{॥ ଶ୍ରୀମହାଲକ୍ଷ୍ମୀସହସ୍ରନାମସ୍ତୋତ୍ରମ୍ ॥}
ଶ୍ରୀଃ ପଦ୍ମା ପ୍ରକୃତିଃ ସତ୍ତ୍ଵା ଶାନ୍ତା ଚିଚ୍ଛକ୍ତିରଵ୍ଯଯା ।
କେଵଲା ନିଷ୍କଲା ଶୁଦ୍ଧା ଵ୍ଯାପିନୀ ଵ୍ଯୋମଵିଗ୍ରହା ॥ ୧॥

ଵ୍ଯୋମପଦ୍ମକୃତାଧାରା ପରା ଵ୍ଯୋମାମୃତୋଦ୍ଭଵା ।
ନିର୍ଵ୍ଯୋମା ଵ୍ଯୋମମଧ୍ଯସ୍ଥା ପଞ୍ଚଵ୍ଯୋମପଦାଶ୍ରିତା ॥ ୨॥

ଅଚ୍ଯୁତା ଵ୍ଯୋମନିଲଯା ପରମାନନ୍ଦରୂପିଣୀ ।
ନିତ୍ଯଶୁଦ୍ଧା ନିତ୍ଯତୃପ୍ତା ନିର୍ଵିକାରା ନିରୀକ୍ଷଣା ॥ ୩॥

ଜ୍ଞାନଶକ୍ତିଃ କର୍ତୃଶକ୍ତିର୍ଭୋକ୍ତୃଶକ୍ତିଃ ଶିଖାଵହା ।
ସ୍ନେହାଭାସା ନିରାନନ୍ଦା ଵିଭୂତିର୍ଵିମଲାଚଲା ॥ ୪॥

ଅନନ୍ତା ଵୈଷ୍ଣଵୀ ଵ୍ଯକ୍ତା ଵିଶ୍ଵାନନ୍ଦା ଵିକାସିନୀ ।
ଶକ୍ତିର୍ଵିଭିନ୍ନସର୍ଵାର୍ତିଃ ସମୁଦ୍ରପରିତୋଷିଣୀ ॥ ୫॥

ମୂର୍ତିଃ ସନାତନୀ ହାର୍ଦୀ ନିସ୍ତରଙ୍ଗା ନିରାମଯା ।
ଜ୍ଞାନଜ୍ଞେଯା ଜ୍ଞାନଗମ୍ଯା ଜ୍ଞାନଜ୍ଞେଯଵିକାସିନୀ ॥ ୬॥

ସ୍ଵଚ୍ଛନ୍ଦଶକ୍ତିର୍ଗହନା ନିଷ୍କମ୍ପାର୍ଚିଃ ସୁନିର୍ମଲା ।
ସ୍ଵରୂପା ସର୍ଵଗା ପାରା ବୃଂହିଣୀ ସୁଗୁଣୋର୍ଜିତା ॥ ୭॥

ଅକଲଙ୍କା ନିରାଧାରା ନିଃସଂକଲ୍ପା ନିରାଶ୍ରଯା ।
ଅସଂକୀର୍ଣା ସୁଶାନ୍ତା ଚ ଶାଶ୍ଵତୀ ଭାସୁରୀ ସ୍ଥିରା ॥ ୮॥

ଅନୌପମ୍ଯା ନିର୍ଵିକଲ୍ପା ନିଯନ୍ତ୍ରୀ ଯନ୍ତ୍ରଵାହିନୀ ।
ଅଭେଦ୍ଯା ଭେଦିନୀ ଭିନ୍ନା ଭାରତୀ ଵୈଖରୀ ଖଗା ॥ ୯॥

ଅଗ୍ରାହ୍ଯା ଗ୍ରାହିକା ଗୂଢା ଗମ୍ଭୀରା ଵିଶ୍ଵଗୋପିନୀ ।
ଅନିର୍ଦେଶ୍ଯା ପ୍ରତିହତା ନିର୍ବୀଜା ପାଵନୀ ପରା ॥ ୧୦॥

ଅପ୍ରତର୍କ୍ଯା ପରିମିତା ଭଵଭ୍ରାନ୍ତିଵିନାଶିନୀ ।
ଏକା ଦ୍ଵିରୂପା ତ୍ରିଵିଧା ଅସଂଖ୍ଯାତା ସୁରେଶ୍ଵରୀ ॥ ୧୧॥

ସୁପ୍ରତିଷ୍ଠା ମହାଧାତ୍ରୀ ସ୍ଥିତିର୍ଵୃଦ୍ଧିର୍ଧ୍ରୁଵା ଗତିଃ ।
ଈଶ୍ଵରୀ ମହିମା ଋଦ୍ଧିଃ ପ୍ରମୋଦା ଉଜ୍ଜ୍ଵଲୋଦ୍ଯମା ॥ ୧୨॥

ଅକ୍ଷଯା ଵର୍ଦ୍ଧମାନା ଚ ସୁପ୍ରକାଶା ଵିହଙ୍ଗମା ।
ନୀରଜା ଜନନୀ ନିତ୍ଯା ଜଯା ରୋଚିଷ୍ମତୀ ଶୁଭା ॥ ୧୩॥

ତପୋନୁଦା ଚ ଜ୍ଵାଲା ଚ ସୁଦୀପ୍ତିଶ୍ଚାଂଶୁମାଲିନୀ ।
ଅପ୍ରମେଯା ତ୍ରିଧା ସୂକ୍ଷ୍ମା ପରା ନିର୍ଵାଣଦାଯିନୀ ॥ ୧୪॥

ଅଵଦାତା ସୁଶୁଦ୍ଧା ଚ ଅମୋଘାଖ୍ଯା ପରମ୍ପରା ।
ସଂଧାନକୀ ଶୁଦ୍ଧଵିଦ୍ଯା ସର୍ଵଭୂତମହେଶ୍ଵରୀ ॥ ୧୫॥

ଲକ୍ଷ୍ମୀସ୍ତୁଷ୍ଟିର୍ମହାଧୀରା ଶାନ୍ତିରାପୂରଣାନଵା ।
ଅନୁଗ୍ରହା ଶକ୍ତିରାଦ୍ଯା ଜଗଜ୍ଜ୍ଯେଷ୍ଠା ଜଗଦ୍ଵିଧିଃ ॥ ୧୬॥

ସତ୍ଯା ପ୍ରହ୍ଵା କ୍ରିଯା ଯୋଗ୍ଯା ଅପର୍ଣା ହ୍ଲାଦିନୀ ଶିଵା ।
ସମ୍ପୂର୍ଣାହ୍ଲାଦିନୀ ଶୁଦ୍ଧା ଜ୍ଯୋତିଷ୍ମତ୍ଯମୃତାଵହା ॥ ୧୭॥

ରଜୋଵତ୍ଯର୍କପ୍ରତିଭାଽଽକର୍ଷିଣୀ କର୍ଷିଣୀ ରସା ।
ପରା ଵସୁମତୀ ଦେଵୀ କାନ୍ତିଃ ଶାନ୍ତିର୍ମତିଃ କଲା ॥ ୧୮॥

କଲା କଲଙ୍କରହିତା ଵିଶାଲୋଦ୍ଦୀପନୀ ରତିଃ ।
ସମ୍ବୋଧିନୀ ହାରିଣୀ ଚ ପ୍ରଭାଵା ଭଵଭୂତିଦା ॥ ୧୯॥

ଅମୃତସ୍ଯନ୍ଦିନୀ ଜୀଵା ଜନନୀ ଖଣ୍ଡିକା ସ୍ଥିରା ।
ଧୂମା କଲାଵତୀ ପୂର୍ଣା ଭାସୁରା ସୁମତୀରସା ॥ ୨୦॥

ଶୁଦ୍ଧା ଧ୍ଵନିଃ ସୃତିଃ ସୃଷ୍ଟିର୍ଵିକୃତିଃ କୃଷ୍ଟିରେଵ ଚ ।
ପ୍ରାପଣୀ ପ୍ରାଣଦା ପ୍ରହ୍ଵା ଵିଶ୍ଵା ପାଣ୍ଡୁରଵାସିନୀ ॥ ୨୧॥

ଅଵନିର୍ଵଜ୍ରନଲିକା ଚିତ୍ରା ବ୍ରହ୍ମାଣ୍ଡଵାସିନୀ ।
ଅନନ୍ତରୂପାନନ୍ତାତ୍ମାନନ୍ତସ୍ଥାନନ୍ତସମ୍ଭଵା ॥ ୨୨॥

ମହାଶକ୍ତିଃ ପ୍ରାଣଶକ୍ତିଃ ପ୍ରାଣଦାତ୍ରୀ ଋତମ୍ଭରା ।
ମହାସମୂହା ନିଖିଲା ଇଚ୍ଛାଧାରା ସୁଖାଵହା ॥ ୨୩॥

ପ୍ରତ୍ଯକ୍ଷଲକ୍ଷ୍ମୀର୍ନିଷ୍କମ୍ପା ପ୍ରରୋହାବୁଦ୍ଧିଗୋଚରା ।
ନାନାଦେହା ମହାଵର୍ତା ବହୁଦେହଵିକାସିନୀ ॥ ୨୪॥

ସହସ୍ରାଣୀ ପ୍ରଧାନା ଚ ନ୍ଯାଯଵସ୍ତୁପ୍ରକାଶିକା ।
ସର୍ଵାଭିଲାଷପୂର୍ଣେଚ୍ଛା ସର୍ଵା ସର୍ଵାର୍ଥଭାଷିଣୀ ॥ ୨୫॥

ନାନାସ୍ଵରୂପଚିଦ୍ଧାତ୍ରୀ ଶବ୍ଦପୂର୍ଵା ପୁରାତନୀ ।
ଵ୍ଯକ୍ତାଵ୍ଯକ୍ତା ଜୀଵକେଶା ସର୍ଵେଚ୍ଛାପରିପୂରିତା ॥ ୨୬॥

ସଂକଲ୍ପସିଦ୍ଧା ସାଂଖ୍ଯେଯା ତତ୍ତ୍ଵଗର୍ଭା ଧରାଵହା ।
ଭୂତରୂପା ଚିତ୍ସ୍ଵରୂପା ତ୍ରିଗୁଣା ଗୁଣଗର୍ଵିତା ॥ ୨୭॥

ପ୍ରଜାପତୀଶ୍ଵରୀ ରୌଦ୍ରୀ ସର୍ଵାଧାରା ସୁଖାଵହା ।
କଲ୍ଯାଣଵାହିକା କଲ୍ଯା କଲିକଲ୍ମଷନାଶିନୀ ॥ ୨୮॥

ନୀରୂପୋଦ୍ଭିନ୍ନସଂତାନା ସୁଯନ୍ତ୍ରା ତ୍ରିଗୁଣାଲଯା ।
ମହାମାଯା ଯୋଗମାଯା ମହାଯୋଗେଶ୍ଵରୀ ପ୍ରିଯା ॥ ୨୯॥

ମହାସ୍ତ୍ରୀ ଵିମଲା କୀର୍ତିର୍ଜଯା ଲକ୍ଷ୍ମୀର୍ନିରଞ୍ଜନା ।
ପ୍ରକୃତିର୍ଭଗଵନ୍ମାଯା ଶକ୍ତିର୍ନିଦ୍ରା ଯଶସ୍କରୀ ॥ ୩୦॥

ଚିନ୍ତା ବୁଦ୍ଧିର୍ଯଶଃ ପ୍ରଜ୍ଞା ଶାନ୍ତିଃ ସୁପ୍ରୀତିଵର୍ଦ୍ଧିନୀ ।
ପ୍ରଦ୍ଯୁମ୍ନମାତା ସାଧ୍ଵୀ ଚ ସୁଖସୌଭାଗ୍ଯସିଦ୍ଧିଦା ॥ ୩୧॥

କାଷ୍ଠା ନିଷ୍ଠା ପ୍ରତିଷ୍ଠା ଚ ଜ୍ଯେଷ୍ଠା ଶ୍ରେଷ୍ଠା ଜଯାଵହା ।
ସର୍ଵାତିଶାଯିନୀ ପ୍ରୀତିର୍ଵିଶ୍ଵଶକ୍ତିର୍ମହାବଲା ॥ ୩୨॥

ଵରିଷ୍ଠା ଵିଜଯା ଵୀରା ଜଯନ୍ତୀ ଵିଜଯପ୍ରଦା ।
ହୃଦ୍ଗୃହା ଗୋପିନୀ ଗୁହ୍ଯା ଗଣଗନ୍ଧର୍ଵସେଵିତା ॥ ୩୩॥

ଯୋଗୀଶ୍ଵରୀ ଯୋଗମାଯା ଯୋଗିନୀ ଯୋଗସିଦ୍ଧିଦା ।
ମହାଯୋଗେଶ୍ଵରଵୃତା ଯୋଗା ଯୋଗେଶ୍ଵରପ୍ରିଯା ॥ ୩୪॥

ବ୍ରହ୍ମେନ୍ଦ୍ରରୁଦ୍ରନମିତା ସୁରାସୁରଵରପ୍ରଦା ।
ତ୍ରିଵର୍ତ୍ମଗା ତ୍ରିଲୋକସ୍ଥା ତ୍ରିଵିକ୍ରମପଦୋଦ୍ଭଵା ॥ ୩୫॥

ସୁତାରା ତାରିଣୀ ତାରା ଦୁର୍ଗା ସଂତାରିଣୀ ପରା ।
ସୁତାରିଣୀ ତାରଯନ୍ତୀ ଭୂରିତାରେଶ୍ଵରପ୍ରଭା ॥ ୩୬॥

ଗୁହ୍ଯଵିଦ୍ଯା ଯଜ୍ଞଵିଦ୍ଯା ମହାଵିଦ୍ଯା ସୁଶୋଭିତା ।
ଅଧ୍ଯାତ୍ମଵିଦ୍ଯା ଵିଘ୍ନେଶୀ ପଦ୍ମସ୍ଥା ପରମେଷ୍ଠିନୀ ॥ ୩୭॥

ଆନ୍ଵୀକ୍ଷିକୀ ତ୍ରଯୀ ଵାର୍ତା ଦଣ୍ଡନୀତିର୍ନଯାତ୍ମିକା ।
ଗୌରୀ ଵାଗୀଶ୍ଵରୀ ଗୋପ୍ତ୍ରୀ ଗାଯତ୍ରୀ କମଲୋଦ୍ଭଵା ॥ ୩୮॥

ଵିଶ୍ଵମ୍ଭରା ଵିଶ୍ଵରୂପା ଵିଶ୍ଵମାତା ଵସୁପ୍ରଦା ।
ସିଦ୍ଧିଃ ସ୍ଵାହା ସ୍ଵଧା ସ୍ଵସ୍ତିଃ ସୁଧା ସର୍ଵାର୍ଥସାଧିନୀ ॥ ୩୯॥

ଇଚ୍ଛା ସୃଷ୍ଟିର୍ଦ୍ଯୁତିର୍ଭୂତିଃ କୀର୍ତିଃ ଶ୍ରଦ୍ଧା ଦଯାମତିଃ ।
ଶ୍ରୁତିର୍ମେଧା ଧୃତିର୍ହ୍ରୀଃ ଶ୍ରୀର୍ଵିଦ୍ଯା ଵିବୁଧଵନ୍ଦିତା ॥ ୪୦॥

ଅନସୂଯା ଘୃଣା ନୀତିର୍ନିର୍ଵୃତିଃ କାମଧୁକ୍କରା ।
ପ୍ରତିଜ୍ଞା ସଂତତିର୍ଭୂତିର୍ଦ୍ଯୌଃ ପ୍ରଜ୍ଞା ଵିଶ୍ଵମାନିନୀ ॥ ୪୧॥

ସ୍ମୃତିର୍ଵାଗ୍ଵିଶ୍ଵଜନନୀ ପଶ୍ଯନ୍ତୀ ମଧ୍ଯମା ସମା ।
ସଂଧ୍ଯା ମେଧା ପ୍ରଭା ଭୀମା ସର୍ଵାକାରା ସରସ୍ଵତୀ ॥ ୪୨॥

କାଙ୍କ୍ଷା ମାଯା ମହାମାଯା ମୋହିନୀ ମାଧଵପ୍ରିଯା ।
ସୌମ୍ଯାଭୋଗା ମହାଭୋଗା ଭୋଗିନୀ ଭୋଗଦାଯିନୀ ॥ ୪୩॥

ସୁଧୌତକନକପ୍ରଖ୍ଯା ସୁଵର୍ଣକମଲାସନା ।
ହିରଣ୍ଯଗର୍ଭା ସୁଶ୍ରୋଣୀ ହାରିଣୀ ରମଣୀ ରମା ॥ ୪୪॥

ଚନ୍ଦ୍ରା ହିରଣ୍ମଯୀ ଜ୍ଯୋତ୍ସ୍ନା ରମ୍ଯା ଶୋଭା ଶୁଭାଵହା ।
ତ୍ରୈଲୋକ୍ଯମଣ୍ଡନା ନାରୀ ନରେଶ୍ଵରଵରାର୍ଚିତା ॥ ୪୫॥

ତ୍ରୈଲୋକ୍ଯସୁନ୍ଦରୀ ରାମା ମହାଵିଭଵଵାହିନୀ ।
ପଦ୍ମସ୍ଥା ପଦ୍ମନିଲଯା ପଦ୍ମମାଲାଵିଭୂଷିତା ॥ ୪୬॥

ପଦ୍ମଯୁଗ୍ମଧରା କାନ୍ତା ଦିଵ୍ଯାଭରଣଭୂଷିତା ।
ଵିଚିତ୍ରରତ୍ନମୁକୁଟା ଵିଚିତ୍ରାମ୍ବରଭୂଷଣା ॥ ୪୭॥

ଵିଚିତ୍ରମାଲ୍ଯଗନ୍ଧାଢ୍ଯା ଵିଚିତ୍ରାଯୁଧଵାହନା ।
ମହାନାରାଯଣୀ ଦେଵୀ ଵୈଷ୍ଣଵୀ ଵୀରଵନ୍ଦିତା ॥ ୪୮॥

କାଲସଂକର୍ଷିଣୀ ଘୋରା ତତ୍ତ୍ଵସଂକର୍ଷିଣୀକଲା ।
ଜଗତ୍ସମ୍ପୂରଣୀ ଵିଶ୍ଵା ମହାଵିଭଵଭୂଷଣା ॥ ୪୯॥

ଵାରୁଣୀ ଵରଦା ଵ୍ଯାଖ୍ଯା ଘଣ୍ଟାକର୍ଣଵିରାଜିତା ।
ନୃସିଂହୀ ଭୈରଵୀ ବ୍ରାହ୍ମୀ ଭାସ୍କରୀ ଵ୍ଯୋମଚାରିଣୀ ॥ ୫୦॥

ଐନ୍ଦ୍ରୀ କାମଧେନୁଃ ସୃଷ୍ଟିଃ କାମଯୋନିର୍ମହାପ୍ରଭା ।
ଦୃଷ୍ଟା କାମ୍ଯା ଵିଶ୍ଵଶକ୍ତିର୍ବୀଜଗତ୍ଯାତ୍ମଦର୍ଶନା ॥ ୫୧॥

ଗରୁଡାରୂଢହୃଦଯା ଚାନ୍ଦ୍ରୀ ଶ୍ରୀର୍ମଧୁରାନନା ।
ମହୋଗ୍ରରୂପା ଵାରାହୀ ନାରସିଂହୀ ହତାସୁରା ॥ ୫୨॥

ଯୁଗାନ୍ତହୁତଭୁଗ୍ଜ୍ଵାଲା କରାଲା ପିଙ୍ଗଲାକଲା ।
ତ୍ରୈଲୋକ୍ଯଭୂଷଣା ଭୀମା ଶ୍ଯାମା ତ୍ରୈଲୋକ୍ଯମୋହିନୀ ॥ ୫୩॥

ମହୋତ୍କଟା ମହାରକ୍ତା ମହାଚଣ୍ଡା ମହାସନା ।
ଶଙ୍ଖିନୀ ଲେଖିନୀ ସ୍ଵସ୍ଥା ଲିଖିତା ଖେଚରେଶ୍ଵରୀ ॥ ୫୪॥

ଭଦ୍ରକାଲୀ ଚୈକଵୀରା କୌମାରୀ ଭଵମାଲିନୀ ।
କଲ୍ଯାଣୀ କାମଧୁଗ୍ଜ୍ଵାଲାମୁଖୀ ଚୋତ୍ପଲମାଲିକା ॥ ୫୫॥

ବାଲିକା ଧନଦା ସୂର୍ଯା ହୃଦଯୋତ୍ପଲମାଲିକା ।
ଅଜିତା ଵର୍ଷିଣୀ ରୀତିର୍ଭରୁଣ୍ଡା ଗରୁଡାସନା ॥ ୫୬॥

ଵୈଶ୍ଵାନରୀ ମହାମାଯା ମହାକାଲୀ ଵିଭୀଷଣା ।
ମହାମନ୍ଦାରଵିଭଵା ଶିଵାନନ୍ଦା ରତିପ୍ରିଯା ॥ ୫୭॥

ଉଦ୍ରୀତିଃ ପଦ୍ମମାଲା ଚ ଧର୍ମଵେଗା ଵିଭାଵନୀ ।
ସତ୍କ୍ରିଯା ଦେଵସେନା ଚ ହିରଣ୍ଯରଜତାଶ୍ରଯା ॥ ୫୮॥

ସହସାଵର୍ତମାନା ଚ ହସ୍ତିନାଦପ୍ରବୋଧିନୀ ।
ହିରଣ୍ଯପଦ୍ମଵର୍ଣା ଚ ହରିଭଦ୍ରା ସୁଦୁର୍ଦ୍ଧରା ॥ ୫୯॥

ସୂର୍ଯା ହିରଣ୍ଯପ୍ରକଟସଦୃଶୀ ହେମମାଲିନୀ ।
ପଦ୍ମାନନା ନିତ୍ଯପୁଷ୍ଟା ଦେଵମାତା ମୃତୋଦ୍ଭଵା ॥ ୬୦॥

ମହାଧନା ଚ ଯା ଶୃଙ୍ଗୀ କର୍ଦ୍ଦମୀ କମ୍ବୁକନ୍ଧରା ।
ଆଦିତ୍ଯଵର୍ଣା ଚନ୍ଦ୍ରାଭା ଗନ୍ଧଦ୍ଵାରା ଦୁରାସଦା ॥ ୬୧॥

ଵରାଚିତା ଵରାରୋହା ଵରେଣ୍ଯା ଵିଷ୍ଣୁଵଲ୍ଲଭା ।
କଲ୍ଯାଣୀ ଵରଦା ଵାମା ଵାମେଶୀ ଵିନ୍ଧ୍ଯଵାସିନୀ ॥ ୬୨॥

ଯୋଗନିଦ୍ରା ଯୋଗରତା ଦେଵକୀ କାମରୂପିଣୀ ।
କଂସଵିଦ୍ରାଵିଣୀ ଦୁର୍ଗା କୌମାରୀ କୌଶିକୀ କ୍ଷମା ॥ ୬୩॥

କାତ୍ଯାଯନୀ କାଲରାତ୍ରିର୍ନିଶିତୃପ୍ତା ସୁଦୁର୍ଜଯା ।
ଵିରୂପାକ୍ଷୀ ଵିଶାଲାକ୍ଷୀ ଭକ୍ତାନାଂପରିରକ୍ଷିଣୀ ॥ ୬୪॥

ବହୁରୂପା ସ୍ଵରୂପା ଚ ଵିରୂପା ରୂପଵର୍ଜିତା ।
ଘଣ୍ଟାନିନାଦବହୁଲା ଜୀମୂତଧ୍ଵନିନିଃସ୍ଵନା ॥ ୬୫॥

ମହାଦେଵେନ୍ଦ୍ରମଥିନୀ ଭ୍ରୁକୁଟୀକୁଟିଲାନନା ।
ସତ୍ଯୋପଯାଚିତା ଚୈକା କୌବେରୀ ବ୍ରହ୍ମଚାରିଣୀ ॥ ୬୬॥

ଆର୍ଯା ଯଶୋଦା ସୁତଦା ଧର୍ମକାମାର୍ଥମୋକ୍ଷଦା ।
ଦାରିଦ୍ର୍ଯଦୁଃଖଶମନୀ ଘୋରଦୁର୍ଗାର୍ତିନାଶିନୀ ॥ ୬୭॥

ଭକ୍ତାର୍ତିଶମନୀ ଭଵ୍ଯା ଭଵଭର୍ଗାପହାରିଣୀ ।
କ୍ଷୀରାବ୍ଧିତନଯା ପଦ୍ମା କମଲା ଧରଣୀଧରା ॥ ୬୮॥

ରୁକ୍ମିଣୀ ରୋହିଣୀ ସୀତା ସତ୍ଯଭାମା ଯଶସ୍ଵିନୀ ।
ପ୍ରଜ୍ଞାଧାରାମିତପ୍ରଜ୍ଞା ଵେଦମାତା ଯଶୋଵତୀ ॥ ୬୯॥

ସମାଧିର୍ଭାଵନା ମୈତ୍ରୀ କରୁଣା ଭକ୍ତଵତ୍ସଲା ।
ଅନ୍ତର୍ଵେଦୀ ଦକ୍ଷିଣା ଚ ବ୍ରହ୍ମଚର୍ଯପରାଗତିଃ ॥ ୭୦॥

ଦୀକ୍ଷା ଵୀକ୍ଷା ପରୀକ୍ଷା ଚ ସମୀକ୍ଷା ଵୀରଵତ୍ସଲା ।
ଅମ୍ବିକା ସୁରଭିଃ ସିଦ୍ଧା ସିଦ୍ଧଵିଦ୍ଯାଧରାର୍ଚିତା ॥ ୭୧॥

ସୁଦୀକ୍ଷା ଲେଲିହାନା ଚ କରାଲା ଵିଶ୍ଵପୂରକା ।
ଵିଶ୍ଵସଂଧାରିଣୀ ଦୀପ୍ତିସ୍ତାପନୀ ତାଣ୍ଡଵପ୍ରିଯା ॥ ୭୨॥

ଉଦ୍ଭଵା ଵିରଜା ରାଜ୍ଞୀ ତାପନୀ ବିନ୍ଦୁମାଲିନୀ ।
କ୍ଷୀରଧାରାସୁପ୍ରଭାଵା ଲୋକମାତା ସୁଵର୍ଚସା ॥ ୭୩॥

ହଵ୍ଯଗର୍ଭା ଚାଜ୍ଯଗର୍ଭା ଜୁହ୍ଵତୋଯଜ୍ଞସମ୍ଭଵା ।
ଆପ୍ଯାଯନୀ ପାଵନୀ ଚ ଦହନୀ ଦହନାଶ୍ରଯା ॥ ୭୪॥

ମାତୃକା ମାଧଵୀ ମୁଖ୍ଯା ମୋକ୍ଷଲକ୍ଷ୍ମୀର୍ମହର୍ଦ୍ଧିଦା ।
ସର୍ଵକାମପ୍ରଦା ଭଦ୍ରା ସୁଭଦ୍ରା ସର୍ଵମଙ୍ଗଲା ॥ ୭୫॥

ଶ୍ଵେତା ସୁଶୁକ୍ଲଵସନା ଶୁକ୍ଲମାଲ୍ଯାନୁଲେପନା ।
ହଂସା ହୀନକରୀ ହଂସୀ ହୃଦ୍ଯା ହୃତ୍କମଲାଲଯା ॥ ୭୬॥

ସିତାତପତ୍ରା ସୁଶ୍ରୋଣୀ ପଦ୍ମପତ୍ରାଯତେକ୍ଷଣା ।
ସାଵିତ୍ରୀ ସତ୍ଯସଂକଲ୍ପା କାମଦା କାମକାମିନୀ ॥ ୭୭॥

ଦର୍ଶନୀଯା ଦୃଶା ଦୃଶ୍ଯା ସ୍ପୃଶ୍ଯା ସେଵ୍ଯା ଵରାଙ୍ଗନା ।
ଭୋଗପ୍ରିଯା ଭୋଗଵତୀ ଭୋଗୀନ୍ଦ୍ରଶଯନାସନା ॥ ୭୮॥

ଆର୍ଦ୍ରା ପୁଷ୍କରିଣୀ ପୁଣ୍ଯା ପାଵନୀ ପାପସୂଦନୀ ।
ଶ୍ରୀମତୀ ଚ ଶୁଭାକାରା ପରମୈଶ୍ଵର୍ଯଭୂତିଦା ॥ ୭୯॥

ଅଚିନ୍ତ୍ଯାନନ୍ତଵିଭଵା ଭଵଭାଵଵିଭାଵନୀ ।
ନିଶ୍ରେଣିଃ ସର୍ଵଦେହସ୍ଥା ସର୍ଵଭୂତନମସ୍କୃତା ॥ ୮୦॥

ବଲା ବଲାଧିକା ଦେଵୀ ଗୌତମୀ ଗୋକୁଲାଲଯା ।
ତୋଷିଣୀ ପୂର୍ଣଚନ୍ଦ୍ରାଭା ଏକାନନ୍ଦା ଶତାନନା ॥ ୮୧॥

ଉଦ୍ଯାନନଗରଦ୍ଵାରହର୍ମ୍ଯୋପଵନଵାସିନୀ ।
କୂଷ୍ମାଣ୍ଡା ଦାରୁଣା ଚଣ୍ଡା କିରାତୀ ନନ୍ଦନାଲଯା ॥ ୮୨॥

କାଲାଯନା କାଲଗମ୍ଯା ଭଯଦା ଭଯନାଶିନୀ ।
ସୌଦାମନୀ ମେଘରଵା ଦୈତ୍ଯଦାନଵମର୍ଦିନୀ ॥ ୮୩॥

ଜଗନ୍ମାତା ଭଯକରୀ ଭୂତଧାତ୍ରୀ ସୁଦୁର୍ଲଭା ।
କାଶ୍ଯପୀ ଶୁଭଦାତା ଚ ଵନମାଲା ଶୁଭାଵରା ॥ ୮୪॥

ଧନ୍ଯା ଧନ୍ଯେଶ୍ଵରୀ ଧନ୍ଯା ରତ୍ନଦା ଵସୁଵର୍ଦ୍ଧିନୀ ।
ଗାନ୍ଧର୍ଵୀ ରେଵତୀ ଗଙ୍ଗା ଶକୁନୀ ଵିମଲାନନା ॥ ୮୫॥

ଇଡା ଶାନ୍ତିକରୀ ଚୈଵ ତାମସୀ କମଲାଲଯା ।
ଆଜ୍ଯପା ଵଜ୍ରକୌମାରୀ ସୋମପା କୁସୁମାଶ୍ରଯା ॥ ୮୬॥

ଜଗତ୍ପ୍ରିଯା ଚ ସରଥା ଦୁର୍ଜଯା ଖଗଵାହନା ।
ମନୋଭଵା କାମଚାରା ସିଦ୍ଧଚାରଣସେଵିତା ॥ ୮୭॥

ଵ୍ଯୋମଲକ୍ଷ୍ମୀର୍ମହାଲକ୍ଷ୍ମୀସ୍ତେଜୋଲକ୍ଷ୍ମୀଃ ସୁଜାଜ୍ଵଲା ।
ରସଲକ୍ଷ୍ମୀର୍ଜଗଦ୍ଯୋନିର୍ଗନ୍ଧଲକ୍ଷ୍ମୀର୍ଵନାଶ୍ରଯା ॥ ୮୮॥

ଶ୍ରଵଣା ଶ୍ରାଵଣୀ ନେତ୍ରୀ ରସନାପ୍ରାଣଚାରିଣୀ ।
ଵିରିଞ୍ଚିମାତା ଵିଭଵା ଵରଵାରିଜଵାହନା ॥ ୮୯॥

ଵୀର୍ଯା ଵୀରେଶ୍ଵରୀ ଵନ୍ଦ୍ଯା ଵିଶୋକା ଵସୁଵର୍ଦ୍ଧିନୀ ।
ଅନାହତା କୁଣ୍ଡଲିନୀ ନଲିନୀ ଵନଵାସିନୀ ॥ ୯୦॥

ଗାନ୍ଧାରିଣୀନ୍ଦ୍ରନମିତା ସୁରେନ୍ଦ୍ରନମିତା ସତୀ ।
ସର୍ଵମଙ୍ଗଲ୍ଯମାଙ୍ଗଲ୍ଯା ସର୍ଵକାମସମୃଦ୍ଧିଦା ॥ ୯୧॥

ସର୍ଵାନନ୍ଦା ମହାନନ୍ଦା ସତ୍କୀର୍ତିଃ ସିଦ୍ଧସେଵିତା ।
ସିନୀଵାଲୀ କୁହୂ ରାକା ଅମା ଚାନୁମତିର୍ଦ୍ଯୁତିଃ ॥ ୯୨॥

ଅରୁନ୍ଧତୀ ଵସୁମତୀ ଭାର୍ଗଵୀ ଵାସ୍ତୁଦେଵତା ।
ମାଯୂରୀ ଵଜ୍ରଵେତାଲୀ ଵଜ୍ରହସ୍ତା ଵରାନନା ॥ ୯୩॥

ଅନଘା ଧରଣିର୍ଧୀରା ଧମନୀ ମଣିଭୂଷଣା ।
ରାଜଶ୍ରୀ ରୂପସହିତା ବ୍ରହ୍ମଶ୍ରୀର୍ବ୍ରହ୍ମଵନ୍ଦିତା ॥ ୯୪॥

ଜଯଶ୍ରୀର୍ଜଯଦା ଜ୍ଞେଯା ସର୍ଗଶ୍ରୀଃ ସ୍ଵର୍ଗତିଃ ସତାମ୍ ।
ସୁପୁଷ୍ପା ପୁଷ୍ପନିଲଯା ଫଲଶ୍ରୀର୍ନିଷ୍କଲପ୍ରିଯା ॥ ୯୫॥

ଧନୁର୍ଲକ୍ଷ୍ମୀସ୍ତ୍ଵମିଲିତା ପରକ୍ରୋଧନିଵାରିଣୀ ।
କଦ୍ରୂର୍ଦ୍ଧନାଯୁଃ କପିଲା ସୁରସା ସୁରମୋହିନୀ ॥ ୯୬॥

ମହାଶ୍ଵେତା ମହାନୀଲା ମହାମୂର୍ତିର୍ଵିଷାପହା ।
ସୁପ୍ରଭା ଜ୍ଵାଲିନୀ ଦୀପ୍ତିସ୍ତୃପ୍ତିର୍ଵ୍ଯାପ୍ତିଃ ପ୍ରଭାକରୀ ॥ ୯୭॥

ତେଜୋଵତୀ ପଦ୍ମବୋଧା ମଦଲେଖାରୁଣାଵତୀ ।
ରତ୍ନା ରତ୍ନାଵଲୀ ଭୂତା ଶତଧାମା ଶତାପହା ॥ ୯୮॥

ତ୍ରିଗୁଣା ଘୋଷିଣୀ ରକ୍ଷ୍ଯା ନର୍ଦ୍ଦିନୀ ଘୋଷଵର୍ଜିତା ।
ସାଧ୍ଯା ଦିତିର୍ଦିତିଦେଵୀ ମୃଗଵାହା ମୃଗାଙ୍କଗା ॥ ୯୯॥

ଚିତ୍ରନୀଲୋତ୍ପଲଗତା ଵୃଷରତ୍ନକରାଶ୍ରଯା ।
ହିରଣ୍ଯରଜତଦ୍ଵନ୍ଦ୍ଵା ଶଙ୍ଖଭଦ୍ରାସନାସ୍ଥିତା ॥ ୧୦୦॥

ଗୋମୂତ୍ରଗୋମଯକ୍ଷୀରଦଧିସର୍ପିର୍ଜଲାଶ୍ରଯା ।
ମରୀଚିଶ୍ଚୀରଵସନା ପୂର୍ଣା ଚନ୍ଦ୍ରାର୍କଵିଷ୍ଟରା ॥ ୧୦୧॥

ସୁସୂକ୍ଷ୍ମା ନିର୍ଵୃତିଃ ସ୍ଥୂଲା ନିଵୃତ୍ତାରାତିରେଵ ଚ ।
ମରୀଚିଜ୍ଵାଲିନୀ ଧୂମ୍ରା ହଵ୍ଯଵାହା ହିରଣ୍ଯଦା ॥ ୧୦୨॥

ଦାଯିନୀ କାଲିନୀ ସିଦ୍ଧିଃ ଶୋଷିଣୀ ସମ୍ପ୍ରବୋଧିନୀ ।
ଭାସ୍ଵରା ସଂହତିସ୍ତୀକ୍ଷ୍ଣା ପ୍ରଚଣ୍ଡଜ୍ଵଲନୋଜ୍ଜ୍ଵଲା ॥ ୧୦୩॥

ସାଙ୍ଗା ପ୍ରଚଣ୍ଡା ଦୀପ୍ତା ଚ ଵୈଦ୍ଯୁତିଃ ସୁମହାଦ୍ଯୁତିଃ ।
କପିଲା ନୀଲରକ୍ତା ଚ ସୁଷୁମ୍ଣା ଵିସ୍ଫୁଲିଙ୍ଗିନୀ ॥ ୧୦୪॥

ଅର୍ଚିଷ୍ମତୀ ରିପୁହରା ଦୀର୍ଘା ଧୂମାଵଲୀ ଜରା ।
ସମ୍ପୂର୍ଣମଣ୍ଡଲା ପୂଷା ସ୍ରଂସିନୀ ସୁମନୋହରା ॥ ୧୦୫॥

ଜଯା ପୁଷ୍ଟିକରୀଚ୍ଛାଯା ମାନସା ହୃଦଯୋଜ୍ଜ୍ଵଲା ।
ସୁଵର୍ଣକରଣୀ ଶ୍ରେଷ୍ଠା ମୃତସଂଜୀଵିନୀରଣେ ॥ ୧୦୬॥

ଵିଶଲ୍ଯକରଣୀ ଶୁଭ୍ରା ସଂଧିନୀ ପରମୌଷଧିଃ ।
ବ୍ରହ୍ମିଷ୍ଠା ବ୍ରହ୍ମସହିତା ଐନ୍ଦଵୀ ରତ୍ନସମ୍ଭଵା ॥ ୧୦୭॥

ଵିଦ୍ଯୁତ୍ପ୍ରଭା ବିନ୍ଦୁମତୀ ତ୍ରିସ୍ଵଭାଵଗୁଣାମ୍ବିକା ।
ନିତ୍ଯୋଦିତା ନିତ୍ଯହୃଷ୍ଟା ନିତ୍ଯକାମକରୀଷିଣୀ ॥ ୧୦୮॥

ପଦ୍ମାଙ୍କା ଵଜ୍ରଚିହ୍ନା ଚ ଵକ୍ରଦଣ୍ଡଵିଭାସିନୀ ।
ଵିଦେହପୂଜିତା କନ୍ଯା ମାଯା ଵିଜଯଵାହିନୀ ॥ ୧୦୯॥

ମାନିନୀ ମଙ୍ଗଲା ମାନ୍ଯା ମାଲିନୀ ମାନଦାଯିନୀ ।
ଵିଶ୍ଵେଶ୍ଵରୀ ଗଣଵତୀ ମଣ୍ଡଲା ମଣ୍ଡଲେଶ୍ଵରୀ ॥ ୧୧୦॥

ହରିପ୍ରିଯା ଭୌମସୁତା ମନୋଜ୍ଞା ମତିଦାଯିନୀ ।
ପ୍ରତ୍ଯଙ୍ଗିରା ସୋମଗୁପ୍ତା ମନୋଽଭିଜ୍ଞା ଵଦନ୍ମତିଃ ॥ ୧୧୧॥

ଯଶୋଧରା ରତ୍ନମାଲା କୃଷ୍ଣା ତ୍ରୈଲୋକ୍ଯବନ୍ଧନୀ ।
ଅମୃତା ଧାରିଣୀ ହର୍ଷା ଵିନତା ଵଲ୍ଲକୀ ଶଚୀ ॥ ୧୧୨॥

ସଂକଲ୍ପା ଭାମିନୀ ମିଶ୍ରା କାଦମ୍ବର୍ଯମୃତପ୍ରଭା ।
ଅଗତା ନିର୍ଗତା ଵଜ୍ରା ସୁହିତା ସଂହିତାକ୍ଷତା ॥ ୧୧୩॥

ସର୍ଵାର୍ଥସାଧନକରୀ ଧାତୁର୍ଧାରଣିକାମଲା ।
କରୁଣାଧାରସମ୍ଭୂତା କମଲାକ୍ଷୀ ଶଶିପ୍ରିଯା ॥ ୧୧୪॥

ସୌମ୍ଯରୂପା ମହାଦୀପ୍ତା ମହାଜ୍ଵାଲା ଵିକାଶିନୀ ।
ମାଲା କାଞ୍ଚନମାଲା ଚ ସଦ୍ଵଜ୍ରା କନକପ୍ରଭା ॥ ୧୧୫॥

ପ୍ରକ୍ରିଯା ପରମା ଯୋକ୍ତ୍ରୀ କ୍ଷୋଭିକା ଚ ସୁଖୋଦଯା ।
ଵିଜୃମ୍ଭଣା ଚ ଵଜ୍ରାଖ୍ଯା ଶୃଙ୍ଖଲା କମଲେକ୍ଷଣା ॥ ୧୧୬॥

ଜଯଂକରୀ ମଧୁମତୀ ହରିତା ଶଶିନୀ ଶିଵା ।
ମୂଲପ୍ରକୃତିରୀଶାନୀ ଯୋଗମାତା ମନୋଜଵା ॥ ୧୧୭॥

ଧର୍ମୋଦଯା ଭାନୁମତୀ ସର୍ଵାଭାସା ସୁଖାଵହା ।
ଧୁରନ୍ଧରା ଚ ବାଲା ଚ ଧର୍ମସେଵ୍ଯା ତଥାଗତା ॥ ୧୧୮॥

ସୁକୁମାରା ସୌମ୍ଯମୁଖୀ ସୌମ୍ଯସମ୍ବୋଧନୋତ୍ତମା ।
ସୁମୁଖୀ ସର୍ଵତୋଭଦ୍ରା ଗୁହ୍ଯଶକ୍ତିର୍ଗୁହାଲଯା ॥ ୧୧୯॥

ହଲାଯୁଧା ଚୈକଵୀରା ସର୍ଵଶସ୍ତ୍ରସୁଧାରିଣୀ ।
ଵ୍ଯୋମଶକ୍ତିର୍ମହାଦେହା ଵ୍ଯୋମଗା ମଧୁମନ୍ମଯୀ ॥ ୧୨୦॥

ଗଙ୍ଗା ଵିତସ୍ତା ଯମୁନା ଚନ୍ଦ୍ରଭାଗା ସରସ୍ଵତୀ ।
ତିଲୋତ୍ତମୋର୍ଵଶୀ ରମ୍ଭା ସ୍ଵାମିନୀ ସୁରସୁନ୍ଦରୀ ॥ ୧୨୧॥

ବାଣପ୍ରହରଣାଵାଲା ବିମ୍ବୋଷ୍ଠୀ ଚାରୁହାସିନୀ ।
କକୁଦ୍ମିନୀ ଚାରୁପୃଷ୍ଠା ଦୃଷ୍ଟାଦୃଷ୍ଟଫଲପ୍ରଦା ॥ ୧୨୨॥

କାମ୍ଯାଚରୀ ଚ କାମ୍ଯା ଚ କାମାଚାରଵିହାରିଣୀ ।
ହିମଶୈଲେନ୍ଦ୍ରସଂକାଶା ଗଜେନ୍ଦ୍ରଵରଵାହନା ॥ ୧୨୩॥

ଅଶେଷସୁଖସୌଭାଗ୍ଯସମ୍ପଦା ଯୋନିରୁତ୍ତମା ।
ସର୍ଵୋତ୍କୃଷ୍ଟା ସର୍ଵମଯୀ ସର୍ଵା ସର୍ଵେଶ୍ଵରପ୍ରିଯା ॥ ୧୨୪॥

ସର୍ଵାଙ୍ଗଯୋନିଃ ସାଵ୍ଯକ୍ତା ସମ୍ପ୍ରଧାନେଶ୍ଵରେଶ୍ଵରୀ ।
ଵିଷ୍ଣୁଵକ୍ଷଃସ୍ଥଲଗତା କିମତଃ ପରମୁଚ୍ଯତେ ॥ ୧୨୫॥

ପରା ନିର୍ମହିମା ଦେଵୀ ହରିଵକ୍ଷଃସ୍ଥଲାଶ୍ରଯା ।
ସା ଦେଵୀ ପାପହନ୍ତ୍ରୀ ଚ ସାନ୍ନିଧ୍ଯଂ କୁରୁତାନ୍ମମ ॥ ୧୨୬॥

ଇତି ନାମ୍ନାଂ ସହସ୍ରଂ ତୁ ଲକ୍ଷ୍ମ୍ଯାଃ ପ୍ରୋକ୍ତଂ ଶୁଭାଵହମ୍ ।
ପରାଵରେଣ ଭେଦେନ ମୁଖ୍ଯଗୌଣେନ ଭାଗତଃ ॥ ୧୨୭॥

ଯଶ୍ଚୈତତ୍ କୀର୍ତଯେନ୍ନିତ୍ଯଂ ଶୃଣୁଯାଦ୍ ଵାପି ପଦ୍ମଜ ।
ଶୁଚିଃ ସମାହିତୋ ଭୂତ୍ଵା ଭକ୍ତିଶ୍ରଦ୍ଧାସମନ୍ଵିତଃ ॥ ୧୨୮॥

ଶ୍ରୀନିଵାସଂ ସମଭ୍ଯର୍ଚ୍ଯ ପୁଷ୍ପଧୂପାନୁଲେପନୈଃ ।
ଭୋଗୈଶ୍ଚ ମଧୁପର୍କାଦ୍ଯୈର୍ଯଥାଶକ୍ତି ଜଗଦ୍ଗୁରୁମ୍ ॥ ୧୨୯॥

ତତ୍ପାର୍ଶ୍ଵସ୍ଥାଂ ଶ୍ରିଯଂ ଦେଵୀଂ ସମ୍ପୂଜ୍ଯ ଶ୍ରୀଧରପ୍ରିଯାମ୍ ।
ତତୋ ନାମସହସ୍ରୋଣ ତୋଷଯେତ୍ ପରମେଶ୍ଵରୀମ୍ ॥ ୧୩୦॥

ନାମରତ୍ନାଵଲୀସ୍ତୋତ୍ରମିଦଂ ଯଃ ସତତଂ ପଠେତ୍ ।
ପ୍ରସାଦାଭିମୁଖୀଲକ୍ଷ୍ମୀଃ ସର୍ଵଂ ତସ୍ମୈ ପ୍ରଯଚ୍ଛତି ॥ ୧୩୧॥

ଯସ୍ଯା ଲକ୍ଷ୍ମ୍ଯାଶ୍ଚ ସମ୍ଭୂତାଃ ଶକ୍ତଯୋ ଵିଶ୍ଵଗାଃ ସଦା ।
କାରଣତ୍ଵେ ନ ତିଷ୍ଠନ୍ତି ଜଗତ୍ଯସ୍ମିଂଶ୍ଚରାଚରେ ॥ ୧୩୨॥

ତସ୍ମାତ୍ ପ୍ରୀତା ଜଗନ୍ମାତା ଶ୍ରୀର୍ଯସ୍ଯାଚ୍ଯୁତଵଲ୍ଲଭା ।
ସୁପ୍ରୀତାଃ ଶକ୍ତଯସ୍ତସ୍ଯ ସିଦ୍ଧିମିଷ୍ଟାଂ ଦିଶନ୍ତି ହି ॥ ୧୩୩॥

ଏକ ଏଵ ଜଗତ୍ସ୍ଵାମୀ ଶକ୍ତିମାନଚ୍ଯୁତଃ ପ୍ରଭୁଃ ।
ତଦଂଶଶକ୍ତିମନ୍ତୋଽନ୍ଯେ ବ୍ରହ୍ମେଶାନାଦଯୋ ଯଥା ॥ ୧୩୪॥

ତଥୈଵୈକା ପରା ଶକ୍ତିଃ ଶ୍ରୀସ୍ତସ୍ଯ କରୁଣାଶ୍ରଯା ।
ଜ୍ଞାନାଦିଷାଙ୍ଗୁଣ୍ଯମଯୀ ଯା ପ୍ରୋକ୍ତା ପ୍ରକୃତିଃ ପରା ॥ ୧୩୫॥

ଏକୈଵ ଶକ୍ତିଃ ଶ୍ରୀସ୍ତସ୍ଯା ଦ୍ଵିତୀଯାତ୍ମନି ଵର୍ତତେ ।
ପରା ପରେଶୀ ସର୍ଵେଶୀ ସର୍ଵାକାରା ସନାତନୀ ॥ ୧୩୬॥

ଅନନ୍ତନାମଧେଯା ଚ ଶକ୍ତିଚକ୍ରସ୍ଯ ନାଯିକା ।
ଜଗଚ୍ଚରାଚରମିଦଂ ସର୍ଵଂ ଵ୍ଯାପ୍ଯ ଵ୍ଯଵସ୍ଥିତା ॥ ୧୩୭॥

ତସ୍ମାଦେକୈଵ ପରମା ଶ୍ରୀର୍ଜ୍ଞେଯା ଵିଶ୍ଵରୂପିଣୀ ।
ସୌମ୍ଯା ସୌମ୍ଯେନ ରୂପେଣ ସଂସ୍ଥିତା ନଟଜୀଵଵତ୍ ॥ ୧୩୮॥

ଯୋ ଯୋ ଜଗତି ପୁମ୍ଭାଵଃ ସ ଵିଷ୍ଣୁରିତି ନିଶ୍ଚଯଃ ।
ଯା ଯା ତୁ ନାରୀଭାଵସ୍ଥା ତତ୍ର ଲକ୍ଷ୍ମୀର୍ଵ୍ଯଵସ୍ଥିତା ॥ ୧୩୯॥

ପ୍ରକୃତେଃ ପୁରୁଷାଚ୍ଚାନ୍ଯସ୍ତୃତୀଯୋ ନୈଵ ଵିଦ୍ଯତେ ।
ଅଥ କିଂ ବହୁନୋକ୍ତେନ ନରନାରୀମଯୋ ହରିଃ ॥ ୧୪୦॥

ଅନେକଭେଦଭିନ୍ନସ୍ତୁ କ୍ରିଯତେ ପରମେଶ୍ଵରଃ ।
ମହାଵିଭୂତିଂ ଦଯିତାଂ ଯେ ସ୍ତୁଵନ୍ତ୍ଯଚ୍ଯୁତପ୍ରିଯାମ୍ ॥ ୧୪୧॥

ତେ ପ୍ରାପ୍ନୁଵନ୍ତି ପରମାଂ ଲକ୍ଷ୍ମୀଂ ସଂଶୁଦ୍ଧଚେତସଃ ।
ପଦ୍ମଯୋନିରିଦଂ ପ୍ରାପ୍ଯ ପଠନ୍ ସ୍ତୋତ୍ରମିଦଂ କ୍ରମାତ୍ ॥ ୧୪୨॥

ଦିଵ୍ଯମଷ୍ଟଗୁଣୈଶ୍ଵର୍ଯଂ ତତ୍ପ୍ରସାଦାଚ୍ଚ ଲବ୍ଧଵାନ୍ ।
ସକାମାନାଂ ଚ ଫଲଦାମକାମାନାଂ ଚ ମୋକ୍ଷଦାମ୍ ॥ ୧୪୩॥

ପୁସ୍ତକାଖ୍ଯାଂ ଭଯତ୍ରାତ୍ରୀଂ ସିତଵସ୍ତ୍ରାଂ ତ୍ରିଲୋଚନାମ୍ ।
ମହାପଦ୍ମନିଷଣ୍ଣାଂ ତାଂ ଲକ୍ଷ୍ମୀମଜରତାଂ ନମଃ ॥ ୧୪୪॥

କରଯୁଗଲଗୃହୀତଂ ପୂର୍ଣକୁମ୍ଭଂ ଦଧାନା
କ୍ଵଚିଦମଲଗତସ୍ଥା ଶଙ୍ଖପଦ୍ମାକ୍ଷପାଣିଃ ।
କ୍ଵଚିଦପି ଦଯିତାଙ୍ଗେ ଚାମରଵ୍ଯଗ୍ରହସ୍ତା
କ୍ଵଚିଦପି ସୃଣିପାଶଂ ବିଭ୍ରତୀ ହେମକାନ୍ତିଃ ॥ ୧୪୫॥

॥ ଇତ୍ଯାଦିବ୍ରହ୍ମପୁରାଣେ କାଶ୍ମୀରଵର୍ଣନେ ହିରଣ୍ଯଗର୍ଭହୃଦଯେ

ସର୍ଵକାମପ୍ରଦାଯକଂ ପୁରୁଷୋତ୍ତମପ୍ରୋକ୍ତଂ
ଶ୍ରୀଲକ୍ଷ୍ମୀସହସ୍ରନାମସ୍ତୋତ୍ରଂ ସମାପ୍ତମ୍ ॥


Visit http://www.webdunia.com for additional texts with Hindi meanings.
Corrected by Kirk Wortman kirkwort@hotmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Mahalakshmi Sahasranama Stotram Lyrics in Oriya PDF
% File name : mahaalaxmisahasra.itx
% Category : sahasranAma
% Location : doc\_devii
% Language : Sanskrit
% Subject : hinduism/religion
% Transliterated by : http://www.webdunia.com Corrected by Kirk Wortman
% Proofread by : Kirk Wortman
% Latest update : August 13, 2002
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website