{॥ ଦେଵୀସ୍ତଵମ୍ ॥}
ହରିଵଂଶେ ଅନୁବନ୍ଧମ୍- ଅଧ୍ଯାଯ-୮
ଵୈଶମ୍ପାଯନ ଉଵାଚ
ଆର୍ଯା କାତ୍ଯାଯନୀ ଦେଵୀ କୌଶିକୀ ବ୍ରହ୍ମଚାରିଣୀ ।
ଜନନୀ ସିଦ୍ଧସେନସ୍ଯ ଦୁର୍ଗା ଵୀରା ମହାତପାଃ ॥ ୧॥

ଜଯା ଚ ଵିଜଯା ଚୈଵ ପୁଷ୍ଟିଶ୍ଚ ତ୍ଵଂ କ୍ଷମା ଦଯା ।
ଜ୍ଯେଷ୍ଠା ଯମସ୍ଯ ଭଗିନୀ ନୀଲକୌଶେଯଵାସିନୀ ॥ ୨॥

ବହୁରୂପା ଵିରୂପା ଚ ଅନେକଵିଧରୂପିଣୀ ।
ଵିରୂପାକ୍ଷୀ ଵିଶାଲାକ୍ଷୀ ଭକ୍ତାନାଂ ପରିରକ୍ଷଣୀ ॥ ୩॥

ପର୍ଵତାଗ୍ରେଷୁ ଘୋରେଷୁ ନଦୀଷୁ ଚ ଗୁହାସୁ ଚ ।
ଵାସସ୍ତଵ ମହାଦେଵି ଵନେଷୂପଵନେଷୁ ଚ ॥ ୪॥

ଶବରୈର୍ବର୍ବରୈଶ୍ଚୈଵ ପୁଲିନ୍ଦୈଶ୍ଚ ସୁପୂଜିତା ।
ମଯୂରପକ୍ଷଧ୍ଵଜିନୀ ଲୋକାନ୍ କ୍ରାମସି ସର୍ଵଶଃ ॥ ୫॥

କୁକ୍କୁଟୈଶ୍ଚାଗଲୈର୍ମେଷୈଃ ସିଂହୈର୍ଵ୍ଯାଘ୍ରୈଃ ସମାକୁଲା ।
ଘଣ୍ଟାନିନାଦବହୁଲା ଵିଶ୍ରୁତା ଵିନ୍ଧ୍ଯଵାସିନୀ ॥ ୬॥

ତ୍ରିଶୂଲପଟ୍ଟିସଧରା ସୂର୍ଯଚନ୍ଦ୍ରପତାକିନୀ ।
ନଵମୀ କୃଷ୍ଣପକ୍ଷସ୍ଯ ଶୁକ୍ଲସ୍ଯୈକାଦଶୀ ପ୍ରିଯା ॥ ୭ ॥

ଭଗିନୀ ଵାସୁଦେଵସ୍ଯ ରଜନୀ କଲହପ୍ରିଯା ।
ଆଵାସଃ ସର୍ଵଭୂତାନାଂ ନିଷ୍ଠା ଚ ପରମା ଗତିଃ ॥ ୮ ॥

ନନ୍ଦଗୋପସୁତା ଚୈଵ ଦେଵାନାଂ ଵିଜଯାଵହା ।
ଚୀରଵାସାଃ ସୁଵାସାଶ୍ଚ ରୌଦ୍ରୀ ସନ୍ଧ୍ଯା ତ୍ଵମେଵ ଚ ॥ ୯॥

ପ୍ରକୀର୍ଣକେଶୀ ମୃତ୍ଯୁଶ୍ଚ ତଥା ମାଂସୌଦନପ୍ରିଯା ।
ଲକ୍ଷ୍ମୀରଲକ୍ଷ୍ମୀରୂପେଣ ଦାନଵାନାଂ ଵଧାଯ ଚ ॥ ୧୦॥

ସାଵିତ୍ରୀ ଚାପି ଦେଵାନାଂ ମାତା ଭୂତଗଣସ୍ଯ ଚ ।
ଅନ୍ତର୍ଵେଦୀ ଚ ଯଜ୍ଞାନାମୃତ୍ଵିଜାଂ ଚୈଵ ଦକ୍ଷିଣା ॥ ୧୧॥

ସିଦ୍ଧିଃ ସାଂଯାତ୍ରିକାଣାଂ ଚ ଵେଲା ସାଗରଯାଯିନାମ୍ ।
ଯକ୍ଷାଣାଂ ପ୍ରଥମା ଯକ୍ଷୀ ନାଗାନାଂ ସୁରସେତି ଚ ॥ ୧୨॥

କନ୍ଯାନାଂ ବ୍ରହ୍ମଚର୍ଯା ଚ ସୌଭାଗ୍ଯଂ ପ୍ରମଦାସୁ ଚ ।
ବ୍ରହ୍ମଵାଦିନ୍ଯଥୋ ଦୀକ୍ଷା ଶୋଭା ଚ ପରମା ତଥା ।
ଜ୍ଯୋତିଷାଂ ତ୍ଵଂ ପ୍ରଭା ଦେଵି ନକ୍ଷତ୍ରାଣାଂ ଚ ରୋହିଣୀ ॥ ୧୩॥

ରାଜଦ୍ଵାରେଷୁ ତୀର୍ଥେଷୁ ନଦୀନାଂ ସଙ୍ଗମେଷୁ ଚ ।
ପୂର୍ଣେ ଚ ପୂର୍ଣିମାଚନ୍ଦ୍ରେ କୃତ୍ତିଵାସା ଇତି ସ୍ମୃତା ॥ ୧୪॥

ସରସ୍ଵତୀ ଚ ଵାଲ୍ମୀକେଃ ସ୍ମୃତିର୍ଦ୍ଵୈପାଯନେ ତଥା ।
ସୁରଦେଵୀ ଚ ଭୂତେଷୁ ସ୍ତୂଯସେ ତ୍ଵଂ ସ୍ଵକର୍ମଭିଃ ॥ ୧୫॥

ଇନ୍ଦ୍ରସ୍ଯ ଚାରୁଦୃଷ୍ଟିସ୍ତ୍ଵଂ ସହସ୍ରନଯନେତି ଚ ।
ଋଷୀଣାଂ ଧର୍ମବୁଦ୍ଧିସ୍ତୁ ଦେଵାନାମଦିତିସ୍ତଥା ॥ ୧୬॥

କର୍ଷକାନାଂ ଚ ସୀତେତି ଭୂତାନାଂ ଧରଣୀତି ଚ ।
ତାପସାନାଂ ଚ ଦେଵୀ ତ୍ଵମରଣୀ ଚାଗ୍ନିହୋତ୍ରିଣାମ୍ ॥ ୧୭॥

କ୍ଷୁଧା ଚ ସର୍ଵଭୂତାନାଂ ତୃପ୍ତିସ୍ତ୍ଵଂ ଚ ଦିଵୌକସାମ୍ ।
ସ୍ଵାହା ତୁଷ୍ଟିର୍ଧୃତିର୍ମେଧା ଵସୂନାଂ ତ୍ଵଂ ଵସୂମତୀ ॥ ୧୮॥

ଆଶା ତ୍ଵଂ ମାନୁଷାଣାଂ ତୁ ତୁଷ୍ଟିଶ୍ଚ କୃତକର୍ମଣାମ୍ ।
ଦିଶଶ୍ଚ ଵିଦିଶଶ୍ଚୈଵ ତଥା ହ୍ଯଗ୍ନିଶିଖା ପ୍ରଭା ॥ ୧୯॥

ଶକୁନୀ ପୂତନା ଚ ତ୍ଵଂ ରେଵତୀ ଚ ସୁଦାରୁଣା ।
ନିଦ୍ରା ଚ ସର୍ଵଭୂତାନାଂ ମୋହନୀ କ୍ଷତ୍ରିଯା ତଥା ॥ ୨୦॥

ଵିଦ୍ଯାନାଂ ବ୍ରହ୍ମଵିଦ୍ଯା ତ୍ଵମୋଙ୍କାରୋଽସ୍ଥ ଵଷଟ୍ ତଥା ।
ନାରୀଣାଂ ପାର୍ଵତୀ ଚ ତ୍ଵଂ ପୌରାଣୀମୃଷଯୋ ଵିଦୁଃ ॥ ୨୧॥

ଅରୁନ୍ଧତ୍ଯେକଭର୍ତୄଣାଂ ପ୍ରଜାପତିଵଚୋ ଯଥା ।
ଭେଦୋ ଵିଵାଦଶୀଲାନଂ ତ୍ଵମିନ୍ଦ୍ରାଣୀତି ଵିଶ୍ରୁତା ।
ପର୍ଯାଯନାମଭିର୍ଦିଵ୍ଯୈରିନ୍ଦ୍ରାଣୀ ଚେତି ଵିଶ୍ରୁତା ॥ ୨୨॥

ତ୍ଵଯା ଵ୍ଯାପ୍ତମିଦଂ ସର୍ଵଂ ଜଗତ୍ ସ୍ଥାଵରଜଙ୍ଗମମ୍ ।
ସଙ୍ଗ୍ରାମେଷୁ ଚ ସର୍ଵେଷୁ ଅଗ୍ନିପ୍ରଜ୍ଵଲିତେଷୁ ଚ ॥ ୨୩ ॥

ନଦୀତୀରେଷୁ ଘୋରେଷୁ କାନ୍ତାରେଷୁ ଭଯେଷୁ ଚ ।
ପ୍ରଵାସେ ରାଜବନ୍ଧେ ଚ ଶତ୍ରୂଣାଂ ଚ ପ୍ରମର୍ଦନେ ॥ ୨୪ ॥

ପ୍ରାଣାତ୍ଯଯେଷୁ ସର୍ଵେଷୁ ତ୍ଵଂ ହି ରକ୍ଷା ନ ସଂଶଯଃ ।
ତ୍ଵଯି ମେ ହୃଦଯଂ ଦେଵି ତ୍ଵଯି ବୁଦ୍ଧିର୍ମନସ୍ତ୍ଵଯି ॥ ୨୫॥

ରକ୍ଷ ମାଂ ସର୍ଵପାପେଭ୍ଯଃ ପ୍ରସାଦଂ ଚ କରିଷ୍ଯସି ।
ଇମଂ ଦେଵ୍ଯାଃ ସ୍ତଵଂ ଦିଵ୍ଯମିତିହାସସମନ୍ଵିତମ୍ ॥ ୨୬॥

ଯଃ ପଠେତ୍ ପ୍ରାତରୁତ୍ଥାଯ ଶୁଚିଃ ପ୍ରଯତମାନସଃ ।
ତ୍ରିଭିଶ୍ଚ କାଙ୍କ୍ଷିତଂ ମାସୈଃ ଫଲଂ ଵୈ ସମ୍ପ୍ରଯଚ୍ଛତି ॥ ୨୭ ॥

ଷଡ୍ଭିର୍ମାସୈର୍ଵରିଷ୍ଠଂ ତୁ ଵରମେକଂ ପ୍ରଯଚ୍ଛତି ।
ଷଣ୍ମାସାନ୍ ପଠତେ ଯସ୍ତୁ କାଙ୍କ୍ଷିତଂ ଚ ଲଭେତ ସଃ ।
ଅର୍ଚିତା ନଵଭିର୍ମାସୈର୍ଦିଵ୍ଯଂ ଚକ୍ଷୁଃ ପ୍ରଯଚ୍ଛତି ॥ ୨୮ ॥

ସଂଵତ୍ସରେଣ ସିଦ୍ଧିଂ ତୁ ଯଥାକାମଂ ପ୍ରଯଚ୍ଛତି ।
ସତ୍ଯଂ ଚ ବ୍ରହ୍ମଚର୍ଯଂ ଚ ଦ୍ଵୈପାଯନଵଚୋ ଯଥା ॥ ୨୯ ॥

ଇତି ହରିଵଂଶାନୁବନ୍ଧଂ ଅନ୍ତର୍ଗତଂ ଦେଵୀସ୍ତଵଂ ସମ୍ପୂର୍ଣମ୍ ॥


From Haivamsha Appendix 8
Encoded and proofread by PSA Easwaran psaeaswaran at gmail

Please send corrections to sanskrit@cheerful.com
Last updated ତ୍oday
http://sanskritdocuments.org

Devi Stavam Lyrics in Oriya PDF
% File name : devIstavaharivaMsha.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : PSA Easwaran psaeaswaran at gmail
% Proofread by : PSA Easwaran psaeaswaran at gmail
% Latest update : Octobet 2, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website