{॥ అష్టలక్ష్మీస్తోత్రమ్ ॥}
॥ ఆదిలక్ష్మీ ॥
సుమనసవన్దిత సున్దరి మాధవి
చన్ద్ర సహోదరి హేమమయే ।
మునిగణమణ్డిత మోక్షప్రదాయిని
మఞ్జుళభాషిణి వేదనుతే ॥

పఙ్కజవాసిని దేవసుపూజిత
సద్గుణవర్షిణి శాన్తియుతే ।
జయజయ హే మధుసూదన కామిని
ఆదిలక్ష్మి సదా పాలయ మామ్ ॥ ౧॥

॥ ధాన్యలక్ష్మీ ॥
అహికలి కల్మషనాశిని కామిని
వైదికరూపిణి వేదమయే ।
క్షీరసముద్భవ మఙ్గలరూపిణి
మన్త్రనివాసిని మన్త్రనుతే ॥

మఙ్గలదాయిని అమ్బుజవాసిని
దేవగణాశ్రిత పాదయుతే ।
జయజయ హే మధుసూదన కామిని
ధాన్యలక్ష్మి సదా పాలయ మామ్ ॥ ౨॥

॥ ధైర్యలక్ష్మీ ॥
జయవరవర్ణిని వైష్ణవి భార్గవి
మన్త్రస్వరూపిణి మన్త్రమయే ।
సురగణపూజిత శీఘ్రఫలప్రద
జ్ఞానవికాసిని శాస్త్రనుతే ॥

భవభయహారిణి పాపవిమోచని
సాధుజనాశ్రిత పాదయుతే ।
జయజయ హే మధుసూదన కామిని
ధైర్యలక్ష్మి సదా పాలయ మామ్ ॥ ౩॥

॥ గజలక్ష్మీ ॥
జయజయ దుర్గతినాశిని కామిని
సర్వఫలప్రద శాస్త్రమయే ।
రథగజ తురగపదాది సమావృత
పరిజనమణ్డిత లోకనుతే ॥

హరిహర బ్రహ్మ సుపూజిత సేవిత
తాపనివారిణి పాదయుతే ।
జయజయ హే మధుసూదన కామిని
గజలక్ష్మి రూపేణ పాలయ మామ్ ॥ ౪॥

॥ సన్తానలక్ష్మీ ॥
అహిఖగ వాహిని మోహిని చక్రిణి
రాగవివర్ధిని జ్ఞానమయే ।
గుణగణవారిధి లోకహితైషిణి
స్వరసప్త భూషిత గాననుతే ॥

సకల సురాసుర దేవమునీశ్వర
మానవవన్దిత పాదయుతే ।
జయజయ హే మధుసూదన కామిని
సన్తానలక్ష్మి త్వం పాలయ మామ్ ॥ ౫॥

॥ విజయలక్ష్మీ ॥
జయ కమలాసని సద్గతిదాయిని
జ్ఞానవికాసిని గానమయే ।
అనుదినమర్చిత కుఙ్కుమధూసర-
భూషిత వాసిత వాద్యనుతే ॥

కనకధరాస్తుతి వైభవ వన్దిత
శఙ్కర దేశిక మాన్య పదే ।
జయజయ హే మధుసూదన కామిని
విజయలక్ష్మి సదా పాలయ మామ్ ॥ ౬॥

॥ విద్యాలక్ష్మీ ॥
ప్రణత సురేశ్వరి భారతి భార్గవి
శోకవినాశిని రత్నమయే ।
మణిమయభూషిత కర్ణవిభూషణ
శాన్తిసమావృత హాస్యముఖే ॥

నవనిధిదాయిని కలిమలహారిణి
కామిత ఫలప్రద హస్తయుతే ।
జయజయ హే మధుసూదన కామిని
విద్యాలక్ష్మి సదా పాలయ మామ్ ॥౭॥

॥ ధనలక్ష్మీ ॥
ధిమిధిమి ధింధిమి ధింధిమి ధింధిమి
దున్దుభి నాద సుపూర్ణమయే ।
ఘుమఘుమ ఘుంఘుమ ఘుంఘుమ ఘుంఘుమ
శఙ్ఖనినాద సువాద్యనుతే ॥

వేదపురాణేతిహాస సుపూజిత
వైదికమార్గ ప్రదర్శయుతే ।
జయజయ హే మధుసూదన కామిని
ధనలక్ష్మి రూపేణ పాలయ మామ్ ॥ ౮॥



Please send corrections to sanskrit@cheerful.com
Last updated త్oday
http://sanskritdocuments.org

Ashta Lakshmi Stotram Lyrics in Telugu PDF
% File name : ashtalaxmistotra.itx
% Category : aShTaka
% Location : doc\_devii
% Author : Unknown
% Language : Sanskrit
% Subject : religion/hinduism
% Transliterated by : Suprabha Pavuluri
% Proofread by : Sunder Hattangadi sunderh at hotmail.com
% Description-comments : Hymn in praise of Laxmi, in her 8 forms
% Latest update : Nov. 12, 1999
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website