{॥ ಅಷ್ಟಲಕ್ಷ್ಮೀಸ್ತೋತ್ರಮ್ ॥}
॥ ಆದಿಲಕ್ಷ್ಮೀ ॥
ಸುಮನಸವನ್ದಿತ ಸುನ್ದರಿ ಮಾಧವಿ
ಚನ್ದ್ರ ಸಹೋದರಿ ಹೇಮಮಯೇ ।
ಮುನಿಗಣಮಣ್ಡಿತ ಮೋಕ್ಷಪ್ರದಾಯಿನಿ
ಮಞ್ಜುಳಭಾಷಿಣಿ ವೇದನುತೇ ॥

ಪಙ್ಕಜವಾಸಿನಿ ದೇವಸುಪೂಜಿತ
ಸದ್ಗುಣವರ್ಷಿಣಿ ಶಾನ್ತಿಯುತೇ ।
ಜಯಜಯ ಹೇ ಮಧುಸೂದನ ಕಾಮಿನಿ
ಆದಿಲಕ್ಷ್ಮಿ ಸದಾ ಪಾಲಯ ಮಾಮ್ ॥ ೧॥

॥ ಧಾನ್ಯಲಕ್ಷ್ಮೀ ॥
ಅಹಿಕಲಿ ಕಲ್ಮಷನಾಶಿನಿ ಕಾಮಿನಿ
ವೈದಿಕರೂಪಿಣಿ ವೇದಮಯೇ ।
ಕ್ಷೀರಸಮುದ್ಭವ ಮಙ್ಗಲರೂಪಿಣಿ
ಮನ್ತ್ರನಿವಾಸಿನಿ ಮನ್ತ್ರನುತೇ ॥

ಮಙ್ಗಲದಾಯಿನಿ ಅಮ್ಬುಜವಾಸಿನಿ
ದೇವಗಣಾಶ್ರಿತ ಪಾದಯುತೇ ।
ಜಯಜಯ ಹೇ ಮಧುಸೂದನ ಕಾಮಿನಿ
ಧಾನ್ಯಲಕ್ಷ್ಮಿ ಸದಾ ಪಾಲಯ ಮಾಮ್ ॥ ೨॥

॥ ಧೈರ್ಯಲಕ್ಷ್ಮೀ ॥
ಜಯವರವರ್ಣಿನಿ ವೈಷ್ಣವಿ ಭಾರ್ಗವಿ
ಮನ್ತ್ರಸ್ವರೂಪಿಣಿ ಮನ್ತ್ರಮಯೇ ।
ಸುರಗಣಪೂಜಿತ ಶೀಘ್ರಫಲಪ್ರದ
ಜ್ಞಾನವಿಕಾಸಿನಿ ಶಾಸ್ತ್ರನುತೇ ॥

ಭವಭಯಹಾರಿಣಿ ಪಾಪವಿಮೋಚನಿ
ಸಾಧುಜನಾಶ್ರಿತ ಪಾದಯುತೇ ।
ಜಯಜಯ ಹೇ ಮಧುಸೂದನ ಕಾಮಿನಿ
ಧೈರ್ಯಲಕ್ಷ್ಮಿ ಸದಾ ಪಾಲಯ ಮಾಮ್ ॥ ೩॥

॥ ಗಜಲಕ್ಷ್ಮೀ ॥
ಜಯಜಯ ದುರ್ಗತಿನಾಶಿನಿ ಕಾಮಿನಿ
ಸರ್ವಫಲಪ್ರದ ಶಾಸ್ತ್ರಮಯೇ ।
ರಥಗಜ ತುರಗಪದಾದಿ ಸಮಾವೃತ
ಪರಿಜನಮಣ್ಡಿತ ಲೋಕನುತೇ ॥

ಹರಿಹರ ಬ್ರಹ್ಮ ಸುಪೂಜಿತ ಸೇವಿತ
ತಾಪನಿವಾರಿಣಿ ಪಾದಯುತೇ ।
ಜಯಜಯ ಹೇ ಮಧುಸೂದನ ಕಾಮಿನಿ
ಗಜಲಕ್ಷ್ಮಿ ರೂಪೇಣ ಪಾಲಯ ಮಾಮ್ ॥ ೪॥

॥ ಸನ್ತಾನಲಕ್ಷ್ಮೀ ॥
ಅಹಿಖಗ ವಾಹಿನಿ ಮೋಹಿನಿ ಚಕ್ರಿಣಿ
ರಾಗವಿವರ್ಧಿನಿ ಜ್ಞಾನಮಯೇ ।
ಗುಣಗಣವಾರಿಧಿ ಲೋಕಹಿತೈಷಿಣಿ
ಸ್ವರಸಪ್ತ ಭೂಷಿತ ಗಾನನುತೇ ॥

ಸಕಲ ಸುರಾಸುರ ದೇವಮುನೀಶ್ವರ
ಮಾನವವನ್ದಿತ ಪಾದಯುತೇ ।
ಜಯಜಯ ಹೇ ಮಧುಸೂದನ ಕಾಮಿನಿ
ಸನ್ತಾನಲಕ್ಷ್ಮಿ ತ್ವಂ ಪಾಲಯ ಮಾಮ್ ॥ ೫॥

॥ ವಿಜಯಲಕ್ಷ್ಮೀ ॥
ಜಯ ಕಮಲಾಸನಿ ಸದ್ಗತಿದಾಯಿನಿ
ಜ್ಞಾನವಿಕಾಸಿನಿ ಗಾನಮಯೇ ।
ಅನುದಿನಮರ್ಚಿತ ಕುಙ್ಕುಮಧೂಸರ-
ಭೂಷಿತ ವಾಸಿತ ವಾದ್ಯನುತೇ ॥

ಕನಕಧರಾಸ್ತುತಿ ವೈಭವ ವನ್ದಿತ
ಶಙ್ಕರ ದೇಶಿಕ ಮಾನ್ಯ ಪದೇ ।
ಜಯಜಯ ಹೇ ಮಧುಸೂದನ ಕಾಮಿನಿ
ವಿಜಯಲಕ್ಷ್ಮಿ ಸದಾ ಪಾಲಯ ಮಾಮ್ ॥ ೬॥

॥ ವಿದ್ಯಾಲಕ್ಷ್ಮೀ ॥
ಪ್ರಣತ ಸುರೇಶ್ವರಿ ಭಾರತಿ ಭಾರ್ಗವಿ
ಶೋಕವಿನಾಶಿನಿ ರತ್ನಮಯೇ ।
ಮಣಿಮಯಭೂಷಿತ ಕರ್ಣವಿಭೂಷಣ
ಶಾನ್ತಿಸಮಾವೃತ ಹಾಸ್ಯಮುಖೇ ॥

ನವನಿಧಿದಾಯಿನಿ ಕಲಿಮಲಹಾರಿಣಿ
ಕಾಮಿತ ಫಲಪ್ರದ ಹಸ್ತಯುತೇ ।
ಜಯಜಯ ಹೇ ಮಧುಸೂದನ ಕಾಮಿನಿ
ವಿದ್ಯಾಲಕ್ಷ್ಮಿ ಸದಾ ಪಾಲಯ ಮಾಮ್ ॥೭॥

॥ ಧನಲಕ್ಷ್ಮೀ ॥
ಧಿಮಿಧಿಮಿ ಧಿಂಧಿಮಿ ಧಿಂಧಿಮಿ ಧಿಂಧಿಮಿ
ದುನ್ದುಭಿ ನಾದ ಸುಪೂರ್ಣಮಯೇ ।
ಘುಮಘುಮ ಘುಂಘುಮ ಘುಂಘುಮ ಘುಂಘುಮ
ಶಙ್ಖನಿನಾದ ಸುವಾದ್ಯನುತೇ ॥

ವೇದಪುರಾಣೇತಿಹಾಸ ಸುಪೂಜಿತ
ವೈದಿಕಮಾರ್ಗ ಪ್ರದರ್ಶಯುತೇ ।
ಜಯಜಯ ಹೇ ಮಧುಸೂದನ ಕಾಮಿನಿ
ಧನಲಕ್ಷ್ಮಿ ರೂಪೇಣ ಪಾಲಯ ಮಾಮ್ ॥ ೮॥



Please send corrections to sanskrit@cheerful.com
Last updated ತ್oday
http://sanskritdocuments.org

Ashta Lakshmi Stotram Lyrics in Kannada PDF
% File name : ashtalaxmistotra.itx
% Category : aShTaka
% Location : doc\_devii
% Author : Unknown
% Language : Sanskrit
% Subject : religion/hinduism
% Transliterated by : Suprabha Pavuluri
% Proofread by : Sunder Hattangadi sunderh at hotmail.com
% Description-comments : Hymn in praise of Laxmi, in her 8 forms
% Latest update : Nov. 12, 1999
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website