{॥ ଦେଵୀଭୁଜଂଗସ୍ତୋତ୍ରମ୍ ॥}
॥ ଶ୍ରୀଃ ॥
॥ ଦେଵୀଭୁଜଂଗସ୍ତୋତ୍ରମ୍ ॥
ଵିରିଞ୍ଚ୍ଯାଦିଭିଃ ପଞ୍ଚଭିର୍ଲୋକପାଲୈଃ
ସମୂଢେ ମହାନନ୍ଦପୀଠେ ନିଷଣ୍ଣମ୍ ।
ଧନୁର୍ବାଣପାଶାଙ୍କୁଶପ୍ରୋତହସ୍ତଂ
ମହସ୍ତ୍ରୈପୁରଂ ଶଂକରାଦ୍ଵୈତମଵ୍ଯାତ୍ ॥ ୧॥

ଯଦନ୍ନାଦିଭିଃ ପଞ୍ଚଭିଃ କୋଶଜାଲୈଃ
ଶିରଃପକ୍ଷପୁଚ୍ଛାତ୍ମକୈରନ୍ତରନ୍ତଃ ।
ନିଗୂଢେ ମହାଯୋଗପୀଠେ ନିଷଣ୍ଣଂ
ପୁରାରେରଥାନ୍ତଃପୁରଂ ନୌମି ନିତ୍ଯମ୍ ॥ ୨॥

ଵିରିଞ୍ଚାଦିରୂପୈଃ ପ୍ରପଞ୍ଚେ ଵିହୃତ୍ଯ
ସ୍ଵତନ୍ତ୍ରା ଯଦା ସ୍ଵାତ୍ମଵିଶ୍ରାନ୍ତିରେଷା ।
ତଦା ମାନମାତୃପ୍ରମେଯାତିରିକ୍ତଂ
ପରାନନ୍ଦମୀଡେ ଭଵାନି ତ୍ଵଦୀଯମ୍ ॥ ୩॥

ଵିନୋଦାଯ ଚୈତନ୍ଯମେକଂ ଵିଭଜ୍ଯ
ଦ୍ଵିଧା ଦେଵି ଜୀଵଃ ଶିଵଶ୍ରେତି ନାମ୍ନା ।
ଶିଵସ୍ଯାପି ଜୀଵତ୍ଵମାପାଦଯନ୍ତୀ
ପୁନର୍ଜୀଵମେନଂ ଶିଵଂ ଵା କରୋଷି ॥ ୪॥

ସମାକୁଞ୍ଚ୍ଯ ମୂଲଂ ହୃଦି ନ୍ଯସ୍ଯ ଵାଯୁଂ
ମନୋ ଭ୍ରୂବିଲଂ ପ୍ରାପଯିତ୍ଵା ନିଵୃତ୍ତାଃ ।
ତତଃ ସଚ୍ଚିଦାନନ୍ଦରୂପେ ପଦେ ତେ
ଭଵନ୍ତ୍ଯମ୍ବ ଜୀଵାଃ ଶିଵତ୍ଵେନ କେଚିତ୍ ॥ ୫॥

ଶରୀରେଽତିକଷ୍ଟେ ରିପୌ ପୁତ୍ରଵର୍ଗେ
ସଦାଭୀତିମୂଲେ କଲତ୍ରେ ଧନେ ଵା ।
ନ କଶ୍ଚିଦ୍ଵିରଜ୍ଯତ୍ଯହୋ ଦେଵି ଚିତ୍ରଂ
କଥଂ ତ୍ଵତ୍କଟାକ୍ଷଂ ଵିନା ତତ୍ତ୍ଵବୋଧଃ ॥ ୬॥

ଶରୀରେ ଧନେଽପତ୍ଯଵର୍ଗେ କଲତ୍ରେ
ଵିରକ୍ତସ୍ଯ ସଦ୍ଦେଶିକାଦିଷ୍ଟବୁଦ୍ଧେଃ ।
ଯଦାକସ୍ମିକଂ ଜ୍ଯୋତିରାନନ୍ଦରୂପଂ
ସମାଧୌ ଭଵେତ୍ତତ୍ତ୍ଵମସ୍ଯମ୍ବ ସତ୍ଯମ୍ ॥ ୭॥

ମୃଷାନ୍ଯୋ ମୃଷାନ୍ଯଃ ପରୋ ମିଶ୍ରମେନଂ
ପରଃ ପ୍ରାକୃତଂ ଚାପରୋ ବୁଦ୍ଧିମାତ୍ରମ୍ ।
ପ୍ରପଞ୍ଚଂ ମିମୀତେ ମୁନୀନାଂ ଗଣୋଽଯଂ
ତଦେତତ୍ତ୍ଵମେଵେତି ନ ତ୍ଵାଂ ଜହୀମଃ ॥ ୮॥

ନିଵୃତ୍ତିଃ ପ୍ରତିଷ୍ଠା ଚ ଵିଦ୍ଯା ଚ ଶାନ୍ତି-
ସ୍ତଥା ଶାନ୍ତ୍ଯତୀତେତି ପଞ୍ଚୀକୃତାଭିଃ ।
କଲାଭିଃ ପରେ ପଞ୍ଚଵିଂଶାତ୍ମିକାଭି-
ସ୍ତ୍ଵମେକୈଵ ସେଵ୍ଯା ଶିଵାଭିନ୍ନରୂପା ॥ ୯॥

ଅଗାଧେଽତ୍ର ସଂସାରପଙ୍କେ ନିମଗ୍ନଂ
କଲତ୍ରାଦିଭାରେଣ ଖିନ୍ନଂ ନିତାନ୍ତମ୍ ।
ମହାମୋହପାଶୌଘବଦ୍ଧଂ ଚିରାନ୍ମାଂ
ସମୁଦ୍ଧର୍ତୁମମ୍ବ ତ୍ଵମେକୈଵ ଶକ୍ତା ॥ ୧୦॥

ସମାରଭ୍ଯ ମୂଲଂ ଗତୋ ବ୍ରହ୍ମଚକ୍ରଂ
ଭଵଦ୍ଦିଵ୍ଯଚକ୍ରେଶ୍ଵରୀଧାମଭାଜଃ ।
ମହାସିଦ୍ଧିସଂଘାତକଲ୍ପଦ୍ରୁମାଭା-
ନଵାପ୍ଯାମ୍ବ ନାଦାନୁପାସ୍ତେ ଚ ଯୋଗୀ ॥ ୧୧॥

ଗଣେଶୈର୍ଗ୍ରହୈରମ୍ବ ନକ୍ଷତ୍ରପଙ୍କ୍ତ୍ଯା
ତଥା ଯୋଗିନୀରାଶିପୀଠୈରଭିନ୍ନମ୍ ।
ମହାକାଲମାତ୍ମାନମାମୃଶ୍ଯ ଲୋକଂ
ଵିଧତ୍ସେ କୃତିଂ ଵା ସ୍ଥିତିଂ ଵା ମହେଶି ॥ ୧୨॥

ଲସତ୍ତାରହାରାମତିସ୍ଵଚ୍ଛଚେଲାଂ
ଵହନ୍ତୀଂ କରେ ପୁସ୍ତକଂ ଚାକ୍ଷମାଲାମ୍ ।
ଶରଚ୍ଚନ୍ଦ୍ରକୋଟିପ୍ରଭାଭାସୁରାଂ ତ୍ଵାଂ
ସକୃଦ୍ଭାଵଯନ୍ଭାରତୀଵଲ୍ଲଭଃ ସ୍ଯାତ୍ ॥ ୧୩॥

ସମୁଦ୍ଯତ୍ସହସ୍ରାର୍କବିମ୍ବାଭଵକ୍ତ୍ରାଂ
ସ୍ଵଭାସୈଵ ସିନ୍ଦୂରିତାଜାଣ୍ଡକୋଟିମ୍ ।
ଧନୁର୍ବାଣପାଶାଙ୍କୁଶାନ୍ଧାରଯନ୍ତୀଂ
ସ୍ମରନ୍ତଃ ସ୍ମରଂ ଵାପି ସଂମୋହଯେଯୁଃ ॥ ୧୪॥

ମଣିସ୍ଯୂତତାଟଙ୍କଶୋଣାସ୍ଯବିମ୍ବାଂ
ହରିତ୍ପଟ୍ଟଵସ୍ତ୍ରାଂ ତ୍ଵଗୁଲ୍ଲାସିଭୂଷାମ୍ ।
ହୃଦା ଭାଵଯଂସ୍ତପ୍ତହେମପ୍ରଭାଂ ତ୍ଵାଂ
ଶ୍ରିଯୋ ନାଶଯତ୍ଯମ୍ବ ଚାଞ୍ଚଲ୍ଯଭାଵମ୍ ॥ ୧୫॥

ମହାମନ୍ତ୍ରରାଜାନ୍ତବୀଜଂ ପରାଖ୍ଯଂ
ସ୍ଵତୋ ନ୍ଯସ୍ତବିନ୍ଦୁ ସ୍ଵଯଂ ନ୍ଯସ୍ତହାର୍ଦମ୍ ।
ଭଵଦ୍ଵକ୍ତ୍ରଵକ୍ଷୋଜଗୁହ୍ଯାଭିଧାନଂ
ସ୍ଵରୂପଂ ସକୃଦ୍ଭାଵଯେତ୍ସ ତ୍ଵମେଵ ॥ ୧୬॥

ତଥାନ୍ଯେ ଵିକଲ୍ପେଷୁ ନିର୍ଵିଣ୍ଣଚିତ୍ତା-
ସ୍ତଦେକଂ ସମାଧାଯ ବିନ୍ଦୁତ୍ରଯଂ ତେ ।
ପରାନନ୍ଦସଂଧାନସିନ୍ଧୌ ନିମଗ୍ନାଃ
ପୁନର୍ଗର୍ଭରନ୍ଧ୍ରଂ ନ ପଶ୍ଯନ୍ତି ଧୀରାଃ ॥ ୧୭॥

ତ୍ଵଦୁନ୍ମେଷଲୀଲାନୁବନ୍ଧାଧିକାରା-
ନ୍ଵିରିଞ୍ଚ୍ଯାଦିକାଂସ୍ତ୍ଵଦ୍ଗୁଣାମ୍ଭୋଧିବିନ୍ଦୂନ୍ ।
ଭଜନ୍ତସ୍ତିତୀର୍ଷନ୍ତି ସଂସାରସିନ୍ଧୁଂ
ଶିଵେ ତାଵକୀନା ସୁସଂଭାଵନେଯମ୍ ॥ ୧୮॥

କଦା ଵା ଭଵତ୍ପାଦପୋତେନ ତୂର୍ଣଂ
ଭଵାମ୍ଭୋଧିମୁକ୍ତୀର୍ଯ ପୂର୍ଣାନ୍ତରଙ୍ଗଃ ।
ନିମଜ୍ଜନ୍ତମେନଂ ଦୁରାଶାଵିଷାବ୍ଧୌ
ସମାଲୋକ୍ଯ ଲୋକଂ କଥଂ ପର୍ଯୁଦାସ୍ସେ ॥ ୧୯॥

କଦାଵା ହୃଷୀକାଣି ସାମ୍ଯଂ ଭଜେଯୁଃ
କଦା ଵା ନ ଶତ୍ରୁର୍ନ ମିତ୍ରଂ ଭଵାନି ।
କଦା ଵା ଦୁରାଶାଵିଷୂଚୀଵିଲୋପଃ
କଦା ଵା ମନୋ ମେ ସମୂଲଂ ଵିନଶ୍ଯେତ୍ ॥ ୨୦॥

ନମୋଵାକମାଶାସ୍ମହେ ଦେଵି ଯୁଷ୍ମ-
ତ୍ପଦାମ୍ଭୋଜଯୁଗ୍ମାଯ ତିଗ୍ମାଯ ଗୌରି ।
ଵିରିଞ୍ଚ୍ଯାଦିଭାସ୍ଵତ୍କିରୀଟପ୍ରତୋଲୀ-
ପ୍ରଦୀପାଯମାନପ୍ରଭାଭାସ୍ଵରାଯ ॥ ୨୧॥

କଚେ ଚନ୍ଦ୍ରରେଖଂ କୁଚେ ତାରହାରଂ
କରେ ସ୍ଵାଦୁଚାପଂ ଶରେ ଷଟ୍ପଦୌଘମ୍ ।
ସ୍ମରାମି ସ୍ମରାରେରଭିପ୍ରାଯମେକଂ
ମଦାଘୂର୍ଣନେତ୍ରଂ ମଦୀଯଂ ନିଧାନମ୍ ॥ ୨୨॥

ଶରେଷ୍ଵେଵ ନାସା ଧନୁଷ୍ଵେଵ ଜିହ୍ଵା
ଜପାପାଟଲେ ଲୋଚନେ ତେ ସ୍ଵରୂପେ ।
ତ୍ଵଗେଷା ଭଵଚ୍ଚନ୍ଦ୍ରଖଣ୍ଡେ ଶ୍ରଵୋ ମେ
ଗୁଣେ ତେ ମନୋଵୃତ୍ତିରମ୍ବ ତ୍ଵଯି ସ୍ଯାତ୍ ॥ ୨୩॥

ଜଗତ୍କର୍ମଧୀରାନ୍ଵଚୋଧୂତକୀରାନ୍
କୁଚନ୍ଯସ୍ତହାରାନ୍କୃପାସିନ୍ଧୁପୂରାନ୍ ।
ଭଵାମ୍ଭୋଧିପାରାନ୍ମହାପାପଦୂରାନ୍
ଭଜେ ଵେଦସାରାଞ୍ଶିଵପ୍ରେମଦାରାନ୍ ॥ ୨୪॥

ସୁଧାସିନ୍ଧୁସାରେ ଚିଦାନନ୍ଦନୀରେ
ସମୁତ୍ଫୁଲ୍ଲନୀପେ ସୁରତ୍ରାନ୍ତରୀପେ ।
ମଣିଵ୍ଯୂହସାଲେ ସ୍ଥିତେ ହୈମଶାଲେ
ମନୋଜାରିଵାମେ ନିଷଣ୍ଣଂ ମନୋ ମେ ॥ ୨୫॥

ଦୃଗନ୍ତେ ଵିଲୋଲା ସୁଗନ୍ଧୀଷୁମାଲା
ପ୍ରପଞ୍ଚେନ୍ଦ୍ରଜାଲା ଵିପତ୍ସିନ୍ଧୁକୂଲା ।
ମୁନିସ୍ଵାନ୍ତଶାଲା ନମଲ୍ଲୋକପାଲା
ହୃଦି ପ୍ରେମଲୋଲାମୃତସ୍ଵାଦୁଲୀଲା ॥ ୨୬॥

ଜଗଜ୍ଜାଲମେତତ୍ତ୍ଵଯୈଵାମ୍ବ ସୃଷ୍ଟଂ
ତ୍ଵମେଵାଦ୍ଯ ଯାସୀନ୍ଦ୍ରିଯୈରର୍ଥଜାଲମ୍ ।
ତ୍ଵଵେକୈଵ କର୍ତ୍ରୀ ତ୍ଵମେକୈଵ ଭୋକ୍ତ୍ରୀ
ନ ମେ ପୁଣ୍ଯପାପେ ନ ମେ ବନ୍ଧମୋକ୍ଷୌ ॥ ୨୭॥

ଇତି ପ୍ରେମଭାରେଣ କିଞ୍ଚିନ୍ମଯୋକ୍ତଂ
ନ ବୁଧ୍ଵୈଵ ତତ୍ତ୍ଵଂ ମଦୀଯଂ ତ୍ଵଦୀଯଂ ।
ଵିନୋଦାଯ ବାଲସ୍ଯ ମୌର୍ଖ୍ଯଂ ହି ମାତ-
ସ୍ତଦେତତ୍ପ୍ରଲାପସ୍ତୁତିଂ ମେ ଗୃହାଣ ॥ ୨୮॥

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ
ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ
ଶ୍ରୀମଚ୍ଛଂକରଭଗଵତଃ କୃତୌ
ଦେଵୀଭୁଜଂଗସ୍ତୋତ୍ରମ୍ ସମ୍ପୂର୍ଣମ୍ ॥



%Date: Thu, 17 Aug 2000 01:09:18 -0400 (EDT)
Encoded by Sridhar Seshagiri

Please send corrections to sanskrit@cheerful.com
Last updated ତ୍oday
http://sanskritdocuments.org

Devi Bhujanga Stotram Lyrics in Oriya PDF
% File name : devibhujanga.itx
% Category : bhujanga
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Sridhar Seshagiri seshagir at engineering.sdsu.edu
% Proofread by : Sridhar Seshagiri seshagir at engineering.sdsu.edu
% Latest update : August 23, 2000
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website