{॥ ಶ್ರೀಮಹಾಲಕ್ಷ್ಮೀ ಲಲಿತಾಸ್ತೋತ್ರಮ್ ॥}
॥ ಧ್ಯಾನಮ್ ॥
ಚಕ್ರಾಕಾರಂ ಮಹತ್ತೇಜಃ ತನ್ಮಧ್ಯೇ ಪರಮೇಶ್ವರೀ ।
ಜಗನ್ಮಾತಾ ಜೀವದಾತ್ರೀ ನಾರಾಯಣೀ ಪರಮೇಶ್ವರೀ ॥ ೧ ॥

ವ್ಯೂಹತೇಜೋಮಯೀ ಬ್ರಹ್ಮಾನನ್ದಿನೀ ಹರಿಸುನ್ದರೀ ।
ಪಾಶಾಂಕುಶೇಕ್ಷುಕೋದಣ್ಡ ಪದ್ಮಮಾಲಾಲಸತ್ಕರಾ ॥ ೨ ॥

ದೃಷ್ಟ್ವಾ ತಾಂ ಮುಮುಹುರ್ದೇವಾಃ ಪ್ರಣೇಮುರ್ವಿಗತಜ್ವರಾಃ ।
ತುಷ್ಟುವುಃ ಶ್ರೀಮಹಾಲಕ್ಷ್ಮೀಂ ಲಲಿತಾಂ ವೈಷ್ಣವೀಂ ಪರಾಮ್ ॥ ೩ ॥

॥ ಶ್ರೀದೇವಾಃ ಊಚುಃ ॥
ಜಯ ಲಕ್ಷ್ಮಿ ಜಗನ್ಮಾತಃ ಜಯ ಲಕ್ಷ್ಮಿ ಪರಾತ್ಪರೇ ।
ಜಯ ಕಲ್ಯಾಣನಿಲಯೇ ಜಯ ಸರ್ವಕಲಾತ್ಮಿಕೇ ॥ ೧ ॥

ಜಯ ಬ್ರಾಹ್ಮಿ ಮಹಾಲಕ್ಷ್ಮಿ ಬ್ರಹಾತ್ಮಿಕೇ ಪರಾತ್ಮಿಕೇ ।
ಜಯ ನಾರಾಯಣಿ ಶಾನ್ತೇ ಜಯ ಶ್ರೀಲಲಿತೇ ರಮೇ ॥ ೨ ॥

ಜಯ ಶ್ರೀವಿಜಯೇ ದೇವೀಶ್ವರಿ ಶ್ರೀದೇ ಜಯರ್ದ್ಧಿದೇ ।
ನಮಃ ಸಹಸ್ತ್ರ ಶೀರ್ಷಾಯೈ ಸಹಸ್ತ್ರಾನನ ಲೋಚನೇ ॥ ೩ ॥

ನಮಃ ಸಹಸ್ರಹಸ್ತಾಬ್ಜಪಾದಪಙ್ಕಜಶೋಭಿತೇ ।
ಅಣೋರಣುತರೇ ಲಕ್ಷ್ಮಿ ಮಹತೋಽಪಿ ಮಹೀಯಸಿ ॥ ೪ ॥

ಅತಲಂ ತೇ ಸ್ಮೃತೌ ಪಾದೌ ವಿತಲಂ ಜಾನುನೀ ತವ ।
ರಸಾತಲಂ ಕಟಿಸ್ತೇ ಚ ಕುಕ್ಷಿಸ್ತೇ ಪೃಥಿವೀ ಮತಾ ॥ ೫ ॥

ಹೃದಯಂ ಭುವಃ ಸ್ವಸ್ತೇಽಸ್ತು ಮುಖಂ ಸತ್ಯಂ ಶಿರೋ ಮತಮ್ ।
ದೃಶಶ್ಚನ್ದ್ರಾರ್ಕದಹನಾ ದಿಶಃ ಕರ್ಣಾ ಭುಜಃ ಸುರಾಃ ॥ ೬ ॥

ಮರುತಸ್ತು ತವೋಚ್ಛ್ವಾಸಾ ವಾಚಸ್ತೇ ಶ್ರುತಯೋ ಮತಾಃ ।
ಕ್ರಿಡಾ ತೇ ಲೋಕರಚನಾ ಸಖಾ ತೇ ಪರಮೇಶ್ವರಃ ॥ ೭ ॥

ಆಹಾರಸ್ತೇ ಸದಾನನ್ದೋ ವಾಸಸ್ತೇ ಹೃದಯೋ ಹರೇಃ ।
ದೃಶ್ಯಾದೃಶ್ಯಸ್ವರೂಪಾಣಿ ರೂಪಾಣಿ ಭುವನಾನಿ ತೇ ॥ ೮ ॥

ಶಿರೋರುಹಾ ಘನಾಸ್ತೇ ವೈ ತಾರಕಾಃ ಕುಸುಮಾನಿ ತೇ ।
ಧರ್ಮಾದ್ಯಾ ಬಾಹವಸ್ತೇ ಚ ಕಾಲಾದ್ಯಾ ಹೇತಯಸ್ತವ ॥ ೯ ॥

ಯಮಾಶ್ಚ ನಿಯಮಾಶ್ಚಾಪಿ ಕರಪಾದನಖಾಸ್ತವ ।
ಸ್ತನೌ ಸ್ವಾಹಾಸ್ವಧಾಕಾರೌ ಸರ್ವಜೀವನದುಗ್ಧದೌ ॥ ೧೦ ॥

ಪ್ರಾಣಾಯಾಮಸ್ತವ ಶ್ವಾಸೋ ರಸನಾ ತೇ ಸರಸ್ವತೀ ।
ಮಹೀರುಹಾಸ್ತೇಽಙ್ಗರುಹಾಃ ಪ್ರಭಾತಂ ವಸನಂ ತವ ॥ ೧೧ ॥

ಆದೌ ದಯಾ ಧರ್ಮಪತ್ನೀ ಸಸರ್ಜ ನಿಖಿಲಾಃ ಪ್ರಜಾಃ ।
ಹೃತ್ಸ್ಥಾ ತ್ವಂ ವ್ಯಾಪಿನೀ ಲಕ್ಷ್ಮೀಃ ಮೋಹಿನೀ ತ್ವಂ ತಥಾ ಪರಾ ॥ ೧೨ ॥

ಇದಾನೀಂ ದೃಶ್ಯಸೇ ಬ್ರಾಹ್ಮೀ ನಾರಾಯಣೀ ಪ್ರಿಯಶಙ್ಕರೀ ।
ನಮಸ್ತಸ್ಯೈ ಮಹಾಲಕ್ಷ್ಮ್ಯೈ ಗಜಮುಖ್ಯೈ ನಮೋ ನಮಃ ॥ ೧೩ ॥

ಸರ್ವಶಕ್ತ್ಯೈ ಸರ್ವಧಾತ್ರ್ಯೈ ಮಹಾಲಕ್ಷ್ಮ್ಯೈ ನಮೋ ನಮಃ ।
ಯಾ ಸಸರ್ಜ ವಿರಾಜಂ ಚ ತತೋಽಜಂ ವಿಷ್ಣುಮೀಶ್ವರಮ್ ॥ ೧೪ ॥

ರುದಂ ತಥಾ ಸುರಾಗ್ರಯಾँಶ್ಚ ತಸ್ಯೈ ಲಕ್ಷ್ಮ್ಯೈ ನಮೋ ನಮಃ ।
ತ್ರಿಗುಣಾಯೈ ನಿರ್ಗುಣಾಯೈ ಹರಿಣ್ಯೈ ತೇ ನಮೋ ನಮಃ ॥ ೧೫ ॥

ಯನ್ತ್ರತನ್ತ್ರಾತ್ಮಿಕಾಯೈ ತೇ ಜಗನ್ಮಾತ್ರೇ ನಮೋ ನಮಃ ।
ವಾಗ್ವಿಭೂತ್ಯೈ ಗುರುತನ್ವ್ಯೈ ಮಹಾಲಕ್ಷ್ಮ್ಯೈ ನಮೋ ನಮಃ ॥ ೧೬ ॥

ಕಮ್ಭರಾಯೈ ಸರ್ವವಿದ್ಯಾಭರಾಯೈ ತೇ ನಮೋ ನಮಃ ।
ಜಯಾಲಲಿತಾಪಾಞ್ಚಾಲೀ ರಮಾತನ್ವೈ ನಮೋ ನಮಃ ॥ ೧೭ ॥

ಪದ್ಮಾವತೀರಮಾಹಂಸೀ ಸುಗುಣಾಽಽಜ್ಞಾಶ್ರಿಯೈ ನಮಃ ।
ನಮಃ ಸ್ತುತಾ ಪ್ರಸನೈವಂಛನ್ದಯಾಮಾಸ ಸವ್ದರೈಃ ॥ ೧೮ ॥

॥ ಫಲ ಶ್ರುತಿ ಶ್ರೀ ಲಕ್ಷ್ಮೀ ಉವಾಚ ॥
ಸ್ತಾವಕಾ ಮೇ ಭವಿಶ್ಯನ್ತಿ ಶ್ರೀಯಶೋಧರ್ಮಸಮ್ಭೃತಾಃ ।
ವಿದ್ಯಾವಿನಯಸಮ್ಪನ್ನಾ ನಿರೋಗಾ ದೀರ್ಘಜೀವಿನಃ ॥ ೧ ॥

ಪುತ್ರಮಿತ್ರಕಲತ್ರಾಢ್ಯಾ ಭವಿಷ್ಯನ್ತಿ ಸುಸಮ್ಪದಃ ।
ಪಠನಾಚ್ಛ್ರವಣಾದಸ್ಯ ಶತ್ರುಭೀತಿರ್ವಿನಶ್ಯತಿ ॥ ೨ ॥

ರಾಜಭೀತಿಃ ಕದನಾನಿ ವಿನಶ್ಯನ್ತಿ ನ ಸಂಶಯಃ ।
ಭುಕ್ತಿಂ ಮುಕ್ತಿಂ ಭಾಗ್ಯಮೃದ್ಧಿಮುತ್ತಮಾಂ ಚ ಲಭೇನ್ನರಃ ॥ ೩ ॥

॥ ಶ್ರೀಲಕ್ಷ್ಮೀನಾರಾಯಣಸಂಹಿತಾಯಾಂ ದೇವಸಙ್ಘಕೃತಾ ಶ್ರೀಮಹಾಲಕ್ಷ್ಮೀಲಲಿತಾಸ್ತೋತ್ರಮ್ ॥

Encoded and proofread by
Pranav and Vrushali Tendulkar pranav.tendulkar at gmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Mahalakshmi Lalitha Stotram Lyrics in Kannada PDF
% File name : mahAlakshmIlalitAstotra.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : pranav.tendulkar and vrushali
% Proofread by : pranav.tendulkar and vrushaliagarkar at gmail dotcom
% Description-comments : lakShmInarAyaNasaMhitA
% Latest update : May 5, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website