ఉమాశతకమ్
{॥ ఉమాశతకమ్ ॥}
ప్రథమం దశకమ్ (ఆర్యావృత్తమ్)
ఫుల్లత్వం రవిదీధితినిరపేక్షముమాముఖ్యాబ్జస్య ।
పూర్ణం కరోతు మానసమభిలాషం పుణ్యభూమిజుషామ్ ॥ ౧॥
కైలాసవాసినీ వా ధవలద్యుతిబిమ్బనిలయా వా ।
ఆకాశాన్తరపీఠస్థితోత మే దేవతా భవతి ॥ ౨॥
ఆకాశాన్తరపీఠస్థితైవ సాక్షాత్పరాశక్తిః ।
తస్యా అంశవ్యక్తీ శశిని సితాద్రౌ చ రాజన్త్యౌ ॥ ౩॥
సఙ్కల్పవాతసఙ్గాదానన్దరసో ఘనీభూతః ।
అన్తర్వ్యాపకశక్తేః సమపద్యత తే వపుర్మాతః ॥ ౪॥
ఇచ్ఛావిచిత్రవీర్యాత్తేజఃపటలో ఘనీభూతః ।
అన్తర్వ్యాపకశక్తేః సమపద్యత తే విభోర్గాత్రమ్ ॥ ౫॥
ఇచ్ఛాయోగాత్తేజసి తవ భాగః కశ్చిదస్తీశే ।
విజ్ఞానయోగతో ముది భాగ్యస్త్వయి కశ్చిదీశస్య ॥ ౬॥
సమ్రాజౌ శశభృతి యౌ గృహవన్తౌ యౌ చ సితగిరిణా ।
తదిదం యువయోర్మాయా వేషాన్తరమిథునయుగలముమే ॥ ౭॥
యద్యపి విభూతిరధికం యువయోర్విశ్వామ్బికే భవతి ।
మిథునే తథాప్యమూ వాం నేదిష్ఠే దేవి పశ్యామః ॥ ౮॥
దమ్పత్యోర్భగవతి వాం ప్రతిబిమ్బౌ భాస్కరే భవతః ।
దేహభువౌ భూచక్రస్వప్నప్రవ్యక్త్తీ సుధామహసి ॥ ౯॥
దేహే భువః ప్రతిబిమ్బః ప్రాణన్మూలస్య నేదీయాన్ ।
ప్రతిబిమ్బవ్యక్త్తేశ్చ స్వప్నవ్యక్త్తిశ్చ నేదిష్ఠా ॥ ౧౦॥
ద్వితీయం దశకమ్ (వసన్తతిలకావృత్తమ్)
కాశ్మీరమున్నతపయోధరకుమ్భసీమ్ని
స్రిగ్ధం ప్రదిగ్ధముమయా శరణం మమాస్తు ।
భేత్తా పురాముపరి భస్మన ఏవ ధత్తే
రాగస్య చిహ్నమివ యత్పరిరమ్భలగ్నమ్ ॥ ౧౧॥
అస్మాకమమ్బుదఘనస్తనితోపమేషు
హేరమ్బబృంహితవిభూతిషు భాషితేషు ।
సిద్ధోద్యమానమతిలఙ్ధ్య నిజాపదానం
బద్ధశ్రుతిర్భవతు భర్గగృహస్య నేత్రీ ॥ ౧౨॥
సన్దేహ ఏష మమ చన్ద్రకలాధరస్య
శుద్ధాన్తసున్దరి మనాంసి సతాం తవాఙ్ధ్రిః ।
శుద్ధాని కిం విశతి కిన్ను భజన్తి శుద్ధిమ్
అఙ్ధ్రే ప్రవేశమను తాని విధూయ పఙ్కమ్ ॥ ౧౩॥
త్రైలోక్యపాలనవిధాయి వికస్వరాబ్జ-
శోభావిడమ్బి మణిపీఠతటీవిలమ్బి ।
క్షేమప్రదాయి హృదయే చరణం న్యధాయి
కింవా న తే నగసుతే యది యం విపన్నః ॥ ౧౪॥
విఘ్నాని యన్ముహురిదం హృదయం చలం యత్
సౌఖ్యం న కిఞ్చిదపి యద్యదుపర్యసౌఖ్యమ్ ।
త్వామాశ్రితస్య చ మమాఖిలలోకరాజ్ఞీ
మత్తః పరో జగతి కో మనుజేషు కల్కీ ॥ ౧౫॥
మా భూన్నిదేశవచనం నయనాఞ్చలస్య
మాభూత్ప్రసారణమయి త్యజ నిర్దయత్వమ్ ।
అఙ్గీకురు స్తుతగుణే చరణామ్బుజం తే
ధ్యాతుం తదేవ బహు మే భువనస్య మాతః ॥ ౧౬॥
కామం దదాతు న దాదతు మనో ధినోతు
నో వా ధినోతు నయతాద్దివమన్యతో వా ।
ఆత్మర్పితోఽయగజాపదపఙ్కజాయ
కిం కాఙ్క్షతే ప్రతిఫలం విపులోఽనురాగః ॥ ౧౭॥
పాదం దదాసి మనసే కిను పాపినో మే
పారిప్లవాయ భువనాధికవాసనాయ ।
దూరే స తావదచలేన్ద్రకుమారికా మే
దేవి ప్రణామమురరీకురు తావతాఽలమ్ ॥ ౧౮॥
ఆరాధనం తవ భవాని యథావిధానం
కర్తుం కులాచలకుమారి న పరయామి ।
పాదార్విన్దయుగమేవ తవానతోఽహం
పాపాకులః శరణమీశ్వరి కాఙ్క్షమాణః ॥ ౧౯॥
బద్ధవ్రతా ప్రణతపాపనివారణే త్వం
బద్ధాఞ్జలిశ్చ బహుపాపసమాకులోఽహమ్ ।
కర్తవ్యమద్రితనయే నిపుణం విమృశ్య
నిర్ధారయాత్ర న యథా యశసో విలోపః ॥ ౨౦॥
తృతీయం దశకమ్ (పృథ్వీవృత్తమ్)
వ్రతం తవ విదన్హృది ప్రణతపాపనాశే కృతం
ఫలప్రవణపాతకప్రమథితోఽపి నాస్మ్యాకులః ।
భవామి శిరసా నతస్తవ భవాని పాదామ్బుజం
వ్రతస్య పరిపాలనే యది మతిర్గతిర్మే భవ ॥ ౨౧॥
తపశ్చరితుముత్తమం ప్రయతితం మయానేకదా
పరన్తు బహులైరధైః పరిణతైర్వృతోఽధ్వా మమ ।
అయం మమ దృఢోఽఞ్జలిస్తనువియోగకాలావధి -
ర్యది త్వమచలవ్రతాస్యచలకన్యకే మామవ ॥ ౨౨॥
అజేయబహుపాపభృద్భువి జనిష్యమాణః ఖలః
కమీశదయితే పురా న విదితస్తవాయం జనః ।
వ్రతం కృతమిదం త్వయా పరమసాహసోపేతయా
క్వా వా జనని యోషితాం జగతి దీర్ఘమాలోచనమ్ ॥ ౨౩॥
ఇహాపురధమర్షణాన్యయశ ఏవ భూత్వా ముధా
వ్యలోకి నియమైస్తథా న బహులైశ్చా కశ్చిజ్జయః ।
స్థిరం న మదధక్షయే మదధతేజసా భూయసా
వ్రతం చ తవ కుణ్ఠితం యది మమైవ కీర్తిః పరా ॥ ౨౪॥
క్షయే యది మదేనసామసుకరే న ధీరం మనో
న తే నగపతేః సుతే కిమపి చిన్త్యమేతత్కృతే ।
వ్రతం విసృజ తన్ముధా నను వధూస్వభావాత్కృతం
స్థిరీభవతు దుర్విధిర్భువి తవ ప్రసదాద్బలీ ॥ ౨౫॥
కృతం పరమయత్నశ్చిరమనుజ్ఝితం శ్రద్ధయా
భృతం బహువిధోద్యమైరవిజితం మహాపాతకైః ।
గతం ధనతరం యశో జయతి పాపజాతం మమ్
వ్రతం చ తవ తాదృశం జనని కస్య వా స్యాజ్జయః ॥ ౨౬॥
మదీయదురితావలిప్రలయకాలకాదమ్బినీ
మదోన్నతవిజృమ్భణం వృజనభఙ్గబద్ధవ్రతే ।
భవప్రియతమే నిజప్రబలహుఙ్కృతిప్రోద్ధత -
ప్రభఞ్జనమహౌజసా శమయ పాలయాత్మవ్రతమ్ ॥ ౨౭॥
అధక్షయవిధౌ తు తే పరిణతా పరీపక్వతా
విభేదకథనం కథం పౄథులవైభవే యుజ్యతే ।
ఇదం తవ విగర్హణం పరిణతైనసం వా స్తుతి -
ర్మనో యది మృడాని తే జగతి సాధ్యమేవాఖిలమ్ ॥ ౨౮॥
సహస్రనయనాదిభిః సురవరైః సమారాధితా
సహస్త్రకిరణప్రభా సితమరీచిశీతా మమ ।
సహస్రదలపఙ్కజే కృతనికేతనా దేహినాం
సహస్రదలలోచనా దురితసన్తతిం కృన్తతు ॥ ౨౯॥
సరోజభవసంస్తుతా సకలలోకరాజ్యేశ్వరీ
కరోపమితపల్లవా కరుణయాన్తరుల్లోలితా ।
ఉరోరుహభరాలసా మయపురారిసమ్మోహినీ
కరోతు మదఘక్షయం కుముదలోచనా కాచన ॥ ౩౦॥
చతుర్థం దశకమ్ (శార్దూలవిక్రీడితవృత్తమ్)
కాలామ్భోధరచారుసాన్ద్రకబరి పూర్ణేన్దుబిమ్బాననా
తాటఙ్కద్యుతిధౌతగన్డఫలకా తామ్బూలరక్తాధరా ।
ప్రాలేయద్యుతిబాలకేన రచితోత్తంసా హరాఙ్కాసనా
శాన్తా నూతనపల్లవాభచరణా భూత్యై శివా చిన్త్యతే ॥ ౩౧॥
శ్రీపాదం తవశైలరాజదుహితః భాస్వత్కరాస్ఫాలన -
ప్రోద్భుద్ధామ్బుజసున్దరం శ్రుతివధూచూడాతటీలాలితమ్ ।
వన్దన్తాం త్రిదివౌకసో వశమితః సంవాహయత్వీశ్వరో
యోగీ ధ్యాయతు వన్దివద్భగవతి ప్రస్తౌతి సోఽయం జనః ॥ ౩౨॥
యస్యాశ్చామరధారిణీ సరసిజప్రాసాదసఞ్చారిణీ
వాగ్దేవీ హృదయేశ్వరప్రభృతయో నాకౌకసః కిఙ్కరాః ।
దేవః కైరవబన్ధుకోరకధరో లీలాసహాయః సఖా
తస్యాః పాదసరోజవన్దిపదవీం పాప్తోఽస్మ్యహం భాగ్యతః ॥ ౩౩॥
పాదస్య క్రియతే క్షణాన్తకతిచన ధ్యానం జగద్ధాత్రి తే
యత్తస్యేభఘటాకులాఙ్గనమహీశ్రీర్నానురుపం ఫలమ్ ।
నోద్గారో మధుమాధురిమదముషాం స్వాభావికో వా గిరాం
సాధీయస్తు ఫలం యదీశ్వరి పునర్ధ్యాతుం మతిర్జాయతే ॥ ౩౪॥
దేవి త్వచ్చరణారవిన్దయుగలధ్యానస్య కేచిత్ఫలం
మన్యన్తే రథవాజిసామజవధూసౌధాదిరూపాం శ్రియమ్ ।
పీయూషద్రవసారవైభవముషాం వాచాం పరే పాటవం
ప్రాజ్ఞాః సాధనమాదితః పరిణతౌ పాహుః ఫలం తత్స్వయమ్ ॥ ౩౫॥
లోభః కుత్రచిదస్తి కుత్రచిదసౌ రోషః పరం భీషణః
కుత్రాప్యేష మనోభవోఽతిమలినే స్వాన్తే నిశాన్తే మమ ।
ఏతస్యాప్యహహాద్రిరాజతనుజే కోణే త్వదీయం పదం
ఖేటీమస్తకలాలితం శుచితమం వాఞ్ఛామి కర్తుం ఖలః ॥ ౩౬॥
కన్దర్పేణ నివారితం ప్రహసతా లోభేన నిర్భర్త్సితం
మాత్సర్యేణ తిరస్కృతం మదమహానాగేన చాఽభిద్రుతమ్ ।
దుర్భ్రాన్త్యా గలహస్తి తం బత పునః క్రోధేన ధూతం బలా -
దప్యేతత్పదమమ్బ తే విశతి మే చేతోఽస్య వర్ణ్యా కృపా ॥ ౩౭॥
ఉద్దీప్యన్నఖరాంశుజాలజటిలస్త్వత్పాదకణ్ఠీరవో
యావన్మీలితలోచనః శశికలాచూడామణేర్వల్లభే ।
తావల్లోభకటిప్రఖేలతి ముదం పుష్ణాతి కామద్విపో
రోషద్వీపిపతిశ్చ గర్జతితరాం మన్మానసే కాననే ॥ ౩౮॥
చాఞ్చల్యం హృదయస్య నశ్యన్తి కథం యుష్మత్ప్రసాదం వినా
త్వం వా దేవి కథం ప్రసీదసి యది స్థైర్యాదపేతం మనః ।
అన్యోన్యాశ్రయదోష ఏష సుమహానన్యం విధిం స్థాపయ -
త్యస్మాకం వరదే తవోత కరుణాం నిర్హేతుకాం జన్తుషు ॥ ౩౯॥
భక్తిర్మే త్వయి భర్గపత్ని మహతీ ధ్యాతుం చ వాఞ్ఛామి తే
పాదామ్భోజయుగం తథాపి చలతాం చేతో న మే ముఞ్చతి ।
కామాః సన్తి సహస్త్రశో నగసుతే పశ్చాద్బ్రవీమ్యగ్రతః
చిత్తస్య స్థిరతాం ప్రదేహి కరుణా యద్యస్తి తే వస్తుతః ॥ ౪౦॥
పఞ్చమం దశకమ్ (సుబోధితావృత్తమ్)
ఉడురాజకలాకలాపకాన్తే సదయే సున్దరి కోమలాఙ్గి మాతః ।
శ్రుతిపద్మదృశావతంసితం తే పదపద్మం ప్రతిభాతు మానసే మే ॥ ౪౧॥
అరుణాచలనాథసద్మనాథే చరితం తే చరణస్య ధాత్రి చిత్రమ్ ।
క్రియతేఽబ్జసనాభినామునా యద్గతపఙ్కే మునిమానసే నివాసః ॥ ౪౨॥
చరితం చరణామ్బుజన్మనస్తే పరమం విస్మయమాతనోతి మాతః ।
అతిరాగవదప్యదో విధతే సహవాసేన యదన్తరం విరాగమ్ ॥ ౪౩॥
భవభామిని కర్మశర్మదాతుః భవదీయస్య పదస్య విస్మయాయ ।
అపి ధూలివిధూసరం విధత్తే యదిదం వీతరజో మనో మునీనామ్ ॥ ౪౪॥
చరణం జగదమ్బ కైటభారిర్యతమానోఽపి దదర్శ నైవ యస్య ।
స హరస్తవ దృశ్యతే విలగ్నశ్చరణే చణ్డి చరాచరాధినాథః ॥ ౪౫॥
కమలాసనకఞ్జలోచనాదీనవమత్య త్రిదశాన్నగేశకన్యే ।
అగుణే రమసే నగేఽత్ర శోణే క్వ గుణాన్ పశ్యతి జాతిపక్షపాతః ॥ ౪౬॥
కుసుమాదపి కోమలం వపుస్తే హృదయేశస్త్వరుణో గిరిః కఠోరః ।
ప్రచలాఖుతురఙ్గమస్య మాతః సమనుధ్యాయ బిభేమి చేతసేదమ్ ॥ ౪౭॥
యదసౌ విహితః సితోఽరుణాద్రిస్తవ హాసేన సితేన నాత్ర చిత్రమ్ ।
ఇదమద్భుతమస్య మానసం యద్విమలం పార్వతి నీయతేఽతిరాగమ్ ॥ ౪౮॥
నవకుఙ్కుమరేణుపఙ్కిలస్య స్మరణాత్తే సతతం స్తనాచలస్య ।
స్వయమప్యచలో బభూవ శోణః శశిధారీ జగతం సవిత్రి శఙ్కే ॥ ౪౯॥
స్మరణాదరుణాచలస్య ముక్త్తిః కథమశ్లీలకపాలభూషణస్య ।
వపుషోఽధర్మముష్య చేన్నచేతస్తిమిరధ్వంసిని సర్వమఙ్గలే త్వమ్ ॥ ౫౦॥
షష్ఠం దశకమ్ (తూణకవృత్తమ్)
గౌరి చణ్డి కాలికే గణాధినాయకామ్బికే
స్కన్దమాతరిన్దుఖణ్డశేఖరే పరాత్పరే ।
వ్రజనాయికే ప్రపఞ్చరాజ్ఞి హైమవత్యుమే
భర్గపత్ని పాలయేతి గీయతాం సదా సఖే ॥ ౫౧॥
వాసుదేవముఖ్యనిత్యదేవమౌలివిస్ఫుర-
ద్రత్రజాలరశ్మిజాతరఞ్జితాఙ్ధ్రిపఙ్కజే ।
శీతభానుబాలచూడచిత్తబాలడోలికే
శైలపాలబాలికే సదా వదామి నామ తే ॥ ౫౨॥
కల్పవల్లి గాయతాం నితమ్బినీమతల్లికే
నామ తే విపశ్చితో నిరన్తరం గృణన్తి యే ।
దైత్యజైత్రి లోకధాత్రి రాత్రిరాణ్ణిభాననే
శైలవంశవైజయన్తి జన్తవో జయన్తి తే ॥ ౫౩॥
ఆననే త్వదీయనామ పావనాచ్చ పావనం
యస్య పుణ్యపూరుషస్య పూరుషార్ధవిగ్రహే ।
సానుమన్మహేన్ద్రపుత్రి సమ్మదాయ భూయసే
బన్ధనాలయోఽపి తస్య నన్దనం వనం యథా ॥ ౫౪॥
నామకీర్తనేషు యా షడాననస్య షడ్విధాత్
శబ్దతోఽపి భాషితాత్పృథక్పదాభిశోభితాత్ ।
ఉన్నతైకనాదతో గజాననస్య బౄంహితాత్
తృప్తిమేతి పుత్రయోః సమాపి సా జయత్యుమా ॥ ౫౫॥
ముగ్ధమిత్రమానసే మహాన్ధకారబన్ధురే
నిద్రితముమాం నిజే బహిర్గవేషయస్యహో ।
తత్ప్రవిశ్య పశ్య వేదదీపకేన తాం తతః
తారశబ్దబోధితాం విధాయ సాధయామృతమ్ ॥ ౫౬॥
ఆదిమో విభోః సుతో యదీయమూలమాశ్రితః
కుఞ్జరాననో బిభర్తి సాలతాతనౌ తతా ।
అగ్రతో దధాతి కిఞ్చిదమ్బుజం మరన్దవ -
త్తత్ర శక్త్తిరుత్తమా ప్రబోధయన్తి తాం విదః ॥ ౫౭॥
ద్వాదశాన్తశాయినీ హృదమ్బుజాన్తరస్థితా
మణ్డలద్వయాలయా సితాద్రిశృగచారిణీ ।
సర్వభూతజాలభర్తురాసనార్ధభాగినీ
భూతిముత్తమాం తనోతు భుభృతః సుతా తవ ॥ ౫౮॥
క్షత్రమర్దన్ప్రసూరసూరిలోకదుర్గమా
దుర్గమాటవీవిహారలాలసా మదాలసా ।
నిత్యశక్త్తిపౌరుషా మమాఙ్ఘ్రిమూలవాసినః ।
సత్యకీర్తిరార్తిజాలహారిణీ హరత్వధమ్ ॥ ౫౯॥
శక్త్తిధారిణః సవిత్రి సర్వశక్త్తిమత్యుమే
భక్తిమజ్జనోగ్రపాపనిగ్రహే ధృతగ్రహే ।
దేవమౌలిరత్నకాన్తిధౌతపాదుకాయ తే
సర్వమఙ్ఘ్రయే మదియమాత్మనా సహార్ప్యతే ॥ ౬౦॥
సప్తమం దశకమ్ (మదాలసావృత్తమ్)
జమ్భారిముఖ్యసురసమ్భావితా బహులదమ్భాత్మనామసులభా
పుమ్భావదృప్తసనిశుమ్భాదిబన్ధుగణశుమ్భాసురేన్ద్రదమనీ
కుమ్భాపహాసికుచకుమ్భానఘోరుజితరమ్భాఽనురక్తహృదయా
శమ్భావిభేన్ద్రముఖడిమ్భా కరోతు తవ శం భామినీమణిరుమా ॥ ౬౧॥
తారావలీతులితహారాలిశోభికుచభారాఽలసాలసగతిః
ధారాధరాభకచభారా సుపర్వరిపువీరాభిమానశమనీ ।
నీరాటకేతుశరధారాభదృష్టిరతిధీరా ధరాధరసుతా
వారాణసీవసతి వారాశితూణరతిరారాధ్యతామయి సఖే ॥ ౬౨॥
ఖ్యాతా మునీన్ద్రజనగీతా మయూరహయపోతాఽతిచిత్రచరితా
శీతాచలాచిపతిజాతా ప్రభాతయమతాతావిశేషచరణా ।
పూతా పినాకధరపీతాధరా త్రిదివపాతాలభూతలజుషాం
సా తాపజాతమవిగీతాఽఖిలం హరతు మాతా కటాక్షకలయా ॥ ౬౩॥
ఖన్డామృతద్యుతిశిఖణ్డా మహోగ్రతరభణ్డాదిదైత్యదమనీ
చణ్డాఽనలాఢ్యకులకుణ్డాలయా విహితదణ్డా ఖలాయ భువనే ।
శుణ్డాలభూమిపతితుణ్డధిభూతతరుషణ్డా చలాణ్డఘటమృత్-
పిణ్డాయితా సకలపిణ్డాన్తరస్థమణిభాణ్డాయితాఽస్తు శరణమ్ ॥ ౬౪॥
రాకాసుధాకరసమాకారహాసధుతభీకా భవాబ్ధితరణే
నౌకా కటాక్షధుతశోకా మహామహిమపాకారిణాఽపి వినుతా ।
ఏకామ్బికా సకలలోకావలేరచలతోకాయితాఖిలఘన-
శ్రీకానతస్య మమ సా కాలికా కమలనీకాశదృక్ దిశతు శమ్ ॥ ౬౫॥
నీలాలకా మధురశీలా విధూతరిపుజాలా విలసవసతిః
లోలా దృశోః కనకమాలావతీ విబుధలీలావతీపరివృత ।
కిలాలజాప్తముఖహేలా జితామృతకరేమాతలే నివసతాం
శాలారుచామజినచేలాఽబలా కపటకోలానుజా దిశతు శమ్ ॥ ౬౬॥
అవ్యాదుదారతరపవ్యాయుధప్రభృతిహవ్యాశిర్కీర్తితగుణా
గవ్యాజ్యసమ్మిలితకవ్యాశిలోకనుతభవ్యాఽతిపావనకథా ।
శ్రవ్యా సదా వివిధనవ్యావతారవరకవ్యారభట్యభిరతా
దివ్యాకృతిస్తరుణవ్యాభపాదఖిలమవ్యాత్మజా తవ కులమ్ ॥ ౬౭॥
దోషాకరార్భకవిభూషా కటాక్షధుతదోషా నిరన్తరమన -
స్తోషా పరా కలుషికాషాయధారియతివేషాఽనవాప్యచరణా ।
భాషావధూదయితశేషాహిశాయివినుతైషా విషాదశమనీ
పోషాయ పాపతతిశోషాయ చాస్తు కులయోషా భవస్య భవతామ్ ॥ ౬౮॥
వన్దారుసాధుజనమన్దారవల్లిరవిన్దాభదీర్ఘనయనా
కున్దాలికల్పరదబృన్దా పదాబ్జనతబృన్దారకేన్దువదనా ।
మన్దా గతావలమమన్దా మతౌ జితముకున్దాసురప్రశమనీ
నన్దాత్మజా దిశతు శం దారుణాధతతిభిన్దాననామనివహా ॥ ౬౯॥
శ్యామా కదమ్బవనధామా భవార్తిహరనామా నమజ్జనహితా
భీమా రణేషు సురభామావతంససుమదామానువాసితపదా ।
కామాహితస్య కృతకామా కిలాలమభిరామా రమాలయముఖీ
క్షేమాయ తే భవతు వామా కదమ్బకలలామాయితా భగవతీ ॥ ౭౦॥
అష్టమం దశకమ్ (ద్రుతవిలమ్బితవృత్తమ్)
జలరుహం దహరం సముపాశ్రితా జలచరధ్వజసూదనసున్దరీ ।
హరతు బోధదృగావరణం తమో హృదయగం హసితేన సితేన మే ॥ ౭౧॥
నమదమర్త్యకిరీటకృతైః కిణైః కమఠపృష్ఠనిభే ప్రపదేఽఙ్కితా ।
అజినచేలవధూర్విదధాతు వో వృజినజాలమజాలమవిక్రమమ్ ॥ ౭౨॥
లలితయా నతపాలనలోలయా ప్రమథనాథమనోహరలీలయా ।
కిరిముఖీముఖశక్త్యుపజీవ్యయా విదితయాదితయా గతిమానహమ్ ॥ ౭౩॥
అమృతదీధితిపోవతంసయా కృతపదానతపాపనిరాసయా ।
గతిమదర్ధనరకృతిచిత్రయా భువనమేవ న మే కులమార్యయా ॥ ౭౪॥
అగణయం న చ గోష్పదవద్యది త్రిభువనం కుతలే న తరామి కిమ్ ।
శరణవానహముత్తమభావయా గిరిజయారిజయావితదేవయా ॥ ౭౫॥
సకరుణా కుశలం తవ రేణుకాతనురుమా తనుతాదుదితో యతః ।
యుధి మునిర్విదధౌ పరశుం దధజ్జనపతీనపతీవ్ర భుజామదాన్ ॥ ౭౬॥
దశరథాత్మజపూజితమీశ్వరం విదధతీ రతినాథవశం గతమ్ ।
దిశతు వః కుశలం నగవర్ధినీ హరిహయారిహయాన మృగేశ్వరా ॥ ౭౭॥
జనని శుమ్భనిశుమ్భమహాసురోన్మథన విశ్రుతవిక్రమయా త్వయా ।
జగదరక్ష్యత గోపకులేశితుః తనుజయానుజయార్జునసారథేః ॥ ౭౮॥
చరణయోర్ధృతయా విజయామహే జగతి మారరిపుప్రియభామయా ।
శశికలామలమన్దరహాసయా నగజయా గజయానవిలాసయా ॥ ౭౯॥
ఇమమగాధిపనన్దిని కల్కినం రుషమపోహ్య హరస్య విలోకితైః ।
కలుషనాశనభీమదృశోల్లసన్మదనకైరవకైరవలోచనే ॥ ౮౦॥
నవమం దశకమ్ (ఆర్యావృయ్త్తమ్)
స జయతి పుణ్యకులేషు భ్రామ్యన్ గణనాథమాతురాలోకః ।
యమనుచరతో జనార్దనకులతరుణీ దేవతా చ గిరామ్ ॥ ౮౧॥
కస్య ప్రబలప్రతిభటభుజకణ్డూవారణం మహద్వీర్యమ్ ।
కస్య గిరామిహ సర్గో యుగస్య పరివర్తనేఽపి పటుః ॥ ౮౨॥
కస్య పునరన్తరాత్మని సఙ్గసహస్రైరచాలితా నిష్ఠా ।
ధూర్జటిదియతే యుష్మద్దృగన్తభృతమన్తరా ధన్యమ్ ॥ ౮౩॥
యస్య నిదానమవిద్యా మమకారః పూర్వరూపమఙ్కురితః ॥
రూపం తాపత్రితయం సత్సఙ్గః కిఞ్చిదుపశాన్తయై ॥ ౮౪॥
అన్తఃకరణం స్థానం ప్రకోపనో విషయపఞ్చకాభ్యాసః ।
ముక్తిః సుషుప్తిసమయే పునరగమనాయ ఘోరాయ ॥ ౮౫॥
లోభాభిలాషరోషాః కఫమారుతమాయవస్త్రయో దోషాః ।
అరుచిః పథ్యే భూయస్యనుబన్ధోపద్రవో ఘోరః ॥ ౮౬॥
తస్య ప్రయచ్ఛ శమనం సంసారాఖ్యజ్వరస్య భూరికృపే ।
మృత్యుఞ్జయస్య భామిని భేషజమాలోకితం నామ ॥ ౮౭॥
భవదీయస్య భవాని ప్రసిద్ధచరితే కటాక్షమేఘస్య ।
ప్రావృట్పరితాపహృతో భవ్యామృతవర్షిణః కరుణా ॥ ౮౮॥
రాజోగ్రదృష్టిరుగ్రో యువరాజః సన్తతం మదోపేతః ।
తవ రాజ్ఞి న కరుణా చేద్భువనస్య కథం శుభం భవతు ॥ ౮౯॥
రాజ్ఞి తవ దృష్టిరవనే వినతానామపి సదైవ ఖేలన్త్యాః ।
తపతోఽపి నిత్యమీశో లోలో లిలాసు తే భవతి ॥ ౯౦॥
దశమం దశకమ్ (శశివదనావృత్తమ్)
పదకమలాప్త త్రికలుషహర్త్రీ ।
జయతి శివేతి త్రిభువనభర్త్రీ ॥ ౯౧॥
అధితనుదృష్టిస్తటిదధిభూతమ్ ।
ప్రమథపతేః సా సుదృగధిదైవమ్ ॥ ౯౨॥
స్వనయనవృతౌ స్థిరచరణానామ్ ।
ద్విదలసరోజే భగవతి భాసి ॥ ౯౩॥
దహరసరోజే నిహితపదానామ్ ।
ద్విదలసరోజాదవతరసి త్వమ్ ॥ ౯౪॥
అయి కులకుణ్డే ధృతచరణానామ్ ।
దశశతపత్రం వ్రజసి తపన్తీ ॥ ౯౫॥
దహరసరోజే దృశమపిహిత్వా ।
విషయపరాణాం స్ఖలసి బహిస్త్వమ్ ॥ ౯౬॥
స్ఖలసి యతస్త్వం స భవతి హీనః ।
విలససి యస్మిన్ స ఖలు మహాత్మా ॥ ౯౭॥
దృశి దృశి చిత్త్వం హృది హృది సత్తా ।
ప్రతినరశీర్షం ప్రమదకలాఽసి ॥ ౯౮॥
తవ లహరీషు త్రిపురవిరోధీ ।
కిమివ న చిత్రం జనని కరోతి ॥ ౯౯॥
హరశిరసో గౌర్యవసి జగత్త్వమ్ ।
గణపతిశీర్షాదవ మునిభూమిమ్ ॥ ౧౦౦॥
॥ ఇతి శ్రీభగవన్మహర్షిరమణాన్తేవాసినో వాసిష్ఠస్య
నరసింహసూనోః గణపతేః కృతిః ఉమాశతకం సమాప్తమ్ ॥
Encoded and proofread byDPD
Please send corrections to sanskrit@cheerful.com
Last updated త్oday
http://sanskritdocuments.org
ప్రథమం దశకమ్ (ఆర్యావృత్తమ్)
ఫుల్లత్వం రవిదీధితినిరపేక్షముమాముఖ్యాబ్జస్య ।
పూర్ణం కరోతు మానసమభిలాషం పుణ్యభూమిజుషామ్ ॥ ౧॥
కైలాసవాసినీ వా ధవలద్యుతిబిమ్బనిలయా వా ।
ఆకాశాన్తరపీఠస్థితోత మే దేవతా భవతి ॥ ౨॥
ఆకాశాన్తరపీఠస్థితైవ సాక్షాత్పరాశక్తిః ।
తస్యా అంశవ్యక్తీ శశిని సితాద్రౌ చ రాజన్త్యౌ ॥ ౩॥
సఙ్కల్పవాతసఙ్గాదానన్దరసో ఘనీభూతః ।
అన్తర్వ్యాపకశక్తేః సమపద్యత తే వపుర్మాతః ॥ ౪॥
ఇచ్ఛావిచిత్రవీర్యాత్తేజఃపటలో ఘనీభూతః ।
అన్తర్వ్యాపకశక్తేః సమపద్యత తే విభోర్గాత్రమ్ ॥ ౫॥
ఇచ్ఛాయోగాత్తేజసి తవ భాగః కశ్చిదస్తీశే ।
విజ్ఞానయోగతో ముది భాగ్యస్త్వయి కశ్చిదీశస్య ॥ ౬॥
సమ్రాజౌ శశభృతి యౌ గృహవన్తౌ యౌ చ సితగిరిణా ।
తదిదం యువయోర్మాయా వేషాన్తరమిథునయుగలముమే ॥ ౭॥
యద్యపి విభూతిరధికం యువయోర్విశ్వామ్బికే భవతి ।
మిథునే తథాప్యమూ వాం నేదిష్ఠే దేవి పశ్యామః ॥ ౮॥
దమ్పత్యోర్భగవతి వాం ప్రతిబిమ్బౌ భాస్కరే భవతః ।
దేహభువౌ భూచక్రస్వప్నప్రవ్యక్త్తీ సుధామహసి ॥ ౯॥
దేహే భువః ప్రతిబిమ్బః ప్రాణన్మూలస్య నేదీయాన్ ।
ప్రతిబిమ్బవ్యక్త్తేశ్చ స్వప్నవ్యక్త్తిశ్చ నేదిష్ఠా ॥ ౧౦॥
ద్వితీయం దశకమ్ (వసన్తతిలకావృత్తమ్)
కాశ్మీరమున్నతపయోధరకుమ్భసీమ్ని
స్రిగ్ధం ప్రదిగ్ధముమయా శరణం మమాస్తు ।
భేత్తా పురాముపరి భస్మన ఏవ ధత్తే
రాగస్య చిహ్నమివ యత్పరిరమ్భలగ్నమ్ ॥ ౧౧॥
అస్మాకమమ్బుదఘనస్తనితోపమేషు
హేరమ్బబృంహితవిభూతిషు భాషితేషు ।
సిద్ధోద్యమానమతిలఙ్ధ్య నిజాపదానం
బద్ధశ్రుతిర్భవతు భర్గగృహస్య నేత్రీ ॥ ౧౨॥
సన్దేహ ఏష మమ చన్ద్రకలాధరస్య
శుద్ధాన్తసున్దరి మనాంసి సతాం తవాఙ్ధ్రిః ।
శుద్ధాని కిం విశతి కిన్ను భజన్తి శుద్ధిమ్
అఙ్ధ్రే ప్రవేశమను తాని విధూయ పఙ్కమ్ ॥ ౧౩॥
త్రైలోక్యపాలనవిధాయి వికస్వరాబ్జ-
శోభావిడమ్బి మణిపీఠతటీవిలమ్బి ।
క్షేమప్రదాయి హృదయే చరణం న్యధాయి
కింవా న తే నగసుతే యది యం విపన్నః ॥ ౧౪॥
విఘ్నాని యన్ముహురిదం హృదయం చలం యత్
సౌఖ్యం న కిఞ్చిదపి యద్యదుపర్యసౌఖ్యమ్ ।
త్వామాశ్రితస్య చ మమాఖిలలోకరాజ్ఞీ
మత్తః పరో జగతి కో మనుజేషు కల్కీ ॥ ౧౫॥
మా భూన్నిదేశవచనం నయనాఞ్చలస్య
మాభూత్ప్రసారణమయి త్యజ నిర్దయత్వమ్ ।
అఙ్గీకురు స్తుతగుణే చరణామ్బుజం తే
ధ్యాతుం తదేవ బహు మే భువనస్య మాతః ॥ ౧౬॥
కామం దదాతు న దాదతు మనో ధినోతు
నో వా ధినోతు నయతాద్దివమన్యతో వా ।
ఆత్మర్పితోఽయగజాపదపఙ్కజాయ
కిం కాఙ్క్షతే ప్రతిఫలం విపులోఽనురాగః ॥ ౧౭॥
పాదం దదాసి మనసే కిను పాపినో మే
పారిప్లవాయ భువనాధికవాసనాయ ।
దూరే స తావదచలేన్ద్రకుమారికా మే
దేవి ప్రణామమురరీకురు తావతాఽలమ్ ॥ ౧౮॥
ఆరాధనం తవ భవాని యథావిధానం
కర్తుం కులాచలకుమారి న పరయామి ।
పాదార్విన్దయుగమేవ తవానతోఽహం
పాపాకులః శరణమీశ్వరి కాఙ్క్షమాణః ॥ ౧౯॥
బద్ధవ్రతా ప్రణతపాపనివారణే త్వం
బద్ధాఞ్జలిశ్చ బహుపాపసమాకులోఽహమ్ ।
కర్తవ్యమద్రితనయే నిపుణం విమృశ్య
నిర్ధారయాత్ర న యథా యశసో విలోపః ॥ ౨౦॥
తృతీయం దశకమ్ (పృథ్వీవృత్తమ్)
వ్రతం తవ విదన్హృది ప్రణతపాపనాశే కృతం
ఫలప్రవణపాతకప్రమథితోఽపి నాస్మ్యాకులః ।
భవామి శిరసా నతస్తవ భవాని పాదామ్బుజం
వ్రతస్య పరిపాలనే యది మతిర్గతిర్మే భవ ॥ ౨౧॥
తపశ్చరితుముత్తమం ప్రయతితం మయానేకదా
పరన్తు బహులైరధైః పరిణతైర్వృతోఽధ్వా మమ ।
అయం మమ దృఢోఽఞ్జలిస్తనువియోగకాలావధి -
ర్యది త్వమచలవ్రతాస్యచలకన్యకే మామవ ॥ ౨౨॥
అజేయబహుపాపభృద్భువి జనిష్యమాణః ఖలః
కమీశదయితే పురా న విదితస్తవాయం జనః ।
వ్రతం కృతమిదం త్వయా పరమసాహసోపేతయా
క్వా వా జనని యోషితాం జగతి దీర్ఘమాలోచనమ్ ॥ ౨౩॥
ఇహాపురధమర్షణాన్యయశ ఏవ భూత్వా ముధా
వ్యలోకి నియమైస్తథా న బహులైశ్చా కశ్చిజ్జయః ।
స్థిరం న మదధక్షయే మదధతేజసా భూయసా
వ్రతం చ తవ కుణ్ఠితం యది మమైవ కీర్తిః పరా ॥ ౨౪॥
క్షయే యది మదేనసామసుకరే న ధీరం మనో
న తే నగపతేః సుతే కిమపి చిన్త్యమేతత్కృతే ।
వ్రతం విసృజ తన్ముధా నను వధూస్వభావాత్కృతం
స్థిరీభవతు దుర్విధిర్భువి తవ ప్రసదాద్బలీ ॥ ౨౫॥
కృతం పరమయత్నశ్చిరమనుజ్ఝితం శ్రద్ధయా
భృతం బహువిధోద్యమైరవిజితం మహాపాతకైః ।
గతం ధనతరం యశో జయతి పాపజాతం మమ్
వ్రతం చ తవ తాదృశం జనని కస్య వా స్యాజ్జయః ॥ ౨౬॥
మదీయదురితావలిప్రలయకాలకాదమ్బినీ
మదోన్నతవిజృమ్భణం వృజనభఙ్గబద్ధవ్రతే ।
భవప్రియతమే నిజప్రబలహుఙ్కృతిప్రోద్ధత -
ప్రభఞ్జనమహౌజసా శమయ పాలయాత్మవ్రతమ్ ॥ ౨౭॥
అధక్షయవిధౌ తు తే పరిణతా పరీపక్వతా
విభేదకథనం కథం పౄథులవైభవే యుజ్యతే ।
ఇదం తవ విగర్హణం పరిణతైనసం వా స్తుతి -
ర్మనో యది మృడాని తే జగతి సాధ్యమేవాఖిలమ్ ॥ ౨౮॥
సహస్రనయనాదిభిః సురవరైః సమారాధితా
సహస్త్రకిరణప్రభా సితమరీచిశీతా మమ ।
సహస్రదలపఙ్కజే కృతనికేతనా దేహినాం
సహస్రదలలోచనా దురితసన్తతిం కృన్తతు ॥ ౨౯॥
సరోజభవసంస్తుతా సకలలోకరాజ్యేశ్వరీ
కరోపమితపల్లవా కరుణయాన్తరుల్లోలితా ।
ఉరోరుహభరాలసా మయపురారిసమ్మోహినీ
కరోతు మదఘక్షయం కుముదలోచనా కాచన ॥ ౩౦॥
చతుర్థం దశకమ్ (శార్దూలవిక్రీడితవృత్తమ్)
కాలామ్భోధరచారుసాన్ద్రకబరి పూర్ణేన్దుబిమ్బాననా
తాటఙ్కద్యుతిధౌతగన్డఫలకా తామ్బూలరక్తాధరా ।
ప్రాలేయద్యుతిబాలకేన రచితోత్తంసా హరాఙ్కాసనా
శాన్తా నూతనపల్లవాభచరణా భూత్యై శివా చిన్త్యతే ॥ ౩౧॥
శ్రీపాదం తవశైలరాజదుహితః భాస్వత్కరాస్ఫాలన -
ప్రోద్భుద్ధామ్బుజసున్దరం శ్రుతివధూచూడాతటీలాలితమ్ ।
వన్దన్తాం త్రిదివౌకసో వశమితః సంవాహయత్వీశ్వరో
యోగీ ధ్యాయతు వన్దివద్భగవతి ప్రస్తౌతి సోఽయం జనః ॥ ౩౨॥
యస్యాశ్చామరధారిణీ సరసిజప్రాసాదసఞ్చారిణీ
వాగ్దేవీ హృదయేశ్వరప్రభృతయో నాకౌకసః కిఙ్కరాః ।
దేవః కైరవబన్ధుకోరకధరో లీలాసహాయః సఖా
తస్యాః పాదసరోజవన్దిపదవీం పాప్తోఽస్మ్యహం భాగ్యతః ॥ ౩౩॥
పాదస్య క్రియతే క్షణాన్తకతిచన ధ్యానం జగద్ధాత్రి తే
యత్తస్యేభఘటాకులాఙ్గనమహీశ్రీర్నానురుపం ఫలమ్ ।
నోద్గారో మధుమాధురిమదముషాం స్వాభావికో వా గిరాం
సాధీయస్తు ఫలం యదీశ్వరి పునర్ధ్యాతుం మతిర్జాయతే ॥ ౩౪॥
దేవి త్వచ్చరణారవిన్దయుగలధ్యానస్య కేచిత్ఫలం
మన్యన్తే రథవాజిసామజవధూసౌధాదిరూపాం శ్రియమ్ ।
పీయూషద్రవసారవైభవముషాం వాచాం పరే పాటవం
ప్రాజ్ఞాః సాధనమాదితః పరిణతౌ పాహుః ఫలం తత్స్వయమ్ ॥ ౩౫॥
లోభః కుత్రచిదస్తి కుత్రచిదసౌ రోషః పరం భీషణః
కుత్రాప్యేష మనోభవోఽతిమలినే స్వాన్తే నిశాన్తే మమ ।
ఏతస్యాప్యహహాద్రిరాజతనుజే కోణే త్వదీయం పదం
ఖేటీమస్తకలాలితం శుచితమం వాఞ్ఛామి కర్తుం ఖలః ॥ ౩౬॥
కన్దర్పేణ నివారితం ప్రహసతా లోభేన నిర్భర్త్సితం
మాత్సర్యేణ తిరస్కృతం మదమహానాగేన చాఽభిద్రుతమ్ ।
దుర్భ్రాన్త్యా గలహస్తి తం బత పునః క్రోధేన ధూతం బలా -
దప్యేతత్పదమమ్బ తే విశతి మే చేతోఽస్య వర్ణ్యా కృపా ॥ ౩౭॥
ఉద్దీప్యన్నఖరాంశుజాలజటిలస్త్వత్పాదకణ్ఠీరవో
యావన్మీలితలోచనః శశికలాచూడామణేర్వల్లభే ।
తావల్లోభకటిప్రఖేలతి ముదం పుష్ణాతి కామద్విపో
రోషద్వీపిపతిశ్చ గర్జతితరాం మన్మానసే కాననే ॥ ౩౮॥
చాఞ్చల్యం హృదయస్య నశ్యన్తి కథం యుష్మత్ప్రసాదం వినా
త్వం వా దేవి కథం ప్రసీదసి యది స్థైర్యాదపేతం మనః ।
అన్యోన్యాశ్రయదోష ఏష సుమహానన్యం విధిం స్థాపయ -
త్యస్మాకం వరదే తవోత కరుణాం నిర్హేతుకాం జన్తుషు ॥ ౩౯॥
భక్తిర్మే త్వయి భర్గపత్ని మహతీ ధ్యాతుం చ వాఞ్ఛామి తే
పాదామ్భోజయుగం తథాపి చలతాం చేతో న మే ముఞ్చతి ।
కామాః సన్తి సహస్త్రశో నగసుతే పశ్చాద్బ్రవీమ్యగ్రతః
చిత్తస్య స్థిరతాం ప్రదేహి కరుణా యద్యస్తి తే వస్తుతః ॥ ౪౦॥
పఞ్చమం దశకమ్ (సుబోధితావృత్తమ్)
ఉడురాజకలాకలాపకాన్తే సదయే సున్దరి కోమలాఙ్గి మాతః ।
శ్రుతిపద్మదృశావతంసితం తే పదపద్మం ప్రతిభాతు మానసే మే ॥ ౪౧॥
అరుణాచలనాథసద్మనాథే చరితం తే చరణస్య ధాత్రి చిత్రమ్ ।
క్రియతేఽబ్జసనాభినామునా యద్గతపఙ్కే మునిమానసే నివాసః ॥ ౪౨॥
చరితం చరణామ్బుజన్మనస్తే పరమం విస్మయమాతనోతి మాతః ।
అతిరాగవదప్యదో విధతే సహవాసేన యదన్తరం విరాగమ్ ॥ ౪౩॥
భవభామిని కర్మశర్మదాతుః భవదీయస్య పదస్య విస్మయాయ ।
అపి ధూలివిధూసరం విధత్తే యదిదం వీతరజో మనో మునీనామ్ ॥ ౪౪॥
చరణం జగదమ్బ కైటభారిర్యతమానోఽపి దదర్శ నైవ యస్య ।
స హరస్తవ దృశ్యతే విలగ్నశ్చరణే చణ్డి చరాచరాధినాథః ॥ ౪౫॥
కమలాసనకఞ్జలోచనాదీనవమత్య త్రిదశాన్నగేశకన్యే ।
అగుణే రమసే నగేఽత్ర శోణే క్వ గుణాన్ పశ్యతి జాతిపక్షపాతః ॥ ౪౬॥
కుసుమాదపి కోమలం వపుస్తే హృదయేశస్త్వరుణో గిరిః కఠోరః ।
ప్రచలాఖుతురఙ్గమస్య మాతః సమనుధ్యాయ బిభేమి చేతసేదమ్ ॥ ౪౭॥
యదసౌ విహితః సితోఽరుణాద్రిస్తవ హాసేన సితేన నాత్ర చిత్రమ్ ।
ఇదమద్భుతమస్య మానసం యద్విమలం పార్వతి నీయతేఽతిరాగమ్ ॥ ౪౮॥
నవకుఙ్కుమరేణుపఙ్కిలస్య స్మరణాత్తే సతతం స్తనాచలస్య ।
స్వయమప్యచలో బభూవ శోణః శశిధారీ జగతం సవిత్రి శఙ్కే ॥ ౪౯॥
స్మరణాదరుణాచలస్య ముక్త్తిః కథమశ్లీలకపాలభూషణస్య ।
వపుషోఽధర్మముష్య చేన్నచేతస్తిమిరధ్వంసిని సర్వమఙ్గలే త్వమ్ ॥ ౫౦॥
షష్ఠం దశకమ్ (తూణకవృత్తమ్)
గౌరి చణ్డి కాలికే గణాధినాయకామ్బికే
స్కన్దమాతరిన్దుఖణ్డశేఖరే పరాత్పరే ।
వ్రజనాయికే ప్రపఞ్చరాజ్ఞి హైమవత్యుమే
భర్గపత్ని పాలయేతి గీయతాం సదా సఖే ॥ ౫౧॥
వాసుదేవముఖ్యనిత్యదేవమౌలివిస్ఫుర-
ద్రత్రజాలరశ్మిజాతరఞ్జితాఙ్ధ్రిపఙ్కజే ।
శీతభానుబాలచూడచిత్తబాలడోలికే
శైలపాలబాలికే సదా వదామి నామ తే ॥ ౫౨॥
కల్పవల్లి గాయతాం నితమ్బినీమతల్లికే
నామ తే విపశ్చితో నిరన్తరం గృణన్తి యే ।
దైత్యజైత్రి లోకధాత్రి రాత్రిరాణ్ణిభాననే
శైలవంశవైజయన్తి జన్తవో జయన్తి తే ॥ ౫౩॥
ఆననే త్వదీయనామ పావనాచ్చ పావనం
యస్య పుణ్యపూరుషస్య పూరుషార్ధవిగ్రహే ।
సానుమన్మహేన్ద్రపుత్రి సమ్మదాయ భూయసే
బన్ధనాలయోఽపి తస్య నన్దనం వనం యథా ॥ ౫౪॥
నామకీర్తనేషు యా షడాననస్య షడ్విధాత్
శబ్దతోఽపి భాషితాత్పృథక్పదాభిశోభితాత్ ।
ఉన్నతైకనాదతో గజాననస్య బౄంహితాత్
తృప్తిమేతి పుత్రయోః సమాపి సా జయత్యుమా ॥ ౫౫॥
ముగ్ధమిత్రమానసే మహాన్ధకారబన్ధురే
నిద్రితముమాం నిజే బహిర్గవేషయస్యహో ।
తత్ప్రవిశ్య పశ్య వేదదీపకేన తాం తతః
తారశబ్దబోధితాం విధాయ సాధయామృతమ్ ॥ ౫౬॥
ఆదిమో విభోః సుతో యదీయమూలమాశ్రితః
కుఞ్జరాననో బిభర్తి సాలతాతనౌ తతా ।
అగ్రతో దధాతి కిఞ్చిదమ్బుజం మరన్దవ -
త్తత్ర శక్త్తిరుత్తమా ప్రబోధయన్తి తాం విదః ॥ ౫౭॥
ద్వాదశాన్తశాయినీ హృదమ్బుజాన్తరస్థితా
మణ్డలద్వయాలయా సితాద్రిశృగచారిణీ ।
సర్వభూతజాలభర్తురాసనార్ధభాగినీ
భూతిముత్తమాం తనోతు భుభృతః సుతా తవ ॥ ౫౮॥
క్షత్రమర్దన్ప్రసూరసూరిలోకదుర్గమా
దుర్గమాటవీవిహారలాలసా మదాలసా ।
నిత్యశక్త్తిపౌరుషా మమాఙ్ఘ్రిమూలవాసినః ।
సత్యకీర్తిరార్తిజాలహారిణీ హరత్వధమ్ ॥ ౫౯॥
శక్త్తిధారిణః సవిత్రి సర్వశక్త్తిమత్యుమే
భక్తిమజ్జనోగ్రపాపనిగ్రహే ధృతగ్రహే ।
దేవమౌలిరత్నకాన్తిధౌతపాదుకాయ తే
సర్వమఙ్ఘ్రయే మదియమాత్మనా సహార్ప్యతే ॥ ౬౦॥
సప్తమం దశకమ్ (మదాలసావృత్తమ్)
జమ్భారిముఖ్యసురసమ్భావితా బహులదమ్భాత్మనామసులభా
పుమ్భావదృప్తసనిశుమ్భాదిబన్ధుగణశుమ్భాసురేన్ద్రదమనీ
కుమ్భాపహాసికుచకుమ్భానఘోరుజితరమ్భాఽనురక్తహృదయా
శమ్భావిభేన్ద్రముఖడిమ్భా కరోతు తవ శం భామినీమణిరుమా ॥ ౬౧॥
తారావలీతులితహారాలిశోభికుచభారాఽలసాలసగతిః
ధారాధరాభకచభారా సుపర్వరిపువీరాభిమానశమనీ ।
నీరాటకేతుశరధారాభదృష్టిరతిధీరా ధరాధరసుతా
వారాణసీవసతి వారాశితూణరతిరారాధ్యతామయి సఖే ॥ ౬౨॥
ఖ్యాతా మునీన్ద్రజనగీతా మయూరహయపోతాఽతిచిత్రచరితా
శీతాచలాచిపతిజాతా ప్రభాతయమతాతావిశేషచరణా ।
పూతా పినాకధరపీతాధరా త్రిదివపాతాలభూతలజుషాం
సా తాపజాతమవిగీతాఽఖిలం హరతు మాతా కటాక్షకలయా ॥ ౬౩॥
ఖన్డామృతద్యుతిశిఖణ్డా మహోగ్రతరభణ్డాదిదైత్యదమనీ
చణ్డాఽనలాఢ్యకులకుణ్డాలయా విహితదణ్డా ఖలాయ భువనే ।
శుణ్డాలభూమిపతితుణ్డధిభూతతరుషణ్డా చలాణ్డఘటమృత్-
పిణ్డాయితా సకలపిణ్డాన్తరస్థమణిభాణ్డాయితాఽస్తు శరణమ్ ॥ ౬౪॥
రాకాసుధాకరసమాకారహాసధుతభీకా భవాబ్ధితరణే
నౌకా కటాక్షధుతశోకా మహామహిమపాకారిణాఽపి వినుతా ।
ఏకామ్బికా సకలలోకావలేరచలతోకాయితాఖిలఘన-
శ్రీకానతస్య మమ సా కాలికా కమలనీకాశదృక్ దిశతు శమ్ ॥ ౬౫॥
నీలాలకా మధురశీలా విధూతరిపుజాలా విలసవసతిః
లోలా దృశోః కనకమాలావతీ విబుధలీలావతీపరివృత ।
కిలాలజాప్తముఖహేలా జితామృతకరేమాతలే నివసతాం
శాలారుచామజినచేలాఽబలా కపటకోలానుజా దిశతు శమ్ ॥ ౬౬॥
అవ్యాదుదారతరపవ్యాయుధప్రభృతిహవ్యాశిర్కీర్తితగుణా
గవ్యాజ్యసమ్మిలితకవ్యాశిలోకనుతభవ్యాఽతిపావనకథా ।
శ్రవ్యా సదా వివిధనవ్యావతారవరకవ్యారభట్యభిరతా
దివ్యాకృతిస్తరుణవ్యాభపాదఖిలమవ్యాత్మజా తవ కులమ్ ॥ ౬౭॥
దోషాకరార్భకవిభూషా కటాక్షధుతదోషా నిరన్తరమన -
స్తోషా పరా కలుషికాషాయధారియతివేషాఽనవాప్యచరణా ।
భాషావధూదయితశేషాహిశాయివినుతైషా విషాదశమనీ
పోషాయ పాపతతిశోషాయ చాస్తు కులయోషా భవస్య భవతామ్ ॥ ౬౮॥
వన్దారుసాధుజనమన్దారవల్లిరవిన్దాభదీర్ఘనయనా
కున్దాలికల్పరదబృన్దా పదాబ్జనతబృన్దారకేన్దువదనా ।
మన్దా గతావలమమన్దా మతౌ జితముకున్దాసురప్రశమనీ
నన్దాత్మజా దిశతు శం దారుణాధతతిభిన్దాననామనివహా ॥ ౬౯॥
శ్యామా కదమ్బవనధామా భవార్తిహరనామా నమజ్జనహితా
భీమా రణేషు సురభామావతంససుమదామానువాసితపదా ।
కామాహితస్య కృతకామా కిలాలమభిరామా రమాలయముఖీ
క్షేమాయ తే భవతు వామా కదమ్బకలలామాయితా భగవతీ ॥ ౭౦॥
అష్టమం దశకమ్ (ద్రుతవిలమ్బితవృత్తమ్)
జలరుహం దహరం సముపాశ్రితా జలచరధ్వజసూదనసున్దరీ ।
హరతు బోధదృగావరణం తమో హృదయగం హసితేన సితేన మే ॥ ౭౧॥
నమదమర్త్యకిరీటకృతైః కిణైః కమఠపృష్ఠనిభే ప్రపదేఽఙ్కితా ।
అజినచేలవధూర్విదధాతు వో వృజినజాలమజాలమవిక్రమమ్ ॥ ౭౨॥
లలితయా నతపాలనలోలయా ప్రమథనాథమనోహరలీలయా ।
కిరిముఖీముఖశక్త్యుపజీవ్యయా విదితయాదితయా గతిమానహమ్ ॥ ౭౩॥
అమృతదీధితిపోవతంసయా కృతపదానతపాపనిరాసయా ।
గతిమదర్ధనరకృతిచిత్రయా భువనమేవ న మే కులమార్యయా ॥ ౭౪॥
అగణయం న చ గోష్పదవద్యది త్రిభువనం కుతలే న తరామి కిమ్ ।
శరణవానహముత్తమభావయా గిరిజయారిజయావితదేవయా ॥ ౭౫॥
సకరుణా కుశలం తవ రేణుకాతనురుమా తనుతాదుదితో యతః ।
యుధి మునిర్విదధౌ పరశుం దధజ్జనపతీనపతీవ్ర భుజామదాన్ ॥ ౭౬॥
దశరథాత్మజపూజితమీశ్వరం విదధతీ రతినాథవశం గతమ్ ।
దిశతు వః కుశలం నగవర్ధినీ హరిహయారిహయాన మృగేశ్వరా ॥ ౭౭॥
జనని శుమ్భనిశుమ్భమహాసురోన్మథన విశ్రుతవిక్రమయా త్వయా ।
జగదరక్ష్యత గోపకులేశితుః తనుజయానుజయార్జునసారథేః ॥ ౭౮॥
చరణయోర్ధృతయా విజయామహే జగతి మారరిపుప్రియభామయా ।
శశికలామలమన్దరహాసయా నగజయా గజయానవిలాసయా ॥ ౭౯॥
ఇమమగాధిపనన్దిని కల్కినం రుషమపోహ్య హరస్య విలోకితైః ।
కలుషనాశనభీమదృశోల్లసన్మదనకైరవకైరవలోచనే ॥ ౮౦॥
నవమం దశకమ్ (ఆర్యావృయ్త్తమ్)
స జయతి పుణ్యకులేషు భ్రామ్యన్ గణనాథమాతురాలోకః ।
యమనుచరతో జనార్దనకులతరుణీ దేవతా చ గిరామ్ ॥ ౮౧॥
కస్య ప్రబలప్రతిభటభుజకణ్డూవారణం మహద్వీర్యమ్ ।
కస్య గిరామిహ సర్గో యుగస్య పరివర్తనేఽపి పటుః ॥ ౮౨॥
కస్య పునరన్తరాత్మని సఙ్గసహస్రైరచాలితా నిష్ఠా ।
ధూర్జటిదియతే యుష్మద్దృగన్తభృతమన్తరా ధన్యమ్ ॥ ౮౩॥
యస్య నిదానమవిద్యా మమకారః పూర్వరూపమఙ్కురితః ॥
రూపం తాపత్రితయం సత్సఙ్గః కిఞ్చిదుపశాన్తయై ॥ ౮౪॥
అన్తఃకరణం స్థానం ప్రకోపనో విషయపఞ్చకాభ్యాసః ।
ముక్తిః సుషుప్తిసమయే పునరగమనాయ ఘోరాయ ॥ ౮౫॥
లోభాభిలాషరోషాః కఫమారుతమాయవస్త్రయో దోషాః ।
అరుచిః పథ్యే భూయస్యనుబన్ధోపద్రవో ఘోరః ॥ ౮౬॥
తస్య ప్రయచ్ఛ శమనం సంసారాఖ్యజ్వరస్య భూరికృపే ।
మృత్యుఞ్జయస్య భామిని భేషజమాలోకితం నామ ॥ ౮౭॥
భవదీయస్య భవాని ప్రసిద్ధచరితే కటాక్షమేఘస్య ।
ప్రావృట్పరితాపహృతో భవ్యామృతవర్షిణః కరుణా ॥ ౮౮॥
రాజోగ్రదృష్టిరుగ్రో యువరాజః సన్తతం మదోపేతః ।
తవ రాజ్ఞి న కరుణా చేద్భువనస్య కథం శుభం భవతు ॥ ౮౯॥
రాజ్ఞి తవ దృష్టిరవనే వినతానామపి సదైవ ఖేలన్త్యాః ।
తపతోఽపి నిత్యమీశో లోలో లిలాసు తే భవతి ॥ ౯౦॥
దశమం దశకమ్ (శశివదనావృత్తమ్)
పదకమలాప్త త్రికలుషహర్త్రీ ।
జయతి శివేతి త్రిభువనభర్త్రీ ॥ ౯౧॥
అధితనుదృష్టిస్తటిదధిభూతమ్ ।
ప్రమథపతేః సా సుదృగధిదైవమ్ ॥ ౯౨॥
స్వనయనవృతౌ స్థిరచరణానామ్ ।
ద్విదలసరోజే భగవతి భాసి ॥ ౯౩॥
దహరసరోజే నిహితపదానామ్ ।
ద్విదలసరోజాదవతరసి త్వమ్ ॥ ౯౪॥
అయి కులకుణ్డే ధృతచరణానామ్ ।
దశశతపత్రం వ్రజసి తపన్తీ ॥ ౯౫॥
దహరసరోజే దృశమపిహిత్వా ।
విషయపరాణాం స్ఖలసి బహిస్త్వమ్ ॥ ౯౬॥
స్ఖలసి యతస్త్వం స భవతి హీనః ।
విలససి యస్మిన్ స ఖలు మహాత్మా ॥ ౯౭॥
దృశి దృశి చిత్త్వం హృది హృది సత్తా ।
ప్రతినరశీర్షం ప్రమదకలాఽసి ॥ ౯౮॥
తవ లహరీషు త్రిపురవిరోధీ ।
కిమివ న చిత్రం జనని కరోతి ॥ ౯౯॥
హరశిరసో గౌర్యవసి జగత్త్వమ్ ।
గణపతిశీర్షాదవ మునిభూమిమ్ ॥ ౧౦౦॥
॥ ఇతి శ్రీభగవన్మహర్షిరమణాన్తేవాసినో వాసిష్ఠస్య
నరసింహసూనోః గణపతేః కృతిః ఉమాశతకం సమాప్తమ్ ॥
Encoded and proofread byDPD
Please send corrections to sanskrit@cheerful.com
Last updated త్oday
http://sanskritdocuments.org
Uma Shatakam Lyrics in Telugu PDF
% File name : umAshatakam1.itx
% Location : doc\_devii
% Author : Ganapati Muni with Ramana Maharshi
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Description-comments : From Complete Works of Ganapati Muni Vol 1
% Latest update : November 24, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : umAshatakam1.itx
% Location : doc\_devii
% Author : Ganapati Muni with Ramana Maharshi
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Description-comments : From Complete Works of Ganapati Muni Vol 1
% Latest update : November 24, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website