{॥ ಶ್ರೀಮಹಾಲಕ್ಷ್ಮೀಸಹಸ್ರನಾಮಸ್ತೋತ್ರಮ್ ॥}
ಶ್ರೀಃ ಪದ್ಮಾ ಪ್ರಕೃತಿಃ ಸತ್ತ್ವಾ ಶಾನ್ತಾ ಚಿಚ್ಛಕ್ತಿರವ್ಯಯಾ ।
ಕೇವಲಾ ನಿಷ್ಕಲಾ ಶುದ್ಧಾ ವ್ಯಾಪಿನೀ ವ್ಯೋಮವಿಗ್ರಹಾ ॥ ೧॥

ವ್ಯೋಮಪದ್ಮಕೃತಾಧಾರಾ ಪರಾ ವ್ಯೋಮಾಮೃತೋದ್ಭವಾ ।
ನಿರ್ವ್ಯೋಮಾ ವ್ಯೋಮಮಧ್ಯಸ್ಥಾ ಪಞ್ಚವ್ಯೋಮಪದಾಶ್ರಿತಾ ॥ ೨॥

ಅಚ್ಯುತಾ ವ್ಯೋಮನಿಲಯಾ ಪರಮಾನನ್ದರೂಪಿಣೀ ।
ನಿತ್ಯಶುದ್ಧಾ ನಿತ್ಯತೃಪ್ತಾ ನಿರ್ವಿಕಾರಾ ನಿರೀಕ್ಷಣಾ ॥ ೩॥

ಜ್ಞಾನಶಕ್ತಿಃ ಕರ್ತೃಶಕ್ತಿರ್ಭೋಕ್ತೃಶಕ್ತಿಃ ಶಿಖಾವಹಾ ।
ಸ್ನೇಹಾಭಾಸಾ ನಿರಾನನ್ದಾ ವಿಭೂತಿರ್ವಿಮಲಾಚಲಾ ॥ ೪॥

ಅನನ್ತಾ ವೈಷ್ಣವೀ ವ್ಯಕ್ತಾ ವಿಶ್ವಾನನ್ದಾ ವಿಕಾಸಿನೀ ।
ಶಕ್ತಿರ್ವಿಭಿನ್ನಸರ್ವಾರ್ತಿಃ ಸಮುದ್ರಪರಿತೋಷಿಣೀ ॥ ೫॥

ಮೂರ್ತಿಃ ಸನಾತನೀ ಹಾರ್ದೀ ನಿಸ್ತರಙ್ಗಾ ನಿರಾಮಯಾ ।
ಜ್ಞಾನಜ್ಞೇಯಾ ಜ್ಞಾನಗಮ್ಯಾ ಜ್ಞಾನಜ್ಞೇಯವಿಕಾಸಿನೀ ॥ ೬॥

ಸ್ವಚ್ಛನ್ದಶಕ್ತಿರ್ಗಹನಾ ನಿಷ್ಕಮ್ಪಾರ್ಚಿಃ ಸುನಿರ್ಮಲಾ ।
ಸ್ವರೂಪಾ ಸರ್ವಗಾ ಪಾರಾ ಬೃಂಹಿಣೀ ಸುಗುಣೋರ್ಜಿತಾ ॥ ೭॥

ಅಕಲಙ್ಕಾ ನಿರಾಧಾರಾ ನಿಃಸಂಕಲ್ಪಾ ನಿರಾಶ್ರಯಾ ।
ಅಸಂಕೀರ್ಣಾ ಸುಶಾನ್ತಾ ಚ ಶಾಶ್ವತೀ ಭಾಸುರೀ ಸ್ಥಿರಾ ॥ ೮॥

ಅನೌಪಮ್ಯಾ ನಿರ್ವಿಕಲ್ಪಾ ನಿಯನ್ತ್ರೀ ಯನ್ತ್ರವಾಹಿನೀ ।
ಅಭೇದ್ಯಾ ಭೇದಿನೀ ಭಿನ್ನಾ ಭಾರತೀ ವೈಖರೀ ಖಗಾ ॥ ೯॥

ಅಗ್ರಾಹ್ಯಾ ಗ್ರಾಹಿಕಾ ಗೂಢಾ ಗಮ್ಭೀರಾ ವಿಶ್ವಗೋಪಿನೀ ।
ಅನಿರ್ದೇಶ್ಯಾ ಪ್ರತಿಹತಾ ನಿರ್ಬೀಜಾ ಪಾವನೀ ಪರಾ ॥ ೧೦॥

ಅಪ್ರತರ್ಕ್ಯಾ ಪರಿಮಿತಾ ಭವಭ್ರಾನ್ತಿವಿನಾಶಿನೀ ।
ಏಕಾ ದ್ವಿರೂಪಾ ತ್ರಿವಿಧಾ ಅಸಂಖ್ಯಾತಾ ಸುರೇಶ್ವರೀ ॥ ೧೧॥

ಸುಪ್ರತಿಷ್ಠಾ ಮಹಾಧಾತ್ರೀ ಸ್ಥಿತಿರ್ವೃದ್ಧಿರ್ಧ್ರುವಾ ಗತಿಃ ।
ಈಶ್ವರೀ ಮಹಿಮಾ ಋದ್ಧಿಃ ಪ್ರಮೋದಾ ಉಜ್ಜ್ವಲೋದ್ಯಮಾ ॥ ೧೨॥

ಅಕ್ಷಯಾ ವರ್ದ್ಧಮಾನಾ ಚ ಸುಪ್ರಕಾಶಾ ವಿಹಙ್ಗಮಾ ।
ನೀರಜಾ ಜನನೀ ನಿತ್ಯಾ ಜಯಾ ರೋಚಿಷ್ಮತೀ ಶುಭಾ ॥ ೧೩॥

ತಪೋನುದಾ ಚ ಜ್ವಾಲಾ ಚ ಸುದೀಪ್ತಿಶ್ಚಾಂಶುಮಾಲಿನೀ ।
ಅಪ್ರಮೇಯಾ ತ್ರಿಧಾ ಸೂಕ್ಷ್ಮಾ ಪರಾ ನಿರ್ವಾಣದಾಯಿನೀ ॥ ೧೪॥

ಅವದಾತಾ ಸುಶುದ್ಧಾ ಚ ಅಮೋಘಾಖ್ಯಾ ಪರಮ್ಪರಾ ।
ಸಂಧಾನಕೀ ಶುದ್ಧವಿದ್ಯಾ ಸರ್ವಭೂತಮಹೇಶ್ವರೀ ॥ ೧೫॥

ಲಕ್ಷ್ಮೀಸ್ತುಷ್ಟಿರ್ಮಹಾಧೀರಾ ಶಾನ್ತಿರಾಪೂರಣಾನವಾ ।
ಅನುಗ್ರಹಾ ಶಕ್ತಿರಾದ್ಯಾ ಜಗಜ್ಜ್ಯೇಷ್ಠಾ ಜಗದ್ವಿಧಿಃ ॥ ೧೬॥

ಸತ್ಯಾ ಪ್ರಹ್ವಾ ಕ್ರಿಯಾ ಯೋಗ್ಯಾ ಅಪರ್ಣಾ ಹ್ಲಾದಿನೀ ಶಿವಾ ।
ಸಮ್ಪೂರ್ಣಾಹ್ಲಾದಿನೀ ಶುದ್ಧಾ ಜ್ಯೋತಿಷ್ಮತ್ಯಮೃತಾವಹಾ ॥ ೧೭॥

ರಜೋವತ್ಯರ್ಕಪ್ರತಿಭಾಽಽಕರ್ಷಿಣೀ ಕರ್ಷಿಣೀ ರಸಾ ।
ಪರಾ ವಸುಮತೀ ದೇವೀ ಕಾನ್ತಿಃ ಶಾನ್ತಿರ್ಮತಿಃ ಕಲಾ ॥ ೧೮॥

ಕಲಾ ಕಲಙ್ಕರಹಿತಾ ವಿಶಾಲೋದ್ದೀಪನೀ ರತಿಃ ।
ಸಮ್ಬೋಧಿನೀ ಹಾರಿಣೀ ಚ ಪ್ರಭಾವಾ ಭವಭೂತಿದಾ ॥ ೧೯॥

ಅಮೃತಸ್ಯನ್ದಿನೀ ಜೀವಾ ಜನನೀ ಖಣ್ಡಿಕಾ ಸ್ಥಿರಾ ।
ಧೂಮಾ ಕಲಾವತೀ ಪೂರ್ಣಾ ಭಾಸುರಾ ಸುಮತೀರಸಾ ॥ ೨೦॥

ಶುದ್ಧಾ ಧ್ವನಿಃ ಸೃತಿಃ ಸೃಷ್ಟಿರ್ವಿಕೃತಿಃ ಕೃಷ್ಟಿರೇವ ಚ ।
ಪ್ರಾಪಣೀ ಪ್ರಾಣದಾ ಪ್ರಹ್ವಾ ವಿಶ್ವಾ ಪಾಣ್ಡುರವಾಸಿನೀ ॥ ೨೧॥

ಅವನಿರ್ವಜ್ರನಲಿಕಾ ಚಿತ್ರಾ ಬ್ರಹ್ಮಾಣ್ಡವಾಸಿನೀ ।
ಅನನ್ತರೂಪಾನನ್ತಾತ್ಮಾನನ್ತಸ್ಥಾನನ್ತಸಮ್ಭವಾ ॥ ೨೨॥

ಮಹಾಶಕ್ತಿಃ ಪ್ರಾಣಶಕ್ತಿಃ ಪ್ರಾಣದಾತ್ರೀ ಋತಮ್ಭರಾ ।
ಮಹಾಸಮೂಹಾ ನಿಖಿಲಾ ಇಚ್ಛಾಧಾರಾ ಸುಖಾವಹಾ ॥ ೨೩॥

ಪ್ರತ್ಯಕ್ಷಲಕ್ಷ್ಮೀರ್ನಿಷ್ಕಮ್ಪಾ ಪ್ರರೋಹಾಬುದ್ಧಿಗೋಚರಾ ।
ನಾನಾದೇಹಾ ಮಹಾವರ್ತಾ ಬಹುದೇಹವಿಕಾಸಿನೀ ॥ ೨೪॥

ಸಹಸ್ರಾಣೀ ಪ್ರಧಾನಾ ಚ ನ್ಯಾಯವಸ್ತುಪ್ರಕಾಶಿಕಾ ।
ಸರ್ವಾಭಿಲಾಷಪೂರ್ಣೇಚ್ಛಾ ಸರ್ವಾ ಸರ್ವಾರ್ಥಭಾಷಿಣೀ ॥ ೨೫॥

ನಾನಾಸ್ವರೂಪಚಿದ್ಧಾತ್ರೀ ಶಬ್ದಪೂರ್ವಾ ಪುರಾತನೀ ।
ವ್ಯಕ್ತಾವ್ಯಕ್ತಾ ಜೀವಕೇಶಾ ಸರ್ವೇಚ್ಛಾಪರಿಪೂರಿತಾ ॥ ೨೬॥

ಸಂಕಲ್ಪಸಿದ್ಧಾ ಸಾಂಖ್ಯೇಯಾ ತತ್ತ್ವಗರ್ಭಾ ಧರಾವಹಾ ।
ಭೂತರೂಪಾ ಚಿತ್ಸ್ವರೂಪಾ ತ್ರಿಗುಣಾ ಗುಣಗರ್ವಿತಾ ॥ ೨೭॥

ಪ್ರಜಾಪತೀಶ್ವರೀ ರೌದ್ರೀ ಸರ್ವಾಧಾರಾ ಸುಖಾವಹಾ ।
ಕಲ್ಯಾಣವಾಹಿಕಾ ಕಲ್ಯಾ ಕಲಿಕಲ್ಮಷನಾಶಿನೀ ॥ ೨೮॥

ನೀರೂಪೋದ್ಭಿನ್ನಸಂತಾನಾ ಸುಯನ್ತ್ರಾ ತ್ರಿಗುಣಾಲಯಾ ।
ಮಹಾಮಾಯಾ ಯೋಗಮಾಯಾ ಮಹಾಯೋಗೇಶ್ವರೀ ಪ್ರಿಯಾ ॥ ೨೯॥

ಮಹಾಸ್ತ್ರೀ ವಿಮಲಾ ಕೀರ್ತಿರ್ಜಯಾ ಲಕ್ಷ್ಮೀರ್ನಿರಞ್ಜನಾ ।
ಪ್ರಕೃತಿರ್ಭಗವನ್ಮಾಯಾ ಶಕ್ತಿರ್ನಿದ್ರಾ ಯಶಸ್ಕರೀ ॥ ೩೦॥

ಚಿನ್ತಾ ಬುದ್ಧಿರ್ಯಶಃ ಪ್ರಜ್ಞಾ ಶಾನ್ತಿಃ ಸುಪ್ರೀತಿವರ್ದ್ಧಿನೀ ।
ಪ್ರದ್ಯುಮ್ನಮಾತಾ ಸಾಧ್ವೀ ಚ ಸುಖಸೌಭಾಗ್ಯಸಿದ್ಧಿದಾ ॥ ೩೧॥

ಕಾಷ್ಠಾ ನಿಷ್ಠಾ ಪ್ರತಿಷ್ಠಾ ಚ ಜ್ಯೇಷ್ಠಾ ಶ್ರೇಷ್ಠಾ ಜಯಾವಹಾ ।
ಸರ್ವಾತಿಶಾಯಿನೀ ಪ್ರೀತಿರ್ವಿಶ್ವಶಕ್ತಿರ್ಮಹಾಬಲಾ ॥ ೩೨॥

ವರಿಷ್ಠಾ ವಿಜಯಾ ವೀರಾ ಜಯನ್ತೀ ವಿಜಯಪ್ರದಾ ।
ಹೃದ್ಗೃಹಾ ಗೋಪಿನೀ ಗುಹ್ಯಾ ಗಣಗನ್ಧರ್ವಸೇವಿತಾ ॥ ೩೩॥

ಯೋಗೀಶ್ವರೀ ಯೋಗಮಾಯಾ ಯೋಗಿನೀ ಯೋಗಸಿದ್ಧಿದಾ ।
ಮಹಾಯೋಗೇಶ್ವರವೃತಾ ಯೋಗಾ ಯೋಗೇಶ್ವರಪ್ರಿಯಾ ॥ ೩೪॥

ಬ್ರಹ್ಮೇನ್ದ್ರರುದ್ರನಮಿತಾ ಸುರಾಸುರವರಪ್ರದಾ ।
ತ್ರಿವರ್ತ್ಮಗಾ ತ್ರಿಲೋಕಸ್ಥಾ ತ್ರಿವಿಕ್ರಮಪದೋದ್ಭವಾ ॥ ೩೫॥

ಸುತಾರಾ ತಾರಿಣೀ ತಾರಾ ದುರ್ಗಾ ಸಂತಾರಿಣೀ ಪರಾ ।
ಸುತಾರಿಣೀ ತಾರಯನ್ತೀ ಭೂರಿತಾರೇಶ್ವರಪ್ರಭಾ ॥ ೩೬॥

ಗುಹ್ಯವಿದ್ಯಾ ಯಜ್ಞವಿದ್ಯಾ ಮಹಾವಿದ್ಯಾ ಸುಶೋಭಿತಾ ।
ಅಧ್ಯಾತ್ಮವಿದ್ಯಾ ವಿಘ್ನೇಶೀ ಪದ್ಮಸ್ಥಾ ಪರಮೇಷ್ಠಿನೀ ॥ ೩೭॥

ಆನ್ವೀಕ್ಷಿಕೀ ತ್ರಯೀ ವಾರ್ತಾ ದಣ್ಡನೀತಿರ್ನಯಾತ್ಮಿಕಾ ।
ಗೌರೀ ವಾಗೀಶ್ವರೀ ಗೋಪ್ತ್ರೀ ಗಾಯತ್ರೀ ಕಮಲೋದ್ಭವಾ ॥ ೩೮॥

ವಿಶ್ವಮ್ಭರಾ ವಿಶ್ವರೂಪಾ ವಿಶ್ವಮಾತಾ ವಸುಪ್ರದಾ ।
ಸಿದ್ಧಿಃ ಸ್ವಾಹಾ ಸ್ವಧಾ ಸ್ವಸ್ತಿಃ ಸುಧಾ ಸರ್ವಾರ್ಥಸಾಧಿನೀ ॥ ೩೯॥

ಇಚ್ಛಾ ಸೃಷ್ಟಿರ್ದ್ಯುತಿರ್ಭೂತಿಃ ಕೀರ್ತಿಃ ಶ್ರದ್ಧಾ ದಯಾಮತಿಃ ।
ಶ್ರುತಿರ್ಮೇಧಾ ಧೃತಿರ್ಹ್ರೀಃ ಶ್ರೀರ್ವಿದ್ಯಾ ವಿಬುಧವನ್ದಿತಾ ॥ ೪೦॥

ಅನಸೂಯಾ ಘೃಣಾ ನೀತಿರ್ನಿರ್ವೃತಿಃ ಕಾಮಧುಕ್ಕರಾ ।
ಪ್ರತಿಜ್ಞಾ ಸಂತತಿರ್ಭೂತಿರ್ದ್ಯೌಃ ಪ್ರಜ್ಞಾ ವಿಶ್ವಮಾನಿನೀ ॥ ೪೧॥

ಸ್ಮೃತಿರ್ವಾಗ್ವಿಶ್ವಜನನೀ ಪಶ್ಯನ್ತೀ ಮಧ್ಯಮಾ ಸಮಾ ।
ಸಂಧ್ಯಾ ಮೇಧಾ ಪ್ರಭಾ ಭೀಮಾ ಸರ್ವಾಕಾರಾ ಸರಸ್ವತೀ ॥ ೪೨॥

ಕಾಙ್ಕ್ಷಾ ಮಾಯಾ ಮಹಾಮಾಯಾ ಮೋಹಿನೀ ಮಾಧವಪ್ರಿಯಾ ।
ಸೌಮ್ಯಾಭೋಗಾ ಮಹಾಭೋಗಾ ಭೋಗಿನೀ ಭೋಗದಾಯಿನೀ ॥ ೪೩॥

ಸುಧೌತಕನಕಪ್ರಖ್ಯಾ ಸುವರ್ಣಕಮಲಾಸನಾ ।
ಹಿರಣ್ಯಗರ್ಭಾ ಸುಶ್ರೋಣೀ ಹಾರಿಣೀ ರಮಣೀ ರಮಾ ॥ ೪೪॥

ಚನ್ದ್ರಾ ಹಿರಣ್ಮಯೀ ಜ್ಯೋತ್ಸ್ನಾ ರಮ್ಯಾ ಶೋಭಾ ಶುಭಾವಹಾ ।
ತ್ರೈಲೋಕ್ಯಮಣ್ಡನಾ ನಾರೀ ನರೇಶ್ವರವರಾರ್ಚಿತಾ ॥ ೪೫॥

ತ್ರೈಲೋಕ್ಯಸುನ್ದರೀ ರಾಮಾ ಮಹಾವಿಭವವಾಹಿನೀ ।
ಪದ್ಮಸ್ಥಾ ಪದ್ಮನಿಲಯಾ ಪದ್ಮಮಾಲಾವಿಭೂಷಿತಾ ॥ ೪೬॥

ಪದ್ಮಯುಗ್ಮಧರಾ ಕಾನ್ತಾ ದಿವ್ಯಾಭರಣಭೂಷಿತಾ ।
ವಿಚಿತ್ರರತ್ನಮುಕುಟಾ ವಿಚಿತ್ರಾಮ್ಬರಭೂಷಣಾ ॥ ೪೭॥

ವಿಚಿತ್ರಮಾಲ್ಯಗನ್ಧಾಢ್ಯಾ ವಿಚಿತ್ರಾಯುಧವಾಹನಾ ।
ಮಹಾನಾರಾಯಣೀ ದೇವೀ ವೈಷ್ಣವೀ ವೀರವನ್ದಿತಾ ॥ ೪೮॥

ಕಾಲಸಂಕರ್ಷಿಣೀ ಘೋರಾ ತತ್ತ್ವಸಂಕರ್ಷಿಣೀಕಲಾ ।
ಜಗತ್ಸಮ್ಪೂರಣೀ ವಿಶ್ವಾ ಮಹಾವಿಭವಭೂಷಣಾ ॥ ೪೯॥

ವಾರುಣೀ ವರದಾ ವ್ಯಾಖ್ಯಾ ಘಣ್ಟಾಕರ್ಣವಿರಾಜಿತಾ ।
ನೃಸಿಂಹೀ ಭೈರವೀ ಬ್ರಾಹ್ಮೀ ಭಾಸ್ಕರೀ ವ್ಯೋಮಚಾರಿಣೀ ॥ ೫೦॥

ಐನ್ದ್ರೀ ಕಾಮಧೇನುಃ ಸೃಷ್ಟಿಃ ಕಾಮಯೋನಿರ್ಮಹಾಪ್ರಭಾ ।
ದೃಷ್ಟಾ ಕಾಮ್ಯಾ ವಿಶ್ವಶಕ್ತಿರ್ಬೀಜಗತ್ಯಾತ್ಮದರ್ಶನಾ ॥ ೫೧॥

ಗರುಡಾರೂಢಹೃದಯಾ ಚಾನ್ದ್ರೀ ಶ್ರೀರ್ಮಧುರಾನನಾ ।
ಮಹೋಗ್ರರೂಪಾ ವಾರಾಹೀ ನಾರಸಿಂಹೀ ಹತಾಸುರಾ ॥ ೫೨॥

ಯುಗಾನ್ತಹುತಭುಗ್ಜ್ವಾಲಾ ಕರಾಲಾ ಪಿಙ್ಗಲಾಕಲಾ ।
ತ್ರೈಲೋಕ್ಯಭೂಷಣಾ ಭೀಮಾ ಶ್ಯಾಮಾ ತ್ರೈಲೋಕ್ಯಮೋಹಿನೀ ॥ ೫೩॥

ಮಹೋತ್ಕಟಾ ಮಹಾರಕ್ತಾ ಮಹಾಚಣ್ಡಾ ಮಹಾಸನಾ ।
ಶಙ್ಖಿನೀ ಲೇಖಿನೀ ಸ್ವಸ್ಥಾ ಲಿಖಿತಾ ಖೇಚರೇಶ್ವರೀ ॥ ೫೪॥

ಭದ್ರಕಾಲೀ ಚೈಕವೀರಾ ಕೌಮಾರೀ ಭವಮಾಲಿನೀ ।
ಕಲ್ಯಾಣೀ ಕಾಮಧುಗ್ಜ್ವಾಲಾಮುಖೀ ಚೋತ್ಪಲಮಾಲಿಕಾ ॥ ೫೫॥

ಬಾಲಿಕಾ ಧನದಾ ಸೂರ್ಯಾ ಹೃದಯೋತ್ಪಲಮಾಲಿಕಾ ।
ಅಜಿತಾ ವರ್ಷಿಣೀ ರೀತಿರ್ಭರುಣ್ಡಾ ಗರುಡಾಸನಾ ॥ ೫೬॥

ವೈಶ್ವಾನರೀ ಮಹಾಮಾಯಾ ಮಹಾಕಾಲೀ ವಿಭೀಷಣಾ ।
ಮಹಾಮನ್ದಾರವಿಭವಾ ಶಿವಾನನ್ದಾ ರತಿಪ್ರಿಯಾ ॥ ೫೭॥

ಉದ್ರೀತಿಃ ಪದ್ಮಮಾಲಾ ಚ ಧರ್ಮವೇಗಾ ವಿಭಾವನೀ ।
ಸತ್ಕ್ರಿಯಾ ದೇವಸೇನಾ ಚ ಹಿರಣ್ಯರಜತಾಶ್ರಯಾ ॥ ೫೮॥

ಸಹಸಾವರ್ತಮಾನಾ ಚ ಹಸ್ತಿನಾದಪ್ರಬೋಧಿನೀ ।
ಹಿರಣ್ಯಪದ್ಮವರ್ಣಾ ಚ ಹರಿಭದ್ರಾ ಸುದುರ್ದ್ಧರಾ ॥ ೫೯॥

ಸೂರ್ಯಾ ಹಿರಣ್ಯಪ್ರಕಟಸದೃಶೀ ಹೇಮಮಾಲಿನೀ ।
ಪದ್ಮಾನನಾ ನಿತ್ಯಪುಷ್ಟಾ ದೇವಮಾತಾ ಮೃತೋದ್ಭವಾ ॥ ೬೦॥

ಮಹಾಧನಾ ಚ ಯಾ ಶೃಙ್ಗೀ ಕರ್ದ್ದಮೀ ಕಮ್ಬುಕನ್ಧರಾ ।
ಆದಿತ್ಯವರ್ಣಾ ಚನ್ದ್ರಾಭಾ ಗನ್ಧದ್ವಾರಾ ದುರಾಸದಾ ॥ ೬೧॥

ವರಾಚಿತಾ ವರಾರೋಹಾ ವರೇಣ್ಯಾ ವಿಷ್ಣುವಲ್ಲಭಾ ।
ಕಲ್ಯಾಣೀ ವರದಾ ವಾಮಾ ವಾಮೇಶೀ ವಿನ್ಧ್ಯವಾಸಿನೀ ॥ ೬೨॥

ಯೋಗನಿದ್ರಾ ಯೋಗರತಾ ದೇವಕೀ ಕಾಮರೂಪಿಣೀ ।
ಕಂಸವಿದ್ರಾವಿಣೀ ದುರ್ಗಾ ಕೌಮಾರೀ ಕೌಶಿಕೀ ಕ್ಷಮಾ ॥ ೬೩॥

ಕಾತ್ಯಾಯನೀ ಕಾಲರಾತ್ರಿರ್ನಿಶಿತೃಪ್ತಾ ಸುದುರ್ಜಯಾ ।
ವಿರೂಪಾಕ್ಷೀ ವಿಶಾಲಾಕ್ಷೀ ಭಕ್ತಾನಾಂಪರಿರಕ್ಷಿಣೀ ॥ ೬೪॥

ಬಹುರೂಪಾ ಸ್ವರೂಪಾ ಚ ವಿರೂಪಾ ರೂಪವರ್ಜಿತಾ ।
ಘಣ್ಟಾನಿನಾದಬಹುಲಾ ಜೀಮೂತಧ್ವನಿನಿಃಸ್ವನಾ ॥ ೬೫॥

ಮಹಾದೇವೇನ್ದ್ರಮಥಿನೀ ಭ್ರುಕುಟೀಕುಟಿಲಾನನಾ ।
ಸತ್ಯೋಪಯಾಚಿತಾ ಚೈಕಾ ಕೌಬೇರೀ ಬ್ರಹ್ಮಚಾರಿಣೀ ॥ ೬೬॥

ಆರ್ಯಾ ಯಶೋದಾ ಸುತದಾ ಧರ್ಮಕಾಮಾರ್ಥಮೋಕ್ಷದಾ ।
ದಾರಿದ್ರ್ಯದುಃಖಶಮನೀ ಘೋರದುರ್ಗಾರ್ತಿನಾಶಿನೀ ॥ ೬೭॥

ಭಕ್ತಾರ್ತಿಶಮನೀ ಭವ್ಯಾ ಭವಭರ್ಗಾಪಹಾರಿಣೀ ।
ಕ್ಷೀರಾಬ್ಧಿತನಯಾ ಪದ್ಮಾ ಕಮಲಾ ಧರಣೀಧರಾ ॥ ೬೮॥

ರುಕ್ಮಿಣೀ ರೋಹಿಣೀ ಸೀತಾ ಸತ್ಯಭಾಮಾ ಯಶಸ್ವಿನೀ ।
ಪ್ರಜ್ಞಾಧಾರಾಮಿತಪ್ರಜ್ಞಾ ವೇದಮಾತಾ ಯಶೋವತೀ ॥ ೬೯॥

ಸಮಾಧಿರ್ಭಾವನಾ ಮೈತ್ರೀ ಕರುಣಾ ಭಕ್ತವತ್ಸಲಾ ।
ಅನ್ತರ್ವೇದೀ ದಕ್ಷಿಣಾ ಚ ಬ್ರಹ್ಮಚರ್ಯಪರಾಗತಿಃ ॥ ೭೦॥

ದೀಕ್ಷಾ ವೀಕ್ಷಾ ಪರೀಕ್ಷಾ ಚ ಸಮೀಕ್ಷಾ ವೀರವತ್ಸಲಾ ।
ಅಮ್ಬಿಕಾ ಸುರಭಿಃ ಸಿದ್ಧಾ ಸಿದ್ಧವಿದ್ಯಾಧರಾರ್ಚಿತಾ ॥ ೭೧॥

ಸುದೀಕ್ಷಾ ಲೇಲಿಹಾನಾ ಚ ಕರಾಲಾ ವಿಶ್ವಪೂರಕಾ ।
ವಿಶ್ವಸಂಧಾರಿಣೀ ದೀಪ್ತಿಸ್ತಾಪನೀ ತಾಣ್ಡವಪ್ರಿಯಾ ॥ ೭೨॥

ಉದ್ಭವಾ ವಿರಜಾ ರಾಜ್ಞೀ ತಾಪನೀ ಬಿನ್ದುಮಾಲಿನೀ ।
ಕ್ಷೀರಧಾರಾಸುಪ್ರಭಾವಾ ಲೋಕಮಾತಾ ಸುವರ್ಚಸಾ ॥ ೭೩॥

ಹವ್ಯಗರ್ಭಾ ಚಾಜ್ಯಗರ್ಭಾ ಜುಹ್ವತೋಯಜ್ಞಸಮ್ಭವಾ ।
ಆಪ್ಯಾಯನೀ ಪಾವನೀ ಚ ದಹನೀ ದಹನಾಶ್ರಯಾ ॥ ೭೪॥

ಮಾತೃಕಾ ಮಾಧವೀ ಮುಖ್ಯಾ ಮೋಕ್ಷಲಕ್ಷ್ಮೀರ್ಮಹರ್ದ್ಧಿದಾ ।
ಸರ್ವಕಾಮಪ್ರದಾ ಭದ್ರಾ ಸುಭದ್ರಾ ಸರ್ವಮಙ್ಗಲಾ ॥ ೭೫॥

ಶ್ವೇತಾ ಸುಶುಕ್ಲವಸನಾ ಶುಕ್ಲಮಾಲ್ಯಾನುಲೇಪನಾ ।
ಹಂಸಾ ಹೀನಕರೀ ಹಂಸೀ ಹೃದ್ಯಾ ಹೃತ್ಕಮಲಾಲಯಾ ॥ ೭೬॥

ಸಿತಾತಪತ್ರಾ ಸುಶ್ರೋಣೀ ಪದ್ಮಪತ್ರಾಯತೇಕ್ಷಣಾ ।
ಸಾವಿತ್ರೀ ಸತ್ಯಸಂಕಲ್ಪಾ ಕಾಮದಾ ಕಾಮಕಾಮಿನೀ ॥ ೭೭॥

ದರ್ಶನೀಯಾ ದೃಶಾ ದೃಶ್ಯಾ ಸ್ಪೃಶ್ಯಾ ಸೇವ್ಯಾ ವರಾಙ್ಗನಾ ।
ಭೋಗಪ್ರಿಯಾ ಭೋಗವತೀ ಭೋಗೀನ್ದ್ರಶಯನಾಸನಾ ॥ ೭೮॥

ಆರ್ದ್ರಾ ಪುಷ್ಕರಿಣೀ ಪುಣ್ಯಾ ಪಾವನೀ ಪಾಪಸೂದನೀ ।
ಶ್ರೀಮತೀ ಚ ಶುಭಾಕಾರಾ ಪರಮೈಶ್ವರ್ಯಭೂತಿದಾ ॥ ೭೯॥

ಅಚಿನ್ತ್ಯಾನನ್ತವಿಭವಾ ಭವಭಾವವಿಭಾವನೀ ।
ನಿಶ್ರೇಣಿಃ ಸರ್ವದೇಹಸ್ಥಾ ಸರ್ವಭೂತನಮಸ್ಕೃತಾ ॥ ೮೦॥

ಬಲಾ ಬಲಾಧಿಕಾ ದೇವೀ ಗೌತಮೀ ಗೋಕುಲಾಲಯಾ ।
ತೋಷಿಣೀ ಪೂರ್ಣಚನ್ದ್ರಾಭಾ ಏಕಾನನ್ದಾ ಶತಾನನಾ ॥ ೮೧॥

ಉದ್ಯಾನನಗರದ್ವಾರಹರ್ಮ್ಯೋಪವನವಾಸಿನೀ ।
ಕೂಷ್ಮಾಣ್ಡಾ ದಾರುಣಾ ಚಣ್ಡಾ ಕಿರಾತೀ ನನ್ದನಾಲಯಾ ॥ ೮೨॥

ಕಾಲಾಯನಾ ಕಾಲಗಮ್ಯಾ ಭಯದಾ ಭಯನಾಶಿನೀ ।
ಸೌದಾಮನೀ ಮೇಘರವಾ ದೈತ್ಯದಾನವಮರ್ದಿನೀ ॥ ೮೩॥

ಜಗನ್ಮಾತಾ ಭಯಕರೀ ಭೂತಧಾತ್ರೀ ಸುದುರ್ಲಭಾ ।
ಕಾಶ್ಯಪೀ ಶುಭದಾತಾ ಚ ವನಮಾಲಾ ಶುಭಾವರಾ ॥ ೮೪॥

ಧನ್ಯಾ ಧನ್ಯೇಶ್ವರೀ ಧನ್ಯಾ ರತ್ನದಾ ವಸುವರ್ದ್ಧಿನೀ ।
ಗಾನ್ಧರ್ವೀ ರೇವತೀ ಗಙ್ಗಾ ಶಕುನೀ ವಿಮಲಾನನಾ ॥ ೮೫॥

ಇಡಾ ಶಾನ್ತಿಕರೀ ಚೈವ ತಾಮಸೀ ಕಮಲಾಲಯಾ ।
ಆಜ್ಯಪಾ ವಜ್ರಕೌಮಾರೀ ಸೋಮಪಾ ಕುಸುಮಾಶ್ರಯಾ ॥ ೮೬॥

ಜಗತ್ಪ್ರಿಯಾ ಚ ಸರಥಾ ದುರ್ಜಯಾ ಖಗವಾಹನಾ ।
ಮನೋಭವಾ ಕಾಮಚಾರಾ ಸಿದ್ಧಚಾರಣಸೇವಿತಾ ॥ ೮೭॥

ವ್ಯೋಮಲಕ್ಷ್ಮೀರ್ಮಹಾಲಕ್ಷ್ಮೀಸ್ತೇಜೋಲಕ್ಷ್ಮೀಃ ಸುಜಾಜ್ವಲಾ ।
ರಸಲಕ್ಷ್ಮೀರ್ಜಗದ್ಯೋನಿರ್ಗನ್ಧಲಕ್ಷ್ಮೀರ್ವನಾಶ್ರಯಾ ॥ ೮೮॥

ಶ್ರವಣಾ ಶ್ರಾವಣೀ ನೇತ್ರೀ ರಸನಾಪ್ರಾಣಚಾರಿಣೀ ।
ವಿರಿಞ್ಚಿಮಾತಾ ವಿಭವಾ ವರವಾರಿಜವಾಹನಾ ॥ ೮೯॥

ವೀರ್ಯಾ ವೀರೇಶ್ವರೀ ವನ್ದ್ಯಾ ವಿಶೋಕಾ ವಸುವರ್ದ್ಧಿನೀ ।
ಅನಾಹತಾ ಕುಣ್ಡಲಿನೀ ನಲಿನೀ ವನವಾಸಿನೀ ॥ ೯೦॥

ಗಾನ್ಧಾರಿಣೀನ್ದ್ರನಮಿತಾ ಸುರೇನ್ದ್ರನಮಿತಾ ಸತೀ ।
ಸರ್ವಮಙ್ಗಲ್ಯಮಾಙ್ಗಲ್ಯಾ ಸರ್ವಕಾಮಸಮೃದ್ಧಿದಾ ॥ ೯೧॥

ಸರ್ವಾನನ್ದಾ ಮಹಾನನ್ದಾ ಸತ್ಕೀರ್ತಿಃ ಸಿದ್ಧಸೇವಿತಾ ।
ಸಿನೀವಾಲೀ ಕುಹೂ ರಾಕಾ ಅಮಾ ಚಾನುಮತಿರ್ದ್ಯುತಿಃ ॥ ೯೨॥

ಅರುನ್ಧತೀ ವಸುಮತೀ ಭಾರ್ಗವೀ ವಾಸ್ತುದೇವತಾ ।
ಮಾಯೂರೀ ವಜ್ರವೇತಾಲೀ ವಜ್ರಹಸ್ತಾ ವರಾನನಾ ॥ ೯೩॥

ಅನಘಾ ಧರಣಿರ್ಧೀರಾ ಧಮನೀ ಮಣಿಭೂಷಣಾ ।
ರಾಜಶ್ರೀ ರೂಪಸಹಿತಾ ಬ್ರಹ್ಮಶ್ರೀರ್ಬ್ರಹ್ಮವನ್ದಿತಾ ॥ ೯೪॥

ಜಯಶ್ರೀರ್ಜಯದಾ ಜ್ಞೇಯಾ ಸರ್ಗಶ್ರೀಃ ಸ್ವರ್ಗತಿಃ ಸತಾಮ್ ।
ಸುಪುಷ್ಪಾ ಪುಷ್ಪನಿಲಯಾ ಫಲಶ್ರೀರ್ನಿಷ್ಕಲಪ್ರಿಯಾ ॥ ೯೫॥

ಧನುರ್ಲಕ್ಷ್ಮೀಸ್ತ್ವಮಿಲಿತಾ ಪರಕ್ರೋಧನಿವಾರಿಣೀ ।
ಕದ್ರೂರ್ದ್ಧನಾಯುಃ ಕಪಿಲಾ ಸುರಸಾ ಸುರಮೋಹಿನೀ ॥ ೯೬॥

ಮಹಾಶ್ವೇತಾ ಮಹಾನೀಲಾ ಮಹಾಮೂರ್ತಿರ್ವಿಷಾಪಹಾ ।
ಸುಪ್ರಭಾ ಜ್ವಾಲಿನೀ ದೀಪ್ತಿಸ್ತೃಪ್ತಿರ್ವ್ಯಾಪ್ತಿಃ ಪ್ರಭಾಕರೀ ॥ ೯೭॥

ತೇಜೋವತೀ ಪದ್ಮಬೋಧಾ ಮದಲೇಖಾರುಣಾವತೀ ।
ರತ್ನಾ ರತ್ನಾವಲೀ ಭೂತಾ ಶತಧಾಮಾ ಶತಾಪಹಾ ॥ ೯೮॥

ತ್ರಿಗುಣಾ ಘೋಷಿಣೀ ರಕ್ಷ್ಯಾ ನರ್ದ್ದಿನೀ ಘೋಷವರ್ಜಿತಾ ।
ಸಾಧ್ಯಾ ದಿತಿರ್ದಿತಿದೇವೀ ಮೃಗವಾಹಾ ಮೃಗಾಙ್ಕಗಾ ॥ ೯೯॥

ಚಿತ್ರನೀಲೋತ್ಪಲಗತಾ ವೃಷರತ್ನಕರಾಶ್ರಯಾ ।
ಹಿರಣ್ಯರಜತದ್ವನ್ದ್ವಾ ಶಙ್ಖಭದ್ರಾಸನಾಸ್ಥಿತಾ ॥ ೧೦೦॥

ಗೋಮೂತ್ರಗೋಮಯಕ್ಷೀರದಧಿಸರ್ಪಿರ್ಜಲಾಶ್ರಯಾ ।
ಮರೀಚಿಶ್ಚೀರವಸನಾ ಪೂರ್ಣಾ ಚನ್ದ್ರಾರ್ಕವಿಷ್ಟರಾ ॥ ೧೦೧॥

ಸುಸೂಕ್ಷ್ಮಾ ನಿರ್ವೃತಿಃ ಸ್ಥೂಲಾ ನಿವೃತ್ತಾರಾತಿರೇವ ಚ ।
ಮರೀಚಿಜ್ವಾಲಿನೀ ಧೂಮ್ರಾ ಹವ್ಯವಾಹಾ ಹಿರಣ್ಯದಾ ॥ ೧೦೨॥

ದಾಯಿನೀ ಕಾಲಿನೀ ಸಿದ್ಧಿಃ ಶೋಷಿಣೀ ಸಮ್ಪ್ರಬೋಧಿನೀ ।
ಭಾಸ್ವರಾ ಸಂಹತಿಸ್ತೀಕ್ಷ್ಣಾ ಪ್ರಚಣ್ಡಜ್ವಲನೋಜ್ಜ್ವಲಾ ॥ ೧೦೩॥

ಸಾಙ್ಗಾ ಪ್ರಚಣ್ಡಾ ದೀಪ್ತಾ ಚ ವೈದ್ಯುತಿಃ ಸುಮಹಾದ್ಯುತಿಃ ।
ಕಪಿಲಾ ನೀಲರಕ್ತಾ ಚ ಸುಷುಮ್ಣಾ ವಿಸ್ಫುಲಿಙ್ಗಿನೀ ॥ ೧೦೪॥

ಅರ್ಚಿಷ್ಮತೀ ರಿಪುಹರಾ ದೀರ್ಘಾ ಧೂಮಾವಲೀ ಜರಾ ।
ಸಮ್ಪೂರ್ಣಮಣ್ಡಲಾ ಪೂಷಾ ಸ್ರಂಸಿನೀ ಸುಮನೋಹರಾ ॥ ೧೦೫॥

ಜಯಾ ಪುಷ್ಟಿಕರೀಚ್ಛಾಯಾ ಮಾನಸಾ ಹೃದಯೋಜ್ಜ್ವಲಾ ।
ಸುವರ್ಣಕರಣೀ ಶ್ರೇಷ್ಠಾ ಮೃತಸಂಜೀವಿನೀರಣೇ ॥ ೧೦೬॥

ವಿಶಲ್ಯಕರಣೀ ಶುಭ್ರಾ ಸಂಧಿನೀ ಪರಮೌಷಧಿಃ ।
ಬ್ರಹ್ಮಿಷ್ಠಾ ಬ್ರಹ್ಮಸಹಿತಾ ಐನ್ದವೀ ರತ್ನಸಮ್ಭವಾ ॥ ೧೦೭॥

ವಿದ್ಯುತ್ಪ್ರಭಾ ಬಿನ್ದುಮತೀ ತ್ರಿಸ್ವಭಾವಗುಣಾಮ್ಬಿಕಾ ।
ನಿತ್ಯೋದಿತಾ ನಿತ್ಯಹೃಷ್ಟಾ ನಿತ್ಯಕಾಮಕರೀಷಿಣೀ ॥ ೧೦೮॥

ಪದ್ಮಾಙ್ಕಾ ವಜ್ರಚಿಹ್ನಾ ಚ ವಕ್ರದಣ್ಡವಿಭಾಸಿನೀ ।
ವಿದೇಹಪೂಜಿತಾ ಕನ್ಯಾ ಮಾಯಾ ವಿಜಯವಾಹಿನೀ ॥ ೧೦೯॥

ಮಾನಿನೀ ಮಙ್ಗಲಾ ಮಾನ್ಯಾ ಮಾಲಿನೀ ಮಾನದಾಯಿನೀ ।
ವಿಶ್ವೇಶ್ವರೀ ಗಣವತೀ ಮಣ್ಡಲಾ ಮಣ್ಡಲೇಶ್ವರೀ ॥ ೧೧೦॥

ಹರಿಪ್ರಿಯಾ ಭೌಮಸುತಾ ಮನೋಜ್ಞಾ ಮತಿದಾಯಿನೀ ।
ಪ್ರತ್ಯಙ್ಗಿರಾ ಸೋಮಗುಪ್ತಾ ಮನೋಽಭಿಜ್ಞಾ ವದನ್ಮತಿಃ ॥ ೧೧೧॥

ಯಶೋಧರಾ ರತ್ನಮಾಲಾ ಕೃಷ್ಣಾ ತ್ರೈಲೋಕ್ಯಬನ್ಧನೀ ।
ಅಮೃತಾ ಧಾರಿಣೀ ಹರ್ಷಾ ವಿನತಾ ವಲ್ಲಕೀ ಶಚೀ ॥ ೧೧೨॥

ಸಂಕಲ್ಪಾ ಭಾಮಿನೀ ಮಿಶ್ರಾ ಕಾದಮ್ಬರ್ಯಮೃತಪ್ರಭಾ ।
ಅಗತಾ ನಿರ್ಗತಾ ವಜ್ರಾ ಸುಹಿತಾ ಸಂಹಿತಾಕ್ಷತಾ ॥ ೧೧೩॥

ಸರ್ವಾರ್ಥಸಾಧನಕರೀ ಧಾತುರ್ಧಾರಣಿಕಾಮಲಾ ।
ಕರುಣಾಧಾರಸಮ್ಭೂತಾ ಕಮಲಾಕ್ಷೀ ಶಶಿಪ್ರಿಯಾ ॥ ೧೧೪॥

ಸೌಮ್ಯರೂಪಾ ಮಹಾದೀಪ್ತಾ ಮಹಾಜ್ವಾಲಾ ವಿಕಾಶಿನೀ ।
ಮಾಲಾ ಕಾಞ್ಚನಮಾಲಾ ಚ ಸದ್ವಜ್ರಾ ಕನಕಪ್ರಭಾ ॥ ೧೧೫॥

ಪ್ರಕ್ರಿಯಾ ಪರಮಾ ಯೋಕ್ತ್ರೀ ಕ್ಷೋಭಿಕಾ ಚ ಸುಖೋದಯಾ ।
ವಿಜೃಮ್ಭಣಾ ಚ ವಜ್ರಾಖ್ಯಾ ಶೃಙ್ಖಲಾ ಕಮಲೇಕ್ಷಣಾ ॥ ೧೧೬॥

ಜಯಂಕರೀ ಮಧುಮತೀ ಹರಿತಾ ಶಶಿನೀ ಶಿವಾ ।
ಮೂಲಪ್ರಕೃತಿರೀಶಾನೀ ಯೋಗಮಾತಾ ಮನೋಜವಾ ॥ ೧೧೭॥

ಧರ್ಮೋದಯಾ ಭಾನುಮತೀ ಸರ್ವಾಭಾಸಾ ಸುಖಾವಹಾ ।
ಧುರನ್ಧರಾ ಚ ಬಾಲಾ ಚ ಧರ್ಮಸೇವ್ಯಾ ತಥಾಗತಾ ॥ ೧೧೮॥

ಸುಕುಮಾರಾ ಸೌಮ್ಯಮುಖೀ ಸೌಮ್ಯಸಮ್ಬೋಧನೋತ್ತಮಾ ।
ಸುಮುಖೀ ಸರ್ವತೋಭದ್ರಾ ಗುಹ್ಯಶಕ್ತಿರ್ಗುಹಾಲಯಾ ॥ ೧೧೯॥

ಹಲಾಯುಧಾ ಚೈಕವೀರಾ ಸರ್ವಶಸ್ತ್ರಸುಧಾರಿಣೀ ।
ವ್ಯೋಮಶಕ್ತಿರ್ಮಹಾದೇಹಾ ವ್ಯೋಮಗಾ ಮಧುಮನ್ಮಯೀ ॥ ೧೨೦॥

ಗಙ್ಗಾ ವಿತಸ್ತಾ ಯಮುನಾ ಚನ್ದ್ರಭಾಗಾ ಸರಸ್ವತೀ ।
ತಿಲೋತ್ತಮೋರ್ವಶೀ ರಮ್ಭಾ ಸ್ವಾಮಿನೀ ಸುರಸುನ್ದರೀ ॥ ೧೨೧॥

ಬಾಣಪ್ರಹರಣಾವಾಲಾ ಬಿಮ್ಬೋಷ್ಠೀ ಚಾರುಹಾಸಿನೀ ।
ಕಕುದ್ಮಿನೀ ಚಾರುಪೃಷ್ಠಾ ದೃಷ್ಟಾದೃಷ್ಟಫಲಪ್ರದಾ ॥ ೧೨೨॥

ಕಾಮ್ಯಾಚರೀ ಚ ಕಾಮ್ಯಾ ಚ ಕಾಮಾಚಾರವಿಹಾರಿಣೀ ।
ಹಿಮಶೈಲೇನ್ದ್ರಸಂಕಾಶಾ ಗಜೇನ್ದ್ರವರವಾಹನಾ ॥ ೧೨೩॥

ಅಶೇಷಸುಖಸೌಭಾಗ್ಯಸಮ್ಪದಾ ಯೋನಿರುತ್ತಮಾ ।
ಸರ್ವೋತ್ಕೃಷ್ಟಾ ಸರ್ವಮಯೀ ಸರ್ವಾ ಸರ್ವೇಶ್ವರಪ್ರಿಯಾ ॥ ೧೨೪॥

ಸರ್ವಾಙ್ಗಯೋನಿಃ ಸಾವ್ಯಕ್ತಾ ಸಮ್ಪ್ರಧಾನೇಶ್ವರೇಶ್ವರೀ ।
ವಿಷ್ಣುವಕ್ಷಃಸ್ಥಲಗತಾ ಕಿಮತಃ ಪರಮುಚ್ಯತೇ ॥ ೧೨೫॥

ಪರಾ ನಿರ್ಮಹಿಮಾ ದೇವೀ ಹರಿವಕ್ಷಃಸ್ಥಲಾಶ್ರಯಾ ।
ಸಾ ದೇವೀ ಪಾಪಹನ್ತ್ರೀ ಚ ಸಾನ್ನಿಧ್ಯಂ ಕುರುತಾನ್ಮಮ ॥ ೧೨೬॥

ಇತಿ ನಾಮ್ನಾಂ ಸಹಸ್ರಂ ತು ಲಕ್ಷ್ಮ್ಯಾಃ ಪ್ರೋಕ್ತಂ ಶುಭಾವಹಮ್ ।
ಪರಾವರೇಣ ಭೇದೇನ ಮುಖ್ಯಗೌಣೇನ ಭಾಗತಃ ॥ ೧೨೭॥

ಯಶ್ಚೈತತ್ ಕೀರ್ತಯೇನ್ನಿತ್ಯಂ ಶೃಣುಯಾದ್ ವಾಪಿ ಪದ್ಮಜ ।
ಶುಚಿಃ ಸಮಾಹಿತೋ ಭೂತ್ವಾ ಭಕ್ತಿಶ್ರದ್ಧಾಸಮನ್ವಿತಃ ॥ ೧೨೮॥

ಶ್ರೀನಿವಾಸಂ ಸಮಭ್ಯರ್ಚ್ಯ ಪುಷ್ಪಧೂಪಾನುಲೇಪನೈಃ ।
ಭೋಗೈಶ್ಚ ಮಧುಪರ್ಕಾದ್ಯೈರ್ಯಥಾಶಕ್ತಿ ಜಗದ್ಗುರುಮ್ ॥ ೧೨೯॥

ತತ್ಪಾರ್ಶ್ವಸ್ಥಾಂ ಶ್ರಿಯಂ ದೇವೀಂ ಸಮ್ಪೂಜ್ಯ ಶ್ರೀಧರಪ್ರಿಯಾಮ್ ।
ತತೋ ನಾಮಸಹಸ್ರೋಣ ತೋಷಯೇತ್ ಪರಮೇಶ್ವರೀಮ್ ॥ ೧೩೦॥

ನಾಮರತ್ನಾವಲೀಸ್ತೋತ್ರಮಿದಂ ಯಃ ಸತತಂ ಪಠೇತ್ ।
ಪ್ರಸಾದಾಭಿಮುಖೀಲಕ್ಷ್ಮೀಃ ಸರ್ವಂ ತಸ್ಮೈ ಪ್ರಯಚ್ಛತಿ ॥ ೧೩೧॥

ಯಸ್ಯಾ ಲಕ್ಷ್ಮ್ಯಾಶ್ಚ ಸಮ್ಭೂತಾಃ ಶಕ್ತಯೋ ವಿಶ್ವಗಾಃ ಸದಾ ।
ಕಾರಣತ್ವೇ ನ ತಿಷ್ಠನ್ತಿ ಜಗತ್ಯಸ್ಮಿಂಶ್ಚರಾಚರೇ ॥ ೧೩೨॥

ತಸ್ಮಾತ್ ಪ್ರೀತಾ ಜಗನ್ಮಾತಾ ಶ್ರೀರ್ಯಸ್ಯಾಚ್ಯುತವಲ್ಲಭಾ ।
ಸುಪ್ರೀತಾಃ ಶಕ್ತಯಸ್ತಸ್ಯ ಸಿದ್ಧಿಮಿಷ್ಟಾಂ ದಿಶನ್ತಿ ಹಿ ॥ ೧೩೩॥

ಏಕ ಏವ ಜಗತ್ಸ್ವಾಮೀ ಶಕ್ತಿಮಾನಚ್ಯುತಃ ಪ್ರಭುಃ ।
ತದಂಶಶಕ್ತಿಮನ್ತೋಽನ್ಯೇ ಬ್ರಹ್ಮೇಶಾನಾದಯೋ ಯಥಾ ॥ ೧೩೪॥

ತಥೈವೈಕಾ ಪರಾ ಶಕ್ತಿಃ ಶ್ರೀಸ್ತಸ್ಯ ಕರುಣಾಶ್ರಯಾ ।
ಜ್ಞಾನಾದಿಷಾಙ್ಗುಣ್ಯಮಯೀ ಯಾ ಪ್ರೋಕ್ತಾ ಪ್ರಕೃತಿಃ ಪರಾ ॥ ೧೩೫॥

ಏಕೈವ ಶಕ್ತಿಃ ಶ್ರೀಸ್ತಸ್ಯಾ ದ್ವಿತೀಯಾತ್ಮನಿ ವರ್ತತೇ ।
ಪರಾ ಪರೇಶೀ ಸರ್ವೇಶೀ ಸರ್ವಾಕಾರಾ ಸನಾತನೀ ॥ ೧೩೬॥

ಅನನ್ತನಾಮಧೇಯಾ ಚ ಶಕ್ತಿಚಕ್ರಸ್ಯ ನಾಯಿಕಾ ।
ಜಗಚ್ಚರಾಚರಮಿದಂ ಸರ್ವಂ ವ್ಯಾಪ್ಯ ವ್ಯವಸ್ಥಿತಾ ॥ ೧೩೭॥

ತಸ್ಮಾದೇಕೈವ ಪರಮಾ ಶ್ರೀರ್ಜ್ಞೇಯಾ ವಿಶ್ವರೂಪಿಣೀ ।
ಸೌಮ್ಯಾ ಸೌಮ್ಯೇನ ರೂಪೇಣ ಸಂಸ್ಥಿತಾ ನಟಜೀವವತ್ ॥ ೧೩೮॥

ಯೋ ಯೋ ಜಗತಿ ಪುಮ್ಭಾವಃ ಸ ವಿಷ್ಣುರಿತಿ ನಿಶ್ಚಯಃ ।
ಯಾ ಯಾ ತು ನಾರೀಭಾವಸ್ಥಾ ತತ್ರ ಲಕ್ಷ್ಮೀರ್ವ್ಯವಸ್ಥಿತಾ ॥ ೧೩೯॥

ಪ್ರಕೃತೇಃ ಪುರುಷಾಚ್ಚಾನ್ಯಸ್ತೃತೀಯೋ ನೈವ ವಿದ್ಯತೇ ।
ಅಥ ಕಿಂ ಬಹುನೋಕ್ತೇನ ನರನಾರೀಮಯೋ ಹರಿಃ ॥ ೧೪೦॥

ಅನೇಕಭೇದಭಿನ್ನಸ್ತು ಕ್ರಿಯತೇ ಪರಮೇಶ್ವರಃ ।
ಮಹಾವಿಭೂತಿಂ ದಯಿತಾಂ ಯೇ ಸ್ತುವನ್ತ್ಯಚ್ಯುತಪ್ರಿಯಾಮ್ ॥ ೧೪೧॥

ತೇ ಪ್ರಾಪ್ನುವನ್ತಿ ಪರಮಾಂ ಲಕ್ಷ್ಮೀಂ ಸಂಶುದ್ಧಚೇತಸಃ ।
ಪದ್ಮಯೋನಿರಿದಂ ಪ್ರಾಪ್ಯ ಪಠನ್ ಸ್ತೋತ್ರಮಿದಂ ಕ್ರಮಾತ್ ॥ ೧೪೨॥

ದಿವ್ಯಮಷ್ಟಗುಣೈಶ್ವರ್ಯಂ ತತ್ಪ್ರಸಾದಾಚ್ಚ ಲಬ್ಧವಾನ್ ।
ಸಕಾಮಾನಾಂ ಚ ಫಲದಾಮಕಾಮಾನಾಂ ಚ ಮೋಕ್ಷದಾಮ್ ॥ ೧೪೩॥

ಪುಸ್ತಕಾಖ್ಯಾಂ ಭಯತ್ರಾತ್ರೀಂ ಸಿತವಸ್ತ್ರಾಂ ತ್ರಿಲೋಚನಾಮ್ ।
ಮಹಾಪದ್ಮನಿಷಣ್ಣಾಂ ತಾಂ ಲಕ್ಷ್ಮೀಮಜರತಾಂ ನಮಃ ॥ ೧೪೪॥

ಕರಯುಗಲಗೃಹೀತಂ ಪೂರ್ಣಕುಮ್ಭಂ ದಧಾನಾ
ಕ್ವಚಿದಮಲಗತಸ್ಥಾ ಶಙ್ಖಪದ್ಮಾಕ್ಷಪಾಣಿಃ ।
ಕ್ವಚಿದಪಿ ದಯಿತಾಙ್ಗೇ ಚಾಮರವ್ಯಗ್ರಹಸ್ತಾ
ಕ್ವಚಿದಪಿ ಸೃಣಿಪಾಶಂ ಬಿಭ್ರತೀ ಹೇಮಕಾನ್ತಿಃ ॥ ೧೪೫॥

॥ ಇತ್ಯಾದಿಬ್ರಹ್ಮಪುರಾಣೇ ಕಾಶ್ಮೀರವರ್ಣನೇ ಹಿರಣ್ಯಗರ್ಭಹೃದಯೇ

ಸರ್ವಕಾಮಪ್ರದಾಯಕಂ ಪುರುಷೋತ್ತಮಪ್ರೋಕ್ತಂ
ಶ್ರೀಲಕ್ಷ್ಮೀಸಹಸ್ರನಾಮಸ್ತೋತ್ರಂ ಸಮಾಪ್ತಮ್ ॥


Visit http://www.webdunia.com for additional texts with Hindi meanings.
Corrected by Kirk Wortman kirkwort@hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Mahalakshmi Sahasranama Stotram Lyrics in Kannada PDF
% File name : mahaalaxmisahasra.itx
% Category : sahasranAma
% Location : doc\_devii
% Language : Sanskrit
% Subject : hinduism/religion
% Transliterated by : http://www.webdunia.com Corrected by Kirk Wortman
% Proofread by : Kirk Wortman
% Latest update : August 13, 2002
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website