{॥ భవానీభుజఙ్గప్రయాతస్తోత్రమ్ ॥}
శ్రీ గణేశాయ నమః ।
షడాధారపఙ్కేరుహాన్తర్విరాజత్
సుషుమ్నాన్తరాలేఽతితేజోల్లసన్తీమ్ ।
సుధామణ్డలం ద్రావయన్తీం పిబన్తీం
సుధామూర్తిమీడేఽహమానన్దరూపామ్ ॥ ౧॥

జ్వలత్కోటిబాలార్కభాసారుణాఙ్గీం
సులావణ్యశృఙ్గారశోభాభిరామామ్ ।
మహాపద్మకిఞ్జల్కమధ్యే విరాజత్
త్రికోణోల్లసన్తీం భజే శ్రీభవానీమ్ ॥౨॥

కణత్కిఙ్కిణీనూపురోద్భాసిరత్న
ప్రభాలీఢలాక్షార్ద్రపాదారవిన్దమ్ ।
అజేశాచ్యుతాద్యైః సురైః సేవ్యమానం
మహాదేవి మన్మూర్ధ్ని తే భావయామి ॥ ౩॥

సుషోణామ్బరాబద్ధనీవీవిరాజన్
మహారత్నకాఞ్చీకలాపం నితమ్బమ్ ।
స్ఫురద్దక్షిణావర్తనాభిం చ తిస్రో
వలీ రమ్యతే రోమరాజిం భజేఽహమ్ ॥ ౪॥

లసద్వృత్తముత్తుఙ్గమాణిక్యకుమ్భో-
పమశ్రీస్తనద్వన్ద్వమమ్బాంబుజాక్షీమ్ ।
భజే పూర్ణదుగ్ధాభిరామం తవేదం
మహాహారదీప్తం సదా ప్రస్నుతాస్యమ్ ॥ ౫॥

శిరీషప్రసూనోల్లసద్బాహుదణ్డైర్-
జ్వలద్బాణకోదణ్డపాశాఙ్కుశైశ్చ ।
చలత్కఙ్కణోదారకేయూరభూషా
జ్వలద్భిః స్ఫురన్తీం భజే శ్రీభవానీమ్ ॥ ౬॥

శరత్పూర్ణచన్ద్రప్రభాపూర్ణబిమ్బా
ధరస్మేరవక్త్రారవిన్దశ్రియం తే ।
సురత్నావలీహారతాటఙ్కశోభా
భజే సుప్రసన్నామహం శ్రీభవానీమ్ ॥ ౭॥

సునాసాపుటం పద్మపత్రాయతాక్షం
యజన్తః శ్రియం దానదక్షం కటాక్షమ్ ।
లలాటోల్లసద్గన్ధకస్తూరిభూషో-
జ్జ్వలద్భిః స్ఫురన్తీం భజే శ్రీభవానీమ్ ॥ ౮॥

చలత్కుణ్డలాం తే భ్రమద్భృఙ్గవృన్దాం
ఘనస్నిగ్ధధమ్మిల్లభూషోజ్జ్వలన్తీమ్ ।
స్ఫురన్మౌలిమాణిక్యమధ్యేన్దురేఖా
విలాసోల్లసద్దివ్యమూర్ధానమీడే ॥ ౯॥

స్ఫురత్వమ్బ బిమ్బస్య మే హృత్సరోజే
సదా వాఙ్మయం సర్వతేజోమయం చ ।
ఇతి శ్రీభవానీస్వరూపం తదేవం
ప్రపఞ్చాత్పరం చాతిసూక్ష్మం ప్రసన్నమ్ ॥ ౧౦॥

గణేశాణిమాద్యాఖిలైః శక్తివృన్దైః
స్ఫురచ్ఛ్రీమహాచక్రరాజోల్లసన్తీమ్ ।
పరాం రాజరాజేశ్వరీం త్వా భవానీం (త్రైపురి త్వాం)
శివాఙ్కోపరిస్థా।చ్ం శివా।చ్ం భావయేఽహమ్ ॥ ౧౧॥

త్వమర్కస్త్వమగ్నిస్త్వమిన్దుస్త్వమాప-
స్త్వమాకాశభూర్వాయవస్త్వం చిదాత్మా ।
త్వదన్యో న కశ్చిత్ప్రకాశోఽస్తి సర్వం
సదానన్దసంవిత్స్వరూపం తవేదమ్ ॥ ౧౨॥

గురుస్త్వం శివస్త్వం చ శక్తిస్త్వమేవ
త్వమేవాసి మాతా పితాఽసి త్వమేవ ।
త్వమేవాసి విద్యా త్వమేవాసి బుద్ధిర్-
గతిర్మే మతిర్దేవి సర్వం త్వమేవ ॥ ౧౩॥

శ్రుతీనామగమ్యం సువేదాగమాద్యైర్-
మహిమ్నో న జానాతి పారం తవేదమ్ ।
స్తుతిం కర్తుమిచ్ఛామి తే త్వం భవాని
క్షమస్వేదమమ్బ ప్రముగ్ధః కిలాహమ్ ॥ ౧౪॥

శరణ్యే వరేణ్యే సుకారుణ్యపూర్ణే
హిరణ్యోదరాద్యైరగమ్యేఽతిపుణ్యే ।
భవారణ్యభీతం చ మాం పాహి భద్రే
నమస్తే నమస్తే నమస్తే భవాని ॥ ౧౫॥

ఇమామన్వహం శ్రీభవానీభుజఙ్గ-
స్తుతిర్యః పఠేచ్ఛ్రోతుమిచ్ఛేత తస్మై ।
స్వకీయం పదం శాశ్వతం చైవ సారం
శ్రియం చాష్టసిద్ధిం భవానీ దదాతి ॥ ౧౬॥


(భవానీ భవానీ భవానీ త్రివారమ్-
ఉదారమ్ ముదా సర్వదా యే జపన్తి ।
న శోకమ్ న మోహమ్ న పాపం న భీతిః
కదాచిత్కథంచిత్కుతశ్చజ్జనానామ్ ॥ ౧౭)


ఇతి శ్రీమచ్ఛఙ్కరాచార్యవిరచితం
భవానీభుజఙ్గప్రయాతస్తోత్రం సమ్పూర్ణమ్ ॥



Please send corrections to sanskrit@cheerful.com
Last updated త్oday
http://sanskritdocuments.org

Bhavani Bhujanga Prayata Stotram Lyrics in Telugu PDF
% File name : bhavanibhujanga.itx
% Category : bhujanga
% Location : doc\_devii
% Author : Shri Shankaracharya
% Language : Sanskrit
% Subject : philosophy/hinduism/religion
% Latest update : November 11, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website