{॥ କନକ ଧାରାସ୍ତୋତ୍ର ॥}
ଅଙ୍ଗଂ ହରେଃ ପୁଲକଭୂଷଣମାଶ୍ରଯନ୍ତୀ
ଭୃଙ୍ଗାଙ୍ଗନେଵ ମୁକୁଲାଭରଣଂ ତମାଲମ୍ ।
ଅଙ୍ଗୀକୃତାଖିଲଵିଭୂତିରପାଙ୍ଗଲୀଲା
ମାଙ୍ଗଲ୍ଯଦାସ୍ତୁ ମମ ମଙ୍ଗଳଦେଵତାଯାଃ ॥ ୧॥

ମୁଗ୍ଧା ମୁହୁର୍ଵିଦଧତୀ ଵଦନେ ମୁରାରେଃ
ପ୍ରେମତ୍ରପାପ୍ରଣିହିତାନି ଗତାଗତାନି ।
ମାଲା ଦୃଶୋର୍ମଧୁକରୀଵ ମହୋତ୍ପଲେ ଯା
ସା ମେ ଶ୍ରିଯଂ ଦିଶତୁ ସାଗରସଂଭଵାଯାଃ ॥ ୨॥

ଆମୀଲିତାକ୍ଷମଧିଗମ୍ଯ ମୁଦା ମୁକୁନ୍ଦଂ
ଆନନ୍ଦକନ୍ଦମନିମେଷମନଙ୍ଗତନ୍ତ୍ରମ୍ ।
ଆକେକରସ୍ଥିତକନୀନିକପକ୍ଷ୍ମନେତ୍ରଂ
ଭୂତ୍ଯୈ ଭଵେନ୍ମମ ଭୁଜଙ୍ଗଶଯାଙ୍ଗନାଯାଃ ॥ ୩॥

ବାହ୍ଵନ୍ତରେ ମଧୁଜିତଃ ଶ୍ରିତକୌସ୍ତୁଭେ ଯା
ହାରାଵଲୀଵ ହରିନୀଲମଯୀ ଵିଭାତି ।
କାମପ୍ରଦା ଭଗଵତୋଽପି କଟାକ୍ଷମାଲା
କଲ୍ଯାଣମାଵହତୁ ମେ କମଲାଲଯାଯାଃ ॥ ୪॥

କାଲାମ୍ବୁଦାଳିଲଲିତୋରସି କୈଟଭାରେଃ
ଧାରାଧରେ ସ୍ଫୁରତି ଯା ତଡିଦଙ୍ଗନେଵ ।
ମାତୁସ୍ସମସ୍ତଜଗତାଂ ମହନୀଯମୂର୍ତିଃ
ଭଦ୍ରାଣି ମେ ଦିଶତୁ ଭାର୍ଗଵନନ୍ଦନାଯାଃ ॥ ୫॥

ପ୍ରାପ୍ତଂ ପଦଂ ପ୍ରଥମତଃ ଖଲୁ ଯତ୍ପ୍ରଭାଵାତ୍
ମାଙ୍ଗଲ୍ଯଭାଜି ମଧୁମାଥିନି ମନ୍ମଥେନ ।
ମଯ୍ଯାପତେତ୍ତଦିହ ମନ୍ଥରମୀକ୍ଷଣାର୍ଧଂ
ମନ୍ଦାଲସଂ ଚ ମକରାଲଯକନ୍ଯକାଯାଃ ॥ ୬॥

ଵିଶ୍ଵାମରେନ୍ଦ୍ରପଦଵୀଭ୍ରମଦାନଦକ୍ଷଂ
ଆନନ୍ଦହେତୁରଧିକଂ ମୁରଵିଦ୍ଵିଷୋଽପି ।
ଈଷନ୍ନିଷୀଦତୁ ମଯି କ୍ଷଣମୀକ୍ଷଣାର୍ଦ୍ଧମ୍
ଇନ୍ଦୀଵରୋଦରସହୋଦରମିନ୍ଦିରାଯାଃ ॥ ୭॥

ଇଷ୍ଟା ଵିଶିଷ୍ଟମତଯୋଽପି ଯଯା ଦଯାର୍ଦ୍ର
ଦୃଷ୍ଟ୍ଯା ତ୍ରିଵିଷ୍ଟପପଦଂ ସୁଲଭଂ ଲଭନ୍ତେ ।
ଦୃଷ୍ଟିଃ ପ୍ରହୃଷ୍ଟକମଲୋଦରଦୀପ୍ତିରିଷ୍ଟାଂ
ପୁଷ୍ଟିଂ କୃଷୀଷ୍ଟ ମମ ପୁଷ୍କରଵିଷ୍ଟରାଯାଃ ॥ ୮॥

ଦଦ୍ଯାଦ୍ଦଯାନୁପଵନୋ ଦ୍ରଵିଣାମ୍ବୁଧାରାଂ
ଅସ୍ମିନ୍ନକିଞ୍ଚନଵିହଙ୍ଗଶିଶୌ ଵିଷଣ୍ଣେ ।
ଦୁଷ୍କର୍ମଘର୍ମମପନୀଯ ଚିରାଯ ଦୂରଂ
ନାରାଯଣପ୍ରଣଯିନୀନଯନାମ୍ବୁଵାହଃ ॥ ୯॥

ଗୀର୍ଦେଵତେତି ଗରୁଡଧ୍ଵଜସୁନ୍ଦରୀତି
ଶାକମ୍ବରୀତି ଶଶିଶେଖରଵଲ୍ଲଭେତି ।
ସୃଷ୍ଟିସ୍ଥିତିପ୍ରଲଯକେଲିଷୁ ସଂସ୍ଥିତା ଯା
ତସ୍ଯୈ ନମସ୍ତ୍ରିଭୁଵନୈକଗୁରୋସ୍ତରୁଣ୍ଯୈ ॥ ୧୦॥

ଶ୍ରୁତ୍ଯୈ ନମୋଽସ୍ତୁ ଶୁଭକର୍ମଫଲପ୍ରସୂତ୍ଯୈ
ରତ୍ଯୈ ନମୋଽସ୍ତୁ ରମଣୀଯଗୁଣାର୍ଣଵାଯୈ ।
ଶକ୍ତ୍ଯୈ ନମୋଽସ୍ତୁ ଶତପତ୍ରନିକେତନାଯୈ
ପୁଷ୍ଟ୍ଯୈ ନମୋଽସ୍ତୁ ପୁରୁଷୋତ୍ତମଵଲ୍ଲଭାଯୈ ॥ ୧୧॥

ନମୋଽସ୍ତୁ ନାଲୀକନିଭାନନାଯୈ
ନମୋଽସ୍ତୁ ଦୁଗ୍ଧୋଦଧିଜନ୍ମଭୂମ୍ଯୈ ।
ନମୋଽସ୍ତୁ ସୋମାମୃତସୋଦରାଯୈ
ନମୋଽସ୍ତୁ ନାରାଯଣଵଲ୍ଲଭାଯୈ ॥ ୧୨॥

ନମୋଽସ୍ତୁ ହେମାମ୍ବୁଜପୀଠିକାଯୈ
ନମୋଽସ୍ତୁ ଭୂମଣ୍ଡଲନାଯିକାଯୈ ।
ନମୋଽସ୍ତୁ ଦେଵାଦିଦଯାପରାଯୈ
ନମୋଽସ୍ତୁ ଶାର୍ଙ୍ଗାଯୁଧଵଲ୍ଲଭାଯୈ ॥ ୧୩॥

ନମୋଽସ୍ତୁ ଦେଵ୍ଯୈ ଭୃଗୁନନ୍ଦନାଯୈ
ନମୋଽସ୍ତୁ ଵିଷ୍ଣୋରୁରସି ସ୍ଥିତାଯୈ ।
ନମୋଽସ୍ତୁ ଲକ୍ଷ୍ମ୍ଯୈ କମଲାଲଯାଯୈ
ନମୋଽସ୍ତୁ ଦାମୋଦରଵଲ୍ଲଭାଯୈ ॥ ୧୪॥

ନମୋଽସ୍ତୁ କାନ୍ତ୍ଯୈ କମଲେକ୍ଷଣାଯୈ
ନମୋଽସ୍ତୁ ଭୂତ୍ଯୈ ଭୁଵନପ୍ରସୂତ୍ଯୈ ।
ନମୋଽସ୍ତୁ ଦେଵାଦିଭିରର୍ଚିତାଯୈ
ନମୋଽସ୍ତୁ ନନ୍ଦାତ୍ମଜଵଲ୍ଲଭାଯୈ ॥ ୧୫॥

ସମ୍ପତ୍କରାଣି ସକଲେନ୍ଦ୍ରିଯନନ୍ଦନାନି
ସାମ୍ରାଜ୍ଯଦାନଵିଭଵାନି ସରୋରୁହାକ୍ଷି ।
ତ୍ଵଦ୍ଵନ୍ଦନାନି ଦୁରିତାହରଣୋଦ୍ଯତାନି
ମାମେଵ ମାତରନିଶଂ କଲଯନ୍ତୁ ମାନ୍ଯେ ॥ ୧୬॥

ଯତ୍କଟାକ୍ଷସମୁପାସନାଵିଧିଃ
ସେଵକସ୍ଯ ସକଲାର୍ଥସମ୍ପଦଃ ।
ସଂତନୋତି ଵଚନାଙ୍ଗମାନସୈଃ
ତ୍ଵାଂ ମୁରାରିହୃଦଯେଶ୍ଵରୀଂ ଭଜେ ॥ ୧୭॥

ସରସିଜନିଲଯେ ସରୋଜହସ୍ତେ
ଧଵଳତମାଂଶୁକଗନ୍ଧମାଲ୍ଯଶୋଭେ ।
ଭଗଵତି ହରିଵଲ୍ଲଭେ ମନୋଜ୍ଞେ
ତ୍ରିଭୁଵନଭୂତିକରି ପ୍ରସୀଦ ମହ୍ଯମ୍ ॥ ୧୮॥

ଦିଗ୍ଘସ୍ତିଭିଃ କନକକୁଂଭମୁଖାଵସୃଷ୍ଟ
ସ୍ଵର୍ଵାହିନୀ ଵିମଲଚାରୁଜଲାପ୍ଲୁତାଙ୍ଗୀମ୍ ।
ପ୍ରାତର୍ନମାମି ଜଗତାଂ ଜନନୀମଶେଷ
ଲୋକାଧିନାଥଗୃହିଣୀମମୃତାବ୍ଧିପୁତ୍ରୀମ୍ ॥ ୧୯॥

କମଲେ କମଲାକ୍ଷଵଲ୍ଲଭେ ତ୍ଵଂ
କରୁଣାପୂରତରଙ୍ଗିତୈରପାଙ୍ଗୈଃ ।
ଅଵଲୋକଯ ମାମକିଞ୍ଚନାନାଂ
ପ୍ରଥମଂ ପାତ୍ରମକୃତ୍ରିମଂ ଦଯାଯାଃ ॥ ୨୦॥

ଦେଵି ପ୍ରସୀଦ ଜଗଦୀଶ୍ଵରି ଲୋକମାତଃ
କଲ୍ଯାନଗାତ୍ରି କମଲେକ୍ଷଣଜୀଵନାଥେ ।
ଦାରିଦ୍ର୍ଯଭୀତିହୃଦଯଂ ଶରଣାଗତଂ ମାମ୍
ଆଲୋକଯ ପ୍ରତିଦିନଂ ସଦଯୈରପାଙ୍ଗୈଃ ॥ ୨୧॥

ସ୍ତୁଵନ୍ତି ଯେ ସ୍ତୁତିଭିରମୀଭିରନ୍ଵହଂ
ତ୍ରଯୀମଯୀଂ ତ୍ରିଭୁଵନମାତରଂ ରମାମ୍ ।
ଗୁଣାଧିକା ଗୁରୁତରଭାଗ୍ଯଭାଗିନୋ
ଭଵନ୍ତି ତେ ଭୁଵି ବୁଧଭାଵିତାଶଯାଃ ॥ ୨୨॥

॥ ଇତି ଶ୍ରୀମଦ୍ ଶଙ୍କରାଚାର୍ଯକୃତ

ଶ୍ରୀ କନକଧାରାସ୍ତୋତ୍ରଂ ସମ୍ପୂର୍ଣମ୍ ॥


Encoded and proofread by P . P . Narayanaswami at swami at math.mun.ca

Please send corrections to sanskrit@cheerful.com
Last updated ତ୍oday
http://sanskritdocuments.org

Kanakadhara Stotram Lyrics in Oriya PDF
% File name : kanaka.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at math.mun.ca
% Proofread by : P. P. Narayanaswami swami at math.mun.ca
% Latest update : November 1, 2010
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website