{॥ ಭವಾನೀಭುಜಙ್ಗಪ್ರಯಾತಸ್ತೋತ್ರಮ್ ॥}
ಶ್ರೀ ಗಣೇಶಾಯ ನಮಃ ।
ಷಡಾಧಾರಪಙ್ಕೇರುಹಾನ್ತರ್ವಿರಾಜತ್
ಸುಷುಮ್ನಾನ್ತರಾಲೇಽತಿತೇಜೋಲ್ಲಸನ್ತೀಮ್ ।
ಸುಧಾಮಣ್ಡಲಂ ದ್ರಾವಯನ್ತೀಂ ಪಿಬನ್ತೀಂ
ಸುಧಾಮೂರ್ತಿಮೀಡೇಽಹಮಾನನ್ದರೂಪಾಮ್ ॥ ೧॥

ಜ್ವಲತ್ಕೋಟಿಬಾಲಾರ್ಕಭಾಸಾರುಣಾಙ್ಗೀಂ
ಸುಲಾವಣ್ಯಶೃಙ್ಗಾರಶೋಭಾಭಿರಾಮಾಮ್ ।
ಮಹಾಪದ್ಮಕಿಞ್ಜಲ್ಕಮಧ್ಯೇ ವಿರಾಜತ್
ತ್ರಿಕೋಣೋಲ್ಲಸನ್ತೀಂ ಭಜೇ ಶ್ರೀಭವಾನೀಮ್ ॥೨॥

ಕಣತ್ಕಿಙ್ಕಿಣೀನೂಪುರೋದ್ಭಾಸಿರತ್ನ
ಪ್ರಭಾಲೀಢಲಾಕ್ಷಾರ್ದ್ರಪಾದಾರವಿನ್ದಮ್ ।
ಅಜೇಶಾಚ್ಯುತಾದ್ಯೈಃ ಸುರೈಃ ಸೇವ್ಯಮಾನಂ
ಮಹಾದೇವಿ ಮನ್ಮೂರ್ಧ್ನಿ ತೇ ಭಾವಯಾಮಿ ॥ ೩॥

ಸುಷೋಣಾಮ್ಬರಾಬದ್ಧನೀವೀವಿರಾಜನ್
ಮಹಾರತ್ನಕಾಞ್ಚೀಕಲಾಪಂ ನಿತಮ್ಬಮ್ ।
ಸ್ಫುರದ್ದಕ್ಷಿಣಾವರ್ತನಾಭಿಂ ಚ ತಿಸ್ರೋ
ವಲೀ ರಮ್ಯತೇ ರೋಮರಾಜಿಂ ಭಜೇಽಹಮ್ ॥ ೪॥

ಲಸದ್ವೃತ್ತಮುತ್ತುಙ್ಗಮಾಣಿಕ್ಯಕುಮ್ಭೋ-
ಪಮಶ್ರೀಸ್ತನದ್ವನ್ದ್ವಮಮ್ಬಾಂಬುಜಾಕ್ಷೀಮ್ ।
ಭಜೇ ಪೂರ್ಣದುಗ್ಧಾಭಿರಾಮಂ ತವೇದಂ
ಮಹಾಹಾರದೀಪ್ತಂ ಸದಾ ಪ್ರಸ್ನುತಾಸ್ಯಮ್ ॥ ೫॥

ಶಿರೀಷಪ್ರಸೂನೋಲ್ಲಸದ್ಬಾಹುದಣ್ಡೈರ್-
ಜ್ವಲದ್ಬಾಣಕೋದಣ್ಡಪಾಶಾಙ್ಕುಶೈಶ್ಚ ।
ಚಲತ್ಕಙ್ಕಣೋದಾರಕೇಯೂರಭೂಷಾ
ಜ್ವಲದ್ಭಿಃ ಸ್ಫುರನ್ತೀಂ ಭಜೇ ಶ್ರೀಭವಾನೀಮ್ ॥ ೬॥

ಶರತ್ಪೂರ್ಣಚನ್ದ್ರಪ್ರಭಾಪೂರ್ಣಬಿಮ್ಬಾ
ಧರಸ್ಮೇರವಕ್ತ್ರಾರವಿನ್ದಶ್ರಿಯಂ ತೇ ।
ಸುರತ್ನಾವಲೀಹಾರತಾಟಙ್ಕಶೋಭಾ
ಭಜೇ ಸುಪ್ರಸನ್ನಾಮಹಂ ಶ್ರೀಭವಾನೀಮ್ ॥ ೭॥

ಸುನಾಸಾಪುಟಂ ಪದ್ಮಪತ್ರಾಯತಾಕ್ಷಂ
ಯಜನ್ತಃ ಶ್ರಿಯಂ ದಾನದಕ್ಷಂ ಕಟಾಕ್ಷಮ್ ।
ಲಲಾಟೋಲ್ಲಸದ್ಗನ್ಧಕಸ್ತೂರಿಭೂಷೋ-
ಜ್ಜ್ವಲದ್ಭಿಃ ಸ್ಫುರನ್ತೀಂ ಭಜೇ ಶ್ರೀಭವಾನೀಮ್ ॥ ೮॥

ಚಲತ್ಕುಣ್ಡಲಾಂ ತೇ ಭ್ರಮದ್ಭೃಙ್ಗವೃನ್ದಾಂ
ಘನಸ್ನಿಗ್ಧಧಮ್ಮಿಲ್ಲಭೂಷೋಜ್ಜ್ವಲನ್ತೀಮ್ ।
ಸ್ಫುರನ್ಮೌಲಿಮಾಣಿಕ್ಯಮಧ್ಯೇನ್ದುರೇಖಾ
ವಿಲಾಸೋಲ್ಲಸದ್ದಿವ್ಯಮೂರ್ಧಾನಮೀಡೇ ॥ ೯॥

ಸ್ಫುರತ್ವಮ್ಬ ಬಿಮ್ಬಸ್ಯ ಮೇ ಹೃತ್ಸರೋಜೇ
ಸದಾ ವಾಙ್ಮಯಂ ಸರ್ವತೇಜೋಮಯಂ ಚ ।
ಇತಿ ಶ್ರೀಭವಾನೀಸ್ವರೂಪಂ ತದೇವಂ
ಪ್ರಪಞ್ಚಾತ್ಪರಂ ಚಾತಿಸೂಕ್ಷ್ಮಂ ಪ್ರಸನ್ನಮ್ ॥ ೧೦॥

ಗಣೇಶಾಣಿಮಾದ್ಯಾಖಿಲೈಃ ಶಕ್ತಿವೃನ್ದೈಃ
ಸ್ಫುರಚ್ಛ್ರೀಮಹಾಚಕ್ರರಾಜೋಲ್ಲಸನ್ತೀಮ್ ।
ಪರಾಂ ರಾಜರಾಜೇಶ್ವರೀಂ ತ್ವಾ ಭವಾನೀಂ (ತ್ರೈಪುರಿ ತ್ವಾಂ)
ಶಿವಾಙ್ಕೋಪರಿಸ್ಥಾ।ಚ್ಂ ಶಿವಾ।ಚ್ಂ ಭಾವಯೇಽಹಮ್ ॥ ೧೧॥

ತ್ವಮರ್ಕಸ್ತ್ವಮಗ್ನಿಸ್ತ್ವಮಿನ್ದುಸ್ತ್ವಮಾಪ-
ಸ್ತ್ವಮಾಕಾಶಭೂರ್ವಾಯವಸ್ತ್ವಂ ಚಿದಾತ್ಮಾ ।
ತ್ವದನ್ಯೋ ನ ಕಶ್ಚಿತ್ಪ್ರಕಾಶೋಽಸ್ತಿ ಸರ್ವಂ
ಸದಾನನ್ದಸಂವಿತ್ಸ್ವರೂಪಂ ತವೇದಮ್ ॥ ೧೨॥

ಗುರುಸ್ತ್ವಂ ಶಿವಸ್ತ್ವಂ ಚ ಶಕ್ತಿಸ್ತ್ವಮೇವ
ತ್ವಮೇವಾಸಿ ಮಾತಾ ಪಿತಾಽಸಿ ತ್ವಮೇವ ।
ತ್ವಮೇವಾಸಿ ವಿದ್ಯಾ ತ್ವಮೇವಾಸಿ ಬುದ್ಧಿರ್-
ಗತಿರ್ಮೇ ಮತಿರ್ದೇವಿ ಸರ್ವಂ ತ್ವಮೇವ ॥ ೧೩॥

ಶ್ರುತೀನಾಮಗಮ್ಯಂ ಸುವೇದಾಗಮಾದ್ಯೈರ್-
ಮಹಿಮ್ನೋ ನ ಜಾನಾತಿ ಪಾರಂ ತವೇದಮ್ ।
ಸ್ತುತಿಂ ಕರ್ತುಮಿಚ್ಛಾಮಿ ತೇ ತ್ವಂ ಭವಾನಿ
ಕ್ಷಮಸ್ವೇದಮಮ್ಬ ಪ್ರಮುಗ್ಧಃ ಕಿಲಾಹಮ್ ॥ ೧೪॥

ಶರಣ್ಯೇ ವರೇಣ್ಯೇ ಸುಕಾರುಣ್ಯಪೂರ್ಣೇ
ಹಿರಣ್ಯೋದರಾದ್ಯೈರಗಮ್ಯೇಽತಿಪುಣ್ಯೇ ।
ಭವಾರಣ್ಯಭೀತಂ ಚ ಮಾಂ ಪಾಹಿ ಭದ್ರೇ
ನಮಸ್ತೇ ನಮಸ್ತೇ ನಮಸ್ತೇ ಭವಾನಿ ॥ ೧೫॥

ಇಮಾಮನ್ವಹಂ ಶ್ರೀಭವಾನೀಭುಜಙ್ಗ-
ಸ್ತುತಿರ್ಯಃ ಪಠೇಚ್ಛ್ರೋತುಮಿಚ್ಛೇತ ತಸ್ಮೈ ।
ಸ್ವಕೀಯಂ ಪದಂ ಶಾಶ್ವತಂ ಚೈವ ಸಾರಂ
ಶ್ರಿಯಂ ಚಾಷ್ಟಸಿದ್ಧಿಂ ಭವಾನೀ ದದಾತಿ ॥ ೧೬॥


(ಭವಾನೀ ಭವಾನೀ ಭವಾನೀ ತ್ರಿವಾರಮ್-
ಉದಾರಮ್ ಮುದಾ ಸರ್ವದಾ ಯೇ ಜಪನ್ತಿ ।
ನ ಶೋಕಮ್ ನ ಮೋಹಮ್ ನ ಪಾಪಂ ನ ಭೀತಿಃ
ಕದಾಚಿತ್ಕಥಂಚಿತ್ಕುತಶ್ಚಜ್ಜನಾನಾಮ್ ॥ ೧೭)


ಇತಿ ಶ್ರೀಮಚ್ಛಙ್ಕರಾಚಾರ್ಯವಿರಚಿತಂ
ಭವಾನೀಭುಜಙ್ಗಪ್ರಯಾತಸ್ತೋತ್ರಂ ಸಮ್ಪೂರ್ಣಮ್ ॥



Please send corrections to sanskrit@cheerful.com
Last updated ತ್oday
http://sanskritdocuments.org

Bhavani Bhujanga Prayata Stotram Lyrics in Kannada PDF
% File name : bhavanibhujanga.itx
% Category : bhujanga
% Location : doc\_devii
% Author : Shri Shankaracharya
% Language : Sanskrit
% Subject : philosophy/hinduism/religion
% Latest update : November 11, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website