനീ ഹൃദമ്ബുജാന്തരസ്ഥിതാ
മണ്ഡലദ്വയാലയാ സിതാദ്രിശൃഗചാരിണീ ।
സര്വഭൂതജാലഭര്തുരാസനാര്ധഭാഗിനീ
ഭൂതിമുത്തമാം തനോതു ഭുഭൃതഃ സുതാ തവ ॥ ൫൮॥
ക്ഷത്രമര്ദന്പ്രസൂരസൂരിലോകദുര്ഗമാ
ദുര്ഗമാടവീവിഹാരലാലസാ മദാലസാ ।
നിത്യശക്ത്തിപൌരുഷാ മമാങ്ഘ്രിമൂലവാസിനഃ ।
സത്യകീര്തിരാര്തിജാലഹാരിണീ ഹരത്വധമ് ॥ ൫൯॥
ശക്ത്തിധാരിണഃ സവിത്രി സര്വശക്ത്തിമത്യുമേ
ഭക്തിമജ്ജനോഗ്രപാപനിഗ്രഹേ ധൃതഗ്രഹേ ।
ദേവമൌലിരത്നകാന്തിധൌതപാദുകായ തേ
സര്വമങ്ഘ്രയേ മദിയമാത്മനാ സഹാര്പ്യതേ ॥ ൬൦॥
സപ്തമം ദശകമ് (മദാലസാവൃത്തമ്)
ജമ്ഭാരിമുഖ്യസുരസമ്ഭാവിതാ ബഹുലദമ്ഭാത്മനാമസുലഭാ
പുമ്ഭാവദൃപ്തസനിശുമ്ഭാദിബന്ധുഗണശുമ്ഭാസുരേന്ദ്രദമനീ
കുമ്ഭാപഹാസികുചകുമ്ഭാനഘോരുജിതരമ്ഭാഽനുരക്തഹൃദയാ
ശമ്ഭാവിഭേന്ദ്രമുഖഡിമ്ഭാ കരോതു തവ ശം ഭാമിനീമണിരുമാ ॥ ൬൧॥
താരാവലീതുലിതഹാരാലിശോഭികുചഭാരാഽലസാലസഗതിഃ
ധാരാധരാഭകചഭാരാ സുപര്വരിപുവീരാഭിമാനശമനീ ।
നീരാടകേതുശരധാരാഭദൃഷ്ടിരതിധീരാ ധരാധരസുതാ
വാരാണസീവസതി വാരാശിതൂണരതിരാരാധ്യതാമയി സഖേ ॥ ൬൨॥
ഖ്യാതാ മുനീന്ദ്രജനഗീതാ മയൂരഹയപോതാഽതിചിത്രചരിതാ
ശീതാചലാചിപതിജാതാ പ്രഭാതയമതാതാവിശേഷചരണാ ।
പൂതാ പിനാകധരപീതാധരാ ത്രിദിവപാതാലഭൂതലജുഷാം
സാ താപജാതമവിഗീതാഽഖിലം ഹരതു മാതാ കടാക്ഷകലയാ ॥ ൬൩॥
ഖന്ഡാമൃതദ്യുതിശിഖണ്ഡാ മഹോഗ്രതരഭണ്ഡാദിദൈത്യദമനീ
ചണ്ഡാഽനലാഢ്യകുലകുണ്ഡാലയാ വിഹിതദണ്ഡാ ഖലായ ഭുവനേ ।
ശുണ്ഡാലഭൂമിപതിതുണ്ഡധിഭൂതതരുഷണ്ഡാ ചലാണ്ഡഘടമൃത്-
പിണ്ഡായിതാ സകലപിണ്ഡാന്തരസ്ഥമണിഭാണ്ഡായിതാഽസ്തു ശരണമ് ॥ ൬൪॥
രാകാസുധാകരസമാകാരഹാസധുതഭീകാ ഭവാബ്ധിതരണേ
നൌകാ കടാക്ഷധുതശോകാ മഹാമഹിമപാകാരിണാഽപി വിനുതാ ।
ഏകാമ്ബികാ സകലലോകാവലേരചലതോകായിതാഖിലഘന-
ശ്രീകാനതസ്യ മമ സാ കാലികാ കമലനീകാശദൃക് ദിശതു ശമ് ॥ ൬൫॥
നീലാലകാ മധുരശീലാ വിധൂതരിപുജാലാ വിലസവസതിഃ
ലോലാ ദൃശോഃ കനകമാലാവതീ വിബുധലീലാവതീപരിവൃത ।
കിലാലജാപ്തമുഖഹേലാ ജിതാമൃതകരേമാതലേ നിവസതാം
ശാലാരുചാമജിനചേലാഽബലാ കപടകോലാനുജാ ദിശതു ശമ് ॥ ൬൬॥
അവ്യാദുദാരതരപവ്യായുധപ്രഭൃതിഹവ്യാശിര്കീര്തിതഗുണാ
ഗവ്യാജ്യസമ്മിലിതകവ്യാശിലോകനുതഭവ്യാഽതിപാവനകഥാ ।
ശ്രവ്യാ സദാ വിവിധനവ്യാവതാരവരകവ്യാരഭട്യഭിരതാ
ദിവ്യാകൃതിസ്തരുണവ്യാഭപാദഖിലമവ്യാത്മജാ തവ കുലമ് ॥ ൬൭॥
ദോഷാകരാര്ഭകവിഭൂഷാ കടാക്ഷധുതദോഷാ നിരന്തരമന -
സ്തോഷാ പരാ കലുഷികാഷായധാരിയതിവേഷാഽനവാപ്യചരണാ ।
ഭാഷാവധൂദയിതശേഷാഹിശായിവിനുതൈഷാ വിഷാദശമനീ
പോഷായ പാപതതിശോഷായ ചാസ്തു കുലയോഷാ ഭവസ്യ ഭവതാമ് ॥ ൬൮॥
വന്ദാരുസാധുജനമന്ദാരവല്ലിരവിന്ദാഭദീര്ഘനയനാ
കുന്ദാലികല്പരദബൃന്ദാ പദാബ്ജനതബൃന്ദാരകേന്ദുവദനാ ।
മന്ദാ ഗതാവലമമന്ദാ മതൌ ജിതമുകുന്ദാസുരപ്രശമനീ
നന്ദാത്മജാ ദിശതു ശം ദാരുണാധതതിഭിന്ദാനനാമനിവഹാ ॥ ൬൯॥
ശ്യാമാ കദമ്ബവനധാമാ ഭവാര്തിഹരനാമാ നമജ്ജനഹിതാ
ഭീമാ രണേഷു സുരഭാമാവതംസസുമദാമാനുവാസിതപദാ ।
കാമാഹിതസ്യ കൃതകാമാ കിലാലമഭിരാമാ രമാലയമുഖീ
ക്ഷേമായ തേ ഭവതു വാമാ കദമ്ബകലലാമായിതാ ഭഗവതീ ॥ ൭൦॥
അഷ്ടമം ദശകമ് (ദ്രുതവിലമ്ബിതവൃത്തമ്)
ജലരുഹം ദഹരം സമുപാശ്രിതാ ജലചരധ്വജസൂദനസുന്ദരീ ।
ഹരതു ബോധദൃഗാവരണം തമോ ഹൃദയഗം ഹസിതേന സിതേന മേ ॥ ൭൧॥
നമദമര്ത്യകിരീടകൃതൈഃ കിണൈഃ കമഠപൃഷ്ഠനിഭേ പ്രപദേഽങ്കിതാ ।
അജിനചേലവധൂര്വിദധാതു വോ വൃജിനജാലമജാലമവിക്രമമ് ॥ ൭൨॥
ലലിതയാ നതപാലനലോലയാ പ്രമഥനാഥമനോഹരലീലയാ ।
കിരിമുഖീമുഖശക്ത്യുപജീവ്യയാ വിദിതയാദിതയാ ഗതിമാനഹമ് ॥ ൭൩॥
അമൃതദീധിതിപോവതംസയാ കൃതപദാനതപാപനിരാസയാ ।
ഗതിമദര്ധനരകൃതിചിത്രയാ ഭുവനമേവ ന മേ കുലമാര്യയാ ॥ ൭൪॥
അഗണയം ന ച ഗോഷ്പദവദ്യദി ത്രിഭുവനം കുതലേ ന തരാമി കിമ് ।
ശരണവാനഹമുത്തമഭാവയാ ഗിരിജയാരിജയാവിതദേവയാ ॥ ൭൫॥
സകരുണാ കുശലം തവ രേണുകാതനുരുമാ തനുതാദുദിതോ യതഃ ।
യുധി മുനിര്വിദധൌ പരശും ദധജ്ജനപതീനപതീവ്ര ഭുജാമദാന് ॥ ൭൬॥
ദശരഥാത്മജപൂജിതമീശ്വരം വിദധതീ രതിനാഥവശം ഗതമ് ।
ദിശതു വഃ കുശലം നഗവര്ധിനീ ഹരിഹയാരിഹയാന മൃഗേശ്വരാ ॥ ൭൭॥
ജനനി ശുമ്ഭനിശുമ്ഭമഹാസുരോന്മഥന വിശ്രുതവിക്രമയാ ത്വയാ ।
ജഗദരക്ഷ്യത ഗോപകുലേശിതുഃ തനുജയാനുജയാര്ജുനസാരഥേഃ ॥ ൭൮॥
ചരണയോര്ധൃതയാ വിജയാമഹേ ജഗതി മാരരിപുപ്രിയഭാമയാ ।
ശശികലാമലമന്ദരഹാസയാ നഗജയാ ഗജയാനവിലാസയാ ॥ ൭൯॥
ഇമമഗാധിപനന്ദിനി കല്കിനം രുഷമപോഹ്യ ഹരസ്യ വിലോകിതൈഃ ।
കലുഷനാശനഭീമദൃശോല്ലസന്മദനകൈരവകൈരവലോചനേ ॥ ൮൦॥
നവമം ദശകമ് (ആര്യാവൃയ്ത്തമ്)
സ ജയതി പുണ്യകുലേഷു ഭ്രാമ്യന് ഗണനാഥമാതുരാലോകഃ ।
യമനുചരതോ ജനാര്ദനകുലതരുണീ ദേവതാ ച ഗിരാമ് ॥ ൮൧॥
കസ്യ പ്രബലപ്രതിഭടഭുജകണ്ഡൂവാരണം മഹദ്വീര്യമ് ।
കസ്യ ഗിരാമിഹ സര്ഗോ യുഗസ്യ പരിവര്തനേഽപി പടുഃ ॥ ൮൨॥
കസ്യ പുനരന്തരാത്മനി സങ്ഗസഹസ്രൈരചാലിതാ നിഷ്ഠാ ।
ധൂര്ജടിദിയതേ യുഷ്മദ്ദൃഗന്തഭൃതമന്തരാ ധന്യമ് ॥ ൮൩॥
യസ്യ നിദാനമവിദ്യാ മമകാരഃ പൂര്വരൂപമങ്കുരിതഃ ॥
രൂപം താപത്രിതയം സത്സങ്ഗഃ കിഞ്ചിദുപശാന്തയൈ ॥ ൮൪॥
അന്തഃകരണം സ്ഥാനം പ്രകോപനോ വിഷയപഞ്ചകാഭ്യാസഃ ।
മുക്തിഃ സുഷുപ്തിസമയേ പുനരഗമനായ ഘോരായ ॥ ൮൫॥
ലോഭാഭിലാഷരോഷാഃ കഫമാരുതമായവസ്ത്രയോ ദോഷാഃ ।
അരുചിഃ പഥ്യേ ഭൂയസ്യനുബന്ധോപദ്രവോ ഘോരഃ ॥ ൮൬॥
തസ്യ പ്രയച്ഛ ശമനം സംസാരാഖ്യജ്വരസ്യ ഭൂരികൃപേ ।
മൃത്യുഞ്ജയസ്യ ഭാമിനി ഭേഷജമാലോകിതം നാമ ॥ ൮൭॥
ഭവദീയസ്യ ഭവാനി പ്രസിദ്ധചരിതേ കടാക്ഷമേഘസ്യ ।
പ്രാവൃട്പരിതാപഹൃതോ ഭവ്യാമൃതവര്ഷിണഃ കരുണാ ॥ ൮൮॥
രാജോഗ്രദൃഷ്ടിരുഗ്രോ യുവരാജഃ സന്തതം മദോപേതഃ ।
തവ രാജ്ഞി ന കരുണാ ചേദ്ഭുവനസ്യ കഥം ശുഭം ഭവതു ॥ ൮൯॥
രാജ്ഞി തവ ദൃഷ്ടിരവനേ വിനതാനാമപി സദൈവ ഖേലന്ത്യാഃ ।
തപതോഽപി നിത്യമീശോ ലോലോ ലിലാസു തേ ഭവതി ॥ ൯൦॥
ദശമം ദശകമ് (ശശിവദനാവൃത്തമ്)
പദകമലാപ്ത ത്രികലുഷഹര്ത്രീ ।
ജയതി ശിവേതി ത്രിഭുവനഭര്ത്രീ ॥ ൯൧॥
അധിതനുദൃഷ്ടിസ്തടിദധിഭൂതമ് ।
പ്രമഥപതേഃ സാ സുദൃഗധിദൈവമ് ॥ ൯൨॥
സ്വനയനവൃതൌ സ്ഥിരചരണാനാമ് ।
ദ്വിദലസരോജേ ഭഗവതി ഭാസി ॥ ൯൩॥
ദഹരസരോജേ നിഹിതപദാനാമ് ।
ദ്വിദലസരോജാദവതരസി ത്വമ് ॥ ൯൪॥
അയി കുലകുണ്ഡേ ധൃതചരണാനാമ് ।
ദശശതപത്രം വ്രജസി തപന്തീ ॥ ൯൫॥
ദഹരസരോജേ ദൃശമപിഹിത്വാ ।
വിഷയപരാണാം സ്ഖലസി ബഹിസ്ത്വമ് ॥ ൯൬॥
സ്ഖലസി യതസ്ത്വം സ ഭവതി ഹീനഃ ।
വിലസസി യസ്മിന് സ ഖലു മഹാത്മാ ॥ ൯൭॥
ദൃശി ദൃശി ചിത്ത്വം ഹൃദി ഹൃദി സത്താ ।
പ്രതിനരശീര്ഷം പ്രമദകലാഽസി ॥ ൯൮॥
തവ ലഹരീഷു ത്രിപുരവിരോധീ ।
കിമിവ ന ചിത്രം ജനനി കരോതി ॥ ൯൯॥
ഹരശിരസോ ഗൌര്യവസി ജഗത്ത്വമ് ।
ഗണപതിശീര്ഷാദവ മുനിഭൂമിമ് ॥ ൧൦൦॥
॥ ഇതി ശ്രീഭഗവന്മഹര്ഷിരമണാന്തേവാസിനോ വാസിഷ്ഠസ്യ
നരസിംഹസൂനോഃ ഗണപതേഃ കൃതിഃ ഉമാശതകം സമാപ്തമ് ॥
Encoded and proofread byDPD
Please send corrections to sanskrit@cheerful.com
Last updated ത്oday
http://sanskritdocuments.org
പ്രഥമം ദശകമ് (ആര്യാവൃത്തമ്)
ഫുല്ലത്വം രവിദീധിതിനിരപേക്ഷമുമാമുഖ്യാബ്ജസ്യ ।
പൂര്ണം കരോതു മാനസമഭിലാഷം പുണ്യഭൂമിജുഷാമ് ॥ ൧॥
കൈലാസവാസിനീ വാ ധവലദ്യുതിബിമ്ബനിലയാ വാ ।
ആകാശാന്തരപീഠസ്ഥിതോത മേ ദേവതാ ഭവതി ॥ ൨॥
ആകാശാന്തരപീഠസ്ഥിതൈവ സാക്ഷാത്പരാശക്തിഃ ।
തസ്യാ അംശവ്യക്തീ ശശിനി സിതാദ്രൌ ച രാജന്ത്യൌ ॥ ൩॥
സങ്കല്പവാതസങ്ഗാദാനന്ദരസോ ഘനീഭൂതഃ ।
അന്തര്വ്യാപകശക്തേഃ സമപദ്യത തേ വപുര്മാതഃ ॥ ൪॥
ഇച്ഛാവിചിത്രവീര്യാത്തേജഃപടലോ ഘനീഭൂതഃ ।
അന്തര്വ്യാപകശക്തേഃ സമപദ്യത തേ വിഭോര്ഗാത്രമ് ॥ ൫॥
ഇച്ഛായോഗാത്തേജസി തവ ഭാഗഃ കശ്ചിദസ്തീശേ ।
വിജ്ഞാനയോഗതോ മുദി ഭാഗ്യസ്ത്വയി കശ്ചിദീശസ്യ ॥ ൬॥
സമ്രാജൌ ശശഭൃതി യൌ ഗൃഹവന്തൌ യൌ ച സിതഗിരിണാ ।
തദിദം യുവയോര്മായാ വേഷാന്തരമിഥുനയുഗലമുമേ ॥ ൭॥
യദ്യപി വിഭൂതിരധികം യുവയോര്വിശ്വാമ്ബികേ ഭവതി ।
മിഥുനേ തഥാപ്യമൂ വാം നേദിഷ്ഠേ ദേവി പശ്യാമഃ ॥ ൮॥
ദമ്പത്യോര്ഭഗവതി വാം പ്രതിബിമ്ബൌ ഭാസ്കരേ ഭവതഃ ।
ദേഹഭുവൌ ഭൂചക്രസ്വപ്നപ്രവ്യക്ത്തീ സുധാമഹസി ॥ ൯॥
ദേഹേ ഭുവഃ പ്രതിബിമ്ബഃ പ്രാണന്മൂലസ്യ നേദീയാന് ।
പ്രതിബിമ്ബവ്യക്ത്തേശ്ച സ്വപ്നവ്യക്ത്തിശ്ച നേദിഷ്ഠാ ॥ ൧൦॥
ദ്വിതീയം ദശകമ് (വസന്തതിലകാവൃത്തമ്)
കാശ്മീരമുന്നതപയോധരകുമ്ഭസീമ്നി
സ്രിഗ്ധം പ്രദിഗ്ധമുമയാ ശരണം മമാസ്തു ।
ഭേത്താ പുരാമുപരി ഭസ്മന ഏവ ധത്തേ
രാഗസ്യ ചിഹ്നമിവ യത്പരിരമ്ഭലഗ്നമ് ॥ ൧൧॥
അസ്മാകമമ്ബുദഘനസ്തനിതോപമേഷു
ഹേരമ്ബബൃംഹിതവിഭൂതിഷു ഭാഷിതേഷു ।
സിദ്ധോദ്യമാനമതിലങ്ധ്യ നിജാപദാനം
ബദ്ധശ്രുതിര്ഭവതു ഭര്ഗഗൃഹസ്യ നേത്രീ ॥ ൧൨॥
സന്ദേഹ ഏഷ മമ ചന്ദ്രകലാധരസ്യ
ശുദ്ധാന്തസുന്ദരി മനാംസി സതാം തവാങ്ധ്രിഃ ।
ശുദ്ധാനി കിം വിശതി കിന്നു ഭജന്തി ശുദ്ധിമ്
അങ്ധ്രേ പ്രവേശമനു താനി വിധൂയ പങ്കമ് ॥ ൧൩॥
ത്രൈലോക്യപാലനവിധായി വികസ്വരാബ്ജ-
ശോഭാവിഡമ്ബി മണിപീഠതടീവിലമ്ബി ।
ക്ഷേമപ്രദായി ഹൃദയേ ചരണം ന്യധായി
കിംവാ ന തേ നഗസുതേ യദി യം വിപന്നഃ ॥ ൧൪॥
വിഘ്നാനി യന്മുഹുരിദം ഹൃദയം ചലം യത്
സൌഖ്യം ന കിഞ്ചിദപി യദ്യദുപര്യസൌഖ്യമ് ।
ത്വാമാശ്രിതസ്യ ച മമാഖിലലോകരാജ്ഞീ
മത്തഃ പരോ ജഗതി കോ മനുജേഷു കല്കീ ॥ ൧൫॥
മാ ഭൂന്നിദേശവചനം നയനാഞ്ചലസ്യ
മാഭൂത്പ്രസാരണമയി ത്യജ നിര്ദയത്വമ് ।
അങ്ഗീകുരു സ്തുതഗുണേ ചരണാമ്ബുജം തേ
ധ്യാതും തദേവ ബഹു മേ ഭുവനസ്യ മാതഃ ॥ ൧൬॥
കാമം ദദാതു ന ദാദതു മനോ ധിനോതു
നോ വാ ധിനോതു നയതാദ്ദിവമന്യതോ വാ ।
ആത്മര്പിതോഽയഗജാപദപങ്കജായ
കിം കാങ്ക്ഷതേ പ്രതിഫലം വിപുലോഽനുരാഗഃ ॥ ൧൭॥
പാദം ദദാസി മനസേ കിനു പാപിനോ മേ
പാരിപ്ലവായ ഭുവനാധികവാസനായ ।
ദൂരേ സ താവദചലേന്ദ്രകുമാരികാ മേ
ദേവി പ്രണാമമുരരീകുരു താവതാഽലമ് ॥ ൧൮॥
ആരാധനം തവ ഭവാനി യഥാവിധാനം
കര്തും കുലാചലകുമാരി ന പരയാമി ।
പാദാര്വിന്ദയുഗമേവ തവാനതോഽഹം
പാപാകുലഃ ശരണമീശ്വരി കാങ്ക്ഷമാണഃ ॥ ൧൯॥
ബദ്ധവ്രതാ പ്രണതപാപനിവാരണേ ത്വം
ബദ്ധാഞ്ജലിശ്ച ബഹുപാപസമാകുലോഽഹമ് ।
കര്തവ്യമദ്രിതനയേ നിപുണം വിമൃശ്യ
നിര്ധാരയാത്ര ന യഥാ യശസോ വിലോപഃ ॥ ൨൦॥
തൃതീയം ദശകമ് (പൃഥ്വീവൃത്തമ്)
വ്രതം തവ വിദന്ഹൃദി പ്രണതപാപനാശേ കൃതം
ഫലപ്രവണപാതകപ്രമഥിതോഽപി നാസ്മ്യാകുലഃ ।
ഭവാമി ശിരസാ നതസ്തവ ഭവാനി പാദാമ്ബുജം
വ്രതസ്യ പരിപാലനേ യദി മതിര്ഗതിര്മേ ഭവ ॥ ൨൧॥
തപശ്ചരിതുമുത്തമം പ്രയതിതം മയാനേകദാ
പരന്തു ബഹുലൈരധൈഃ പരിണതൈര്വൃതോഽധ്വാ മമ ।
അയം മമ ദൃഢോഽഞ്ജലിസ്തനുവിയോഗകാലാവധി -
ര്യദി ത്വമചലവ്രതാസ്യചലകന്യകേ മാമവ ॥ ൨൨॥
അജേയബഹുപാപഭൃദ്ഭുവി ജനിഷ്യമാണഃ ഖലഃ
കമീശദയിതേ പുരാ ന വിദിതസ്തവായം ജനഃ ।
വ്രതം കൃതമിദം ത്വയാ പരമസാഹസോപേതയാ
ക്വാ വാ ജനനി യോഷിതാം ജഗതി ദീര്ഘമാലോചനമ് ॥ ൨൩॥
ഇഹാപുരധമര്ഷണാന്യയശ ഏവ ഭൂത്വാ മുധാ
വ്യലോകി നിയമൈസ്തഥാ ന ബഹുലൈശ്ചാ കശ്ചിജ്ജയഃ ।
സ്ഥിരം ന മദധക്ഷയേ മദധതേജസാ ഭൂയസാ
വ്രതം ച തവ കുണ്ഠിതം യദി മമൈവ കീര്തിഃ പരാ ॥ ൨൪॥
ക്ഷയേ യദി മദേനസാമസുകരേ ന ധീരം മനോ
ന തേ നഗപതേഃ സുതേ കിമപി ചിന്ത്യമേതത്കൃതേ ।
വ്രതം വിസൃജ തന്മുധാ നനു വധൂസ്വഭാവാത്കൃതം
സ്ഥിരീഭവതു ദുര്വിധിര്ഭുവി തവ പ്രസദാദ്ബലീ ॥ ൨൫॥
കൃതം പരമയത്നശ്ചിരമനുജ്ഝിതം ശ്രദ്ധയാ
ഭൃതം ബഹുവിധോദ്യമൈരവിജിതം മഹാപാതകൈഃ ।
ഗതം ധനതരം യശോ ജയതി പാപജാതം മമ്
വ്രതം ച തവ താദൃശം ജനനി കസ്യ വാ സ്യാജ്ജയഃ ॥ ൨൬॥
മദീയദുരിതാവലിപ്രലയകാലകാദമ്ബിനീ
മദോന്നതവിജൃമ്ഭണം വൃജനഭങ്ഗബദ്ധവ്രതേ ।
ഭവപ്രിയതമേ നിജപ്രബലഹുങ്കൃതിപ്രോദ്ധത -
പ്രഭഞ്ജനമഹൌജസാ ശമയ പാലയാത്മവ്രതമ് ॥ ൨൭॥
അധക്ഷയവിധൌ തു തേ പരിണതാ പരീപക്വതാ
വിഭേദകഥനം കഥം പൄഥുലവൈഭവേ യുജ്യതേ ।
ഇദം തവ വിഗര്ഹണം പരിണതൈനസം വാ സ്തുതി -
ര്മനോ യദി മൃഡാനി തേ ജഗതി സാധ്യമേവാഖിലമ് ॥ ൨൮॥
സഹസ്രനയനാദിഭിഃ സുരവരൈഃ സമാരാധിതാ
സഹസ്ത്രകിരണപ്രഭാ സിതമരീചിശീതാ മമ ।
സഹസ്രദലപങ്കജേ കൃതനികേതനാ ദേഹിനാം
സഹസ്രദലലോചനാ ദുരിതസന്തതിം കൃന്തതു ॥ ൨൯॥
സരോജഭവസംസ്തുതാ സകലലോകരാജ്യേശ്വരീ
കരോപമിതപല്ലവാ കരുണയാന്തരുല്ലോലിതാ ।
ഉരോരുഹഭരാലസാ മയപുരാരിസമ്മോഹിനീ
കരോതു മദഘക്ഷയം കുമുദലോചനാ കാചന ॥ ൩൦॥
ചതുര്ഥം ദശകമ് (ശാര്ദൂലവിക്രീഡിതവൃത്തമ്)
കാലാമ്ഭോധരചാരുസാന്ദ്രകബരി പൂര്ണേന്ദുബിമ്ബാനനാ
താടങ്കദ്യുതിധൌതഗന്ഡഫലകാ താമ്ബൂലരക്താധരാ ।
പ്രാലേയദ്യുതിബാലകേന രചിതോത്തംസാ ഹരാങ്കാസനാ
ശാന്താ നൂതനപല്ലവാഭചരണാ ഭൂത്യൈ ശിവാ ചിന്ത്യതേ ॥ ൩൧॥
ശ്രീപാദം തവശൈലരാജദുഹിതഃ ഭാസ്വത്കരാസ്ഫാലന -
പ്രോദ്ഭുദ്ധാമ്ബുജസുന്ദരം ശ്രുതിവധൂചൂഡാതടീലാലിതമ് ।
വന്ദന്താം ത്രിദിവൌകസോ വശമിതഃ സംവാഹയത്വീശ്വരോ
യോഗീ ധ്യായതു വന്ദിവദ്ഭഗവതി പ്രസ്തൌതി സോഽയം ജനഃ ॥ ൩൨॥
യസ്യാശ്ചാമരധാരിണീ സരസിജപ്രാസാദസഞ്ചാരിണീ
വാഗ്ദേവീ ഹൃദയേശ്വരപ്രഭൃതയോ നാകൌകസഃ കിങ്കരാഃ ।
ദേവഃ കൈരവബന്ധുകോരകധരോ ലീലാസഹായഃ സഖാ
തസ്യാഃ പാദസരോജവന്ദിപദവീം പാപ്തോഽസ്മ്യഹം ഭാഗ്യതഃ ॥ ൩൩॥
പാദസ്യ ക്രിയതേ ക്ഷണാന്തകതിചന ധ്യാനം ജഗദ്ധാത്രി തേ
യത്തസ്യേഭഘടാകുലാങ്ഗനമഹീശ്രീര്നാനുരുപം ഫലമ് ।
നോദ്ഗാരോ മധുമാധുരിമദമുഷാം സ്വാഭാവികോ വാ ഗിരാം
സാധീയസ്തു ഫലം യദീശ്വരി പുനര്ധ്യാതും മതിര്ജായതേ ॥ ൩൪॥
ദേവി ത്വച്ചരണാരവിന്ദയുഗലധ്യാനസ്യ കേചിത്ഫലം
മന്യന്തേ രഥവാജിസാമജവധൂസൌധാദിരൂപാം ശ്രിയമ് ।
പീയൂഷദ്രവസാരവൈഭവമുഷാം വാചാം പരേ പാടവം
പ്രാജ്ഞാഃ സാധനമാദിതഃ പരിണതൌ പാഹുഃ ഫലം തത്സ്വയമ് ॥ ൩൫॥
ലോഭഃ കുത്രചിദസ്തി കുത്രചിദസൌ രോഷഃ പരം ഭീഷണഃ
കുത്രാപ്യേഷ മനോഭവോഽതിമലിനേ സ്വാന്തേ നിശാന്തേ മമ ।
ഏതസ്യാപ്യഹഹാദ്രിരാജതനുജേ കോണേ ത്വദീയം പദം
ഖേടീമസ്തകലാലിതം ശുചിതമം വാഞ്ഛാമി കര്തും ഖലഃ ॥ ൩൬॥
കന്ദര്പേണ നിവാരിതം പ്രഹസതാ ലോഭേന നിര്ഭര്ത്സിതം
മാത്സര്യേണ തിരസ്കൃതം മദമഹാനാഗേന ചാഽഭിദ്രുതമ് ।
ദുര്ഭ്രാന്ത്യാ ഗലഹസ്തി തം ബത പുനഃ ക്രോധേന ധൂതം ബലാ -
ദപ്യേതത്പദമമ്ബ തേ വിശതി മേ ചേതോഽസ്യ വര്ണ്യാ കൃപാ ॥ ൩൭॥
ഉദ്ദീപ്യന്നഖരാംശുജാലജടിലസ്ത്വത്പാദകണ്ഠീരവോ
യാവന്മീലിതലോചനഃ ശശികലാചൂഡാമണേര്വല്ലഭേ ।
താവല്ലോഭകടിപ്രഖേലതി മുദം പുഷ്ണാതി കാമദ്വിപോ
രോഷദ്വീപിപതിശ്ച ഗര്ജതിതരാം മന്മാനസേ കാനനേ ॥ ൩൮॥
ചാഞ്ചല്യം ഹൃദയസ്യ നശ്യന്തി കഥം യുഷ്മത്പ്രസാദം വിനാ
ത്വം വാ ദേവി കഥം പ്രസീദസി യദി സ്ഥൈര്യാദപേതം മനഃ ।
അന്യോന്യാശ്രയദോഷ ഏഷ സുമഹാനന്യം വിധിം സ്ഥാപയ -
ത്യസ്മാകം വരദേ തവോത കരുണാം നിര്ഹേതുകാം ജന്തുഷു ॥ ൩൯॥
ഭക്തിര്മേ ത്വയി ഭര്ഗപത്നി മഹതീ ധ്യാതും ച വാഞ്ഛാമി തേ
പാദാമ്ഭോജയുഗം തഥാപി ചലതാം ചേതോ ന മേ മുഞ്ചതി ।
കാമാഃ സന്തി സഹസ്ത്രശോ നഗസുതേ പശ്ചാദ്ബ്രവീമ്യഗ്രതഃ
ചിത്തസ്യ സ്ഥിരതാം പ്രദേഹി കരുണാ യദ്യസ്തി തേ വസ്തുതഃ ॥ ൪൦॥
പഞ്ചമം ദശകമ് (സുബോധിതാവൃത്തമ്)
ഉഡുരാജകലാകലാപകാന്തേ സദയേ സുന്ദരി കോമലാങ്ഗി മാതഃ ।
ശ്രുതിപദ്മദൃശാവതംസിതം തേ പദപദ്മം പ്രതിഭാതു മാനസേ മേ ॥ ൪൧॥
അരുണാചലനാഥസദ്മനാഥേ ചരിതം തേ ചരണസ്യ ധാത്രി ചിത്രമ് ।
ക്രിയതേഽബ്ജസനാഭിനാമുനാ യദ്ഗതപങ്കേ മുനിമാനസേ നിവാസഃ ॥ ൪൨॥
ചരിതം ചരണാമ്ബുജന്മനസ്തേ പരമം വിസ്മയമാതനോതി മാതഃ ।
അതിരാഗവദപ്യദോ വിധതേ സഹവാസേന യദന്തരം വിരാഗമ് ॥ ൪൩॥
ഭവഭാമിനി കര്മശര്മദാതുഃ ഭവദീയസ്യ പദസ്യ വിസ്മയായ ।
അപി ധൂലിവിധൂസരം വിധത്തേ യദിദം വീതരജോ മനോ മുനീനാമ് ॥ ൪൪॥
ചരണം ജഗദമ്ബ കൈടഭാരിര്യതമാനോഽപി ദദര്ശ നൈവ യസ്യ ।
സ ഹരസ്തവ ദൃശ്യതേ വിലഗ്നശ്ചരണേ ചണ്ഡി ചരാചരാധിനാഥഃ ॥ ൪൫॥
കമലാസനകഞ്ജലോചനാദീനവമത്യ ത്രിദശാന്നഗേശകന്യേ ।
അഗുണേ രമസേ നഗേഽത്ര ശോണേ ക്വ ഗുണാന് പശ്യതി ജാതിപക്ഷപാതഃ ॥ ൪൬॥
കുസുമാദപി കോമലം വപുസ്തേ ഹൃദയേശസ്ത്വരുണോ ഗിരിഃ കഠോരഃ ।
പ്രചലാഖുതുരങ്ഗമസ്യ മാതഃ സമനുധ്യായ ബിഭേമി ചേതസേദമ് ॥ ൪൭॥
യദസൌ വിഹിതഃ സിതോഽരുണാദ്രിസ്തവ ഹാസേന സിതേന നാത്ര ചിത്രമ് ।
ഇദമദ്ഭുതമസ്യ മാനസം യദ്വിമലം പാര്വതി നീയതേഽതിരാഗമ് ॥ ൪൮॥
നവകുങ്കുമരേണുപങ്കിലസ്യ സ്മരണാത്തേ സതതം സ്തനാചലസ്യ ।
സ്വയമപ്യചലോ ബഭൂവ ശോണഃ ശശിധാരീ ജഗതം സവിത്രി ശങ്കേ ॥ ൪൯॥
സ്മരണാദരുണാചലസ്യ മുക്ത്തിഃ കഥമശ്ലീലകപാലഭൂഷണസ്യ ।
വപുഷോഽധര്മമുഷ്യ ചേന്നചേതസ്തിമിരധ്വംസിനി സര്വമങ്ഗലേ ത്വമ് ॥ ൫൦॥
ഷഷ്ഠം ദശകമ് (തൂണകവൃത്തമ്)
ഗൌരി ചണ്ഡി കാലികേ ഗണാധിനായകാമ്ബികേ
സ്കന്ദമാതരിന്ദുഖണ്ഡശേഖരേ പരാത്പരേ ।
വ്രജനായികേ പ്രപഞ്ചരാജ്ഞി ഹൈമവത്യുമേ
ഭര്ഗപത്നി പാലയേതി ഗീയതാം സദാ സഖേ ॥ ൫൧॥
വാസുദേവമുഖ്യനിത്യദേവമൌലിവിസ്ഫുര-
ദ്രത്രജാലരശ്മിജാതരഞ്ജിതാങ്ധ്രിപങ്കജേ ।
ശീതഭാനുബാലചൂഡചിത്തബാലഡോലികേ
ശൈലപാലബാലികേ സദാ വദാമി നാമ തേ ॥ ൫൨॥
കല്പവല്ലി ഗായതാം നിതമ്ബിനീമതല്ലികേ
നാമ തേ വിപശ്ചിതോ നിരന്തരം ഗൃണന്തി യേ ।
ദൈത്യജൈത്രി ലോകധാത്രി രാത്രിരാണ്ണിഭാനനേ
ശൈലവംശവൈജയന്തി ജന്തവോ ജയന്തി തേ ॥ ൫൩॥
ആനനേ ത്വദീയനാമ പാവനാച്ച പാവനം
യസ്യ പുണ്യപൂരുഷസ്യ പൂരുഷാര്ധവിഗ്രഹേ ।
സാനുമന്മഹേന്ദ്രപുത്രി സമ്മദായ ഭൂയസേ
ബന്ധനാലയോഽപി തസ്യ നന്ദനം വനം യഥാ ॥ ൫൪॥
നാമകീര്തനേഷു യാ ഷഡാനനസ്യ ഷഡ്വിധാത്
ശബ്ദതോഽപി ഭാഷിതാത്പൃഥക്പദാഭിശോഭിതാത് ।
ഉന്നതൈകനാദതോ ഗജാനനസ്യ ബൄംഹിതാത്
തൃപ്തിമേതി പുത്രയോഃ സമാപി സാ ജയത്യുമാ ॥ ൫൫॥
മുഗ്ധമിത്രമാനസേ മഹാന്ധകാരബന്ധുരേ
നിദ്രിതമുമാം നിജേ ബഹിര്ഗവേഷയസ്യഹോ ।
തത്പ്രവിശ്യ പശ്യ വേദദീപകേന താം തതഃ
താരശബ്ദബോധിതാം വിധായ സാധയാമൃതമ് ॥ ൫൬॥
ആദിമോ വിഭോഃ സുതോ യദീയമൂലമാശ്രിതഃ
കുഞ്ജരാനനോ ബിഭര്തി സാലതാതനൌ തതാ ।
അഗ്രതോ ദധാതി കിഞ്ചിദമ്ബുജം മരന്ദവ -
ത്തത്ര ശക്ത്തിരുത്തമാ പ്രബോധയന്തി താം വിദഃ ॥ ൫൭॥
ദ്വാദശാന്തശായിനീ ഹൃദമ്ബുജാന്തരസ്ഥിതാ
മണ്ഡലദ്വയാലയാ സിതാദ്രിശൃഗചാരിണീ ।
സര്വഭൂതജാലഭര്തുരാസനാര്ധഭാഗിനീ
ഭൂതിമുത്തമാം തനോതു ഭുഭൃതഃ സുതാ തവ ॥ ൫൮॥
ക്ഷത്രമര്ദന്പ്രസൂരസൂരിലോകദുര്ഗമാ
ദുര്ഗമാടവീവിഹാരലാലസാ മദാലസാ ।
നിത്യശക്ത്തിപൌരുഷാ മമാങ്ഘ്രിമൂലവാസിനഃ ।
സത്യകീര്തിരാര്തിജാലഹാരിണീ ഹരത്വധമ് ॥ ൫൯॥
ശക്ത്തിധാരിണഃ സവിത്രി സര്വശക്ത്തിമത്യുമേ
ഭക്തിമജ്ജനോഗ്രപാപനിഗ്രഹേ ധൃതഗ്രഹേ ।
ദേവമൌലിരത്നകാന്തിധൌതപാദുകായ തേ
സര്വമങ്ഘ്രയേ മദിയമാത്മനാ സഹാര്പ്യതേ ॥ ൬൦॥
സപ്തമം ദശകമ് (മദാലസാവൃത്തമ്)
ജമ്ഭാരിമുഖ്യസുരസമ്ഭാവിതാ ബഹുലദമ്ഭാത്മനാമസുലഭാ
പുമ്ഭാവദൃപ്തസനിശുമ്ഭാദിബന്ധുഗണശുമ്ഭാസുരേന്ദ്രദമനീ
കുമ്ഭാപഹാസികുചകുമ്ഭാനഘോരുജിതരമ്ഭാഽനുരക്തഹൃദയാ
ശമ്ഭാവിഭേന്ദ്രമുഖഡിമ്ഭാ കരോതു തവ ശം ഭാമിനീമണിരുമാ ॥ ൬൧॥
താരാവലീതുലിതഹാരാലിശോഭികുചഭാരാഽലസാലസഗതിഃ
ധാരാധരാഭകചഭാരാ സുപര്വരിപുവീരാഭിമാനശമനീ ।
നീരാടകേതുശരധാരാഭദൃഷ്ടിരതിധീരാ ധരാധരസുതാ
വാരാണസീവസതി വാരാശിതൂണരതിരാരാധ്യതാമയി സഖേ ॥ ൬൨॥
ഖ്യാതാ മുനീന്ദ്രജനഗീതാ മയൂരഹയപോതാഽതിചിത്രചരിതാ
ശീതാചലാചിപതിജാതാ പ്രഭാതയമതാതാവിശേഷചരണാ ।
പൂതാ പിനാകധരപീതാധരാ ത്രിദിവപാതാലഭൂതലജുഷാം
സാ താപജാതമവിഗീതാഽഖിലം ഹരതു മാതാ കടാക്ഷകലയാ ॥ ൬൩॥
ഖന്ഡാമൃതദ്യുതിശിഖണ്ഡാ മഹോഗ്രതരഭണ്ഡാദിദൈത്യദമനീ
ചണ്ഡാഽനലാഢ്യകുലകുണ്ഡാലയാ വിഹിതദണ്ഡാ ഖലായ ഭുവനേ ।
ശുണ്ഡാലഭൂമിപതിതുണ്ഡധിഭൂതതരുഷണ്ഡാ ചലാണ്ഡഘടമൃത്-
പിണ്ഡായിതാ സകലപിണ്ഡാന്തരസ്ഥമണിഭാണ്ഡായിതാഽസ്തു ശരണമ് ॥ ൬൪॥
രാകാസുധാകരസമാകാരഹാസധുതഭീകാ ഭവാബ്ധിതരണേ
നൌകാ കടാക്ഷധുതശോകാ മഹാമഹിമപാകാരിണാഽപി വിനുതാ ।
ഏകാമ്ബികാ സകലലോകാവലേരചലതോകായിതാഖിലഘന-
ശ്രീകാനതസ്യ മമ സാ കാലികാ കമലനീകാശദൃക് ദിശതു ശമ് ॥ ൬൫॥
നീലാലകാ മധുരശീലാ വിധൂതരിപുജാലാ വിലസവസതിഃ
ലോലാ ദൃശോഃ കനകമാലാവതീ വിബുധലീലാവതീപരിവൃത ।
കിലാലജാപ്തമുഖഹേലാ ജിതാമൃതകരേമാതലേ നിവസതാം
ശാലാരുചാമജിനചേലാഽബലാ കപടകോലാനുജാ ദിശതു ശമ് ॥ ൬൬॥
അവ്യാദുദാരതരപവ്യായുധപ്രഭൃതിഹവ്യാശിര്കീര്തിതഗുണാ
ഗവ്യാജ്യസമ്മിലിതകവ്യാശിലോകനുതഭവ്യാഽതിപാവനകഥാ ।
ശ്രവ്യാ സദാ വിവിധനവ്യാവതാരവരകവ്യാരഭട്യഭിരതാ
ദിവ്യാകൃതിസ്തരുണവ്യാഭപാദഖിലമവ്യാത്മജാ തവ കുലമ് ॥ ൬൭॥
ദോഷാകരാര്ഭകവിഭൂഷാ കടാക്ഷധുതദോഷാ നിരന്തരമന -
സ്തോഷാ പരാ കലുഷികാഷായധാരിയതിവേഷാഽനവാപ്യചരണാ ।
ഭാഷാവധൂദയിതശേഷാഹിശായിവിനുതൈഷാ വിഷാദശമനീ
പോഷായ പാപതതിശോഷായ ചാസ്തു കുലയോഷാ ഭവസ്യ ഭവതാമ് ॥ ൬൮॥
വന്ദാരുസാധുജനമന്ദാരവല്ലിരവിന്ദാഭദീര്ഘനയനാ
കുന്ദാലികല്പരദബൃന്ദാ പദാബ്ജനതബൃന്ദാരകേന്ദുവദനാ ।
മന്ദാ ഗതാവലമമന്ദാ മതൌ ജിതമുകുന്ദാസുരപ്രശമനീ
നന്ദാത്മജാ ദിശതു ശം ദാരുണാധതതിഭിന്ദാനനാമനിവഹാ ॥ ൬൯॥
ശ്യാമാ കദമ്ബവനധാമാ ഭവാര്തിഹരനാമാ നമജ്ജനഹിതാ
ഭീമാ രണേഷു സുരഭാമാവതംസസുമദാമാനുവാസിതപദാ ।
കാമാഹിതസ്യ കൃതകാമാ കിലാലമഭിരാമാ രമാലയമുഖീ
ക്ഷേമായ തേ ഭവതു വാമാ കദമ്ബകലലാമായിതാ ഭഗവതീ ॥ ൭൦॥
അഷ്ടമം ദശകമ് (ദ്രുതവിലമ്ബിതവൃത്തമ്)
ജലരുഹം ദഹരം സമുപാശ്രിതാ ജലചരധ്വജസൂദനസുന്ദരീ ।
ഹരതു ബോധദൃഗാവരണം തമോ ഹൃദയഗം ഹസിതേന സിതേന മേ ॥ ൭൧॥
നമദമര്ത്യകിരീടകൃതൈഃ കിണൈഃ കമഠപൃഷ്ഠനിഭേ പ്രപദേഽങ്കിതാ ।
അജിനചേലവധൂര്വിദധാതു വോ വൃജിനജാലമജാലമവിക്രമമ് ॥ ൭൨॥
ലലിതയാ നതപാലനലോലയാ പ്രമഥനാഥമനോഹരലീലയാ ।
കിരിമുഖീമുഖശക്ത്യുപജീവ്യയാ വിദിതയാദിതയാ ഗതിമാനഹമ് ॥ ൭൩॥
അമൃതദീധിതിപോവതംസയാ കൃതപദാനതപാപനിരാസയാ ।
ഗതിമദര്ധനരകൃതിചിത്രയാ ഭുവനമേവ ന മേ കുലമാര്യയാ ॥ ൭൪॥
അഗണയം ന ച ഗോഷ്പദവദ്യദി ത്രിഭുവനം കുതലേ ന തരാമി കിമ് ।
ശരണവാനഹമുത്തമഭാവയാ ഗിരിജയാരിജയാവിതദേവയാ ॥ ൭൫॥
സകരുണാ കുശലം തവ രേണുകാതനുരുമാ തനുതാദുദിതോ യതഃ ।
യുധി മുനിര്വിദധൌ പരശും ദധജ്ജനപതീനപതീവ്ര ഭുജാമദാന് ॥ ൭൬॥
ദശരഥാത്മജപൂജിതമീശ്വരം വിദധതീ രതിനാഥവശം ഗതമ് ।
ദിശതു വഃ കുശലം നഗവര്ധിനീ ഹരിഹയാരിഹയാന മൃഗേശ്വരാ ॥ ൭൭॥
ജനനി ശുമ്ഭനിശുമ്ഭമഹാസുരോന്മഥന വിശ്രുതവിക്രമയാ ത്വയാ ।
ജഗദരക്ഷ്യത ഗോപകുലേശിതുഃ തനുജയാനുജയാര്ജുനസാരഥേഃ ॥ ൭൮॥
ചരണയോര്ധൃതയാ വിജയാമഹേ ജഗതി മാരരിപുപ്രിയഭാമയാ ।
ശശികലാമലമന്ദരഹാസയാ നഗജയാ ഗജയാനവിലാസയാ ॥ ൭൯॥
ഇമമഗാധിപനന്ദിനി കല്കിനം രുഷമപോഹ്യ ഹരസ്യ വിലോകിതൈഃ ।
കലുഷനാശനഭീമദൃശോല്ലസന്മദനകൈരവകൈരവലോചനേ ॥ ൮൦॥
നവമം ദശകമ് (ആര്യാവൃയ്ത്തമ്)
സ ജയതി പുണ്യകുലേഷു ഭ്രാമ്യന് ഗണനാഥമാതുരാലോകഃ ।
യമനുചരതോ ജനാര്ദനകുലതരുണീ ദേവതാ ച ഗിരാമ് ॥ ൮൧॥
കസ്യ പ്രബലപ്രതിഭടഭുജകണ്ഡൂവാരണം മഹദ്വീര്യമ് ।
കസ്യ ഗിരാമിഹ സര്ഗോ യുഗസ്യ പരിവര്തനേഽപി പടുഃ ॥ ൮൨॥
കസ്യ പുനരന്തരാത്മനി സങ്ഗസഹസ്രൈരചാലിതാ നിഷ്ഠാ ।
ധൂര്ജടിദിയതേ യുഷ്മദ്ദൃഗന്തഭൃതമന്തരാ ധന്യമ് ॥ ൮൩॥
യസ്യ നിദാനമവിദ്യാ മമകാരഃ പൂര്വരൂപമങ്കുരിതഃ ॥
രൂപം താപത്രിതയം സത്സങ്ഗഃ കിഞ്ചിദുപശാന്തയൈ ॥ ൮൪॥
അന്തഃകരണം സ്ഥാനം പ്രകോപനോ വിഷയപഞ്ചകാഭ്യാസഃ ।
മുക്തിഃ സുഷുപ്തിസമയേ പുനരഗമനായ ഘോരായ ॥ ൮൫॥
ലോഭാഭിലാഷരോഷാഃ കഫമാരുതമായവസ്ത്രയോ ദോഷാഃ ।
അരുചിഃ പഥ്യേ ഭൂയസ്യനുബന്ധോപദ്രവോ ഘോരഃ ॥ ൮൬॥
തസ്യ പ്രയച്ഛ ശമനം സംസാരാഖ്യജ്വരസ്യ ഭൂരികൃപേ ।
മൃത്യുഞ്ജയസ്യ ഭാമിനി ഭേഷജമാലോകിതം നാമ ॥ ൮൭॥
ഭവദീയസ്യ ഭവാനി പ്രസിദ്ധചരിതേ കടാക്ഷമേഘസ്യ ।
പ്രാവൃട്പരിതാപഹൃതോ ഭവ്യാമൃതവര്ഷിണഃ കരുണാ ॥ ൮൮॥
രാജോഗ്രദൃഷ്ടിരുഗ്രോ യുവരാജഃ സന്തതം മദോപേതഃ ।
തവ രാജ്ഞി ന കരുണാ ചേദ്ഭുവനസ്യ കഥം ശുഭം ഭവതു ॥ ൮൯॥
രാജ്ഞി തവ ദൃഷ്ടിരവനേ വിനതാനാമപി സദൈവ ഖേലന്ത്യാഃ ।
തപതോഽപി നിത്യമീശോ ലോലോ ലിലാസു തേ ഭവതി ॥ ൯൦॥
ദശമം ദശകമ് (ശശിവദനാവൃത്തമ്)
പദകമലാപ്ത ത്രികലുഷഹര്ത്രീ ।
ജയതി ശിവേതി ത്രിഭുവനഭര്ത്രീ ॥ ൯൧॥
അധിതനുദൃഷ്ടിസ്തടിദധിഭൂതമ് ।
പ്രമഥപതേഃ സാ സുദൃഗധിദൈവമ് ॥ ൯൨॥
സ്വനയനവൃതൌ സ്ഥിരചരണാനാമ് ।
ദ്വിദലസരോജേ ഭഗവതി ഭാസി ॥ ൯൩॥
ദഹരസരോജേ നിഹിതപദാനാമ് ।
ദ്വിദലസരോജാദവതരസി ത്വമ് ॥ ൯൪॥
അയി കുലകുണ്ഡേ ധൃതചരണാനാമ് ।
ദശശതപത്രം വ്രജസി തപന്തീ ॥ ൯൫॥
ദഹരസരോജേ ദൃശമപിഹിത്വാ ।
വിഷയപരാണാം സ്ഖലസി ബഹിസ്ത്വമ് ॥ ൯൬॥
സ്ഖലസി യതസ്ത്വം സ ഭവതി ഹീനഃ ।
വിലസസി യസ്മിന് സ ഖലു മഹാത്മാ ॥ ൯൭॥
ദൃശി ദൃശി ചിത്ത്വം ഹൃദി ഹൃദി സത്താ ।
പ്രതിനരശീര്ഷം പ്രമദകലാഽസി ॥ ൯൮॥
തവ ലഹരീഷു ത്രിപുരവിരോധീ ।
കിമിവ ന ചിത്രം ജനനി കരോതി ॥ ൯൯॥
ഹരശിരസോ ഗൌര്യവസി ജഗത്ത്വമ് ।
ഗണപതിശീര്ഷാദവ മുനിഭൂമിമ് ॥ ൧൦൦॥
॥ ഇതി ശ്രീഭഗവന്മഹര്ഷിരമണാന്തേവാസിനോ വാസിഷ്ഠസ്യ
നരസിംഹസൂനോഃ ഗണപതേഃ കൃതിഃ ഉമാശതകം സമാപ്തമ് ॥
Encoded and proofread byDPD
Please send corrections to sanskrit@cheerful.com
Last updated ത്oday
http://sanskritdocuments.org
Uma Shatakam Lyrics in Malayalam PDF
% File name : umAshatakam1.itx
% Location : doc\_devii
% Author : Ganapati Muni with Ramana Maharshi
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Description-comments : From Complete Works of Ganapati Muni Vol 1
% Latest update : November 24, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : umAshatakam1.itx
% Location : doc\_devii
% Author : Ganapati Muni with Ramana Maharshi
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Description-comments : From Complete Works of Ganapati Muni Vol 1
% Latest update : November 24, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website