{॥ శ్రీమహాలక్ష్మీ లలితాస్తోత్రమ్ ॥}
॥ ధ్యానమ్ ॥
చక్రాకారం మహత్తేజః తన్మధ్యే పరమేశ్వరీ ।
జగన్మాతా జీవదాత్రీ నారాయణీ పరమేశ్వరీ ॥ ౧ ॥

వ్యూహతేజోమయీ బ్రహ్మానన్దినీ హరిసున్దరీ ।
పాశాంకుశేక్షుకోదణ్డ పద్మమాలాలసత్కరా ॥ ౨ ॥

దృష్ట్వా తాం ముముహుర్దేవాః ప్రణేముర్విగతజ్వరాః ।
తుష్టువుః శ్రీమహాలక్ష్మీం లలితాం వైష్ణవీం పరామ్ ॥ ౩ ॥

॥ శ్రీదేవాః ఊచుః ॥
జయ లక్ష్మి జగన్మాతః జయ లక్ష్మి పరాత్పరే ।
జయ కల్యాణనిలయే జయ సర్వకలాత్మికే ॥ ౧ ॥

జయ బ్రాహ్మి మహాలక్ష్మి బ్రహాత్మికే పరాత్మికే ।
జయ నారాయణి శాన్తే జయ శ్రీలలితే రమే ॥ ౨ ॥

జయ శ్రీవిజయే దేవీశ్వరి శ్రీదే జయర్ద్ధిదే ।
నమః సహస్త్ర శీర్షాయై సహస్త్రానన లోచనే ॥ ౩ ॥

నమః సహస్రహస్తాబ్జపాదపఙ్కజశోభితే ।
అణోరణుతరే లక్ష్మి మహతోఽపి మహీయసి ॥ ౪ ॥

అతలం తే స్మృతౌ పాదౌ వితలం జానునీ తవ ।
రసాతలం కటిస్తే చ కుక్షిస్తే పృథివీ మతా ॥ ౫ ॥

హృదయం భువః స్వస్తేఽస్తు ముఖం సత్యం శిరో మతమ్ ।
దృశశ్చన్ద్రార్కదహనా దిశః కర్ణా భుజః సురాః ॥ ౬ ॥

మరుతస్తు తవోచ్ఛ్వాసా వాచస్తే శ్రుతయో మతాః ।
క్రిడా తే లోకరచనా సఖా తే పరమేశ్వరః ॥ ౭ ॥

ఆహారస్తే సదానన్దో వాసస్తే హృదయో హరేః ।
దృశ్యాదృశ్యస్వరూపాణి రూపాణి భువనాని తే ॥ ౮ ॥

శిరోరుహా ఘనాస్తే వై తారకాః కుసుమాని తే ।
ధర్మాద్యా బాహవస్తే చ కాలాద్యా హేతయస్తవ ॥ ౯ ॥

యమాశ్చ నియమాశ్చాపి కరపాదనఖాస్తవ ।
స్తనౌ స్వాహాస్వధాకారౌ సర్వజీవనదుగ్ధదౌ ॥ ౧౦ ॥

ప్రాణాయామస్తవ శ్వాసో రసనా తే సరస్వతీ ।
మహీరుహాస్తేఽఙ్గరుహాః ప్రభాతం వసనం తవ ॥ ౧౧ ॥

ఆదౌ దయా ధర్మపత్నీ ససర్జ నిఖిలాః ప్రజాః ।
హృత్స్థా త్వం వ్యాపినీ లక్ష్మీః మోహినీ త్వం తథా పరా ॥ ౧౨ ॥

ఇదానీం దృశ్యసే బ్రాహ్మీ నారాయణీ ప్రియశఙ్కరీ ।
నమస్తస్యై మహాలక్ష్మ్యై గజముఖ్యై నమో నమః ॥ ౧౩ ॥

సర్వశక్త్యై సర్వధాత్ర్యై మహాలక్ష్మ్యై నమో నమః ।
యా ససర్జ విరాజం చ తతోఽజం విష్ణుమీశ్వరమ్ ॥ ౧౪ ॥

రుదం తథా సురాగ్రయాఁశ్చ తస్యై లక్ష్మ్యై నమో నమః ।
త్రిగుణాయై నిర్గుణాయై హరిణ్యై తే నమో నమః ॥ ౧౫ ॥

యన్త్రతన్త్రాత్మికాయై తే జగన్మాత్రే నమో నమః ।
వాగ్విభూత్యై గురుతన్వ్యై మహాలక్ష్మ్యై నమో నమః ॥ ౧౬ ॥

కమ్భరాయై సర్వవిద్యాభరాయై తే నమో నమః ।
జయాలలితాపాఞ్చాలీ రమాతన్వై నమో నమః ॥ ౧౭ ॥

పద్మావతీరమాహంసీ సుగుణాఽఽజ్ఞాశ్రియై నమః ।
నమః స్తుతా ప్రసనైవంఛన్దయామాస సవ్దరైః ॥ ౧౮ ॥

॥ ఫల శ్రుతి శ్రీ లక్ష్మీ ఉవాచ ॥
స్తావకా మే భవిశ్యన్తి శ్రీయశోధర్మసమ్భృతాః ।
విద్యావినయసమ్పన్నా నిరోగా దీర్ఘజీవినః ॥ ౧ ॥

పుత్రమిత్రకలత్రాఢ్యా భవిష్యన్తి సుసమ్పదః ।
పఠనాచ్ఛ్రవణాదస్య శత్రుభీతిర్వినశ్యతి ॥ ౨ ॥

రాజభీతిః కదనాని వినశ్యన్తి న సంశయః ।
భుక్తిం ముక్తిం భాగ్యమృద్ధిముత్తమాం చ లభేన్నరః ॥ ౩ ॥

॥ శ్రీలక్ష్మీనారాయణసంహితాయాం దేవసఙ్ఘకృతా శ్రీమహాలక్ష్మీలలితాస్తోత్రమ్ ॥

Encoded and proofread by
Pranav and Vrushali Tendulkar pranav.tendulkar at gmail.com

Please send corrections to sanskrit@cheerful.com
Last updated త్oday
http://sanskritdocuments.org

Mahalakshmi Lalitha Stotram Lyrics in Telugu PDF
% File name : mahAlakshmIlalitAstotra.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : pranav.tendulkar and vrushali
% Proofread by : pranav.tendulkar and vrushaliagarkar at gmail dotcom
% Description-comments : lakShmInarAyaNasaMhitA
% Latest update : May 5, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website