{॥ ଗୌରୀଦଶକମ୍ ॥}
॥ ଶ୍ରୀଃ ॥
॥ ଗୌରୀଦଶକମ୍ ॥
ଲୀଲାଲବ୍ଧସ୍ଥାପିତଲୁପ୍ତାଖିଲଲୋକାଂ
ଲୋକାତୀତୈର୍ଯୋଗିଭିରନ୍ତଶ୍ଚିରମୃଗ୍ଯାମ୍ ।
ବାଲାଦିତ୍ଯଶ୍ରେଣିସମାନଦ୍ଯୁତିପୁଞ୍ଜାଂ
ଗୌରୀମମମ୍ବାମମ୍ବୁରୁହାକ୍ଷୀମହମୀଡେ ॥ ୧॥

ପ୍ରତ୍ଯାହାରଧ୍ଯାନସମାଧିସ୍ଥିତିଭାଜାଂ
ନିତ୍ଯଂ ଚିତ୍ତେ ନିର୍ଵୃତିକାଷ୍ଠାଂ କଲଯନ୍ତୀମ୍ ।
ସତ୍ଯଜ୍ଞାନାନନ୍ଦମଯୀଂ ତାଂ ତନୁରୂପାଂ
ଗୌରୀମମ୍ବାମମ୍ବୁରୁହାକ୍ଷୀମହମୀଡେ ॥ ୨॥

ଚନ୍ଦ୍ରାପୀଡାନନ୍ଦିତମନ୍ଦସ୍ମିତଵକ୍ତ୍ରାଂ
ଚନ୍ଦ୍ରାପୀଡାଲଂକୃତନୀଲାଲକଭାରାମ୍ ।
ଇନ୍ଦ୍ରୋପେନ୍ଦ୍ରାଦ୍ଯର୍ଚିତପାଦାମ୍ବୁଜଯୁଗ୍ମାଂ
ଗୌରୀମମ୍ବାମମ୍ବୁରୁହାକ୍ଷୀମହମୀଡେ ॥ ୩॥

ଆଦିକ୍ଷାନ୍ତାମକ୍ଷରମୂର୍ତ୍ଯା ଵିଲସନ୍ତୀଂ
ଭୂତେ ଭୂତେ ଭୂତକଦମ୍ବପ୍ରସଵିତ୍ରୀମ୍ ।
ଶବ୍ଦବ୍ରହ୍ମାନନ୍ଦମଯୀଂ ତାଂ ତଟିଦାଭାଂ
ଗୌରୀମମ୍ବାମମ୍ବୁରୁହାକ୍ଷୀମହମୀଡେ ॥ ୪॥

ମୂଲାଧାରାଦୁତ୍ଥିତଵୀଥ୍ଯା ଵିଧିରନ୍ଧ୍ରଂ
ସୌରଂ ଚାନ୍ଦ୍ରଂ ଵ୍ଯାପ୍ଯ ଵିହାରଜ୍ଵଲିତାଙ୍ଗୀମ୍ ।
ଯେଯଂ ସୂକ୍ଷ୍ମାତ୍ସୂକ୍ଷ୍ମତନୁସ୍ତାଂ ସୁଖରୂପାଂ
ଗୌରୀମମ୍ବାମମ୍ବୁରୁହାକ୍ଷୀମହମୀଡେ ॥ ୫॥

ନିତ୍ଯଃ ଶୁଦ୍ଧୋ ନିଷ୍କଲ ଏକୋ ଜଗଦୀଶଃ
ସାକ୍ଷୀ ଯସ୍ଯାଃ ସର୍ଗଵିଧୌ ସଂହରଣେ ଚ ।
ଵିଶ୍ଵତ୍ରାଣକ୍ରୀଡନଲୋଲାଂ ଶିଵପତ୍ନୀଂ
ଗୌରୀମମ୍ବାମମ୍ବୁରୁହାକ୍ଷୀମହମୀଡେ ॥ ୬॥

ଯସ୍ଯାଃ କୁକ୍ଷୌ ଲୀନମଖଣ୍ଡଂ ଜଗଦଣ୍ଡଂ
ଭୂଯୋ ଭୂଯଃ ପ୍ରାଦୁରଭୂଦୁତ୍ଥିତମେଵ ।
ପତ୍ଯା ସାର୍ଧଂ ତାଂ ରଜତାଦ୍ରୌ ଵିହରନ୍ତୀଂ
ଗୌରୀମମ୍ବାମମ୍ବୁରୁହାକ୍ଷୀମହମୀଡେ ॥ ୭॥

ଯସ୍ଯାମୋତଂ ପ୍ରୋତମଶେଷଂ ମଣିମାଲା-
ସୂତ୍ରେ ଯଦ୍ଵତ୍କ୍କାପି ଚରଂ ଚାପ୍ଯଚରଂ ଚ ।
ତାମଧ୍ଯାତ୍ମଜ୍ଞାନପଦଵ୍ଯା ଗମନୀଯାଂ
ଗୌରୀମମ୍ବାମମ୍ବୁରୁହାକ୍ଷୀମହମୀଡେ ॥ ୮॥

ନାନାକାରୈଃ ଶକ୍ତିକଦମ୍ବୈର୍ଭୁଵନାନି
ଵ୍ଯାପ୍ଯ ସ୍ଵୈରଂ କ୍ରୀଡତି ଯେଯଂ ସ୍ଵଯମେକା ।
କଲ୍ଯାଣୀଂ ତାଂ କଲ୍ପଲତାମାନତିଭାଜାଂ
ଗୌରୀମମ୍ବାମମ୍ବୁରୁହାକ୍ଷୀମହମୀଡେ ॥ ୯॥

ଆଶାପାଶକ୍ଲେଶଵିନାଶଂ ଵିଦଧାନାଂ
ପାଦାମ୍ଭୋଜଧ୍ଯାନପରାଣାଂ ପୁରୁଷାଣାମ୍ ।
ଈଶାମୀଶାର୍ଧାଙ୍ଗହରାଂ ତାମଭିରାମାଂ
ଗୌରୀମମ୍ବାମମ୍ବୁରୁହାକ୍ଷୀମହମୀଡେ ॥ ୧୦॥

ପ୍ରାତଃକାଲେ ଭାଵଵିଶୁଦ୍ଧଃ ପ୍ରଣିଧାନା-
ଦ୍ଭକ୍ତ୍ଯା ନିତ୍ଯଂ ଜଲ୍ପତି ଗୌରିଦଶକଂ ଯଃ ।
ଵାଚାଂ ସିଦ୍ଧିଂ ସମ୍ପଦମଗ୍ରଯାଂ ଶିଵଭକ୍ତିଂ
ତସ୍ଯାଵଶ୍ଯଂ ପର୍ଵତପୁତ୍ରୀ ଵିଦଧାତି ॥ ୧୧॥

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ
ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ
ଶ୍ରୀମଚ୍ଛଂକରଭଗଵତଃ କୃତୌ
ଗୌରୀଦଶକମ୍ ସମ୍ପୂର୍ଣମ୍ ॥



Encoded by Sridhar Seshagiri.

Please send corrections to sanskrit@cheerful.com
Last updated ତ୍oday
http://sanskritdocuments.org

Gowri Dashakam Lyrics in Oriya PDF
% File name : gauri10.itx
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Sridhar Seshagiri seshagir at engineering.sdsu.edu
% Proofread by : Sridhar Seshagiri seshagir at engineering.sdsu.edu
% Latest update : August 23, 2000
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website