% Text title : kamalAtrishatI % File name : kamalA300.itx % Category : trishati % Location : doc\_devii % Author : gaNgAdharamakhivirachitA % Language : Sanskrit % Subject : hinduism/religion % Transliterated by : Sridhar Seshagiri sridhar.seshagiri at gmail.com % Proofread by : Sridhar Seshagiri sridhar.seshagiri at gmail.com % Latest update : July 15, 2003 % Send corrections to : Sanskrit@cheerful.com % Site access : http://sanskritdocuments.org % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. kamalAtrishatI ..}## \itxtitle{.. kamalAtrishatI ..}##\endtitles ## \section{.. kamalAtrishatI ..} ga~NgAdharamakhivirachitA | paramAbharaNa.n viShNorvakShasi sA sAgarendravaraputrI | yA mUrtirmatI kAle kShamA janAnA.n kR^itAparAdhAnAm || 1 || sA naH shreyo dadyAt kamalA kamalAsanAdijananI.n yAm | sa.nprApya sahacharI.n hariravati jagantyanAkula.n satatam || 2 || nityashreyodAne khyAtA yA harigR^ihasya sarvasvam | shrutimaulistutavibhavA sA bhAtu puraH sadAsmAkam || 3 || viShNukrIDAlolA vikhyAtA dInarakShaNe lakShmIH | jananI naH sphuratu sadA tena vaya.n kila kR^itArthAH smaH || 4 || nirvANA~NkurajananI kAle sA sArvabhaumapadadogdhrI | nirasatimohasamUhA mama daivatamAdR^ita.n gurubhiH || 5 || viShNorvakShasi lasitA shItamayUkhasya sodarI kamalA | kamalAyatanayanA naH pAtu sadA pAparAshibhyaH || 6 || kavipariShadA cha vedaiH nitya.n stutanijamahodayA kamalA | manasi mama sa.nnidhattA.n tvamitAnandAya lokanAthena || 7 || dugdhodadhitanayA sA duritanihantrI kR^itapraNAmAnAm | AnandapadavidhAtrI patyA sAka.n pade pade loke || 8 || manmathajananI sA mAmavatu sarojA(kSha)gehinI kamalA | yAmArAdhya budhendrA vishanti parama.n tu tat pada.n viShNoH || 9 || satsUktikR^itividhAtrI namatAmambA trilokyAstu | nityaprasAdabhUmnA rakShati mAmAdarAt kamalA || 10 || mama sUktira~njalipuTaH praNatishchAnekasa.nkhyAkA | kutukAt kShIrodasutAmamitAnandAya gAhate kamalAm || 11 || yA pAramArthyasaraNiH sA kamalA nishchitA vedaiH | saiShA hi jaganmAtA sa.nsR^ititApApahantrI cha || 12 || mandasmitamadhurAnanamamandasa.ntoShadAyi bhajatA.n tat | kamalArUpa.n tejo vibhAtu nitya.n madIyahR^itkamale || 13 || kAle kShapayati kamalA kaTAkShadhATyA hi mAmaka.n duritam | ata evAshritarakShaNadIkShetyeva.n jano vadati || 14 || navanavaharmyavidhAtrI nAkikirITArchitA cha sA devI | jyotirmaNDalalasitA munihR^idayAbjAsanA cha sadgatidA || 15 || sa.nvIkShya jaladhitanayA.n bhUyo bhUyaH praNamya bhaktagaNaH | nirasitaduritaughaH san stauti mudA mokShasiddhaye kamalAm || 16 || rAkAnishIva devyA.n dR^iShTAyA.n bhaktagaNavANI | bhajate jalanidhishailI.n sA~NgopA~Nga.n kR^itAnandA || 17 || durgatibhItyA khinnaH so.aha.n sharaNa.n bhajAmi tA.n kamalAm | sharaNArthinA.n hi rakShAkR^iditi khyAtA hi yA loke || 18 || na hi kalayate hR^idante mandAra.n kAmadhenu.n vA | yaH sevate mukundapriyA.n shriya.n nityabhAvena || 19 || kaiTabhamardanamahiShI.n mamA~njalirgAhatA.n kAle | na hi nAthanIyamatra kShamAtale sA prasannAstu || 20 || sa.ntApapIDita.n mAmavatu sadA shrIrharipriyA mAtA | rakShitavAyasamukhyA kR^ipAnidhiH puNyakR^iddR^ishyA || 21 || na hi kevala.n praNAmaiH stutyA bhaktyA samArAdhyA | satyena dharmanivahairbhAvena cha kamalagehinI kamalA || 22 || kadAchitkaviloke.apyakShINAnandadAyinI kamalA | rakShatu kaTAkShakalikA~NkUrairbhaktAnihAdarataH || 23 || kalipApaglapitAnA.n muramardanadivyagehinI lakShmIH | rAjati sharaNa.n parama.n vashIkR^iteshA cha vibudhagaNasevyA || 24 || nityollasadurumAlA vakShasi kamalA harerbhAti | nijatanubhAsA dyotitakaustubhamaNirambudhestanayA || 25 || mAtarma~NgaladAyinyamarendravadhUsamarchitA~Nghriyuge | mA.n pAhyapAyanivahAt sa.ntatamakalakShamAmUrte || 26 || yadi kalitA chopekShA nashyet kila tAvakI mahatI | kIrtirato.amba kaTAkShaiH pariShi~ncha mudA muhuH shItaiH || 27 || dhanadhAnyasutAdiruchigrasta.n mA.n pAhi kamale tvam | tenorjitakIrtiH syA mAtastva.n sarvarakShiNI khyAtA || 28 || tava pAdAmbujayugaladhyAna.n mAtarmadIyamaghamAshu | kabalIkaroti kAle tenAha.n siddhasa.nkalpaH || 29 || a~njalikalikA hi kR^itA yadi tasyai muranihantR^idayitAyai | rasanAgre khelanabhAk tasya tu pu.nso girA.n devI || 30 || mAtastava mUrtiriya.n sudhAmayI nishchitA nipuNaiH | yat taddarshanabhUmnA nirastatApA budhA bhavantyachirAt || 31 || kalitajagattrayarakShAbharANi mayi devi sa.nvidhehi mudA | tvadvIkShaNAni kamale tenAha.n siddhasa.nkalpaH || 32 || varade murAridayite jayanti te vIkShaNAni yAni divi | sa.nprApya tAni maghavA vijitArirdevasa.nghavandyashcha || 33 || mohAndhakArabhAskaramamba kaTAkSha.n vidhehi mayi kamale | yenAptaj~nAnakalAH stuvanti vibudhAstvadIyasadasi kalam || 34 || kAmakrodhAdimahAsattvanirAsa.n kR^ipAsArAt | kuru mAtarmama sa.nsR^itibhIti.n cha nirAkuru tvamevArAt || 35 || mUDhAnAmapi hR^idyA.n kavitA.n dAtu.n yadIyaparicharyA | prabhavati kAle sA hi shrIrambA naH prasannAstu || 36 || divyakShetreShu budhA dinakaramadhye cha vedamaulau cha | yatsthAnamiti vadanti shrIreShA bhAti sa.nshritaharirhi || 37 || nijalIlAkrAntaharI rakShati kamalA kaTAkShadhATyA naH | sharaNArthinashcha kAle vihagoragapashumukhAnurvyAm || 38 || samarA~NgaNeShu jayadA tridashAnA.n maulibhirmAnyA | Apadi rakShaNadakShA sA kamalA naH prasannAstu || 39 || nityAnandAsanabhAD navanidhivandyA cha sAgarendrasutA | vilasati mAdhavavakShasi pAlitalokatrayA cha jananI naH || 40 || muninutanijaparipATI vAgdhATI dAnalolupA bhajatAm | shikShitaripujanakoTI vilasati dhR^itashAtakumbhamayashATI || 41 || nikhilAgamavedyapadA nitya.n sadbhiH samArAdhyA | sa.nsR^itipAshanihantrI yA tasyai chA~njaliH kriyate || 42 || bhUyA.nsi namA.nsi mayA bhaktena kR^itAni kamalajA~Nghriyuge | nitya.n lagantu tena hi sarvA rAjanti sa.npado mAnyAH || 43 || nitya.n nirmalarUpe barade vArAshikanyake mAtaH | sadgaNarakShaNadIkShe pAhIti vadantamAshu mA.n pAhi || 44 || bhuvanajanani tvamArAt kR^itarakShaNasa.ntatiH kShamAmUrte | prativastu rame kalitasvarUpashaktyA hi rAjase jagati || 45 || jaya jaya kalashAbdhisute jaya jaya harivallabhe rame mAtaH | prAtariti vibudhavaryAH paThanti nAmAni te hi me guravaH || 46 || netraruchivijitashAradapadme padme namastubhyam | tena vaya.n gatavipadaH sA muktiH karagatA kalitA || 47 || satata.n baddhA~njalipuTamupAsmahe tachChubhaprada.n tejaH | yat kamalodaranilaya.n kamalAkShaprItivIchikApUram || 48 || sphuratu mama vachasi kamale tvadIyavaibhavasudhAdhArA | nitya.n vyakti.n prAptA dhutanutajanakhedajAlakA mahatI || 49 || kamale tava nutiviShaye buddhirjAtA hi me sahasA | tena mama bhAgadheya.n pariNatamityeva nityasa.ntuShTaH || 50 || kavitArasaparimalita.n karoti vadana.n natAnA.n yA | stotu.n tA.n me hyArAt sA devI suprasannAstu || 51 || harigR^ihiNi tAvaka.n nutarUpa.n ye bhuvi nije hR^idambhoje | dhyAyanti teShu vibudhA api kalpakakusumamarpayanti mudA || 52 || nAnAvaradAnakalAlolupahR^idaye hR^idambhujasthe mAm | rakShApAyAt sahasA kuru bhakta.n doShahIna.n cha || 53 || nijaghanakesharuchA jitanIlAmbudhare shashA~Nkasahajanman | padme tvadIyarUpa.n manohara.n bhAtu me hR^idaye || 54 || ghanaku~NkumalasitA~Nga.n muktAhArAdibhUShita.n madhuram | mandasmitamadhurAsya.n sUryenduvilochana.n cha budhamAnyam || 55 || nibiDakuchakumbhayugala.n nijadR^igjitahariNashAbakAkShiyugam | lIlAgatijitakalabha.n madhuvairimanohara.n cha suramAnyam || 56 || dishi dishi vistR^itasa.npadvilAsamadhura.n cha kundadantAli | madanajanaka.n cha viShNoH sarvasva.n sarvadAnachaNam || 57 || kuladaivatamasmAka.n sa.nvidrUpa.n natArtihararUpam | nAnAdurgatiharaNakShamamamarIsevita.n sakalam || 58 || pa~nchadashavarNamAna.n payojavaktra.n pitAmahasamarchyam | jagadavanajAgarUka.n hariharasa.nmAnyavaibhava.n kimapi || 59 || karuNApUritanayana.n paramAnandaprada.n cha parishuddham | AgamagaNasa.nvedya.n koshagR^iha.n sarvasa.npadA.n nityam || 60 || mAtastAvakapAdAmbujayugala.n sa.ntata.n sphuratu | tenAha.n tava rUpa.n drakShyAmyAnandasiddhaye sakalam || 61 || devyA kaTAkShitAH kila puruShA vA yoShitaH pashavaH | mAnyante surasa.nsadi kalpakakusumaiH kR^itArhaNAH kAle || 62 || sumanovA~nChAdAne kR^itAvadhAna.n dhana.n viShNoH | dhiShaNAjADyAdihara.n yadvIkShaNamAmananti jagati budhAH || 63 || antarapi bahirudAra.n tava rUpa.n mantradevatopAsyam | janani sphuratu sadA naH sa.nmAnya.n shreyase kAle || 64 || muraripupuNyashreNIparipAka.n tAvaka.n rUpam | kamale janani vishuddha.n dadyAchChreyo muhurbhajatAm || 65 || puNyashreNI kamalA sA jananI bhaktamAnase sthitibhAk | tejastatibhirmohitabhuvanA bhuvanAdhinAthagR^ihiNIyam || 66 || jalanidhikanyArUpa.n harimAnya.n sarvasa.npadA.n hetuH | chirakR^itasukR^itavisheShAnnayanayuge bhAti sarvasya || 67 || jalanidhitapaHphala.n yanmunijanahR^idayAbjanityakR^itanR^ittam | karuNAlolApA~Nga.n tat tejo bhAtu niHsama.n vadane || 68 || shamitanataduritasa.nghA haraye nijanetrakalpitAna~NgA | kR^itasurashAtravabha~NgA sA devI ma~Ngalaistu~NgA || 69 || nikhilAgamasiddhAnta.n harishuddhAnta.n sadA naumi | tenaiva sarvasiddhiH shAstreShu vinishchitA vibudhaiH || 70 || kR^iShNakR^itavividhalIla.n tava rUpa.n mAtarAdarAnmAnyam | sphuratu vilochanayugale nitya.n sa.npatsamR^iddhyai naH || 71 || karuNAkaTAkShalaharI kAmAyAstu prakAmakR^itarakShA | lakShmyA mAdhavamAnyA satsukhadAne dishi khyAtA || 72 || apavargasiddhaye tvAmambAmambhojalochanA.n lakShmIm | avalambe haridayite padmAsanamukhasurendrakR^itapUjAm || 73 || tAvakakaTAkShalaharI.n nidhehi mayi devi kamale tvam | tena manorathasidhhirbhuvi parame dhAmani prachurA || 74 || tvAmAdareNa satata.n vIkShemahi mAtarabjakR^itavAsAm | viShNorvakShonilayAmakShayasukhasiddhaye loke || 75 || sA naH sidhyatu siddhyai devAnA.n vA~Nmamano.atItA | harigR^ihiNI hariNAkShI pAlitalokatrayA cha jananIyam || 76 || sakalacharAcharachinmayarUpa.n yasyA hi devatopAsyam | sA dadatu ma~Ngala.n me nityojjvalamAdarAjjananI || 77 || shItamayUkhasahodari tA.n tvAmambA.n hi shIlaye nityam | nirasitavairigaNo.aha.n haricharaNanyastarakShashcha || 78 || dikShi vidikShu kR^itashrIH sA me jananI nadIshatanayeyam | hariNA sAka.n bhajatu prAkAshya.n hR^idi satA.n samR^iddhyai naH || 79 || vArinidhiva.nshasa.npad divyA kAchiddharermAnyA | archanti yA.n tu munayo yogArambhe tathAnte cha || 80 || dhR^itasumamadhupakrIDAsthAnAyitakeshabhArAyai | nama uktirastu mAtre vAgjitapIyUShadhArAyai || 81 || sa.ndehe siddhAnte vAde vA samarabhUmibhAge vA | yA rAjati bahurUpA sA devI viShNuvallabhA khyAtA || 82 || pratiphalatu me sadA tanmunimAnasapeTikAratnam | viShNorvakShobhUShaNamAdR^itanirgatijanAvana.n tejaH || 83 || bAlakura~NgavilochanadhATIrakShitasurAdi manujAnAm | nayanayugAsevya.n tad bhAtIha dharAtale tejaH || 84 || mAdhavadR^iksAphalya.n bhaktAvalidR^ishyakAmadhenukalA | lakShmIrUpa.n tejo vibhAtu mama mAnase vachasi || 85 || harisarasakrIDArtha.n yA vidhR^itAnekarUpikA mAtA | sA gehabhUShaNa.n naH sphuratu sadA nityasa.npUjyA || 86 || dvAravatIpurabhAge maithilanagare cha yatkathAsAraH | sA devI jaladhisutA viharaNabhA~N mAmake manasi || 87 || jalanidhitapomahimne devyai paramAtmanaH shriyai satatam | bhUyA.nsi namA.nsi punaH sarvA naH sa.npadaH santu || 88 || paramauShadha.n hi sa.nsR^itivyAdheryat kIrtita.n nipuNaiH | tadaha.n bhajAmi satata.n lakShmIrUpa.n sadAnandam || 89 || dasharathasutakodaNDaprabhAvasAkShAtkR^ite kR^itAnandA | sItArUpA mAte jaj~ne yaj~nakShitau hi sA siddhyai || 90 || munijanamAnasanilaye kamale te charaNapa~Nkaja.n shirasi | avata.nsayannudAra.n vishAmi devaiH sudharmA.n vA || 91 || dhanamadamedurasevA.n tyaktavAha.n te padAmbhojam | sharaNa.n yAmi pumarthasphUrtikalAyai bhR^isha.n dInaH || 92 || na ghaTaya kutsitasevA.n duShTairvA sa.ngama.n mAtaH | kuru mA.n dAsa.n sa.nsR^itipApa.n cha hara shIghram || 93 || mayi namati viShNukAnte tavAgratastApabhArArte | mAtaH sahasA sumukhI bhava bAle doShanilaye cha || 94 || hanta kadA vA mAtastava lochanasechana.n bhavenmayi bhoH | Ittha.n prAtaH stuvatA.n tvameva rakShAkarI niyatam || 95 || sa.nsArarogashAntipradametallochana.n mAtaH | tAvatkamahamupAse divyauShadhamAshu sAgarendrasute || 96 || sa.nsR^itirogArtAnA.n tava nAmasmaraNamatra dharaNitale | pUjApradakShiNAdikamAryA mukhyauShadha.n vadanti kila || 97 || mAtarvinA dharaNyA.n sukR^itAnA.n khaNDamiha jantuH | dhyAna.n vA na hi labhate praNati.n vA sa.npadA.n jananIm || 98 || guruvarakaTAkShavibhavAd devi tvA~NghripraNAmadhutapApaH | tava cha harerdAsaH san vishAmi devesha mAnitA.n cha sabhAm || 99 || muraharanetramahotsavatAruNyashrIrnirastanatashatruH | lalitalikuchAbhakuchabharayugalA dR^igvijitahariNasa.ndohA || 100 || kAruNyapUrNanayanA kalikalmaShahAriNI cha sA kamalA | mukhajitashAradakamalA vaktrAmbhoje sadA sphuratu mAtA || 101 || tAvakakaTAkShasechanavibhavA.n nirdhUtaduritasa.nghA hi | parama.n sukha.n labhante pare tu loke cha sUribhiH sArdham || 102 || tava pAdapadmavisR^imarakAntijharI.n manasi kalaya.nstu | nirasitanarakAdibhayo virAjate nAkisadasi suravandyaH || 103 || hanta sahasreShvatha vA shateShu sukR^itI pumAn mAtaH | tAvakapAdapayoruhavarivasyA.n kalayate sakalam || 104 || janani tara~Ngaya nayane mayi dIne te dayAsnigdhe | tena vaya.n tu kR^itArthA nAtaH paramastiH naH prArthyam || 105 || tAvakakR^ipAvashAdiha nAnAyogAdinAshitabhayA ye | teShA.n smaraNamapi drAk shriyAvaha.n nityamAkalaye || 106 || naiva prAyashchitta.n duritAnA.n mAmakAnA.n hi | tvAmeva yAmi sharaNa.n tasmAllakShmi kShamAdhAre || 107 || muravairimAnyacharite mAtastvAmakhilalokasAmrAjye | pashyanti divi surendrA munayastattvArthinashcha nityakalAm || 108 || svIyapadaprAptyai nanu vibudheshA jaladhikanyake mAtaH | ArAdhya divyakusumaistava pAdAbja.n para.n tuShTAH || 109 || sR^iShTisthityAdau hariramba tavApA~NgavIkShaNAdaravAn | jagadetadavati kAle tva.n cha harirnaH kramAt pitarau || 110 || rAjyasukhalAbhasa.npatprAptyai kShitipAshcha ye cha viprAdyAH | gA~Ngajalairapi kusumairvarivasyA.n te krameNa kalayanti || 111 || sa.ntyaktakAmatadanujaDambhAsUyAdayo narAH kamale | ArAdhya tvA.n cha hari.n kAle chaikAsanasthitA.n dhanyAH || 112 || jananI kadA punIte mama lochanamArgamAdarAdeShA | ye kila vadanti dhanyAsteShA.n darshanamaha.n kalaye || 113 || karadhR^italIlApadmA padmA padmAkShagehinI nayane | si~nchati sakalashreyaHprAptyai nirvyAjakAruNyA || 114 || nAnAvidhavidyAnA.n lIlAsadana.n sarojanilayeyam | kavikulavachaHpayojadyumaNiruchirbhAti naH puratH || 115 || atasIkusumadyutibhA~N nAkigaNairvandyapAdapadmayugA | sarasijanilayA sA me prasIdatu kShipramAdarAt siddhyai || 116 || jagadIshavallabhe tvayi vinyastabharaH pumAn sahasA | tIrtvA nAkisthAna.n vishati para.n vaiShNava.n surairmAnyam || 117 || mAtarj~nAnavikAsa.n kAraya karuNAvalokanairmadhuraiH | tenAha.n dhanyatamo bhaveyamAryAvR^ite sadasi || 118 || harivakShasi maNidIpaprakAshavatyAnyA mAtrA | nitya.n vayamiha dAsAH shriyA sanAthA mudA para.n naumaH || 119 || vidrAvayatu sarojAsane tvadIyA kaTAkShadhATI naH | aj~nAnA~NkuramudrA.n punarapi sa.nsArabhItidA.n sahasA || 120 || tAvakakaTAkShasUryodaye madIya.n hR^idambhojam | bhajate vikAsamachirAt tamovinAshashcha nishchito vibudhaiH || 121 || lakShmIkaTAkShalaharI lakShmI.n pakShmalayati kramAnnamatAm | pAdapayoruhasevA para.n pada.n chitsukhollAsam || 122 || chidrUpA paramA sA kamalekShaNanAyikA mude bhajatAm | yatpraNayakopakAle jagadIshaH ki.nkaro bhavati || 123 || kAchana devI viharatu mama chitte sa.ntata.n siddhyai | yApatya.n kalashAbdherurageshayasatkalatra.n cha || 124 || aShTasu mahiShIShvekA kamalA mukhyA hi nirdiShTA | anayaiva sarvajagatAmudayAdistanyate kAle || 125 || kaivalyAnandakalAkandamaha.n sa.ntata.n vande | tattu mukundakalatra.n chintitaphaladAnadIkShita.n kimapi || 126 || IkShe kamalAmenAmambAmambhojalochanA.n satatam | mandasmitamadhurAsyA.n nitya.n chAj~nAtakopamukhadoShAm || 127 || a~NkitamAdhavavakShaHsthalA sarojekShaNA cha harikAntA | kabalayati mAnasa.n me dayAprasArAdibhirnityam || 128 || bhUtyai mama bhavatu drAgaj~nAnadhva.nsinI namatAm | nAthAnurUparUpA shrutyanteDyA dashAvatAreShu || 129 || sakalajanarakShaNeshu praNihitanayanA trilokamAtA naH | puShNAti ma~NgalAnA.n nikara.n sevAkrameNa ## incomplete ## || 130 || padmAsanajananI mA.n pAtu mudA sundarApA~NgaiH | sarvaishvaryanidAna.n yAmAhurvaidikA dIptAm || 131 || nAnAla.nkAravatI munimAnasavAsinI hareH patnI | trailokyavinutavibhavA mA.n pAyAdApadA.n nichayAt || 132 || vidrAvayatu bhaya.n naH sA kamalA viShNuvallabhA mAtA | abdhiH sa.nkShubhito.abhUt yadarthamAryeNa rAmeNa || 133 || bhUyo yadarthamindraH suratarukusumArthinA cha kR^iShNena | hatagarvo.ajani yuddhe sA nitya.n shreyase bhUyAt || 134 || tvAmArAdhya janA api dhanahInAH saudhamadhyatalabhAjaH | nAnAdeshavanIpakajanastutA bhAnti nityameva rame || 135 || sa.nsR^ititApo na bhavati punarapi yatpAdapa~Nkaja.n namatAm | sA mayi kalitadayA syAdambA viShNoH kalatramanurUpam || 136 || jananIkaTAkShabhAjAmiha martyAnA.n surAstu ki.nkaratAm | ripavo giritaTavAsa.n bhajanti veshmAni siddhayaH sarvAH || 137 || smaraNAdvA bhajanAdvA yasyAH pAdAmbujasya bhuvi dhanyAH | hanta ramante stamberamanivahAvR^itagR^ihA~NgaNe manujAH || 138 || chirakR^itasukR^itaniShevyA sA devI viShNuvallabhA khyAtA | yasyAH prasAdabhUmnA jAtAH pashvAdayo vadAnyA hi || 139 || amba madhurAn kaTAkShAn tApaharAn vikira mayi kR^ipAjaladhe | ye vinyastAH karivaramArutimukhabhaktavaryeShu || 140 || amR^italaharIva madhurA jaladhararuchirA natArtiharashIlA | sarvashreyodAtrI kAchid devI sadA vibhAtu hR^idi || 141 || gItAchAryapurandhrI tvadIyanAmaprabhAvakalanAdyaiH | yamabhayavArtA dUre harisA.nnidhya.n kuto na syAt || 142 || jalanidhitanaye kAnte viShNoruShNA.nshuchandranayane te | chaturAnanAdayastu khyAtA bAlAH shrutau choktAH || 143 || manasijavaira.n gAtra.n vANI saudhArasI cha yadbhajatAm | shlAdhyA sa.npat sajjanasamAgamashchAshu sidhyanti || 144 || saphalayatu netrayugala.n hatanataduritA cha sA parA devI | jalanidhikanyA mAnyA patyavatArAnukUlanijacharitA || 145 || nitya.n smarAmi devI.n namatA.n sarvArthadAyinI.n kamalAm | yAmAhurbhavanigaladhva.nsanadIkShA.n cha ## incomplete ## || 146 ||=20 sakalajagadaghanivAraNasa.nkalpA.n madhujito dayitAm | jIvAtumeva kalaye mokShArthijanasya bhUmisutAm || 147 || mandAnAmapi dayayA tamonirAsa.n vitanvantI | sarvatra bhAti kamalA tanuriva viShNornirastAghA || 148 || bAlamarAlIgatyai surapurakanyAdimahitakalagItyai | virachitanAnAnItyai cheto me spR^ihayate bahulakIrtyai || 149 || abhilaShitadAnakushalA vAgdevIvanditA cha sA kamalA | nitya.n mAnasapadme sa.nchAra.n kalayate muhuH kutukAt || 150 || muramathananayanapa~NkajavilAsakalikA sureshamukhasevyA | bhUtamayI sAvitrI gayatrI sarvadevatA jayati || 151 || sA hi parA vidyA me lakShmIrakShobhaNIyakIrtikalA | hR^idyA.n vidyA.n dayAdadya shreyaHpara.nparAsiddhyai || 152 || kAmajananI hi lakShmIH nAnAlIlAdibhirnija.n nAtham | mohayati viShNumachirAt prakR^itInA.n kShemasiddhyartham || 153 || manasijasAmrAjyakalAnidAnamAryAbhivandita.n kimapi | lakShmIrUpa.n tejo vilasati mama manasi viShNusa.nkrAntam || 154 || viShNumanorathapAtra.n sa.ntaptasvarNakAmyanijagAtram | Ashritajalanidhigotra.n rakShitanatabAhujachChAtram || 155 || kavikulajihvAlola.n muramardanakalitaramyabahulIlam | nirasitanataduShkAla.n vande tejaH sadAlinutashIlam || 156 || AdimapuruShapurandhrImambAmambhojalochanA.n vande | yA.n natvA gatatApAstyaktvA deha.n vishanti paramapadam || 157 || lakShmyA harirapi bhAti prakR^itikShemAya dIkShitAyAsau | mama lochanayoH purato lasatu gabhIra.n kriyAsiddhyai || 158 || janani kadA vA neShyAmyahamArAdarchitatvadIyapadaH | nimiShamiva hanta divasan dR^iShTvA tvAmAdareNa kalyANIm || 159 || sa.npUrNayauvanojjvaladehA.n yA.n vIkShya shaurirapi | kusumasharaviddhachetAH ki.nkarabhAva.n svaya.n prAptaH || 160 || anunayashIlastadanu praNayakrodhAdinA bhItaH | AdimapuruShaH so.aya.n sA lakShmIrna shriyai bhavatu || 161 || maNikuNDalalasitAsya.n kR^ipAkara.n kimapi ku~NkumachChAyam | hariNA kR^itasa.nchAra.n tejo me bhAtu sarvadA siddhyai || 162 || sAmrAjyama~NgalashrIH shrIreShA puShkarAkShasya | gandharvakanyakAdyairga~NgAtIreShu gItakIrtirhi || 163 || kavitAbhAgyavidhAtrI parimalasa.nkrAntamadhupagaNakeshA | mama nayanayoH kadA vA sA devI kalitasa.nnidhAnakalA || 164 || kIrtiH svaya.n vR^iNIte vAgdevI chApi vijayalakShmIshcha | ta.n naramachirAlloke yo lakShmIpAdabhaktastu || 165 || sanmitra.n pANDitya.n saddArAH satsutAdyAshcha | jAyante tasya bhuvi shrIbhakto yashcha nirdiShTaH || 166 || paramAchAryairvinutA.n tAmambAmAdarAnnaumi | paramaishvarya.n viShNorapi yA vedeShu nirdiShTA || 167 || kavikulasUktishreNIshravaNAnandollasadvata.nsasumA | sA devI mama hR^idaye kR^itasA.nnidhyA virAjate paramA || 168 || tApArtAstu taTAka.n yathA bhajante ramA.n devIm | sa.nsR^ititaptAH sarve yAnti hi sharaNa.n sharaNyA.n tAm || 169 || sarvaj~natva.n shlAdhya.n dharAdhipatya.n rame devi | yadyat prArthya.n dayayA tad disha mokSha.n cha me janani || 170 || vidyutamacha~nchalA.n tvA.n kR^iShNe meghe payodhivarakanye | nityamavaimi shreyaHsidhya mAtaH prasanne naH || 171 || tvAmamba sa.ntataruchi.n kR^iShNo meghaH samAsAdya | sadvartmani varShati kila kA~NkShAdhikamAdareNa vArdhisute || 172 || amba tvameva kAle mukundamapi darshayantIha | shreyaHsiddhyai namatA.n bhAsi hR^idi shrutishiraHsu salloke || 173 || vinamadamareshasudatIkachasumamakarandadhArayA snigdham | tava pAdapadmametat kadA nu mama mUrdhni bhUShaNa.n janani || 174 || apavargasaukhyade te dayAprasAraH katha.n varNyaH | yAmavalambya hi yaShTi.n na patati sa.nsArapa~Nkile mArge || 175 || sUkShmAt sUkShmatara.n te rUpa.n pashyanti yogino hR^idaye | tA.n tvAmaha.n kadA vA drakShye.ala.nkAramaNDitA.n mAtaH || 176 || chirataratapasA kliShTe yogihR^idi sthAnabhAg ramA devI | darshanamachirAd dayayA dadAti yogAdihInAnAm || 177 || tIra.n sa.nsR^itijaladheH pUra.n kamalAkShalochanaprIteH | sAra.n nigamAntAnA.n dUra.n durjanataterhi tattejaH || 178 || lakShmIrUpa.n tejo mamAvirastu shriyai nityam | yannityadharmadArAn viShNoramitaujasaH prAhuH || 179 || jaladhisute tva.n jananI sa vAsudevaH pitA cha naH kathitaH | sharaNa.n yuvA.n prapannA nAto durgatiparisphUrtiH || 180 || harinIlaratnabhAsA prakashitAtmA samudravarakanyA | ma~NgalamAtanuteya.n kaTAkShakalikAprasAraistu || 181 || machchittamattavAraNabandhanamadhunA tvadIyapAdayuge | kalayAmi rame mAtarmA.n rakSha kShiprameva sa.nsR^ititaH || 182 || mochaya sa.nsR^itibandha.n kaTAkShakalikA~Nkurai rame mAtaH | nAtaH paramarthyamiha kShamAtale tva.n dayAmUrtiH || 183 || ma~njulakavitAsa.ntatibIjA~NkuradAyisArasAlokA | janani tavApA~NgashrIH jayati jagattrANakalitadIkSheyam || 184 || amba tavApA~NgashrIrapA~NgakelIshatAni janayantI | murahanturhR^idi jayati vrIDAmadamohakAmasArakarI || 185 || baddhamapi chittametad yamaniyamAdyaiH pariShkAraiH | dhAvati balAd rame tava pAdAbja.n yAmi sharaNamaham || 186 || mattagajamAnyagamanA madhurAlApA cha mAnyacharitA sA | mandasmeramukhAbjA kamalA me hR^idayasArase lasatu || 187 || shAstrasmaraNavihIna.n pApinamena.n jana.n ramA devI | dayayA rakShati kAle tasyAstena prathA mahatI || 188 || mukhavijitachandramaNDalamidamambhoruhavilochana.n tejaH | dhyAne jape cha sudR^ishA.n chakAsti hR^idaye kavIshvaRANA.n cha || 189 || amba vivekavidUra.n janamena.n shishiralochanaprasaraiH | shishiraya kR^ipayA devi tvameva mAtA hi lokasya || 190 || kopadupekShase yadi mAtarme rakShakaH kaH syAt | mayi dIne ko lAbhastava tu dayAyAH prasAriNyAH || 191 || bhavachaNDakiraNataptaH shrAnto.aha.n j~nAnavAridUrasthaH | shishirAma~NghrichChAyA.n tava mAtaryAmi sharaNamArAttu || 192 || mAtarashokollAsa.n prakaTaya tava komalakaTAkShaiH | yairdInA narapatayaH kalitA vAraNashatAvR^ite gehe || 193 || jayati rame tava mahatI kR^ipAjharI sarvasa.nmAnyA | kShema.nkarI yadeShA pratikalpa.n sarvajagatA.n cha || 194 || aj~nAnakUpakuhare patita.n mA.n pAhi kamale tvam | nagare vA grAme vA vanamadhye dikShu rakShiNI tvamasi || 195 || tava charaNau sharaNamiti bruvannaha.n mAtarabdhitanaye tvam | hariNA sahitA dayayA prAhyavilambena dIna.n mAm || 196 || parisaranatavibudhAlIkirITamaNikAntivallarIvisaraiH | kR^itanIrAjanavidhi te mama tu shirobhUShaNa.n hi padayugalam || 197 || mama hR^idayapa~NkajavanIvikAsahetau dinAdhipAyetAm | tava tu kaTAkShaprasaraH dIpAyetA.n tamonirAkaraNe || 198 || yAvachCharaNa.n yAti kShititanaye tvA.n hi janturiha mUDhaH | tAvat tasya tu rasanA~NgaNe tu vANI samAkalitanR^ittA || 199 || pa~Nkajanilaye tAvakacharaNa.n sharaNa.n samAkalaye | tena hi sarvakR^itAnA.n bhaviShyatA.n hAnireva duritAnAm || 200 || shrutyantasevita.n te charaNasaroja.n praNamya kila jantuH | ChatrollasitashirAH san vanIpakAn dAnavAriNA si~nchan || 201 || viShvaksenamukhAdyaiH sevitamamba tvadIyapAdayugam | avata.nsayanti santaH kalitApaprashamanAyAstu || 202 || dugdhodadhitanaye tvA.n dishAgajendrAH suvarNaghaTatoyaiH | maNimaNTapamadhyatale samabhyaShi~nchan hariprItyai || 203 || diggajapuShpakarakumbhairabhiShiktA.n tvA.n hariH prItyA | udavahadArAnmunigaNamadhye sarvashriyo mUlam || 204 || jAtaparAkramakalikA dishi dishi ki.nnarasugItanijayashasaH | dhanyA bhAnti hi manujAH yadvIkShAlavavisheShataH kAle || 205 || namadamarIkachabharasumamarandadhArAbhiShikta.n te | padakamalayugalametachChreyaHsphUrtyai sadA bhavatu || 206 || rAgadveShAdihata.n mAmava kamale hareH kAnte | darshaya dayayA kAle hyapavargasthAnamArga.n cha || 207 || na hi jAne varNayitu.n parame sthane tvadIyavibhavamaham | munayashcha surA vedA yato nivR^ittAH kShamAtanaye || 208 || manujAH kaTAkShitAH kila tathAmbayA medinIputryA | satsutakalatrasahitAH surabhi.n kAlena nirvishAnti mudA || 209 || jaladhIshakanyakA sA lasatu puro.asmAkamAdarakR^itashrIH | yatpraNamanAjjanAnA.n kavitonmeShaH sadIDite bhAti || 210 || dUrikarotu durita.n tvadbhaktirmAmaka.n kamale | ahamapi sureshasevye tava sadasi vishAmi kIrtigAnaparaH || 211 || paramaj~nAnavidhAtrI tava pAdapayojabhaktirasmAkam | ki.n vAshAsyamato.anyat samudratanaye harerjAye || 212 || amba kadA vA lapsye madIyapApApanodAya | tava pAdakamalasevAmabjabhavAdyaistu sa.nprArthyAm || 213 || mandAnAmapi ma~njulakavitvarasadAyinI jananI | kApi karuNAmayI sA lasatu purastAt sadAsmAkam || 214 || sakalakavilokavinute kamale kamalAkShi vallabhe viShNoH | tvannAmAni hi kalaye vane jale shatrupIDAyAm || 215 || divi vA bhuvi dikShu jale vahnau vA sarvataH kamale | jantUnA.n kila rakShA tvadadhInA kIrtyate vibudhaiH || 216 || kushalavidhaye tadastu trivikramAsevyaramyanijakeli | kabalitapadanatadainya.n taruNAmbujalochana.n tejaH || 217 || jananI suvarNavR^iShTipradAyinI bhAti viShNuvakShaHsthA | kamalA kalitakShemA prakR^itInA.n shItalApA~NgaiH || 218 || jagatAmAdimajananI lasati kaverAtmajApuline | kShetreShUttamajuShTeShvayonijA lokarakShAyai || 219 || kuchashobhAjitaviShNuH ku~Nkumapa~NkA~NkitA kamalA | kA~nchyA.n rAjati kA~nchImaNigaNanIrAjitA~NghriyugA || 220 || mandArakusumamadaharamandasmitamadhuravadanapa~NkaruhA | hR^idyatamanityayauvanamaNDitagAtrI virAjate kamalA || 221 || ka.nsaripugehinI sA ha.nsagatirha.nsamAnyanijacharitA | sa.nsAratApahAni.n kalayatu kAle ramAsmAkam || 222 || manasijajananI jananI chAsmAkamihAdarAt kAle | shItalalolApA~Ngaistara~Ngayati shreyasA.n sariNam || 223 || tava mandahAsakalikA.n bhaje bhuja~Nge shayAna.n tam | yA kalayati gatakopa.n bAlAnA.n naH kR^itAparAdhAnAm || 224 || sA sAdhayedabhIShTa.n kamalA shrIrviShNuvakShaHsthA | yasyAH padavinyAsaH shrutimauliShu tanyate mahAlakShmyAH || 225 || shAntirasanityashevadhimambA.n seve manorathAvAptyai | yAmArAdhya sureshAH svapada.n prApurhi tAdR^ikSham || 226 || dhAturapi vedavachasA.n dUre yatsthAnamAmananti budhAH | sAstu mude shrIreShA muramardanasatkalatramamitaujaH || 227 || bhavaduHkharAshijaladherhaThAt taritrI.n para.n vidmaH | tAmambA.n kamalasthA.n murArivakShomaNipradIpA.n cha || 228 || munisArvabhaumavarNitamahAcharitra.n hareH kalatra.n tat | pathi ma~NgalAya bhavatu prasthAnajuShA.n kR^ipAdhAram || 229 || khaNDitavairigaNeya.n maNDitabhaktA sutAdyaishcha | bhAsurakIrtirjayati kShoNIsuravandyacharaNAbjA || 230 || natapAlini mA.n pAhi trijagadvandye nidhehi mayi dayayA | tAvakakaTAkShalaharIH shaktimaye sakalasiddhInAm || 231 || bhavasAgara.n titIrShustava charaNAbja.n mahAseyum | mAtaH kadA nu lapsye ghanatApormyAdipIDito dInaH || 232 || kavivAgvAsantInA.n vasantalakShmIrmurAridayitA naH | paramA.n muda.n vidhatte kAle kAle mahAbhUtyai || 233 || suraharaparatantra.n tad gatatandra.n vastu nistulamupAse | tenaivAha.n dhanyo madva.nshyA nirasitAtmatApabharAH || 234 || tR^iShNA.n shamayati devI rAghavadayitA natAlisuravallI | iTyAryavacho dhairya.n janayati kAle dharAputri || 235 || raghupatidayite mAtaH kAkAsurarakShaNAdinA loke | tAvakakaruNAmahimA prathitaH kila bhUtidAyI naH || 236 || prachurataduritapAlIsamAvR^itAnA.n kalau hi taptAnAm | tAvakadayA hi mAtaH sharaNa.n varamiti satA.n gaNaH stauti || 237 || atyantashItalA.n tA.n kaTAkShadhATImupAse.aham | tena mama tridashAnA.n na ko.api bhedo dharAtanaye || 238 || yaiH sevA sa.nkalitA tava pAdAbje dharAtanaye | teShAmaj~nAnajharI yAti hi vilaya.n kShaNenaiva || 239 || j~nAnAravindavilasanamachirAdasya stutau hi kavivaryAH | sa.npad divyA cha tathA vibudhAvalimAnanIyAtra || 240 || mAtastava pAdAbja.n yasya lalATe kR^itorunijakAnti | tatpAdapadmamachirAd vimAnagA devatA vahati || 241 || Aj~nAvashena devyA lasanti divi devatAmAnyAH | indrAdyAH sa cha dhAtA dikpAlAshchApi gandharvAH || 242 || kaivalyAnandakalAdAtrI.n kamalAmaharnisha.n naumi | tenaiva janma saphala.n tIrthAdiniShevaNAdyachcha || 243 || yachcha haripAdapa~NkeruhaparicharaNAdinA loke | tat sarvamAshu ghaTayati sahasA mandasya me mAtA || 244 || nAnAshrutyantakalAparimalaparivAhavAsita.n mAtaH | tava charaNakamalayugala.n mamAvata.nsaH kShaNa.n bhAtu || 245 || natadevanagaranArIdhammillalasatsumAlikR^itanAdAH | prAtarmurajavilAsa.n kalayanti bhR^isha.n tavAgrato bhR^i~NgAH || 246 || pApaprashamanadIkShAkalAdhurINAH payojanilaye te | mA.n cha pavitrIkuryuH pAdaparAgAH kR^ipAvashataH || 247 || hanta kadA vA lapsye tavA~NghrishushrUShaNAsaktim | sahajAnanda.n tena hi pada.n kramAt prApyamAdiShTam || 248 || nalinIvilAsaruchirA.n mayi devi tvatkaTAkShalaharI.n hi | kAle nidhehi dayayA sphItA te kIrtirAdR^itA sarvaiH || 249 || vinihataduritastomA kApi madIye hR^idambhoje | lasatu paradevatAkhyA mAdhavanetrapriya.nkarI kalikA || 250 || pa~nchAyudhagurumantra.n kalanUpuraninadamAdarAt kamale | kalayati ramAdhavagR^iha.n yAtu.n kAle tvayi pravR^ittAyAm || 251 || natanAkilokavanitAlalATasindUrashoNakAntibhR^itoH | kalaye namA.nsi kamale tava pAdapayojayornityam || 252 || kamalasuShumAnivAsasthAnakaTAkSha.n chirAya kR^itarakSham | rakShogaNabhItikara.n tejo bhAti prakAmamiha manasi || 253 || jyotsneva shishirapAtA kaTAkShadhATI tvadIyA hi | amba mukunda ##( ||. incomplete ||. )## kurute || 254 || tApahararasavivarShaMadhR^itakutukA kApi nIlanalinaruchiH | kAdambinI purastadAstA.n naH sa.ntata.n jananI || 255 || saphalayatu netrayugala.n mAmakametat tvadIyarUpamaho | yat kamalanetrasucharitapachelima.n vaidikI shrutirbrUte || 256 || mAdhavanetrapayojAmR^italaharI bhAti tAvaka.n rUpam | amba yuvAmAdyau naH pitarau vane sukhAvAptyai || 257 || sarasakavitAdisa.npadvilasanamArAdushAnti kavivaryAH | yatprINanena sA me bhavatu vibhUtyai hi sA kamalA || 258 || manasijajayAdikArya.n yadapA~NgalavAnnR^iNA.n bhavati | tatpadamAnandakala.n sevya.n cha bhaje ramA.n jananIm || 259 || shithilatatamaHsamUhA bhaktAnA.n sA ramA devI | janayati dhairya.n cha hareH kAle yA sarvadA sevyA || 260 || yadbhrUvilAsavashataH shaktaH sR^iShTyAdika.n kartum | harirapi loke khyAtaH sA naH sharaNa.n jaganmAtA || 261 || nayanayugalI.n kadA me si~nchati evyAH para.n rUpam | yadbhajanAnna hi loke dR^iShTa.n shlAdhya.n para.n vastu || 262 || sucharitaphala.n tvadIya.n rUpa.n naH kalitabhaktInAm | ata eva mAmakAnA.n pApAnA.n viratirUrjitA kamale || 263 || sukR^itivibhavAdupAsyA kamalA sA sarvakalyANA | harivakShasi kR^itavAsA rakShati lokAnahorAtram || 264 || sa.nvidrUpA hi hareH kuTumbinI bhAti bhaktahR^idayeShu | sarvashreyaHprAptyai yA.n vidurAryA ramA.n kamalAm || 265 || viShayalaharIprashAntyai kamalApAdAmbuja.n naumi | pUrva.n shukAdisudhiyo yaddhyAnAd galitashatrubhayAH || 266 || lalitagamana.n tvadIya.n kalanUpuranAdapUrita.n mAtaH | naumi padAmbujayugala.n bhavatApanirAsanAyAdya || 267 || viralIkaroti tApa.n kamalAyA mandahAsajharI | yatsevaneShu samuditakautukarasanirbharo harirjayati || 268 || pratiphalatu sa.ntata.n me purato mAtastvadIyarUpamidam | yaddarshanarasabhUmnA harirapi nAnAsvarUpabhAk kAle || 269 || amba tava charaNasevA.n sa.ntatamahamAdarAt kalaye | tena mama janma saphala.n tridashAnAmiva munIndrANAm || 270 || durvAragarvadurmatidurarthanirasanakalAnipuNAH | tava charaNasevayaiva hi kamale mAtarbudhA jagati || 271 || Anadameti mAtastava nAmochchAraNena sindhubhave | sa.nprAptatvadrUpa.n mama mAnasamAttayogakalam || 272 || tava dR^iShTipAtavibhavAt sarve loke vidhUtatApabharAH | yAnti mudA tridashaiH saha vibhAnamAruhya mAtaraho || 273 || ko vA na shrayati budhaH shreyo.arthI tAmimA.n kamalAm | yA.n pannagArivAhanasadgarmiNImarchayanti suranAthAH || 274 || tAmaravindanivAsAmambA.n sharaNArthinA.n kalitarakShAm | bahurUpeShvaghanichayeShvapi nishchityAtmano dhairyam || 275 || karuNApravAhajharyA gatapa~Nka bhUtala.n mAtaH | satvA~NkurAdilasita.n jayati payorAshikakanyake kamale || 276 || vidhishivavAsavamukhyairvandyapadAbje namastubhyam | mAtarviShNordayite sarvaj~natva.n cha me kalaya || 277 || paradevate prasIda prasIda harivallabhe mAtaH | tvAmAhuH shrutayaH kila kalyANaguNAkarA.n nityAm || 278 || kShantavyamamba mAmakamagharAshi.n kShapaya vIkShaNataH | satvonmeSha.n dehi priye harerdAsamapi kuru mAm || 279 || vA~nChitasiddhirna syAd yadi pAdAbje kR^itapraNAmAnAm | hAnistvadIyayashasAmiti kechiddhairyavantashcha || 280 || sadasadanugrahadakShA.n tvA.n mAtaH sa.ntata.n naumi | grahapIDA naiva bhavedyamapIDA dUrataH kAle || 281 || vidyAH kalAshcha kAle kR^ipayA kalaya prasIdAshu | mAtastvameva jagatA.n sarveShA.n rakShaNa.n tvayA kriyate || 282 || uCheShvapi nIcheShu prakAshate tulyameva tava rUpam | etad dR^iShTvA dhairya.n ghanAgaso.apyamba jAyate nanu me || 283 || kA sha~NkA tava vaibhavajAla.n vaktu.n digantare mAtaH | varahArAla.nkArA.n sevante tvA.n haritpatayaH || 284 || kamalAyAshcha harerapi sa.ndR^iShya.n divyadA.npatyam | tAveva naH patI kila janmAntarapuNyaparipAkAt || 285 || sarvAsAmupaniShadA.n vidyAnA.n tva.npara.n sthAnam | alpadhiyo vayamete tvatstotre bhoH katha.n shaktAH || 286 || sAShTA~NgapraNatiriya.n prakalpitA mAtaradya tava charaNe | tenAha.n hi kR^itArthaH ki.n prArthya.n vastvataH kamale || 287 || stotramida.nhi mayA te charaNAmbhoje samarpita.n bhaktyA | tava cha gurorapi vIkShA tatra nidAna.n para.n nAnyat || 288 || dehAnte nanu mAtarmokSha.n tridashaiH sama.n dehi | ahamapi sAma paThan san tvA.n cha hari.n yAmi sharaNArthI || 289 || shukavANImiva mAtarnirarthakA.n madvachobha~NgIm | ArAchChR^iNoShi dayayA tadeva chottamapadavyaktyai || 290 || vidyA.n kalA.n variShThA.n amba tvA.n sa.ntata.n vande | yA vyAkaroShi kAle vidvadbhirvedatattvAdi || 291 || vaiduShya.n vANyAH satsa.npajjharyo yadIyavIkShaNataH | sidhyantyapi devAnA.n sA naH sharaNa.n ramA devI || 292 || vipula.n shriyo vilAsa.n shraddhA.n bhaktyAdika.n dehi | amba prasIda kAle tava pAdAbjaikasevinAmiha naH || 293 || kechit prA~nchaH kamalA.n prApya hi sharaNa.n vipatkAle | jhaTiti vidhUnitatApAH sA me devI prasannAstu || 294 || marakatakAntimanoharamUrtiH saiShA ramA devI | pAti sakalAni kAle jaganti karuNAvalokAdyaiH || 295 || bhAgIrathIva vANI tava nutirUpA virAjate paramA | iha mAtaryadbhajana.n sarveShA.n sarvasa.npadA.n hetuH || 296 || kalashapayodadhitanaye haripriye lakShmi mAtarambeti | tava nAmAni japan san tvaddAso.aha.n tu muktaye siddhaH || 297 || nikhilacharAchararakShA.n vitanvatI viShNuvallabhA kamalA | mama kuladaivatameShA jayati sadArAdhyamAnyapAdakamalA || 298 || sarvajannutavibhave sa.ntatamapi vA~nChitaprade devi | amba tvameva sharaNa.n tenAha.n prAptasarvakAryArthaH || 299 || kamale katha.n nu varNyastava mahimA nigamamauligaNavedyaH | iti nishchitya padAbja.n tava vande mokShakAmo.aham || 300 || tvAmamba bAlisho.aha.n tvachamatkArairgirA.n gumbhaiH | ayathAyathakrama.n hi stuvannapi prAptajanmasAphalyaH || 301 || iti shrIkamalAtrishatI samAptA ##\medskip\hrule\medskip Encoded and proofread by Sridhar Seshagiri seshagir at engineering.sdsu.edu \medskip\hrule\obeylines Please send corrections to sanskrit@cheerful.com Last updated \today http://sanskritdocuments.org \end{document}